Enea Bitri ishte i ftuar në “Mega Sport” që transmetohet në “A2 CNN”. Mbrojtësi i cili luan në Hungari, ka qenë më parë pjesë e Partizanit. Ai ka treguar gjatë bisedës për problemet e futbollit shqiptar dhe njëkohësisht për tratativat e verës me Tiranën.
“Kjo është një pyetje pak e vështirë. Në Shqipëri po rriten akoma më shumë buxhetet, por jashtë ke më shumë garanci. Në Shqipëri është problemi i mentalitetit që duhet të fitosh për të marrë lekët e tua, ndërsa këtu janë të sigurta që ti do ta marrësh pagesën, në Shqipëri nuk funksionon kështu, prandaj jemi jashtë.
Mu bë qejfi që fitoi Partizani, por më erdhi keq për Tiranën sepse nëse bie nga Kategoria, i prishet bukuria futbollit shqiptar me derbin. Më vjen keq për Tiranën realisht se nuk është për këto nivele. Nëse unë kthehem në Shqipëri, Partizanin e dua të parin, është shtëpia ime. Megjithatë gjatë verës kisha shumë kontakte me Tiranën. Vangjel Mile më donte, ishte beratsi im, i thashë se do të bëja një sforco për të që të shkoja atje, por nuk më linin gjërat e tjera”, tha Bitri. /Sport Ekspres/?
Tag: tiranën
-
“Në Shqipëri duhet të fitosh për të marrë rrogën”! Enea Bitri i sinqertë: Më vjen keq për Tiranën, më kanë bërë ofertë në verë
-
Partizani fiton derbin me Tiranën, bardheblutë “zhyten” në fund të tabelës
Partizani ka fituar derbin e dytë të kryeqytetit për këtë sezon, duke mposhtur 0-2 Tiranën në “Arenën Kombëtare”.
Sfida e vlefshme për javën e 15-të të Superiores foli për “Demat”, të cilët kaluan në avantazh në minutën e 7’ të takimit me anë të Human.
Bardheblutë u munduan të reagonin, por sulmet e njëpasnjëshme të “Demave” nuk i dhanë mundësitë e duhura të besuarve të Nuhiut.
Goli i dytë erdhi në minutën e 66’, kur Skuka i vetëm përballë Tafas çoi topin drejt rrjetës dhe i dha goditjen e “KO” bardhebluve.
Me këtë fitore, Partizani shkon në kuotën e 20 pikëve në vendin e 6-të, 3 pikë larg zonës së “Final 4”.
Nga ana tjetër, Tirana vijon të qëndrojë në vendin e fundit me vetëm 7 pikë, ku makthet e Kategorisë së Parë nuk largohen. -
“Nuk e prisja të mundnim Tiranën aq lehtë, 6-2”! Lorenzo Vila: Ilir Daja është trajneri më i mirë që kam punuar
Dinamo ka marrë një fitore të madhe kundër Tiranës duke fituar në shifrat 6-2. Një fitore e thellë në derbi, ndërsa i ftuar në “Kubi Sportiv” që transmetohet në “EuroNews Albania” dhe moderohet nga Drilon Xhepollari ishte Lorenzo Vila. Ishte një prej autorëve të golit ndaj Tiranës, në një fitore që sipas vetë lojtarit, nuk pritej.
“Ishte një ndeshje e bukur nga ne, zhvilluam një ndeshje perfekte. Si goli i Bregut dhe i Qardakut dhe i imi ishin mjaft të bukur. Goli i Qardakut për mua ishte më i bukur nga goditja e dënimit. Kam luajtur në disa role të ndryshme, por për mua është më e rëndësishme që të jem në fushë, pavarësisht pozicionit.
Zhvilluam një kompeticion shumë të mirë në Europë dhe pastaj fillimi i kampionatit, nisi mirë, por pastaj kishim disa luhatje. Derbi me Tiranën? Jo, nuk e prisja kaq të lehtë. Por të jemi realist dy golat e shënuara në 10 minutat e para na liroi disi dhe prandaj fituam aq thellë, 6-2. Daja? është trajneri më i mirë që kam punuar, shumë detajist dhe profesionist”, tha Lorenzo Vila. /Sport Ekspres/? -
Dinamo shkatërron Tiranën në derbi, Partizani mund Bylisin dhe ngjitet i 6-ti
Dje u zhvilluan tri ndeshjet e para të javës së 14-të në “Abissnet Superiore”, ku padyshim ra në sy fitorja e thellë e Dinamos në derbin kryeqytetas me Tiranën.
“Nëndetësja e fitoi këtë takim me shifrat 6-2, duke dëhsmuar jo vetëm forcën e saj dhe pretendimet për titullin, por duke kujtuar edhe një herë tjetër dobësinë e Tiranës, e cila jo vetëm ka prekur fundin e tabelës, por ka prekur edhe fundin e saj si skuadër sepse nuk po mundet të organizohet e të marrë rezultate pozitive. Blutë u treguan të shpejtë në start, me tre gola të njëpasnjëshëm të Guindo, Qardakut e Bregut. Goli i Rafael i dha një sinjal Tiranës para pushimit, por me kthimin e ekipeve në fushë, erdhi edhe goli i katërt i Dinamos me Vilën. Përsëri Qardaku e më pas Bregu me një penallti të përsëritur çuan në 6 numrin e golave për “nëndetësen”, ndërsa Tare nga ana tjetër tundi rrjetën sa për statistike. Shifrat mund të ishin më të thella, pasi Vila shpërdoroi një penallti, e në fund u mbyll 6-2 për Dinamon.
Ndërkohë, një fitore me vlera mori dje edhe Partizani, që mundi Bylisin 1-0. Ishte një fitore e ngushtë por trepikëshi i djeshëm e ngjit Partizanin në vend të gjashtë, duke e larguar disi nga zona e ftohtë. Golin e fitores e shënoi Kontreras në minutën e 72-të. Padyshim që me interes ishte dje edhe dueli mes Teutës dhe Elbasanit, dy skuadra që lakmojnë të jenë në Europë sezonin tjetër. Kjo ndeshje përfundoi në barazim pa gola 0-0.
Java 14
Të mërkurën
Partizani-Bylis 1-0
Teuta-Elbasani 0-0
Dinamo-Tirana 6-2
Të enjten
Egnatia-Flamurtari 16:30
Vora-Vllaznia 16:30
Renditja
Nr.Skuadra Pikë
1.Elbasani 26
2.Egnatia 25
3.Vllaznia 24
4.Dinamo 23
5.Teuta 22
6.Partizani 17
7.Vora 15
8.Bylis 13
9.Flamurtari 10
10.Tirana 7
-
Dinamo shfryn ndaj Tiranës, gola spektakolarë për rikthimin në “Final Four”
Dinamo- Tirana 6-2 (Guindo 5′, Qardaku 11′, 61′, Bregu 25′, 67′ (p), Lorenco Vila 47′ / Rafael 40′, E. Tare 76′)
Dinamo fudos përmes fitores tenistike 6-2 Tiranën për javën e 14-të Aissnet Superiore. Në “Air Albania” blutë e Ilir Dajës e nisën me marsh të lartë e mendësi prej triumfatori duke realizuar që në minutën e 5′-të me Saliu Gundo me kokë. Më pas radha e supergolit të Qardakut nga loja e ndaluar, dhe ai i Bregut. Një tjetër supergol shënohet në këtë pjesë dhe ai i takon Rafael për bardheblutë.
Në pjesën e dytë çmenduria e ka emrin Lorenco Vila i cili në ecje e sipër nga një disatcë e largët, realizon një kryeveper. Më tej Qardaku kompleton dopietën personale ndërsa po dy gola shënon edhe Dejvi Bregu pas një penalltie të gjuajtur dy herë.
Goli i dytë për Tiranën realizohet nga Etien Tare por kjo vetëm për t’i dhënë sulmuesit kënaqësinë personale. Kësisoji edhe kjo sfidë mbyllet me turp për Tiranën tashmë egozhduar prej javësh në fund të tabelës me vetëm 7 pikë.
Vazhdo leximin
-
Dinamo shfryn ndaj Tiranës, gola spektakolarë për rikthimin në “Final Four”
Dinamo- Tirana 6-2 (Guindo 5′, Qardaku 11′, 61′, Bregu 25′, 67′ (p), Lorenco Vila 47′ / Rafael 40′, E. Tare 76′)
Dinamo fudos përmes fitores tenistike 6-2 Tiranën për javën e 14-të Aissnet Superiore. Në “Air Albania” blutë e Ilir Dajës e nisën me marsh të lartë e mendësi prej triumfatori duke realizuar që në minutën e 5′-të me Saliu Gundo me kokë. Më pas radha e supergolit të Qardakut nga loja e ndaluar, dhe ai i Bregut. Një tjetër supergol shënohet në këtë pjesë dhe ai i takon Rafael për bardheblutë.
Në pjesën e dytë çmenduria e ka emrin Lorenco Vila i cili në ecje e sipër nga një disatcë e largët, realizon një kryeveper. Më tej Qardaku kompleton dopietën personale ndërsa po dy gola shënon edhe Dejvi Bregu pas një penalltie të gjuajtur dy herë.
Goli i dytë për Tiranën realizohet nga Etien Tare por kjo vetëm për t’i dhënë sulmuesit kënaqësinë personale. Kësisoji edhe kjo sfidë mbyllet me turp për Tiranën tashmë egozhduar prej javësh në fund të tabelës me vetëm 7 pikë.
Vazhdo leximin
-
Fiton bindshëm 6-2, Dinamo shkatërron Tiranën në derbi
Derbi i kryeqytetit është mbyllur me një rezultat surprizues dhe të rëndë për Tiranën, e cila është mposhtur thellë 6-2 nga Dinamo. “Nëndetësja blu” zhvilloi njërën prej ndeshjeve më të mira të sezonit, duke dominuar bardheblutë në çdo repart dhe duke shënuar plot gjashtë herë.
Kjo humbje e thellon edhe më shumë krizën që ka përfshirë Tiranën, ndërsa skuadra duket larg ritmit dhe identitetit të saj tradicional në derbit e kryeqytetit.
Dinamo, në anën tjetër, konfirmon formën e mirë dhe rikthehet fuqishëm në garë, duke marrë tre pikë me shumë peshë si në aspektin emocional, ashtu edhe në atë të klasifikimit. -
Tirana, mes kryeqyteteve më të përballueshme të Europës në 2026
“Viti 2026 do të jetë viti perfekt për të eksploruar Europën pa shpenzuar shumë. Ne kemi renditur 10 kryeqytetet evropiane më të përballueshme vitin e ardhshëm, ku një fundjavë mund të kushtojë më pak se një darkë jashtë”. Kështu e nis artikullin “The Wom Travel”, rrjeti italian i udhëtimeve, ku përkrahin Pragën, Budapestin, Varshavën apo Athinën, dhe rendit edhe Tiranën si një kryeqytet me kosto të ulët dhe të përballueshme për çdo turist.
“The Wom Travel” shkruan në artikull se Tirana është ndoshta surpriza më e madhe në këtë renditje, pasi kryeqyteti i Shqipërisë ka pësuar një transformim rrënjësor në dekadat e fundit, duke kaluar nga një qytet gri komunist në një qendër qyteti plot gjallëri dhe me shumë ngjyra.
Ndërtesat e pikturuara me murale dhe ngjyra të ndezura janë një simbol i kësaj rilindjeje, ndaj duhet vizituar patjetër në 2026, shkruan agjencia italiane e udhëtimit.
Ndër të tjera, në artikull për Tiranën shkruhet se edhe pse është kryeqytet dinamik, njëkohësisht është tepër i përballueshëm për çdo vizitor. Sheshi Skënderbej dhe zona e Ish-Bllokut ofrojnë një pamje unike të historisë dhe modernitetit shqiptar, duke e kthyer Tiranën në destinacionin e përsosur për udhëtarët kuriozë që kërkojnë mbi të gjitha një qytet autentik.
Rrjeti italian i udhëtimeve “The Wom Travel” u sugjeron lexuesve se cila është periudha më e mirë për të udhëtuar në kryeqytetin shqiptar me një kosto të ulët, ku në përgjithësi periudhat si pranvera dhe vjeshta ofrojnë ekuilibrin më të mirë mes motit të përshtatshëm dhe çmimeve të ulëta për fluturime dhe akomodime.
-
Buxheti i vitit 2026 për Tiranën, Këshilli Bashkiak i kërkon SPAK- ut që Veliaj të jetë në mbledhje, qoftë edhe online
Këshilli Bashkiak i Tiranës i kërkon SPAK-ut dhe Drejtorisë së Përgjithshme të Burgjeve që të lejojë kryebashkiakun Erion Veliajn, i cili ndodhet i paraburgosur në burgun e Durrësit, të marrë pjesë fizikisht ose online në mbledhjen e ardhshme që do të zhvillohet të premten e kësaj jave, më 21 nëntor 2025.
Në kërkesën e firmosur nga 22 anëtarë socialistë, drejtuar këtyre 2 institucioneve, thuhet se pjesëmarrja e Kryetarit të Bashkisë është një e drejtë funksionale e garantuar me ligj, e nevojshme për prezantimin e drafteve, buxhetit, raportimeve vjetore dhe çështjeve të administrimit të njësisë së vetëqeverisjes vendore.
Paralelisht me kërkesën drejtuar SPAK-ut dhe Drejtorisë së Burgjeve, Këshilli Bashkiak i Tiranës i kërkon kryetarit Veliaj objektivat e tij të zhvillimit për Tiranën për vitin 2026 dhe prioritetet e investimeve kapitale, duke specifikuar projektet e reja të Bashkisë Tiranë, për t’i pasqyruar ato në projektbuxhetin e bashkisë për vitin 2026.Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim! -
Rama: Manastirliu kandidatja e PS për Tiranën kurdo që të mbahen zgjedhjet
Kryeministri Edi Rama konfirmoi se Ogerta Manastirliu do të mbetet kandidatja e Partisë Socialiste për të drejtuar Bashkinë e Tiranës, kurdo që të mbahen zgjedhjet.
Rama theksoi se Manastirliu do të udhëheqë fushatën e PS, duke i dhënë kështu “vizën” aktualit kryetar të bashkisë, Erion Veliaj, i cili u rikthye në detyrë pas vendimit të Gjykatës Kushtetuese, e cila rrëzoi vendimin e qeverisë për shkarkimin e tij.
“Njerëzit që jetojnë në këtë qytet duan shërbimet, rrugën, kopshtin, çerdhen, pastrimin etj., gjë që ne duhet të bëjmë çmos t’i kenë dhe duke vlerësuar maksimalisht rëndësinë e kësaj detyre, jemi edhe sot këtu, së bashku me Ogertën që ishte dhe mbetet kandidatja jonë për të drejtuar Tiranën kur të vijnë zgjedhjet së bashku me Delinën, ministrja e Ekonomisë dhe Inovacionit që ka barrën e drejtimit politik të skuadrës së deputetëve apo të përfaqësuesve të PS në këtë njësi dhe natyrisht së bashku me ju”, theksoi Rama.