Lajmidites.com

Tag: turpshme

  • “Turp, PD tregoi që është pa kokë”/ Tërhoqën firmat për Endrit Shabanin, Sula: Opozita nuk është serioze

    “Turp, PD tregoi që është pa kokë”/ Tërhoqën firmat për Endrit Shabanin, Sula: Opozita nuk është serioze

    Ish-deputeti i PD, Dashnor Sula komentoi lëvizjen e Partisë Demokratike që tërhoqi firmat për kandidaturën e Endrit Shabanit për Avokatin e Popullit.
    I ftuar sot në Top Story ai u shpreh se kjo gjë është e turpshme dhe tregon se partia është pa kokë dhe nuk është serioze.

    “PD tregon që është pa kokë dhe kjo ka ndodh edhe herë të tjera. Një deputet nuk e firmos një gjë të tillë.  Ju duket rastësi që firmosin të gjitha figurat e rëndësishme. Mendoni se firmosin pa ditë gjë. Berisha merr vesh çdo gjë. Është e turpshme për të mos votuar për Ndregjonin, Kalanë që kanë luftuar.
    Tani do ishte më e ndershme që të thonë kemi vendos për Shabanin dhe ta mbash deri në fund. Po të thuash një herë kuç dhe një herë maç, është e turpshme. Atë çka kemi thënë prej një viti, aty nuk merret vesh më, nuk është më opozitë serioze”, u shpreh Dashnor Sula.

  • Posti i Avokatit të Popullit/ Ndregjoni: PS e PD, lojë të turpshme

    Posti i Avokatit të Popullit/ Ndregjoni: PS e PD, lojë të turpshme

    Besim Ndregjoni, një prej emrave të propozuar nga Partia Demokratike për postin e Avokatit të Popullit, ka akuzuar dy forcat e mëdha politike, PD dhe PS, se po zhvillojnë një “lojë të turpshme” në prapaskenë.
    Drejtuesi i Unionit të Ish-të Përndjekurve Politikë i bëri thirrje kreut të PD-së, Sali Berisha, të vendosë hapur “nëse është me antikomunistët apo jo”.
    “Si përfaqësues i 40% të popullit shqiptar, i drejtohem PD-së dhe PS-së: t’ju vijë turp, sepse po bëni një lojë të turpshme për Avokatin e Popullit. Pas 30 vitesh del kandidat një antikomunist dhe ju bëni lojën e Kim Filmit të viteve ’50, kur dënoheshin shqiptarët antikomunistë nga agjentura antishqiptare. Historia po përsëritet. Dy partitë kryesore kanë urrejtje për antikomunizmin dhe duan që Avokatin e Popullit mos ta kenë antikomunistët, por ‘shërbëtorët, langaraqët, lapangjozët’ e ideologjisë komuniste. Ne nuk kërkojmë poste e tituj; titujt i kemi larë me gjak. I bëj thirrje doktor Berishës: sot është dita të vendosësh a je me antikomunizmin apo me komunizmin. Koha është të tregoni veten”, tha Ndregjoni.
    Ndregjoni akuzon se PD dhe PS po punojnë fshehurazi për të çuar drejt zgjedhjes kandidaturën e Endri Shabanit si Avokat i Popullit.
    “Që nga muaji shkurt i vitit 2025 deri në mbylljen e sesionit në korrik, PD ka unifikuar emrin tim si kandidat për Avokat të Popullit. Nga informacionet që kemi, rezulton se është përcaktuar kështu. PD ka të drejtë të çojë vetëm një kandidat, sepse ka 50 deputetë – jo dy emra, që kërkojnë 56 firma. Nga burime të sigurta marrim vesh se PD dhe mazhoranca po bëjnë një lojë. Kanë pranuar që gjashtë kandidaturat e firmosura nga deputetët e PD-së, mes tyre edhe atë të Endri Shabanit, kryetar i Partisë Komuniste, të kalojnë për votim. Ky është turp, shkelje ligji. Ne, antikomunistët, nuk kërkojmë lëmoshë; përfaqësojmë 40% të popullsisë. Parlamenti në korrik 2025 më hoqi të drejtën për t’u zgjedhur, si në ‘lojën e Kim Filmit’ kundër kandidatit antikomunist. I plotësoj të gjitha kriteret dhe nuk kam shkelur asnjë ligj. Avokati i Popullit ka status Presidenti, jo të Gjykatës së Lartë, dhe mosha nuk përmendet askund në Kushtetutë”, deklaroi ai.
    Ai iu drejtua sërish me një thirrje PD-së:
    “Berisha duhet të qëndrojë siç qëndroi në korrik. Nëse jo, PD e ka shitur kandidaturën e Avokatit të Popullit dhe po tradhton shtresën që e voton prej 35 vitesh. PD duhet të çojë vetëm një emër. Mazhoranca kërkon të diktojë se kë do të propozojë PD – ky është turp kombëtar. Në vitin 2011, kur u zgjodh Igli Totozani, PS e propozoi dhe PD e votoi pa rezervë. Sot PS kërkon marrëveshje që të zgjedhë Avokatin e Popullit vetëm sipas dëshirës së saj. Këto janë skandale të ligjvënësve që nuk turpërohen.”
    Ndregjoni shtoi se ai përfaqëson “gjakun e 6 mijë të zhdukurve, 37 mijë të burgosurve dhe 300 fëmijëve të Tepelenës që humbën jetën”, ndërsa theksoi se Shqipëria është “i vetmi vend në botë që nuk ka dënuar me ligj krimet e komunizmit, nuk ka bërë ligj të drejtë për pronarët dhe nuk ka garantuar të drejtat e atyre që s’kanë mundësi të përfaqësohen.”
    Deklaratat Ndregjoni i dha nga Malësia e Madhe, gjatë një aktiviteti me ish-të përndjekurit politikë, në prag të seancës parlamentare ku pritet të vendosen kandidaturat për Avokat të Popullit.

  • “Avokatia e tij e turpshme e vjedhjeve me Lubi Ballukun”/ Deklarata ‘pa teklif’ e Ramës, reagon Berisha: Të zhytur…

    “Avokatia e tij e turpshme e vjedhjeve me Lubi Ballukun”/ Deklarata ‘pa teklif’ e Ramës, reagon Berisha: Të zhytur…

    Kryetari i Partisë Demokratike, Sali Berisha, ka komentuar sërish pezullimin nda detyra të zv.kryeministres Belinda Balluku.
    Në një reagim të publikuar në rrjetet sociale, Berisha i përgjigjet Ramës duke përmendur edhe deklaratat e ministres, Diella, e cila ka mohuar ekzistencën e një raporti të Venecias për pezullimin e ministrave, duke ngritur pyetjen se kush po mashtron publikun në këtë çështje.
    “Ministrja Diella: Rama është hajdut dhe mashtrues publik
    Të dashur miq,
    Edi Rama sot, në avokatinë e tij të turpshme të vjedhjeve të tij me Lubi Ballukun në tunelin e Llogarasë dhe në një presion të hapur ndaj Gjykatës Kushtetuese, ju tha shqiptarëve se Komisioni i Venecias është shprehur kundër pezullimit të ministrave nga detyra.
    Kurse Diella thotë se nuk ka asnjë raport të Komisionit të Venecias për pezullime ministrash – konkret, as në tërësi – por ka raporte vetëm për të zgjedhur vendor.
    Pyetja ime është: kush gënjen?
    Diella apo Rama?
    Apo kujt t’i besojmë: Diellës që është e paanshme, apo Ramës të zhytur gjer në vesh në aferën e pistë të tunelit të Llogarasë?”, shkruan Berisha.

  • SPAK tha se i ka dërguar 2 fletëthirrje për 21 janarin, Berisha: Mashtrime, s’ka ardhur fletëthirrje te pallati dhe PD!

    Sali Berisha, në konferencën për mediat, u pyet për faktin se nuk shkoi në SPAK pas thirrjes për krimin shtetëror të 21 janarit. Ndonëse Prokuroria e Posaçme ia ka dërguar fletëthirrjen në tre vende, në banesën e tij, në selinë e PD, dhe në Kuvend, kryedemokrati thotë se nuk ka marrë fletëthirrje. Berisha thotë se fletëthirrjen e ka marrë vetëm Taulant Balla në Kuvend. 
    “Për ju, dhe çdo gazetar tjetër, do t’u sugjeroja të mos e lejoni veten të keqpërdoreni nga njerëz të papërgjegjshëm të inkriminuar, mashtrues, të cilët e kanë shtuar në atë institucion në një seksion të PS. Unë nuk e kam rastin për ty konkretisht, pork am konstatruar një keqpërdorim, e thëem publikisht, mizor të gazetarëve nga këta individë të lidhur kokë e këmbë me krimin që më kujton keqpërdorimin që bënin seksionet e sigurimit të shtetit dikur ndaj personave të caktuar. E kam deklaruar, faktuar se unë i përgjigjem çdo thirrje të gjykatës, Prokurorisë Speicale apo jo speciale. Nuk ka asnjë lloj lëkundje nga unë në këtë qëndrim dhe nuk mund të ketë kurrë. Së dyti, ata që e fusin veten për të krijuar dhe e bëjnë veten bashkëpunëtorë në një propagandë banale të turpshme, as nuk kanë fytyrë, moral e ligj sepse posta kur niset ligji është dorëzohet. Atioj që i dorëzohet it ha i merret firma, e mora firmën. Dhe unë kudo, qoftë në seli, aty ku banoj kam njerëz të përgjegjshëm që kurrë nuk mund të ndodhë që të firmosin për një dokuemnt që adresohet tek punë dhe të mos ma japin. Po kjo i intereson Altin Troplinit që e shndërron atë institucion, u jep standartet e tij morale. Sa është sot data 17…më falni 14, nga 3 që pretendohet deri më 14, ai dokument mund të vinte pesë herë në zyrën time, në shtëpinë apo në parlament. Se janë institucione. Nuk ka as kurkund. E vetmja gjë që u bë kjo se duhej që lakejtë dhe puthadorë të qeverisë të krijonin lajme, madje edhe në studio të debatonin për ftesën nëse do shkoj apo jo, që të mbulonin super skandalin e Lubi Ballukut dhe Edi Ramës.”, tha Berisha. 
    Më tej ai shtoi: 
    Sali Berisha: Pse mund të marrësh ti të mirëfilltë mashtrimin që bën SKAP.  
    Gazetari: Kuvendi e ka pranuar? 
    Berisha: Pse se ka sjellë kuvendi 
    Gazetari: Se nuk e kemi pranuar ju. 
    Po kanë thënë këtë, janë mashtrues ordiner. Unë s’kam pranuar? Kujt ja kanë ofruar. Nëse këta thonë që ja dërguam dhe se pranoi, këta janë mashtrues ordiner, janë të pafytyrë. Unë kam tek pallati njerëz që marrin postën me firmë, unë kam njerëz në seli. A e kanë nis në 3 vend, pse del vetëm parlamenti i taulantit e paska marrë. Shiko çfarë veglash të shpifura, të turpshme.  
    Gazetari: Pse Berisha lejon këtë kakofoni në media. Të paraqiteshit sot 
    Unë respektoj ligjin, unë nuk merrem me trillime, me manipulime, unë respektoj ligjin, ata të cilët hyjnë në lojëra politike, janë njerëz të pafytyrë, që s’kanë moral, ligj, shkelmojnë mbi imitacionin kushtetues të SKAP-it të partisë, tregojnë se janë vegla të verbra, atë pyetje nuk mund ta bësh ti. Unë nuk marr njoftim nga media, institucionet e një shteti nuk funksionojnë me media. Media çdo ditë mund të japin lajm, pro s’ke asnjë obligim. Obligim ke kur ligji përcakton njoftimin. Kuvendi tregon lojën e turpshme. Selia nuk e ka marrë, pallati nuk e ka marrë, ka njerëz aty. Loja  e turpshme e Troplinit që hyn në trupe të tilla, që një njeri ordiner nuk ja lejon vetes. Kaq banale. 
     
     

  • Dyshohet se ka kryer veprime të turpshme me të mitur, merret nën hetim shqiptari në Greqi

    Dyshohet se ka kryer veprime të turpshme me të mitur, merret nën hetim shqiptari në Greqi

    Një rast i rëndë abuzimi seksual po gjykohet në Gjykatën e Përzier të Krimeve të Rënda të Apelit në Dodekanezë, ku në qendër të hetimeve ndodhet një shtetas shqiptar 51-vjeçar.
    Sipas mediave greke, ai akuzohet se ka kryer veprime të turpshme seksuale ndaj djalit të tij 10-vjeçar, gjatë periudhës janar 2021 – tetor 2022, në banesën familjare në ishullin Rodos.
    Rasti u zbulua në vjeshtën e vitit 2022, pas raportimeve të bëra nga një shkollë ku mësonte i mituri. Punonjësi social dhe psikologu i shkollës njoftuan autoritetet pasi fëmija kishte përshkruar sjellje të papërshtatshme që cenonin dinjitetin e tij.
    Pas hetimeve paraprake, i akuzuari pranoi pjesërisht fajësinë më 18 qershor 2025 dhe ndaj tij u vendosën masa kufizuese, përfshirë ndalimin e daljes nga Greqia, detyrimin për t’u paraqitur rregullisht në polici dhe ndalimin e afrimit më pak se 200 metra nga i mituri.

  • Kodi i ri Penal, revoltohet Korreshi: E turpshme që KLP s’e ka studiuar!

    Kodi i ri Penal, revoltohet Korreshi: E turpshme që KLP s’e ka studiuar!

    Pas deklaratës së bërë në Kuvend nga kryetarja e KLP-së Mirela Bogdani për Kodin e ri Penal, deputeti i Partisë Demokratike, Saimir Korreshi deklaroi se mungesa e një studimi nga ky institucion, është e turpshme. Sipas tij, sistemi sot është në kolaps.
    Ai shtoi se, në prokuroritë e vendit “flenë dosjet” duke e konsideruar si të papranueshme.
    “E turpshme që KLP s’ka bërë asnjë lloj studimi si po shkon kjo ecuri, sot e 3 vite kusur që është bërë harta teritoriale. Gjithë ajo ishte për të sjellë prokurorët të jenë afër shtëpisë së tyre. Gjithë sistemi ka kaluar në kolaps. Në prokurori, ka vetëm dosje të patrajtuara, njerëz me masa sigurimi mbi 3 vite e kusur e vazhdojnë detyrim paraqitje, Kjo është e papranueshme.
    Kam pasur prokurorët, KLP duhet të rrisin eficencën mbi ato që ndodhin sot në vend. Në vend që prokurorët të arrestojnë avokatët në sallat e gjyqit, gjëja më e shëmtuar, në vend që të jetë në të njëjtin nivel me avokatin”, deklaroi Korreshi.
    Reagimi i këtij të fundit, erdhi pas deklaratës së Bogdanit e cila theksoi se Këshilli i Lartë i Prokurorisë nuk ka pasur kohën e mjaftueshme për të hyrë në detaje teknike.
    “Konsultimi publik ende s’ka filluar. Është parashikuar disa herë dhe është spostuar. Më 5 është data e parë e konsultimit. Akt shumë voluminoz, 900 e ca nene. Nga KLP është diskutuar kjo çështje. S’kemi pasur kohën të hymë në detaje teknike.
    Do krijojmë një grup pune që të bëjë oponencë të specializuar lidhur me dispozita të veçanta të kodit. KLP s’ka dashur të thotë një përgjigje të thatë për cilësinë e kodit”, deklaroi Bogdani.
    Kjo e fundit theksoi se është e vështirë të bëhet një vlerësim i teknikës legjislative sipas direktivave të Bashkimit Evropian.  Në këtë kuadër, ajo shtoi se, pas koordinimit të burimeve njerëzore e gjetjes së specialistëve sipas fushave të Kodit Penal, do të dilet me një produkt teknik për vlerësimin e draftit.

  • Italia në grevë për Gazën! ‘Paralizohet’ vendi, protestuesit përplasen me Policinë, Meloni: E turpshme

    Italia në grevë për Gazën! ‘Paralizohet’ vendi, protestuesit përplasen me Policinë, Meloni: E turpshme

    PAMJE NGA NGJARJA

    ITALI-Mijëra protestues kanë dalë në sheshe në mbarë Italinë për grevën e përgjithshme në mbështetje të popullsisë së Gazës, të shpallur nga sindikatat bazë. 
    Sindikatat bazë të Italisë, të cilat përfaqësojnë qindra mijëra njerëz, nga mësuesit e shkollave deri te punëtorët e metaleve, bënë thirrje për një grevë të përgjithshme 24-orëshe si në sektorin publik ashtu edhe në atë privat, duke përfshirë transportin publik, trenat, shkollat ​​dhe portet.
    Mediat e huaja raportojnë se situata është përshkallëzuar në Milano, ku ka patur përplasje me policinë në Stacionin Qendror. Dhjetëra protestues të veshur me të zeza dhe të armatosur me shkopinj gome u përpoqën të shkatërronin hyrjen kryesore të stacionit qendror të trenit të qytetit, duke hedhur bomba tymi, shishe dhe gurë drejt policisë, e cila u përgjigj me sprej me piper. Forcat e rendit u detyruan të përdorin gaz lotsjellës për të shpërndarë turmën. 
    Në Bolonjë, policia përdori topa uji për të shpërndarë një turmë demonstruesish që bllokuan një autostradë. Tranziti i mallrave u ngadalësua ose u bllokua pjesërisht nga protestat dhe tubimet e punëtorëve në portet kryesore të Italisë, Gjenova dhe Livorno. Më shumë se 10 persona u arrestuan në Milano dhe rreth 60 oficerë policie raportohet të jenë lënduar.
    Një reagim ka ardhur edhe nga kryeministrja Giorgia Meloni, e cila i ka konsideruar aktetet e dhunës si të turpshme dhe se mendimet e saj shkojnë për forcat e policisë. Meloni është shprehur se kjo situatë nuk e ndihmon jetën e njerëzve në Gaza, por do të ketë pasoja konkrete për qytetarët italianë.
    Giorgia Meloni; Imazhet që vijnë nga Milano janë të turpshme: të vetëshpallur ‘pro-miq’, të vetëshpallur ‘antifa’ dhe të vetëshpallur ‘pacifistë’, duke shkatërruar stacionin dhe duke shkaktuar përplasje me forcat e rendit. Dhuna dhe shkatërrimi që nuk kanë të bëjnë fare me solidaritetin dhe nuk do ta ndryshojnë aspak jetën e njerëzve në Gaza, por do të kenë pasoja konkrete për qytetarët italianë, të cilët do të përfundojnë duke vuajtur dhe duke paguar për dëmet e shkaktuara nga këta huliganë. Mendimet e mia shkojnë për policinë, e cila është e detyruar të durojë arrogancën dhe dhunën e panevojshme të këtyre pseudo-protestuesve. Shpresoj për dënim të qartë nga organizatorët e grevës dhe të gjitha forcat politike.
    Greva ka nisur në mesnatë dhe do të zgjasë deri në orën 23:00 të së hënës./ZËRI

  • Giorgia Meloni reagon për protestat masive në Milano: E turpshme, dhuna nuk ka të bëjë me solidaritetin

    Giorgia Meloni reagon për protestat masive në Milano: E turpshme, dhuna nuk ka të bëjë me solidaritetin

    Kryeministrja italiane Giorgia Meloni ka reaguar ashpër pas përplasjeve të dhunshme që ndodhën përpara Stacionit Qendror në Milano, gjatë një proteste pro-palestineze. 
    Pamjet e shpërndara në rrjetet sociale treguan momente tensioni mes protestuesve dhe forcave të rendit, për çka Meloni dha një deklaratë të fortë në rrjetet e saj sociale. 
    “Imazhet që vijnë nga Milano janë të turpshme: të vetëshpallur ‘pro-palestinezë’, të vetëshpallur ‘antifashistë’, të vetëshpallur ‘pacifistë’ që shkatërrojnë stacionin dhe shkaktojnë përleshje me policinë”, shkruajti Meloni. 
    Ajo shtoi se veprime të tilla nuk kanë asnjë lidhje me solidaritetin e vërtetë, duke theksuar se “dhuna dhe shkatërrimi nuk do ta ndryshojnë jetën e njerëzve në Gaza aspak, por do të kenë pasoja konkrete për qytetarët italianë, të cilët do të përfundojnë duke vuajtur dhe duke paguar për dëmet e shkaktuara nga këta huliganë”. 
    Meloni shprehu mbështetje për forcat e rendit: “Mendimet e mia janë me policinë, e detyruar të durojë arrogancën dhe dhunën e panevojshme të këtyre pseudo-protestuesve. Shpresoj për fjalë të qarta dënimi nga organizatorët e grevës dhe nga të gjitha forcat politike.” 

  • De Zerbi: Penalltia e dytë ishte e turpshme, do ta thoja edhe po të ishte në favorin tim

    De Zerbi: Penalltia e dytë ishte e turpshme, do ta thoja edhe po të ishte në favorin tim

    17 Shtator 2025

    7:53

    Alfred Lleshi

    Trajneri i Marseille, Roberto De Zerbi, doli i zhgënjyer nga rezultati në “Bernabeu”: “Mund të kishim fituar nëse do të kishim bërë pak më shumë. Kemi shumë lojtarë të rinj, nuk është e lehtë të krijosh lidhje shpejt, por ndoshta patëm pak frikë. Pas të kuqit të Carvajal duhej të kishim dhënë më shumë”.
    Për penalltinë e dytë: “Ishte pak e turpshme, do ta thoja këtë edhe sikur të ishte në favorin tim. Nuk ishte penallti. Nuk mendoj se ishte kompensim për kartonin e kuq”. Për qëndrimin e skuadrës: “Pas të kuqit duhej të shtynim më shumë. Duhet të mësojmë që këto ndeshje të bëhen normalitet për ne. Vetëm kështu bëjmë hapin e madh në mentalitet dhe ambicie”.
    Mbi Carvajal: “Përplasjet kokë më kokë ndonjëherë gjykohen tepër ashpër, por ky është rregulli. Vetëm për kaq nuk do ta kisha përjashtuar”. Për Mbappé: “Mbrojtësi e mbajti mirë, por me hapësirat që lamë Güler e Mastantuono e gjetën, sidomos në pjesën e parë. Ky Mbappé është shumë i rrezikshëm në thellësi”.

  • Neymar doli nga fusha duke qarë, Santos merr vendimin drastik pas humbjes 0-6 nga Vasco

    Neymar doli nga fusha duke qarë, Santos merr vendimin drastik pas humbjes 0-6 nga Vasco

    18 Gusht 2025

    18:35

    Telesport

    Mbrëmë, Neymar ka pësuar një nga humbjet më të turpshme në karrierën e tij si lojtar. Santos u mposht në shtëpi 0-6 nga Vasco, ndeshje e vlefshme për javën e 20-të në Brasileiro Serie A.
    Tifozët vendas iu kthyen shpinën lojtarëve në shenjë proteste për humbjen. Në fund të ndeshjes, Neymar nuk i mbajti dot lotët dhe u largua nga fusha duke qarë.
    “Ishte e turpshme. Jam shumë i zhgënjyer me performancën tonë. Tifozët kanë të drejtë të protestojnë, ata mund të na fyejnë dhe të na mallkojnë. Është një ndjenjë e thellë turpi. Nuk kam përjetuar kurrë diçka të tillë në jetën time. Është e turpshme të luash një ndeshje si kjo duke veshur fanellën e Santos. Të gjithë duhet të ulin kokën, të shkojnë në shtëpi dhe të mendojnë se çfarë duan të bëjnë më pas”, deklaroi Neymas pas ndeshjes.
    Ndërkohë, drejtuesit e Santos kanë reaguar direkt pas humbjes së thellë dhe kanë shkarkuar trajnerin Cleber Xavier.