Gjatë një interviste televizive, gazetari Basir Çollaku komentoi raportimet ndërkombëtare për përfshirjen e grupeve kriminale në Shqipëri dhe përdorimin e termit “narkoshtet” nga prokurorë e ekspertë të antimafias.
Çollaku theksoi se ky cilësim, i ardhur sipas tij nga institucione të huaja ligjzbatuese, ngre pyetje të rënda mbi mënyrën e funksionimit të shtetit, ndikimin e organizatave kriminale dhe rolin e qeverisë në këtë realitet. Ai iu referua operacioneve të fundit ndërkombëtare dhe zgjerimit të aktiviteteve të mafieve të huaja në Shqipëri, duke paralajmëruar se situata kërkon një reagim të koordinuar global dhe se shqetësimet tashmë janë bërë pjesë e debateve edhe në institucionet amerikane dhe europiane.
Basir Çollaku:
Emërtesa narko-shtet për Shqipërinë vjen nga prokurorët e antimafias, vjen nga ekspertët e luftës kundër krimit të organizuar, qofshin këta italianë, amerikanë, europianë, gjermanë, të botës demokratike, të zbatimit të ligjit, të partnerëve shqiptarë. Dhe ajo çfarë duhet të mundojë gjithkush kur lexon këto emërtesa, edhe zyrtarët sepse kur vijnë nga oficerë policie, nga prokurorë, nga gjyqtarë, nga njerëz që kanë dosje nëpër duar, që kanë procese nëpër duar, pyetja që të vjen është, ore, kemi narko-shtet?
Kush e drejton një narko-shtet? Një narko-shtet e drejton një trafikant droge. Se nuk mund ta drejtojë një kryeministër që lufton trafikun e drogës dhe vendi i drejtuar prej tij të jetë narko-shtet. Pra nuk rrinë bashkë. Luftëtari ndaj drogës dhe narko-shteti janë të kundërt. Në rastin kur ne jemi të tillë, jemi bërë falë lejimit, aksionit, kontributit të kreut të qeverisë në këtë emërtesë fatkeqe për shqiptarët, atëherë kjo do të thotë që po, Shqipëria drejtohet nga një bashkë-trafikant. Mos u çoni vetëm sepse organizatat kriminale, bordi i mafias, ka karriget e tyre ku hyn edhe kreu i qeverisë.
Po shohim në muajt e fundit që më tepër shtypi europian dhe amerikan po shkruajnë për përfshirjen e grupeve kriminale, organizatave kriminale ndërkombëtare, ndërkombëtare dhe në operacionin e fundit kujtojmë këtu që ishte mes strukturës së posaçme dhe antimafias së Brescias.
Kemi gjithmonë e më tepër, gjithmonë këto konstatime në këto aspekte, sepse terreni që mafia ka fituar në Shqipëri, këtë herë kishim Sacra Corona Unita-n, pra me gjeografinë e saj të shtrirë në Shqipëri për aktivitetet kriminale. Më përpara kemi hasur shpesh Ndrangheta-n, Sinaloa-n, pra grupe kriminale ndërkombëtare, sepse edhe gjeografia e aktivitetit të grupeve shqiptare e shtrirë tashmë si një fuqi narkotike në Amerikën Latine dhe në Europë, e bën këtë ushtri të trafikut, të krimit të organizuar, të mafias, të ketë shënduar dhe t’ia ketë marrë atë sipërfaqe të kontrollit ekzekutivit dhe agjencive të zbatimit të ligjit.
Pra jemi në një rast vërtet që kërkon një luftë ndërkombëtare dhe nuk mund ta bëjnë agjencitë e Shqipërisë, edhe për faktin se një pjesë e tyre janë të vetëpërfshirë. Ne shohim përpëlitjen dhe dëshpërimin e Ramës për duke u lutur për Ballukun, aq sa do të besoja se nesër do të dalë, aman mos e çoni Ballukun në të pezulluar se një ditë më vonë nuk do lindë as dielli.
Nuk do të dalë dielli po shkoi ajo në pezullim nga detyra. Pra, kjo lidhet njëkohësisht edhe me rreshtimin që po i bëhet kryeministrit. Krim, korrupsion, plaçkitje, grabitje, para publike, prona publike, offshore që përqasen nga milionat e krimit, të korrupsionit të dërguar, të eksportuar prej këtu, të riinvestuara në Europë. Tashmë ne jemi bërë çështje në Kongresin Amerikan, në Senatin Amerikan, nga Departamenti Amerikan…
Tag: shtet
-
“Alarmi vjen nga partnerët ndërkombëtarë”/ Çollaku: Mafia ka fituar terren në Shqipëri
-
Çollaku: Mafia ka fituar terren në Shqipëri, alarmi vjen nga partnerët ndërkombëtarë
Gjatë një interviste në emisionin ‘SYRI DIGJITAL’ në SYRI TV me moderatorin Bled Marku, gazetari Basir Çollaku komentoi raportimet ndërkombëtare për përfshirjen e grupeve kriminale në Shqipëri dhe përdorimin e termit “narkoshtet” nga prokurorë e ekspertë të antimafias.
Çollaku theksoi se ky cilësim, i ardhur sipas tij nga institucione të huaja ligjzbatuese, ngre pyetje të rënda mbi mënyrën e funksionimit të shtetit, ndikimin e organizatave kriminale dhe rolin e qeverisë në këtë realitet. Ai iu referua operacioneve të fundit ndërkombëtare dhe zgjerimit të aktiviteteve të mafieve të huaja në Shqipëri, duke paralajmëruar se situata kërkon një reagim të koordinuar global dhe se shqetësimet tashmë janë bërë pjesë e debateve edhe në institucionet amerikane dhe europiane.
Basir Çollaku: Emërtesa narko-shtet për Shqipërinë vjen nga prokurorët e antimafias, vjen nga ekspertët e luftës kundër krimit të organizuar, qofshin këta italianë, amerikanë, europianë, gjermanë, të botës demokratike, të zbatimit të ligjit, të partnerëve shqiptarë. Dhe ajo çfarë duhet të mundojë gjithkush kur lexon këto emërtesa, edhe zyrtarët sepse kur vijnë nga oficerë policie, nga prokurorë, nga gjyqtarë, nga njerëz që kanë dosje nëpër duar, që kanë procese nëpër duar, pyetja që të vjen është, ore, kemi narko-shtet? Kush e drejton një narko-shtet? Një narko-shtet e drejton një trafikant droge. Se nuk mund ta drejtojë një kryeministër që lufton trafikun e drogës dhe vendi i drejtuar prej tij të jetë narko-shtet. Pra nuk rrinë bashkë. Luftëtari ndaj drogës dhe narko-shteti janë të kundërt. Në rastin kur ne jemi të tillë, jemi bërë falë lejimit, aksionit, kontributit të kreut të qeverisë në këtë emërtesë fatkeqe për shqiptarët, atëherë kjo do të thotë që po, Shqipëria drejtohet nga një bashkë-trafikant. Mos u çoni vetëm sepse organizatat kriminale, bordi i mafias, ka karriget e tyre ku hyn edhe kreu i qeverisë.
Po shohim në muajt e fundit që më tepër shtypi europian dhe amerikan po shkruajnë për përfshirjen e grupeve kriminale, organizatave kriminale ndërkombëtare, ndërkombëtare dhe në operacionin e fundit kujtojmë këtu që ishte mes strukturës së posaçme dhe antimafias së Brescias.
Kemi gjithmonë e më tepër, gjithmonë këto konstatime në këto aspekte, sepse terreni që mafia ka fituar në Shqipëri, këtë herë kishim Sacra Corona Unita-n, pra me gjeografinë e saj të shtrirë në Shqipëri për aktivitetet kriminale. Më përpara kemi hasur shpesh Ndrangheta-n, Sinaloa-n, pra grupe kriminale ndërkombëtare, sepse edhe gjeografia e aktivitetit të grupeve shqiptare e shtrirë tashmë si një fuqi narkotike në Amerikën Latine dhe në Europë, e bën këtë ushtri të trafikut, të krimit të organizuar, të mafias, të ketë shënduar dhe t’ia ketë marrë atë sipërfaqe të kontrollit ekzekutivit dhe agjencive të zbatimit të ligjit. Pra jemi në një rast vërtet që kërkon një luftë ndërkombëtare dhe nuk mund ta bëjnë agjencitë e Shqipërisë, edhe për faktin se një pjesë e tyre janë të vetëpërfshirë. Ne shohim përpëlitjen dhe dëshpërimin e Ramës për duke u lutur për Ballukun, aq sa do të besoja se nesër do të dalë, aman mos e çoni Ballukun në të pezulluar se një ditë më vonë nuk do lindë as dielli. Nuk do të dalë dielli po shkoi ajo në pezullim nga detyra. Pra, kjo lidhet njëkohësisht edhe me rreshtimin që po i bëhet kryeministrit. Krim, korrupsion, plaçkitje, grabitje, para publike, prona publike, offshore që përqasen nga milionat e krimit, të korrupsionit të dërguar, të eksportuar prej këtu, të riinvestuara në Europë. Tashmë ne jemi bërë çështje në Kongresin Amerikan, në Senatin Amerikan, nga Departamenti Amerikan…
-
Ministeriali i OSBE/ Spiropali: Siguria në rajon fillon me njohjen e Kosovës si shtet i pavarur dhe sovran
Njohja e Kosovës si shtet i pavarur dhe sovran nuk është vetëm një akt drejtësie, por kusht themelor për sigurinë dhe përparimin e qëndrueshëm të të gjithë Ballkanit. Ky ishte mesazhi që ,ministrja për Evropën dhe Punët e Jashtme, Elisa Spiropali, përcolli gjatë punimeve të Ministerialit të 32-të të OSBE-së, që po zhvillohet në Vjenë të Austrisë.
“Siguria dhe përparimi i qëndrueshëm në rajonin tonë fillon me njohjen e Kosovës si shtet i pavarur dhe Sovran.”, theksoi Spiropali.
Në fjalën e saj para homologëve, kryediplomatja shqiptare u ndal gjatë tek sfidat e sigurisë globale dhe rajonale, duke lidhur stabilitetin e Evropës Juglindore drejtpërdrejt me realitetin e pakthyeshëm të shtetit të Kosovës.
Përveç çështjes rajonale, Spiropali rikonfirmoi qëndrimin e palëkundur të Shqipërisë në krah të Ukrainës dhe Perëndimit. Ajo dënoi agresionin rus, duke theksuar se Tirana zyrtare mbetet e angazhuar për mbrojtjen e ligjit ndërkombëtar dhe dinjitetit njerëzor.
Përmes një reagimi në rrjetet sociale pas takimit, Ministrja Spiropali nënvizoi: “Në Ministerialin e OSBE-së, rikonfirmova mbështetjen e plotë të Shqipërisë për ligjin ndërkombëtar, drejtësinë, llogaridhënien dhe dinjitetin njerëzor, përballë agresionit rus në Ukrainë. Paqja, stabiliteti dhe siguria kudo në Evropë, vijojnë të jenë prioritetet tona kryesore.” -
‘Atentat ndaj demokracisë’/ Gjekmarkaj në Kuvend: E gjithë qeveria e pandehur!
Nga foltorja e Kuvendit, deputeti Agron Gjekmarkaj e cilësoi situatën aktuale në vend si një “atentat ndaj demokracisë shqiptare”. Gjatë fjalimit të tij, deputeti deklaroi se e gjithë qeveria dhe mazhoranca janë “të pandehura” dhe nuk gjejnë fuqinë morale për t’u pastruar, duke paralajmëruar se “këmbanat po bien për ju”.
Në qendër të deklaratës së të tij ishin zgjedhjet, për të cilat Gjekmarkaj pohoi se u zhvilluan “nën peshën e korrupsionit dhe diktatin e krimit të organizuar”. Ai iu referua raportit të OSBE/ODIHR-it, të cilin e quajti një “akt zyrtar ndërkombëtar politik” që mazhoranca po tenton ta anashkalojë, por “ju rri mbi kokë si Xhebraili”.
Sipas Gjekmarkajt, Shqipëria është kthyer në një “tokë të askujt”, ku jeta e njeriut ka humbur vlerën dhe krimi është bërë normë.
Deputeti opozitar tha se shteti është privatizuar dhe veshur me ngjyrat e partisë në pushtet, ku institucionet publike, administrata dhe fondet janë përdorur si instrument elektoral.
“Ky është modeli i një pushteti që nuk kërkon më legjitimitet, por kërkon bindje përmes frikës dhe heshtje përmes blerjes,” deklaroi ai, duke shtuar se ky model po vret besimin dhe po instalon kontrollin.
Deputeti theksoi gjithashtu se shqetësimi për situatën në Shqipëri është edhe ndërkombëtar, duke përmendur deklarata nga zyrtarë të lartë amerikanë, të cilët kanë paralajmëruar se “pluralizmi në Shqipëri po shuhet”.
Sipas Gjekmarkajt, mesazhet nga Presidenti Trump dhe senatori Rubio kundër karteleve të drogës janë një tjetër sinjal i qartë. Në përfundim të fjalimit të tij, ai bëri thirrje për zgjedhje të lira e të ndershme, një shtet neutral dhe institucione të pavarura, duke e cilësuar këtë si një betejë jo për poste, por për dinjitetin e popullit shqiptar dhe të ardhmen e vendit.
Deklarata e plotë:
“Të nderuar deputetë, qytetarë dhe miq të lirisë.
Sot flas për të mbështetur revoltën ndaj qeverisë Rama-Balluku. Sot e pandehur është e gjithë qeveria dhe mazhoranca që nuk gjen dot forcë morale për katarsis.
Ju spostuat raportimin e komisionerit për zgjedhjet, por jo raportin përfundimtar të OSBE-ODIHR-it, i cili provon se demokracisë shqiptare iu bë atentat. Zgjedhjet u zhvilluan nën korrupsion, ndikim të krimit, frikë dhe shtet të shkrirë me partinë.
Burimet publike, administrata, fondet dhe komunikimi institucional u përdorën si instrument elektoral të partisë në pushtet. E thotë ODIHR-i, jo opozita. Mbi 4500 aktivitete zyrtare u përdorën si fushatë e maskuar. Në qarkun e Fierit u pa shkrirja totale e shtetit me partinë. Raporti flet qartë për blerje votash, presion ndaj qytetarëve, ndikim të grupeve kriminale, shkelje të fshehtësisë së votës dhe votim familjar.
Punonjësit e administratës u vunë nën presion, detyrim për të marrë pjesë në aktivitete të partisë, frikësim për vendin e punës, patronazhimi si mjet kontrolli. Një shtet që përdor punonjësit si militantë nuk është shtet i qytetarëve, por i partisë.
Shtetet e Bashkuara po flasin: pluralizmi në Shqipëri po shuhet. Presidenti Trump dhe Sekretari i Shtetit Rubio paralajmëruan për luftën ndaj karteleve të drogës dhe bashkëpunëtorëve të tyre. Këmbanat po bien për ju.
Institucionet, zgjedhjet dhe mekanizmat e kontrollit publik janë kapur nga një parti e vetme. KQZ, AMA, RTSH dhe çdo institucion i pavarur nuk i shërbejnë më publikut, por qeverisë. Mbi 90% e medias është nën kontroll indirekt të pushtetit. Kjo nuk është demokraci funksionale, por një autokraci e maskuar.
Viti elektoral u karakterizua nga përndjekje penale e liderëve të opozitës, tension, presion ndaj kundërshtarëve. Një shoqëri që trembet nga drejtësia, thjesht nuk ka drejtësi.
Ne kërkojmë ato që Shqipëria ka firmosur prej dekadash: zgjedhje të lira e të ndershme, shtet neutral, institucione të pavarura dhe një republikë që i takon popullit, jo partisë.
Demokracia është e fortë vetëm kur qytetarët nuk kanë frikë.
Ju po shkoni drejt marrëzisë nga frika juaj, ndërsa qytetarët shumë shpejt do të rigjejnë vetëdijen për t’u çliruar prej jush. Faleminderit”. -
Papa kërkon shtet palestinez: Ndryshe, konflikti nuk do të zgjidhet kurrë
Një shtet palestinez është “zgjidhja e vetme” për konfliktin disa dekadash me Izraelin, deklaroi Papa Leoni XIV, duke dëshmuar kështu se i qëndron linjës së deritanishme të Vatikanit.
Papa i parë amerikan i bëri këto komente për gazetarët në një fluturim nga Turqia për në Liban, ku edhe përmbyllet turi i tij i parë jashtë kufijve që prej marrjes së drejtimit të Kishës Katolike.
“Ne e dimë që në këtë moment, Izraeli nuk e pranon këtë zgjidhje, por e shohim atë si të vetmen që mund të ofrojë një zgjidhje finale për konfliktin e përjetuar nga të dyja palët. Ne jemi gjithashtu miq edhe me Izraelin dhe përpiqemi që me të dyja palët të kthehemi në një zë ndërmjetësues që mund t’i ndihmojë ata të arrijnë një zgjidhje me drejtësi për të gjithë”, shprehet Papa.
Papa, që e shmangu çdo përmendje të drejtpërdrejtë të luftës së Izraelit në Gaza gjatë qëndrimit në Turqi, shtoi se Ankaraja mund të luajë një rol të rëndësishëm për mbylljen e këtij konflikti, si edhe luftës së Ukrainës. Kryeministri i Izraelit, Benjamin Netanyahu, e përsëriti kundërshtinë e tij ndaj një shteti palestinez pasi edhe aleati më i madh i shtetit hebre, SHBA-ja dha shenja mbështetje për mëvetësinë palestineze. Leoni ishte në Turqi i nga e enjtja deri të dielën në udhëtimin e tij të parë jashtë shtetit që nga zgjedhja e tij në maj si udhëheqës i Kishës Katolike me 1.4 miliard anëtarë. Gjatë vizitës së tij në Turqi, Papa paralajmëroi se e ardhmja e njerëzimit ishte në rrezik për shkak të numrit të pazakontë të konflikteve të përgjakshme në botë dhe dënoi dhunën në emër të fesë.
Turqia është kryesisht myslimane, por është gjithashtu shtëpia e Patriarkut Ekumenik Bartolomeu, udhëheqësit shpirtëror të 260 milionë të krishterëve ortodoksë në botë. -
Berisha: Kandidatët e primareve i kam takuar. Angazhimi ynë total ka qenë në mbrojtjen e votës përballë partisë-shtet
Kreu i PD-së, Sali Berisha, u shpreh se kandidatët e primareve të partisë janë takuar ose kontaktuar të gjithë, duke theksuar se askush nuk është i përjashtuar dhe çdo anëtar ka të drejtë të marrë pjesë në proceset e brendshme.
Ai nënvizoi se gjatë këtij procesi, sfida kryesore ka qenë angazhimi i plotë për mbrojtjen e votës së qytetarëve dhe denoncimi i farsës elektorale të krijuar nga kryeministri Edi Rama. Berisha kujtoi raportet e organizatave ndërkombëtare, duke përfshirë OSBE-ODIHR dhe Këshillin e Europës, që faktojnë se zgjedhjet e 11 majit 2025 u mbajtën nën kushte të partisë-shtet dhe ishin një farsë e vërtetë elektorale.
Ai theksoi se ky proces tregon se çdo demokrat dhe opozitar ka të drejtë legjitime të luftojë për rivendosjen e votës së lirë dhe për përmbysjen e një pushteti që përdor administratën, paratë publike dhe çdo instrument shtetëror për të manipuluar rezultatin zgjedhor.
Pjesë nga deklarata:
Kandidatët e primareve në tërësi i kam takuar ose i kam telefonuar. Vetë Salianji ka qenë disa herë në këtë zyrë, Ilir Alimehmeti edhe më shpesh. Në këtë kontekst askush nuk është i përjashtuar në këtë parti.
Po ka patur një problem serioz dhe ky problem ka qenë angazhimi ynë total në mbrojtjen e votës. Në rast se ju rikujtoni deklaratat e mia, ato kanë qenë dy.
E para me Edi Ramën zgjedhje nuk ka dhe kjo është përsëritur dhjetëra e dhjetëra herë.
Unë jam kryeministër dhe unë e di se, në rast se një kryeministër vendos të mos zhvillojë zgjedhje, por farsë, opozita nuk i fiton kurrë ato zgjedhje.
Ka të gjitha mjetet, siç thotë raporti i OSBE-ODIHR, të gjithë potencialin e madh për të rrëmbyer votën, për të shndërruar zgjedhjet në një farsë. Dhe Edi Rama është i tillë dhe unë këtë e kam denoncuar me dhjetëra herë.
Por kam bërë një zotim tjetër, krahas kësaj. Zotimi ka qenë se do të mbroj votën. Çfarë do të thotë kjo. Pra do të bëj gjithçka për të vërtetuar se ishin zgjedhje apo farsë, se ishte votë e lirë apo e rrëmbyer.
Dhe kjo mendoj unë u realizua për herë të dytë në historinë e këtij vendi, u realizua për herë të dytë pas vitit 2001. U bë një përpjekje shumë e madhe, por një përpjekje në këtë aspekt plotësisht të suksesshme.
Tre raportet, e tre organizatave më të mëdha ndërkombëtare që erdhën së bashku dhe vëzhguan zgjedhjet dhe raporti i tyre i përbashkët faktojnë se 11 maji i 2025 ishte një farsë e vërtetë elektorale.
Po të marr raportin më të shkurtër të tyre, atë të Këshilli të Europës. Nëse ju lexoni me interes rekomandimet, njëri prej rekomandimeve bazë është në Shqipëri të ndahet partia nga shteti.
Çfarë nënkupton kjo? Kjo nënkupton se zgjedhjet në Shqipëri u mbajtën në kushtet e partisë-shtet. Zgjedhjet që zhvillohen në kushtet e partisë-shtet nuk janë kurrë më të lira, por janë thjeshtë farsë elektorale.
Mund të imagjinoni ju, një parti-shtet që organizon në periudhën kohore të ndaluara për aktivitete 4500 aktivitete elektorale në mënyrë që të ndikojë te zgjedhësi.
Që përdor 100 euro për çdo pensionist për të blerë vota.
Që fal, 1 miliardë. Gjer këto kohë kemi thënë 200 milionë. Jo. Llogaritjet treguan se janë falur 1 miliardë e 700 milionë gjoba dhe kamata të 10 viteve të fundit.
Që licencon mbjelljen e 28 mijë hektarëve kanabis në vend.
Që përdor administratën si një ushtri elektorale në kundërshtim flagrant me ligjin dhe parimet ndërkombëtare.
Pra janë ky kompleks faktorësh i cili bëri të mundur që ne ti dalim zot votës së shqiptarëve, në kuptimin ligjor shqiptar dhe ndërkombëtar.
Kjo do të thotë se, çdo demokrat e demokrate, çdo opozitar dhe opozitare e ka legjitime betejën për përmbysjen e këtij pushteti dhe rivendosjen e votës së lirë. Dhe ky nuk është një rezultat i vogël. Kjo është realizuar dhe në vitin 2001, nëse ju kujtohet që u konkludua me një president konsensual, formulë e cila sot opozitës në vlerësim tim më të madh nuk i intereson. -
Noka: Rama këshilloi edhe kryeministrin spanjoll të mos ikte
Sekretari i Përgjithshëm i PD-së, Flamur Noka ka reaguar sërish ndaj hetimeve që SPAK po kryen mbi Belinda Ballukun. Për të standardet demokratike në vend janë shkelur rëndë dhe se në çdo shtet europian përgjegjësit politikë do të kishin dhënë dorëheqjen.
”Po të kishte standard demokratik, po të ndodhte në një shtet të Evropës, do jepnin dorëheqje të gjithë. Po ky nuk jep dorëheqje. Ky këshilloi edhe kryeministrin spanjoll për një rast korrupsioni të gruas, ‘mos jep dorëheqje’, i tha. Ku njeh dorëheqje ky?”, u shpreh Noka, duke iu referuar Ramës.
Ai theksoi se sipas tij situata e korrupsionit ka degraduar në nivele të rrezikshme, duke akuzuar qeverinë se ka krijuar një sistem të kontrolluar nga afera dhe grupe të interesit. -
“Vetëm BE di të ndërtojë një shtet”/Rama sulmon SHBA-në: I zgjidhin gjërat me bomba!
Kryeministri Edi Rama, ka sulmuar sërish SHBA-në gjatë një interviste të zhvilluar këtë të enjte për gazetën austriake ‘Die Presse’.
Teksa po fliste për procesin e integrimit në Bashkimin Europian, Rama është shprehur se vetëm BE di të bëjë shtet, ndërsa SHBA, sipas tij i rregullon gjërat me bomba dhe pastaj bën predikime.
“Po bëjmë këtë detyrë që ta bëjmë Shqipërinë ndryshe. Dhe ta bëjmë Shqipërinë më… më evropiane, më demokratike, më të bazuar te institucionet e veta e jo te figurat e veta, e kështu me radhë. Pra, Bashkimi Evropian është i vetmi burim i këtij lloj përvoje. Nuk e gjen askund tjetër. Po marr shembullin e Afganistanit apo Irakut. Ata dështuan keq sepse nuk e kanë perspektivën e Bashkimit Evropian. Dhe sepse askush tjetër nuk di të ndërtojë një shtet me institucione. Amerikanët nuk kanë durim për këtë punë.
Ata e kanë filozofinë e rregullimit të gjërave me bomba. Dhe pastaj me predikime. Por… procesi i gjatë është diçka që vetëm Bashkimi Evropian di ta bëjë. Dhe diçka që vetëm Evropa e ka, le ta quajmë një thesar — s’po them thesar kombëtar se s’është vetëm një komb, është thesar i këtij kontinenti,” është shprehur Rama.
I pyetur nga gazeta nëse çështja e pastrimit të parave rrezikon negociatat për integrimin, Rama u shpreh se sipas tij kjo zhurmë kaq e madhe është qesharake.
“Mendoj se Tirana apo Shqipëria është thjesht një vend shumë i vogël ku të pastrohen para. Është thjesht një pjesë e jona. Kemi një shprehje: “më mirë mut se i vogël”. Po, kemi probleme, por nuk janë të tilla që të kthehen në problem për Europën, kjo është çmenduri,” ka deklaruar Rama. -
“A ka shtet apo jo?”/ Bllokohet kalimi në Unazë, banorët e zonës së “Brrylit” protestojnë: Këtu është kasaphanë…
Banorë të zonës së Byrrylit në Tiranë janë ngritur në Protestë për të kundërshtuar ndërhyrjen e strukturave të Bashkisë për mbylljen e një kalimi në Unazën, ç’ka sipas tyre i pengon në jetën e përditshme.
“Këtu është kasaphanë. Para një ore që ishit ju u fshehën nëpër lokale këto. Sapo iku media dolën këto. I kemi bërë kërkesë Komisariatit nr.1. E kemi bërë kërkesën më datë 17, pezullim vendimi sepse është mosha e tretë dhe e katërt. Lidhet ambulanca e specialiteteve nr.1 dhe e lagjes nr.2. Ku do shkojnë këto banorë? Nuk bëhet me forcë”, u shpreh një prej banorëve.
“Janë dy ambulanca, ambulanca 1 dhe Irakiani. Ne kemi fëmijë, duhet të bëjmë bashkëpunim, të na vendosin vijat e bardha, të kalojmë, të çojmë fëmijët. Tani ne me fëmijë në krahë, ti marrim ti çojmë në fund tek “Brryli” të kthehemi lart për ti çuar në ambulanë. Ka shtet apo nuk ka shtet?”, u shpreh një protestante tjetër. -
Berisha ankohet në Brazil dhe nxin Shqipërinë: BE nuk na dëgjon për narkoshtetin
Kreu i PD-së, Sali Berisha, ka pranuar se Bashkimi Europian nuk u jep peshë akuzave të tij se Shqipëria është shndërruar në një narko-shtet.
Komentet i bëri gjatë një forumi të partive të qendrës së djathtë në Brazil, ku bëri me dije se është miratuar edhe një rezolutë që ngre shqetësime për situatën politike në vend.
“Në Europë, askush nuk do të na dëgjojë të flasim për narko-shtetin. Ky është një problem i madh.
E kundërta, ndonjëherë na sulmojnë pse ne flasim për narko-shtetin. Kushdo që lexon dhe shikon, Shqipëria i plotëson të gjitha kriteret për të qenë një narko-shtet”, tha Berisha.