Partizani ka njoftuar ndryshime në stafin teknik. Bëhet fjalë për ekipin B, që luan në Kategorinë e Dytë dhe jo skuadrën e Superiores.
Oltion Kërnaja do të mbetet në ekipin e parë, ku kaloi pak javë më parë nga skuadra B. Në këtë situatë, drejtuesit kanë zgjedhur Ergys Lugën në stolin e Partizanit B, së bashku me Realf Zhivanajn.
NJOFTIMI:
Klubi njofton se dyshja drejtuese Ergys Luga & Realf Zhivanaj do të udhëheqin Partizani B deri në fund të sezonit. Stafi teknik do të vijojë punën me përkushtim dhe disiplinë, me fokus të plotë te arritja e objektivit sezonal.
Tag: teknik
-
ZYRTARE: Ndryshime te Partizani, trajneri i ri merr drejtimin
-
Rritje alarmante e testimeve teknike në 2025, ja cilat mjete dominojnë qarkullimin
Drejtoria e Përgjithshme e Shërbimeve të Transportit Rrugor ka publikuar të dhënat për periudhën janar- nëntor 2025, në lidhje me shërbimin e kontrollit teknik të mjeteve që qarkullojnë. Gjatë 11-mujorit të vitit 2025 janë kryer 297 mijë e 973 testime teknike të mjeteve, një shifër që përfaqëson një rritje prej 22% krahasuar me vitin 2023, duke treguar rritje të ndërgjegjësimit dhe rigorozitetit në kontrollin teknik.
Sipas të dhënave nga Drejtoria ë Përgjithshme e Shërbimeve të Transportit Rrugor, shpërndarja e mjeteve të testuara tregon dominimin e automjeteve personale me 86.3%, ndërsa pasojnë kamionët me 6.3%, motomjetet me 4.7% dhe autobusët me 1.7%. Rimorkiot dhe mjetet e punës përbëjnë përkatësisht 0.5% dhe 0.4% të totalit të kontrolleve. Ky diversitet i mjeteve të verifikuara për të gjitha kategoritë që qarkullojnë në rrugët e vendit është me synim për të shtuar sigurinë.
Përmes monitorimit të vazhdueshëm të gjendjes teknike të mjeteve, DPSHTRR synon të ulë rreziqet dhe të parandalojë aksidentet që mund të vijnë si pasojë e problemeve mekanike.
Rritja e numrit të kontrolleve teknike përkthehet drejtpërdrejt në rritje të sigurisë për përdoruesit e rrugës. DPSHTRR gjithashtu thekson se ndalohen rreptësisht ndërhyrjet në odometër, modifikimet konstruktive dhe çdo manipulim tjetër, pasi këto praktika janë një kërcënim për sigurinë rrugore. Rezervimet për kontroll teknik qytetarët mund t’i kryejnë përmes portalit e-Albania. -
Athina po thahet për ujë, Greqia rrit nivelin e alarmit! Burimet bien me 30%, nëse nuk merren masa…
Universiteti Teknik Kombëtar i Athinës e ka regjistruar periudhën aktuale hidrologjike si episodin e dytë më të rëndësishëm të thatësirës së dekadave të fundit, pas periudhës 1988–1994.
Rajoni i Atikës (ku përfshihet edhe kryeqyteti, Athina), po përjeton një periudhë të prurjeve të reduktuara në rezervuarë që po zbrazen vazhdimisht dhe rezervave që po bien në nivele historikisht të ulëta, duke përbërë pamjen më të ashpër që sistemi i furnizimit me ujë të Athinës ka parë në më shumë se tridhjetë vjet.
Ditë më parë u dha alarm për rënien e nivelit të rezervuarëve, kurse tani paralajmërimi rritet në shkallë rreziku.
Sipas planit të menaxhimit të përgatitur nga Universiteti Teknik Kombëtar i Athinës në emër të EYDAP për periudhën hidrologjike 2025-2026, kriza nuk vjen nga mbikonsumi, por nga mungesa e ujit, informon “Protothema”.
Shifrat nuk lënë vend për optimizëm pa një plan pasi rezervuarët janë nën 30% të kapacitetit të tyre, Kifissos Beotian ka regjistruar pesë vite radhazi nën mesataren dhe humbjet në rrjet tani tejkalojnë 12%, duke mos arritur të përmbajnë sasi që do të ishin të mjaftueshme në periudha normale.
Athina nuk është në rrezik të menjëhershëm nga mungesa e ujit. Megjithatë, ajo është në rrezik nëse vazhdon të mos veprojë.
“Shpallja e Atikës, si dhe e Meganisit në Lefkada, pas Leros dhe Patmos, në gjendje të jashtëzakonshme për shkak të mungesës së ujit nuk është një veprim simbolik, por një domosdoshmëri që kërkohet si armë për t’u përballur me rezervat e kufizuara të ujit dhe për të marrë masa për projektet e nevojshme të infrastrukturës. Kjo i lejon shtetit, bashkive dhe EYDAP të anashkalojnë procedurat e tenderimit që kërkojnë shumë kohë dhe të vazhdojnë me projektet e furnizimit me ujë me procedura shumë më të shpejta”, shkruan gazeta në fjalë.
Shpallja e një zone në gjendje emergjence nuk e zgjidh problemin e mungesës së ujit, por vepron si një shumëzues shpejtësie. I mundëson shtetit të parandalojë në vend që të kurojë, me projekte për rezervuarë, tubacione, shpime të reja apo edhe menaxhim të burimeve me procedura të shpejta.
-
Kursi i FSHF-së për “Drejtor Teknik Akademie”, vizitë dyditore në Akademinë e Milanit
Drejtoria Teknike e Federatës Shqiptare të Futbollit zhvilloi një vizitë dyditore në Akademinë e AC Milan, si pjesë e edicionit të dytë të kursit për “Drejtor Teknik të Akademisë”.
Akademia e AC Milan është një nga më të njohurat në Itali dhe në Europë për punën me futbollistët e rinj dhe modelin modern të zhvillimit teknik.
Gjatë vizitës, kursantët u takuan me Drejtorin e Akademisë, Vincenzo Vergine, si edhe me përgjegjësit e sektorëve të performancës, portierëve, analizës, psikologjisë dhe aktivitetit bazë.
Gjatë takimeve u prezantuan metodologjitë bashkëkohore të stërvitjes, programet e zhvillimit për grupmoshat e ndryshme dhe mënyra se si Milani organizon punën teknike brenda Akademisë. Gjithashtu, në orët e pasdites, kursantët patën mundësinë të ndiqnin seancat stërvitore të të gjitha kategorive.
Kjo eksperiencë ishte tepër e vlefshme për pjesëmarrësit, duke i ndihmuar ata të pasurojnë njohuritë dhe të marrin shembuj konkretë të dobishëm për zhvillimin e tyre profesional si drejtues teknikë.
Vizita gjithashtu forcoi marrëdhëniet mes FSHF-së dhe Akademisë së AC Milan, duke krijuar mundësi për projekte të ardhshme dhe bashkëpunime të mëtejshme. -
Athina po thahet për ujë/ Greqia rrit nivelin e alarmit
Universiteti Teknik Kombëtar i Athinës e ka regjistruar periudhën aktuale hidrologjike si episodin e dytë më të rëndësishëm të thatësirës së dekadave të fundit, pas periudhës 1988–1994.
Rajoni i Atikës (ku përfshihet edhe kryeqyteti, Athina), po përjeton një periudhë të prurjeve të reduktuara në rezervuarë që po zbrazen vazhdimisht dhe rezervave që po bien në nivele historikisht të ulëta, duke përbërë pamjen më të ashpër që sistemi i furnizimit me ujë të Athinës ka parë në më shumë se tridhjetë vjet.
Ditë më parë u dha alarm për rënien e nivelit të rezervuarëve, kurse tani paralajmërimi rritet në shkallë rreziku.
Sipas planit të menaxhimit të përgatitur nga Universiteti Teknik Kombëtar i Athinës në emër të EYDAP për periudhën hidrologjike 2025-2026, kriza nuk vjen nga mbikonsumi, por nga mungesa e ujit, informon “Protothema”.
Shifrat nuk lënë vend për optimizëm pa një plan pasi rezervuarët janë nën 30% të kapacitetit të tyre, Kifissos Beotian ka regjistruar pesë vite radhazi nën mesataren dhe humbjet në rrjet tani tejkalojnë 12%, duke mos arritur të përmbajnë sasi që do të ishin të mjaftueshme në periudha normale.
Athina nuk është në rrezik të menjëhershëm nga mungesa e ujit. Megjithatë, ajo është në rrezik nëse vazhdon të mos veprojë.
“Shpallja e Atikës, si dhe e Meganisit në Lefkada, pas Leros dhe Patmos, në gjendje të jashtëzakonshme për shkak të mungesës së ujit nuk është një veprim simbolik, por një domosdoshmëri që kërkohet si armë për t’u përballur me rezervat e kufizuara të ujit dhe për të marrë masa për projektet e nevojshme të infrastrukturës. Kjo i lejon shtetit, bashkive dhe EYDAP të anashkalojnë procedurat e tenderimit që kërkojnë shumë kohë dhe të vazhdojnë me projektet e furnizimit me ujë me procedura shumë më të shpejta”, shkruan gazeta në fjalë.
Shpallja e një zone në gjendje emergjence nuk e zgjidh problemin e mungesës së ujit, por vepron si një shumëzues shpejtësie. I mundëson shtetit të parandalojë në vend që të kurojë, me projekte për rezervuarë, tubacione, shpime të reja apo edhe menaxhim të burimeve me procedura të shpejta. -
Sulm apo problem teknik? Bllokohen portalet shqiptare! Reagon “Cloudflare”: Në të gjithë botën…
Mijëra faqe të internetit ndaluan së funksiouar sot, pas problemeve teknike me Cloudflare.
Përdoruesit që përpiqeshin të hapnin platforma si X, dikur i njohur si Twitter, dhe faqen e recensioneve të filmave Letterboxd, hasën mesazhe errori, që tregonin se problemet me Cloudflare po pengonin ngarkimin e faqeve, raporton News.Az duke cituar The Independent.
Ky problem preku edhe qindra faqe shqiptare.
Cloudflare, një ofrues i infrastrukturës së internetit, furnizon teknologji kyçe që fuqizojnë shumë shërbime online, përfshirë mjetet që mbrojnë faqet nga sulmet kibernetike dhe sigurojnë funksionimin e tyre edhe gjatë periudhave me trafik të lartë.
Në një deklaratë, kompania tha: “Cloudflare është në dijeni dhe po heton një çështje që potencialisht ndikon tek disa klientë. Detaje të tjera do të ofrohen sapo të bëhet e disponueshme më shumë informacion.” -
UNESCO i jep “po”-në e parë kuzhinës italiane, do të shpallet trashëgimi kulturore
Kuzhina italiane ka marrë hapin e parë drejt njohjes zyrtare si pjesë e Listës së Trashëgimisë Kulturore Jomateriale të Njerëzimit nga UNESCO.
Këtë mëngjes, Organizata e Kombeve të Bashkuara për Arsim, Shkencë dhe Kulturë publikoi vlerësimin teknik të dosjes së nominimit të paraqitur nga Italia, duke rekomanduar përfshirjen e kuzhinës italiane në listën prestigjioze të trashëgimisë botërore.Ky është hapi i parë vendimtar përpara se Komiteti Ndërqeveritar i UNESCO-s të marrë vendimin përfundimtar politik gjatë mbledhjes që do të zhvillohet në Nju Delhi, Indi, nga 8 deri më 13 dhjetor.
Nëse rekomandimi teknik do të miratohet edhe në dhjetor, kuzhina italiane do të bëhet e para kuzhinë kombëtare në botë që njihet nga UNESCO në tërësinë e saj.
“Vlerësimi teknik i publikuar sot na tregon se dosja është e hartuar mirë dhe përputhet plotësisht me objektivat e UNESCO-s,” deklaroi Pier Luigi Petrillo, profesor në Universitetin Luiss Guido Carli dhe kurator i dosjes së nominimit.“Megjithatë, duhet të kemi parasysh se ky është vetëm një hap i parë, Komiteti Ndërqeveritar në Indi mund të rishikojë plotësisht vendimin”, shtoi ai.
-
Çfarë ndodhi? Drejtori teknik i ARRSH-së paraqitet në SPAK, ja arsyeja
Drejtori teknik në hartimin e projekteve në Autoritetin Rrugor Shqiptar (ARRSH), Nikollaq Mihali, është paraqitur sot në ambientet e Prokurorisë së Posaçme.
Mihali u mor i pandehur nga SPAK në muajin qershor së bashku me 5 zyrtarë të tjerë të ARRSH për shkelje të barazisë në tenderin për Lotin 1 të Unazës së Re, me fond limit 2 miliardë e 250 milionë lekë, pa TVSH.
Ndaj tij dhe 5 zyrtarëve, Arbër Troka, Miranda Shkurti, Almir Hoxhaj, Erjon Zemanaj, Admir Pahumi rëndon akuza për “Shkelje e barazisë së pjesëmarrësve në tendera apo ankande publike”.
Sipas SPAK, hetimi bën fjalë për procedurën e prokurimit me objekt: “Rehabilitim i segmentit rrugor “Mbikalimi pallati me shigjeta – Rrethrrotullimi Shqiponja”, Loti 1, me fond limit 2 miliardë e 250 milionë lekë pa TVSH, i vitit 2019, të fituar nga bashkimi i operatorëve ekonomikë: Salillari SHPK– Bajrami N. SHPK. Hetimi është ndarë nga një procedim tjetër i regjistruar pranë SPAK në vitin 2022.
Nuk dihet nëse prania e sotme në SPAK e Nikollaq Mihalit ka të bëjë me kete çështje apo ne lidhje me ndonje hetim tjetër. -
Përgjegjësi i Departamentit Teknik të UEFA-s, Bruno Cheyrou, viziton ambientet e “Shtëpisë së Futbollit”
Federata e Futbollit mirëpriti këtë javë një vizitor të veçantë, Bruno Cheyrou, ish-futbollist i njohur i Lille, Bordeaux, Olympique Marseille, Liverpool dhe Nantes, aktualisht Përgjegjës i Departamentit Teknik të UEFA-s.
Gjatë vizitës së tij në Shqipëri, Cheyrou zhvilloi një takim me Presidentin Armand Duka, ndërkohë që vizitoi edhe ambientet e “Shtëpisë së Futbollit”.Ai u shoqërua nga Drejtori Administrativ i FSHF-së, Aldi Topçiu dhe Drejtori Teknik i FSHF-së, Fulvio Pea, të cilët e njohën nga afër me terrenet stërvitore, qendrën e stërvitjes së Kombëtares, ambientet e administratës dhe muzeun e futbollit shqiptar.
Në vijim të programit të tij, Cheyrou do të vizitojë edhe futbollistët e “Elite Youth Development Academy”, ku do të ndajë me ta eksperiencën e tij si futbollist dhe do të japë këshilla të vlefshme për të rinjtë e akademisë. -
Inxhinieri ndërroi jetë pasi ra nga lartësia e kantierit, arrestohet drejtuesi teknik në Peqin
Drejtuesi teknik i një kantieri ndërtimi ka rënë në prangat e policisë së Peqinit pas vdekjes së një inxhinieri.
42-vjeçari ra nga lartësia teksa teksa po kontrollonte punimet e një ure në fshatin Paulesh.
“Specialistët për Hetimin e Krimeve të Komisariatit të Policisë Peqin arrestuan në flagrancë shtetasin E. H., 64 vjeç, me detyrë drejtues teknik, për veprën penale “Shkelja e rregullave të mbrojtjes në punë”, pasi pasditen e djeshme, gjatë punës në kantierin e ndërtimit, në fshatin Paulesh, ka rënë nga lartësia dhe për pasojë ka humbur jetën inxhinieri, shtetasi G. D., 42 vjeç”, njoftoi sot policia.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.