Avokati i Evis Berberit në “Off the Record” me Andrea Dangllin, në A2 CNN i mëshoi dyshimit se një foto ku shfaqet klienti i tij, me funksionarë të tjerë publikë, që u publikua nga deputeti i PD, Gazment Bardhi ka rrjedhur nga ambientet e SPAK dhe GJKKO.
Gentjan Rumano tha se publikimi i kësaj fotoje nga Bardhi ka për synim dëmtimin e imazhit të ish-kreut të ARRSH-së.
“Fotoja që është publikuar është një foto që ka të bëjë tërësisht me ambient privat dhe jo me funksione publike. Dhe si e tillë duhet të konsiderohet si cenim i privatësisë të çdo subjekti, jo vetëm të të përfaqësuarit prej meje, por edhe të personave që janë pjesë e fotos. Atëherë dyshimi kryesor është që të gjithë telefonat e zotit Berberi janë të sekuestruara nga Prokuroria e Posaçme. Zoti Berberi është në kushtet e ndalimit dhe nuk është në kushtet për të përhapur apo patur informacion të detajuar për këto rrethana. Duke qenë se fotot janë në duart e prokurorisë, ekziston dyshimi i arsyeshëm që kjo foto të jet3ë nxjerrë pikërisht nga këto telefona dhe më pas ti jetë vënë në dispozicion dhe zotit Bardhi. Nuk duam të dyshojmë lidhur me integritetin e Prokurorisë apo oficerëve të policisë gjyqësore por nga ana jonë do të kërkohet hetim. Do të ishte e ndershme që ky hetim të niste nga ana e Prokurorisë nëse ajo foto gjendet në telefonat e zotit Berberi. Nëse kjo foto është pjesë e të dhënave në telefonat që i janë sekuestruar zotit Berberi, përbën të dhënë hetimore dhe ato nuk përhapen kështu që do ishte përhapje e paautorizuar e informacioneve hetimore. Kjo shërben për të dëmtuar hetimin dhe për të ndikuar mbi hetimin dhe gjykimin. Ajo që ne dyshojmë duke qenë se ka një përhapje të zgjeruar të informacionit në fazën e gjykimit ku ndodhet zoti Berberi, ne e konsiderojmë si një ushtrim të ndikimit karshi GJKKO dhe SPAK, për të prishur imazhin publik dhe mediatik të zotit Berberi”, deklaroi Rumano në “Off the Record” me Andrea Dangllin, në A2 CNN.
Tag: telefonat
-
Fotoja e publikuar nga Gazment Bardhi, avokati i Evis Berberit: Është nxjerrë nga telefonat e sekuestruar nga SPAK
-
4 telefonat e Berberit ‘gropa thithëse’ për Ballukun/ SPAK fut në ‘skaner’ dhe 6 Lotet e tjera të Unazës së Madhe
Katër telefonat e sekuestruar në banesën e ish-drejtorit të Autoritetit Rrugor Shqiptar, janë kthyer në “pusetën thithëse” të zyrtarëve të kësaj drejtorie dhe Ministrisë së Infrastrukturës dhe Energjitikës.
Mes shumë persona që kanë rënë në rrjetën e këtyre komunikimeve të kapura në aplikacionet “Whatsapp” dhe “Signal”, tashmë është dhe ministrja e Infrastrukturës Belinda Balluku, njëherësh zv/kryeministria e Shqipërisë. Në telefonat e Berberit, SPAK ka gjetur mbi 6500 mesazhe të shkëmbyera mes shumë zyrtarëve dhe biznesmenëve, përfshirë dhe shefen e tij Belinda Balluku.
Një burim i besueshëm pranë SPAK, që ka trajtuar një nga dosjet penale të Belinda Ballukut dhe zyrtarëve vartës të saj, i tha gazetarit Elton Qyno, se rasti i ish-ministres së Infrastrukturës dhe Energjitikës, është si puna e atij thasit të miellit.
“…sa herë ta shkundësh thesin e miellit, po aq herë nxjer miell…”-u shpreh burimi. Duke nënkuptuar se Belinda Balluku ka një seri shkeljesh të së njëjtës natyrë të paracaktimit të tenderave publikë.
Ndërkohë hetime të tjera me të njëjtin karakter janë duke u kryer dhe për 6 Lotet e tjera të praktikave tenderuese për ndërtimin e Unazës së Madhe në Tiranë.
Këto verifikime janë hapur pasi sipas përmbajtjeve të bisedave ka indicie që ministrja e Infrastrukturës, Belinda Balluku, së bashku me vartësin e saj të ARRSH-së, Evis Berberi dhe zyrtarë të tjerë kanë kryer veprime të kundraligjshme duke paracaktuar fituesit privatë në tenderat publikë.
Hetimet janë në verifikim e sipër, ndërsa prokurori i SPAK mësohet të ketë kërkuar dokumentacionin pranë ministrisë dhe ARRSH-së.
Ndërkohë në caktimin e masës së sigurisë “Pezullim nga detyra” dhe “Ndalim dalje jashtë shtetit”, gjykata e Posaçme, ve në dukje një kriter domethënës se zyrtarja e lartë ka rrezik potencial për të kryer të njëjtën vepër penale siç është shkelja e pabarazisë në tendera, për të cilat ajo aktualisht është marë e pandehur në dy raste.
Për të parandaluar këtë veprimtari të paligjshme, është e nevojshme që e pandehura Belinda Balluku, të pezullohet nga detyra, në mënyrë që mos ketë akses në ushtrimin e detyrës, pasi ka potencial dhe indicie që të përsërisë të njëjtin fakt penal në tendera të tjerë. -
Korrupsioni/ SPAK sekuestron telefonat e bashkëpunëtoreve të Ballukut
Mediat mësuan disa ditë më parë nga burime të sigurta pranë organeve të drejtësisë se SPAK ka nisur zyrtarisht hetimin penal ndaj Ministres së Infrastrukturës dhe Energjisë, Belinda Balluku, në kuadër të një dosjeje të re që lidhet me dyshime për korrupsion dhe abuzime me tendera publikë.
Hetimi është futur në fazën aktive, ku mësohet se janë sekuestruar telefonat personalë dhe komopjuterët të dy prej bashkëpunëtoreve më të afërta të Ballukut ,Sekretarja e Përgjithshme e Ministrisë, Viola Haxhiademi, dhe Drejtoresha e Financave, Evis Mamaj.
Sipas burimeve, SPAK ka ushtruar kontrolle edhe në banesat e tyre, në kërkim të dokumenteve, pajisjeve elektronike dhe provave që mund të ndihmojnë në zbardhjen e skemës së dyshuar të korrupsionit brenda ministrisë.
Hetimi synon “rrethin e brendshëm” të Ballukut
Haxhiademi dhe Mamaj janë konsideruar prej kohësh “dora e djathtë” e ministres Balluku, persona me akses të drejtpërdrejtë në proceset e tenderave, koncesioneve dhe kontratave shumëmilionëshe të Ministrisë së Infrastrukturës dhe Energjisë. -
Vetmia i shtyn tipat ‘nokturnalë’ drejt kësaj varësie
Telefonat celularë dhe mediat sociale janë bërë aq të rrënjosura në jetën tonë sa është e vështirë të kujtojmë se si ishte jeta e përditshme para tyre. Dhe ndërsa përdorimi i tyre i ekuilibruar nuk është problem, të dhënat e reja shkencore zbulojnë një dimension shqetësues: të rinjtë që karakterizohen si “bufë nate” janë në rrezik në rritje për të zhvilluar një marrëdhënie problematike me teknologjinë.
Kur është problem? Përdorimi i telefonit celular konsiderohet “problematik” kur mungesa e tij shkakton ankth, kur njoftimet kontrollohen në mënyrë obsesive ose kur detyrimet lihen pas dore.
Në mënyrë të ngjashme, varësia nga mediat sociale karakterizohet nga përdorimi i tepërt dhe i pakontrolluar që prish jetën e përditshme.
Hulumtimet tregojnë se pothuajse 40% e studentëve në Mbretërinë e Bashkuar shfaqin simptoma të tilla, ku gratë janë më të cenueshme.
Deri më tani, dihej se “bufët e natës” janë më të ekspozuar ndaj cilësisë së dobët të gjumit, depresionit dhe sjelljeve varësie. Ajo që nuk ishte sqaruar mjaftueshëm ishin mekanizmat që shpjegojnë këtë lidhje. Tani, një studim i Universitetit të Portsmouth në bashkëpunim me Universitetin e Surrey, i botuar në PLOS One, nxjerr në pah dy faktorë përcaktues: vetminë dhe stresin.
Studimi shqyrtoi 407 të rinj, të moshës 18-25 vjeç, duke përdorur mjete të validuara psikologjike. Rezultatet treguan se të rinjtë që rrinë zgjuar deri vonë më shpesh u drejtohen telefonave dhe mediave sociale për t’u përballur me emocionet e pakëndshme. Megjithatë, në vend që t’i lehtësojë ato, teknologjia përkeqëson ciklin vicioz të vetmisë dhe ankthit.
“Të rinjtë që janë aktivë kryesisht në orët e mbrëmjes shpesh nuk janë në sinkron me mjedisin e tyre shoqëror. Kjo çon në ankth dhe vetmi. Ata më pas përdorin telefonat celularë dhe mediat sociale, të cilat, megjithatë, e përkeqësojnë situatën në vend që ta përmirësojnë atë“, shpjegon Dr. Anna-Stiina Wallinheimo nga Universiteti i Portsmouth. Siç shton ajo, teknologjia nuk përdoret thjesht sepse është e disponueshme, por si një “qetësues dhimbjesh” për shqetësimin emocional.
Ndërsa shëndeti mendor i të rinjve është në krizë, shkencëtarët po theksojnë nevojën për ndërhyrje të synuara. “Nuk mjafton t’u thuash të rinjve të kufizojnë përdorimin e telefonave celularë. Duhet të përqendrohemi te arsyet pse e bëjnë këtë”, thotë Dr. Simon Evans nga Universiteti i Surrey-t.
Ekspertët po bëjnë thirrje për strategji për të menaxhuar vetminë dhe ankthin, veçanërisht në orët e mbrëmjes, kur këto ndjenja arrijnë kulmin. Siç shton ekipi i hulumtimit, të kuptuarit se “telefonat celularë dhe mediat sociale nuk janë zgjidhja, por pjesë e problemit ”mund të jetë hapi i parë drejt ndryshimit.
-
Telefonat në shkolla, Suedia vendos ndalimin nga vjeshta 2026
Suedia ka ndërmarrë një hap drastik për të përmirësuar kushtet e të nxënit dhe sigurinë e fëmijëve në shkolla: duke filluar nga viti i ardhshëm shkollor, në vjeshtën e vitit 2026, përdorimi i telefonave celularë do të ndalohet në të gjitha shkollat e vendit.
Sipas vendimit të qeverisë, rregulli do të jetë i detyrueshëm për nxënësit nga mosha 7 deri në 16 vjeç dhe do të zbatohet jo vetëm gjatë orëve mësimore, por edhe në aktivitetet pas-shkollore. Institucionet arsimore do të kenë detyrimin t’i mbledhin telefonat e fëmijëve në fillim të ditës dhe t’ua kthejnë vetëm në përfundim të mësimit.
Kjo nismë është pjesë e një pakete më të gjerë reformash të prezantuara të martën, që përfshijnë edhe rishikimin e kurrikulës, sistemit të vlerësimit si dhe trajnimin e mësuesve. Qeveria suedeze ka theksuar se masat synojnë krijimin e një mjedisi më të sigurt, më të përqendruar dhe më produktiv për të rinjtë. -
Suedia merr vendimin historik: Hiqen telefonat në shkolla
foto ilustruese
SUEDI- Suedia do të zbatojë ndalimin e telefonave celularë në shkolla në të gjithë vendinNga vjeshta e vitit 2026, të gjitha shkollat dhe klubet pas shkolle duhet të mbledhin dhe të mbajnë telefonat e nxënësve deri në fund të ditës, raporton The Guardian.
Suedia do të zbatojë një ndalim mbarëkombëtar të telefonave celularë në të gjitha shkollat, në një përpjekje për të përmirësuar sigurinë dhe kushtet e studimit për nxënësit.
Nga viti i ardhshëm shkollor, duke filluar nga vjeshta e vitit 2026, do të jetë e detyrueshme për të gjitha shkollat dhe klubet pas shkolle që të mbledhin telefonat e nxënësve dhe t’i mbajnë ato deri në fund të ditës.
Rregulli i ri, i cili do të prekë fëmijët midis moshës shtatë dhe 16 vjeç, është pjesë e një pakete masash të propozuara të shpallura nga qeveria të martën.
Përveç ndalimit të telefonave, ndryshimet e propozuara do të mbulojnë kurrikulën, sistemin e notimit dhe trajnimin e mësuesve.
“Ajo që po paraqesim sot është një investim historik buxhetor në shkolla dhe axhenda më e madhe e reformave në më shumë se 30 vjet”, tha ministrja e re e arsimit dhe shkollave të Suedisë, Simona Mohamsson.
Projektligji i buxhetit, të cilin qeveria do ta paraqesë javën e ardhshme, ndan 95 milionë korona (7.52 milionë £) për vitin 2026 dhe 100 milionë korona vitin pasardhës për të zbatuar ndalimin e telefonave.
Shumica e shkollave në Suedi i konfiskojnë tashmë telefonat celularë në fillim të ditës shkollore, por nxënësit kanë gjetur mënyra për ta anashkaluar ndalimin, siç është dorëzimi i një telefoni të rremë ose deklarimi se e kanë harruar telefonin e tyre ose se është i prishur.
“Kjo duhet të zbatohet për të gjithë në të gjitha klasat e Suedisë. Vlen për çdo të ri në Suedi dhe nuk është opsionale”, ka thënë më parë Mohamsson, i cili është kreu i partisë Liberale, për ndalimin.
Më herët këtë vit, Danimarka tha se do të ndalonte telefonat celularë në shkolla dhe klube pas shkolle me rekomandimin e një komisioni qeveritar që gjithashtu vendosi se fëmijët nën 13 vjeç nuk duhet të kenë telefonin e tyre inteligjent ose tablet.
Norvegjia vitin e kaluar njoftoi një moshë minimale prej 15 vjeç për përdorimin e mediave sociale, pasi qeveria akuzoi kompanitë e teknologjisë se po “përballeshin me trurin e fëmijëve të vegjël”.
Një studim i kohëve të fundit në Holandë, e cila në janar 2014 nxori udhëzime kombëtare që rekomandonin ndalimin e telefonave inteligjentë në klasa, me të cilat pothuajse të gjitha shkollat holandeze janë pajtuar, ka gjetur përmirësime në mjedisin e të nxënit . Shumica dërrmuese (75%) e shkollave të mesme të anketuara thanë se fëmijët e kishin më të lehtë të përqendroheshin dhe 28% thanë se rezultatet ishin përmirësuar.
Ndërkohë, Franca e shtrëngoi ndalimin e telefonave celularë në shkollat e mesme në shtator./ZËRI -
Julia Roberts zbulon rregullat e rrepta me të cilat rriti fëmijët: “Telefonat nuk lejoheshin në tavolinë”
Julia Roberts ka dhënë një pasqyrë të rrallë për mënyrën me të cilën ajo dhe bashkëshorti i saj, Daniel Moder, i kanë rritur tre fëmijët e tyre, binjakët Hazel dhe Phinnaeus, 20 vjeç, dhe djalin Henry, 18 vjeç. Në një intervistë për revistën 72 Magazine, Roberts e përshkroi veten dhe Moder-in si prindër që kanë vendosur kufij të fortë dhe rregulla që nuk mbyllen me diskutim.
“Kishin qenë ndër të fundit në grupet e bashkëmoshatarëve që morën telefona dhe gjëra të tjera të tilla,” tha aktorja për binjakët. Ajo shtoi se kur ishin më të vegjël, ata mund të konsideroheshin prindër të rreptë, jo me ligje të pamëshirshme, por me rregulla të qëndrueshme: “Ja kufiri i jetës suaj dhe nuk ndryshon.”
Për Roberts, kjo qasje krijon “stabilitetin” që fëmijët kanë nevojë për të ndjerë siguri. “Arkitektura” e familjes së tyre, dashuria e palëkundur, kujdesi, ka qenë thelbësore për të zhvilluar një mjedis ku fëmijët mund të rriten të hapur, por me disiplinë.
Në vitin 2023, ajo ka përmendur gjithashtu se si ata i kanë mësuar fëmijët të mos varen shumë nga teknologjia, dhe se telefonat nuk janë lejuar në tavolinë gjatë vakteve. Për Roberts dhe Moder, koha që kalonin së bashku si familje, komunikimi dhe respekti ndaj rregullave kanë qenë gurëthemelues të prindërimit të tyre.
Me një stil që mund të duket “tradicional” në kohët moderne, Julia Roberts demonstron se prindërimi me kufij të qartë mund të ndërtojë baza të forta për një marrëdhënie familjare të shëndetshme dhe fëmijë që rriten me përgjegjësi dhe siguri. -
Aplikacioni shtetëror i mesazheve MAX i instaluar në të gjithë telefonat celularë të shitur në Rusi që nga 1 shtatori
Një aplikacion mesazhesh i mbështetur nga shteti rus, i reklamuar si rival i WhatsApp dhe për të cilin kritikët kanë thënë se mund të përdoret për mbikëqyrje, duhet të jetë i parainstaluar në të gjithë telefonat celularë dhe tabletët duke filluar nga muaji i ardhshëm, tha qeveria ruse të hënën.
Masa për të promovuar MAX, aplikacionin e ri të mesazheve të kontrolluar nga shteti, erdhi pasi Rusia kufizoi disa thirrje drejt WhatsApp, në pronësi të Meta Platforms META.O, dhe Telegram, duke akuzuar platformat në pronësi të huaj se nuk kanë ndarë informacion me zbatimin e ligjit në rastet e mashtrimit dhe terrorizmit.
Qeveria, e cila po kërkon një rol më të madh në internet, tha sot në një deklaratë se MAX, i cili do të jetë i lidhur me shërbimet qeveritare, do të përfshihet në listën e aplikacioneve që do të jenë të detyrueshme të parainstaluara në të gjitha pajisjet, duke përfshirë telefonat celularë dhe tabletët, të shitur në Rusi nga 1 shtatori.
Nga e njëjta datë, dyqani vendas i aplikacioneve ruse RuStore, i cili aktualisht është i parainstaluar në të gjitha pajisjet Android, do të jetë gjithashtu i detyrueshëm në të gjitha pajisjet Apple, tha qeveria.
Përveç kësaj, një aplikacion televiziv online në gjuhën ruse i quajtur LIME HD TV, i cili do t’u lejojë përdoruesve të shikojnë kanalet televizive shtetërore ruse falas, do të jetë i parainstaluar në të gjitha televizorët inteligjentë të shitur në Rusi nga 1 janari i vitit të ardhshëm.Top Channel
-
40-vjeçari rrëmben dhe abuzon dy adoleshentet/ I pikasi kur po hynin në apartament dhe i kërcënoi me kaçavidë
Një 40-vjeçar u arrestua në Itali për sulm seksual, rrëmbim dhe grabitje.
Të enjten në mbrëmje, dy vajza, të moshës 15 dhe 16 vjeç po ktheheshin në shtëpinë kur një burrë iu afrua në ashensor.
Pasi priti që dy vajzat të hapnin derën e apartamentit, 40-vjeçari i kërcënoi me një kaçavidë, duke i mbyllur brenda, sipas medias vendase.
Nën kërcënimin e kaçavidës, ai i detyroi dy të miturat të kryenin akte seksuale dhe të pinin alkool.
I frikësuar nga kthimi i prindërve, 40-vjeçari iku pasi u vodhi telefonat celularë dhe disa sende me vlerë.
Kërkimi për burrin filloi menjëherë dhe karabinierët e gjetën atë duke ecur në rrugë. 40-vjeçari ishte tashmë i njohur për forcat e rendit. Gjatë kontrollit, atij iu gjetën telefonat celularë dhe sendet e vjedhura, si dhe kaçavidën e përdorur dhe disa lidhëse kabllosh. Burri u dërgua në burgme urdhër të Prokurorisë Publike të Monzës.Top Channel
-
Amal Clooney zbulon pse ua merr telefonat mysafirëve të saj kur futen në shtëpi
Amal Clooney do të bëjë gjithçka për të ruajtur privatësinë e familjes së saj.
Aktivistja 47-vjeçare foli me Glamour rreth partneritetit të saj me bashkëshortin George Clooney, jetës së saj private familjare dhe vendosjes së kufijve në një bisedë me Charlotte Tilbury. Amal, e cila ka binjakët 8-vjeçarë Ella dhe Alexander me aktorin fitues të çmimit Oscar, zbuloi se kur mysafirët vizitojnë shtëpinë e saj, ajo ua merr telefonat për të krijuar një hapësirë të sigurt për momente private.
“Krijimi i momenteve dhe hapësirave private po bëhet gjithnjë e më i vështirë. Por kjo është edhe arsyeja pse ne argëtohemi shumë në shtëpi“, tha ajo për median. “Tani kam një shportë telefonash që e përdor për t’ua marrë telefonat të gjithëve!”
“Është e rëndësishme të gjesh atë ekuilibër ku ke kohë vetëm me familjen tënde dhe me miqtë e tu, ku njerëzit ndiejnë se mund të kesh një shkëmbim të sigurt dhe të sinqertë”, shtoi ajo. “Dhe do të thoja se të bëhesh prind do të thotë që je më i shqetësuar nga disa ndërhyrje. Kështu që ne bëjmë çmos për të minimizuar çdo ndikim tek fëmijët tanë. Ne nuk i nxjerrim fëmijët tanë, nuk kemi publikuar kurrë fotot e tyre apo diçka të tillë.”
Pas dasmës së tyre në Itali në vitin 2014, George dhe Amal mirëpritën binjakët e tyre Alexander dhe Ella në qershor 2017. Clooney-t janë shumë të kujdesshëm në zgjedhjen e projekteve të punës për t’u siguruar që fëmijët e tyre të kenë përparësi.