Adriatik BALLA
Në Zvicër luan një kontigjent i madh lojtarësh shqiptarë. Ata kanë cilësi dhe angazhohen me të gjitha ekipet e superligës atje. Ka shumë shqiptarë, gjithashtu, në kategoritë e tjera inferiore në Zvicër. Në përgjithësi, imazhi i lojtarëve shqiptarë në Zvicër është shumë i mirë por askush më shumë se Granit Xhaka dhe Xherdan Shaqiri nuk ka kontribuar në këtë imazh. Ka pasur lojtarë të mirë shqiptarë në radhët e Zvicrës dhe më parë si Mehmedi, Behrami, Kasami etj, por asnjë prej tyre nuk e ka arritur këtë nivel futbolli dhe këtë nivel reklamimi. Ata janë gjithashtu ambasadorë shumë të mirë të shqiptarëve në perëndim. Por mes tyre ka dhe rivalitet për trofetë, ku natyrshëm Xhaka dhe Shaqiri duelojnë për më të mirin e vitit në futbollin zviceran. Gara duket se ka ndarë edhe shqiptarët për më të mirin mes tyre.
“The Best”
Në Bernë më 12 janar të vitit të ardhshëm do të shpallen futbollistët më të mirë për vitin 2025 në Zvicër. Granit Xhaka dhe Xherdan Shaqiri janë të nominuar për të fituar çmime të tjera dhe me shumë gjasë kandidatët kryesorë në kategoritë përkatëse. Në garë për të fituar çmim janë edhe Shkëlqim Demhasaj dhe Valon Fazliu. Nominimet janë publikuar të premten. Xhaka është i nominuar në njërën prej kategorive kryesore, atë për futbollistin më të mirë të Zvicrës. Në konkurrencë me kapitenin e Përfaqësueses së Zvicrës dhe Sanderlandit, janë Manuel Akanji dhe Dan Ndoje. Te futbollistet në konkurrencë janë Geraldine Reuteler, Sydney Shertenleib dhe Lia Valti. Xhaka e ka fituar çmimin e futbollistit më të mirë te Përfaqësuesja e Zvicrës në tri edicionet e kaluara. Çmimin e vitit të kaluar e fitoi pas sukseseve që pati me Bajer Leverkusenin, skuadër me të cilën e fitoi Bundesligën dhe Kupën e Gjermanisë. Edhe Valon Fazliu e Ardon Jashari patën fituar çmime. Fazliu ishte më i miri i kategorisë së dytë, kurse Jashari ishte futbollisti më i mirë i ri.
Rivaliteti i Shaqirit
Xherdan Shaqiri është konkurrenti kryesor në kategorinë e futbollistit më të mirë të Superligës së Zvicrës. Këtë vit Shaqiri pati shumë suksese me Bazelin, duke fituar titullin dhe Kupën e Zvicrës dhe duke realizuar e asistuar një numër të madh të golave. Mateo Di Giusto dhe Miroslav Stevanoviç janë konkurrentë të Shaqirit, por me gjasa të vogla. Janë edhe katër kategori të tjera për të cilat do të ndahen çmime, si futbollisti më i mirë i ri dhe futbollistja më e mirë e re. Futbollistja më e mirë e Superligës së Zvicrës dhe futbollisti më i mirë i kategorisë së dytë të futbollit zviceran. Te kjo kategori garojnë Shkëlqim Demhasaj dhe Valon Fazliu. Ceremonia e ndarjes së çmimeve organizohet nga Federata e Futbollit e Zvicrës dhe Liga e Futbollit të Zvicrës. Të nominuarit janë zgjedhur nga paneli i ekspertëve ku përfshihen trajnerët e klubeve, drejtorët sportivë dhe kapitenët, si dhe përzgjedhësit e përfaqësueseve të Zvicrës. Rezultati final do të përcaktohet nga një e treta e votave të jurisë së ekspertëve, përfaqësuesve të zgjedhur të mediave dhe tifozëve.
Tag: xhaka
-
Xhaka apo Shaqiri më i miri i Zvicrës, beteja e madhe merr zgjidhje më 12 janar
-
Granit Xhaka, lojtari shqiptar me më shumë ndikim në botë
Adriatik BALLA
Gazeta zvicerane “Blick”, ka bërë një artikull të gjatë për Granit Xhakën, duke thënë se ndikimi që ai ka si në ekip ashtu dhe në publik është shumë i madh. Prandaj duhet bërë pyetja: A është Granit Xhaka futbollisti më me ndikim në botë? Jo domosdoshmërisht më i miri teknikisht, por ai që e ndryshon një ekip nga themeli. Xhaka, bir i prindërve nga Kosova, ka qenë gjithmonë i pajisur me një sens të lindur përgjegjësie. Që në fëmijëri, ai ishte “udhëheqësi i natyrshëm” – një rol që më vonë u forcua përmes sfidave dhe goditjeve që e shoqëruan karrierën e tij.
Nga talenti i hershëm që shfaqet në finalet e Danone Cup, te titulli botëror me U-17, e deri te debutimi te FC Basel – gjithçka tregonte se Graniti nuk ishte lojtar i zakonshëm. Edhe pse shpeshherë është përballur me kritika, ndonjëherë të ashpra, ai ka reaguar me një forcë pothuajse kokëfortë. Në Borusia Munchengladbah mësoi se fjalët vlejnë vetëm nëse i mbështet në fakte. Në Arsenal, pas periudhës së vështirë me kartonë, polemika dhe veçanërisht incidentit me tifozët në vitin 2019, një bisedë me Mikel Artetan i ringjalli karrierën. Ai punoi për veten, ndryshoi, u rrit dhe u kthye në lider të padiskutueshëm.
Xhaka, lojtari që vlen më shumë se statistikat
Xhaka është shembulli i rrallë i një futbollisti që vlen shumë më tepër se statistikat. Ai është standard, ritëm, strukturë. Te Sunderland, një skuadër që sipas parashikimeve duhej të luftonte për mbijetesë, ai krijoi një transformim që mediat angleze e quajnë “fenomen”. Ai dirigjon tonin në stërvitje, mban ekipin të bashkuar dhe e shtyn drejt një niveli që askush nuk e priste. Te Zvicra, ndërkohë, është dirigjenti i një orkestre që funksionon sipas pulsit të tij. Kur Xhaka është mirë, Zvicra është mirë. Madje edhe kur nuk merr skenën për vete, ai krijon hapësira që të tjerët të shkëlqejnë, siç ndodhi kundër Kosovës dhe Suedisë. Për një kohë, pati dyshime për rolin e tij si “teamplayer”, veçanërisht pas disa polemikave në ndeshjet kundër Serbisë apo episodit të tatuve para Euro 2021. Influenca e tij shkon përtej fushës.
Ai është sot më shumë se lider – është “arkitekt i mentalitetit”, njeriu që e ngre standardin dhe e detyron gjithë ekipin të ngrihet me të. Në një kohë kur shumë yje varen nga statistikat dhe rrjetet sociale, Xhaka është futbollisti i vjetër në shpirt, por modern në qasje: i përkushtuar, i disiplinuar, i pandalshëm. Prandaj pyetja nuk është më provokuese, por e vlefshme: A ka sot një futbollist në botë që e ndryshon një ekip më shumë sesa Granit Xhaka? Teknika e tij nuk është më e mira absolute. Por ndikimi që ka – te klubet, te Zvicra, te lojtarët rreth tij – e bën unik. Dhe fundi i kësaj historie ndoshta ende nuk është shkruar. Xhaka tashmë po punon për licencat e trajnerit. Në të ardhmen, ai mund të bëhet po aq i rëndësishëm nga bankina sa është sot në fushë. Ashtu siç thotë Jakin: “Ai mendon si trajner. Dhe kështu e udhëheq kombëtaren e Zvicrës”. “E përkohshme është forma, por ndikimi i Granit Xhakës duket se do të zgjasë shumë më gjatë, shkruan gazeta “Blick”. -
Granit Xhaka, mesfushori më i vlerësuar në Premier Ligë
Mesfushori me prejardhje shqiptare i Sunderlandit, Granit Xhaka, po shkëlqen në Premier League. 33-vjeçari është shndërruar në lojtarin kryesor të “Macave të Zeza” në sezonin e tyre të rikthimit madhështor në elitën e futbollit anglez. Performancat e tij nuk kanë kaluar pa u vënë re as në rang lige, ku Xhaka renditet si mesfushori më i vlerësuar.
Sipas “WhoScored”, Xhaka mban notën mbresëlënëse 7.37, duke lënë pas emra të mëdhenj si Declan Rice, Moises Caicedo, Bruno Fernandes dhe Dominik Szoboszlai. Në këtë sezon, ai ka regjistruar një gol dhe tre asistime, ndërsa te Sunderlandi u bashkua gjatë verës nga Leverkuseni për 15 milionë euro.
Si kapiten i ekipit, Xhaka reagoi me zhgënjim pas humbjes ndaj Fulhamit. Në një postim në rrjetet sociale, ai theksoi se disfata është e dhimbshme, por njëkohësisht edhe një mundësi për t’u rritur. “Humbjet gjithmonë dhembin – tani ka të bëjë me mënyrën se si mësojmë prej tyre dhe si ecim përpara së bashku”, shkroi ai. -
Babai i vëllezërve Xhaka, Ragipi: Ju jeni krenaria ime
Babai i vëllëzerve Granit e Taulant Xhaka ka mbajtur një postim në rrjetet sociale, duke vlerësuar dy djemtë e tij futbollistë, sidomos Granitin, që e cilëson liderin dhe kapitenin e tij. mesazhi i babait të vëllezërve futbollistë është emocionues. Ai vjen në një moment të vështirë për Granitin, kur tifozë të caktuar dhe grupe tifozësh në Kosovë e fërshëllyen atë për disa deklarata që kishte dhënë në mediat sportive zvicerane. Publiku i gjerë i ka dalë në mbrojtje Granitit, duke kritikuar sjelljen e tifozëve që bënë një shfaqje të pahijshme në stadiumin “Fadil Vokrri” në Prishtinë, një sjellje që e bëri lojtarin të ndihej keq.
Por babai i Xhakës ëhstë treguar i kujdesshëm në qëndrimin e tij, ai vetëm ka lavdëruar dy djemtë dhe veçanërisht Granitin. “Lideri dhe kapiteni im, Granit. Çdo hap që kam hedhur nga Kosova deri në Zvicër, çdo vendim që kam marrë, e kam bërë duke menduar për ty dhe për Taulantin. Pse? Sepse desha që ju të rriteni të drejtë, të ndershëm, të fortë dhe të paepur. Desha t’ju mësoj të përballeni me çdo sfidë dhe çdo sakrificë, dhe ju e keni bërë këtë me nder e me karakter. Jam krenar, biri im. Desha që ta donit veten, familjen dhe atdheun e të parëve tanë dhe ju e bëni këtë çdo ditë. Ju mësova si luftohet e si qëndrohet përballë më të këqijve, dhe sa herë ua solli jeta beteja të vështira, ju u ngritët më të fortë. Sa herë që dikush nuk ju ka dashtë, ju keni falenderuar.#
Dhe në fund, ju prapë ju kanë dashtë sepse zemra e madhe fiton gjithmonë. Për gjithçka që jeni dhe gjithçka që keni bërë, unë jam krenar pa masë me ju. Ju jeni dhe do të mbeteni dy zemrat e krenarisë sime. Me shumë dashuri, Babi”, shkruan Ragip Xhjaka në mesazhin e tij të përcjellë në rrjetet sociale. Padyshim që ky status i tij është përtej qëndrimit si prind e familjar, ai është një kundërpërgjigje për ata tifozë që fërshëllyen Xhakën, duke harruar qëndrimet e tij prej patrioti në çdo jerm që iu dha mundësia. -
Çështja “Xhaka” trazon Kosovën, prishtinaliu reagon në shqip: Faleminderit!
Kosova i bëri një mbyllje fantastike fazës kualifikuese të Botërorit, duke siguruar me spektakël një vend në “play-off”, por kjo arritje historike u zbeh jo pak pas asaj që prodhoi sfida e fundit kundër Zvicrës, ku në mënyrë të papritur në qendër u vendos Granit Xhaka. Gjatë ndeshjes disa tifozëve të Kosovës vërshëllyen prishtinaliun, diçka […]
-
Opinion / “Patriotët” që e vërshëllyen Xhakën do të krenohen të parët me të…
Nga Lutfi Dervishi
Në librin e saj, “Brenga e Ballkanit” Edith Durham bën një diagnozë klinike, e cila mbetet aktuale edhe sot, pas më shumë se një shekulli: ne duam me zjarr, urrejmë me zjarr, dhe zona gri na duket e huaj. Këtë mungesë të “zonës gri” e provoi së fundmi në mënyrën më të dhimbshme Granit Xhaka. Ai shtangu në “shtëpinë e tij”, teksa u përball me fishkëllima nga tifozët që e kishin duartrokitur gjatë gjithë karrierës së tij. Shkaku? Një keqinterpretimi klasik dhe malinj.
Lajmi që mori dhenë ishte se: “Xhaka tha se ata që nuk bëjnë për Zvicrën, luajnë për Kosovën.” Kjo frazë e rëndë u përdor për të ndezur mllefin. Por e vërteta e fjalëve të Xhakës në intervistën për gazetën Blick është krejt tjetër. Ai foli për konkurrencën e madhe në ekipin zviceran, për cilësinë e lojtarëve dhe për durimin që kërkohet. Më e rëndësishmja, ai e quajti Kosovën një skuadër që po luan në nivel të lartë, duke nënkuptuar se zgjedhja e lojtarëve si Avdijaj dhe Hajdari ishte një hap i rëndësishëm, profesionalisht.
Gazetarët zviceranë u shtangën kur mësuan se fishkëllimat në Fadil Vokrri ishin pasojë e një fakenews. Një fjali në Bazel u “përkthye” keq në Prishtinë. Futbolli është emocion, kjo është e vërtetë. Por po aq e vërtetë është se ushqimi më i shijshëm për portalet dhe rrjetet sociale është loja me këto “emocione”, thjesht sepse gjenerojnë klikime dhe i japin mundësi edhe atyre që kanë byk në kokë të japin mend.
Edith Durham kishte të drejtë: ne nuk e njohim “zonën gri”. Por realiteti është se kjo zonë ekziston dhe është pikërisht vendi ku duhet të qëndrojmë edhe kur shpërthejmë si “flakë kashte”.As Granit Xhaka nuk është tradhtar, as tifozët që fishkëllyen nuk janë armiq. Janë thjesht viktima të manipulimit dhe keqinformimit. Çfarë do të ndodhë nëse as Shqipëria dhe as Kosova nuk arrijnë dot në Kupën e Botës?
“Patriotët” që e fishkëlluan Xhakën do të jenë të parët që do të krenohen me të. Do ta duartrokasin fort dhe do të krenohen më shumë seç u krenuan në përballjen epike Serbi-Zvicër në Botërorin e luajtur në Rusi! Përpara se t’i kthejmë tribunat e stadiumit në tribunale gjykimi, ndoshta duhet të ndalim pak dhe të pyesim: Kush është futbollisti më i mirë shqiptar i të gjitha kohërave?Përgjigja ndoshta i bën të gjithë palët të bien në një mendje: GRANIT XHAKA. -
Granit Xhaka “shënjestër” e tifozëve, Taulanti: Krenaria e shqiptarëve
Zvicra siguroi mbrëmë biletën direkte për Kampionatin Botëror 2026, pasi doli me barazim 1:1 ndaj Kosovës në stadiumin “Fadil Vokrri”. Ky rezultat iu mjaftoi “Helvetikëve” për të mbyllur grupin në krye.
Në këtë fushatë kualifikuesesh, Granit Xhaka ka qenë figura qendrore e kombëtares zvicerane, duke e udhëhequr ekipin drejt një Botërori tjetër. Megjithatë, mbrëmë ai u përball me vërshëllima nga një pjesë e tifozëve në Prishtinë, një reagim që vetë mesfushori nuk e kishte pritur.
Pas kësaj ngjarjeje, ka reaguar edhe vëllai i tij, Taulant Xhaka, i cili i doli publikisht në krah: “Gjithmonë deri në vdekje me ty vëlla. Krenaria e shqiptarëve. Zoti i ruajt të gjithë shqipet e vërteta nëpër botë”, shkroi ai në rrjete sociale. -
Rikthehet interesimi për Granit Xhakën
Luçiano Spaleti po punon për të krijuar një Juventus të fortë dhe të organizuar me një qasje taktike të detajuar dhe të kujdesshme. Trajneri i “Zonjës së Vjetër” ka përqendruar stërvitjet tek lojëra të vogla për të përmirësuar kontrollin e topit dhe qarkullimin e shpejtë të lojës.
SPALETI PROVON MBROJTJEN ME KATËR – Një pjesë e stërvitjeve fokusohet në përmirësimin e mbrojtjes me katër mbrojtës dhe eksperimentimin e formacioneve që mund të rrisin stabilitetin e ekipit. Spaleti ka kërkuar një ekuilibër të fortë mes mesfushës dhe mbrojtjes, duke rritur intensitetin dhe presionin ndaj kundërshtarëve në të gjithë fushën. Ai inkurajon lojtarët të jenë kreativë në sulm, por gjithmonë duke respektuar detyrat taktike. Me këtë strategji, Juventus synon të dominojë posedimin e topit dhe të jetë konkurrues në të gjitha frontet këtë sezon.
RIKTHEHET INTERESIMI PËR GRANIT XHAKËN – Në të njëjtën kohë, Juventus është duke shqyrtuar mundësinë e rikthimit të mesfushorit Granit Xhaka gjatë merkatos së janarit. Drejtuesi sportiv, Komoli, është i gatshëm të veprojë për të siguruar shërbimet e zviceranit, duke e parë atë si një përforcim të rëndësishëm për mesfushën e ekipit. Xhaka është një mesfushor i fortë në kontrollin e lojës, me aftësi të shkëlqyera në pasimet e shkurtra dhe të gjata, si dhe në mbulimin e hapësirave në fazën mbrojtëse, arsye pse e kërkonte edhe Milani në verë.
Juventus e sheh atë si një lojtar që mund të shtojë stabilitetin dhe cilësinë në qendër të fushës, veçanërisht në situata ku ekipi ka nevojë për të diktuar ritmin e lojës. Për Komolin, operacioni i mundshëm është ende në fazë vlerësimi, por ai është duke analizuar mundësitë e kontratës dhe marrëveshjeve për të siguruar që ky transferim të përfundojë pa ndikuar negativisht në bilancin financiar të klubit. Me një strategji të kujdesshme dhe një plan të detajuar, Spaleti dhe Juventus synojnë të forcojnë çdo repart dhe të arrijnë rezultate pozitive në kampionat.
Xhaka mund të jetë një element kyç në përpjekjen për të mbajtur ekipin konkurrues dhe për të siguruar objektivat e sezonit. Mediat italiane madje mësojnë se futbollisti i përfaqësueses zvicerane është një nga kërkesat e posaçme të teknikut Spaleti drejtuar drejtuesve të klubit. Xhaka po luan një sezon fantastik tek Sanderland, ndaj Spaleti e sheh si përforcimin e duhur për repartin e mesfushës, aq më tepër, kur këtë sezon dyshja Turam-Lokateli nuk po funksionin ashtu siç duhet. -
I del në mbrojtje vëllait pas sulmeve nga tifozët/ Xhaka: Krenaria e shqiptarëve
Zvicra siguroi mbrëmë biletën direkte për Kampionatin Botëror 2026, pasi doli me barazim 1:1 ndaj Kosovës në stadiumin “Fadil Vokrri”. Ky rezultat iu mjaftoi “Helvetikëve” për të mbyllur grupin në krye.
Në këtë fushatë kualifikuesesh, Granit Xhaka ka qenë figura qendrore e kombëtares zvicerane, duke e udhëhequr ekipin drejt një Botërori tjetër.
Megjithatë, mbrëmë ai u përball me vërshëllima nga një pjesë e tifozëve në Prishtinë, një reagim që vetë mesfushori nuk e kishte pritur.
Pas kësaj ngjarjeje, ka reaguar edhe vëllai i tij, Taulant Xhaka, i cili i doli publikisht në krah:
“Gjithmonë deri në vdekje me ty vëlla. Krenaria e shqiptarëve. Zoti i ruajt të gjithë shqipet e vërteta nëpër botë”, shkroi ai në rrjete sociale. -
I madhi Granit Xhaka, “i vogël” për të dalë mbi Shqipërinë dhe Kosovën…
Nga dje në mbrëmje ka nisur një histeri e madhe kolektive për të mbrojtur figurën e Granit Xhakës. Dhe nga kush…nga shqiptarët! Të madhe dhe të vegjël, sportistë dhe politikanë, të gjithë kanë dashur pak copëz nga tema e momentit. A duhej vërshëllyer Granit Xhaka? Sot praktikisht vetëm Edi Rama nuk ka reaguar në lidhje me këtë temë.
Shikoni, është shumë e kuptueshme kur njerëzit e sportit të flasin për këtë çështje dhe të kenë mendime të ndryshme, bota prandaj është e bukur, do të ishte shumë e mërzitshme sikur të mendonim të gjithë njësoj. Por kur dalin disa personazhe jo sportiv që e mbrojnë Granit Xhakën vetëm sepse e njohin dhe pa ditur fare historinë, kjo është e neveritshme. Në rregull, por nga kush po e mbroni, nga ne shqiptarët?
E sigurt është se nëse lojtari në fjalë nuk do të ishte Granit Xhaka, të gjithë do të mbronin tifozët e Kosovës, ata që vepruan në këtë mënyrë. A është Granit Xhaka një prej lojtarëve shqiptarë më të mirë të prodhuar ndonjëherë në histori? Po është, e vërtetë. A i meritonte Granit Xhaka dje vërshëllimat? Ndoshta jo, por e sigurt është se as duartrokitjet e tifozëve nuk i meritonte.
Dikur zgjodhi Zvicrën para Shqipërisë, njerëzit thanë se kishte prapaskena kjo histori, Shqipëria nuk të vlerësonte. Pastaj Kosova krijoi Përfaqësuese dhe Xhaka mund të vinte te dardanët, por prapë jo, zgjodhi që të qëndronte te Zvicra. Por në një moment që karriera e tij po vjen drejt fundit, në “jetën e dytë” të futbollit, mund ta kursente mbështetjen kaq pasionante për Zvicrën dhe të mbështeste më shumë Shqipërinë dhe Kosovën, përtej deklaratave:
“Cohu Adem”.Ademi për sa kohë ishte punoi me jetën e tij për Shqipërinë dhe Kosovën, ai e mbaroi ciklin e tij, çfarë po bëjmë ne të tjerët që duam të çohet Ademi? Kjo është pyetja!
Dhe është e disata herë që në mediat e Zvicrës, Granit Xhaka po thotë se lojtarët që vijnë te Kosova dhe Shqipëria janë të dorës së dytë, pasi ata të dorës së parë zgjedhin Zvicrën. Kjo nuk është thjeshtë “ofendim” për lojtarët që ne kemi, por është edhe sinjal për lojtarët e tjerë që Zvicra nuk duhet të llogaritet para Shqipërisë dhe Kosovës, e thënë publikisht. Po dëgjojmë fjalët e ambasadorit shqiptar me logon e Zvicrës.
Nëse Granit Xhaka e mendon realisht këtë gjë, është shumë e turpshme, po të njëjtën gjë tha edhe Blerim Dzemaili, por aty ishim të gjithë në një mendje që t’i hidheshim në fyt. Nëse kjo ishte pastaj një deklaratë për të konsoliduar pozitat e tij te Zvicra duke menduar për të ardhmen jashtë futbollit, tregon prapë një interes që vendoset mbi kombin dhe atdheun, që është akoma edhe më e pështirë. Granit Xhaka është lojtari më i madh aktualisht shqiptar në botë, por shumë i vogël për t’u vendosur mbi Kosovën dhe Shqipërinë.
Ndoshta nuk meritoi vërshëllimat, por nuk meritonte as duartrokitjet. Shqiponjën në Serbi e bëri edhe Rei Manaj, por kjo nuk do të thotë se do të qëndrojmë gjithë jetën duke e vlerësuar vetëm për këtë pjesë nëse Rei Manaj paraqitet në mënyrë skandaloze për 5 ndeshje radhazi te Shqipëria dhe nuk di ç’flet. Jeta vazhdon, e rëndësishme është që interesat tona të mos përplasen me të mirën e kombit…