Prokurori Adnan Xholi pasi prezantoi platformën e tij për drejtimin e SPAK dhe pas kësaj iu përgjigj edhe pyetjeve të anëtarëve të KLP-së. Një ndër to ishte ajo e Arta Mandros, e cila ‘provokoi’ Xholin për mënyrën se si do sillej ai nëse në zyrë do i shkonte dikush me një pozitë të lartë që do i kërkonte zgjidhje për çështjen e tij. Përgjigja e Xholit ishte e shkurtër. Para Kushtetutës nuk ka asnjë lloj pozicioni tjetër, tha ai dhe maksimumi mund të respektojë mysafirët me kafe.
Arta Mandro: Nëse do votoja për ju dhe nesër do vija për një çështjen time personale, si do kujdeseni për të mos cënuar pavarësinë dhe presionin, por unë mund të kem një pozitë më të lartë se kjo e sotmja.
Adnan Xholi: E vlerësoj pozitën që keni, por para ligjit dhe kushtetutës nuk keni asgjë lloj pozicioni dhe do ju respektoj si gjithë të tjerët. Do ju respektoj si femër do ju sajdis me ndonjë kafe, por zgjidhja do jetë ligjore.
Arta Mandro: Domethënë fare?
Adnan Xholi: S’ka sepse shumicës i pëlqen kafeja në SPAK, por vetëm me këto do ju respektojmë.
Tag: shumicës
-
“Shumicës i pëlqen kafeja në SPAK”, Adnan Xholi tregon çfarë do i thoshte dikujt me pushtet në zyrë
-
PD i drejtohet “Kushtetueses”: Të shfuqizohet Diella dhe rregullorja e re e Kuvendit
Partia Demokratike i ka kërkuar zyrtarisht Gjykatës Kushtetuese shfuqizimin e dekretit të Presidentit për ministren virutale Diella dhe të rrëzojë rregulloren e re të Kuvendit që u miratua vetëm me votat e shumicës parlamentare.
Demokratë kanë firmosur kërkesën për në Kushtetuese ku kërkojnë rrëzimi ne dy akteve të shumicës që shkaktuan debate në seancat e fundit plenare.
Sipas opozitarëve ministrja Diella është antikushtetuese, ku akuzojnë edhe kreun e shtetit se ka marrë një vendim të gabuar, pasi sipas tyre Diella nuk përmbush asnjë prej kritereve kushtetuese për të qenë ministër. -
Lojtari i United e thotë troç: Shumicës nuk do i pëlqejë, por do luftojmë për kampionat!
Përgatitjet e Manchester United vazhdojnë me intensitet të madh në Çikago, ku skuadra e Rubem Amorim do të përballet me Bournemouth të enjten në mbrëmje.
Luke Shaw, një nga lojtarët më me përvojë, foli për objektivat e skuadrës.“E di që shumicës nuk do i pëlqejë kjo që do të them, pas asaj që ndodhi vitin e kaluar, por synimi duhet të jetë Premier League. Nuk jam i vetmi që mendon kështu; jam i sigurt se e gjithë skuadra ndan të njëjtin synim. Edhe trajneri.”
Aspekti personal- “Vitin e kaluar kisha shumë moral të ulët. Ndihem mirë tani, veçanërisht në këto përgatitje.
Vitin e kaluar nuk pata përgatitje të mjaftueshme, kështu që mendoj se është shumë e dobishme të jem në formë të mirë dhe të stërvitem me skuadrën.” -
VIDEO/ Po transportonte 40 mijë euro mall kontrabandë në tregun e shumicës, “i pritet” rruga 52-vjeçarit, arrestohet nga policia
Pamje nga policia
TIRANË- Policia e Tiranës ka arresuar një 52-vjeçar, drejtues i një furgoni që po transportonte për te tregu i shumicës mallra të dyshura si kontrabandë.
Blutë e kryeqytetit bëjnë me dije se ai u ndalua në rrugën “Bardhyl” dhe gjatë kontrollit, u gjetën dhe u sekuestruan, në cilësinë e provës materiale, mallra (veshje sportive), të cilat arrinin vlerën 40 000 euro.
Ndërkohë, nga hetimet ka rezultuar se 52-vjeçari do t’i shiste veshjet në dyqane të ndryshme të një tregu të shumicës në rrugën “5 Maji”.
Njoftimi i policisë:
DVP Tiranë/Finalizohet nga Seksioni për Hetimin e Krimit Ekonomik dhe Financiar, operacioni policor i koduar “Silent Load”.
Vihet në pranga drejtuesi i një furgoni duke transportuar për te tregu i shumicës mallra të dyshuara si të kontrabanduara.
Sekuestrohen mallra (veshje sportive), të dyshuara si të kontrabanduara, me vlerë totale 40 000 euro.Specialistët e Seksionit për Hetimin e Krimit Ekonomik dhe Financiar në DVP Tiranë, bazuar edhe në informacionet e marra në rrugë operative, organizuan dhe finalizuan operacionin policor të koduar “Silent Load”.
Si rezultat i këtij operacioni u bë arrestimi në flagrancë i shtetasit Sh. Xh., 52 vjeç, banues në Kukës.Shërbimet e Policisë, në rrugën “Bardhyl”, kanë lokalizuar dhe ndaluar furgonin me drejtues m 52-vjeçarin, në të cilin, gjatë kontrollit, u gjetën dhe u sekuestruan, në cilësinë e provës materiale, mallra (veshje sportive) të dyshuara si të kontrabanduara, me vlerë totale 40 000 euro.
Nga hetimet ka rezultuar se ky shtetas do t’i shiste veshjet në dyqane të ndryshme të një tregu të shumicës në rrugën “5 Maji”.
Materialet procedurale iu referuan Prokurorisë së Tiranës, për veprime të mëtejshme. -
Operacioni i ri i Izraelit në Gaza, zëdhënësi i ushtrisë izraelite: Ndërhyrja kërkon zhvendosjen e shumicës së banorëve në territor
Operacioni i ri ushtarak në Rripin e Gazës, i njoftuar sot, kërkon zhvendosjen e brendshme të “shumicës” së banorëve palestinezë në territor, njoftoi gjenerali i brigadës, Effie Defrin, zëdhënësi i ushtrisë izraelite.
“Operacioni përfshin një ofensivë në shkallë të gjerë dhe zhvendosjen e shumicës së popullsisë së Rripit të Gazës jashtë zonës së luftimeve”, tha Defrin.
Pothuajse të gjithë banorët e Rripit të Gazës janë zhvendosur vazhdimisht që nga fillimi i luftës gati 19 muaj më parë. Enklava ka mbetur nën një bllokadë të rreptë nga Izraeli për më shumë se dy muaj.Top Channel
-
“Nëse nuk votoni dot 5-ën, mos dilni fare”, Rama mesazh demokratëve: Kush nuk shkon të votojë, i hap rrugë shumicës! Kështu bëra dhe unë në mars ‘92
Rama gjatë fjalës së tij pati dhe një mesazh për demokratët. Sipas tij, ata duhet të votojnë PS-në për pasaportën evropiane edhe pse mund të mos e pëlqejnë atë si kryeministër.
Nëse nuk e bëjnë dot këtë, Rama i ftoi të mos dalin fare për të votuar më 11 maj, duke i hapur rrugë shumicës.
Të njëjtën gjë ai tha se ka bërë në mars të 92, kur nuk votoi PD-në si shumica e votuesve.
Rama: Dilema me Shqipërinë në BE 2030 apo me bufin e kënetës dhe me kënetën dhe një herë tjetër. Kjo nuk ka për të ndodhur. Nuk jemi këtu për të thënë se kemi merak se nuk marrim shumicën aritmetike për të qeverisur. Tjetër është shumica aritmetike, tjetër është mesazhi i fortë i gjithë popullit për të negociuar si trup i vetëm.
U them demokratëve të bëjnë të njëjtën gjë që bënë socialistët në mars 92. Në rast se janë prindër të votojnë për fëmijët e tyre, që tu japin fëmijëve të tyre pasaportën evropiane. Që edhe fëmijët të kuptojnë se për këtë pasaportë, baba dhe nëna votuan bënë një sakrificë të madhe, votuan një maskara si Edi Rama. Le të thonë ç’të duan për mua, por të votojnë 5. Nëse nuk e bëjnë këtë, le të bëjnë atë që bëra unë në mars të ‘92. Nuk shkova fare të votoj. As për askënd tjetër.
Kush nuk shkon të votojë i hap rrugën shumicës. U bashkova me ata që i hapën rrugë Shqipërisë. Le ta bëjnë kështu. Të mos votojnë fare. Të çohet burri që në mëngjes të vishet, të mbajë radhë dhe të hidhet në kënetë. Demokratët e zakonshëm duhet të bëjnë dhe një sevap. Jo demokratët çyryk, që marrin bufin me tendë. Bufi rri lart mbi kënetë, ata janë poshtë. Një person i lashtë, i dëshpëruar, i pashpresë dhe që ka rrëshqitur. Nuk është në metro.