Lajmidites.com

Tag: ushtar

  • Atakan Sezer – Koha e iftarit në frontin e luftës në Çanakkale

    Nje ushtar nga fronti i luftes,i shkruan nje leter vajzës dhe i thotë kështu:Vajza ime,sot eshte 14 Korrik, dita e dytë e Ramazanit. Dhe kreu i dinajetit fetar, ka shperndar nje fetva ku thote, qe nuk mund te mbani agjerim! Por une nuk e besova kete gje..dhe kisha synim per te mbajtur agjerim! Ne vaktin e sahurit, ne mesin e shklurreve gjeta dy qershi..dhe me ato e bera sahurin! Diten gerrmuam gropa te reja, diten,ofensiva u rrit..nuk arritem qe te dilnim dot ne sulm! Ne mbremje nje ushtar,kendoi ezanin,dhe ne e hapem agjerimin me uje..une me pas mendova qe,vetem une jam agjerues ne mesin e tyre..por te gjithe ishin agjerueshem! Me pas vakti i ushqimit,me erdhi mua..me erdhi por,une kisha turp prej vetes,sepse te gjithe shoket e mi kishin mbajtur agjerim,pa ngrene vakti ne sahurit.Une nderkohe i kisha ngrene dy kokrra qershi,dhe perballe tyre ndjeja nje ndjenje turpi..dhe madje ate dite kam derdhur lot,sesi tja paguaja borxhin vellezerve qe rane deshmor agjerueshem,nga Erzurumi,Darenderia, Yenice, Kalkandele…

    Marrë nga faqja e Juamin Velija

  • Noka “mbron” Berishën në Kuvend, përplaset me Peleshin: Je ushtar, vetëm kryetar nuk je!

    Noka “mbron” Berishën në Kuvend, përplaset me Peleshin: Je ushtar, vetëm kryetar nuk je!

    flamur noka-niko peleshi

    TIRANË- Deputeti i PD-së, Flamur Noka, ka reaguar ashpër gjatë seancës në Kuvend për përjashtimin e kryedemokratit Sali Berisha. Noka thekson se deklarata e Berishës për ambasadorin Silvio Gonzato është bërë jashtë sallës së Kuvendit dhe nuk kishte kontekst fyes. Ndërkohë, nuk mungoi as përplasja mes tij dhe kryeparlamentarit Peleshi. Këtij të fundit, Noka iu drejtua duke i thënë se nuk është kryetar, por një ushtar i Partisë. 
    Noka: Vetëm kryetar nuk jeni, por ushtar i partisë.
    Peleshi: z.Noka tërheqje vëmendje
    Noka: Seancën e kaluar, ju përjashtuar kreun e opozitës për një deklaratë që u mbajt kësaj salle dhe nuk kishte asnjë kontekst fyes apo ofendues për askënd. Deklaratë që citonte thënien e një ambasadori. E gjitha ajo që bëtë ndaj Berishës është urrejtje ndaj së vërtetës. Mashkullit paradite i thoni mashkull, pasdite femër. Transeksuali do të favorizohet dhe ai që do qëndrojë siç e ka bërë zoti, do diskriminohet sipas ligjit tuaj. Ju vendosët të shkatërronit familjen me atë ligj, që të shkatërroni këtë shoqëri. Do ikësh me turp si kolegët e tu
    Peleshi: Faleminderit për këshillën

  • “Peleshi, sillet si ushtar i bindur”/ Seanca plenare, reagon ashpër deputeti: E paprecedentë dhe shqetësuese

    “Peleshi, sillet si ushtar i bindur”/ Seanca plenare, reagon ashpër deputeti: E paprecedentë dhe shqetësuese

    Nënkryetari i Kuvendit të Shqipërisë, Agron Gjekmarkaj, ka reaguar me tone të forta në një deklaratë për shtyp, duke denoncuar atë që e cilëson si një përpjekje të mazhorancës për të marrë peng Kuvendin dhe për të asgjësuar çdo formë debati demokratik.
    “Ajo që po ndodh me Parlamentin e Shqipërisë është e paprecedentë dhe thellësisht shqetësuese,” deklaron Gjekmarkaj, duke akuzuar Partinë Socialiste se po e trajton institucionin më të lartë përfaqësues si “pronë private në shërbim të interesave të saj të ngushta partiake”.
    Sipas tij, qëndrimi i mazhorancës ka për qëllim të heshtë opozitën, të pengojë interpelancat dhe të shmangë çdo kontroll demokratik, veçanërisht ndaj përfaqësuesve të institucioneve të drejtësisë që pritet të raportojnë në Kuvend për çështje të ndjeshme, përfshirë edhe afera korruptive.
    Gjekmarkaj e konsideron ndërprerjen e debatit dhe bllokimin e pyetjeve si një “akt të rëndë kundër demokracisë” dhe “një dënim me vdekje për vetë parlamentarizmin”.
    Në deklaratën e tij, ai i bën thirrje Niko Peleshit, që kryesoi seancën plenare, të ngrihet “në lartësinë e postit që mban” dhe të sillet si përfaqësues i të gjithë qytetarëve, jo si “ushtar i bindur i një partie”.
    “Zoti Peleshi, është koha të silleni si Kryetar i Parlamentit të gjithë shqiptarëve, jo si ushtar i bindur i një partie. Ushtrinë e keni kryer me kohë. Tani keni detyrimin të mbroni demokracinë,” përfundon deklaratën Gjekmarkaj.
    Deklarata e Gjekmarkajt:
    Ajo që po ndodh me Parlamentin e Shqipërisë është e paprecedentë dhe thellësisht shqetësuese! Kuvendi është marrë peng në mënyrë të qëllimshme. Mazhoranca po sillet me këtë institucion sikur të ishte një pronë private në shërbim të interesave të saj të ngushta partiake. Ata nuk duan debat, nuk duan interpelancë, nuk duan transparencë – e gjithë sjellja e tyre synon të fshijë çdo zë kritik dhe të asgjësojë çdo kontroll demokratik.
    Ngjarjet e sotme nuk ishin spontane – ato u provokuan në mënyrë të qëllimshme nga mazhoranca, vetëm për të vendosur një precedent të rrezikshëm: të ndalohen pyetjet e opozitës ndaj përfaqësuesve të institucioneve të drejtësisë, të cilët pritet të raportojnë në Kuvend për çështje të rëndësishme, përfshirë aferat korruptive.
    I bëj thirrje z. Niko Peleshi që të ngrihet në lartësinë e postit që mban. Parlamenti i Shqipërisë nuk është i Partisë Socialiste – ai është i qytetarëve shqiptarë. Është hapësira ku bashkëjetojnë mendimet ndryshe, ku zhvillohet debati demokratik, ku përfaqësohen të gjithë ata që kanë votuar, qoftë për mazhorancën apo opozitën.
    Zoti Peleshi, është koha të silleni si Kryetar i Parlamentit të gjithë shqiptarëve – jo si ushtar i bindur i një partie. Ushtrinë e keni kryer me kohë. Tani keni detyrimin të mbroni demokracinë.

  • “Ushtar i Ramës”, Bardhi kritikon ashpër Presidentin pas pezullimit të zgjedhjeve: Duhet të kishte dhënë dorëheqjen sot

    “Ushtar i Ramës”, Bardhi kritikon ashpër Presidentin pas pezullimit të zgjedhjeve: Duhet të kishte dhënë dorëheqjen sot

    Kreu i Grupit Parlamentar të PD, Gazment Bardhi ka reaguar pas vendimit të Gjykatës Kushtetuetse për të pezulluar zgjedhjet në Tiranë, duke rrëzuar dekretin e Presidentit Bajram Begaj.
    Bardhi e cilësoi Kreun e Shtetit si “kllouni në Presidencë“, i cili sipas tij u diskreditua sot në sytë e opinionit publik.Sipas tij, Begaj duhet të kishte dhënë dorëheqjen ditën e sotme pas këtij vendimi, duke e cilësuar dekretin e tij për zgjedhjet si shkeljen më të rëndë të Kushtetutës që është nga një President në këto 35 vite.
    “Kllouni në Presidencë u diskretitua sot në sytë e gjithë opinionit publik, duke u shpallur me vendim të GJK si ushtar i ER. Nëse do kishte një grimcë dinjiteti sot do kishte dhënë dorëheqjen. Shkelje më të rëndë të Kushtetutës nuk ka kryer kurrë asnjë President në këto 35 vjet”, shkroi ai.

  • Angazhimi i aktorit të famshëm në ushtrinë gjermane — Intervista ekskluzive me Aleksandër Moisiun në Berlin

    Angazhimi i aktorit të famshëm në ushtrinë gjermane — Intervista ekskluzive me Aleksandër Moisiun në Berlin

    Nga Aurenc Bebja*, Francë – 5 Shtator 2025

    “La Tribuna” ka botuar, të dielën e 7 shkurtit 1915, në faqen n°3, intervistën ekskluzive me Aleksandër Moisiun në Berlin rreth angazhimit të tij asokohe në ushtrinë gjermane, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

    Një intervistë me Moisiun, aktor dhe ushtar

    Burimi : La Tribuna, e diel, 7 shkurt 1915, faqe n°3

    Në një nga shumë kafenetë e modës, të cilat, pavarësisht luftës, janë shumë të mbushura me njerëz, një ushtar këmbësorie bisedon me dy të rinj. Sa ushtarë ka rreth nesh që flasin me miqtë e tyre ? Megjithatë, rreth këtij ushtari shumë modest mblidhet gradualisht një rreth i vogël njerëzish ; ushtari flet italisht dhe flet me përsosmëri në formë dhe theks dhe me diçka të përzemërt dhe nostalgjike që duket si jehona e zbehtë e një kënge lagune. Ushtari duket se nuk e vëren kureshtjen që ngjall ; një e re më e guximshme i ofron një kartolinë me fotografi dhe një stilolaps ; ushtari buzëqesh dhe firmos, e reja falenderon dhe biseda italiane vazhdon. Por shpejt ndërpritet ; këtë herë nga dy zotërinj :

    — “Ist es wahr, dass Sie an die Front gehen?” (A është e vërtetë që do të shkoni në front ?)

    — “Ja, morgen oder übermorgen”. (Po, nesër ose pasnesër).

    E reja që nuk u largua, ka një moment emocioni ; përgjigjia e ushtarit përhapet nëpër kafenenë dhe së shpejti një turmë formohet rreth nesh. Pse kaq shumë emocion për këtë ushtar që po largohet ndërkohë që çdo ditë qindra ushtarë nisen për në front, ndërkohë që shumë prej po atyre të rinjve që janë të gëzuar këtë mbrëmje këtu në “Caffè des Westens” do të jenë në rreziqet dhe ashpërsinë e llogoreve brenda një jave ? Sepse ky ushtar është Aleksandër Moisiu, aktori i madh që publiku gjerman idhullon nga Kronprinz-i (Princi trashëgimtar) deri te qytetari më modest ; ai është aktori i madh që pasi luajti në tragjeditë e mëdha ritmike, nuk mundi të dorëzohej për të qenë vetëm spektator i kësaj tragjedie të madhe njerëzore.

    Turma përreth tij tani është e madhe dhe zhurmuese : biseda është e vështirë.

    — Ejani nesër në shtëpinë time, tha Moisiu, të cilin e kam njohur në Itali.

    Ja ku jam në shtëpinë e Moisiut : nga dritarja e hapur në diellin e ndrojtur të Berlinit mund të shohim Spraa-në. Moisiu, i cili ka veshur një uniformë gri lufte, rrëfehet :

    — Ju jeni habitur kur më gjetët një ushtar gjerman ? Kur shpërtheu lufta, kërkova të bashkohesha me ushtrinë gjermane, jo vetëm nga mirënjohja ndaj këtyre njerëzve që kanë qenë gjithmonë shumë dashamirës ndaj artit tim, por nga një konsensus admirimi aktiv për shembullin e admirueshëm të entuziazmit dhe harmonisë kombëtare që gjermanët po i jepnin botës. Kam performuar në Paris, në Londër, në Petersburg, në Bruksel dhe kudo që kam pasur një mirëseardhje shumë dashamirëse ; detyra ime e mirënjohjes si artist shtrihet edhe në kombet e tjera, por duke u regjistruar në ushtrinë gjermane, nuk kam përmbushur një detyrë mirënjohjeje si artist, por një akt të vetëdijshëm pëlqimi. Tregojuni në Itali dhe thuajuni gjithashtu se nuk kam hequr dorë nga dashuria për Italinë për asnjë moment. Unë e dua Italinë, që është atdheu im, por ashtu siç kishte italianë që besonin se po përmbushnin një detyrë duke u bashkuar me ushtrinë franceze, kështu besoja se po përmbushja një detyrë duke u bashkuar me ushtrinë gjermane.

    — Dhe nuk keni hasur ndonjë vështirësi ?

    — Jo, iu drejtova Kronprinz-it (Princit trashëgimtar) që më ka nderuar gjithmonë me dashamirësinë e tij. Kronprinz-i m’u përgjigj me një telegram të përzemërt falënderimi dhe në pesëmbëdhjetë minuta u bëra një këmbësor gjerman. Unë e kam kryer gjithmonë detyrën time si ushtar, duke shkuar çdo ditë në kazermë për të kryer udhëzimet dhe duke mos kërkuar ndonjë trajtim të veçantë. Në të vërtetë, do t’ju them se që kur u bëra ushtar nuk kam recituar më, edhe sepse të gjitha tragjeditë zbehen në krahasim me këtë tragjedi të madhe që trondit Evropën, dhe sepse nuk doja që askush të mendonte as nga larg se doja të përdorja uniformën time të ushtarit për të fituar një favor edhe më të madh me publikun e Berlinit.

    Moisiu flet qetë, thjesht, me emocion ;  zëri i aktorit të madh ka një butësi bindëse, të përtypur. Edhe nga biseda e tij ne mund të shohim fuqinë e artit të tij përfaqësues. Ai më tregon për “Kronprinz-in” :

    — Kronprinz-i (Princi trashëgimtar) e do Italinë ; Unë kam kaluar shumë orë me të në pallatin e tij, vetëm unë me të dhe qenin e tij të besueshëm dhe shpesh flisnim për Italinë, shpesh edhe në italisht. Unë kurrë nuk kam gjetur një person me karakter kaq të thjeshtë si Kronprinz-i ; ai shpesh skuqet kur flet… Dhe ai nuk është në gjendje t’i thotë askujt asgjë më pak se të këndshme. Princesha trashëgimtare është një engjëll ; Unë drekova me të dhe mund t’ju them se ajo e adhuron burrin e saj dhe se është gruaja më e mirë dhe nëna më e dashur.

    Moisiu u takua gjithashtu me Mbretëreshën e Belgjikës dhe ka një kujtim mirënjohës dhe të mirë për të ; është e çuditshme të dëgjosh këtë ushtar gjerman të flasë italisht dhe të këndojë lavdërimet e Mbretëreshës së Belgjikës. Por historia e kësaj ore ka shumë konflikte tragjike ; dhe cilat do të jenë konfliktet e së nesërmes ? Mendja e njeriut humbet duke menduar për to.

    Do të doja që Moisiu të më fliste për artin dhe projektet e tij ; më thotë se, derisa të mbarojë lufta, arti duhet të heshtë ; ai tani ndjen gjithë kotësinë (vanitetin) e asaj që nuk është veprim i drejtpërdrejtë. Vetëm muzika e ngushëllon dhe dehet nga ajo. Vitin e kaluar, më thotë, kishte planifikuar një “tur” për në Itali me Duse-n ;  do të luanim “Fantazmat”. Për gjashtë javë, Moisiu dhe Duse jetuan në Venecia në lodhjen e vazhdueshme të provave ; më pas një vështirësi përtej kontrollit të tyre kaloi rrugën dhe më pas, papritmas, Duse u zhduk.

    “Por projekti — shton Moisiu — nuk ka vdekur, thjesht është pezulluar… Dhe unë do të përfaqësoj edhe veprat e Benellit, e kam premtuar dhe kam ndërmend ta mbaj premtimin.”

    Tashmë biseda është për Italinë, për artin e saj, për shpresat e saj ; duke veshur uniformën e një ushtari gjerman, Moisiu nuk e ka pakësuar dashurinë për tokën e tij të ëmbël të Adriatikut… Aktori i njohur reciton disa vargje veneciane.

    Pastaj papritmas shikon orën e tij :

    — Ora është katër e një çerek, duhet të shkoj në kazermë./ KultPlus.com

  • Rusia vazhdon sulmet, Putin kërcënon: Çdo ushtar i huaj në Ukrainë do të jetë një objektiv legjitim

    Rusia vazhdon sulmet, Putin kërcënon: Çdo ushtar i huaj në Ukrainë do të jetë një objektiv legjitim

    Rusia ka goditur sërish Ukrainën me një valë raketash, ndërsa presidenti rus, Vladimir Putin ka paralajmëruar se çdo ushtar të huaj të angazhuar në Ukrainë do ta konsiderojë “shënjestër legjitime”.
    Forca ajrore ukrainase ka thënë se vendi është goditur me 91 dronë rusë. Nuk është raportuar për viktima.
    Qëndrimi i ashpër i Putinit ka ardhur pasi aleatët perëndimorë të Kievit janë mbledhur për të arritur pajtueshmëri rreth një force që garanton sigurinë e Ukrainës.

    “Nëse shfaqet ndonjë ushtar aty, sidomos tani që luftimet janë duke vazhduar, ne do t’i konsiderojmë shënjestra legjitime”, ka thënë Putin në një forum ekonomik që është mbajtur më 5 shtator në Vlladivostok.
    Komentet e Putinit kanë ardhur vetëm një ditë pas takimit të të ashtuquajturit “Koalicion i Vullnetit”, i cili është zotuar për një “forcë sigurie” për Ukrainën, dhe pasi presidenti ukrainas, Volodymyr Zelensky është zotuar se do të vazhdojë të hakmerret ndaj sulmeve ruse në objektet e energjisë, pavarësisht kritikave të Sllovakisë dhe Hungarisë, të dyja blerëse të naftës ruse.
    Në Vlladivostik të Rusisë, Putini e ka nënvlerësuar rëndësinë e një takimi me Zelenskyn, mirëpo ka sugjeruar se mund ta takojë atë vetëm në një vend.
    “Vendi më i mirë është kryeqyteti rus, qyteti i heronjve, Moska”, ka thënë Putin.
    Zelensky dhe zyrtarë tjerë perëndimorë e kanë përshkruar këtë propozim si joserioz.
    “Ai mund të vijë në Kiev”, ka thënë Zelensky.
    “Nuk mund të shkoj në Moskë kur shteti im po sulmohet me raketa çdo ditë. Nuk mund të shkoj në kryeqytetin e këtij terroristi. Putini e kupton këtë”, ka thënë Zelensky.
    Këto deklarata janë bërë pas disa takimeve të nivelit të lartë në Kinë, më herët gjatë javës, të cilat ia kanë bërë të qartë liderit rus se nuk është i izoluar në skenën botërore, pavarësisht shkëputjes së lidhjeve me Perëndimin, pas nisjes së luftës në Ukrainë më 2022.
    Presidenti amerikan është shprehur disa herë shumë i zhgënjyer me Putinin, teksa tenton të ndërmjetësojë përfundimin e luftës.
    Ai ka vendosur disa herë ultimatume, dhe ka kërcënuar me vendosje të sanksioneve shtesë ndaj Rusisë, nëse nuk arrihet një pakt për paqe.
    Lufta në Ukrainë ka nisur më 24 shkurt të vitit 2022.
    Putini e quan luftën “operacion special ushtarak” për të çmilitarizuar Ukrainën.
    Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
    Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

  • Rusia vazhdon sulmet, Putin paralajmëron: Çdo ushtar i huaj i angazhuar në Ukrainë do të jetë për ne “shënjestër legjitime”

    Rusia vazhdon sulmet, Putin paralajmëron: Çdo ushtar i huaj i angazhuar në Ukrainë do të jetë për ne “shënjestër legjitime”

    Rusia ka goditur sërish Ukrainën me një valë raketash, derisa presidenti rus, Vladimir Putin ka paralajmëruar se çdo ushtar të huaj të angazhuar në Ukrainë do ta konsiderojë “shënjestër legjitime”.

    Forca ajrore ukrainase thotë se shteti është goditur me 91 dronë rusë. Nuk është raportuar për viktima, por hetime janë duke u kryer.
    Qëndrimi i ashpër i Putinit ka ardhur pasi aleatët perëndimorë të Kievit janë mbledhur për të arritur pajtueshmëri rreth një force që garanton sigurinë e Ukrainës.
    “Nëse shfaqet ndonjë ushtar aty, sidomos tani që luftimet janë duke vazhduar, ne do t’i konsiderojmë shënjestra legjitime”, tha Putin në një forum ekonomik që është mbajtur më 5 shtator në Vlladivostok.
    Paralajmërimi i Putinit shpërfaq qëndrimin e tij të palëkundur, prandaj janë bllokuar përpjekjet për të negociuar një marrëveshje për paqe në Ukrainë, prej një samiti të mbajtur mes presidentit rus dhe atij amerikan, Donald Trump në Alaskë.
    Komentet e Putinit kanë ardhur vetëm një ditë pas takimit të të ashtuquajturit “Koalicion i Vullnetit”, i cili është zotuar për një “forcë sigurie” për Ukrainën, dhe pasi presidenti ukrainas, Volodymyr Zelensky është zotuar se do të vazhdojë të hakmerret ndaj sulmeve ruse në objektet e energjisë, pavarësisht kritikave të Sllovakisë dhe Hungarisë – të dyja blerëse të naftës ruse.
    Në Vlladivostik të Rusisë, Putini e ka nënvlerësuar rëndësinë e një takimi me Zelenskyn, mirëpo ka sugjeruar se mund ta takojë atë vetëm në një vend.
    “Vendi më i mirë është kryeqyteti rus, qyteti i heronjve, Moska”, ka thënë Putin.
    Zelensky dhe zyrtarë të tjerë perëndimorë e kanë përshkruar këtë propozim si joserioz. “Ai mund të vijë në Kiev”, tha Zelensky në një intervistë për transmetuesin ABC News.
    Këto deklarata janë bërë pas disa takimeve të nivelit të lartë në Kinë, më herët gjatë javës, të cilat ia kanë bërë të qartë liderit rus se nuk është i izoluar në skenën botërore, pavarësisht shkëputjes së lidhjeve me Perëndimin, pas nisjes së luftës në Ukrainë më 2022.
    Presidenti amerikan është shprehur disa herë shumë i zhgënjyer me Putinin, teksa tenton të ndërmjetësojë përfundimin e luftës.
    Ai ka vendosur disa herë ultimatume, dhe ka kërcënuar me vendosje të sanksioneve shtesë ndaj Rusisë, nëse nuk arrihet një pakt për paqe.
    Lufta në Ukrainë ka nisur më 24 shkurt të vitit 2022. Putini e quan luftën “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

    Top Channel

  • “Për çfarë luftuam dhe sakrifikuam!?”/ Ushtarët ukrainas pranë frontit, skeptikë për dorëzimin e territoreve

    “Për çfarë luftuam dhe sakrifikuam!?”/ Ushtarët ukrainas pranë frontit, skeptikë për dorëzimin e territoreve

    Ndërsa presidenti ukrainas Volodymyr Zelensky ndodhej në Shtëpinë e Bardhë dhe Donald Trump premtonte “mbrojtje shumë të mirë” për Ukrainën, në terren, pranë vijës së frontit në afërsi të Dobropillias, ushtarët ukrainas kanë dyshime të thella mbi këto zhvillime diplomatike dhe janë të qartë për një gjë: dorëzimi i territoreve ndaj Rusisë nuk është zgjidhje.

    Pjesëtarët e batalionit të 150-të të zbulimit dhe goditjes e marrin lajmin me skepticizëm, shkruan The Guardian. “Nga kush do të na mbrojë?”, thotë me ironi njëri prej tyre, duke reflektuar pasigurinë rreth qëndrimit të SHBA ndaj luftës.
    Por në terren, lajmet e ditës duken larg. Lufta, pas më shumë se tre vitesh, ka ritmin e saj. Pak më vonë, një skuadër niset për të lëshuar një dron bombardues. Pajisja montohet në errësirën e një fushe me luledielli, pajiset me eksplozivë dhe lëshohet përmes një katapulte. “Koha më e rrezikshme është pas lëshimit,” thotë një ushtar, i ndërgjegjshëm për rrezikun nga dronët rusë vëzhgues.
    Dobropillia nën zjarr, trupat përgatiten për ofensivën ruse
    Luftimet nuk japin asnjë shenjë ndalimi të luftës. Fshati Dobropillia, rreth 10 kilometra nga pozicionet ukrainase, është goditur sërish. Të martën në mëngjes, autoritetet raportuan për një person të vrarë dhe disa të plagosur në zonë, ndërsa në Kostiantynivka – 30 milje më në lindje – u vranë tre të tjerë. Vetëm në 24 orët e fundit, rusët kanë ndërmarrë 67 sulme në këtë rajon.
    Komandanti i batalionit të 150-të, Denys Bryzhatyi, një 32-vjeçar që dikur studionte për drejtësi, por tani ka kaluar në radhët drejtuese të ushtrisë, thekson se çështja e dorëzimit të rajonit të Donetskut nuk duhet të jetë në tavolinën e negociatave.
    “Dorëzimi i Donetskut, një zonë e fortifikuar rëndë, do të çelte rrugën për sulme në drejtim të Kharkivit, Dnipropetrovskit e Zaporizhias – që nuk janë aq të mbrojtura. Do të ishte një humbje e madhe dhe e tmerrshme,” paralajmëron ai.
    Luftë teknologjike në terren, por edhe përballje klasike në tokë
    Batalioni ukrainas përdor dronë të sofistikuar si “Airplast” për sulme në thellësi, si dhe dronë vëzhgues gjermanë “Vector”. Çdo mision planifikohet me kujdes dhe mbështetet nga teknologjia satelitore si Starlink. Shumë pjesë të armëve dhe bombave prodhohen me printerë 3D në bazat e pasme – një shenjë e qartë e përshtatjes së Ukrainës në një luftë moderne.
    Megjithatë, lufta nuk është vetëm teknologji. Puma, një ushtar nga Lugansk që ka mbijetuar nga plagët në 2016, vijon të kryejë misione zbulimi në tokë. Ai dhe kolegët e tij janë të vendosur që çdo pëllëmbë toke të mos dorëzohet lehtësisht.
    Një tjetër ushtar, me nofkën Optimus, është më i ashpër: “Ç’kuptim ka të dorëzojmë Donetskun pas gjithë sakrificave? Nëse do e bënim këtë, mund ta kishim bërë që në fillim të luftës.”

    Top Channel

  • Një ushtar i vdekur dhe një tjetër i plagosur në përpjekjet për shuarje zjarresh në Malin e Zi

    Një ushtar i vdekur dhe një tjetër i plagosur në përpjekjet për shuarje zjarresh në Malin e Zi

    Një ushtar i Malit të Zi ka vdekur dhe një tjetër është plagosur seriozisht si pasojë e përmbysjes së një autocisterne që po përdorej për t’i shuar zjarret në rajonin Kuça afër Podgoricës, ka bërë të ditur ministria e Mbrojtjes.

    Sipas autoriteteve, ushtria, në bashkëpunim me autoritetet, është duke kryer hetime lidhur me incidentin.
    Ushtria, bashkë me zjarrfikësit dhe policinë, është duke tentuar për të dytën ditë me radhë që t’i shuajë zjarret që kanë përfshirë zonën rreth Podgoricës, si dhe rajonet mes Budvës dhe Tivarit.

    Si pasojë e zjarreve është djegur edhe një shtëpi dhe disa prona. Disa banorë janë evakuuar nga shtëpitë e tyre në afërsi të Podgoricës.
    “Situata është pak më stabile. Nuk mund ta parashikojmë situatën, por besojmë se duke u angazhuar me shërbimet tona dhe me ndihmën e partnerëve tanë, ne do t’i kemi zjarret nën kontroll”, ka thënë Miodrag Beshoviq, drejtor gjeneral i Drejtorisë për Mbrojtje dhe Shpëtim.
    Për shkak të tymit dhe ajrit të ndotur, Instituti për Shëndetin Publik u ka rekomanduar qytetarëve që të shmangin daljen në ambiente të jashtme.
    Në Mal të Zi është aktiv alarmi i kuq, ndërsa era e madhe është duke vështirësuar fikjen e zjarreve. Autoritetet kanë bërë të ditur se janë duke pranuar edhe ndihmë prej jashtë në përpjekje për t’i shuar zjarret.
    Një ushtar kanadez prej Kroacisë ka arritur në Mal të Zi, në kuadër të ndihmës që ofrohet nga Mekanizmi i Bashkimit Evropian për Mbrojtje Civile. Qeveria e ka aktivizuar mekanizmin për bashkëpunim ndërkombëtar me NATO-n dhe shtetet e rajonit, me qëllim të pranimit të ndihmës prej jashtë.
    Austria do t’i dërgojë 100 persona me të gjitha pajisjet për shuarje të zjarrit, kanë thënë autoritetet austriake. Edhe Italia do ta dërgojë një aeroplan për t’i luftuar zjarret. Më 11 gusht, në Mal të Zi ka arritur edhe një helikopter prej Serbisë, me shtatë persona.
    Kryeministri i Malit të Zi, Millojko Spajiç ka thënë se policia ka sinjale se disa prej zjarreve janë ndezur qëllimshëm.
    “Është shumë e çuditshme dhe e dyshimtë se si zjarret janë ndezur në zona krejtësisht të ndryshme”, ka thënë Spajiq, duke përmendur rëndësinë e ashpërsimit të dënimeve për zjarrvënie të qëllimshme.
    Në dy muajt e fundit, autoritetet i kanë ndjekur penalisht gjashtë persona për ndezje zjarresh në disa qytete malazeze.
    Policia u ka bërë thirrje qytetarëve që të tregojnë kujdes dhe përgjegjësi maksimale dhe që të raportojnë nëse shohin ndonjë tentim për ndezje zjarri. Me zjarre pyjore janë duke u përballur me shtetet tjera të Ballkanit, përfshirë Kosovën.
    Agjencia e Menaxhimit Emergjent ka thënë më 11 gusht se janë regjistruar 51 vatra zjarri dhe 19 prej tyre kanë qenë aktive deri në orët e vona të natës.
    Situata më e rënduar është regjistruar në Kamenicë, Mitrovicë dhe Podujevë. Edhe këtë javë, rajoni i Ballkanit do të përballet me temperatura të larta, që i afrohen 40 gradë Celsiusit. /REL/

  • Zjarret në Malin e Zi, një ushtar i vdekur dhe një tjetër i plagosur në përpjekjet për shuarjen e flakëve

    Zjarret në Malin e Zi, një ushtar i vdekur dhe një tjetër i plagosur në përpjekjet për shuarjen e flakëve

    Rajoni E Martë, 12 Gusht 2025 16:56
    Situata me zjarret është e rëndë edhe në Malin e Zi. Një ushtar ka humbur jetën dhe një tjetër është plagosur seriozisht si pasojë e përmbysjes së një autocisterne që po përdorej për t’i shuar zjarret në rajonin Kuça afër Podgoricës, ka bërë të ditur ministria e Mbrojtjes. Sipas autoriteteve, ushtria, në bashkëpunim me autoritetet, është duke kryer hetime lidhur me incidentin. Ushtria, bashkë me zjarrfikësit dhe policinë, është duke tentuar për të dytën ditë me radhë që t’i shuajë zjarret që kanë përfshirë zonën rreth Podgoricës, si dhe rajonet mes Budvës dhe Tivarit.
    Si pasojë e zjarreve është djegur edhe një shtëpi dhe disa prona. Disa banorë janë evakuuar nga shtëpitë e tyre në afërsi të Podgoricës. “Situata është pak më stabile. Nuk mund ta parashikojmë situatën, por besojmë se duke u angazhuar me shërbimet tona dhe me ndihmën e partnerëve tanë, ne do t’i kemi zjarret nën kontroll”, ka thënë Miodrag Beshoviq, drejtor gjeneral i Drejtorisë për Mbrojtje dhe Shpëtim.

    Për shkak të tymit dhe ajrit të ndotur, Instituti për Shëndetin Publik u ka rekomanduar qytetarëve që të shmangin daljen në ambiente të jashtme. Në Mal të Zi është aktiv alarmi i kuq, ndërsa era e madhe është duke vështirësuar fikjen e zjarreve. Autoritetet kanë bërë të ditur se janë duke pranuar edhe ndihmë prej jashtë në përpjekje për t’i shuar zjarret. Një ushtar kanadez prej Kroacisë ka arritur në Mal të Zi, në kuadër të ndihmës që ofrohet nga Mekanizmi i Bashkimit Evropian për Mbrojtje Civile. Qeveria e ka aktivizuar mekanizmin për bashkëpunim ndërkombëtar me NATO-n dhe shtetet e rajonit, me qëllim të pranimit të ndihmës prej jashtë.

    Austria do t’i dërgojë 100 persona me të gjitha pajisjet për shuarje të zjarrit, kanë thënë autoritetet austriake. Edhe Italia do ta dërgojë një aeroplan për t’i luftuar zjarret. Më 11 gusht, në Mal të Zi ka arritur edhe një helikopter prej Serbisë, me shtatë persona. Kryeministri i Malit të Zi, Millojko Spajiç ka thënë se policia ka sinjale se disa prej zjarreve janë ndezur qëllimshëm. “Është shumë e çuditshme dhe e dyshimtë se si zjarret janë ndezur në zona krejtësisht të ndryshme”, ka thënë Spajiq, duke përmendur rëndësinë e ashpërsimit të dënimeve për zjarrvënie të qëllimshme.
    Në dy muajt e fundit, autoritetet i kanë ndjekur penalisht gjashtë persona për ndezje zjarresh në disa qytete malazeze. Policia u ka bërë thirrje qytetarëve që të tregojnë kujdes dhe përgjegjësi maksimale dhe që të raportojnë nëse shohin ndonjë tentim për ndezje zjarri. Me zjarre pyjore janë duke u përballur me shtetet tjera të Ballkanit, përfshirë Kosovën. Agjencia e Menaxhimit Emergjent ka thënë më 11 gusht se janë regjistruar 51 vatra zjarri dhe 19 prej tyre kanë qenë aktive deri në orët e vona të natës. Situata më e rënduar është regjistruar në Kamenicë, Mitrovicë dhe Podujevë. Edhe këtë javë, rajoni i Ballkanit do të përballet me temperatura të larta, që i afrohen 40 gradë Celsiusit. /REL/