Lajmidites.com

Tag: trajner

  • Disa fjalë më shumë janë thënë! Pep Guardiola “e ka në dorë” Xabi Alonso-n, trajneri i Realit ka treguar më shumë sekrete se duhet

    Disa fjalë më shumë janë thënë! Pep Guardiola “e ka në dorë” Xabi Alonso-n, trajneri i Realit ka treguar më shumë sekrete se duhet

    Xabi Alonso luan ndoshta ndeshjen më të rëndësishme në karrierën e tij si trajner sonte. Dueli me Manchester Cityn shënohet si vendimtar për qëndrimin e tij në stol, sepse ka shumë zëra për shkarkimin e tij. Nga ana tjetër është miku i tij i mirë Pep Guardiola. Ata punuan së bashku në Bayern, ku Xabi luante për Pepin dhe ishte një nga lojtarët kryesorë të ekipit bavarez.
    Dyshja mbeti në marrëdhënie të shkëlqyera. Xabi shpesh kërkonte këshilla, dhe mediat spanjolle zbuluan gjithashtu se kishte disa rrëfime që njerëzve në Madrid padyshim nuk do t’u pëlqenin. Njëra prej tyre është se ai nuk e dëshiron më Vinicius Junior në klub. Ai thjesht nuk mund të bashkëpunojë me të.“Xabi Alonso flet shpesh me Pep Guardiolën, veçanërisht që kur u bë trajner i Real Madridit”, raporton El Chiringuito, duke shtuar: “Ai thuhet se madje ia pranoi atij se nuk e donte më Vinicius Junior në ekipin e tij.” /Elio Hajdari-Sport Ekspres/

  • Xabi Alonso në “fije të perit”, ja emrat që qarkullojnë për ta zëvendësuar 

    Xabi Alonso në “fije të perit”, ja emrat që qarkullojnë për ta zëvendësuar 

    Humbja e Real Madridit ndaj Celta (2-0) e ka vënë fort në presion Xabi Alonson. Tashmë kanë filluar të dalin emra për zëvendësim të mundshëm në stolin madrilen. Në media dhe brenda drejtuesve të klubit po përmenden disa profile të njohura.

    Zinedine Zidane mbetet kandidati i përhershëm, sa herë që Real Madridi kalon vështirësi. Ai e ka bërë këtë më parë duke zëvendësuar Benítez dhe Solari, por rikthimi i tij duket i ndërlikuar, pasi synimi i tij është të bëhet trajner i Francës pas Botërorit 2026.

    Jürgen Klopp është një nga të preferuarit e Florentino Pérez. Ai pëlqehet shumë edhe nga tifozët, por aktualisht është drejtor futbolli te “Red Bull”, ndaj mbetet për t’u parë nëse do ta pranonte Realin.

    Álvaro Arbeloa, trajner i Castilla, ka mbështetje prej kohësh nga drejtuesit, por dilema është nëse do ta zëvendësonte mikun e tij të ngushtë, Xabi Alonson.

    Santiago Solari, aktualisht drejtor futbolli, e ka drejtuar më parë ekipin e parë pas largimit të Lopetegui, por u shkarkua. Emri i tij është përmendur edhe për Botërorin e Klubeve.

    Raúl, legjendë e klubit dhe ish-trajner i Castilla, është pa ekip, por nuk duket se ka mbështetje të fortë brenda klubit për një rikthim të menjëhershëm.
     
     

  • Sommer midis të ardhmes dhe spektaklit: Jo trajner, me Michelle Hunziker krijuam skena të bukura

    Sommer midis të ardhmes dhe spektaklit: Jo trajner, me Michelle Hunziker krijuam skena të bukura

    5 Dhjetor 2025

    12:57

    Alfred Lleshi

    Yann Sommer, portieri i Interit që më 17 dhjetor mbush 37 vjeç, zbuloi anët më private në një intervistë për “Gazzetta dello Sport”, duke folur për familjen, hobet dhe të ardhmen, që me shumë gjasa nuk e sheh në pankinë. Ai tha qartë: “Nuk mendoj të bëhem trajner, është një punë shumë stresuese. Nuk e kam menduar, në jetë ka shumë gjëra për të bërë”.

    Ndërkohë, bota e spektaklit mund të jetë një alternativë interesante. Sommer kujtoi eksperiencën e tij si “aktor” në disa video promovuese për Zvicrën, së bashku me showgirl-in Michelle Hunziker, nga vendi i përbashkët. Ai rrëfeu me buzëqeshje: “Me Michelle krijuam një kimi të bukur, u argëtuam duke bërë gjëra në natyrën e Zvicrës sonë”.

    Videoja, e realizuar për të promovuar turizmin zviceran, pati sukses të madh në rrjetet sociale, duke treguar një Sommer të pazakontë, i qetë dhe i natyrshëm para kamerës. Tani është portier, por e ardhmja e tij pas futbollit mbetet e hapur.

  • “Jam i vetmi trajner shqiptar në histori që ka drejtuar një ekip në Serbi”, Shensoi: Kur e morën vesh, ndryshuan menjëherë…

    “Jam i vetmi trajner shqiptar në histori që ka drejtuar një ekip në Serbi”, Shensoi: Kur e morën vesh, ndryshuan menjëherë…

    Trajneri i Laçit, Shensoi, ishte i ftuar në emisionin “Mega Sport” që transmetohet në “A2 Cnn”. Shensoi ka folur sa i përket eksperiencës së tij në Serbi duke qenë i vetmi trajner shqiptar që ka drejtuar në këtë vend.
    “Kam drejtuar në gjashtë shtete deri tani, edhe në Serbi, një trajner nga Kosova që drejton në Serbi, është gjë ekstreme. I vetmi trajner shqiptar në histori që ka drejtuar në Serbi.
    Unë jam licencuar dhe rregjistruar nga Turqia dhe përfaqësoj Turqinë, ata nuk e kuptuan mirë në fillim. Isha me pasaportë turke atje dhe prandaj më morën, kur e morën vesh pastaj që isha nga Kosova, ndërroi situata, nuk ishte më asgjë njësoj”, tha Shensoi. /Sport Ekspres/?

  • Miranda kritikon Spallettin: Si trajner ishte fitues, si njeri e dominonte hakmarrja

    Miranda kritikon Spallettin: Si trajner ishte fitues, si njeri e dominonte hakmarrja

    26 Nëntor 2025

    10:47

    Alfred Lleshi

    Joao Miranda, ish-mbrojtësi i Interit dhe Atletico Madridit, ka folur hapur për marrëdhënien e vështirë me Luciano Spalletti: “A mund të kisha bërë më shumë? Po, por me Mancini, De Boer dhe Pioli isha titullar. Pastaj erdhi Spalletti, një njeri që impononte frikë. Si trajner ishte fitues, e riktheu Interin në Champions dhe hapi rrugën për të ardhmen, por si njeri…, ta lëmë mënjanë”.
    Miranda shtoi: “Ai jetonte me frikën që dikush të fliste keq për të. Pak lojtarë kishin marrëdhënie të mira. I mirë për çështje fushe, por nuk pëlqente ata me mendim tjetër. Pas debatit me të luaja gjithnjë e më pak. Shumë gjëra i merrte personale, si heqja e fanellës nga Icardi, pastaj kalonte në hakmarrje. Një pendesë? Të mos kem fituar një trofe tek Interi”.
    Për Lautaron: “Është një nga pesë sulmuesit më të mirë në botë, me forcë, teknikë dhe cilësi. Mund të shënojë në çdo moment”. Për ndeshjen Atletico-Inter, parashikon barazim dhe kujton 4 vitet e tij magjike në Itali.

  • Poloni-Shqipëri, gjithçka duhet të dini mbi supersfidën e “play off”-it të Botërorit 2026

    Poloni-Shqipëri, gjithçka duhet të dini mbi supersfidën e “play off”-it të Botërorit 2026

    Shorti i “play off”-it europian për Kupën e Botës 2026 ka vendosur përballë Poloninë me Shqipërinë, një një duel i zjarrtë. Për të hedhur më shumë dritë mbi atë që na pret më 26 mars 2026 në transfertën polake, po “rrëmojmë” në histori, por edhe aktualitet, përmes “Transfermark”, tduke e kundruar këtë sfidë përmes statistikave interesante dhe mjaft domethënëse.

    Profili i kombëtarevePoloniaMosha mesatare: 27.6 vjeçRenditja në FIFA: Vend i 31-tëVlera totale e skuadrës: 166.40 milionë €Trajner: Jan Urban, 63 vjeç, emëruar më 16.07.2025Efektiviteti si trajner i Polonisë: 1.63 pikë për ndeshjeLojtari me më shumë vlerë në treg: Jakub Kiwior –25 milionë €

    ShqipëriaMosha mesatare: 27.9 vjeçRenditja në FIFA: Vend i 63-tëVlera totale e skuadrës: 88.20 milionë €Trajner: Sylvinho, 51 vjeç, në detyrë që prej 02.01.2023Kontrata: Deri më 31.12.2025Efektivitet si trajner i kuqezinjve: 1.49 pikë për ndeshje

    Bilanci i Sylvinhos ndaj Polonisë:Ndeshje: 2Fitore: 1Barazime: 0Humbje: 1Efektiviteti ndaj polakëve: 1.50 pikë për ndeshjeLojtari me më shumë vlerë: Armando Broja –14 milionë €

    Historiku i golashënuesve në këtë përballjeEdhe pse sfidat mes dy kombëtareve kanë qenë të ashpra dhe shpesh të mbyllura, disa emra kanë lënë gjurmë me golat e tyre:Maciej Żurawski (Polonia) – 2 golaKarol Świderski (Polonia) – 2 golaMirlind Daku (Shqipëria) – 1 golJasir Asani (Shqipëria) – 1 golRefik Resmja (Shqipëria) – 1 golSokol Kushta (Shqipëria) – 1 gol
    Një duel i barabartë në rritje:Shqipëria e Sylvinhos ka treguar progres të qëndrueshëm dhe e njeh mirë kundërshtarin, duke e mposhtur Poloninë 2–0 në Tiranë në vitin 2023. Nga ana tjetër, Polonia ka një vlerë më të madhe të lojtarëve në total, në tregun e sotëm të futbollit, dhe traditë të konsoliduar europiane, duke e bërë këtë sfidë një nga më të balancuarat e fazës së “play off”-it.
    Diferenca në vlera financiare, renditje FIFA dhe eksperiencë e vendosin Poloninë favorite në letër, por statistikat e Sylvinhos ndaj saj dhe energjia e kuqezinjve tregojnë se përballja do të jetë e hapur dhe vendimtare.
    Në mars, gjithçka do të vendoset në fushë. Poloni-Shqipëri, një duel që premton emocione, histori dhe një “biletë të artë” drejt finales së “play off”-it, ku do të gjejnë fituesin e çiftit Ukrainë-Suedi, në rrugën drejt Botërorit 2026. Më poshtë janë të gjitha detajet e ndeshjeve mes dy kombëtareve, Poloni dhe Shqipëri, ndeshje zyrtare dhe miqësore:

    Sezoni
    Kompeticioni
    Lloji i ndeshjes
    Data
    Kombëtarja pritëse
    Rezultati
    Kombëtarja udhëtuese

    22/23

    Grupi E
    10/09/2023
    Shqipëria
    2:0
    Polonia

    22/23

    Grupi E
    27/03/2023
    Polonia
    1:0
    Shqipëria

    20/21

    Grupi I
    12/10/2021
    Shqipëria
    0:1
    Polonia

    20/21

    Grupi I
    02/09/2021
    Polonia
    4:1
    Shqipëria

    07/08

    –
    27/05/2008
    Polonia
    1:0
    Shqipëria

    04/05

    –
    29/05/2005
    Polonia
    1:0
    Shqipëria

    88/89

    Grupi 2
    15/11/1989
    Shqipëria
    1:2
    Polonia

    88/89

    Grupi 2
    19/10/1988
    Polonia
    1:0
    Shqipëria

    84/85

    Grupi 1
    30/05/1985
    Shqipëria
    0:1
    Polonia

    84/85

    Grupi 1
    31/10/1984
    Polonia
    2:2
    Shqipëria

    70/71

    Grupi 8
    12/05/1971
    Shqipëria
    1:1
    Polonia

    70/71

    Grupi 8
    14/10/1970
    Polonia
    3:0
    Shqipëria

    53/54

    –
    29/11/1953
    Shqipëria
    2:0
    Polonia

    49/50

    –
    01/05/1950
    Shqipëria
    0:0
    Polonia

    49/50

    –
    06/11/1949
    Polonia
    2:1
    Shqipëria

    Bilanci i përballjeve është dukshëm në favor të polakëve, me 10 fitore, 3 barazime dhe 2 disfata të tyre ndaj kuqezinjve tanë. Sa i takon golaverazhit, edhe ai anon nga Polonia. 10 gola kanë shënuar në të gjitha përballjet kuqezinjtë tanë, kundrejt dyfishit të polakëve, 20 gola.

  • Guardiola: Barça më dha gjithçka si lojtar dhe trajner, ja dy momentet më kulmore atje

    Guardiola: Barça më dha gjithçka si lojtar dhe trajner, ja dy momentet më kulmore atje

    17 Nëntor 2025

    14:07

    Alfred Lleshi

    Pep Guardiola e konsideron ndeshjen miqësore të së martës mes Katalonisë dhe Palestinës si një akt të rëndësishëm simbolik: “Simbologjia ndihmon për të vënë njerëzit në alarm, por duhet të ketë lëvizje edhe pas saj”.
    Sa i përket Barcelonës, ai theksoi se nuk ka asnjë refuzim ndaj klubit katalanas: “Jeta është me etapa. Tani ka trajnerë të rinj, me të njëjtën dëshirë për sukses që kisha unë atëherë”. Edhe pse nuk la derë të hapur për një rikthim në “Camp Nou”, pranoi se Barça “i ka dhënë gjithçka si lojtar dhe si trajner”.
    Guardiola arriti 1.000 ndeshje si trajner pikërisht në duelin kundër Liverpool-it dhe u ndal të kujtonte momentet më të mira në Barcelonë: “Nuk e di cilin të zgjedh… Nga periudha te Barça, në titullin e parë më kujtohet fitorja 6-2 në Madrid. Po ashtu edhe finalja e dytë e Champions-it”.
     

  • “Shpresoj mos të flas me të nesër”/ Trajneri Silvinjo, deklaratë: Krenar që jam trajner i Kombëtares shqiptare

    “Shpresoj mos të flas me të nesër”/ Trajneri Silvinjo, deklaratë: Krenar që jam trajner i Kombëtares shqiptare

    Trajneri i Kombëtares shqiptare, Sylvinho, u shpreh në konferencën përpara ndeshjes me Anglinë se është krenar që është trajneri i ekipit kuqezi dhe se ndihet si në shtëpi.
    Ai gjithashtu u ndal edhe te performanca e Brojës, duke thënë se ndodh që sulmuesi të mos ketë gjithmonë ditë të mira.
    “Jam shumë i lumtur. E kam thënë që në fillim që jam trajner i kësaj kombëtareje. Kur vjen në fillim kur s’di gjuhën dhe kulturën, prapë jam ndjerë si në shtëpi. Kemi bërë një punë të mirë. Jam krenar për gjithë lojtarët e mi dhe besoj se nesër do të bëjmë mirë.
    Kur isha më i ri, nuk e mendoja të bëhesha trajner. Kur takova njëherë Mancinin, më tha: ‘A do të jesh pjesë e stafit tim’. Është një punë që unë e shijoj shumë. Të luash futboll është ndjenjë shumë e bukur dhe mendon pak më shumë për veten tënde. Tani duhet të mendoj për 11 lojtarë.
    Disa lojtarë rrezikojnë prej kartonëve, e vërtetë. Do të kryejmë stërvitjen e fundit dhe do të shohim. Pas pak kemi një stërvitje të shkurtër dhe do të vendosim nesër. Duhet të mendojmë edhe për marsin. Në fakt nuk më duket shumë rregull i drejtë. Do të flas me stafin dhe nesër do të marrim një vendim”, tha Sylvinho.

  • Totti dhe parashikimi për titullin e Romës: Ja kur do të vijë me Gasperinin

    Totti dhe parashikimi për titullin e Romës: Ja kur do të vijë me Gasperinin

    15 Nëntor 2025

    9:55

    Alfred Lleshi

    Gjatë episodit të parë të formatit “AperiTotti” të “Betsson Sport”, Francesco Totti dhe Marco Materazzi zhvilluan një bisedë të këndshme me Pierluigi Pardon, duke ndarë kujtime dhe opinione mbi futbollin. Totti foli për “cucchiaio” e famshme, Botërorin 2006 dhe trajnerët që kanë shënuar historinë e Romës, nga Mourinho te Gasperini.
    Ikona verdhekuqe i dha besim projektit të ri verdhekuq. “Gasperini është një trajner i mirë, shpresoj të vazhdojë kështu. Titulli i ardhshëm i Romës? Në vitin e 100-vjetorit…”, – tha me buzëqeshje, duke iu referuar vitit 2027. Totti kujtoi gjithashtu kampionatet e humbura ndaj Interit të Materazzit.
    Për periudhën e Mourinhos, ish-kapiteni verdhekuq nuk ka dyshime: “Top-trajner, numri një. Në dy vite te Roma luajti dy finale. Një e fitoi, tjetrën e humbi. Të dytën e humbi keq, por solli një trofe europian në Romë pas 30 vitesh”.

  • Xavi Hernández pranon gabimin, që i kushtoi shkarkimin nga Barcelona

    Xavi Hernández pranon gabimin, që i kushtoi shkarkimin nga Barcelona

    13 Nëntor 2025

    9:56

    Alfred Lleshi

    Xavi Hernández, ish-mesfushori legjendar dhe trajner i Barcelonës nga nëntori 2021 deri në maj 2024, ka reflektuar mbi periudhën e tij si teknik, gjatë një konference për lidership në Universitetin ESIC. “Gabimi im ishte që mbajta standarde të larta vetëm për një vit, që nga momenti i ardhjes deri te fitimi i La Liga-s dhe Superkupës. Më vonë u bëra autokritik dhe thashë me vete: Mallkuar qoftë, çfarë më ndodhi mua”, – u shpreh Xavi.
    Trajneri 45-vjeçar kujtoi se e nisi punën me kërkesa të larta, pas një periudhe pa disiplinë në klub. Por pas trofeve të parë, standardet ranë, me to edhe përkushtimi i lojtarëve: “Në sezonin e fundit nuk fituam asgjë, sepse mungoi qëndrueshmëria dhe respekti”.
    Xavi theksoi se është krenar për Yamal, të cilit i dha debutimin me Barcelonën qysh 15 vjeç: “E pashë gati për ekipin e parë”. Ai shtoi se dëshiron ta vazhdojë karrierën si trajner, duke theksuar: “Te Barcelona mësova shumë dhe u bëra më autokritik”.