Lajmidites.com

Tag: traumës

  • Punime për rikonstruksionin e godinës, Spitali i Traumës: Funksioni vijon normalisht pa asnjë pengesë

    Punime për rikonstruksionin e godinës, Spitali i Traumës: Funksioni vijon normalisht pa asnjë pengesë

    Spitali Universitar i Traumës (SUT) ka dalë në një deklaratë ku siguron të gjithë qytetarët, se punimet për rikonstruksionin në disa pjesë të godinës, nuk do të ndikojnë në funksionimin e shërbimeve mjekësore.

    “Stafi mjekësor dhe të gjitha strukturat për pritjen, trajtimin dhe akomodimin e pacientëve të traumës dhe politraumës do të vijojnë të operojnë normalisht, me kapacitet të plotë dhe pa asnjë pengesë në aksesimin e shërbimit”, njoftoi Spitali i Traumës.

    SUT-i bën me dije se rikonstruksioni i ambienteve është pjesë e punës për të garantuar një shërbim sa më cilësor dhe në përputhje me standardet bashkëkohore në shëndetësi.

    “Faleminderit të gjithë qytetarëve për bashkëpunimin dhe mirëkuptimin gjatë këtij procesi të rëndësishëm për përmirësimin e shërbimit”, njoftoi spitali.

  • Dhunimi i të riut në Lezhë, zbardhet dëshmia e 35-vjeçarit nga Spitali i Traumës

    Dhunimi i të riut në Lezhë, zbardhet dëshmia e 35-vjeçarit nga Spitali i Traumës

    Një person është dhunuar rëndë mbrëmjen e sotme në Lezhë.
    Ngjarja ka ndodhur në afërsi të një pike karburanti, në aksin rrugor Lezhë–Rrilë, ku personi në fjale është nxjerrë me forcë nga automjeti me të cilin udhëtonte dhe më pas është goditur me mjete të forta nga autorët.
    Ai ka deklaruar nga Spitali i Traumës, aty ku po merr mjekim, se nuk i ka identifikuar autorët pasi ka qenë errësirë, teksa ata kanë përdorur shkop bejsbolli.
    I plagosuri është transportuar fillimisht në urgjencën e spitalit të Lezhës, ku ka marrë ndihmën e parë, ndërsa më pas është dërguar drejt Spitalit të Traumës në Tiranë për trajtim të specializuar, për shkak të gjendjes së tij të rënduar.
    Policia ka nisur hetimet për identifikimin dhe kapjen e autorëve të ngjarjes, ndërsa po punon për sqarimin e rrethanave dhe motiveve që çuan në dhunimin e shtetasit.
    gijotina.com/

  • Bie nga lartësia punonjësi i “ALUFLOR”. 50-vjeçari mbahet i intubuar në Spitalin e Traumës

    Bie nga lartësia punonjësi i “ALUFLOR”. 50-vjeçari mbahet i intubuar në Spitalin e Traumës

    Një ngjarje e rëndë ka ndodhur në zonën e Selvisë në Tiranë në orët e para të mëngjesit.
    Një 50 vjeçar punonjës në kompaninë “ALUFLOR” me administratore Znj. Erjola Xheko ka rënë nga lartësia duke marrë plagë te rënda në trup dhe dëmtime në kokë.
    Më pas punonjësi është nisur drejt Spitalit të Traumës ku ndodhet i intubuar dhe në gjendje kritike per jetën.
    Aktualisht inxhinierja e kësaj kompanie ndodhet në paraburgim.
    Burime për Ora News bëjnë me dije së një tjetër punonjes i kësaj kompanie është aksidentuar para 3 muajsh.
    Subjekti“ALUFLOR” me seli në Durrës është themeluar në 25/09/2023.

  • Kirurgët e Traumës realizojnë me sukses ndërhyrje miniinvazive

    Kirurgët e Traumës realizojnë me sukses ndërhyrje miniinvazive

    Kronikë E Mërkurë, 12 Nëntor 2025 10:12
    Në Spitalin Universitar të Traumës (SUT), mjekët kirurgë realizuan me sukses një ndërhyrje miniinvazive për trajtimin e një frakture të qafës së femurit me cist unikameral te një pacient 13-vjeçar.
    Sipas njoftimit të Ministrisë së Shëndetësisë dhe Mbrojtjes Sociale, ndërhyrja u krye me teknikë miniinvazive, duke përdorur aparaturën e avancuar C-ARM për kontroll të vazhdueshëm intraoperativ. Kjo metodë siguroi saktësi maksimale gjatë operacionit, duke ruajtur vaskularizimin dhe zonën e rritjes së kockës — faktorë kyç për një shërim të shpejtë dhe të sigurt.

    Falë përvojës së ekipit mjekësor dhe përdorimit të teknikave bashkëkohore kirurgjikale në trajtimin e patologjive te fëmijët, u arrit stabilitet i menjëhershëm kockor dhe një rezultat i suksesshëm për pacientin.

    Ministria e Shëndetësisë ka vijuar investimet për rinovimin dhe fuqizimin e strukturave shëndetësore, duke pajisur SUT me teknologji të lartë. Këto investime kanë mundësuar zgjerimin e kapaciteteve për ofrimin e shërbimeve të reja dhe përmirësimin e kushteve për stafet mjekësore dhe pacientët.

  • Spitali i Traumës në rikonstruksion| Ministrja Sala: Drejt një sistemi shëndetësor më cilësor

    Spitali i Traumës në rikonstruksion| Ministrja Sala: Drejt një sistemi shëndetësor më cilësor

    Ministrja e Shëndetësisë dhe Mirëqenies Sociale, Evis Sala ka zhvilluar një vizitë në ambientet e Spitalit Universitar të Traumës këtë të martë, më 4 nëntor, ku ndoqi nga afër ofrimin e shërbimit për pacientët me trauma shëndetësore, si dhe investimet e kryera në infrastrukturë e pajisje mjekësore.
    “Modernizimi i Spitalit të Traumës, specifikisht të bllokut operator, aq i rëndësishëm në rastet e traumave shëndetësore, sidomos atyre urgjente dhe pajisja e tij me aparatura mjekësore inovative përbëjnë një hap të rëndësishëm drejt përmirësimit të cilësisë së shërbimit dhe sigurisë për pacientët”, u shpreh ministrja Sala.
    Sipas Ministrisë së Shëndetësisë, në bllokun operator janë instaluar pajisje të avancuara për Neurokirurgjinë dhe Kirurgjinë e Përgjithshme, që mundësojnë ndërhyrje sa më pak invazive dhe me saktësi maksimale.
    Gjithashtu, kabinetet ambulatore të ORL-së, Okulistikës dhe Neurokirurgjisë janë pajisur me aparatura diagnostikuese të reja, duke përmirësuar ndjeshëm cilësinë dhe shpejtësinë e shërbimit për pacientët.
    Spitali Universitar i Traumës mbetet struktura e vetme spitalore që ofron shërbim të specializuar për traumën dhe politraumën në nivel kombëtar. Numri i pacientëve që marrin shërbim në këtë spital është në rritje të vazhdueshme, përfshirë edhe shtetas të huaj. Aktualisht, në SUT trajtohen mbi 62 mijë raste urgjente çdo vit.
    SUT ofron shërbime të specializuara në fusha të ndryshme, që përfshijnë ortopedinë, kirurgjinë e traumës, kirurgjinë e përgjithshme, neurokirurgjinë, si edhe shërbime të ORL-së, okulistikës dhe kirurgjisë maksilofaciale. Krahas tyre, spitali ofron gjithashtu trajtime në sëmundjet e brendshme, reanimacion, imazheri, farmaci, konsulta ambulatore dhe fizioterapi, duke garantuar kujdes të plotë multidisiplinar për pacientët me trauma dhe politrauma.
    Në bashkëpunim me Ministrinë e Mbrojtjes, Spitali Universitar i Traumës ndodhet në proces rikonstruksioni, me qëllim përmirësimin e mëtejshëm të infrastrukturës dhe kushteve të punës e akomodimit, për të garantuar një mjedis më funksional dhe bashkëkohor, që i përgjigjet më mirë rritjes së vazhdueshme të kërkesës për trajtime të specializuara dhe cilësore.

  • U përfshi në një aksident të rëndë një muaj më parë në Vlorë, ndërron jetë në Spitalin e Traumës në Tiranë 22-vjeçari

    U përfshi në një aksident të rëndë një muaj më parë në Vlorë, ndërron jetë në Spitalin e Traumës në Tiranë 22-vjeçari

    Ka ndërruar jetë një i ri që ishte plagosur rëndë në një aksident të ndodhur më 6 shtator në Fushë-Dukat, në aksin rrugor Orikum–Himarë.

    Burime nga familjarët bëjnë me dije se i riu, i cili për më shumë se një muaj qëndroi nën trajtim intensiv në Spitalin e Traumës në Tiranë, nuk ia doli të mbijetonte për shkak të komplikacioneve të rënda që pasuan plagët e marra nga përplasja.
    Pasi kishte dalë nga spitali, ai zhvilloi infeksione serioze në plagët e hapura, të cilat sollën përkeqësimin e shpejtë të gjendjes shëndetësore. Edhe pse u transportua sërish drejt spitalit dhe iu nënshtrua ndërhyrjes urgjente, mjekët nuk arritën ta mbanin në jetë.
    Aksidenti ndodhi rreth orës 01:30 të natës së 6 shtatorit, kur një automjet tip “Audi”, që drejtohej nga 22-vjeçari Fadil Bodo, u përplas me një “Fiat” në të cilin ndodhej 20-vjeçari Gabriel Lazemetaj. Nga përplasja u plagosën katër persona, mes tyre edhe i riu që humbi jetën disa javë më vonë.
    Në njoftimin zyrtar të Policisë së Vlorës më 6 shtator thuhej:
    “Rreth orës 01:30, në aksin rrugor Orikum–Himarë, automjeti tip ‘Audi’, që drejtohej nga shtetasi F. B., 22 vjeç, është përplasur me automjetin tip ‘Fiat’ me drejtues shtetasin G. L., 20 vjeç. Si pasojë e aksidentit kanë mbetur të plagosur dy drejtuesit dhe dy pasagjerët e ‘Audit’, shtetasit F. Q. dhe D. K. Ky i fundit u transportua në Spitalin e Traumës për ndihmë mjekësore të specializuar.”
    Hetimet vijojnë Sipas të dhënave paraprake, përplasja ka ndodhur si pasojë e shpejtësisë së lartë dhe humbjes së kontrollit nga një prej automjeteve. Policia dhe Prokuroria e Vlorës po vijojnë hetimet për të zbardhur rrethanat e plota të ngjarjes që mori një jetë të re”.

    Top Channel

  • Ndërron jetë në spitalin e Traumës 22-vjeçari që u aksidentua një muaj më parë në Vlorë

    Ndërron jetë në spitalin e Traumës 22-vjeçari që u aksidentua një muaj më parë në Vlorë

    Ka ndërruar jetë pas më shumë se një muaji në luftë me vdekjen 22-vjeçari Fadil Bodoj, nga Dukati i Vlorës, i cili u përfshi në një aksident automobilistik pak pas mesnatës së 6 shtatorit.
    Ai ndodhet në gjendje të rëndë në spitalin e Traumës dhe nuk ka arritur dot t’u mbijetojë plagëve të marra. Ngjarja ka tronditur familjen dhe miqtë e të riut, të cilët do t’i japin këtë të shtunë lamtumirën e fundit.
    Aksidenti ndodhi rreth orës 01:30 të 6 shtatorit në aksin Orikum–Himarë, ku dy automjete janë përplasur frontal. Automjeti tip “Audi”, me drejtues 22-vjeçarin Fadil Bodoj u përplas me automjetin tip “Fiat”, që drejtohej nga Gabriel Lazemetaj, 20 vjeç.
    Si pasojë e përplasjes së fortë, katër persona kanë mbetur të plagosur, përfshirë të dy drejtuesit e mjeteve dhe dy pasagjerë në automjetin “Audi”, Më konkretosht: Fadil Bodo, 22 vjeç; Gabriel Lazemetaj, 20 vjeç; Flavio Qepi, 20 vjeç, pasagjer në “Audi”: Aldo Kushta, 22 vjeç, pasagjer në “Audi”, të katërt banues në Dukat.
    Fatkeqësisht, 22-vjeçari nuk ka arritur dot të mbijetojë dhe ka ndërruar jetë pas më shumë se një muaji.

  • Sherr me thika në Bathore, 5 të plagosur përfundojnë te spitali i Traumës

    Sherr me thika në Bathore, 5 të plagosur përfundojnë te spitali i Traumës

    Një sherr i dhunshëm mes disa personave është regjistruar mbrëmjen e sotme në zonën e Bathores, në kryeqytet. Mësohet se janë përdorur sende të forta dhe thika.
    Si pasojë e konfliktit, pesë persona te mitur kanë mbetur të dëmtuar dhe janë dërguar menjëherë në Spitalin e Traumës për ndihmë mjekësore.
    Burime bëjnë me dije se të plagosurit ndodhen jashtë rrezikut për jetën dhe kanë marrë dëmtime të lehta.
    Menjëherë pas ngjarjes, policia ka ndërhyrë dhe ka shoqëruar disa persona të përfshirë në konflikt për t’i marrë në pyetje dhe për të sqaruar rrethanat e sherrit.
    Hetimet paraprake janë në vijim për të zbardhur plotësisht motivet dhe përgjegjësitë për këtë ngjarje.
    Njoftimi i Policisë:
    Kamëz/Informacion paraprak.
    Rreth orës 18:30, tek Pedonalja e Bathores, dyshohet se janë konfliktuar për motive të dobëta disa të mitur.
    Gjatë konfliktit kanë marrë dëmtime të lehta 5 shtetas, dyshohet me mjet të mprehtë, të cilët ndodhen në spital, jashtë rrezikut për jetën.
    Shërbimet e Policisë kanë shoqëruar disa shtetas, ndërsa Grupi hetimor ndodhet në vendngjarje dhe po punon për sqarimin e rrethanave të rastit.

     

  • Sherr me thika në Bathore, 4 të plagosur përfundojnë te spitali i Traumës

    Sherr me thika në Bathore, 4 të plagosur përfundojnë te spitali i Traumës

    Një sherr i dhunshëm mes disa personave është regjistruar mbrëmjen e sotme në zonën e Bathores, në kryeqytet. Mësohet se janë përdorur sende të forta dhe thika.
    Si pasojë e konfliktit, katër persona kanë mbetur të dëmtuar dhe janë dërguar menjëherë në Spitalin e Traumës për ndihmë mjekësore.
    Burime bëjnë me dije se të plagosurit ndodhen jashtë rrezikut për jetën dhe kanë marrë dëmtime të lehta.
    Menjëherë pas ngjarjes, policia ka ndërhyrë dhe ka shoqëruar disa persona të përfshirë në konflikt për t’i marrë në pyetje dhe për të sqaruar rrethanat e sherrit.
    Hetimet paraprake janë në vijim për të zbardhur plotësisht motivet dhe përgjegjësitë për këtë ngjarje.
     

  • Traumat e fëmijërisë lënë gjurmë të forta metabolike

    Traumat e fëmijërisë lënë gjurmë të forta metabolike

    Një studim revolucionar i botuar në revistën Biological Psychiatry zbulon se trauma e përjetuar në fëmijëri mund të lërë gjurmë të përhershme në metabolizmin e trupit, të dukshme edhe pas dekadash. Studiuesit zbuluan se të rriturit që kishin përjetuar vështirësi në jetën e hershme tregonin modele të qëndrueshme ndryshimesh në kiminë e gjakut, me efekte që forcoheshin në varësi të ashpërsisë së traumës.

    Kuptimi i metabolomës

    Kërkimi u përqendrua te metaboloma, grupi i plotë i molekulave të vogla (metaboliteve) në trup, përfshirë sheqernat, aminoacidet dhe lipidet. Këto përbërje kimike prodhohen ndërsa trupi tret ushqimin, përpunon ilaçet dhe menaxhon stresin. Metabolitet veprojnë si “shenja gishtash kimike” të proceseve biologjike, duke dhënë një pamje të funksionimit të trupit në nivel molekular dhe duke ofruar tregues të hershëm për rrezikun e sëmundjeve, inflamacionit dhe çrregullimeve të shkaktuara nga stresi.

    Kërkimet e mëparshme kanë lidhur traumën e fëmijërisë me rritjen e rrezikut për sëmundje të zemrës, diabet, depresion dhe gjendje të tjera. Megjithatë, studimet e hershme kishin mostra të vogla dhe fokusoheshin vetëm në disa lloje të caktuara traume ose metabolitesh.

    Dizajni dhe zbulimet e studimit

    Studiuesit analizuan të dhënat e gati 3000 të rriturve holandezë që kishin dhënë mostra gjaku në dy momente të ndryshme me një diferencë gjashtëvjeçare. Ata ekzaminuan mbi 800 metabolite përmes metodave të avancuara dhe vlerësuan traumën e fëmijërisë përmes intervistave mbi abuzimin emocional, fizik, seksual dhe neglizhencën emocionale para moshës 16 vjeç.

    Analiza identifikoi 18 metabolite të lidhur ndjeshëm me traumën e fëmijërisë, nëntë të rritur dhe nëntë të ulur tek individët me histori traume. Diferencat ishin më të mëdha tek ata që kishin përjetuar trauma më të rënda, duke sugjeruar një lidhje “dozë–përgjigje”.

    Metabolitet e rritur përfshinin përbërje të përfshira në shpërbërjen e acideve yndyrore dhe aminoacideve, si 2-methylbutyrylcarnitine dhe propionylcarnitine. Këto marrin pjesë në prodhimin e energjisë dhe përpunimin e lëndëve ushqyese, duke treguar ndoshta për stres metabolik ose mosfunksionim të mitokondrive.

    Ndryshimet në sistemin e stresit

    Vërejtjet më të theksuara ishin nivelet më të ulëta të kortizolit dhe kortizonit, hormone stresi të prodhuara nga gjëndrat mbiveshkore, tek personat që kishin përjetuar trauma. Këto hormone janë pjesë e boshtit hipotalamo-hipofizo-adrenal (HPA), i cili rregullon reagimet ndaj stresit. Nivelet e ulëta mund të tregojnë ndryshime afatgjata në sistem, që lidhen me probleme fizike dhe emocionale.

    Disa nga metabolitet e identifikuar, si stachydrine dhe 1-stearoyl-GPC, janë lidhur më parë me sëmundjet kardiovaskulare ose depresionin. Megjithatë, gjashtë nga 18 metabolitet nuk kishin lidhje të qarta me depresionin, duke treguar se trauma ndikon trupin përmes mekanizmave që nuk shpjegohen vetëm nga shëndeti mendor.

    Verifikimi dhe ndikimet

    Studiuesit verifikuan rezultatet duke përdorur një pyetësor tjetër për traumën dhe duke analizuar një grup të veçantë prej 308 pjesëmarrësish të afërm. Rezultatet mbetën të qëndrueshme edhe pas korrigjimeve për faktorë si pesha trupore dhe përdorimi i ilaçeve. Krahasimi i “nënshkrimit metabolik” të traumës me atë të depresionit tregoi ngjashmëri, por edhe shumë ndryshime unike ose më të forta te trauma.

    Kufizime dhe perspektiva të ardhshme

    Kufizimet përfshinin faktin se pjesëmarrësit ishin kryesisht europianoveriorë, që llojet e traumës u grupuan së bashku dhe se nuk u morën parasysh zakonet ushqimore. Gjithashtu, studimi përjashtoi individë me çrregullime si PTSD, e cila dihet se lidhet me probleme metabolike.

    Megjithatë, rezultatet ofrojnë dëshmi bindëse se trauma e hershme e jetës lë një gjurmë të qëndrueshme metabolike që përfshin prodhimin e energjisë, përpunimin e yndyrnave e proteinave dhe rregullimin e hormoneve të stresit. Ky lidhje biologjike mund të ndihmojë në shpjegimin pse personat që kanë përjetuar trauma në fëmijëri përballen me rrezik më të lartë për sëmundje më vonë në jetë.

    Kërkimet e ardhshme mund të përcaktojnë nëse këto modele metabolike mund të përdoren për të identifikuar individët në rrezik dhe nëse ndërhyrje si dieta, aktiviteti fizik ose menaxhimi i stresit mund të ndihmojnë në zbutjen e efekteve biologjike të traumës. / Psypost – Syri.net