Lajmidites.com

Tag: Vlorë

  • Situata me motin e keq/ MM njofton si paraqitet gjendja në vend dhe zonat ku ka më shumë probleme

    Situata me motin e keq/ MM njofton si paraqitet gjendja në vend dhe zonat ku ka më shumë probleme

    Ministria e Mbrojtjes jep detajet për situatën e motit në vend.  

    Njoftimi i ministrisë:  

    Pas ndërhyrjes së pandërprerë të forcave edhe gjatë orëve të natës, situata në të gjithë vendin paraqitet në përmirësim, pavarësisht se në disa zona reshjet e shiut kanë vijuar. Nivelet e ujit në disa zona kanë nisur të ulen, një pjesë e madhe e akseve rrugore, ku ka patur probleme janë rikthyer të kalueshme, ndërsa ekipet e emergjencave civile, Forcat e Armatosura, OSHEE dhe strukturat vendore po vijojnë punën për stabilizimin e plotë të situatës dhe normalizimin e furnizimit me energji, pastrimin e rrëshqitjeve dhe garantimin e sigurisë së banorëve. 

    Situata sipas qarqeve: 

    QARKU VLORË 

    Niveli i lumit Vjosa në Novoselë vazhdon me tendencë ulje, aktualisht niveli është 7.65 m. 

    Po vijon puna në bashkitë; Delvinë, Finiq dhe Konispol, ku për shkak shirave ditën e djeshme ka pasur prezencë dherash në rrugët që lidhin disa fshatra.
    Dje është punuar për rehabilitimin e aksit rrugor, që lidh fshatrat Kakodhiq dhe Lefterhor. Në mbështetje të bashkisë kanë shkuar 30 forca dhe 3 mjete nga FA.
    Në fshatin Vrion është bërë evakuimi I banorëve në një banesë, për shkak të pranisë së ujit.  

    Hidrovorët e bashkisë Vlorë janë në punë me kapacitet të plotë. 

    QARKU FIER 

    Vazhdon të ketë ulje në lumenjtë Vjosë dhe Seman. , situata është si më poshtë:  

    Rreth 110 hekratë tokë është me prezencë uji në fshatrat Kashisht – Çerven dhe Ferras. Nuk ka patur evakuime të banorëve, por është punuar për largimin e ujit nga oborret e banesave ku gjatë ditës së djeshme është evidentuar kjo problematikë.  

    Autoritetet vendore janë në monitorim të argjinaturave pranë lumenjve, nga ku rezulton se deri në këto momente nuk ka pasur cënim të infrastrukturës kritike.
    Strukturat vendore kanë kaluar në gatishmëri të plotë me gjithë kapacitet teknike e logjistike që kanë në dispozicion. Në afërsi të lumit Vjosë, në fshatin Ferras janë vendosur për mbështetje edhe kapacitetet e Ministrisë së Mbrojtjes, me mjete të kalueshmërisë së lartë, varka shpëtimi, trupa e të tjerë. 

    QARKU KORÇË 

    Ekipet në terren janë në monitorim të vazhdueshëm të prurjeve në lumenjtë Devoll dhe Dunavec. 

    Ka prani uji në toka bujqësore dhe në disa banesa në: Lumalas, Bulgarec, Shamoll, Çiflig, Turan, Vloçisht e Sovjan. Në Sovjan janë evakuar 15 familje nga ekipet e emergjencave në terren. 

    Bashkia Pustec: Po mbahet nën kontroll situata në fshatin Shulin, ku uji herë pas here depërton në katet përdhese të banesave.
    Bashkia Pogradec: Prurje të larta nga lumenjtë e Vërdovës, Rëmenjit dhe qytetit.
    Ndërkohë po punohet për pastrimin e dherave në Dardhas, Proptisht, Çërravë. 

    Tek hidrovori i Tushemishtit po punohet për stabilizimin e situatës, vijon me kapacitet të plotë, janë 4 pompa në punë.
    Strukturat e bashkisë, UKT dhe zjarrfikësit vijojnë në terren. 
    Bashkia Kolonjë: Rezervuarët e Helmesit dhe Kabash-Leskovik, po punojnë me kapacitet maksimal. 

    Po punohet në infrastrukturë për riparimin e disa urave në: Qafzezë, Shtikë, Gostivisht, Psar.
    Pas disa orëve kërkime, ekipet e kërkim-shpëtimit dhe të FA kanë bërë të mundur gjetjen e trupit të zonjës 76 vjeç, në Progër.  

    QARKU LEZHË 

    Në të gjithë qarkun ka patur ndërhyrje të përqendruar të forcave, për shkak edhe situatës më komplekse, të krijuar si pasojë e reshjeve të shumta.  

    Deri tani janë llogaritur rreth 220 ha sipërfaqe nën ujë; (90 ha në Zejmen,70 në Shënkollë dhe rreth 60 ha Barbulloje nga dëmtimi i argjinaturës në Tale). 
    Hidrovorët po punojnë me kapacitet të plotë, me përjashtim të atij të Tales.
    Furnizimi me ujë të pijshëm dhe energji elektrike vazhdon normalisht 

    Në bashkinë Lezhë  

    Të gjitha strukturat e MC janë në terren tek argjinatura në Lagunën Vain. Riparimi/mbyllja e argjinaturës së dëmtuar përfundoi si fazë e parë, por do të vazhdojë puna për ngritjen në lartësi të saj si dhe në ndarjen e ndihmave ushqimore për banorët, evakuim të personave të izoluar, etj.
    Ekipet me varka kanë punuar për evakuimin e disa banorëve që kanë kërkuar ndihmë.
    Në bashkinë Kurbin  Prezencë uji, ka vetëm pjesërisht, në zonën e ulët të Gjormit.
    Vijojnë punimet në shtratin e lumit Drojë, me eskavatorin e bashkisë. 
    Njëkohësisht, me mjetet e bashkisë, po punohet për sistemimin dhe rehabilitimin e rrugës alternative të fshatit Shpërdhet, që banorët të kenë akses dhe me mjetet e tyre. 
    -Vijon puna në aksin rrugor Skuraj-Vinjollë-Gallatë. Janë duke punuar, eskavatori me zinxhir i FA-se, Fadroma dhe një kamion i bashkisë. Aksi është i kalueshëm, pasi edhe ura është riparuar. 
    -Po ndërhyhet në shtratin e lumit Skuraj, (Vinjollë), për devijimin e rrjedhës në afërsi të rrugës.
    Në bashkinë Mirditë Vazhdojnë ndërhyrjet për rehabilitimin e rrugëve të dëmtuara nga reshjet e shirave. Po punohet në njësinë administrative Rrëshen, Kaçinar dhe Fan.
    Nuk ka dëme të konsiderueshme në kultura bujqësore. 

    QARKU DIBËR
    Situata është në përmirësim. 
    Po punohet me mjete për thellimin e kanalit kullues dhe largimin e ujit në bashkinë Bulqizë, ku ka patur probleme në aksin rrugor mes qytetit të vjetër dhe qytetit të ri, te terminali.
    Po mbahet nën monitorim situata në fshatin Urakë dhe në liqenin e Ulzës, ku ka rritje të nivelit të ujit. Në terren janë edhe mjete dhe forca nga FA, për të shmangur rrezikun e përmbytjes së banesave dhe për sistemimin provizor të argjinaturës. 

    QARKU SHKODËR
    Në bashkinë Fushë-Arrëz situata paraqitet më problematike në njësinë administrative Qafë Mali, ku po punohet për pastrimin e dherave në disa segmente rrugore.
    Në bashkinë Malësi e Madhe është konstatuar rritje e prurjeve të përroit të Thatë. 

    QARKU BERAT
    Situata është në përmirësim. 
    Ka rënie të theksuar të nivelit të lumit Osum, i cili është brenda shtratit të vet dhe ujërat në tokat bujqësore ne fshatrat përreth.
    Po ashtu edhe lumi Devoll ka shënuar rënie të nivelit. 
    Nga shërbimet e bashkisë Dimal dhe MZSh do të filloj puna për pastrimin e baltës dhe llumit nga rrugët dhe oborret e banesave. 
    QARKU GJIROKASTËR 
    -Në bashkinë Dropull, ura që lidh aksin rrugor Kombëtar me fshatrat Glinë, Peshkëpi e Poshtme, Peshkëpi e Sipërme dhe Radat të bashkisë Dropull dhe fshatin Nepravishtë të bashkisë Libohovë, ka pësuar ulje si pasojë e reshjeve të shiut. Policia e Shtetit ka ndaluar qarkullimin mbi urë dhe nga bashkitë dhe bizneset private po merren masa për vënien në funksion të një rruge alternative, e cila do të mundësojë kalimin e mjeteve dhe banorëve.
    -Në bashkinë Libohovë është punuar për riparimin e urës në fshatin Suhë.
    Në Përmet është bërë i mundur riparimi i rrugës Frashër–Përmet (afër depos së ujit të fshatit, duke lejuar kalimin e mjeteve. 
    QARKU ELBASAN 
    Në Bashkinë Gramsh po punohet në segmetin e rrugës, në njërin krah të urës së Shëmrizës.
    Punohet edhe në aksin rrugor Kodovjat -Mashan, ku ishte shembur një masiv dheu si dhe në aksin nacional Gramsh-Moglicë, në vendin e quajtur Mashan, ku pas ndërhyrjes, kalimi është I lirë.
    Po punohet edhe në aksin rrugor nacional Elbasan-Peqin, tek vendi i quajtur kthesa e Broshkes për pastrimin e gurëve të rënë.  

    QARKU TIRANË 
    Po vijon monitorimi si pasojë e shtimit të prurjeve të lumit Shkumbin në Rrogozhinë, I cili dje doli përkohësisht nga shtrati.
    Ekipet e OSHEE në terren janë duke punuar gjithashtu pa ndërprerje për rilidhjen e energjisë në ato zona, ku ka patur dnërprerje, si pasojë e motit të keq.  

    Ministria e Mbrojtjes, Agjencia Kombëtare e Mbrojtjes Civile dhe të gjitha strukturat në varësi janë pa ndërprerje në terren për të siguruar jetën e banorëve, gjësë së gjallë dhe të pronës. Ju bëjmë thirrje banorëve të zonave të prekura të bashkëpunojnë me autoritetet, në rast të nevojës së evakuimeve! 

     

  • Prefektja e Vlorës: Situata problematike nga moti në Delvinë, Finiq dhe Konispol

    Prefektja e Vlorës: Situata problematike nga moti në Delvinë, Finiq dhe Konispol

    Në territorin e qarkut të Vlorës orët e fundit ka patur reshje të dobëta shiu, ndërsa vijon të ketë probleme në Delvinë, Finiq dhe Konsipol.

    Prefektja e qarkut të Vlorës, Evis Allushi tha sot për ATSH-në se “gjatë natës pati shkarje dherash në aksin Lukovë-Shën Vasil ku u ndërhy dhe aksi është i kalueshëm”.
    “Problematikat vazhdojnë të mbeten ato të bashkive Delvinë, Finiq dhe Konispol ku për shkak të shirave të ditës së djeshme kemi prezencë dherash në rrugët që lidhin disa fshatra. Dhe ditën e sotme do të vazhdojë puna për pastrimin e tyre”, tha Allushi.
    Sipas saj, problematike mbetet situata e një banese në fshatin Vllahat, ku rrezikohet për shkak të shkarjes së dheut.
    Prefektja Allushi bën të ditur se edhe për ditën e sotme në Sarandë janë efektivet me mjete që do të ndihmojnë për evakuim e bagëtive.
    Ndërkohë që niveli i Vjosës në Novoselë vazhdon me trend ulje aktualisht niveli është 7.45 m.

  • Moti i keq në vend, Semani del nga shtrati, Dimali pa ujë të pijshëm. Ja situata

    Moti i keq në vend, Semani del nga shtrati, Dimali pa ujë të pijshëm. Ja situata

    Moti i keq ka goditur të gjithë hapësirën gjeografike të Shqipërisë prej ditësh, duke shkaktuar pothuajse një katastrofë, me qindra hektarë tokë të përmbytur dhe dëme të shumta materiale.
    Edhe ditën e sotme raportohen problematika në disa prej qarqeve, kryesisht ato Fier-Vlorë, pasi lumi Seman ka arritur pikën kritike të tij, duke zhytur nën ujë sipërfaqe të tëra dhe nëse kushtet atmosferike vijojnë të përkeqësohen, situata mund të shkaktojë një katastrofë tjetër për banorët e këtyre zonave.
    Më e qetë gjendja në rrjedhat e Vjosës dhe Shkumbinit, ndërsa ka përmirësim dhe rënie të nivelit të ujit edhe në urën e Mifolit.
    Në Berat prurjet shkaktuan përmbytje të mëdha nga rrjedha e Osumit dhe dëmtim deri të rrjetit të ujit të pijshëm, bashkia Dimal njofton se uji i pijshëm nuk mund të konsumohet, teksa Emergjencat po pastrojnë baltën dhe ujërat pas tërheqjes së lumit.
    Edhe në qarkun e Lezhës ka rënie të intensitetit të reshjeve dhe ujërave, ndërsa vijon puna për përforcimin e argjinaturës së lumit Drojë në Kurbin dhe përforcimit të asaj në Tale të Lezhës.
    Situata në Qarkun Fier:
    Gjatë natës e në vazhdim së bashku më strukturat vendore, kemi monitoruar situatën dhe prurjet në lumenjtë Vjosë, Seman dhe Shkumbin, nga ku rezulton:
    – Lumi Vjosë ka filluar të reflektoj ulje të nivelit edhe në urën e Mifolit
    – Lumi Shkumbin në kuota normale
    – Lumi Seman, ka shtuar prurjet dhe ka arritur në pikat kritike nivelin. Ne zona të caktuara ka dalje nga shtrati por brenda argjinatures.
    Gjatë gjithë kësaj situate të shkaktuar nga reshjet, strukturat e Bordit Rajonal të Kullimit dhe Drejtoritë e Ujitjes në bashki kanë kontrolluar dhe monitoruar argjinaturat pranë lumenjve, nga ku rezulton se deri në këto momente nuk kemi cenim të infrastrukturës kritike
    Jemi në monitorim dhe koordinim të vazhdueshëm të situatës
    Situata e motit në territorin e Qarkut Berat:
    “Në territor ka pasur reshje të dobëta shiu gjatë natës. Moti është ne prezence vranësirash por pa reshje orët e para të mëngjesit.
    Nga EC e bashkive dhe DVP Berat nuk kemi informacione për situata problematike.
    Lidhur me situatën e reshjeve te ditës së djeshme.
    – Në bashkinë Berat nivelet e lumit janë nën 2 m, ka rënie të theksuar, lumi është brenda shtratit të vet dhe ujërat në tokat bujqësore ne fshatrat e Njësia Velabisht janë tërhequr në pjesën më të madhe.
    – Ndërkohe në bashkinë Dimal ku kemi pasur situatë edhe në orët e vona të mbrëmjes së kaluar, situata po vjen drejtë përmirësimit, lumi Osum është në shtratin e vet dhe po tërheq ujërat në zonat përreth. Po ashtu edhe lumi Devoll ka shënuar rënie të nivelit.
    Nga shërbimet e Bashkisë Dimal dhe MZSH do të filloj puna për pastrimin e baltës dhe llumit nga rrugët dhe oborret e banesave.
    – Furnizimi me ujë, vijon të jete ende për përdorim komunal për shkak të turbullimit të ujit deri në një njoftim të dyte nga DRUK.
    SITUATA QARKU LEZHË:
    Territori i Qarkut Lezhë vazhdon të jetë i përfshirë nga reshje shiu me intensitet të ulët deri mesatar por me intervale afatshkturtera, ku sipas të dherave të marra nga Stacioni Metereologjik Ushtarak Gjadër,  deri në ora 06:00  kanë rënë 19 mm shi.
    Gjendja paraqitet si më poshtë:
    Në bashkinë Kurbin
    Sot do të vazhdojë puna për përforcimin e argjinaturës së lumit Drojë, si dhe grupet e punës do të vazhdojnë me vlersimin e dëmeve
    Nga OSHEE do të vazhdojë puna për riparimin e linjës së fshati Skuraj.
    Në  bashkinë Lezhë
    Sot do të vijojë puna për përforcimin dhe ngritjen në lartësi të argjinaturës së dëmtuar me mjetet e DRUK, bashkisë, FA dhe operatorëve privatë.
    Do vazhdojë puna për vlersimin e dëmeve, si dhe shpërndarja e ndihmave.
    Kemi ulje me rreth 10 cm të nivelit të ujit , pas gjatë gjithë natës pasi është mbyllur çarja e argjinaturës, është vënë në punë hidrovori i Tales.
    Në bashkinë Mirditë
    Gjate natës ka kane vijuar reshjet me intensitet.
    Do mbahen ne monitorim dy banesat që rrezikohen nga rrëshqitja e tokës ndërsa mjetet bashkiake duke parë reshjet e shiut, do ndërhyjnë ku është me emergjente.
    Grupet e punës për vlerësimin e dëmeve do të vazhdojnë evidentimin e dëmeve.
    Furnizimi me ujë ka vazhduar rregullisht, kurse me energji elektrike ka pasur ndërprerje të herë pas hershme por është rikthyer.
    Hidrovoret punojnë të gjithë me kapacitet të plotë. Niveli i lumit Drin është brenda kuotave normale, po kështu dhe lumit Mat.

  • Situata me motin e keq/ MM njofton si paraqitet situata në zonat ku janë shkaktuar probleme

    Situata me motin e keq/ MM njofton si paraqitet situata në zonat ku janë shkaktuar probleme

    Ministria e Mbrojtjes jep detajet për situatën e motit në vend.  

    Njoftimi i ministrisë:  

    Pas ndërhyrjes së pandërprerë të forcave edhe gjatë orëve të natës, situata në të gjithë vendin paraqitet në përmirësim, pavarësisht se në disa zona reshjet e shiut kanë vijuar. Nivelet e ujit në disa zona kanë nisur të ulen, një pjesë e madhe e akseve rrugore, ku ka patur probleme janë rikthyer të kalueshme, ndërsa ekipet e emergjencave civile, Forcat e Armatosura, OSHEE dhe strukturat vendore po vijojnë punën për stabilizimin e plotë të situatës dhe normalizimin e furnizimit me energji, pastrimin e rrëshqitjeve dhe garantimin e sigurisë së banorëve. 

    Situata sipas qarqeve: 

    QARKU VLORË 

    Niveli i lumit Vjosa në Novoselë vazhdon me tendencë ulje, aktualisht niveli është 7.65 m. 

    Po vijon puna në bashkitë; Delvinë, Finiq dhe Konispol, ku për shkak shirave ditën e djeshme ka pasur prezencë dherash në rrugët që lidhin disa fshatra.
    Dje është punuar për rehabilitimin e aksit rrugor, që lidh fshatrat Kakodhiq dhe Lefterhor. Në mbështetje të bashkisë kanë shkuar 30 forca dhe 3 mjete nga FA.
    Në fshatin Vrion është bërë evakuimi I banorëve në një banesë, për shkak të pranisë së ujit.  

    Hidrovorët e bashkisë Vlorë janë në punë me kapacitet të plotë. 

    QARKU FIER 

    Vazhdon të ketë ulje në lumenjtë Vjosë dhe Seman. , situata është si më poshtë:  

    Rreth 110 hekratë tokë është me prezencë uji në fshatrat Kashisht – Çerven dhe Ferras. Nuk ka patur evakuime të banorëve, por është punuar për largimin e ujit nga oborret e banesave ku gjatë ditës së djeshme është evidentuar kjo problematikë.  

    Autoritetet vendore janë në monitorim të argjinaturave pranë lumenjve, nga ku rezulton se deri në këto momente nuk ka pasur cënim të infrastrukturës kritike.
    Strukturat vendore kanë kaluar në gatishmëri të plotë me gjithë kapacitet teknike e logjistike që kanë në dispozicion. Në afërsi të lumit Vjosë, në fshatin Ferras janë vendosur për mbështetje edhe kapacitetet e Ministrisë së Mbrojtjes, me mjete të kalueshmërisë së lartë, varka shpëtimi, trupa e të tjerë. 

    QARKU KORÇË 

    Ekipet në terren janë në monitorim të vazhdueshëm të prurjeve në lumenjtë Devoll dhe Dunavec. 

    Ka prani uji në toka bujqësore dhe në disa banesa në: Lumalas, Bulgarec, Shamoll, Çiflig, Turan, Vloçisht e Sovjan. Në Sovjan janë evakuar 15 familje nga ekipet e emergjencave në terren. 

    Bashkia Pustec: Po mbahet nën kontroll situata në fshatin Shulin, ku uji herë pas here depërton në katet përdhese të banesave.
    Bashkia Pogradec: Prurje të larta nga lumenjtë e Vërdovës, Rëmenjit dhe qytetit.
    Ndërkohë po punohet për pastrimin e dherave në Dardhas, Proptisht, Çërravë. 

    Tek hidrovori i Tushemishtit po punohet për stabilizimin e situatës, vijon me kapacitet të plotë, janë 4 pompa në punë.
    Strukturat e bashkisë, UKT dhe zjarrfikësit vijojnë në terren. 
    Bashkia Kolonjë: Rezervuarët e Helmesit dhe Kabash-Leskovik, po punojnë me kapacitet maksimal. 

    Po punohet në infrastrukturë për riparimin e disa urave në: Qafzezë, Shtikë, Gostivisht, Psar.
    Pas disa orëve kërkime, ekipet e kërkim-shpëtimit dhe të FA kanë bërë të mundur gjetjen e trupit të zonjës 76 vjeç, në Progër.  

    QARKU LEZHË 

    Në të gjithë qarkun ka patur ndërhyrje të përqendruar të forcave, për shkak edhe situatës më komplekse, të krijuar si pasojë e reshjeve të shumta.  

    Deri tani janë llogaritur rreth 220 ha sipërfaqe nën ujë; (90 ha në Zejmen,70 në Shënkollë dhe rreth 60 ha Barbulloje nga dëmtimi i argjinaturës në Tale). 
    Hidrovorët po punojnë me kapacitet të plotë, me përjashtim të atij të Tales.
    Furnizimi me ujë të pijshëm dhe energji elektrike vazhdon normalisht 

    Në bashkinë Lezhë  

    Të gjitha strukturat e MC janë në terren tek argjinatura në Lagunën Vain. Riparimi/mbyllja e argjinaturës së dëmtuar përfundoi si fazë e parë, por do të vazhdojë puna për ngritjen në lartësi të saj si dhe në ndarjen e ndihmave ushqimore për banorët, evakuim të personave të izoluar, etj.
    Ekipet me varka kanë punuar për evakuimin e disa banorëve që kanë kërkuar ndihmë.
    Në bashkinë Kurbin  Prezencë uji, ka vetëm pjesërisht, në zonën e ulët të Gjormit.
    Vijojnë punimet në shtratin e lumit Drojë, me eskavatorin e bashkisë. 
    Njëkohësisht, me mjetet e bashkisë, po punohet për sistemimin dhe rehabilitimin e rrugës alternative të fshatit Shpërdhet, që banorët të kenë akses dhe me mjetet e tyre. 
    -Vijon puna në aksin rrugor Skuraj-Vinjollë-Gallatë. Janë duke punuar, eskavatori me zinxhir i FA-se, Fadroma dhe një kamion i bashkisë. Aksi është i kalueshëm, pasi edhe ura është riparuar. 
    -Po ndërhyhet në shtratin e lumit Skuraj, (Vinjollë), për devijimin e rrjedhës në afërsi të rrugës.
    Në bashkinë Mirditë Vazhdojnë ndërhyrjet për rehabilitimin e rrugëve të dëmtuara nga reshjet e shirave. Po punohet në njësinë administrative Rrëshen, Kaçinar dhe Fan.
    Nuk ka dëme të konsiderueshme në kultura bujqësore. 

    QARKU DIBËR
    Situata është në përmirësim. 
    Po punohet me mjete për thellimin e kanalit kullues dhe largimin e ujit në bashkinë Bulqizë, ku ka patur probleme në aksin rrugor mes qytetit të vjetër dhe qytetit të ri, te terminali.
    Po mbahet nën monitorim situata në fshatin Urakë dhe në liqenin e Ulzës, ku ka rritje të nivelit të ujit. Në terren janë edhe mjete dhe forca nga FA, për të shmangur rrezikun e përmbytjes së banesave dhe për sistemimin provizor të argjinaturës. 

    QARKU SHKODËR
    Në bashkinë Fushë-Arrëz situata paraqitet më problematike në njësinë administrative Qafë Mali, ku po punohet për pastrimin e dherave në disa segmente rrugore.
    Në bashkinë Malësi e Madhe është konstatuar rritje e prurjeve të përroit të Thatë. 

    QARKU BERAT
    Situata është në përmirësim. 
    Ka rënie të theksuar të nivelit të lumit Osum, i cili është brenda shtratit të vet dhe ujërat në tokat bujqësore ne fshatrat përreth.
    Po ashtu edhe lumi Devoll ka shënuar rënie të nivelit. 
    Nga shërbimet e bashkisë Dimal dhe MZSh do të filloj puna për pastrimin e baltës dhe llumit nga rrugët dhe oborret e banesave. 
    QARKU GJIROKASTËR 
    -Në bashkinë Dropull, ura që lidh aksin rrugor Kombëtar me fshatrat Glinë, Peshkëpi e Poshtme, Peshkëpi e Sipërme dhe Radat të bashkisë Dropull dhe fshatin Nepravishtë të bashkisë Libohovë, ka pësuar ulje si pasojë e reshjeve të shiut. Policia e Shtetit ka ndaluar qarkullimin mbi urë dhe nga bashkitë dhe bizneset private po merren masa për vënien në funksion të një rruge alternative, e cila do të mundësojë kalimin e mjeteve dhe banorëve.
    -Në bashkinë Libohovë është punuar për riparimin e urës në fshatin Suhë.
    Në Përmet është bërë i mundur riparimi i rrugës Frashër–Përmet (afër depos së ujit të fshatit, duke lejuar kalimin e mjeteve. 
    QARKU ELBASAN 
    Në Bashkinë Gramsh po punohet në segmetin e rrugës, në njërin krah të urës së Shëmrizës.
    Punohet edhe në aksin rrugor Kodovjat -Mashan, ku ishte shembur një masiv dheu si dhe në aksin nacional Gramsh-Moglicë, në vendin e quajtur Mashan, ku pas ndërhyrjes, kalimi është I lirë.
    Po punohet edhe në aksin rrugor nacional Elbasan-Peqin, tek vendi i quajtur kthesa e Broshkes për pastrimin e gurëve të rënë.  

    QARKU TIRANË 
    Po vijon monitorimi si pasojë e shtimit të prurjeve të lumit Shkumbin në Rrogozhinë, I cili dje doli përkohësisht nga shtrati.
    Ekipet e OSHEE në terren janë duke punuar gjithashtu pa ndërprerje për rilidhjen e energjisë në ato zona, ku ka patur dnërprerje, si pasojë e motit të keq.  

    Ministria e Mbrojtjes, Agjencia Kombëtare e Mbrojtjes Civile dhe të gjitha strukturat në varësi janë pa ndërprerje në terren për të siguruar jetën e banorëve, gjësë së gjallë dhe të pronës. Ju bëjmë thirrje banorëve të zonave të prekura të bashkëpunojnë me autoritetet, në rast të nevojës së evakuimeve! 

     

  • Qeveria i jep leje për central 80 milion euro ‘punëtorit’ të thjeshtë të Salillarit

    Qeveria i jep leje për central 80 milion euro ‘punëtorit’ të thjeshtë të Salillarit

    Një javë më parë Piranjat treguan historinë e Hektor Agalliut, pensionistit nga Tërpani, punëtorit të Salillarit, i cili kishte përfituar konçensionin për ndërtimin e Portit Tregtar të Vlorës, një projekt rreth 60 milionë euro.
    Por rezulton se historia nuk mbaron me kaq, pasi edhe një pjesëtar tjetër i familjes duket se gëzon të njëjtën dhunti si kryefamiliari, Engjëll Agalliu, djali i Hektorit, i cili ka përfituar nga një projekt edhe më i madh.
    Objekti i veprimtarisë ka të bëjë me një sërë aktivitetesh, që nga prodhimi, shpërndarja dhe shitja e energjisë, e deri te ofrimi i shërbimeve imobiliare e shitblerja e pronave të patundshme. Kapitali fillestar ishte 100 mijë lekë të reja. Një shifër modeste, e barazvlefshme maksimumi me dy muaj qira zyrash, por që nuk e stepi aspak Ministrinë e Energjitikës ta shpallte Albanian Solar Power përfituese të një lejeje gjigante prej 82 megavatësh, një projekt që kërkon të paktën 80 milionë euro investim.
    Më 4 qershor të vitit 2025, Këshilli i Ministrave i miraton Engjëll Agalliut lejen për “Ndërtimit të centralit gjenerues të energjisë elektrike fotovoltaike dhe veprave ndihmëse, në fshatin Boçovë të Bashkisë Fier” për 49 vjet dhe në këmbim shteti do të marrë falas në masën 2% të sasisë vjetore të prodhimit të energjisë elektrike ose konvertimin e saj në vlerë monetare.
    Si babai, Hektori, ashtu edhe djali, Engjëlli, janë punonjës të firmës Salillari. Të dy zgjohen çdo ditë në mëngjes. Në orën 07:00 dalin njëri pas tjetrit nga pallati i ndërtuar nga Salillari dhe nisen për në punë, duke udhëtuar me të njëjtën makinë të firmës Salillari.
    Këtu duhet sqaruar edhe njëherë, se pavarësisht lidhjeve të ngushta familjare me oligarkun, të dy ata mbulojnë pozicione modeste pune.
    Pra, për ta përmbledhur: nga një familje e zakonshme punëtorësh të thjeshtë, në vetëm pak vite, babë e bir janë në qendër të dy mega-projekteve që çdo kompani e madhe dhe me eksperiencë do t’i ëndërronte.
    Se si, se pse, se çfarë, këtë nuk mund ta themi dot. Ajo që është e sigurt ka të bëjë me faktin se tashmë toka në Boçovë të Fierit është në duart e Agalliut, i cili ka lejen dhe është gati të nisë projektin më të rëndësishëm të jetës.
    Por, a është Engjëll Agalliu pronari real i këtij projekti apo thjesht emri që duhej të dilte në letër?

  • Superliga rikthehet këtë të shtunë, sot tre duelet e para, dy takime të dielën

    Superliga rikthehet këtë të shtunë, sot tre duelet e para, dy takime të dielën

    Vllaznia dhe Elbasani kryesojnë garën në Kategorinë Superiore dhe shfaqen si skuadrat që kanë bërë më mirë në 11 javët e para të sezonit aktual. Por kampionati është i gjatë dhe nga faza e dytë janë luajtur vetëm tre xhiro. Mbeten edhe shumë të tilla nga kjo fazë plus dy fazat e tjera e më pas edhe Final Four” për të përcaktuar fituesin. Gjërat mund të ndryshojnë me shpejtësi gjatë rrugës, sidomos pas merkatos së janarit. Gjithsesi, me mbylljen e angazhimeve të ekipeve kombëtare në kuadër të kualifikueseve të Botërorit, skuadrat e kampionatit do t’i kthehen garës së tyre. Kështu, kampionati “Abissnet Superiore” rikthehet këtë fundjavë me ndeshjet e javës së 12-të. Të shtunën do të zhvillohen tre takimet e para.
    Në orën 14:00 janë programuar dy ndeshje. Në stadiumin “Niko Dovana” do të luhet dueli Vora – Teuta, ndërsa në “Egnatia Arena” Egnatia do të përballet me Bylisin. Në mbrëmje, në orën 19:00, do të zhvillohet ndeshja Dinamo – AF Elbasani, e cila do të luhet në stadiumin “Air Albania”. Java do të mbyllet të dielën me dy duelet e fundit, që do të luhen në orën 16:30. Partizani do të presë në shtëpi kryesuesit e “Abissnet Superiore”, Vllazninë, ndërsa në Vlorë do të zhvillohet takimi Flamurtari – Tirana.
    Abisnet Superiore, java 12
    FK Vora – Teuta 22.11.2025 16:00
    Egnatia-Bylis 22.11.2025 16:00
    Dinamo-Elbasani 22.11.2025 19:00
    Partizani-Vllaznia 23.11.2025 16:30
    Flamurtari-Tirana 23.11.2025 16:30

  • Moti sot, reshje shiu në të gjithë vendin, borë në tre qarqe

    Moti sot, reshje shiu në të gjithë vendin, borë në tre qarqe

    Shërbimi Meteorologjik Ushtarak (SHMU) njofton se dita e sotme, e shtunë, do të ndikohet nga kushte atmosferike të paqëndrueshme, duke sjellë reshje dhe ulje të temperaturave, sidomos në zonat malore.
    Moti do të jetë kryesisht i vranët dhe me reshje shiu të herëpashershme në të gjithë territorin.
    Reshjet do të jenë me intensitet të ulët dhe lokalisht mesatar, në formë shtrëngatash, prej orëve të para të ditës dhe do të vijojnë gjatë gjithë 24-orëshit.
    Pritet prezencë e reshjeve të dëborës me intensitet kryesisht të ulët në zonat më të larta:
    * Alpe dhe Veri-Verilindje: Mbi 1400–1600 metra.
    * Juglindje: Mbi 1500–1700 metra.
    Era do të jetë e fortë, veçanërisht në zonat bregdetare.
    * Drejtimi Dhe Shpejtësia: Era do të fryjë nga kuadrati i jugut, me shpejtësi mesatare 7 m/sek.
    Herë pas here, përgjatë vijës bregdetare dhe në momentin e vranësirave të dendura, shpejtësia mund të arrijë deri në 15 m/sek.
    Valëzimi në dete parashikohet i forcës 3-4 ballë.
    Tabela E Temperaturave Për Qytetet Kryesore
    Temperaturat minimale dhe maksimale për sot:
    | Qyteti | Temperatura (Min/Max) | Parashikimi
    | Shkodër | 10°C / 14°C | Re/Shi |
    | Kukës | 7°C / 11°C | Re/Shi/Borë |
    | Lezhë | 9°C / 14°C | Re/Shi |
    | Dibër | 5°C / 10°C | Re/Shi/Borë |
    | Durrës | 10°C / 16°C | Re/Shi |
    | Tiranë | 11°C / 17°C | Re/Shi |
    | Elbasan | 8°C / 16°C | Re/Shi |
    | Berat | 9°C / 17°C | Re/Shi |
    | Vlorë | 12°C / 17°C | Re/Shi |
    | Korçë | 5°C / 12°C | Re/Shi/Borë |
    | Gjirokastër | 8°C / 15°C | Re/Shi |
    | Sarandë | 10°C / 17°C | Re/Shi |

  • Leskaj takon banorët e Novoselës pas përmbytjeve: Këtu bashkohet fatkeqësia natyrore me paaftësinë dhe korrupsionin qeveritar

    Leskaj takon banorët e Novoselës pas përmbytjeve: Këtu bashkohet fatkeqësia natyrore me paaftësinë dhe korrupsionin qeveritar

    Deputeti i Vlorës, Bujar Leskaj, pasditen e sotme është takuar me banorët e Qendrës Administrative Novoselë, ku prej dy ditësh lumi Vjosë ka dalë nga shtrati, duke përmbytur 14 banesa – 3 në fshatin Mifol, 11 në Novoselë, si edhe stalla me bagëti në fshatin Bishan.

    Gjatë bisedës me deputetin, një nga banorët shprehu shqetësimin për mungesën e mbështetjes dhe demshpërblimeve ndër vite:
    “Nuk kemi marrë asnjë dëmshpërblim nga përmbytjet e kaluara. I kanë marrë ata që jetojnë në pallate.

    Argjinatura këtu është bërë me dhe. Ku shkuan fondet? Dy milionë euro u hodhën në letër, këtu s’janë përdorur më shumë se 100 milionë lekë. Të tjerat i vodhën. Ne rrezikojmë të mbytemi çdo vit.”

    Deputeti Leskaj, në një reagim të prerë, u shpreh:
    “Këtu bashkohet përmbytja natyrore me paaftësinë dhe korrupsionin qeveritar. Për vite me radhë nuk është përfunduar argjinatura e Vjosës, fondet për kullimet dhe kanalizimet vetëm janë abuzuar. Një pjesë e banorëve nuk kanë marrë ende dëmshpërblimet e shkaktuara nga përmbytjet e mëparshme. Situata sot është kritike dhe mbetet të shpresojmë që niveli i ujit të bjerë.”

     

  • Leskaj takon banorët e Novoselës pas përmbytjeve: Këtu bashkohet fatkeqësia natyrore me paaftësinë dhe korrupsionin

    Leskaj takon banorët e Novoselës pas përmbytjeve: Këtu bashkohet fatkeqësia natyrore me paaftësinë dhe korrupsionin

    Deputeti i Vlorës, Bujar Leskaj, pasditen e sotme është takuar me banorët e Qendrës Administrative Novoselë, ku prej dy ditësh lumi Vjosë ka dalë nga shtrati, duke përmbytur 14 banesa – 3 në fshatin Mifol, 11 në Novoselë, si edhe stalla me bagëti në fshatin Bishan.
    Gjatë bisedës me deputetin, një nga banorët shprehu shqetësimin për mungesën e mbështetjes dhe demshpërblimeve ndër vite:
    “Nuk kemi marrë asnjë dëmshpërblim nga përmbytjet e kaluara. I kanë marrë ata që jetojnë në pallate. Argjinatura këtu është bërë me dhe. Ku shkuan fondet? Dy milionë euro u hodhën në letër, këtu s’janë përdorur më shumë se 100 milionë lekë. Të tjerat i vodhën. Ne rrezikojmë të mbytemi çdo vit.”
    Deputeti Leskaj tha se “këtu bashkohet përmbytja natyrore me paaftësinë dhe korrupsionin qeveritar. Për vite me radhë nuk është përfunduar argjinatura e Vjosës, fondet për kullimet dhe kanalizimet vetëm janë abuzuar. Një pjesë e banorëve nuk kanë marrë ende dëmshpërblimet e shkaktuara nga përmbytjet e mëparshme. Situata sot është kritike dhe mbetet të shpresojmë që niveli i ujit të bjerë.”

  • VIDEO/ Bëmat e Belinda Ballukut dhe ‘mali i shkeljeve’ që rëndon mbi të

    VIDEO/ Bëmat e Belinda Ballukut dhe ‘mali i shkeljeve’ që rëndon mbi të

    Të enjten e datës 20 nëntor 2025, zv.kryeministrja Belinda Balluku, njëherësh ministrja e Infrastrukturës dhe Energjetikës, u pezullua nga detyra me vendim të GJKKO-së. Gjithashtu ndaj saj u vendos edhe ndalimi për të dalë jashtë vendit. Balluku është marrë e pandehur nga SPAK në lidhje me abuzimin me vlerë afërsisht 50 milionë euro për ndërtimin e Tunelit të Llogarasë, me akuzën për “Shkelje të barazisë së pjesëmarrësve në tendera apo ankande publike”. Të përfshirë në këtë aferë janë edhe ish-zyrtarë të lartë, bashkëpunëtorë të Ballukut, për të cilët GJKKO ka vendosur masën e sigurisë “arrest shtëpie”, konkretisht për drejtorin e KESH, Erald Elezi, dhe kreun e ARRSH-së, Gentian Gjyli.

    Më 20 tetor 2025, SPAK dorëzoi një aktakuzë 45 faqesh ndaj Belinda Ballukut dhe pesë zyrtarëve të tjerë, për manipulim të procedurës së tenderimit të tunelit të Llogarasë me fond limit 190 milionë euro. Dosja përfshin të dhëna të hyrje–daljeve kufitare, akte administrative, dokumente zyrtare si dhe komunikime telefonike apo mesazhe në aplikacione të ndryshme mes Ballukut dhe vartësve të saj. Hetimi, i cili ka zbuluar koordinim mes zyrtarëve të ministrisë dhe kompanisë fituese që nga faza e përgatitjes së dokumentacionit deri te firma e kontratës, konsiderohet një nga rastet më të rëndësishme të korrupsionit në nivele të larta qeveritare në Shqipëri.

    Por kjo është vetëm maja e ajsbergut të një historie të mbushur me afera të dyshimta, pasi Belinda Balluku si ministre e Infrastrukturës është nën hetim nga SPAK edhe për procedurën e tenderit për ndërtimin e lotit 4 të Unazës së Madhe të Tiranës, i cili u fitua nga konsorciumi i tre kompanive private me një ofertë prej 19.9 milionë euro pa TVSH. Hetimi është ngritur pas shqyrtimit të procedurës, ku të gjithë operatorët e tjerë konkurrues u skualifikuan, përfshirë edhe ofertën më të ulët ekonomikisht. Çka ngre dyshime për paracaktim të fituesit dhe shkelje të barazisë në tendera, që mesa duket është një model i zakonshëm për zonjën Balluku, pasi emri i saj është i përfshirë kudo ku ka projekte madhore me vlera miliona euro në vendin tonë, siç është Inceneratori i Tiranës, ku edhe sot, 7 vjet pas firmosjes së kontratës, ai nuk ekziston edhe pse buxheti i shtetit ka paguar plot 100 milionë euro.

    Një tjetër skandal është projekti 21 km Thumanë–Kashar. Në vitin 2018, Gener 2 propozoi ndërtimin e një autostrade të kategorisë A kundrejt një vlere 245 milionë euro, por pas këtij investimi oferta llogariste që në fund të 13 viteve që do të përfshinin ndërtimin dhe mirëmbajtjen, buxheti i shtetit do të detyrohej të paguante 455 milionë euro, 210 milionë euro më shumë se vlera e investimit. Një skandal që përfshiu kompaninë Gener 2 me falsifikimin e dokumenteve për ndërtimin e Unazës së Madhe solli ndryshime në qeveri. Dhe kështu vetë ministrja që kishte ardhur në detyrë në vitin 2019, Belinda Balluku, u detyrua ta anulonte këtë koncesion. Kompania e ankimoi vendimin në Gjykatën e Shkallës së Parë, duke e humbur çështjen, të cilën e fitoi më pas në Gjykatën e Apelit më 29 korrik 2021, vendim i cili i hapi rrugë ministres Balluku që t’ia përcillte për miratim Këshillit të Ministrave draft-kontratën koncesionare për projektin Thumanë–Kashar.

    Dhe këtu nisën të kryheshin një listë e gjatë shkeljesh. Kontrata e re lidhet duke ndryshuar kushtet thelbësore të termave të referencës me të cilat u shpall gara dhe u fitua nga kompania koncesionare. Afati i kohëzgjatjes së kontratës nga 13 u bë 35 vjet. Nëse koncesionari planifikohej të merrte në total 445 milionë euro, në kontratën e re në fund të 35 viteve siguroi 1 miliard e 307 milionë euro. Në garën e hapur në vitin 2018, dokumentet e tenderit specifikonin qartë se nuk do të vendosej asnjë tarifë, mirëpo kontrata e re lejoi vendosjen e traut me pagesë 2.5 euro për kalimin e makinave, pa bërë asnjë studim fizibiliteti dhe pa u konsultuar me banorët e zonës.

    Një tjetër mega-aferë, e cila ka marrë vëmendje në mbi 15 episode të emisionit tonë, është ajo e anijeve gjeneratorë të ardhura nga Bangladeshi, të njohura si “Tigri 1” dhe “Tigri 3”. Anijet u blenë nga kompania offshore “Exelerate Energy Limited Partnership” nga Bangladeshi në 2022 për 15 milionë dollarë, ndërkohë që KESH bëri kontratë për t’i marrë ato me qira për plot 45.5 milionë dollarë, pra 3-fish më shtrenjtë. Por nuk mbaron me kaq, sepse nëse 45.5 milionë dollarë do të jepen për qiranë, vlera që do të shkojë për operimin nga kompania tjetër fituese Renco, kap shifrën 22.5 milionë dollarë. Pra, plot 68 milionë dollarë që merren nga arka e kompanisë publike KESH për të përfunduar në xhepat e pronarëve të kompanive fituese. E jo vetëm kaq, por kur anijet ndizen, ndotja mjedisore që i shkaktohet zonës së mbrojtur në gjirin e Vlorës është kolosale. Një element tjetër shumë i rëndësishëm është edhe analiza që ka bërë KLSH, ku del se çmimi i energjisë së prodhuar nga anijet del 268 euro për megavat/orë, pra 4 herë më i shtrenjtë se të blesh energji në import.

    Një tjetër aferë që implikon ministren e Infrastrukturës Belinda Balluku është edhe koncesioni i aeroportit të Vlorës, një nga projektet më skandaloze të qeverisë Rama. Diskutimet për ndërtimin e këtij aeroporti nisën që në vitin 2018, por vetëm në 2021-n gjithçka u bë konkrete. Më 20 prill të të njëjtit vit u lidh kontrata e koncesionit mes shtetit shqiptar dhe konsorciumit që u shpall fitues: Mabetex Group në pronësi të Behgjet Pacollit që zotëronte 58% të kapitalit, kompania turke YDA Group me 40% të kapitalit dhe 2A Group me 2%. YDA Group u largua më pas nga aeroporti duke i shitur aksionet për një vlerë qesharake prej 4450 euro.

    Ajo që sjell implikimin direkt të ministres Balluku në këtë aferë është dhënia e miratimit për largimin e kompanisë turke pa u zëvendësuar nga një firmë që kishte përvojën teknike dhe financiare. Kostoja e ndërtimit të këtij aeroporti arrin në 104 milionë euro, por taksapaguesit do të detyrohen të paguajnë 138 milionë euro, ose 32% më shumë se investimi, në rast se koncesioni dështon. Pra, qeveria vendos të marrë përsipër risqe me miliona euro për projekte që nuk janë të studiuara siç duhet.

    Pavarësisht këtyre pasigurive, më 28 nëntor 2021 makineritë e rënda pushtuan zonën e mbrojtur të Vjosë–Nartës për të nisur ndërtimin e aeroportit dhe që prej asaj dite iu dha një goditje e fortë ekosistemit më unik në vendin tonë, i cili fatkeqësisht në një pjesë të tij e ka humbur statusin e mbrojtjes, me justifikimin e zhvillimit ekonomik. E megjithë këto kosto që mori natyra shqiptare, konflikti mes aksionerëve të kompanisë koncesionare, firmave 2A Group dhe Mabetex, bën që aeroporti të rrezikojë të mos hyjë në operim dhe kompanitë të kenë të drejtë të kërkojnë pagesën e garancisë nga shteti shqiptar!