Gjatë prezantimit të saj në Këshillin e Lartë të Prokurorisë, kandidatja për kreun e SPAK-ut, Doloreza Musabelliu, u pyet për debatin e fundit publik dhe politik që lidhet me masat e sigurisë, veçanërisht atë të arrestit me burg, e cila është përmendur edhe në rezolutën e Kuvendit.
Musabelliu sqaroi se drejtuesi i SPAK-ut nuk ka kompetencë të ndikojë në masat e sigurisë të kërkuara nga prokurorët apo të vendosura nga gjykata.
“Në SPAK janë 20 prokurorë dhe secili ka rastet e veta. Rasti-rastit nuk i ngjan. Është prokurori ai që konkludon që ka faktin penal, ka provat e mjaftueshme për të atribuuar një akuzë të caktuar përtej dyshimit të arsyeshëm për të komunikuar akuzën një subjekti të caktuar dhe konkludon një masë të caktuar sigurie, siç e gjykon, dhe i drejtohet Gjykatës së Posaçme. Por para se t’i drejtohet Gjykatës së Posaçme, duhet të bëjë një analizë të kushteve dhe kritereve sipas neneve të Kodit të Procedurës Penale. Pas kësaj vjen gjykata, e cila thotë ‘po’, kërkesa e prokurorit është e drejtë dhe duhet caktuar një masë arresti me burg.”, tha ajo.
Sipas Musabelliut, drejtuesi i SPAK-ut nuk mund të vlerësojë nëse një masë është e tepruar apo jo: “Drejtuesi nuk mund të bëjë një vlerësim të zbatueshmërisë ose jo të masës së sigurisë ‘arrest me burg’, sepse është gjykata ajo që e vendos dhe i thotë prokurorit ‘jo, masa nuk është e drejtë dhe duhet kjo masë sigurimi’. Për mua nuk mund të reagojë drejtuesi. Ai mund të reagojë për afatet pasi është caktuar masa, në kuadër të mbledhjeve që mund të bëhen, që të jenë afate sa më të shkurtra, që e përmendët. Këtu mund të kemi një diskutim me trupën e prokurorëve, por kur prokurori e vendos, prokurori është zot i dosjes.”
Duke e përmbyllur përgjigjen e saj, Musabelliu theksoi se ndërhyrjet e drejtuesit nuk kanë vend në procesin hetimor apo vendimmarrjen mbi masat e sigurisë.
Tag: sigurisë
-
Masat e sigurisë dhe afatet e paraburgimit| Musabelliu tregon deri ku mund të ndërhyjë ose jo kreu i SPAK-ut
-
“Më të këqijtë e më të këqijve”, Departamenti Amerikan i Sigurisë Kombëtare publikon listën e të rrezikshmëve, kush janë 6 shqiptarët e arrestuar
Departamenti Amerikan i Sigurisë Kombëtare ka publikuar raportin më të fundit mbi personat me rrezikshmëri të lartë që janë arrestuar dhe po përballen me deportim, ku ndër ta figurojnë edhe katër shtetas shqiptarë.
Në raport thuhet: “Nën drejtimin e Sekretares Noem, ekipet e DHS dhe ICE po zbatojnë premtimin e Presidentit Trump për deportime masive, duke nisur nga më të rrezikshmit, përfshirë edhe të huajt e paligjshëm që shihni këtu.”
Raporti paraqet një listë personash të arrestuar, të cilët klasifikohen si individët “më të këqinjtë e më të këqinjve”, për shkak të nivelit të lartë të rrezikshmërisë.Vasil Vukaj – i shpallur fajtor për vrasje, u kap në Kaliforni.
Florjan Delija – i dënuar për sulm, arrestuar në Nju Jork.
Adush Muçaj – me precedent për sulm fizik, ndaluar në Jutah.
Marian Makai – i dënuar për vjedhje, sjellje të çrregullt dhe kërcënime terroriste, i arrestuar në Kaliforni.
Nikollë Lleshaj – nga Kosova, i ndaluar për sulm dhe përfshirje në aktivitete kriminale.
Besart Hoxha – nga Kosova, i hetuar për përfshirje në organizata kriminale sipas ligjit RICO.
/vizionplus.tv -
FOTOT/ “Më të këqijtë e më të këqijve”, 6 shqiptarë të rrezikshëm arrestohen nga Departamenti Amerikan i Sigurisë Kombëtare, ja për çfarë akuzohen
Departamenti Amerikan i Sigurisë Kombëtare ka bërë publik një raport ku renditen të huajt e konsideruar si më të rrezikshmit, të ndaluar nga Shërbimi i Imigracionit dhe Doganave.
Në listën “më të këqinjtë”, përfshihen edhe gjashtë shtetas me origjinë shqiptare.
Sipas deklaratës zyrtare, nënsekretarja Noem thekson se agjentët po zbatojnë urdhrat për dëbime në shkallë të gjerë, duke nisur nga individët me historikun më të rënduar kriminal.
“Po çojmë përpara premtimin e Presidentit Trump, duke synuar së pari elementët më problematikë”, thuhet në njoftim.
Mes personave të arrestuar rezultojnë:
Vasil Vukaj – i shpallur fajtor për vrasje, u kap në Kaliforni.
Florjan Delija – i dënuar për sulm, arrestuar në Nju Jork.
Adush Muçaj – me precedent për sulm fizik, ndaluar në Jutah.
Marian Makai – i dënuar për vjedhje, sjellje të çrregullt dhe kërcënime terroriste, i arrestuar në Kaliforni.
Nga Kosova janë përfshirë në listë edhe: Nikollë Lleshaj dhe Besart Hoxha.
Sipas njoftimot, publikimi i këtyre emrave vjen si pjesë e operacioneve për identifikimin dhe largimin e personave të konsideruar si rrezik për sigurinë publike në SHBA.Top Channel
-
(VIDEO) Euro me topa dhe jelekë antiplumb: Pamjet nga operacioni i arrestimit të grupit ‘Rraja’
Policia e Shtetit, në bashkëpunim me SPAK-un, ka ekzekutuar masën e sigurisë “Arrest në burg” ndaj 10 personave të dyshuar si pjesë e grupit të strukturuar kriminal “Rraja”, i përfshirë në trafikimin e lëndëve narkotike drejt vendeve të Bashkimit Europian, kryesisht Gjermanisë.
Operacioni është realizuar nga Drejtoria për Hetimin e Krimit të Organizuar, Forcat Operacionale, drejtoritë vendore të policisë Tiranë, Durrës dhe Kukës, Forca e Sigurisë Kombëtare dhe BKH, nën drejtimin e SPAK-ut. Gjatë aksionit janë kryer 12 kontrolle në banesa dhe ambiente të tjera, ku janë sekuestruar 415 mijë euro, 7 mijë paund, 1 milion lekë, një armë zjarri me municion, dy armë gjahu, shtatë telefonë celularë, katër automjete, një jelek antiplumb dhe një palë dylbi.
Sipas hetimeve, personat e arrestuar dyshohet se kanë trafikuar kokainë dhe cannabis, ndërsa të ardhurat e përfituara dyshohet se janë investuar në pasuri të paluajtshme. Materialet procedurale i janë referuar SPAK-ut për vijimin e hetimeve.gijotina.com/
-
Mijëra euro “të paketuara”, jelek antiplumb, armë dhe automjete, dalin pamjet e arrestimit të “Rraja”-ve (VIDEO)
pamje: parate e sekuestruara dhe arrestimit
TIRANË- Pamjet që shini në video tregojnë momentin e arrestimit të disa personave në kuadër të operacioni të SPAK në Nikël. Policia e Shtetit ka dalë gjithashtu me njoftim zyrtar, teksa bën me dije ekzekutimin e masës së sigurisë “arrest me burg” për 10 persona, të cilët dyshohet se kanë vepruar të organizuar si grup i strukturuar kriminal dhe kanë trafikuar lëndë narkotike kokainë në shtete të BE-së.
Siç shihet edhe në pamjet e publikuara nga policia, duken shumat e parave të sekuestruara. Gjithashtu gjatë kontrolleve në këto ambiente u sekuestruan 1 armë zjarri me municion, 7 celularë, 4 automjete, 1 jelek antiplumb, 1 palë dylbi, 415 000 euro, 7 000 paund dhe 1 000 000 lekë.Njoftimi:
Policia e Shtetit/Finalizohet operacioni policor antidrogë, i koduar “Rikthimi”.
Operacioni, nga Drejtoria për Hetimin e Krimit të Organizuar në Departamentin e Policisë Kriminale, në bashkëpunim me Drejtorinë e Forcës së Posaçme Operacionale, drejtoritë vendore të Policisë Tiranë, Durrës dhe Kukës, me Forcën e Sigurisë Kombëtare Tiranë dhe me BKH-në, nën drejtimin e SPAK-ut.
Ekzekutohet masa e sigurisë “Arrest në burg”, për 10 pjesëtarë të një grupi kriminal për trafikim të lëndëve narkotike, kryesisht në Gjermani.
Në kuadër të operacionit “Rikthimi”, u ekzekutua masa e sigurisë “Arrest në burg”, caktuar me vendim të Gjykatës së Posaçme të Shkallës së Parë për Korrupsionin dhe Krimin e Organizuar, për veprën penale “Trafikimi i lëndëve narkotike”, kryer në kuadrin e grupit të strukturuar kriminal, për shtetasit:
R. Rr., 31 vjeç, banues në fshatin Zezë, Fushë Krujë;
P. Rr., 50 vjeç, banues në fshatin Nikël, Fushë Krujë;
G. Rr., 35 vjeç, banues në fshatin Nikël, Fushë Krujë;
A. N. alias L. S., 51 vjeç, banues në Durrës;
Z. A. alias Z. Ç., 47 vjeç, banues në Paskuqan;
S. Q., 41 vjeç, banues në Tiranë;
M. B. alias M. K., 43 vjeç, banues në Tiranë;
A. Gj. alias A. I., 35 vjeç, banues në Tiranë (masa u ekzekutua në IEVP);
J. Ç., 50 vjeç, banues në Tiranë (masa u ekzekutua në IEVP);
I. S. alias I. X., 40 vjeç, banues në Tiranë (masa u ekzekutua në IEVP).
Në kuadër të operacionit dhe në zbatim të vendimit të GjKKO-së, u kryen 12 kontrolle në banesa dhe ambiente të tjera në pronësi të 10 shtetasve.
Nga këto ambiente u sekuestruan 1 armë zjarri me municion, 7 celularë, 4 automjete, 1 jelek antiplumb, 1 palë dylbi, 415 000 euro, 7 000 paund dhe 1 000 000 lekë.
Gjithashtu, u bllokuan 2 armë gjahu që mbaheshin me leje.
Nga veprimet hetimore të kryera deri tani, dyshohet se këta shtetas, duke bashkëpunuar ndërmjet tyre dhe me të tjerë, të organizuar si grup i strukturuar kriminal, kanë trafikuar lëndë narkotike kokainë dhe cannabis sativa, në shtete të BE-së, kryesisht në Gjermani.
Paratë e përfituara nga kjo veprimtari, dyshohet se janë investuar për blerjen e pasurive të paluajtshme.
Materialet procedurale iu referuan SPAK-ut, për veprime të mëtejshme. -
Goditja e klanit “Rraja”, grupi doli zbuluar nga bisedat në SKY, 3 prej të dyshuarve iu komunikua masa në qeli
rexhep rraja
TIRANË- Detaje të reja kanë dalë në dritë nga operacioni i SPAK, që goditi klanin Rraja, duke çuar në pranga 6 persona, ndërsa 4 të tjerë janë shpallur në kërkim. Mësohet se masat e sigurisë janë lëshuar me urdhër të prokurorit Adnan Xholi, pas zbardhjes së bisedave që anëtarët e grupit kishin bërë në aplikacionin e inkriptuar të bisedave “SkyECC”.
Grupi “Rraja” ka qenë në fokus të institucioneve prej vitesh, për dyshime lidhur me aktivitete të ndryshme kriminale. Sipas burimeve, personat e përfshirë dyshohet të jenë të përfshirë në trafik droge dhe operacioni i sotëm synon goditjen e të gjitha hallkave të aktivitetit të tyre kriminal. Kontrolli i banesave dhe procedurat e tjera janë ende në zhvillim dhe pritet të përfundojë gjatë ditës së sotme.
Deri tani janë ekzekutuar masat e sigurisë për 6 persona, mes tyre dhe Rexhep Rrajën, djalin e ish-deputetit socialist. Në mesin e personave që u janë komunikuar masat e arrestit me burg, janë dhe 3 të burgosur, që aktualisht janë në qeli të dyshuar për vepra të tjera penale.
Burime bëjnë me dije se masat e sigurisë u janë komunikuar në qeli shtetasve: Islam Sefa, Aldo Gjini dhe Jani Çavo.
6 personat e vënë në pranga
1-Marvin Bushati
2- Agim Nina alias Lorenc Izet Selmani
3- Sokol Qaja
4- Gazmir Rraja
5- Perparim Rraja
6- Rexhep Rraja
7- Zamir Aliaj
Në kërkim
1-Ervis Shuli
2-Bujar Sefa
3-Hajdar Sefa
4-Vildan Baroku
Këta shtetas akuzohen për veprat penale trafikimi i lëndëve narkotike, e kryer në bashkëpunim në formën e veçantë të bashkëpunimit, atë të grupit të strukturuar kriminal.
Përparim dhe Rexhep Rraja, u proceduan nga prokuroria e Tiranës për “Plagosje të lehtë me dashje” pasi në muajin korrik 2023, dhunuar në një lokal barbarisht dy kushërinjtë, Bilbil Maja dhe Jashar Maja.
Njëherësh mësohet se Përparim Rraja ka qënë edhe më parë i dyshuar për trafik droge, ku emri i tij del tek dosja “Viluni”, së bashku me Bardhok Pllanaj dhe persona të tjerë. /ZËRI -
Koçiu në Bruksel: Avancojmë reformat kyçe në fushën e rendit, sigurisë dhe menaxhimit të migracionit
Ministrja e Punëve të Brendshme, Albana Koçiu, zhvilloi dje një takim me Komisionerin Europian për Punët e Brendshme dhe Migracionin, Magnus Brunner, ku rikonfirmoi angazhimin e palëkundur të Shqipërisë për përmbushjen e detyrimeve të Kapitullit 24 dhe forcimin e bashkëpunimit në fushën e sigurisë dhe migracionit.
Ministrja u shpreh se Shqipëria po ecën me vullnet të qartë politik dhe me vendosmëri në rrugën drejt anëtarësimit të plotë në Bashkimin Europian, duke avancuar reformat kyçe në fushën e rendit, sigurisë dhe menaxhimit të migracionit. Gjatë takimit, ajo informoi Komisionerin Brunner mbi hapat konkretë dhe progresin e arritur. Ndër to, veçoi finalizimin e kuadrit të ri strategjik për sigurinë dhe migracionin, forcimin e kuadrit ligjor kundër krimit të organizuar, përmes operacionalizimit të Zyrës së Rikuperimit të Aseteve. Gjithashtu, Koçiu theksoi rritjen e hetimeve dhe operacioneve policore kundër trafikimit të emigrantëve, pastrimit të parave dhe gjurmimit të aseteve të krimit, në bashkëpunim të ngushtë me EUROPOL, FRONTEX, INTERPOL dhe partnerë të tjerë. Ulja e flukseve të migracionit të parregullt, sipas statistikave kombëtare e të BE-së, u konsiderua si rezultat i kontrolleve dhe bashkëpunimit operacional të shtuar.
Koçiu vlerësoi mbështetjen politike dhe teknike të KE-së dhe nënvizoi se Shqipëria do të mbetet një partner i besueshëm dhe plotësisht i angazhuar për sigurinë dhe stabilitetin e Europës. -
Konsiderohet si shqiptari më i kërkuar në Europë, 41-vjeçari arratiset sërish nga burgu i sigurisë së lartë
Ai ndodhej në një nga burgjet më të ruajtura të Italisë. Megjithatë, gangsteri shqiptar Toma Taulant (41 vjeç) ka arritur të arratiset. Madje duke përdorur trukun më klasik: fillimisht duke sharruar hekurat e dritares dhe më pas duke u ngjitur mbi murin e burgut me çarçafë të lidhur mes tyre. Pas tri arratisjeve të mëparshme të suksesshme, mes tyre edhe nga burgu i Lantinit në Belgjikë, ai ishte megjithatë nën mbikëqyrje të shtuar
Nga Thierry Goeman, NIEWSBLAD
Taulant Toma, i njohur edhe me emrin Admir Dedinca ose si “grabitësi i Parmës”, është në kërkim ndërkombëtar. Shërbimet policore u bëjnë thirrje qytetarëve që, nëse mendojnë se e kanë parë, të mos ndërmarrin asgjë vetë, por të njoftojnë policinë. Ai konsiderohet shumë i rrezikshëm dhe mund të jetë i armatosur. Ai ka lindur në Shqipëri dhe gjysmën e jetës së tij e ka kaluar në arrati nga policia dhe drejtësia. Tani, sërish.
Krimineli profesionist 41-vjeçar dhe “mbreti i arratisjeve” arriti të arratiset të shtunën nga burgu Opera, në jug të Milanos. Fillimisht sharroi hekurat e dritares së qelisë në repartin e sigurisë së lartë të burgut dhe më pas u largua duke përdorur çarçafë të lidhur.
Ai po vuante një dënim në Milano deri në tetor të vitit 2048 për disa krime të rënda dhe grabitje me armë, gjatë të cilave nuk kishte ngurruar të përdorte dhunë.
Sharrë hekuri dhe çarçafë
Katër herë ka arritur të arratiset pas arrestimit dhe dënimit. Arratisja e fundit ndodhi mbrëmjen e së shtunës. Ai përfitoi nga errësira dhe ndërrimi i turneve të rojeve për t’u larguar. Me shumë gjasë, kishte ndihmë nga jashtë – ashtu si edhe në të gjitha arratisjet e mëparshme.
Në shkurt 2013, ai dhe një bashkëkombës u arratisën gjithashtu nga burgu i Parmës, ku mbaheshin në repartin e sigurisë së lartë. Partneri i tij, Valentin Frrokaj, i cili vuante një dënim me burgim të përjetshëm dhe ishte arratisur më parë nga i njëjti burg, u qëllua për vdekje dy vite më vonë nga një argjendar gjatë një grabitjeje në një vilë.
Atëherë u organizua një kërkim i madh për Taulantin, i cili u arrestua përfundimisht në Belgjikë. Në pritje të ekstradimit drejt Italisë, ai u burgos në burgun e Lantin (Liège).
Por para se policia italiane të vinte për ta marrë për gjyqin në Itali, ai arriti të arratisej sërish. Gjatë shëtitjes, u ngjit mbi murin e burgut të siguruar me tela me gjemba. Kjo u bë e mundur sepse disa të burgosur shpërqendruan rojat, ndërsa të tjerë formuan një piramidë njerëzore, duke krijuar një lloj shkalle për t’i hapur rrugën drejt lirisë.
Aftësi fizike
“I arratisuri tregoi aftësi fizike të jashtëzakonshme”, deklaroi më pas prokurorja belge, Danièle Reynders, gjatë një konference për shtyp.
Arratisja ishte e përgatitur mirë. “Mbreti i arratisjeve” u prit nga tre bashkëpunëtorë të armatosur në një makinë arratie.
Arratisja e tij e parë daton që në vitin 2009, kur iku nga burgu i Ternit, në veri të Italisë.
Mbingarkesa në burgje
Ministria italiane e Drejtësisë pranon se vendi po përballet me mbipopullim serioz në burgje. Sipas shoqatës Antigone, në vitin 2025, mbipopullimi në burgjet italiane arriti në 133%, me më shumë se 62.000 të burgosur për rreth 51.000 vende të disponueshme.
Kësaj i shtohet edhe mungesa e stafit, e cila e vështirëson mbikëqyrjen e të burgosurve.
Në burgun Opera, nga ku u arratis Taulanti, ndodhen 1.338 të burgosur, ndërkohë që kapaciteti është vetëm 918 vende. Aty punojnë 533 roje, kur do të nevojiteshin të paktën 811. “Një situatë e paqëndrueshme”, thonë sindikatat. -
Shkakton polemika/ Izraeli pranë vendosjes së dënimit me vdekje për palestinezët! Ministri paraqitet me “litarin në fyt”
Ministri izraelit i Sigurisë Kombëtare, Itamar Ben-Gvir, shkaktoi polemika pasi mori pjesë në një mbledhje të Komitetit të Sigurisë Kombëtare me një stemë në formë litari, gjatë debatit për dënimin me vdekje për të burgosurit palestinezë.
Ai dhe anëtarë të tjerë të partisë së tij të djathtë ekstreme Otzma Yehudit u kritikuan gjerësisht teksa projektligji po hyn në leximet e dyta dhe të treta.
Ben-Gvir e mbrojti hapur propozimin, duke e quajtur dënimin me vdekje një mjet “legjitim” ndëshkues, me opsione si varje, karrige elektrike apo anestezi.
Këshilltarët ligjorë të komitetit paralajmëruan se projektligji shkel standardet kushtetuese të Izraelit dhe ngre shqetësime të thella etike.
Megjithatë, Ben-Gvir i hodhi poshtë kritikat, duke pretenduar se dhjetëra mjekë i kanë ofruar mbështetje. -
Merz: Evropa duhet të bëhet edhe më e pavarur nga SHBA-të në çështjet e sigurisë
Kancelari gjerman, Friedrich Merz e përshkroi strategjinë e re të sigurisë së SHBA-së si pjesërisht të kuptueshme dhe pjesërisht të papranueshme. Merz përsëriti se evropianët duhet të bëhen edhe më të pavarur nga SHBA-të në çështjet e sigurisë.- Advertisement –
Kancelari gjerman deklaroi gjithashtu se i ka bërë një ftesë presidentit të SHBA-së, Donald Trump për të vizituar Gjermaninë, si dhe atdheun e paraardhësve të tij.
“Nuk shoh asnjë arsye që amerikanët të përpiqen të shpëtojnë demokracinë në Evropë. Nëse do të duhej të shpëtohej, ne mund ta mbronim vetë”, tha kancelari.
Merz tha se në Evropë dhe në Gjermani, duhet të bëhen edhe më të pavarur nga SHBA-ja në çështjet e sigurisë.
“Unë gjithmonë u them atyre se edhe Amerika ka nevojë për partnerë në botë, dhe një nga këta partnerë mund të jetë Evropa”, theksoi ai.
Merz vuri në dukje gjithashtu se SHBA-të janë kryesisht indiferente ndaj fatit të Evropës, por ata kanë një qëllim të përbashkët, ruajtjen e lirisë, sigurisë dhe paqes në kontinentin.