Lajmidites.com

Tag: verore

  • Media italiane: Riviera Shqiptare, destinacioni unik në Evropë!

    Media italiane: Riviera Shqiptare, destinacioni unik në Evropë!

    A po ëndërroni për pushimet tuaja verore të vitit 2026 dhe po kërkoni destinacione në Evropë që nuk janë të mbipopulluara me turistë? Ne kemi përzgjedhur 10 destinacione unike evropiane, perfekte për turistët që kërkojnë përvoja autentike, shkruan Francesca Ferri në një artikull të botuar në të përditshmen italiane “Wom Travel”.
    Nga kryeqytetet e gjalla deri te brigjet e pastra të Mesdheut, duke kaluar nëpër ishuj vullkanikë dhe xhevahiret e Ballkanit, përgatituni të zbuloni vendet magjike ku vera ka një shije ndryshe.

    Ekzistojnë shumë destinacione sekrete në Evropë që kanë një trashëgimi të pasur natyrore dhe kulturore, shpesh me kosto shumë më të ulëta se vendet e njohura turistike.

    Viti 2026 është viti ideal për të vizituar këto vende përpara se ato të preken nga turizmi masiv.

    “Wom Travel” e ka renditur Rivierën Shqiptare midis dhjetë destinacioneve alternative evropiane, perfekte për të kaluar pushime verore të paharrueshme.
    Riviera Shqiptare
    Shqipëria është shndërruar në një nga destinacionet verore më tërheqëse dhe më të përballueshme në Evropë.
    Bregdeti i saj jugor, që shtrihet për rreth 150 kilometra përgjatë detit Jon, ofron peizazhe që rivalizojnë atë të Greqisë fqinje, plazhe me rërë të bardhë, gjire të fshehura dhe ujëra bruz, të gjitha me çmime të përballueshme dhe me shumë më pak turma vizitorësh.
    Qytetet kryesore bregdetare si Durrësi, Vlora dhe Saranda janë pikat ideale fillestare për të eksploruar bregdetin.
    Durrësi është një qytet i gjallë dhe perfekt për të rinjtë, ndërsa Vlora njihet si perla e turizmit bregdetar falë gjirit të saj spektakolar.
    Një nga plazhet më të bukura ndodhet këtu, Plazhi i Gjipesë, një xhevahir i paprekur fshehur midis shkëmbinjve.
    Saranda, njihet si “zemra e bregdetit”, e cila ndërthur relaksin me zbulimet kulturore.
    Vetëm pak kilometra larg ndodhen plazhet e famshme të Ksamilit, me ishujt e tij të ngjashëm me Karaibet.
    Gjithashtu, turistët mund të vizitojnë parkun arkeologjik te Butrintit, një Vend i Trashëgimisë Botërore të UNESCO-s.
    Për një përvojë më autentike, eksploroni plazhet më pak të njohura si Krorëzi, i arritshëm vetëm nga deti, ose Kakomja, e vendosur në shkurret mesdhetare.
    Mos humbisni fshatin bregdetar të Qeparosë, ku shtëpitë e lashta prej guri po rindërtohen si hotele butike.

  • Pse lëvizja e orës rrit rrezikun e problemeve shëndetësore

    Pse lëvizja e orës rrit rrezikun e problemeve shëndetësore

    Natën midis 25 dhe 26 tetorit 2025, në orën 03:00 të mëngjesit, akrepat do të lëvizin një orë pas, duke kaluar nga ora verore në atë dimërore. Ky ritual i përvitshëm, që ndodh dy herë në vit, vazhdon të ngjallë debat – jo vetëm për komoditetin, por edhe për shëndetin publik.

    Një zakon i vjetër që mund të dëmtojë trupin

    Ndryshimi i orës u krijua fillimisht për të kursyer energji gjatë muajve të ftohtë, por sot shumë ekspertë mendojnë se bën më shumë dëm sesa dobi. Sipas shkencëtarëve, kjo praktikë çrregullon orën tonë të brendshme biologjike, të njohur si ritmi cirkadian, i cili kontrollon funksione jetike si gjumi, metabolizmi, presioni i gjakut dhe ritmi i zemrës.

    Një studim i ri nga Universiteti i Stanfordit ka ofruar prova të forta se ndërrimi i orës dy herë në vit është zgjidhja më e dëmshme për shëndetin. Studiuesit krahasuan tre skenarë: sistemin aktual, orën e përhershme verore dhe orën e përhershme dimërore – dhe arritën në përfundimin se ndryshimi i vazhdueshëm është më i keqi për trupin e njeriut.

    Sipas modelimeve të bazuara në të dhëna të Qendrave Amerikane për Kontrollin dhe Parandalimin e Sëmundjeve (CDC), kalimi në kohë standarde të përhershme mund të parandalojë çdo vit rreth 300 mijë goditje në tru dhe të zvogëlojë obezitetin me mbi 2.6 milionë raste në SHBA.
    “Sa më shumë dritë të merrni në orarin e gabuar, aq më shumë prishet ora juaj e brendshme. Kjo ndikon në sistemin imunitar, energjinë dhe shëndetin e përgjithshëm,” thekson Dr. Jamie Zeitzer, autori kryesor i studimit.

    Pasojat afatshkurtra dhe afatgjata

    Përveç dëmeve afatgjata, ndryshimi i orës sjell edhe pasoja të menjëhershme: rritje të sulmeve në zemër, aksidenteve rrugore dhe lëndimeve në punë, veçanërisht pas kalimit në orën verore në pranverë, kur njerëzit humbasin një orë gjumë.

    Dilema e përhershme: ora e verës apo e dimrit?
    Shkencëtarët janë pothuajse unanimë: ora dimërore (standard) është më e shëndetshme, sepse ofron më shumë dritë në mëngjes – sinjal kyç për të rregulluar ritmin cirkadian.

    Në të kundërt, ora e përhershme verore nënkupton më shumë errësirë në mëngjes dhe më shumë dritë në mbrëmje, gjë që mund të prishë ciklin natyral të trupit.

    Edhe pse disa argumentojnë se mbrëmjet më të gjata sjellin më shumë kohë të lirë dhe ulje të krimit, përvoja e SHBA-së në vitin 1974, kur u zbatua ora verore gjatë gjithë vitit, tregoi të kundërtën: fëmijët shkonin në shkollë në errësirë dhe masa u tërhoq pas disa muajsh.

    Politika vonon, trupi nuk pret

    Parlamenti Europian votoi në vitin 2019 për t’i dhënë fund ndërrimit të orës, por vendet anëtare ende nuk kanë rënë dakord se cilën orë ta mbajnë përgjithmonë. Për pasojë, sistemi aktual do të vazhdojë të paktën deri në vitin 2026.

    Ndërkohë, më shumë se 70 shtete – përfshirë Rusinë, Turqinë, Kinën dhe Japoninë – e kanë hequr plotësisht këtë praktikë, të cilën shumë e konsiderojnë një relike të shekullit të kaluar.

    Si të përshtatemi më lehtë

    Ekspertët këshillojnë që disa ditë para ndryshimit të orës të:

    • flini dhe zgjoheni 10–15 minuta më herët çdo ditë;

    • shmangni kafeinën dhe vaktet e rënda në mbrëmje;

    • shfrytëzoni dritën natyrale të mëngjesit për të “rindrequr” orën e trupit.

    Edhe pse këtë fundjavë fitojmë një orë më shumë gjumë, është e qartë se çështja e ndryshimit të orës ka kaluar nga komoditeti në një problem serioz shëndetësor – për të cilin politika ende nuk ka një përgjigje përfundimtare.

  • Rikthehet ora diellore! Sonte në orën 03:00, akrepat shkojnë 60 minuta pas

    Rikthehet ora diellore! Sonte në orën 03:00, akrepat shkojnë 60 minuta pas

    Lamtumirë ora verore, mirësevjen ora diellore. Natën mes të shtunës 25 tetor dhe të dielës 26 tetor 2025, në orën 03:00, akrepat e orës do të kthehen një orë pas. Ndryshimi i orës do të na lejojë të flemë një orë me shumë gjumë mëngjeseve, por pasditet do të errësohen më shpejt. Ky ndryshim, quhet ora diellore dhe qëndron deri në 29 mars 2026 kur kthehet ora verore. Qëllimi kryesor i këtij ndryshimi është të shfrytëzohen më mirë orët me dritë natyrale gjatë pasdites dhe mbrëmjes, duke reduktuar nevojën për ndriçim artificial dhe duke nxitur kursimin e energjisë.
    Si funksionon?
    Në vjeshtë (në të dielën e fundit të tetorit), rikthehet ora diellore: akrepat kthehen një orë pas. Si pasojë, flihet një orë më shumë dhe orët me dritë përqendrohen më tepër në mëngjes. Çdo vit theksohet fakti se mbajtja e orës verore gjatë gjithë vitit do të shmangte ‘stresin e ndryshimit’ të lidhur me dritën, sinkronizuesin kryesor natyral të të gjithë proceseve të organizmit, i cili shfaqet te njerëzit me lodhje, pagjumësi, nervozizëm, dhimbje koke, luhatje humori, vështirësi për t’u përqendruar dhe për të ruajtur vëmendjen e lartë. Prandaj, shumë ekspertë mbështesin idenë e mbajtjes së orës verore gjatë gjithë vitit.
    Ndryshimi i orës dhe debati për ta hequr
    Ndryshimi i orës sezonale u prezantua për herë të parë në Evropë për të kursyer energji gjatë Luftës së Parë Botërore. Ideja u ringjall më vonë gjatë Luftës së Dytë Botërore dhe përsëri në vitet 1970 gjatë krizës së naftës.Një direktivë e BE-së mbi këtë çështje hyri në fuqi në vitin 2001, duke formalizuar ndryshimin e orës çdo dy vjet, në mars dhe tetor në të gjitha shtetet anëtare. Që atëherë, ndërrimi i kohës sipas stinëve është bërë gjithnjë e më i diskutueshëm.
    Ndryshimi i dyfishtë i orës gjatë vitit, nga ora verore në atë diellore, mund të ketë pasoja në ciklin e gjumit dhe zgjimit dhe prej kohësh ka qenë temë debati në Bashkimin Evropian. Në qendër të debatit qëndron vështirësia për të balancuar kursimin ekonomik me zakonet shoqërore dhe personale të secilit prej nesh.
    Në vitin 2018, Komisioni Evropian i drejtuar nga Jean-Claude Juncker paraqiti një propozimpër të ndalur ndryshimin gjashtëmujor të orës, duke u bazuar në rezultatet dërrmuese të një konsultimi publik, ku morën pjesë plot 4.6 milionë qytetarë, 84% e të cilëve ishin pro heqjes së ndryshimit të orës çdo gjashtë muaj.
    Komisioni paraqiti gjithashtu studime mbi dëmet që shkakton ndryshimi i orës në shëndetin psiko-fizik dhe theksoi se ora verore tashmë nuk sjell kursime të dukshme energjie. Megjithatë, propozimi nuk u miratua, pasi kërkon dritën jeshile nga si Këshilli, ashtu edhe Parlamenti Evropian për t’u zbatuar dhe deri më sot nuk është marrë asnjë vendim përfundimtar.

  • Rikthehet ora diellore! Sonte në orën 03:00, akrepat shkojnë 60 minuta pas! Flemë një orë me shumë

    Rikthehet ora diellore! Sonte në orën 03:00, akrepat shkojnë 60 minuta pas! Flemë një orë me shumë

    Lamtumirë ora verore, mirësevjen ora diellore. Natën mes të shtunës 25 tetor dhe të dielës 26 tetor 2025, në orën 03:00, akrepat e orës do të kthehen një orë pas. Ndryshimi i orës do të na lejojë të flemë një orë me shumë gjumë mëngjeseve, por pasditet do të errësohen më shpejt. Ky ndryshim, quhet ora diellore dhe qëndron deri në 29 mars 2026 kur kthehet ora verore. Qëllimi kryesor i këtij ndryshimi është të shfrytëzohen më mirë orët me dritë natyrale gjatë pasdites dhe mbrëmjes, duke reduktuar nevojën për ndriçim artificial dhe duke nxitur kursimin e energjisë. 

    Si funksionon? 

    Në vjeshtë (në të dielën e fundit të tetorit), rikthehet ora diellore: akrepat kthehen një orë pas. Si pasojë, flihet një orë më shumë dhe orët me dritë përqendrohen më tepër në mëngjes. Çdo vit theksohet fakti se mbajtja e orës verore gjatë gjithë vitit do të shmangte ‘stresin e ndryshimit’ të lidhur me dritën, sinkronizuesin kryesor natyral të të gjithë proceseve të organizmit, i cili shfaqet te njerëzit me lodhje, pagjumësi, nervozizëm, dhimbje koke, luhatje humori, vështirësi për t’u përqendruar dhe për të ruajtur vëmendjen e lartë. Prandaj, shumë ekspertë mbështesin idenë e mbajtjes së orës verore gjatë gjithë vitit. 

    Ndryshimi i orës sezonale u prezantua për herë të parë në Evropë për të kursyer energji gjatë Luftës së Parë Botërore. Ideja u ringjall më vonë gjatë Luftës së Dytë Botërore dhe përsëri në vitet 1970 gjatë krizës së naftës.Një direktivë e BE-së mbi këtë çështje hyri në fuqi në vitin 2001, duke formalizuar ndryshimin e orës çdo dy vjet, në mars dhe tetor në të gjitha shtetet anëtare. Që atëherë, ndërrimi i kohës sipas stinëve është bërë gjithnjë e më i diskutueshëm. 

    Ndryshimi i dyfishtë i orës gjatë vitit, nga ora verore në atë diellore, mund të ketë pasoja në ciklin e gjumit dhe zgjimit dhe prej kohësh ka qenë temë debati në Bashkimin Evropian. Në qendër të debatit qëndron vështirësia për të balancuar kursimin ekonomik me zakonet shoqërore dhe personale të secilit prej nesh. 

    Në vitin 2018, Komisioni Evropian i drejtuar nga Jean-Claude Juncker paraqiti një propozimpër të ndalur ndryshimin gjashtëmujor të orës, duke u bazuar në rezultatet dërrmuese të një konsultimi publik, ku morën pjesë plot 4.6 milionë qytetarë, 84% e të cilëve ishin pro heqjes së ndryshimit të orës çdo gjashtë muaj. 

    Komisioni paraqiti gjithashtu studime mbi dëmet që shkakton ndryshimi i orës në shëndetin psiko-fizik dhe theksoi se ora verore tashmë nuk sjell kursime të dukshme energjie. Megjithatë, propozimi nuk u miratua, pasi kërkon dritën jeshile nga si Këshilli, ashtu edhe Parlamenti Evropian për t’u zbatuar dhe deri më sot nuk është marrë asnjë vendim përfundimtar. 

     

  • A po lufton Spanja si Don Kishoti për të ndaluar lëvizjen e orës?

    A po lufton Spanja si Don Kishoti për të ndaluar lëvizjen e orës?

    Spanja po rifillon iniciativën për të eliminuar ndryshimet e orës verore dhe dimërore në Bashkimin Evropian, me shpresën që kjo të realizohet nga viti 2026. Kryeministri Pedro Sánchez e quajti këtë praktikë “të vjetëruar” dhe shtoi se ajo nuk kursen më energji dhe shkakton shqetësime për shëndetin.

    Ndërkohë, shumica e qytetarëve spanjollë dhe evropianë janë shprehur kundër ndryshimit të orës. Megjithatë, Spanja ende nuk ka vendosur se cilën zonë kohore do të mbajë.

    Historikisht, vendi përdorte Orën Mesatare të Greqisë, por në vitin 1940 u kalua në Orën e Evropës Qendrore, një vendim i marrë nga regjimi i Francos gjatë Luftës së Dytë Botërore që nuk u revokua kurrë. Disa ekspertë sugjerojnë se rikthimi në orën “natyrale” do të ndihmonte në rritjen e produktivitetit dhe përmirësimin e ritmeve ditore, ndërsa të tjerë paralajmërojnë për ndërprerje të mundshme afatshkurtra.

    Orët sezonale u vendosën për herë të parë gjatë Luftës së Parë Botërore dhe rifilluan në Luftën e Dytë, për të kursyer energji. Direktiva e BE-së që nga viti 2001 kërkon që orët të lëvizen dy herë në vit, në mars dhe tetor.

    Kjo fundjavë, natën midis 25 dhe 26 tetorit, do të përfundojë ora verore, dhe akrepat do të zhvendosen një orë prapa.

  • Koçiu: Mbi 68 mijë turistë morën shërbim në qendrat shëndetësore verore

    Koçiu: Mbi 68 mijë turistë morën shërbim në qendrat shëndetësore verore

    Gjatë sezonit turistik veror 36 qendra shëndetësore, nga veriu në jug, garantuan shërbim mjekësor për të gjithë pushuesit, vendas apo të huaj.
    Ministrja e Shëndetësisë dhe Mbrojtjes Sociale, Albana Koçiu në një postim në rrjetet sociale tha sot se “68108 pushues vendas e të huaj kanë marrë shërbim nga 1 qershori deri më 31 gusht, në 36 qendrat shëndetësore verore të hapura 24/7, me ekipe mjekësore pranë pushuesve çdo ditë”.
    Sipas saj, 30% e pushuesve që morën shërbim në këto qendra ishin turistë të huaj.
    Ministrja Koçiu u shpreh se “falë përkushtimit të stafeve mjekësore, pushuesit kanë shijuar një sezon të qetë dhe të mbrojtur”.
    Fluksin më i lartë i pushuesve që kanë marrë shërbim ka qenë në qendrat shëndetësore në Golem, Pogradec, Plazh Durrës, Mali i Robit, Gjiri i Lalëzit. Ndërsa diagnozat më të shpeshta kanë qenë gastroenterite, pickime dhe alergji, viroza të ndryshme dhe hipertension arterial.
    Qendrat shëndetësore verore do të qëndrojnë të hapura deri në 30 shtator 2025 për një sezon turistik të sigurt dhe të shëndetshëm për të gjithë pushuesit, vendas dhe të huaj.

  • Qendra shëndetësore verore në kishën e Shna Ndout, qytetarët: Ndihmë për të moshuarit dhe fëmijët

    Qendra shëndetësore verore në kishën e Shna Ndout, qytetarët: Ndihmë për të moshuarit dhe fëmijët

    Pelegrinët dhe vizitorët e kishës së Shna Ndout në Laç mund të përfitojnë shërbim shëndetësor falas. Në këtë vend të shenjtë është hapur Qendra Shëndetësore Verore, e pajisur me mjete dhe medikamente të nevojshme për të mbështetur nevojat e qytetarëve dhe besimtarëve.
    Qendra do të jetë e hapur çdo vit nga marsi në shtator, duke përfshirë të martat e pelegrinazhit 13-javor, me staf mjekësor në gatishmëri 24/7.

    Qendra ofron ndihmë të shpejtë, të sigurt dhe të aksesueshme për çdo nevojë mjekësore, duke u ardhur në ndihmë besimtarëve dhe vizitorëve gjatë gjithë sezonit veror.

  • Ja si të dalloni alergjinë verore nga ftohja, dhe si të mbroheni!

    Ja si të dalloni alergjinë verore nga ftohja, dhe si të mbroheni!

    Poleni veror është një nga shkaktarët më të shpeshtë të alergjive sezonale. Ai përhapet nga bari, lulet dhe bimët e tjera që lulëzojnë gjatë muajve të ngrohtë dhe grimcat e tij mikroskopike mund të shkaktojnë reaksione tek personat e ndjeshëm. Sipas American College of Allergy, Asthma & Immunology (ACAAI, 2024), ekspozimi ndaj polenit mund të provokojë teshtima të shpeshta, hundë që rrjedh, kruajtje të syve dhe lodhje.
    Për t’u mbrojtur nga poleni veror, rekomandohet të ndiqen disa masa të thjeshta. Qëndrimi brenda gjatë orëve me përqendrim të lartë të polenit, zakonisht mëngjesi dhe pasdite, mbajtja e dritareve të mbyllura dhe përdorimi i filtrave të ajrit HEPA. Larja e flokëve dhe ndërrimi i rrobave pas kthimit nga jashtë për të hequr polenin e mbetur, shmangia e tharjes së rrobave jashtë gjatë ditëve me përqindje të lartë poleni.
    Në rast se shfaqen simptomat, mjekët rekomandojnë Antihistaminikë oralë që reduktojnë teshtimat dhe rrjedhjen e hundës, sprajt me kortikosteroide për të ulur inflamacionin dhe bllokimin e hundës si dhe pika për sy për kruajtje dhe lot. Për raste të rënda ose të vazhdueshme, mund të merret në konsideratë imunoterapia (vaksinat e alergjisë), e cila ndihmon në uljen e ndjeshmërisë ndaj polenit me kalimin e kohës. Alergjia dhe ftohja verore kanë disa simptoma të përbashkëta, si rrjedhja e hundës, teshtimat dhe lodhja, por ka dallime të qarta.
    Alergjia shkakton sekrecione të qarta, kruajtje të syve dhe simptomat vazhdojnë për javë ose muaj, për aq kohë sa vazhdon ekspozimi ndaj alergjenit. Ftohja verore, e shkaktuar nga viruse, shpesh shoqërohet me ethe të lehta, dhimbje fyti dhe mukoza më të trasha me ngjyrë të verdhë ose jeshile. Një tjetër dallim i rëndësishëm është se ftohja është ngjitëse, ndërsa alergjia nuk transmetohet nga një person te tjetri. Nëse simptomat zgjasin mbi 10 ditë dhe përkeqësohen në ditë kur poleni është i lartë, ka më shumë gjasa të bëhet fjalë për alergji sesa për ftohje.

  • Rama: Energjia verore nga Gjiri i Gramës

    Rama: Energjia verore nga Gjiri i Gramës

    Gjiri i Gramës, në Gadishullin e Karaburunit, është një ndër destinacionet e preferuara nga turistët vendas dhe të huaj në bregdetin e jugut të Shqipërisë.

    Kryeministri Edi Rama ndau sot pamje nga Gjiri i Gramës, i cili ofron një peizazh natyror shumë tërheqës për çdo vizitor.

    “Me energjinë verore nga Gjiri i Gramës”, shkruan Rama, ndërsa ndan pamje nga plazhet më spektakolare të jugut, me ujin e pastër kristal e natyrën e virgjër.

    Gjiri detar futet disa qindra metra në tokë, ku formon një bregdet shkëmbor me foleza. Aty ka dhe disa shpella nënujore. Ky gji është përdorur shumë për mbrojtjen e anijeve nga furtuna në det.

    Gjithashtu, ai është përdorur gjatë në antikitet si gurore. Gurorja e Gramës është mjaft e njohur që në lashtësi.

    Detarët që strehonin aty anijet, punëtorët që nxirrnin blloqe shkëmborë që përdoreshin për ndërtim në qytetet ilire e më gjerë, kanë gdhendur edhe emrat në faqet shkëmbore e shumë të dhëna të tjera që bëjnë kureshtar vizitorin.

    Ndaj dhe shpesh shpella që ndodhet aty njihet si “Shpella e shkrimeve”. Arkeologët i kanë studiuar dhe kanë shkruar për këto dokumente historike të gdhendura në shkëmb.

    Vlerat e këtij monumenti natyror janë shkencore, historike, kulturore e turistike. Por sot ky gji i bukur detar shfrytëzohet si një plazh i vogël e intim. Drejt tij shkohet me rrugë tokësore, por edhe detare. Shfrytëzohet nga aventurierët e ujit dhe të shpellave./atsh/KultPlus.com

  • Energji verore nga Gjiri i Gramës (VIDEO)

    Energji verore nga Gjiri i Gramës (VIDEO)