Lajmidites.com

Tag: spalletti

  • Spalletti: Ishte thelbësore të fitonim, por nuk jemi të kënaqur. Pres shumë më tepër

    Spalletti: Ishte thelbësore të fitonim, por nuk jemi të kënaqur. Pres shumë më tepër

    11 Dhjetor 2025

    8:01

    Alfred Lleshi

    Juventusi siguroi fitoren e dytë radhazi ndaj Pafos në Champions League, një hap i rëndësishëm për renditjen e fazës së grupit. Spalletti e vendosi ndeshjen me ndryshimet e sakta në pjesën e dytë, por theksoi pakënaqësinë me paraqitjen e të tijve: “Ishte thelbësore të fitonim, por duhet të bëjmë shumë më tepër. Nuk jam i kënaqur, as lojtarët. Në disa momente bëmë minimumin, pati situata dekurajuese në pjesën e parë”.
    Trajneri shpjegoi se skemat funksionuan: “I kishim provuar në stërvitje, në pjesën e dytë u zhvilluan mirë dhe u bëmë më të rregullt e më të vendosur”. Ai vlerësoi vështirësinë e ndeshjes, duke rikujtuar se kundërshtari kishte pësuar pak gola, vetëm ndaj Bayernit.
    Spalletti pranoi problemet në fazën defensive, mungesa e një qendërmbrojtësi të djathtë detyron spostime, me Kalulu si mbrojtës krahu dhe lojtarë si Weston e Cambiaso që nuk janë “terzino” natyralë. “Kur do të shihet Juve e vërtetë? Shpresoj sapo të kemi një qendërmbrojtës të djathtë. Dua ta zhvillojmë 4-2-3-1 sa më shpejt”, – përfundoi ai.

  • Zhegrova starton në Juventus-Pafos, titullar pas një viti. Hera e fundit në dhjetor 2024

    Zhegrova starton në Juventus-Pafos, titullar pas një viti. Hera e fundit në dhjetor 2024

    Sonte, përveç surprizave të mëdha, Edon Zhegrova pritet ta nisë si titullar ndeshjen e Champions League kundër Pafos. Lajmin e dha vetë Spalletti në konferencë, duke e parë sfidën me ekipin qipriot si mundësinë ideale për të aktivizuar ish-sulmuesin e Lille nga minuta e parë me fanellën bardhezi.
    Deri tani, Zhegrova ka grumbulluar vetëm 100 minuta, të gjitha si zëvendësues në 8 ndeshje. Rekordi i tij janë 26 minuta ndaj Atalantës, ndërsa më shumë se 18 minuta nuk ka luajtur asnjëherë, përveç një përjashtimi me Torinon.
    Për shkak të një problemi me aduktorët, sulmuesi kosovar humbi gjysmën e dytë të sezonit të kaluar, duke mbërritur te Juventusi vetëm në ditën e fundit të merkatos verore dhe jashtë forme. Për këtë arsye, Tudor dhe më pas Spalletti nuk e rrezikuan si titullar, por sonte mund të rikthehet pas një viti.
    Herën e fundit që nisi nga minuta e parë ishte më 14 dhjetor 2024 kundër Marseille në Ligue 1, ku luajti vetëm 45 minuta. Nëse jep performancë të mirë, Spalletti mund ta konsiderojë si zgjidhje të qëndrueshme, duke kërcënuar vendin e Conceicaos.

  • Spalletti pranon përgjegjësitë: Ndaj Napolit e dëmtova ekipin tim, Yildiz mund të përmirësohet

    Spalletti pranon përgjegjësitë: Ndaj Napolit e dëmtova ekipin tim, Yildiz mund të përmirësohet

    10 Dhjetor 2025

    8:10

    Alfred Lleshi

    Pas humbjes ndaj Napolit, bardhezinjtë rikthehen në Champions League. Në Torino vjen Pafos dhe fitorja është e detyrueshme. Luciano Spalletti paralajmëroi: “Pafos është skuadër e fortë, shumë e rrezikshme në sulm. Duhet të mos pësojmë nga kundërsulmet”. Bremer dhe Rugani janë të grumbulluar dhe do të jenë në stol.
    Duke u kthyer te ndeshja e “Maradona”, trajneri pranoi përgjegjësitë: “Nuk e vura ekipin në kushtet më të mira, përkundrazi e dëmtova atë”. Për vështirësitë në sulm: “Numrat nuk janë ata që duam, por shoh përmirësime. Gjëja thelbësore është t’i përsërisim rastet sa më shpesh”.
    Për Yildiz: “Ka një potencial të madh që ende nuk është parë. Ka marzhe përmirësimi të jashtëzakonshme, mund të bëhet super lojtar”. Spalletti theksoi edhe besimin te Thuram dhe shpjegoi se sistemet e lojës janë gjithnjë më fluide: “Ndryshon pak nëse e quajmë 4-3-3 apo 4-3-2-1 mënyrën tonë të lojës”.
     

  • Zhegrova merr lajmin fantastik për ndeshjen e Champions League, Spalletti ndërron mendje

    Zhegrova merr lajmin fantastik për ndeshjen e Champions League, Spalletti ndërron mendje

    9 Dhjetor 2025

    19:30

    Telesport

    Mesa duket po vjen momenti i shumëpritur që Edon Zhegrova të luajë një ndeshje si titullar te Juventus. Kjo gjë do të ndodhë nesër mbrëma, në përballjen Juventus-Pafos, e vlefshme për javën e gjashtë në Champions League.
    Ka qenë vetë trajneri Luciano Spalletti që në një prononcim të shkurtër për mediet italiane ka konfirmuar që Edon Zhegrova do ta nisë nesër si titullar. “Po, Zhegrova do të luajë nesër nga minuta e parë ndaj Pafos”, ka thënë shkurtimisht Spalletti.
    Zhegrova deri më tani është aktivizuar si zëvendësues në tetë ndeshje në minuat e fundit, ku ka grumbulluar jo më shumë se 100 minuta, pra duke mos pasur mundësinë për të treguar vlerat dhe potencialin e tij.

  • Juve dështon në “Maradona”. Limitet e zakonshme, mbrojtje e dobët, Spalletti gaboi me lëvizjet

    Juve dështon në “Maradona”. Limitet e zakonshme, mbrojtje e dobët, Spalletti gaboi me lëvizjet

    8 Dhjetor 2025

    11:26

    Alfred Lleshi

    Pas tri fitoreve radhazi në Champions, kampionat dhe “Coppa Italia”, Juve del nga Napoli me një humbje të rëndë për renditjen (-8 nga kreu dhe -4 nga zona Champions) dhe moralin. Në “Maradona”, skuadra e Spallettit nuk arriti të tregonte pjekurinë e duhur, duke ekspozuar limitet dhe mangësitë e zakonshme në një ndeshje të luajtur prej saj me ritëm të ulët, pak cilësi dhe guxim, me ide të hutuara taktike.
    Me Yildiz dhe Conceiçao në sulm dhe McKennie si trekuartist, në pjesën e parë bardhezinjtë nuk e surprizuan skuadrën e Contes, u mposhtën nga dinamizmi dhe teknika e Napolit, me pak vertikalizime dhe vështirësi ndaj Neres e Hojlund. Pjesa e parë përfundoi në disavantazh, me zero gjuajtje në portën e Milinkovic-Savic.
    Në pjesën e dytë, Spalletti ndryshoi në 3-4-2-1 dhe arriti barazimin me kundërsulm, por 20 minutat e fundit ishin sërish të dobëta për shkak të pasivitetit në të gjitha zonat dhe disa lëvizjeve të çuditshme si zëvendësimi i Yildiz dhe hyrja e vonshme e Zhegrovës. Performancat e pakuptueshme të David dhe Openda, mungesa e agresivitetit në duele dhe kontrastet mbrojtëse bënë diferencën, duke dëshmuar se Juve vazhdon ta kërkojë identitetin e saj taktik dhe mbetet larg kreut të renditjes.

  • Tacchinardi, i ashpër me Juventusin: Nuk po përmirësohet dhe ngre nivelin as me Spalletti

    Tacchinardi, i ashpër me Juventusin: Nuk po përmirësohet dhe ngre nivelin as me Spalletti

    8 Dhjetor 2025

    12:11

    Alfred Lleshi

    Juventusi pësoi një tjetër humbje në ndeshjen direkte, të luajtur në “Maradona” ndaj Napolit. Kjo ishte disfata e tretë në 14 ndeshje, në këtë fillim sezoni në kampionat. Ish-mesfushori Alessio Tacchinardi analizoi humbjen e skuadrës së Luciano Spallettit në studiot e “Pressing”.
    Ai theksoi se problemi nuk është vetëm në këtë ndeshje, por duket një mangësi e lindur e skuadrës: “Juve nuk arrin të ngrihet në nivel, ishte një ndeshje e keqe. Formacion shumë mbrojtës, pa sulmues të spikatur; Napoli e dominoi pjesën e parë. Në pjesën e dytë, me një sulmues të vërtetë në fushë, Juve u rrit, edhe pse pa bërë diçka të veçantë”.
    Kenan Yildiz shënoi për “Zonjën e Vjetër” dhe, sipas Tacchinardi, ai është një vlerë e shtuar për skuadrën, por edhe tregues i një varësie: “Kjo është një skuadër e varur nga Yildiz. Juve me Spalletti është përmirësuar? Jo. Është rritur? Jo. Tepër shqetësuese është se në ndeshjet e vështira nuk sjell ide apo zgjidhje”.

  • Shkëlqen Hojlund, Napoli kap kreun, dorëzohet Spalletti: Ishin më të fortë (VIDEO)

    Shkëlqen Hojlund, Napoli kap kreun, dorëzohet Spalletti: Ishin më të fortë (VIDEO)

    Mes Serie A, Champions dhe Kupës, Napoli siguroi fitoren e 5-të radhazi, një ecuri shumë pozitive që konfirmon rikthimin e bluve në garë me kohë të plotë. Në “Maradona”, Conte priti të kaluarën e tij të famshme, Juventus, ndërsa Spalletti u rikthye për herë të parë si rival në Napoli pasi i kishte dhuruar më parë titullin e tretë në histori, një rikthim i hidhur ky për teknikun e “Zonjës së Vjetër” pasi Conte triumfoi 2-1 duke kapur kreun e Serie A në kuotën e 31 pikëve, plus 1 nga Inter.
    Njeriu i ndeshjes ishte Hojlund, me danezin që realizoi një “dopietë” golash. Shtatë minuta lojë i mjaftuan Hojlund për të realizuar golin e parë, i shërbyer në zonë nga Neres. Me fillimin e pjesës së dytë, në minutën e 59-të, Yildiz barazoi shifrat në 1-1 pas një goditje të saktë brenda në zonë. Të shtyrë dhe nga një publik i zjarrtë, Napoli gjeti edhe golin e dytë, ku në minutën e 78-të, Hojlund me kokë brenda në zonë dërgoi sërish topin në rrjetë duke i dhuruar bluve një trepikësh të artë pasi rezultati mbeti i pandryshuar deri në fund.

    Feston për këtë fitore të madhe trajneri Conte: “Në një moment kaq të vështirë në nivel numerik po bëjmë diçka të jashtëzakonshme. Kush luan po përgjigjet me personalitet. Djemtë janë rritur shumë dhe kjo më mbush me krenari”, u shpreh Conte.
    Pranon dominim e Napolit edhe Spalletti, fundja edhe shifrat e tregojnë këtë pasi Juve goditi vetëm 1 herë kuadratin: “Ata ishin më të fortë. Na detyruan të vraponim, ata janë një skuadër e fortë, në gjendje të mirë, por kanë edhe cilësi”, u shpreh Spalletti. Suksesi i Napolit ndaj Juves mori faqet e para të mediave italiane:
    “E sheh çfarë Napoli, Conte në krye, Spalletti -8”, shkruan La Gazzetta dello Sport. “Kryevepër e Contes, dopietë e Hojlund”, shkruan Corriere dello Sport në faqen e parë.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Pse u zëvendësua Yildiz? Shpjegohet Spalletti: Futa Openda, i blerë 45 milionë euro…

    Pse u zëvendësua Yildiz? Shpjegohet Spalletti: Futa Openda, i blerë 45 milionë euro…

    8 Dhjetor 2025

    8:04

    Alfred Lleshi

    “Pse u bë zëvendësimi i Yildiz ndaj Napolit? Një javë më parë më pyesnit nëse duhej të pushonte. Futa Openda, të paguar 45–50 milionë euro. Edhe ai duhet të japë më shumë. Ka shënuar dhe mund të na japë shumë, por nëse skuadra ka nevojë për ato shpërthime dhe intuita, edhe ai duhet ta rrisë kontributin”. Kështu u shpreh Luciano Spalletti pas humbjes 2-1 në fushën e Napolit.
    Pas fitores 2-1 ndaj Juventusit reagoi edhe presidenti i Napolit, Aurelio De Laurentiis, në platformën X: “Një mbrëmje e madhe, tifozë të jashtëzakonshëm dhe udhëheqësi në krye të një skuadre madhështore. Forca Napoli gjithmonë!”
     

  • Napoli-Juventus është tashmë në histori, përballja e parë zyrtare Conte-Spalletti në Serie A

    Napoli-Juventus është tashmë në histori, përballja e parë zyrtare Conte-Spalletti në Serie A

    5 Dhjetor 2025

    10:24

    Alfred Lleshi

    Antonio Conte dhe Luciano Spalletti do të përballen për herë të parë në një ndeshje zyrtare si trajnerë të dielën, më 7 dhjetor, në “Maradona”. Pavarësisht mbi 1500 ndeshjeve të grumbulluara së bashku, kjo do të jetë e para në Serie A mes tyre. Conte, “me shpirt bardhezi dhe mjeshtër i disiplinës”, kundër Spallettit, “gjeniut dhe të çrregulltit” që rikthehet simbolikisht në Napoli; një duel që mund të ndikojë menjëherë sezonin.
    Napoli kërkon fitoren për të qëndruar në krye, ndërsa Juventusi synon ringritjen dhe futjen në garën e titullit. Të vetmet gjurmë të mëparshme mes tyre datojnë në vitin 2019, kur Spalletti u largua nga Interi dhe vendin e tij e mori Conte, si dhe një miqësore në 29 korrik 2017, Inter-Chelsea, e fituar 2-1 nga Spalletti.
    Të dy kanë fituar titullin në Napoli “pa Maradonën”, arritje që i fut në historinë e klubit axurr. Tani, me rolet e përmbysura, Conte te Napoli dhe Spalletti te Juventusi, dueli i tyre e bën sfidën edhe më magjepsëse.

  • “Spalletti është një fenomenal, një nga trajnerët më të mirë që kam patur ndonjëherë”

    “Spalletti është një fenomenal, një nga trajnerët më të mirë që kam patur ndonjëherë”

    5 Dhjetor 2025

    10:46

    Telesport

    “Spalletti është fenomenal taktikisht, ai e lexon fushën si një kampion absolut dhe po na tregon se 1% bën gjithë ndryshimin në botë. Ai është një nga trajnerët më të mirë që kam pasur ndonjëherë“, tha portieri i Juventus, Mattia Perin, për trajnerin e tij.
    Deklaratë që vjen para përgatitjeve që bardhezinjtë po bëjnë para ndeshjes ndaj Napoli: “Pas tre fitoreve radhazi, ndihemi shumë mirë dhe trajneri na përgatit shumë mirë, pavarësisht se kush luan titullar”.
    Portieri shprehet edhe për deklaratën e Spalletti se ai është një lider në dhomën e zhveshjes: “Spalletti më bëri të buzëqesh kur më quajti kështu. Ai ndonjëherë përdor fjalë të pabesueshme. Më pëlqen ta vë përvojën time në dispozicion të lojtarëve më të rinj“.
    Në fund, Perin foli për muingesat e shumta, si ato të Vlahovic dhe Gatti, të dy të operuar së fundi. “Këto janë mungesa të konsiderueshme. Mungesa e Dusan do të jetë mjaft e gjatë, por ne jemi Juve dhe David e Openda janë këtu sepse e meritojnë“, u përgjigj Perin.