Lajmidites.com

Tag: tregojë

  • Balla ‘thumbon’ Shehajn: Po u pendua Basha, do tregojë sa lekë i ke dhënë për mandatin…

    Balla ‘thumbon’ Shehajn: Po u pendua Basha, do tregojë sa lekë i ke dhënë për mandatin…

    Një përplasje ka ndodhur në Kuvend këtë të enjte mes Agron Shehajt dhe Taulant Ballës.
    Shehaj kërkoi interpelancë me kryeministrin Rama dhe u ndal te kreu i Grupit të PS-së, duke thënë: “Del Taulant Balla dhe thotë: ‘Pyesni ChatGPT’. Taulant Balla thotë që s’flet keq për gjykatësit dhe prokurorit. S’ia mban Taulantit. E keni të kotë. Ky është një ndryshim historik”.
    Pas kësaj, Balla iu kthye Shehajt, duke u shprehur se: “E dëgjoj shpesh këtë deputetin që për t’u bërë interesant në rrjetin e tij social bërtet dhe kujton se është interesant dhe kur ia fut kot. Ti kur të përmendësh emrin tim, laje gojën dhe bëje gargarën me ujë të kripur Vlore. Se po u pendua Lul Basha, do tregojë sa para i ke dhënë për të marrë mandatin në 2017”.

  • Pse ChatGPT nuk mund të tregojë orën?

    Pse ChatGPT nuk mund të tregojë orën?

    ChatGPT, ashtu si shumë chatbot-e, paraqitet si një asistent personal.
    Por midis shumë gjërave që e ngatërrojnë, një është veçanërisht e çuditshme: nuk mund të tregojë kohën.
    Kur ChatGPT pyetet sa është ora, nuk jep përgjigje të saktë, shkruan the Verge.
    “Nuk kam qasje në orën në kohë reale të pajisjes suaj ose në vendndodhjen tuaj, kështu që nuk mund të them kohën e saktë lokale për ju”, thotë shpesh chatbot-i.
    Ndonjëherë kërkon specifikimin e një qyteti ose zone kohore, vetëm për të zbuluar se nuk mund ta kontrollojë kohën as në atë mënyrë.
    Problemi i kohës ngrihet shpesh në forumet e Reddit dhe ChatGPT .
    Një përdorues i kërkoi OpenAI-t t’i “kushtojë vëmendje kësaj” sepse i jep “një emër të keq” modelit të Al “me aftësi njohëse”.
    Të treguarit e kohës është e thjeshtë për çdo kompjuter dhe telefon falë çipave të vegjël që funksionojnë brenda tyre.
    Por sistemet gjeneruese të Al, si modelet e mëdha gjuhësore dhe vizuale që fuqizojnë ChatGPT, Gemini të Google, Claude të Anthropic dhe të tjerë, janë ndërtuar për një qëllim shumë të ndryshëm.
    Si parazgjedhje, ato marrin pyetjet e përdoruesve dhe parashikojnë përgjigje bazuar vetëm në të dhënat e tyre të trajnimit.
    Kjo nuk përfshin përditësime të vazhdueshme në kohë reale rreth gjërave si koha, përveç nëse ata kërkojnë posaçërisht në internet për atë informacion.

  • E keni menduar më parë? Ja pse ChatGPT nuk mund të tregojë orën

    E keni menduar më parë? Ja pse ChatGPT nuk mund të tregojë orën

    ChatGPT, ashtu si shumë chatbot-e, paraqitet si një asistent personal.
    Por midis shumë gjërave që e ngatërrojnë, një është veçanërisht e çuditshme: nuk mund të tregojë kohën.

    Kur ChatGPT pyetet sa është ora, nuk jep përgjigje të saktë, shkruan the Verge.

    “Nuk kam qasje në orën në kohë reale të pajisjes suaj ose në vendndodhjen tuaj, kështu që nuk mund të them kohën e saktë lokale për ju”, thotë shpesh chatbot-i.
    Ndonjëherë kërkon specifikimin e një qyteti ose zone kohore, vetëm për të zbuluar se nuk mund ta kontrollojë kohën as në atë mënyrë.
    Problemi i kohës ngrihet shpesh në forumet e Reddit dhe ChatGPT .

    Një përdorues i kërkoi OpenAI-t t’i “kushtojë vëmendje kësaj” sepse i jep “një emër të keq” modelit të Al “me aftësi njohëse”.
    Të treguarit e kohës është e thjeshtë për çdo kompjuter dhe telefon falë çipave të vegjël që funksionojnë brenda tyre.

    Por sistemet gjeneruese të Al, si modelet e mëdha gjuhësore dhe vizuale që fuqizojnë ChatGPT, Gemini të Google, Claude të Anthropic dhe të tjerë, janë ndërtuar për një qëllim shumë të ndryshëm.
    Si parazgjedhje, ato marrin pyetjet e përdoruesve dhe parashikojnë përgjigje bazuar vetëm në të dhënat e tyre të trajnimit.

    Kjo nuk përfshin përditësime të vazhdueshme në kohë reale rreth gjërave si koha, përveç nëse ata kërkojnë posaçërisht në internet për atë informacion.

  • Konferenca Vjetore e IAIS, Rama me batuta: Shpresoj që veshja ime të tregojë sa seriozisht e kam marrë këtë fjalim

    Konferenca Vjetore e IAIS, Rama me batuta: Shpresoj që veshja ime të tregojë sa seriozisht e kam marrë këtë fjalim

    Shqipëria mikpret një tjetër aktivitet prestigjioz ndërkombëtar, Konferencën Vjetore të IAIS (Organizata Botërore e Mbikëqyrësve të Sigurimeve), mbledhja më e madhe e mbikëqyrësve të sigurimeve, zhvillohet për herë të parë në rajonin e Ballkanit

    Kryeministri Edi Rame nisi fjalimin e tij me batuta, duke thënë ‘shpresoj që veshja ime ta tregojë sa seriozisht e kam marrë këtë fjalim’.
    “Shpresoj që veshja ime të tregojë sa seriozisht e kam marrë këtë fjalim. Në një botë që sa vjen është në rrezik e në një kohë ku e gjejmë veten të rrethuar nga më shumë rreziqe sesa kufij, ndryshimi i klimës, kërcënimet kibernetike, luhatja e tregjeve globale janë sfida që kërkojnë prej nesh zgjidhje inovatore.
    Dritarja për të për mbushur objektivat e klimës po mbyllet me shpejtësi. Po imponon një kosto të lartë të jetesës sot. Industria e sigurimeve është përballë një sfidë të jashtëzakonshme dhe zgjedhjeve shumë të vështirë për të kthyer rrezikun në rezistencë. Ndërhyrjet kibernetike ndërthuren me stabilitetin ekonomik”, u shpreh ai.

    Top Channel

  • “Qeveria vazhdoi të tregojë angazhimin për integrimin në BE”, raporti i Brukselit: Institucionet shqiptare kordinuan me sukses hapjen e pesë kapitujve të negociatave

    “Qeveria vazhdoi të tregojë angazhimin për integrimin në BE”, raporti i Brukselit: Institucionet shqiptare kordinuan me sukses hapjen e pesë kapitujve të negociatave

    Raporti i Komisionit Europian vlerëson pozitivisht qeverinë shqiptare në negociatat me Brukselin për anëtarësimin në BE.

    Në faqen 4 të raportit vihet theksi te hapja e pesë nga gjashtë kapujt e anëtarësimit.
    Pjesë nga raporti
    Qeveria vazhdoi të tregojë angazhimin e saj për integrimin në BE. Pas zgjedhjeve parlamentare të 11 majit, një qeveri e re mori detyrën në shtator 2025. Ndarja e përgjegjësive midis qeverisjes lokale dhe qendrore mbetet një çështje.
    Organet përgjegjëse të Shqipërisë për procesin e integrimit në BE janë në funksion. Ato koordinuan me sukses pozicionet kombëtare, duke çuar në hapjen e negociatave për pesë nga gjashtë grupimet tematikë gjatë periudhës së raportimit. Ekspertiza për integrimin në BE, planifikimi dhe mekanizmat ndërinstitucionalë do të duhet të forcohen më tej për të mbështetur ambicien e Shqipërisë për të përshpejtuar reformat e kërkuara nga procesi i anëtarësimit në BE. Procesi i integrimit në BE duhet të jetë më gjithëpërfshirës, të mbështetet nga palët politike dhe të mbështetet nga mekanizma efektivë konsultimi. Përpjekjet e komunikimit për integrimin në BE duhet të intensifikohen.
    Organizatat e shoqërisë civile (OSHC) operojnë në një mjedis pjesërisht mundësues. Ato përballen me sfida sa i përket kërkesave të regjistrimit dhe fondeve të kufizuara publike, bashkë me një rritje të narrativave negative dhe fushatave shpifëse online.

    Top Channel

  • De Biasi: Shqipëria duhet të tregojë ndaj Serbisë se është skuadër e vërtetë 

    De Biasi: Shqipëria duhet të tregojë ndaj Serbisë se është skuadër e vërtetë 

    Ish-trajneri i Kombëtares, Gianni De Biasi, foli në Klan News, me gazetarin Besard Jacaj, në prag të ndeshjes që Shqipëria do të luajë ndaj Serbisë. 
    Italiani e cilësoi si ndeshje të vështirë, por theksoi se Shqipëria duhet të luajë sfidë inteligjente, pa presion. 
    Sipas De Biasit, Shqipëria duhet të tregojë ndaj Serbisë se është një skuadër e vërtetë.   
    “Vendi i dytë do të diskutohet mes Shqipërisë dhe mes Serbisë. Anglia duket e shkëputur. Të dyja skuadrat duan pikë edhe në një ndeshje kaq të vështirë. Shqipëria duhet të luajë një ndeshje inteligjente dhe pa u përfshirë në presion.   
    Shqipëria ka një kombëtare me teknikë, por duhet të jetë më e vendosur dhe më këmbëngulëse. Të luftojë për çdo top dhe të mos ketë frikë nga asnjë skuadër. Duhet të kemi respekt për kundërshtarin, sepse ka kualitet. 
    Kjo kombëtare ka lojtarë me kualitet. Skuadra kuqezi është shumë e vendosur dhe e bashkuar. Vetëm në këtë mënyrë ia dolëm. Në këtë moment duhet të tregojë se është një skuadër e vërtetë, më shumë se ajo e para”, deklaroi De Biasi. 
     
     

  • “Modric më kujton Maldinin, Leao duhet të tregojë gatishmëri për t’u sakrifikuar”

    “Modric më kujton Maldinin, Leao duhet të tregojë gatishmëri për t’u sakrifikuar”

    10 Tetor 2025

    8:28

    Alfred Lleshi

    Në një intervistë për “Gazzetta dello Sport”, Massimo Ambrosini foli për Rafael Leao: “Ai ka para vetes një mundësi të madhe. Milani këtë sezon ka vendosur një linjë për sa i përket shpirtit dhe qëndrimit në fushë, edhe ai duhet t’i përshtatet. Teknikisht nuk ka diskutime, por taktikat duhet t’i punojë dhe të përshtatet. Më pas duhet të tregojë gatishmëri për sakrificë, agresivitet dhe ashpërsi”.
    Ambrosini shtoi për mundësinë e transformimit nga Allegri: “Leao ka cilësi të jashtëzakonshme dhe duhet lejuar të ruajë natyrën e karakteristikat e tij bazë. Megjithatë, ka detyrimin të përpiqet për ta ndihmuar ekipin. Nuk mund të thuash se nuk mund të luajë si sulmues qendre, pasi ka luajtur vetëm disa minuta me kondicion jo optimal. Megjithatë, mbetet e dyshimtë përshtatja e tij me rolin e ri”.
    Për Modric dhe krahasimin me Pirlo, shtoi: “Nga karizma dhe ndikimi në fushë, kroati më kujton më shumë Paolo Maldini. Andrea ishte unik për mënyrën teknike të interpretimit të rolit, por mënyra se si Modric frymëzon dhe udhëheq shokët e skuadrës më bën ta krahasoj me kapitenin tim të madh, Paolo”.

  • Biografi për Sinéad O’Connor: Filmi që do të tregojë jetën e ikonës irlandeze

    Biografi për Sinéad O’Connor: Filmi që do të tregojë jetën e ikonës irlandeze

    Dy vite pas vdekjes, një film biografik mbi këngëtaren legjendare irlandeze Sinéad O’Connor është në zhvillim.
    Sipas Variety, filmi do të drejtohet nga Josephine Decker, e njohur për filmin e vitit 2020 Shirley, i bazuar në jetën e shkrimtares Shirley Jackson.
    Decker do të punojë mbi një skenar të shkruar nga autorja irlandeze Stacey Gregg. Projekti do të realizohet nga kompania irlandeze ie: entertainment, e cila kishte prodhuar edhe dokumentarin e vitit 2022 për Sinéad O’Connor, Nothing Compares.
    Filmi i ardhshëm raportohet se ka qenë në proces që prej publikimit të dokumentarit të vlerësuar nga kritika, ku vetë këngëtarja kishte bashkëpunuar.
    Në biografinë filmike do të marrin pjesë edhe kompani të tjera prodhimi, përfshirë See-Saw Films, fituese e Oscar-it, e njohur për The King’s Speech, Shame, Lion dhe The Power of the Dog, si dhe Nine Daughters, e cila prodhoi Lady Macbeth dhe God’s Creatures.
    Të dyja kompanitë kishin bashkëpunuar më parë në dramën historike Ammonite (2020) të Francis Lee.
    Filmi pritet të fokusohet tek jeta e hershme dhe karriera e O’Connor-it. Ai do të tregojë historinë “se si një vajzë e re nga Dublini sfidoi botën, duke treguar se si fama e saj globale mund të ishte ndërtuar mbi talentin, por emri i saj u bë sinonim me përpjekjet për të tërhequr vëmendjen mbi krimet e kryera nga Kisha Katolike dhe shteti irlandez.”

  • I riu shkon i plagosur me thikë te Spitali i Traumës, nuk pranon të tregojë autorin dhe shkaqet e ngjarjes

    I riu shkon i plagosur me thikë te Spitali i Traumës, nuk pranon të tregojë autorin dhe shkaqet e ngjarjes

    Një person i plagosur me thikë është paraqitur në Spitalin e Traumës pak pas mesnatës, duke zbardhur dita e sotme (22 korrik).
    I plagosuri është identifikuar si Arben Ujka, 24 vjeç, i cili ka plagë në gjoks dhe kofshë.
    Sipas mjekëve, plagët janë të shkaktuara nga një mjet prerës.
    I riu nuk ka pranuar që të tregojë autorin apo shkaqet e ngjarjes, ndërsa policia po punon për zbardhjen e plotë.

  • I riu shkon i plagosur te Trauma, nuk pranon të tregojë çfarë ka ndodhur

    I riu shkon i plagosur te Trauma, nuk pranon të tregojë çfarë ka ndodhur

    Një i ri është paraqitur i plagosur me thikë, pak pas mesnatës së kaluar, në spitalin e Traumës në Tiranë, për të marrë ndihmë mjekësore.

    Burime për mediat bëjnë me dije se i plagosur është shtetasi A.U, 24 vjeç, i cili ka patur plagë të shkaktuara me mjet prerës në gjoks dhe kofshë.
    Spitali ka njoftuar autoritetet policore, por mësohet se i riu nuk ka pranuar të tregojë as rrethanat se si është plagosur dhe as autorin e ngjarjes.