Në protestën e thirrur për sot në orën 18:00, pjesëmarrja e qytetarëve u raportua e vakët, por zërat e atyre që dolën në shesh ishin të qartë dhe të vendosur.
Një nga protestuesit tha se qëllimi kryesor i tubimit është dërgimi i një mesazhi për qytetarët, duke theksuar rëndësinë e jetës, mirëqenies dhe respektimit të të drejtave të njeriut. Sipas tij, familja mbetet “e shenjtë” dhe “krijohet nga burri dhe gruaja”, ndërsa shtoi se respektohen të gjitha format e jetesës.
Një tjetër protestues u shpreh se protesta është e domosdoshme për t’i bërë qytetarët të bashkohen dhe për të shprehur pakënaqësitë ndaj qeverisë, që sipas tij ka kryer “vjedhje deri më tani”. Edhe pse pranoi se pjesëmarrja mund të mos jetë në nivelet e pritura, ai u shpreh optimist se “populli do të mobilizohet”.
Ndërkohë, një protestues tjetër kritikoi ashpër qeverinë aktuale, duke e krahasuar me “partinë e Haxhiqamilit” dhe e cilësoi atë si “partinë më të korruptuar”.
Protesta pritet të vijojë deri në mbrëmje, ndërsa organizatorët shpresojnë në shtim të pjesëmarrjes.
Tag: vakët
-
Protestë “e vakët” përball kryeministrisë/ Protestuesit: Kjo është qeveri haxhiqamilësh, qytetarët të na bashkohen
-
8 arsye përse duhet të pini ujë të ngrohtë
Konsumimi i rregullt i ujit të ngrohtë ose të vakët ofron përfitime shëndetësore shumë të mira për trupin. Më poshtë do të gjeni 8 arsye përse duhet të pini ujë të ngrohtë:
Lehtëson dhimbjet
Konsumimi i ujit të ngrohtë ju ndihmon të lehtësoni dhimbjet nga menstruacionet. Nxehtësia e ujit të ngrohtë ose të vakët ka një efekt qetësues për muskujt abdominal, duke lehtësuar kështu dhimbjet në pjesë të ndryshme të trupit.Ndihmon me tretjen
Një gotë ujë i ngrohtë në mëngjes largon toksinat nga trupi. Uji dhe lëngjet e tjera tresin gjithashtu ushqimet në stomak, duke ndihmuar kështu sistemin e tretjes.
Përmirëson qarkullimin e gjakut
Konsumimi i ujit të ngrohtë ose të vakët ndihmon në eliminimin e depozitave të akumuluara në sistemin nervor. Kjo ndihmon në përmirësimin e qarkullimit të gjakut dhe nxjerrjen jashtë të toksinave që qarkullojnë në trup.
Parandalon plakjen e parakohshme
Konsumimi i ujit të ngrohtë ndihmon në parandalimin e plakjes së parakohshme. Toksinat që janë prezent në trup çojnë në plakje të parakohshme, por, duke konsumuar ujë të ngrohtë, ju mund të largoni toksinat nga trupi dhe rigjeneroni lëkurën.
Ndihmon në rënien në peshë
Konsumimi i ujit të ngrohtë ndihmon në tretjen e yndyrave në trup dhe rënien në peshë. Për të rënë në peshë, mund të konsumoni ujë të ngrohtë ose të vakët me pak limon dhe mjaltë pas çdo vakti.
Për lëkurë të shëndetshme
Konsumimi i ujit të ngrohtë mban trupin të hidratuar. Ai është i mirë për lëkurën e thatë dhe të ashpër.
Ilaç për kollën dhe ftohjen
Konsumimi i ujit të ngrohtë ose të vakët ndihmon në lehtësimin e dhimbjeve të fytit duke lëngëzuar mukozën e trashë tek ezofagu dhe sinusit. Uji i ngrohtë vepron si një Parandalon daljen e puçrrave dhe akneve. -
‘Kriza në qeverinë serbe’/ Peka: Mediat në Tiranë heshtin, në Kosovë raportojnë vakët – kush shqetësohet nga rënia e Vuçiçit?
Në një postim në Facebook, gazetari Çim Peka ka reaguar për mënyrën se si mediat në Shqipëri dhe Kosovë po e trajtojnë situatën politike në Serbi, ku prej ditësh janë zhvilluar protesta kundër presidentit Aleksandar Vuçiç.
Peka vëren se mediat në Tiranë po shmangin raportimin mbi zhvillimet e fundit në Beograd, ndërsa në Kosovë sipas tij, raportimi është i vakët dhe i zbehtë, ndonëse përballja e brendshme në Serbi mund të ketë ndikime të drejtpërdrejta në rajon.
Ai ngre pyetjen se kush shqetësohet realisht nga rënia politike e Vuçiçit dhe përplasjet civile mes serbëve, duke lënë të nënkuptohet se stabiliteti i pushtetit në Beograd ka më shumë përkrahës në rajon sesa mund të mendohet.
Postimi i plotë:
Mediat shqipfolëse në merak për Vuçiç!?
Unë i kuptoj mediat në Tiranë që nuk informojnë mbi protestat anti-Vuçiç në Serbi dhe rrëshqitjen serbe drejt luftës civile.
Fundja, kjo nuk i shkon për shtat Ramës.
Po ato në Kosovë pse raportojnë vakët?
Kush mërzitet nga rënia e Vuçiçit dhe përplasja civile mes serbësh?