Gazetari Klodian Tomorri komentoi pezullimin nga detyra të Zëvendëskryeministres dhe Ministres së Infrastrukturës, Belinda Balluku, pas vendimit të SPAK-ut. Sipas Tomorrit, mënyra se si u zgjodh procedura për pezullimin shmangu një situatë të sikletshme politike për kryeministrin Edi Rama.Tomorri u shpreh se nëse SPAK do të kishte ndjekur “rrugën klasike”, duke e çuar çështjen në parlament për heqjen e imunitetit, Rama do të përballej me dy zgjedhje të vështira: “Ose të hiqte mandatin e zëvendëses së tij, ose ta mbronte, duke hedhur në kosh të gjithë propagandën e reformës në drejtësi,” tha ai. Sipas gazetarit, varianti i ndjekur ,pezullimi i menjëhershëm nga detyra nga SPAK, ishte skenari që i krijonte më pak dëme politike kryeministrit.“Nuk e di nëse ka qenë e qëllimshme apo rastësi, por dyshoj, prandaj ekzistoj, tha Tomorri, duke shtuar se do të kishte qenë “shumë kurioz” të shihte se çfarë do të ndodhte nëse çështja do t’i shkonte parlamentit. Ai theksoi se një kërkesë zyrtare për heqjen e imunitetit do ta vendoste mazhorancën para një prove të vështirë politike, pikërisht për shkak të natyrës së çështjes dhe lidhjes së ngushtë të Ballukut me kryeministrin.Tomorri: Nëse ata do të zgjidhnin rrugën klasike dhe do të shkonin në parlament për të kërkuar heqjen e imunitetit. Pse? Sepse aty do të shikoni që Edi Rama do të vendosej para dy, zjarreve, para dy zgjidhjeve me, me shumë siklet. Ose të lëshonte dhe të hiqte mandatin e zëvëndësese së tij, ose ta mbante dhe të hidhte në kosh të gjithë, propagandën e reformës në drejtësi. E pra dashur pa dashur, unë nuk e di tani, kjo ka qenë e qëllimtë apo e rastësishme. Por, dyshoj prandaj ekzistoj, thotë ajo shprehja e famshme. Ky ishte varianti që i shkaktonte më pak deme kryeministrit. Pra, rrëzimi i Belinda Ballukut në këtë mënyrë ishte varianti dhe rruga që Edi Ramës i krijonte më pak siklete. Sepse unë thashë dyshoj prandaj ekzistoj. Sepse do të isha shumë kurioz… si do të sillej për ndryshe… do të isha shumë kurioz që të shikoja se çfarë do të ndodhte nëse kërkesa shkonte në parlament për heqjen e imunitetit. Pikërisht për shkak të asaj zgjidhje…
Tag: tomorri
-
Atentati në Rinas/ Tomorri: Policia organizatë mafioze, Koçiu kukull e Ramës
Atentati në Rinas/ Tomorri: Policia organizatë mafioze, Koçiu kukull e Ramës
Gazetari Klodian Tomorri ka reaguar në lidhje me atentatin e ndodhur këtë pasdite në Rrethrrotullimin e Rinasit.
Në një postim në rrjete sociale, Tomorri ka ngritur akuza se Rama e ka kthyer sipas tij Policinë e Shtetit në një organizatë mafioze nisur nga përfshirja e punonjësit të AMP-së në ngjarje.
Sa i takon Ministres së Brendshme, Tomorri thotë se kjo e fundit është thjesht një kukull e Ramës e vendosur sa për fasadë.
Reagimi i Tomorrit:
E kanë vënë kukull ministren e Brendshme, vetëm sa për fasadë.
Madje i kanë thënë publikisht: ‘Ti nuk ke punë me policinë, merre me adresat.’
Sepse Policinë e Shtetit ia kanë dhënë me outsourcing krimit të organizuar. Në çdo ngjarje të madhe kriminale ka policë të përfshirë, në të gjitha pa përjashtim.
Krimi vendos emërimet e inspektorëve, të shefave të komisariateve, madje edhe të Drejtorit të Përgjithshëm.
Por tani kanë shkuar edhe më tej: kanë marrë nën kontroll edhe strukturën që duhet të hetojë vetë policët.
Ky që mahnit Brukselin me ‘Diellën’ dhe reformbatutat e tij, ndërkohë e ka shndërruar Policinë e Shtetit në një organizatë mafioze.
E tani, nxirrni ‘Taçke-Kosën’ dhe ‘Kallasen’ e Brukselit të sulmojnë opozitën, se paskemi fyer ambasadorin!
Njësoj si Maria Antoneta: ne kemi Policinë e Shtetit në duart e krimit, ndërsa ata kanë hallin e biskotave të ambasadorit. -
Klodian Tomorri: Aeroporti i Vlorës nuk nis dot punën, për sa kohë ka sherr mes Pacollit dhe Ademit!
Gazetari Klodian Tomorri, i ftuar në emisionin “Të Paekspozuarit” në MCN TV, ka folur për aeroportin e Vlorës, fati i të cilit tashmë nuk dihet, për shkak të konfliktit mes aksionerëve dhe hetimeve të Prokurorisë.
Tomorri deklaroi se aeroporti nuk mund të nisë funksionimin, edhe nëse përfundon pista dhe godinat, pasi mungon menaxhimi, ngërç që nuk mund të zgjidhet për sa kohë aksionerët Behgjet Pacolli dhe Valon Ademi janë në sherr.“E para është ndërtimi i aeroportit dhe pastaj vënia në funksion. Aeroporti po ndërtohet, por çështja është që nuk vihet dot në punë, për shkak të sherrit mes aksionerëve. Asnjëri prej kompanive që kanë koncesionin e aeroportit të Vlorës, nuk ka ekspertizën e operimit të një aeroporti. Pacolli ka ndërtuar aeroporte, por nuk ka menaxhuar ndonjëherë aeroport. Është një gjë të ndërtosh pistat dhe godinat dhe gjë tjetër ta operosh. Prandaj kur është dhënë aeroporti me koncesion, ka qenë e parashikuar kriteri që kompania fituese duhet të kishte ekspertizën e operimit, meaxhimit, prandaj u fut turku fillimisht, kishte letrat dhe plotësonte kriterin e ekspertizës. Pastaj turku doli, por e kishin në kontratë që menaxhimin do ta ketë dikush tjetër, pasi e kanë ditur që në fillim që turku do të dilte. U përfol aeroporti i Mynih por ka raportime se është tërhqur.
Aeroporti mund të ndërtohet, por për sa kohë ka sherr mes aksionerëve nuk fillon dot. Nuk lidhet dot kontrata me operuesin, nuk ka kompani që merr në menaxhim një aeroport kur e firmos vetëm një nga menaxherët dhe e dyta, një sërë investimesh të cilat janë të karakterit të software, nuk bëhen dot për sa kohë ka sherr mes dy aksionerëve.
Janë disa kontrata që lidhet me softet, për të cilët kërkohet dakordësia e të dyve. Ai thotë do ta përfundojmë në shkurt, pastaj fillon apo jo aeroporti, kjo nuk dihet. Nëse konflikti zgjat gjatë në proceset gjyqësore, dhe nuk gjendet gjuha e përbashkët, nëse vijojnë të kenë konflikt dhe procesi zgjat me vite, aeroporti rrezikon të mos hapet asnjëherë”, deklaroi Tomorri.
-
Gazetari: Rama prej 7 muajsh në dijeni për hetimin e Ballukut
Gazetari: Rama prej 7 muajsh në dijeni për hetimin e Ballukut
Gazetari Klodian Tomorri, i ftuar në Syri tv, ka folur në lidhje me hetimin që SPAK po zhvillon ndaj zv/kryeministres Belinda Balluku. Sipas tij, Balluku përfaqëson aktualisht “hallin më të madh” të Edi Ramës.
“Edi Rama ka një problem shumë të madh, me atë se çfarë do të ndodhë me zëvendësen e tij. Nëse shikoni historinë e të gjithë figurave të larta të PS që kanë rënë në rrjetën e SPAK, janë hetuar apo dënuar, përgjithësisht ishin njerëz që Rama u kishte bërë një largim paraprakisht. Erion Veliajn kishte nisur ta distanconte prej 1 viti. Me Arben Ahmetajn kishte konflikt të hapur dhe i ndërseu vetë prokurorët. Në raport me Ballukun ka një siklet që nuk e ka pasur me këta të tjerë,” tha Tomorri.
Sipas gazetarit, ndryshe nga të tjerët, Balluku ka një pozitë shumë të fortë politike dhe institucionale.
“E para, sepse Balluku është zv/kryeministre në detyrë. E dyta është zyrtarja më e fuqishme e shtetit shqiptar, pas Edi Ramës, me një pushtet të deleguar nga Edi Rama. Dhe duke qenë një peshë kaq e rëndë dhe një natyrë ndryshe nga Veliaj apo zyrtarë të tjerë të PS-së, të cilët kanë pranuar të ulin kokën, të bëjnë burgun për hir të partisë, për një arsye apo një tjetër, qoftë nga frika apo se u është bërë presion tek familjarët, Balluku nuk e ka këtë problem.” – tha gazetari.
Tomorri shtoi se dilema më e madhe e Ramës është mënyra se si do të menaxhojë politikisht një zhvillim të mundshëm të hetimit ndaj Ballukut.
Ajo që unë mendoj është se i gjithë problemi i Ramës tani është se, nëse SPAK do të kryejë veprime ndaj Belinda Ballukut, si të bëjë atë që cilësohet si një ‘dalje e butë’ e Ballukut sepse, atij nuk i intereson një konflikt apo një situatë ku Belinda Balluku të mendojë se u lëshua apo nuk u mbrojt nga Edi Rama. Ky është problemi më i madh që unë shoh për Edi Ramën në ambientin e brendshëm.”
Gazetari zbuloi gjithashtu se, sipas informacioneve të tij, Rama ka qenë në dijeni për hetimet që prej disa muajsh:
“Informacionet që kam, më thonë se Rama ka qenë i informuar prej 6-7 muaj për përgjimet që po hetohen. Telefoni i ish-drejtorit të rrugëve, Ervis Berberi, ka qenë një thesar shumë i madh për të kuptuar se si kanë qeverisur këta. Regjisorët e Hollivudit nuk mund ta përshkruanin më bukur me dokumentar, se sa ishte aty.
Informacionet janë se, i kanë dërguar dhe fjalë që të mos e rikonfirmonte Ballukun në qeverinë e pas 11 majit, por Edi Rama bëri krejt të kundërtën, duke i dhënë më shumë pushtet, Tiranën, po e po, por edhe Ministrinë e Drejtësisë që është një institucion kyç në raport me institucionet e drejtësisë, duke i thënë se, unë po të jap të gjitha, ti dili zot vetes tani.” – tha Klod Tomorri -
“Kryeministri në një dilemë të madhe”,gazetari: Rama informohej prej muajsh për përgjimet që përfshijnë Ballukun, por..
Gazetari Klodian Tomorri, i ftuar në një emision televiziv, ka folur në lidhje me hetimin që SPAK po zhvillon ndaj zv/kryeministres Belinda Balluku. Sipas tij, Balluku përfaqëson aktualisht ‘halli më i madh’ i kryeministrit Edi Rama.
‘Edi Rama ka një problem shumë të madh, me atë se çfarë do të ndodhë me zëvendësen e tij. Nëse shikoni historinë e të gjithë figurave të larta të PS që kanë rënë në rrjetën e SPAK, janë hetuar apo dënuar, përgjithësisht ishin njerëz që Rama u kishte bërë një largim paraprakisht.
Erion Veliajn kishte nisur ta distanconte prej 1 viti.
Me Arben Ahmetajn kishte konflikt të hapur dhe i ndërseu vetë prokurorët.
Në raport me Ballukun ka një siklet që nuk e ka pasur me këta të tjerë,’ tha Tomorri.
Sipas gazetarit, ndryshe nga të tjerët, Balluku ka një pozitë shumë të fortë politike dhe institucionale.
‘E para, sepse Balluku është zv/kryeministre në detyrë.
E dyta është zyrtarja më e fuqishme e shtetit shqiptar, pas Edi Ramës, me një pushtet të deleguar nga Edi Rama.
Dhe duke qenë një peshë kaq e rëndë dhe një natyrë ndryshe nga Veliaj apo zyrtarë të tjerë të PS-së, të cilët kanë pranuar të ulin kokën, të bëjnë burgun për hir të partisë, për një arsye apo një tjetër, qoftë nga frika apo se u është bërë presion tek familjarët, Balluku nuk e ka këtë problem.’, tha gazetari në SYRI TV.
Tomorri shtoi se dilema më e madhe e Ramës është mënyra se si do të menaxhojë politikisht një zhvillim të mundshëm të hetimit ndaj Ballukut.
‘Ajo që unë mendoj është se i gjithë problemi i Ramës tani është se, nëse SPAK do të kryejë veprime ndaj Belinda Ballukut, si të bëjë atë që cilësohet si një ‘dalje e butë’ e Ballukut sepse, atij nuk i intereson një konflikt apo një situatë ku Belinda Balluku të mendojë se u lëshua apo nuk u mbrojt nga Edi Rama.
Ky është problemi më i madh që unë shoh për Edi Ramën në ambientin e brendshëm.’
Gazetari zbuloi gjithashtu se, sipas informacioneve të tij, Rama ka qenë në dijeni për hetimet që prej disa muajsh:
‘Informacionet që kam, më thonë se Rama ka qenë i informuar prej 6-7 muaj për përgjimet që po hetohen. Telefoni i ish-drejtorit të rrugëve, Ervis Berberi, ka qenë një thesar shumë i madh për të kuptuar se si kanë qeverisur këta.
Regjisorët e Hollivudit nuk mund ta përshkruanin më bukur me dokumentar, se sa ishte aty.
Informacionet janë se, i kanë dërguar dhe fjalë që të mos e rikonfirmonte Ballukun në qeverinë e pas 11 majit, por Edi Rama bëri krejt të kundërtën, duke i dhënë më shumë pushtet, Tiranën, po e po, por edhe Ministrinë e Drejtësisë që është një institucion kyç në raport me institucionet e drejtësisë, duke i thënë se, unë po të jap të gjitha, ti dili zot vetes tani.’ -
“Kjo është çmenduri”, Tomorri kritikon shkurtimin e mandatit të Bejtjas: Mandati është bërë tmerrësisht vulnerabël
Gazetari Klodian Tomorri ishte i ftuar në një emision televiziv, ku akuzoi anëtarët e Gjykatës Kushtetuese se kanë falur pavarësinë e tyre, pas vendimit për t’i shkurtuar mandatin anëtares Sonila Bejtja, e cila kishte marrë një mandat të plotë.
‘Kushtetuta është ngritur mbi parime që janë të qëndrueshme në kohë. Pra, nuk interpretohen ligjet që kjo formulë vlen për këta që janë sot, pastaj do kemi një formulë tjetër. Kjo është një çmenduri.Ajo që ka ndodhur është e thjeshtë. Me këtë vendim, Gjykata Kushtetuese ka lëshuar me duart e veta pavarësinë e saj. Unë nuk di, se normalisht duhet të ishte e kundërta, ku gjykata duhej të mbante fort pavarësinë e vet, këta e kanë lëshuar me duart e veta.
Sepse nga sot, mandati i gjykatësit Kushtetues është bërë tmerrësisht vulnerabël ndaj institucioneve të emërtesës, pra ndaj Presidentit, Parlamentit apo Gjykatës së Lartë.
Kjo është çmenduri.’
Tomorri ngriti edhe pyetje të forta mbi motivet pas këtij vendimi.
‘Pyetja më normale që lind në këtë situatë është: çfarë e shtyn një Gjykatë Kushtetuese të shkojë në këtë absurd?
Çfarë e shtyn presidentin në fillim që të fillojë nga hiçi dhe të kërkojë interpretim për këtë situatë? A thua që presidenti ka merak të madh Kushtetutën, kur ne e dimë se para një jave bëri prroçkën më të madhe ndaj Kushtetutës në historinë e shtetit shqiptar?
Pra, e gjitha kjo është një skenar për të rrëmbyer një mandat aty, që qeveria nuk e ka në rreshtin e saj.’ -
Qeveria shqiptare në tryezë me mafian? Gazetari trondit me deklaratën: Paratë e krimit po legalizohen me…
Gazetari Klodian Tomorri ishte i ftuar në një emision televiziv, ku komentoi mbi hetimet ndërkombëtare që lidhen me krimin e organizuar dhe përfshirjen e përfaqësuesve të qeverisë shqiptare në struktura të dyshimta.
‘Hetimet në Belgjikë flasin për përfaqësues të qeverisë shqiptare, hetimet në Itali flasin për të njëjtën gjë, – u shpreh Tomorri. – Sigurisht ky është një skandal në vetvete, pavarësisht gjithë të tjerave që ne nuk kemi emrin dhe tani këtu ka nisur xhiroja e emrave, ishte ky apo ishte ai.’
Duke bërë krahasime me takimet historike të organizatave kriminale ndërkombëtare, gazetari theksoi se situata është e paprecedentë në kontekstin e përfshirjes së shtetit në veprime të tilla.
‘Ne jemi në kushtet, sepse historia ka parë takime ndërkombëtare të mafias, që nga ai i Nju Jorkut, takimi i famshëm i Palermos ku shkuan të gjithë krerët e Cosa Nostras. Por kanë qenë takime mafioze, nuk ka patur ndonjë qeveri që ka dërguar përfaqësuesit e vet në një takim të mafias. Kjo është pjesa që duhet të hetohet më tej.’
Tomorri solli në vëmendje edhe rastet kur provat direkte mungojnë, por tregues të tjerë indirektë janë më se të mjaftueshëm për të ngritur dyshime të forta.
‘Këtu jemi si tek rasti i Departamentit të Shtetit apo çështjes së ‘Tigrave’, ku ne nuk i provojmë dot se ku kanë shkuar paratë, por kemi fakte të tjera që mund t’i provojmë.’
Ai shtoi se ndonëse emrat konkretë nuk janë bërë publikë ende, faktet në terren flasin vetë: persona të lidhur me narkotrafikun ndërkombëtar janë aktualisht investitorë aktivë në Shqipëri, veçanërisht në zonat turistike.
‘Fakti është se, biznesmenët apo ata që quhen si koka të narkotrafikut që kanë qenë pjesë në atë takim, pronat e tyre po zhvillohen në Shqipëri dhe janë pronarë të pjesës më të madhe në bregdet. Mbi pronat e tyre po ndërtohen resorte luksoze me lejen e qeverisë shqiptare.’
Për gazetarin investigativ, lidhjet mes qeverisë dhe krimit të organizuar nuk janë thjesht çështje hetimi jashtë vendit, por janë të dukshme në vendimet dhe veprimet konkrete të institucioneve shqiptare.
‘Pra nuk kemi nevojë të shkojmë deri në Aruba për të provuar mpleksjen e qeverisë në këtë histori. Mjafton të shohim vendimet e qeverisë dhe se atë që qeveria bën,’ përfundoi Tomorri. -
“Emri i qeverisë Rama lakohet në hetim ndërkombëtar”/ Dalja e emrit të tij në dosjen ‘McGonigal’, gazetari: Arsye që…
Gazetari Klodian Tomorri, i ftuar në një emision televiziv, ka folur mbi faktin se, Edi Rama nuk po kalon dot kufirin që i ka vënë administrata Trump në SHBA, pavarësisht lobimeve të fuqishme.
Sipas gazetarit Tomorri, raportet e Edi Ramës me kartelet e drogës, dalja e emrit të tij në dosjen ‘McGonigal’ duket se i kanë mbyllur derën kryeministrit të Shqipërisë në Shtetet e Bashkuara të Amerikës.
“Emri i Edi Ramës u lakua në dosjen ‘McGonigal’, emri i qeverisë Rama lakohet në një hetim ndërkombëtar të trafikut të drogës. Mos ndoshta janë këto dosje që emri i Ramës del, arsye që Edi Rama sot ka një problem me Shtëpinë e Bardhë,’ u shpreh Tomorri.
Sipas tij, pavarësisht përpjekjeve të shumta të qeverisë për të forcuar lidhjet me SHBA-në, një pengesë e dukshme mbetet në fuqi.
‘Fakti që Rama nuk e kalon dot atë pragun që i kanë vënë, dhe ne kemi folur për atë kufirin që i kanë vënë, pavarësisht tentativave të shumta, fuqisë së madhe lobuese që ka Rama, sigurisht duket që ka një derë të mbyllur në SHBA, e cila nuk hapet,’ vijoi ai.
Tomorri e lidhi këtë situatë edhe me deklaratën e të ngarkuarës me punë të SHBA në Shqipëri, e cila kërkoi hetimin e karteleve të drogës dhe pastrimit të parave.
‘Mos ndoshta janë këto dosje, duke e lidhur këtë edhe në kontekstin e deklaratës së të ngarkuarës me punë të SHBA në Shqipëri, e cila kërkon hetimin e karteleve të drogës dhe pastrimit të parave’, tha ndër të tjera gazetari Tomorri. -
Tre kriteret e qeverisë Rama, pa skrupuj, besnikë dhe me ‘gropa’ nga e shkuara, thotë Tomorri
Gazetari Klodian Tomorri ka komentuar përbërjen e kabinetit të ri qeveritar, duke theksuar se sipas tij, Edi Rama ka ndërtuar qeverinë mbi tre kritere kryesore.‘E para është se, kanë dhënë prova se nuk e kanë problem të firmosin për gjëra të pafirmosura. Pra janë njerëz pa skrupuj, që nëse u jepet diçka e firmosin.E dyta është se, janë sejmenë të jashtëzakonshëm dhe nuk ja cënojnë pushtetin komandantit.Dhe e treta janë njerëz të cilët kanë gropa hapur nga e shkuara dhe që duhen aty edhe për ca kohë që të mbyllin ato gropa që kanë lënë hapur.’Sipas Tomorrit, ka një kontradiktë mes asaj që kryeministri Rama përpiqet të përcjellë dhe realitetit të përbërjes së qeverisë.
‘Këto mendoj unë se janë tre kriteret me të cilat Edi Rama ka ndërtuar qeverinë kësaj radhe dhe kishte një kontradiksion shumë të madh në aty që Edi Rama përpiqej të shpërfaqte me fjalët e tij, që ne do të vijmë si në mandatin e parë me energji të reja dhe këndvështrime të reja dhe ndërkohë konfirmohet e gjithë bërthama kryesore e qeverisë, konfirmohen të gjithë ata ministra të cilët janë akuzuar, denoncuar publikisht në afera të mëdha korruptive, por që tashmë do të vazhdojnë të drejtojnë postet kyçe të qeverisë.’, tha gazetari Klodian Tomorri -
‘Digjemi çdo vit nga zjarret’, Tomorri: Rama po përzë dhe ato pak njerëz në fshatra
Gazetari Klodian Tomorri gjatë një interviste televizive ka komentuar situatën e zjarreve në vend dhe komentet e sotme të Edi Ramës.
Gjatë bisedës me moderatoren Armela Ferko, Tomorri u shpreh se, zjarret dhe përmbytjet e përvitshme që po ndodhin në Shqipëri, po largojnë edhe ata pak njerëz që kanë mbetur nëpër fshatra.
‘Unë nuk mbaj mend ndonjë vit që të mos jemi djegur nga zjarret. Digjemi çdo vit nga zjarret, përmbytemi çdo vit nga reshjet. Pra jemi çdo vit nën thundrën e fatkeqësive natyrore.Një qeveri e përgjegjshme duhej të kishte të dhëna dhe studime serioze, për të parë se sa janë kostot që na shkaktojnë ne çdo vit zjarret, kostot që vijnë nga përmbytjet dhe a është ky buxhet që ne kemi për emergjencat civile i mjaftueshëm.
Nëse do ta shtojmë këtë buxhet a do të parandalojmë apo do të minimizojmë më shumë këto kostot që na vijnë nga zjarret dhe përmbytjet.
Ai drejtori i emergjencave civile kur shkon në parlament, këtyre gjërave duhet tu përgjigjet para deputetëve, por nuk e pyet njeri për këto.
Por nuk e pyet njeri për këto, prandaj njerëzit lihen në mëshirën e fatkeqësive, digjen fshatra të tërë, rrënohen jetë familjesh të tëra, edhe ata pak njerëz që kanë mbetur në Shqipëri.
Pra ne po djegim dhe po përzëmë edhe ata pak njerëz që kanë mbetur ende nëpër fshatra.
Dhe kryeministri del sot e thotë nuk kam avion personal. Që ai ka avion personal, këtë e dinë të gjithë se ai ka avion në dispozicion udhëton me ‘Ismailin’ e famshëm.
Mënyra se si paguhet kjo nuk ka rëndësi, por fakti është se ai udhëton me avion personal, ndryshe nga të gjithë kryeministrat e vendeve të rajonit me ekonomi të ngjashme. Kjo ka rëndësi’, u shpreh ndër të tjera, Klodian Tomorri.