Shembjen e rrugës Qukës-Qafë Plloçë, deputeti i PD-së, Klevis Balliu ka reaguar duke e cilësuar si krim shtetëror dhe jo si gabim.
‘260 milionë euro për 43 km, dhe rruga Qukës–Qafë Plloç sot shembet’, shkruan Balliu në Facebook.
Postimi i plotë:
260 milionë euro për 43 km, dhe rruga Qukës–Qafë Plloç sot shembet.
Kjo s’është gabim, është krim shtetëror.
Vjedhin dhe rrezikojnë jetë njerëzish pa asnjë përgjegjësi.
Prokuroria e Posaçme (SPAK) vë në lëvizje Kuvendin e Shqipërisë dhe kërkon t’i vihen disa shkresa me karakter shtetëror që lidhen me ngjarjet e dhunshme të 21 janarit 2011. Rezulton se shkresa ka mbërritur ditën e djeshme në Kuvend dhe dokumentet që kërkohen nga prokurori i posaçëm Alfred Shehu konsiderohen sekret shtetëror. Bëhet fjalë për korrespondencën mes institucioneve të sigurisë dhe Kuvendit para, gjatë dhe pas protestës së 21 janarit. SPAK i konsideron këto dokumente thelbësore për hetimin. Kuvendi është vënë në dijeni se materialet duhet të ruhen në sekret të plotë për shkak të rëndësisë që paraqesin. Gjithashtu avokati i familjarëve të viktimave të 21 janarit është shprehur për gazetën “SOT” se pa thirrjen si dëshmitarë të tre figurave kyçe, Edi Rama, Ina Rama dhe Bamir Topi hetimi nuk mund të quhet i plotë. Mësohet se SPAK pritet t’i thërrasë në vijim për të dëshmuar.
Çfarë po ndodh me hetimet?
Së fundmi në Prokurorinë e Posaçme u paraqit Sali Berisha dhe Lulzim Basha. Mësohet se prova e re e dorëzuar nga familja e Aleks Nikës për krimin shtetëror të 21 janarit, kaseta me regjistrimin audio të disa komunikimeve në radio të zinxhirit komandues të Gardës së Republikës, nuk është ekspertuar dot nga laboratorët në Shqipëri. Laboratorët nuk kanë mundësi teknike për të kryer një ekspertim të tillë, ndaj SPAK i është drejtuar laboratorëve të tjerë jashtë vendit. Prokuroria e Posaçme ka kërkuar nga familjarët e të ndjerit Aleks Nika që të tregojnë mënyrën se si është siguruar audio regjistrimi si dhe pajisjen origjinale me të cilën është bërë regjistrimi, pasi kaseta e dorëzuar në SPAK është kopjo. Në materialin audio dëgjohet Ndrea Prendi, komandanti i atëhershëm i gardës, që jep urdhër të hapet zjarr luftarak mbi protestuesit, pra jo më plumba manovër.
Audio regjistrimi që flitet se është 34 minuta është bërë nga një person që ka pasur akses në komunikimin e një kanali të konsideruar të sigurt që përdorej nga drejtues të lartë të Gardës, i cili ka regjistruar komandat dhe urdhrat e dhëna në momentet kur u vranë 4 protestuesit e paarmatosur para kryeministrisë të drejtuar nga Sali Berisha në atë kohë. Kujtojmë se në SPAK ka dëshmuar edhe Saimir Tahiri. Në kohën e protestës Tahiri ka pasur detyrën e deputetit të PS-së, ndërsa pas ardhjes së PS-së në qeveri u emërua në postin e ministrit të Brendshëm. Në prill 2015 Tahiri atëherë në postin e ministrit të Brendshëm bëri një kallëzim penal për Lulzim Bashën, pasardhësin e tij, ish ministër i Brendshëm në kohën e protestës për shpërdorim detyre duke e akuzuar se dha urdhër për hedhjen e lëndëve kimike mbi protestuesit.
Dëshmi ka dhënë dhe deputeti i PS-së, Xhemal Qefalia, si person që ka dijeni për ngjarje pasi ka qenë një nga organizatorët e protestës së 21 janarit 2011 para kryeministrisë ku mbetën të vrarë 4 protestues. Në kuadër të këtij hetimi janë marrë në pyetje dhe ish drejtori i Përgjithshëm i policisë së shtetit Hysni Burgaj dhe një ditë më pas dëshmoi edhe zëvendësi i tij Agron Kuliçaj. Të dy janë akuzuar për skandalin e zbatimit të urdhrave të arrestit të prokurorisë 18 ditë me vonesë, për Ndrea Prendin dhe 5 gardistët e tjerë, që dëmtoi rëndë hetimin. Po ashtu Prokuroria e Posaçme ka marrë në pyetje dhe dy vëllezërit e Hekuran Dedës, Agim dhe Zabit Deda.
Dosja “21 janari”
SPAK po heton ngjarjen që sistemi i vjetër e drejtësisë e gjykoi si “vrasje nga pakujdesia”. Insistimi i familjarëve të Aleks Nikës, viktima e vetme pa autor, bëri që dosja të rikthehej në vëmendje. Ishte Gjykata e Strasburgut që e cilësoi 21 Janarin krim shtetëror dhe në vazhdë të këtij vendimi, Gjykata e Lartë më 12 mars 2024 urdhëroi SPAK të nisë hetimet dhe të zbardhë përgjegjësitë e drejtuesve të lartë, përfshirë Berishën, Bashën dhe Ndrea Prendin, për vrasjen e katër protestuesve Hekuran Deda, Ziver Veizi, Faik Myrtaj dhe Aleks Nika. Fillimisht, Prokuroria e Tiranës çoi në gjyq vetëm ish-komandantin e Gardës, Ndrea Prendi, dhe ish-efektivin Agim Llupo, të dënuar respektivisht me 1 dhe 3 vite burg, të cilët prej kohësh janë të lirë. Më korrik 2024, SPAK regjistroi procedimin penal për tre akuza: “vrasje në rrethana të tjera cilësuese” në bashkëpunim, “shpërdorim detyre” dhe “pengim të zbulimit të së vërtetës”, të gjitha të kryera në bashkëpunim.
Sali Berisha u pyet 2 orë në SPAK për 21 janarin. Pasi doli nga SPAK Berisha ngatërroi 2 herë datën kur ndodhi krimi shtetëror, duke thënë më 11 janar, dhe jo 21 janar. Berisha sulmoi edhe SPAK dhe Altin Dumanin.
“Autoritetet ndërkombëtare, qeveria e SHBA ka deklaruar dhe rideklaruar se më 11 janar, PS kishte axhendën dhune, ku janë ata mbështetësit e saj, nuk janë këtu. Kishte axhendë dhune. Pikërisht kjo deklaratë është bërë shkak që të mos thirrem unë për tu pyetur për një ngjarje dramatike që i kushtoi jetën 4 proteuseve, plagosjen 120 policëve. Dëshminë time do gjeni ato që kam thënë. Nëse këta që ishin aty zhvilluan procedurë me ligjin dhe rregullat, kjo s’mund të thuhet për Dumanin, që po pinte kafe me Kreshnik Farrukun. I shkoi dhe në Manzë. Ai hesht por unë s’do hesht. Thirrja për të dëshmuar është procedurë normale, por jo publike. Të thërret pyet shkon, kurse Troplini pa marrë un njoftimin ia shpërndau mediave në një akt të shëmtuar duke dëshmuar se institucioni i tij është banal propagande PS”, tha Berisha.
Teksa kreu i PD Sali Berisha do të paraqitet nesër në SPAK për 21 janarin, juristi Kreshnik Spahiu tha në një emision televiziv se SPAK ka siguruar prova që vrasjet e 21 janarit ishin krim i urdhëruar shtetëror.
Ai tha duhet që të gjendet e kush është personi që ka urdhëruar për të qëlluar ndaj protestuesve.
‘Unë mendoj se prokuroria ka prova se vrasja e 21 janarit është krim shtetëror dhe është kryer me urdhër. Por çështja është a do të jetë e aftë prokuroria që të gjejë prova nga kush. Prokuroria e ka konsoliduar pazullin që kemi të bëjmë me krim shtetëror por nëse do të arrijë që të dal se kush është ai që ka urdhëruar kjo mbetet për tu parë. Kjo është më e rëndësishme se nuk mjafton që të thuhet thjeshtë që është krim shtetëror’, tha ai.
Rigels Seliman
Avokati i njohur, Spartak Ngjela ka tronditur skenën politike shqiptare me një deklaratë të ashpër, ku akuzon elitën drejtuese se është peng i Beogradit dhe Moskës. Sipas tij, vetëm Prokuroria e Posaçme (SPAK), e mbështetur fuqimisht nga SHBA-të, mund të shkatërrojë kastën e vjetër të korrupsionit të lartë shtetëror. Ngjela thekson se politika amerikane ka interes strategjik pastrimin e politikës shqiptare, pasi disa nga liderët aktualë lëvizin në linja antiamerikane. Ai nënvizon se si Partia Socialiste ashtu edhe Partia Demokratike akuzojnë njëra-tjetrën për korrupsion, ndërsa askush nuk flet për zhvillimin kombëtar. Në qendër të kritikave të tij mbetet Sali Berisha, të cilin e cilëson si më të rrezikuarin nga hetimet e SPAK. Ndërkohë z. Ngjela pretendon se kultura politike shqiptare ende mbështetet te gënjeshtra, ndërsa e vërteta mbetet e frikshme për shumë prej aktorëve kryesorë. Ai paralajmëron se beteja kundër korrupsionit është tashmë e pakthyeshme, e shtyrë nga BE dhe interesi kombëtar shqiptar. Sipas tij, askush nga të korruptuarit e nivelit të lartë nuk do t’i shpëtojë dot drejtësisë së re. Më poshtë po pasqyrojmë reagimin e plotë të avokat Spartak Ngjelës.
REAGIMI I PLOTË I AVOKAT SPARTAK NGJELËS:
“Pyetja thelbësore sot në Shqipëri është kjo: A do ta shkatërrojë dot SPAK- u dhe Amerika shëmtimin kriminal të korrupsionit të lartë shtetëror në Shqipëri? Ne mendojmë se po, do ta shkatërrojnë sepse politika amerikane me aleancën e ngushtë politike që ka me Shqipërinë, e ka në interesin e saj shkatërrimin e korrupsionit të lartë shtetëror në Shqipëri, sepse liderët aktualë të korrupsionit të lartë shtetëror në Shqipëri, janë me Beogradin dhe me Moskën, domethënë janë në një lëvizje politike antiamerikane. A po e shikoni sot politikën e lartë kundërshtare me njëra-tjetrën në Shqipëri? Na duhet të theksojmë që në fillim se të dyja palët e politikës së lartë në Shqipëri PD dhe PS mbetën duke akuzuar shoshoqin si të inkriminuar në korrupsion dhe në bashkëpunim me krimin e organizuar.
Dhe më rëndë duket sikur është Sali Berisha, i cili nuk po arrin të kuptojë që, në rast se në një korrupsion të lartë shtetëror, nuk ka hyrë për ta dënuar pushteti gjyqësor, akuzat me emra qeveritarësh për korrupsion shtetëror, janë vetëm fjalë. Por si kryesore që duhet të theksohet për këtë rast, është fakti që këta pushtetarë nuk thonë asgjë për zhvillimin kombëtar, por flasin vetëm për akuza ndaj njëri-tjetrit. Dhe ndërkohë nuk po i qëndrojnë dot së vërtetës, sepse të vërtetën ata e kanë frikë. Duhet ta kujtojmë ngaherë që njeriun e vogël dhe misterioz e tremb e vërteta.
Dhe kjo është arsyeja që diktatorët e komunizmit i ekzekutonin mbajtësit dhe deklaruesit botërisht të së vërtetës. Por ende sot politika shqiptare nuk po largohet dot nga gënjeshtra, dhe nuk ka sesi të largohet kur dihet se shpesh instinkti i pushtetit nuk e pyet fare arsyen nëse ti po flet ose jo me të vërtetën, sepse arsyeja e këtij rasti është vetëm ajo që e kanë pasur edhe diktatorët e mëdhenj kur kanë thënë: Nuk ka rëndësi nga se ti po vjen në pushtet, nga gënjeshtra apo nga e vërteta që ti ke thënë, sepse pushteti politik është gjithmonë pushtet – domethënë Forcë. Prandaj edhe ne sot në Shqipëri po ecim edhe me teorinë e vjetër mesjetare të gënjeshtrës në politikë – me thënien e njohur: gënje, gënje se diçka do të mbetet. Sigurisht kjo tendencë dominuese në kohën e komunizmit në Shqipëri, tani është në zbehje, por ende ekziston. Po sot çfarë po ndodh me të vërtetën dhe gënjeshtrën në politikën shqiptare?
Lufta kundër korrupsionit
Tani në Shqipëri ka filluar lufta antikorrupsioni, dhe sigurisht që jemi në raportin konfliktual midis së vërtetës dhe gënjeshtrës. Por na duhet të theksojmë se lufta antikorrupsion në Shqipëri është kërkuar si domosdoshmëri nga BE që politika shqiptare duhet ta ndërmarrë, nese ajo kërkon ta anëtarësojë Shqipërinë në Bashkimin Evropian. Por dihet tani se anëtarësimi në Bashkimin Europian sot është arsyeja e vetme historike për Shqipërinë dhe shqiptarët. Asgjë më shumë se kaq nuk po i duhet historisë së Shqipërisë sot: sepse kjo është koha jonë, në vitin 2025. Por në vijim të arsyetimit tonë na duhet të theksojmë se qeveritë e Shqipërisë kanë rënë në korrupsion të paktën që nga viti 2005 e këtej. Por tani të inkriminuarit e të dyja krahëve nga korrupsioni, po mendojnë me ankthin politik të pushtetit brenda pyetjes që u ka dalë papritur: si duhet të shpëtojnë ata nga rreziku SPAK? Dhe nuk po punojnë pak për të realizuar këtë shpëtim. Por akuzat antikorrupsion për pushtetarët e lartë në Shqipëri janë ende nëpër analet e hetimit për shumë emra të korruptuarish të lartë. Dhe koha kuptohet që e ka trembur korrupsionin e lartë shtetëror në Shqipëri.
Askush nuk i shpëton dot SPAK-ut
Por shenjat janë se nuk do të shpëtojnë dot nga SPAK, pavarësisht se për SPAK-un, korrupsioni i lartë shqiptar e krijoi në parlament me Pyetja thelbësore sot në Shqipëri është kjo: A do ta shkatërrojë dot SPAK- u dhe Amerika shëmtimin kriminal të korrupsionit të lartë shtetëror në Shqipëri? Ne mendojmë se po, do ta shkatërrojnë sepse politika amerikane me aleancën e ngushtë politike që ka me Shqipërinë, e ka në interesin e saj shkatërrimin e korrupsionit të lartë shtetëror në Shqipëri, sepse liderët aktualë të korrupsionit të lartë shtetëror në Shqipëri, janë me Beogradin dhe me Moskën, domethënë janë në një lëvizje politike antiamerikane”, shkruan avokat i njohur, Spartak Ngjela në rrjetet sociale.
flamur noka dhe vlora hyseni
TIRANË- Në Komisionet Parlamentare gjatë kësaj jave është duke u diskutuar projektbuxheti për vitin e ardhshëm, me një agjendë shumë të ngjeshur.
Në Komisionin për Çështjet e Brendshme dhe të Mbrojtjes ishte sot e pranishme kryetarja e Shërbimit Informativ Shtetëror, Vlora Hyseni. Në fjalën e saj shkurt, ajo bëri një prezantim të buxhetit dhe më pas kërkoi që seanca të zhvillohej me dyer të mbyllura.
Kundër doli opozita, e cila tha se është e përcaktuar me ligj se çfarë është sekret shtetëror.
Flamur Noka kërkoi që raportimet e drejtueses së SHISH të bëheshin publikisht për të treguar transparencë.
“Terri informativ mbulon këtë komision në raportin e SHISH. Është herë e parë që termi transparencë nuk ekziston. Tallet zonja dhe kjo është e papranueshme. Nuk mund ti hedhim hi syve shqiptarëve. Sekreti shtetëror është i përcaktuar me ligj. Ky nuk është raportim, por është “më ka çuar nëna me la gojën”, u shpreh Noka.
Por megjithë kërkesën e opozitës, drejtuesi i Komisionit Bledi Çuçi e kaloi mbledhjen pa praninë e kamerave, ndërsa tha se në rast se kërkohej ndarja e një informacioni që përmban sekret shtetëror, do të qëndrojnë në sallë vetëm deputetët që janë të pajisur me certifikatë sigurie.
Gati 16 vite nga krimi shtetëror i 21 janarit, SPAK ka thirrur Sali Berishën për ta pyetur për vrasjet e 4 protestuesve në Bulevard. Ish-kryeministri Berisha është njoftuar që të paraqitet para prokurorit Alfred Shehu në orën 10:00. Kjo është thirrja e dytë që Prokuroria e Posaçme çon në drejtim të ish Kryeministrit pasi e para, e firmosur më datë 3 nëntor, ishte kthyer mbrapa pa u hapur.
Kjo ka detyruar SPAK që të nisë një tjetër fletë thirrje, që mban datën 7 nëntor, këtë herë jo më vetëm në banesën e ish Kryeministrit, por edhe në adresat e tij në Kuvendin e Shqipërisë dhe Selinë e Partisë Demokratike.
Më herët në SPAK janë pyetur në cilësinë e personave që kanë dijeni edhe ish drejtori i Policisë se Shtetit Hysni Burgaj dhe ish-zëvendësi i tij Agron Kulicaj. Ish drejtues të lartë të Partisë Socialiste, pjesëmarrës në protestë, mes tyre edhe Sajmir Tahiri si dhe dëshmitarë në vendngjarje kanë dhënë gjithashtu versionin e tyre.
Ndërkohë, SPAK ka urdhëruar një sërë ekspertizash të reja balistike dhe po analizon një audio-regjistrim të dorëzuar nga familja e Aleks Nikës, ku dyshohet se dëgjohet urdhri për të qëlluar mbi protestuesit.
21 janarin e vitin 2011, gjatë një proteste të organizuar nga opozita e atëhershme socialiste, përballë Kryeministrisë, u vranë Ziver Veizi, Faik Myrtaj, Hekuran Deda dhe Aleks Nika. Gjykatat shqiptare dënuan vetëm dy gardistë për “vrasje nga pakujdesia”, ndërsa dy prej vrasjeve e Aleks Nikës dhe Hekuran Dedës mbetën pa autor. Ngjarja u konsiderua një krim shtetëror, dhe për vite me radhë drejtësia nuk arriti të zbardhë urdhrin dhe zinxhirin komandues të atij 21 janari.
Hetimet e reja të hapura nga SPAK në korrik të vitit 2024 synojnë pikërisht zbardhjen e plotë të përgjegjësive politike dhe institucionale të asaj dite, sipas urdhrit që erdhi nga një vendim i Gjykatës Evropiane të të Drejtave të Njeriut, Vetë GJEDNJ e quajti krim shtetëror dhe theksoi fort se zbardhja e 21 janarit është një detyrim që “ngjarje të tilla të mos përsëriten më në historinë e një kombi”.
Gjykata e Posaçme kundër Korrupsionit dhe Krimit të Organizuar (GJKKO) ka shpallur vendimin për ish-deputetin e PS Jurgis Çyrbja dhe bashkëpandehurit Altin Hajri e Ahmet Masha, të akuzuar për disa vepra penale të rënda që lidhen me tregimin e sekretit shtetëror dhe korrupsionin zgjedhor.
Sipas vendimit, Jurgis Çyrbja u shpall fajtor për tregim të sekretit shtetëror në disa episode, si dhe për përkrahje të autorit të krimit në katër raste dhe korrupsion në zgjedhje.
Në bashkim të dënimeve, gjykata i caktoi 3 vite burg, të cilat zbriten në 2 vite për shkak të gjykimit të shkurtuar.
Altin Hajri, i gjykuar në mungesë, u shpall fajtor për korrupsion në zgjedhje dhe tregim të sekretit shtetëror. Ai u dënua me 3 vite burg, të reduktuara në 2 vite pas aplikimit të gjykimit të shkurtuar.
Ndërkohë, Ahmet Masha u shpall fajtor për tregim të sekretit shtetëror dhe përkrahje të autorit të krimit. Për të, GJKKO vendosi 2 vite e 6 muaj burgim, të cilat u zbritën në 1 vit e 8 muaj për shkak të gjykimit të shkurtuar.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim!
Prokuroria e Posaçme ka dhënë pretencën ndaj Jurgis Çyrbes, Ahmet Mashës dhe Altin Hajrit.
SPAK kërkoi 3 vite burg për ish-deputetin e PS Çyrbja, i cili nga dënimi i shkurtuar zbret në 2 vite.
Për Altin Hajrin, Prokuroria e Posaçme kërkoi gjithashtu tre vite burg, që po ashtu zbret në dy vite nga dënimi i shkurtuar, ndërsa për Ahmet Mashën u kërkua 2 vite e 6 muaj burg që zbret në 1 vit e 8 muaj.
Çyrbja dhe Hajri akuzohen për korrupsion në zgjedhjet e vitit 2021 dhe tregim të sekretit shtetëror, ndërsa Masha për përkrahje të autorëve të krimit.
Top Channel
Të shtëna me armë zjarri janë regjistruar sot në një konvikt të Universitetit Shtetëror të Oklahomës, duke lënë pas disa të vdekur dhe të plagosur.
Ngjarja e rënë u shënua në orën 3:40 të mëngjesit. Sipas autoriteteve, si pasojë e të shtënave kanë humbur jetën disa persona, mes tyre një student, por numri i saktë mbetet i papërcaktuar.
Ndërkohë disa të tjerë kanë mbetur të plagosur dhe po marrin ndihmën mjekësore.