Deputeti i Partisë Demokratike, Eno Bozdo është shprehur në seancën dëgjimore në Komisionin e Ekonomisë, se sektori i bujqësisë vuan nga problematika të thella sistematike. Ai tha se të gjitha raportimet nga shoqatat dhe Grupet e Interesit në Komisionit janë pasqyrë e problemeve shumë të forta.
“Mesa e kam ndjekur sektorin e bujqësisë, vuan nga problematika shumë të thella sistemike. Të gjitha cfarë raportohen këtu nga Grupet e Interesit janë probleme shumë të forta në mënyrën se si e trajtojmë sektorin e bujqësisë. Nuk besoj se një seancë e tillë do jetë shteruese. Do të ishte më mire që informacionet t’i mërrnim veçmas nga secila shoqatë.
Këtë seancë e konsideroj si pasqyrim të problematikës. Duhet një axhendë pune konkrete dhe të thërrasim të gjitha grupet e interesit duke nisur nga janari 2026. Nga fillimi i vitit të lëmë seanca të dedikuara për sektorin e bujqësisë dhe të diskutojmë ku qëndron fiks problemi”, tha Bozdo.
Tag: thella
-
Bozdo/ Bujqësia vuan nga problematika shumë të thella sistemike
-
A kishte të drejtë Oriana Fallaci kur mendonte se: Janë të rrallë burrat që zgjedhin në krah të tyre gra të thella
A kishte të drejtë Oriana Fallaci kur mendonte se:
“Janë të rrallë burrat që zgjedhin në krah të tyre gra të thella, sepse ato sipërfaqësoret dhe, më së shumti, të përqendruara te paraqitja, sjellin më pak probleme dhe janë më lehtësisht të kontrollueshme.Ndërsa një grua e thellë kërkon dialogje ndërtuese dhe ballafaqime, do dhe krijon intimitet, ka vetëdije për veten dhe i njeh kufijtë e saj dhe forcat e saj. Një grua e thellë urren sipërfaqësinë, vulgaritetin. Ajo nuk dëshiron t’u pëlqejë të gjithëve, nuk kënaqet me pak, por kërkon; e di që vlera e saj nuk qëndron në pamje, por në qëndrueshmërinë e zemrës.
Gratë e thella janë si uragane. Nuk ndalen para asgjëje. Qeshin dhe qajnë pa u turpëruar dhe, nëse kanë dëshirë, ulen në tokë ose ecin zbathur si të ishte gjëja më normale në botë. Nuk i frikësohen sfidave për të gjetur atë që kanë në zemër, as dhimbjes së ndjekjes së idealeve të tyre. Nuk kërkojnë në çift një udhëheqës për ta ndjekur, as një fëmijë për ta shpëtuar. Por një shoqërues me të cilin të ecin krah për krah.
Gratë, të gjitha gratë, duhet të kujtojnë gjithmonë se kush janë dhe çfarë janë të afta të bëjnë. Nuk duhet të tremben të tregohen inteligjente, të mbeten pezull mbi yje natën, të mbështetura te ballkoni i qiellit! Të jesh grua është kaq magjepsëse. Është një aventurë që kërkon guxim, një sfidë që nuk të lodh kurrë.”Përgatiti: Albert Vataj
-
Pse kemi aq shumë nevojë të komunikojmë edhe me të panjohurit?
Shumë nga ne i shmangen bisedave me të panjohurit, duke menduar se ky lloj ndërveprimi është i vështirë dhe i padëshiruar nga të dyja palët. Por sikur ta kemi gabim? Një studim i ri, sugjeron se dëshira për të biseduar për gjëra konfidenciale me njerëz të panjohur, është në fakt një ndjenjë e zakonshme.
Pra herën tjetër që ju qëllon të flisni me dikë që nuk e njihni, nuk duhet të supozoni se domosdoshmërisht duhet t’i përmbaheni një bisede sipërfaqësore. Ekziston një shans i mirë që personi me të cilin jeni duke folur të jetë i lumtur që të ndajë me ju disa nga aspektet më personale të jetës së tij, siç mund të jeni edhe ju me të.
Studiuesit kryen 12 eksperimente të ndryshme, që përfshinë më shumë se 1.800 individë për të parë qëndrimin e njerëzve ndaj bisedave dhe kontakteve, me pjesëmarrës që përfshinin studentë, drejtues biznesi dhe vullnetarë të rekrutuar në internet.
“Lidhja me të tjerët në mënyra kuptimplote, tenton që t’i bëjë njerëzit më të lumtur. Por njerëzit ngurrojnë që të përfshihen në biseda më të thella dhe më kuptimplota me të panjohurit”-thotë shkencëtari i sjelljes Nikolas Eplej nga Shkolla e Biznesit në Universitetin e Çikagos.
“Pra ky paradoks social na bëri shumë përshtypje: Nëse lidhja me të tjerët në mënyra të thella dhe kuptimplota rrit mirëqenien, atëherë pse njerëzit nuk e bëjnë atë më shpesh në jetën e përditshme?”- pyet Eplej. Përgjigja e shkurtër sipas Eplej dhe kolegëve të tij është “pritshmëria e gabuar”.
Studimi tregoi se bisedat e thella apo sipërfaqësore me të panjohurit përfunduan duke çuar në ndjenja më të mëdha të lidhjes dhe kënaqësisë sesa pritej fillimisht. Atyre që morën pjesë në studim iu kërkua të shkruanin temat e tyre të bisedës, ose iu dhanë disa pyetje për të diskutuar.
Kërkesat përfshinin një larmi të madhe të të dyja subjekteve, nga ato të thella në ato banale. Pra gjithçka nga “A mund ta përshkruani një moment kur keni qarë para një personi tjetër?”. tek “Çfarë mendoni për motin sot?”. Përgjatë të gjitha eksperimenteve, bisedat me të panjohurit ishin më pak të vështira dhe më përmbushëse nga sa pritej nga pjesëmarrësit.
Kjo ishte veçanërisht e vërtetë për bisedat e thella, të cilat krijuan ndjenja më të mëdha të lidhjes në krahasim me bisedat mbi tema më pak të rëndësishme. Në përgjithësi, partnerët e bisedës kujdeseshin më shumë për zbulimet e tyre personale sesa priste personi tjetër. Po ashtu studimi vëzhgoi bisedat me familjen dhe miqtë, duke treguar se këtu pritshmëritë e kujdesit dhe interesit janë më të sakta.
“Qeniet njerëzore janë shumë sociale, ndaj kanë tendencë që të nisin një bisedë me dikë. Në rast se ndani me dikë diçka kuptimplotë dhe të rëndësishme, ka të ngjarë që të merrni në këmbim diçka kuptimplotë dhe të rëndësishme, duke çuar në një bisedë dukshëm më cilësore”- thotë Eplej.
Se çfarë do të thotë e gjitha kjo për ju, herën tjetër kur të uleni pranë një të panjohuri në autobus, është fakti se një bisedë e thellë mund të jetë më shpërblyese sesa mendoni, dhe se personi ngjitur me ju mund të jetë më i interesuar për atë që keni për t’i thënë sesa mund ta prisni.
Sigurisht që ky është një përgjithësim, i bazuar tek eksperimentet me më pak se 2.000 njerëz, ndaj ju ende mund të prisni një reagim të ftohtë nga një i panjohur në autobus. Por në përgjithësi, si qenie njerëzore ne duket se kemi më shumë seç duhet frikë nga bisedat kuptimplota dhe të thella.
Ka shumë prova se bisedat më të thella çojnë në një lumturi dhe mirëqenie më të madhe, dhe në një qasje më optimiste ndaj tyre mund të sjellë përfitime, pra si për ju ashtu edhe për personin me të cilin po bisedoni. Pasi edhe këta të fundit mund të jenë po aq të etur për t’u hapur sa edhe ju.
ObserverKult
Lexo edhe:
SI U BË ENDACAKU MASHTRUES PËR 5 DITË MBRET I SHQIPËRISË/ A E DINI KUSH ISHTE OTTO WITTE?
-
Dialogu me biznesin/ Balluku: Çelësi për një ekonomi konkurruese dhe integrim në BE
Zëvendëskryeministrja, njëherësh ministre e Infrastrukturës dhe Energjisë, Belinda Balluku u shpreh se Shqipëria sot nuk ka asnjë krahasim me Shqipërinë e 10 viteve më parë falë reformave të thella dhe shtetformuese.
Gjatë fjalës së mbajtur në aktivitetin për 10-vjetorin e krijimit të Këshillit të Investimeve, Balluku u shpreh se Shqipëria sot nuk ka asnjë krahasim me Shqipërinë e 10 viteve më parë kur ky këshill u formua.
“Ky vlerësim vjen në kuadër të aktivitetit të Këshillit të Investimeve, por është një vlerësim që shkon paralel me zhvillimin e përgjithshëm të vendit tonë në këto 10 vite”, tha Balluku.
Balluku e konsideroi këtë moment si një një rrugëtim që ka kaluar përmes reformash të thella shtetformuese, shpeshherë të dhimbshme, por të domosdoshme, mjaft herë të kontestuara, por në pjesën të madhe të tyre me rezultate të matshme.
“Në një Shqipëri krejt tjetër nga ajo që ishte 10 vite më parë, më e zhvilluar, më moderne, më e sigurt dhe me një të ardhme shumë më të ndritur, më afër se kurrë më parë me familjen evropiane. Në këtë dekadë sfidash, përpjekjesh, reformash, arritjesh madhore një rol i rëndësishëm është luajtur nga biznesi vendas dhe ai i huaj dhe marrëdhënia e fortë e bashkëpunimit që Qeveria Rama ka vendosur qysh në fillim të mandatit të parë”, tha Balluku.
“Këshilli i Investimeve ka nisur në muajin shkurt të vitit 2014, vetëm gjashtë muaj pasi Qeveria kishte marrë punën dhe kur Rama nënshkroi një memorandum mirëkuptimi me Berzhin mes sektorit privat dhe Qeverisë, me qëllim nxitjen e investimeve vendase dhe të huaja”, cilësoi ajo.
Sipas Ballukut, në këtë memorandum ishte parashikuar si hap i parë që Berzh do të ndihmonte në krijimin e Këshillit të Pavarur të Investimeve, që do të bashkonte përfaqësues të biznesit dhe do të këshillonte Këshillin Ekonomik Kombëtar.
“Qartësia e vizionit të Qeverisë Rama u kthye në një strategji afatgjatë për bashkëpunimin me biznesin dhe po jep frytet e veta në zhvillimin ekonomik dhe social të shoqërisë. Biznesi është zemra e zhvillimit ekonomik të vendit. Pa një biznes të fuqishëm të mbështetur me politika të drejta nuk mund të ketë rritje të qëndrueshme apo mirëqenie për qytetarët tanë. Çdo vendim që merr Qeveria duhet të reflektojë realitetin e tregut”, cilësoi Balluku.
“Vetëm përmes këtij dialogu, ne mund të krijojmë një klimë biznesi të qëndrueshme dhe një ekonomi konkurruese në funksion të vizionit tonë për integrimin evropian”, vijoi Balluku.
Zëvendëskryeministrja Balluku cilësoi se Këshilli i Investimeve u konsiderua si pjesë e këtij angazhimi për të forcuar bashkëpunimin në reformat e thella, mirëqeverisjen dhe krijimin proceseve demokratike, një frymë që u nxit edhe nga Procesi i Berlinit”, tha Balluku.
“Këshilli i Investimeve u shndërrua në një model që paraqet suksesin e dialogut mes biznesit dhe Qeverisë, sektorit privat dhe partnerëve. Sot, Shqipëria ka një vizion të qartë kombëtar, anëtarësimin në BE. Ky objektiv kërkon më shumë se politika të mira, kërkon bashkëpunimin real dhe një klimë të favorshme për investime. Kemi arritur të thellojmë besimin mes institucioneve dhe sektorit privat, të adresojmë sfidat konkrete dhe të ndërtojmë zgjidhje të qëndrueshme”, pohoi Balluku. -
‘Më di a nuk më di se qaj, më di a nuk më di se vuaj’
Poezi nga Mitrush Kuteli
Më di a nuk më di
Më di a nuk më di se qaj,më di a nuk më di se vuajnë orët e thella të natës,kur ngrihem i çmendur të shkruajme gjakun e zemrës të shkruaj.Më di a nuk më di se agimetmë gjejnë pa gjumë në shtrat,me shpirt të shkretuar nga dhembja,e dhimbshëm i pres perëndimet,me ankth i pres perëndimet.Më di a nuk më di se sotu drodha kur pashë pranverën, (vjeshtën)që zbriste me flladet e prillit (tetorit),e ëmbël siç ishte qëmot,e hidhur siç ishte qëmot.Më di a nuk më di se vuajnë orët e thella të natës,ku ndjehem nga jeta i huaj,nga vendi i lemjes i huaj.Më di a nuk më di…/KultPlus.com
-
Zelensky paralajmëron ofensivë të re: Ukraina planifikon sulme të thella në territorin rus!
Presidenti ukrainas Volodymyr Zelensky ka deklaruar se Ukraina po përgatit sulme të reja në thellësi të territorit rus, si pjesë e operacioneve të vazhdueshme për mbrojtjen e vendit.
Përmes një postimi në platformën X, Zelensky tha se ka zhvilluar një takim me komandantin e përgjithshëm të forcave të armatosura, gjeneralin Oleksandr Syrsky, ku është diskutuar situata në vijën e frontit dhe planet për fazat e ardhshme të luftës.
“Ne do të vazhdojmë operacionet tona aktive në mënyrën e duhur për mbrojtjen e Ukrainës. Forcat dhe burimet janë të përgatitura. Janë planifikuar gjithashtu sulme të reja të thella,” shkruan Zelensky.
Deklarata e presidentit vjen në një kohë kur forcat ruse po përpiqen të avancojnë në disa drejtime përgjatë vijës së frontit në lindje të Ukrainës, ndërsa Kievi vijon të kërkojë mbështetje të vazhdueshme ushtarake nga Perëndimi.Top Channel
-
Zbulohen “oazë të gjallë” me qenie që “hanë” kimikate 10 000 m nën ujë
Në thellësitë e ujërave detare në gati 10 000 metra, një ekip i drejtuar nga studiuesit kinezë ka zbuluar qenie të gjalla që mbijetojnë pa rrezet e diellit, duke u mbështetur në reaksionet kimike për energji.Studimi inovativ u botua të mërkurën në revistën shkencore “Nature”.
Kërkimi, i udhëhequr nga Instituti i Shkencës dhe Inxhinierisë së Thellësive Detare (IDSSE) pranë Akademisë Kineze të Shkencave, zbuloi komunitetet më të thella të jetës kemosintetike në botë, që nxjerrin energji nga reaksionet kimike brenda lëngjeve gjeologjike.
Këto komunitete të lulëzuara, të përbëra kryesisht nga krimba tub dhe molusqe dykapakëshe, mbështeten duke konsumuar lëngje të pasura me sulfur hidrogjeni dhe metan.Duke përdorur batiskafin me pilot “Fendouzhe” (“Luftëtari”), ekipi i kërkimit arriti një thellësi rekord prej 9 533 kilometrash dhe eksploroi një shtrirje të gjerë prej 2 500 kilometrash të dyshemesë së hendekëve nëndetarë Kuril-Kamçatka dhe Aleutiane.
Analiza gjeokimike tregoi që metani në këto mjedise prodhohet nga mikroorganizma në thellësi brenda shtresave të sedimenteve, të cilat vazhdimisht shndërrojnë dioksidin e karbonit që rrjedh nga zbërthimi i lëndës organike. Kjo tregon për ekzistencën e një biosfere të gjerë, aktive e të panjohur më parë nën dyshemenë e oqeanit të thellë.
Zbulimi sfidon drejtpërdrejt besimin tradicional se ekosistemet e thella mbështeten kryesisht në grimca organike dhe mbetje shtazore që fundosen nga sipërfaqja e oqeanit, duke ofruar një perspektivë të re për të kuptuar mekanizmat komplekse të ciklit të karbonit në thellësitë detare.Për më tepër, studimi sugjeron që organizmat kemosintetikë mund të ndikojnë thellësisht si në strukturën e ekosistemeve të thella, ashtu edhe në ciklin global të karbonit.
Hulumtimi është një përbërës kyç i Programit Global të Eksplorimit të Hadalit (GHEP), një nismë ndërkombëtare dhjetëvjeçare e udhëhequr nga IDSSE, e cila synon të eksplorojë misteret e zonave më të thella oqeanike të Tokës, duke përdorur teknologji të përparuara të zhytjes në thellësi. -
‘Det i thellë blu’ në mesin e risive të sezonit të ri në Teatrin Kombëtar të Tiranës
Sezoni i ri artistik i Teatrit Kombëtar premton emocione të forta dhe reflektime të thella përmes një përzgjedhjeje të kujdesshme të shfaqjeve që do të ngjiten në skenë gjatë muajve në vijim. Në qendër të programit që do të nisë këtë vjeshtë janë katër drama që ndërthurin klasikën me bashkëkohoren, dhe që prekin temat e dashurisë, drejtësisë, fuqisë dhe njeriut përballë fatit, përcjellë KultPlus.
Krah dy tragjedive të mëdha të Shekspirit “Otello” dhe “Si ta doni”, si dhe “Drejtësi në Nuremberg” nga Abby Mann, një nga premierat më të shumëpritura ne Teatrin Kombetar do të jetë edhe “Det i thellë blu” e dramaturgut britanik Terence Rattigan, një vepër rrënqethëse mbi dashurinë e pakthyeshme dhe humbjen personale. Me një ndjeshmëri të hollë psikologjike, drama sjell portretin e një gruaje të ndarë mes pasionit të njëanshëm dhe realitetit të hidhur të vetmisë.
Ky sezon i ri vjen si një thirrje për dialog me të kaluarën dhe të tashmen, një ftesë për të reflektuar mbi ndjenjat më të thella njerëzore dhe për të festuar fuqinë e teatrit për të prekur mendjen dhe zemrën./KultPlus.com
-
Integrimi në BE, Tabaku nga Strasburgu: Procesi nuk mund të ecë pa reforma të thella
Sipas deputetes demokrate Jorida Tabaku, mbledhja e Komisionit të Stabilizim-Asociimit mes Parlamentit Europian dhe Kuvendit të Shqipërisë, është mbyllur pa një deklaratë të përbashkët mes palës opozitare dhe asaj të mazhorancës socialiste.
Në një reagim në rrjetet sociale, ajo shprehet se opozita ngriti shqetësimet për zgjedhjet dhe korrupsionin.
“Strasburg – përfundoi pa deklaratë të përbashkët mbledhja e Komisionit të Stabilizim-Asociimit!Ngritëm shqetësimet për zgjedhjet, korrupsionin, mungesën e sundimit të ligjit dhe abuzimet me tenderat publikë. Shqiptarët kanë nevojë ta prekin integrimin në jetën e përditshme, jo vetëm në deklarata politike. Procesi nuk mund të ecë përpara pa zgjedhje të lira, demokraci funksionale dhe reforma të thella. Mbi të gjitha nuk mund të ecë pa u përfshirë opozita, shoqëria shqiptare dhe pa pasur një diskutim mbarëkombëtar! Nuk jemi këtu për të firmosur deklarata sa për sy e faqe. Jemi këtu për të kërkuar ndryshime reale për qytetarët!”-shkruan Tabaku.Top Channel
-
“PD, humbje gjithnjë e më të thella”/ Gazetari: Të djathtët duan që Berisha të largohet
Gazetari Fatos Mahmutaj thotë se rinumërimi i votave nuk ndryshon rezultatin e zgjedhjeve, por ka vërtetuar deri më tani, se kandidatët demokratë kanë vjedhur votat e njëri-tjetrit.
Në një intervistë për “Ora e Fundit” në ABC News, Mahmutaj u shpreh se që prej vitit 2013, PD ka pësuar humbje gjithnjë e më të thella.
Mahmutaj shtoi se demokratët kërkojnë largimin e Berishës nga kreu i PD.
“Rinumërimi që është bërë deri tani, ka rezultuar se nuk ka pasur asgjë e jashtëzakonshme. E vetmja gjë e jashtëzakonshme, e pritshme dhe e vërtetuar nga kutitë, demokratët kanë vjedhur njëri-tjetrin. Pjesa tjetër është në rregull. Nëse janë ngatërruar një apo dy votë, apo një kuti, ashtu siç janë ngatërruar për PS, janë ngatëruar edhe për PD. Të dyja forcat e mëdha kanë pasur ngatërrime dhe nuk ndikon në rezultat. Berisha kërkon të vonojë certifikimin e zgjedhjeve, pas ka presion nga të tijtë. Kush me zë, e kush pa zë, të gjithë i kërkojnë dorëheqjen. Duke zvarritur procesin, ai fiton kohë të sfumojë kërkesën për dorëheqjen e tij.”, theksoi ai.