Pas shumë zërave dhe spekulimeve që kanë qarkulluar javët e fundit, tashmë është konfirmuar një tjetër emër surprizë që do t’i bashkohet shtëpisë së “Big Brother VIP Albania 5”. Bëhet fjalë për këngëtarin e njohur të muzikës popullore, Kristi Lamaj, i cili prej kohësh ishte përmendur si një kandidat potencial për këtë edicion.
Sipas informacioneve të siguruara nga “Prive”, Kristi është kontaktuar nga produksioni i programit dhe ka pranuar ftesën për të qenë pjesë e këtij sezoni. Pjesëmarrja e tij pritet të sjellë një frymë të re në shtëpi, duke rritur kuriozitetin e publikut për mënyrën se si do të përballet me provat dhe dinamikat që karakterizojnë këtë format.
Kristi Lamaj është një emër i njohur për publikun shqiptar, jo vetëm për zërin e tij të veçantë në muzikën popullore, por edhe për karrierën e tij të gjatë dhe kontributin në skenën muzikore. Prania e tij në “Big Brother VIP” shihet si një surprizë e këndshme nga fansat, të cilët janë kuriozë të shohin anën e tij më personale dhe interaktive jashtë skenës muzikore.
Ekspertët e formatit reality thonë se Kristi mund të sjellë dinamika të forta në marrëdhëniet me banorët e tjerë, duke ndikuar në marrëdhënie, miqësi dhe rivalitete brenda shtëpisë. Ndërkohë, fansat e programit tashmë po presin me padurim startin e sezonit, që premton emocione, surpriza dhe momente të papritura.
Tag: surprizë
-
Këngëtari i njohur konfirmohet si banor i BBVA 5
-
Eric Garcia në mesfushë, Flick habit me lëvizje surprizë ndaj Atletico Madridit
Barcelona do të presë sonte Atletico Madridin në “Camp Nou”, ndeshje e vlefshme për La Ligën. Katalanasit vijnë nga 4 fitore rresht, por ajo e fundit ndaj Alaves nuk ka lënë një shije të mirë për shkak të lojës së dobët.
Në anën tjetër, Atletico Madrid vjen pas 5 fitoreve rresht në kampionat dhe duket se ka kapur ritmin e duhur, pas disa luhatjeve në fillim të sezonit.
Përsa i përket formacioneve zyrtare, lëvizja e vetme surprizë është Eric Garcia në qendër të mesfushës. Në anën tjetër, Simeone nuk lë vend për surpriza dhe ka hedhur në fushë formacionin më të mirë të mundshëm.
BARCELONA XI: Joan Garcia; Koundé, Cubarsí, Martín, Balde; Eric Garcia, Pedri, Dani Olmo; Raphinha, Lewandowski, Lamine Yamal.
ATLÉTICO MADRID XI: Oblak; Molina, Giménez, Lenglet, Hancko; Giuliano, Barrios, Cardoso, Nico González; Álex Baena, Julián Alvarez. -
“Allegri i thjeshton ato që të tjerët i komplikojnë. Modric, ende ndër më të mirët”
Carlo Ancelotti, në një intervistë për “Gazzetta dello Sport” ka folur për shumë tema, përfshirë edhe gjendjen e Serie A. Trajneri i Brazilit u shpreh: “Është një kampionat i bukur, i balancuar, dhe me Romën në krye, gjë që përbën surprizë. Me Gasperinin kam Wesley, këtu në stafin tim kam Juan, ish-lojtarin e Romës, me të cilin flasim shpesh për Romën. Më vjen mirë ta shoh atje lart në renditje”.
Siç nuk mund të mungonte, Ancelotti foli edhe për Milanin, klubin e zemrës: “Po bën mirë duke përfituar nga një avantazh i madh, fakti që nuk luan në Europë, dhe nga prakticiteti i Allegrit. Max ka thjeshtuar atë që shumë të tjerë përpiqen ta komplikojnë. Nuk duhet shumë”.
Më pas, vetëm elozhe për ish-mesfushorin e tij, Luka Modric: “Jam shumë i lumtur që po qëndron në nivele shumë të larta, gjë që për mua nuk është aspak surprizë. E dija që do të bënte mirë sepse ka objektivin e Botërorit, luan vetëm një herë në javë. Sezonin e kaluar te Reali im ishte i vetmi lojtar që nuk humbi asnjë seancë stërvitore. Si ia del? Gjenetikë dhe seriozitet, kaq. Është ende një nga mesfushorët më të mirë në qarkullim. Kam lexuar se flitet për një vit tjetër kontratë, mund të luajë në majë pa asnjë problem”. -
“Nuk dua të flas për këtë temë…”/ Çfarë ndodhi mes Sara Gjordenit dhe Egli Takos?
Në finalen e “Big Brother VIP Albania”, një nga momentet që u komentua më shumë ishte mbështetja e fortë që Sara Gjordeni i dha Egli Takos. Sara u shfaq në skenë me një surprizë emocionale për Eglin.
Por sot, situata mes tyre duket ndryshe. Të dyja nuk ndiqen më në Instagram dhe ky detaj ka ngjallur pyetje nga publiku për prishjen e miqësisë. Gjatë emisionit ‘Goca dhe Gra’, Rudina Dembacaj nuk hezitoi ta adresonte drejtpërdrejt këtë ndryshim:
“Ti erdhe në natën finale me një surprizë për Eglin. Ndërkohë tani nuk ndiqni njëra-tjetrën. Çfarë ka ndodhur? Kush e hoqi kë?”
Sara vendosi të mos japë detaje:
“Duke qenë se kam parë që këto muhabete zgjasin shumë, nuk dua të flas për këtë. Pse nuk ia bëtë këtë pyetje Eglit kur ajo ishte në këtë panel?”
Më tej, ajo shtoi:
“Unë mendoj se ka gjëra që ia vlen të fliten dhe ka gjëra që nuk ia vlen të fliten.”
Deklarata e Sarës lë të kuptohet se mes tyre ka pasur një largim gradual, por jo domosdoshmërisht një konflikt të hapur. Ajo zgjodhi të mos e shndërrojë raportin në debat publik dhe nuk dha as emra, as arsye.
A do të ketë sqarime në të ardhmen? -
Surprizë e hidhur për Bastonin, hajdutët i bastisin shtëpinë, i vjedhin dy ora Rolex
Alessandro Bastoni, mbrojtësi i Inter, është përballur me një surprizë të hidhur gjatë kohës kur është kthyer në shtëpinë e tij, pas ndeshjes kundër Kairat Almaty në Champions.
Shtëpia e tij, një vile shumë e bukur në një provincë në Bergamo, ishte bastisur nga hajdutët.Nuk është ende e qartë se çfarë kanë marrë hajdutët, por sipas mediave lokale bëhet fjalë për disa sende me vlerë ku përfshihen edhe dy ora Rolex. Gjithçka ka ndodhur brenda pak minutash pasi alarmi kishte renë menjëherë sapo hajdutët ishin futur në shtëpi.
() -
Dafina paralajmëron këngë të re dhe bashkëpunim surprizë me një artist shqiptar
Këngëtarja Dafina Zeqiri po vazhdon fuqishëm pas lindjes me ritmin e projekteve muzikore dhe mesa duket, surprizat nuk kanë për të mbaruar. Këngëtarja ka publikuar pak minuta më parë një video në Instagram, ku ka lajmëruar këngën e radhës me titull “Ku shkove natën?”, që do të publikohet nesër në orën 18:00.
Screenshot
Por ajo që ka bërë më shumë bujë është njoftimi se deri në fund të vitit, Dafina ka gati edhe dy projekte të tjera, ndër të cilat një do të jetë bashkëpunimi i vetëm që ajo ka zgjedhur të publikojë për këtë sezon.
“Nuk ndalemi me kaq… Ju kemi gati edhe dy tjera deri n’fund t’vitit. Njona prej tyne, i vetmi featuring! Me një prej ma të fortëve,” – shkruan Dafina në postimin e saj, duke lënë të gjithë ndjekësit në pritje.
Në fund të videos, ajo jep edhe një hint për identitetin e artistit me të cilin ka bashkëpunuar, duke zbuluar se ai është nga Shqipëria. Ky detaj ka ndezur menjëherë rrjetin, ku fansat kanë filluar të hedhin teoritë e tyre, duke përmendur emra të njohur të tregut shqiptar.
Të gjitha sytë tani janë tek ora 18:00 e ditës së nesërme, kur publikohet “Ku shkove natën?”, ndërsa fansat presin zbulimin e bashkëpunimit surprizë. -
“Berisha me strategji të dobët”/ Seanca plenare, reagon Meçe: Artikulim i paargumentuar, nga PD asnjë surprizë
Kuvendi rrëzoi me 79 vota të socialisteve kërkesën e PD për shkarkimin e kryeparlamentarit Niko Peleshi. Analisti Arben Meçe në një intervistë televizive, tha se nuk kishte asnjë surprizë dhe se ishte e pritshme që Peleshi nuk do të shkarkohej, duke e vlerësuar si një figurë të qetë që respekton rregulloren. Gjithashtu Meçe tha se mocionet e opozitës, sipas tij tha se janë thjesht hapësirë për të kaluar kohën.
Arben Meçe:
“Nuk kishte asnjë surprizë për Peleshin, dihej që nuk do shkarkohej. Kishte një artikulim të dobët nga PD dhe të paargumentuar. Ishin përgjithësisht shumë të dobët. Opozitës i duhen ngjarje që ajo të prodhojë protagonizmin e vet në këtë skenarin politik. Mjafton që të jetë prezente në politikë. Por Parlamenti tani po ballafaqohet me një çështje tjetër, kemi një strategji që retorika politike kalon nga një tavolinë tjetër, në parlament. Sot parlamenti ka nisur në orën 10:00 dhe deri në 12:00 kishte kërkesë për procedure.
Por vetëm procedurë nuk ishte. Parlamentin e kthen nga një parlament ku debatohen qëndrime politike të një çështjen, në një tribunë, dhe e shpien gjendjen në kushtet e rrethanave të mërzitshme. Pra në një Parlament ku gjithë grupi opozitar së bashku me opozitarin nuk lejon askënd të flasë sjell atë që Niko Peleshi, në raportin midis të drejtës së fjalës dhe rregullores të kalojë tek rregullorja. Në krye të Parlamentin është vendosur një njeri i qetë gjë që Spiropali nuk i kishte. Tashmë opozita nuk ballafaqohet me qëndrim emocional të Peleshit, por me rregulloren.
Nuk është e vërtetë që opozita kërkon shkarkimin e Peleshit, por kohë…Ngjarja e sotme vërtetoi këtë gjë. Saliu bëri një deklaratë jashtë sallës duke thënë se oshte faji i Peleshit dhe brenda seancës doli Këlliçi…Por ky ishte një reagim pasi e panë që e gjithë kjo ra”, tha Meçe, duke shtuar: “Fakti që tre deputetë janë të PSD aty dhe llogaria të shpie te këta të tre. Duket që ka një qejf-mbetje ose ka një aksion të PSD për të marrë nga PS diçka apo mbështetje…Por votimi është i fshehtë dhe nuk mund të themi me siguri se kush ka votuar… Por nëse do ta vendosësh Tom Doshim mes Berishës dhe Ramës ai shkon më tepër drejt Ramës. -
Shqipëria i lë me pasoja! Shkarkim me “porosi” në La Liga, emër surprizë për Serbinë pas dorëheqjes së Stojkoviç
Serbia është në shok, pasi Kombëtarja shqiptare e mposhte dje me rezultatin 0-1 në Leskovac. Mjaftoi goli i Rei Manajt në fundin e pjesës së parë, për të vulosur fatin e gjithë takimit.
Dragan Stojkoviç u dorëzua gjatë ndeshjes, ndërsa në konferencë paraqiti edhe dorëheqjen. Në Serbi tashmë raportohet atë që me shumë gjasa do të jetë pasuesi i tij.
Bëhet fjalë për një emër surprizë. Më konkretisht, Veljko Paunoviç i cili sapo është shkarkuar nga Real Oviedo.
48-vjeçari e niste karrierën e tij para më shumë se 10 viteve si trajner i moshave të Serbisë. Më pas drejtonte Çikagon, Riding, Çivas, Tigres UANL dhe së fundmi Real Oviedon. Serbia nuk ka kohë për të humbur, pasi takimin e radhës e luan më 14 tetor në transfertën e Andorrës. -
Andorra bën surprizë në grupin tonë, del me pikë nga transferta e Letonisë
Vetëm pak minuta më parë është mbyllur një ndeshje në grupin tonë, por e parëndësishme për ecurinë e Shqipërisë dhe fatet tona për kalimin në Botëror. Letonia dhe Andorra janë përballur me njëra-tjetrën duke përfunduar në barazimin 2-2.
Vendasit u befasuan nga San Nicolas në minutën e 33, përpara se letonezi Zelenkovs të lëshonte një predhë nga distanca pak minuta më vonë. Pjesa e parë u mbyll në 1-1 dhe me fillimin e së dytës, Gutkvskis shënoi nga penalltia. Letonia do të gjente edhe golin e tretë që u anulua me Var për pozicon jashtë loje, ndërsa Oliveira në të 78, barazoi te Andorra duke marrë pikën e parë në grup. /Sport Ekspres/ -
U përfol si kandidate e PD për Tiranën, Çepani: Njerëzit e donin. E pashë si vijimin e vizionit të Gertit
Aktivistja e shoqërisë civile, dhe një nga emrat më të komentuar si kandidate e PD-së për bashkinë Tiranë, Edlira Çepani e ka cilësuar si një surprizë të bukur të gjithë situatën. E ftuar në “Goca dhe gra”, ajo tha se kur e dëgjoi emrin e saj të përflitej për garën e Tiranës, ishte e papritur, por surprizë e bukur.
”Nuk e kisha konsideruar më parë, kam disa vite që merrem me politikë sepse punoj me vajza dhe gra nga forcat politike, por vetë nuk e kisha menduar. Ishte një surprizë e bukur. E vlerësova që më propozuan. Kjo ishte një nga kërkesat e njerëzve, kam përshtypjen. Ishte një shtysë nga njerëzit emrit im”, u shpreh ajo.
Nëse do ta kishin propozuar, a do të kandidonte? ”Në momentin që ta kërkojnë dhe njerëzit të shtyjnë, duhet respektuar”, tha ajo, duke shtuar se e pa si një realizim edhe të vizionit të bashkëshortit të saj, Gert Bogdani, që u nda parakohe nga jeta. ”Pashë dhe si një realizim i vizionit të Gertit për bashkinë e Tiranës. Unë i kam dhënë një premtim kur jeta na ndau në mënyrë të padrejtë, që do ta vazhdoj misionin e tij. Ai do të më kishte mbështetur nëse do të kandidoja”.