Lajmidites.com

Tag: shtatorit

  • Ishte shpallur në kërkim për atentatin e shtatorit në Shkodër, arrestohet 17-vjeçari Danjel Ndreu

    Ishte shpallur në kërkim për atentatin e shtatorit në Shkodër, arrestohet 17-vjeçari Danjel Ndreu

    Foto nga atentati në Shkodër

    SHKODËR- Ka rënë në prangat e policisë 17-vjeçari i shpallur në kërkim për atentatin e ndodhur në fillim të shtatorit në Shkodër. I arrestuari është i riu Danjel Ndreu, i cili dyshohet se ka bashkëpunuar në atentatin mafioz të 8 shtatorit, nga i cili mbetën të vrarë Liridon Kraja dhe Armando Pali. Ndërsa të plagosur mbetën Erogen Brajoviç dhe kamarierja e lokalit Meri Kaceri. Arrestimi i tij u bë i mundur gjatë një kontrolli rutinë të policisë. Në makinë iu gjetën disa doza lënde narkotike, kokainë. Ndreu ishte shpallur në kërkim edhe për vjedhjen e një motorri në muajin gusht.
    Si ndodhi ngjarja?
    Ishte mëngjesi i 8 shtatorit në Shkodër, kur një breshëri plumbash u dëgjua pranë lokalit në lagjen Kolë Idromeno, pranë Bashkisë Shkodër. Armando Pali, punonjës i IKMT-së, dhe Erogen Brajoviç, i cili është vëllai i të arrestuarit Denis Brajoviç (Bajri), po pinin kafe kur u qëlluan nga 29-vjeçari Ragip Gila, i cili kishte pak muaj që kishte dalë nga burgu dhe ishte arrestuar në vitin 2023 për armë e municion.

    Shënjestër ishte Erogen Brajoviç, alias Vaso, por breshëria e plumbave goditi pesë persona, mes tyre kamarieren 25-vjeçare Meri Kaceri dhe një grua që ndodhej rastësisht në vendngjarje. Në këtë atentat mbetën të vrarë Armando Pali, punonjës i IKMT-së dhe ish-anëtar i Këshillit Bashkiak në Shkodër, dhe Liridon Kraja (Lushi), truproja e Erogen Brajoviç. Ragip Gila deklaroi para bluve se objektivi i tij ishte vetëm Erogen Bajri, pasi sipas tij  ka pasur probleme personale me të. 

    “Objektivi im ishte vetëm Erogen Vaso pas një problemi personal me të. Erogen Vaso ka ndenjur duke më ka kërcënuar dhe kisha probleme me të. Më ka bërë si i fortë dhe më ka çuar fjalë. E kam patur personale vetëm me Ergogen Vason dhe doja të qëlloja vetëm atë. Pra kam patur probleme personale me të.”- është shprehur Gila. /Zëri

  • Atentati i 8 shtatorit/ Arrestohet 17-vjeçari nga Shkodra, dyshohet se bashkëpunoi me autorët

    Atentati i 8 shtatorit/ Arrestohet 17-vjeçari nga Shkodra, dyshohet se bashkëpunoi me autorët

    Policia e Shkodrës ka vënë në pranga 17-vjeçarin Danjel Ndreu, i cili ishte shpallur në kërkim si i dyshuar për bashkëpunim në atentatin e 8 shtatorit në qendër të qytetit.

    Ngjarja e rëndë solli humbjen e jetës së Armando Palit dhe Liridon Krajës, ndërsa mbetën të plagosur Erogen Vaso shënjestra e dyshuar e sulmit dhe kamariere Meri Kaceri.

    I mituri u ndalua nga forcat “Shqiponja” gjatë një kontrolli rutinë, ku iu gjetën disa doza kokaine. Pas shoqërimit në komisariat, rezultoi se ai kërkohej gjithashtu edhe për vjedhjen e një motori në muajin gusht.

    Pritet të përcaktohet cilat akuza do të formalizojë Prokuroria e Shkodrës ndaj Ndreut në vijim.
    gijotina.com/

  • Në kërkim për atentatin e 8 shtatorit në Shkodër, arrestohet 17-vjeçari, iu gjet edhe kokainë

    Në kërkim për atentatin e 8 shtatorit në Shkodër, arrestohet 17-vjeçari, iu gjet edhe kokainë

    Policia e Shkodrës ka vënë në pranga 17-vjeçarin Danjel Ndreu, i cili ishte shpallur në kërkim si i dyshuar për bashkëpunim në atentatin e 8 shtatorit në qendër të qytetit.
    Ngjarja e rëndë solli humbjen e jetës së Armando Palit dhe Liridon Krajës, ndërsa mbetën të plagosur Erogen Vaso shënjestra e dyshuar e sulmit dhe kamariere Meri Kaceri.
    I mituri u ndalua nga forcat “Shqiponja” gjatë një kontrolli rutinë, ku iu gjetën disa doza kokaine. Pas shoqërimit në komisariat, rezultoi se ai kërkohej gjithashtu edhe për vjedhjen e një motori në muajin gusht.
    Pritet të përcaktohet cilat akuza do të formalizojë Prokuroria e Shkodrës ndaj Ndreut në vijim.

  • PD kërkon shkarkimin e Peleshit: Ka shkelur Kushtetutën dhe Rregulloren gjatë seancave të shtatorit

    PD kërkon shkarkimin e Peleshit: Ka shkelur Kushtetutën dhe Rregulloren gjatë seancave të shtatorit

    36 deputetë të Grupit Parlamentar të Partisë Demokratike kanë depozituar pranë Këshillit për Legjislacionin një kërkesë për shkarkimin e Niko Peleshit nga detyra e Kryetarit të Kuvendit. Në relacionin e dorëzuar më 19 shtator 2025, demokratët argumentojnë se Peleshi ka kryer “shkelje të rënda të Kushtetutës dhe Rregullores së Kuvendit” gjatë seancave plenare të datave 16 dhe 18 shtator, duke tejkaluar kompetencat e tij dhe duke penguar debatin parlamentar.

    Në dokumentin zyrtar të depozituar në Kuvend, nënshkruar nga 36 deputetë të opozitës, thuhet se Kryetari i Kuvendit ka vepruar në kundërshtim me nenin 75 të Kushtetutës dhe nenin 114 të Rregullores së Kuvendit, duke mos respektuar procedurat ligjore gjatë thirrjes dhe zhvillimit të seancave parlamentare.

    Pas kërkesës, Shërbimi Juridik i Kuvendit vlerësoi se ajo plotësonte të gjitha kriteret formale, dhe se, sipas parimit të rotacionit shumicë–pakicë, Këshilli për Legjislacionin do të drejtohej nga deputetja demokrate Aulona Bylykbashi.

    Me urdhër të vetë Peleshit, mbledhja e parë e Këshillit u thirr më 6 tetor, ku nisi shqyrtimi i kërkesës për shkarkim.

    Në mbledhjet e zhvilluara më 6, 14 dhe 28 tetor, relatorët Ivi Kaso (PD) dhe Damian Gjiknuri (PS) paraqitën raportet përkatëse. Ndërsa Kaso kërkoi nisjen e procedurës së shkarkimit, duke e konsideruar kërkesën të bazuar në shkelje substanciale, Gjiknuri e kundërshtoi këtë pretendim. Për shkak të ndarjes së barabartë mes shumicës dhe pakicës, në seancë plenare do të paraqiten dy raporte të ndara.

    Akti i parë: Seanca e 16 shtatorit

    Sipas relacionit të PD-së, seanca e 16 shtatorit u thirr në kundërshtim me afatet kushtetuese dhe rregullore, pasi u njoftua më pak se 24 orë më parë. Opozita pretendon se Peleshi ka lejuar shqyrtimin dhe miratimin e ndryshimeve në Rregulloren e Kuvendit pa respektuar afatin minimal njëjavor nga depozitimi i kërkesës, siç përcaktohet nga neni 83 i Kushtetutës. Gjithashtu, demokratët e akuzojnë për mohimin e të drejtës së diskutimit të deputetëve, duke shkelur nenin 75 të Kushtetutës dhe nenin 117 të Rregullores.

    Akti i dytë: Seanca e 18 shtatorit

    Në seancën e 18 shtatorit, ku u prezantua programi politik dhe përbërja e Këshillit të Ministrave, PD akuzon Peleshin për “cenim të rëndë të rendit kushtetues parlamentar”. Sipas relacionit, gjatë seancës Kryeministri Edi Rama ndërpreu fjalën për t’ia kaluar “një ministre virtuale”, gjë që opozita e cilëson si “akt karagjoz” dhe fyes për institucionin e Kuvendit. Demokratët theksojnë se kërkesat e tyre për fjalën në procedurë u mohuan në mënyrë të njëanshme, duke u hequr të drejtën për debat mbi programin e qeverisë, në kundërshtim me nenin 97 të Kushtetutës dhe nenin 110 të Rregullores.

    Në përmbyllje të relacionit, Partia Demokratike deklaron se veprimet e Kryetarit të Kuvendit kanë minuar parimet e ndarjes së pushteteve dhe kanë transformuar institucionin më të lartë të përfaqësimit në “instrument të mazhorancës qeverisëse”. Kërkesa e PD-së pritet të shqyrtohet në seancë plenare, ku do të paraqiten dy raportet e Këshillit për Legjislacionin – një pro dhe një kundër shkarkimit të Niko Peleshit.

  • Kryengritja e armatosur e 14 shtatorit, ish-truproja: Nano iku në një vilë në Strugë dhe u kthye në Shqipëri…

    Kryengritja e armatosur e 14 shtatorit, ish-truproja: Nano iku në një vilë në Strugë dhe u kthye në Shqipëri…

    Tori Agolli, ish-truproja i kryeministrit Fatos Nano, ishte i ftuar ditën e sotme në “Studio Live” me Ermal Qorin në Report Tv. 
    Ai foli edhe për kryengritjen e armatosur të 14 shtatorit 1998, ku u sulmuan disa prej institucioneve të shtetit si Kryeministria, RTSH, Gjykata Kushtetuese, Ministria e Drejtësisë, Ministria e Kulturës apo Kuvendi. 
    Ish-truproja tregoi se përse Fatos Nano, kryeministër në atë kohë, u largua nga vendi, drejt Strugës. 
    “Për hir të së vërtetës ka qenë 14–15 shtatori i vitit 1998. Për ca arsye që nuk dua t’i them, në ato kohë më bënë një puç, më larguan nga grupi i Nanos. Shokët e mi ishin… Fatos Nano ka ikur, ka ikur në një vilë në Strugë. Iku se në të gjitha vendet e botës ka vendstrehime për qeveritarë të nivelit të lartë, këtu nuk kishte, se ishin shkatërruar. Ka ikur më datë 14, ka ardhur më 15 në orën 2”,- tha Agolli. 
    Teksa përsëriste lutjet e përzemërta për shërimin e Nanos, i cili prej  2 javësh ndodhet i shtruar në reaminacion në gjendje të rëndë shëndetësore, Agolli tha se për kujdesin e tij, në vend ka ardhur dhe një ekip mjekësh nga Italia. 
    “Ju bëj thirrje edhe juve si studio, edhe gjithë studiove të tjera dhe atyre që shkruajnë: njeriu është njeri, edhe ai që është kryeministër, edhe ai që nuk di të shkruajë. Të shkruash që ndërron jetë pa ndërrar jetë është skandal. Fatos Nano pësoi një atak kardiak respirator, u shtrua në një spital privat, nën kujdesin e mjekëve dhe një grupi tjetër mjekësh italianë. Nga burimet e mia shëndeti shanset janë se do të zgjohet”,- tha Agolli. 
    Ai kujtoi me admirim marrëdhëniet e shkëlqyera të ish-kryeministrit me ndërkombëtarët. 
    “Me Berlusconin dhe Tayyip Erdoğanin kanë qenë miq të ngushtë. Berlusconi dhe Fatos Nano kanë qenë jo vetëm në finalen e Milanit me Liverpoolin, por edhe te dasma e djalit të Erdoğanit. Angela Merkel fliste me superlativa për Fatos Nanon”,- tha ndër të tjera ish-truproja. 
    Po ashtu, ai solli në vëmendje faktin që Nano ishte një poliglot i jashtëzakonshëm, pasi zotëronte shumë mirë 6 gjuhë të huaja. 
    “Ishte në kongresin e socialdemokratëve malazezë dhe gjatë fjalimit që po mbante Nano, përkthyesi që ishte malazez nuk dinte të përkthente çfarë po thoshte Nano, dhe ai i tha: “Mos u shqetëso” dhe filloi ta përkthente vetë”,- tha ish-truproja. 
     
     
     
     

  • Kryengritja e armatosur e 14 shtatorit, ish-truproja: Nano iku në një vilë në Strugë dhe u kthye në Shqipëri… (VIDEO)

    Kryengritja e armatosur e 14 shtatorit, ish-truproja: Nano iku në një vilë në Strugë dhe u kthye në Shqipëri… (VIDEO)

    Tori Agolli, ish-truproja i kryeministrit Fatos Nano, ishte i ftuar ditën e sotme në “Studio Live” me Ermal Qorin në Report Tv. 
    Ai foli edhe për kryengritjen e armatosur të 14 shtatorit 1998, ku u sulmuan disa prej institucioneve të shtetit si Kryeministria, RTSH, Gjykata Kushtetuese, Ministria e Drejtësisë, Ministria e Kulturës apo Kuvendi. 
    Ish-truproja tregoi se përse Fatos Nano, kryeministër në atë kohë, u largua nga vendi, drejt Strugës. 
    “Për hir të së vërtetës ka qenë 14–15 shtatori i vitit 1998. Për ca arsye që nuk dua t’i them, në ato kohë më bënë një puç, më larguan nga grupi i Nanos. Shokët e mi ishin… Fatos Nano ka ikur, ka ikur në një vilë në Strugë. Iku se në të gjitha vendet e botës ka vendstrehime për qeveritarë të nivelit të lartë, këtu nuk kishte, se ishin shkatërruar. Ka ikur më datë 14, ka ardhur më 15 në orën 2”,- tha Agolli. 
    Teksa përsëriste lutjet e përzemërta për shërimin e Nanos, i cili prej  2 javësh ndodhet i shtruar në reaminacion në gjendje të rëndë shëndetësore, Agolli tha se për kujdesin e tij, në vend ka ardhur dhe një ekip mjekësh nga Italia. 
    “Ju bëj thirrje edhe juve si studio, edhe gjithë studiove të tjera dhe atyre që shkruajnë: njeriu është njeri, edhe ai që është kryeministër, edhe ai që nuk di të shkruajë. Të shkruash që ndërron jetë pa ndërrar jetë është skandal. Fatos Nano pësoi një atak kardiak respirator, u shtrua në një spital privat, nën kujdesin e mjekëve dhe një grupi tjetër mjekësh italianë. Nga burimet e mia shëndeti shanset janë se do të zgjohet”,- tha Agolli. 
    Ai kujtoi me admirim marrëdhëniet e shkëlqyera të ish-kryeministrit me ndërkombëtarët. 
    “Me Berlusconin dhe Tayyip Erdoğanin kanë qenë miq të ngushtë. Berlusconi dhe Fatos Nano kanë qenë jo vetëm në finalen e Milanit me Liverpoolin, por edhe te dasma e djalit të Erdoğanit. Angela Merkel fliste me superlativa për Fatos Nanon”,- tha ndër të tjera ish-truproja. 
    Po ashtu, ai solli në vëmendje faktin që Nano ishte një poliglot i jashtëzakonshëm, pasi zotëronte shumë mirë 6 gjuhë të huaja. 
    “Ishte në kongresin e socialdemokratëve malazezë dhe gjatë fjalimit që po mbante Nano, përkthyesi që ishte malazez nuk dinte të përkthente çfarë po thoshte Nano, dhe ai i tha: “Mos u shqetëso” dhe filloi ta përkthente vetë”,- tha ish-truproja. 
     
     
     
     

  • Dosja e 14 shtatorit 1998, avokati Beqiri ‘fundos’ ish-kryeministrin: Padit Berishën dhe 9 të tjerë për..

    Dosja e 14 shtatorit 1998, avokati Beqiri ‘fundos’ ish-kryeministrin: Padit Berishën dhe 9 të tjerë për..

    Një tjetër dosje kundrejt ish-kryeministrit Sali Berisha ka përfunduar në SPAK. Kësaj radhe bëhet fjalë për organizimin e grushtit të shtetit me protagonist vetë Berishën më 14 shtator 1998 në Tiranë. Është avokati Idajet Beqiri që ka dorëzuar dosjen në SPAK më datë 15 tetor kundrejt ish-kryeministrit Berisha, Genc Pollos, Ridvan Bodes, Shaban Memisë, Pal Dajçit, Ekrem Spahiut, Frrok Gjinit, Dem Dollapit, Alfons Zenelit dhe Artur Bejzades. Në kallëzimin e avokatit Beqiri thuhet se kërkohet nisja e procedimit penal për këto akuza “Kryengritje e armatosur” dhe “Organizata kriminale”.
     
    “Në 14 shtator 1998, Partia Demokratike dhe kryetari i saj, Sali Berisha, kryen një Kryengritje të armatosur dhe disa akte terroriste. Një akt kriminal për ata që e përgatitën dhe e realizuan, traumatizues për shoqërinë shqiptare, i dhimbshëm për të gjithë ne që e përjetuam, i turpshëm për institucionet e shtetit tonë që nuk ishin në gjendje ta parandalonin dhe, kur ndodhi, ta shtypnin me forcën e ligjit”, thuhet në kallëzim.
    Më 14 shtator 1998 PD pushtoi me grupe të armatosura për disa orë Kryeministrinë, RTSH, Gjykatën Kushtetuese, Ministrinë e Drejtësisë, Ministrinë e Kulturës, ndërsa një granatë u hodh në zyrën e kryetarit të Kuvendit, Skënder Gjinushi. Ngjarjet erdhën si pasojë e vrasjes së Azem Hajdarit natën e 12 shtatorit 1998 dhe pas refuzimit të ultimatumit të Sali Berishës nga ana e kryeministrit Fatos Nano për të dhënë dorëheqjen.
     
    Personat ndaj të cilëve është depozituar kallëzimi
    Sali Berisha
    Ridvan Bode
    Genc Pollo
    Shaban Memia
    Pal Dajçi
    Ekrem Spahiu
    Frrok Gjini
    Dem Dollapi
    Alfons Zeneli
    Artur Bejzade

     
     
     
     

  • Ndërron jetë i riu që mbeti i plagosur në aksidentin e 6 shtatorit në Vlorë

    Ndërron jetë i riu që mbeti i plagosur në aksidentin e 6 shtatorit në Vlorë

    Ka ndërruar jetë i riu që një muaj e gjysmë pas një aksidenti të rëndë që ndodhi më 6 shtator, në orët e vona të mbrëmjes, në zonën e Fushë-Dukatës.
    Sipas burimeve i riu, i cili ishte plagosur rëndë në përplasjen mes dy automjeteve, kishte kaluar një periudhë të gjatë trajtimi në Spitalin e Traumës në Tiranë. Pas daljes nga spitali, ai kishte zhvilluar infeksione në plagët e marra gjatë aksidentit, gjë që e çoi në përkeqësim të menjëhershëm të gjendjes shëndetësore. Mësohet se pavarësisht ndërhyrjes urgjente mjekësore dhe transportimit të tij sërish drejt spitalit, i riu nuk ka mundur të mbijetojë.
    Ngjarja që i mori jetën të riut ndodhi në mesnatën e 6 shtatorit, rreth orës 01:30, në aksin rrugor Orikum–Himarë, në fshatin Dukat Fushë. Një automjet tip “Audi” ishte përplasur me një tjetër “Fiat”, duke shkaktuar katër të plagosur, mes tyre edhe 21-vjeçarin që humbi jetën pas disa javësh.
    Policia bëri me dije se nën hetim është vënë drejtuesi i “Audit”, Fadil Bodo, 22 vjeç, i cili dyshohet se ka qenë shkaktar i përplasjes për shkak të shpejtësisë së lartë. Nga aksidenti mbetën të plagosur edhe pasagjerët Flavio Qepi, 20 vjeç, dhe D.K., 21 vjeç, ky i fundit në gjendje të rëndë, si dhe drejtuesi i “Fiatit”, Gabriel Lazemetaj, 20 vjeç.
    Në njoftimin zyrtar të Policisë së Vlorës më 6 shtator thuhej:
    “Rreth orës 01:30, në aksin rrugor Orikum–Himarë, automjeti tip ‘Audi’, që drejtohej nga shtetasi F. B., 22 vjeç, është përplasur me automjetin tip ‘Fiat’ me drejtues shtetasin G. L., 20 vjeç. Si pasojë e aksidentit kanë mbetur të plagosur dy drejtuesit dhe dy pasagjerët e ‘Audit’, shtetasit F. Q. dhe D. K. Ky i fundit u transportua në Spitalin e Traumës për ndihmë mjekësore të specializuar.”
    Hetimet vijojnë Sipas të dhënave paraprake, përplasja ka ndodhur si pasojë e shpejtësisë së lartë dhe humbjes së kontrollit nga një prej automjeteve. Policia dhe Prokuroria e Vlorës po vijojnë hetimet për të zbardhur rrethanat e plota të ngjarjes që mori një jetë të re.

  • Me 73 vota kundër, PS rrëzon kërkesën e PD-s për mocion me debat për programin qeverisës

    Me 73 vota kundër, PS rrëzon kërkesën e PD-s për mocion me debat për programin qeverisës

    Rrëzohet kërkesa për mocion me debat e bërë nga opozita, për të përsëritur seancën plenare të 18 shtatorit, ku duhej të prezantohej plani dhe programi i qeverisë si dhe kabineti i ri qeveritar. Por me forcën e kartonëve, me 73 vota, kjo kërkesë është rrëzuar.
    Në seancën e 18 shtatorit pati debate të forta, ndërsa maxhoranca miratoi ndryshimet pa bërë debat dhe diskutime. Ndërkohë, opozita ka kërkuar përsëritjen e seancës në fjalë, gjë që është refuzuar.

  • Qiratë e banesave dhe librat shkollorë më të shtrenjtë se kurrë, inflacioni shënon sërish rritje

    Qiratë e banesave dhe librat shkollorë më të shtrenjtë se kurrë, inflacioni shënon sërish rritje

    Inflacioni  i është rikthyer një rritjeje të lehtë gjatë shtatorit Sipas INSTAT Indeksi i Çmimeve të Konsumit  rezultoi 2,4 % nga 2.3% që ishte një muaj më parë. Ndikim kryesor duket se kanë dhënë grupi i arsimit dhe qiratë. Kjo lidhet me faktin se gjatë shtatorit në vend ka nisur viti i ri shkollor por edhe përgatitjet për në universitete. Sipas INSTAT Krahasuar me muajin Gusht 2025, çmimet e grupit “Shërbimi arsimor” shënoi rritje me 2 %, pasuar nga grupet “Veshje dhe këpucë” dhe “Qira, ujë, lëndë djegëse dhe energji” me 1, %  e më pas “Ushqime dhe pije joalkoolike”. Ndërkohë çmimet e grupit “Transporti” kanë vijuar që të pësojnë ulje.
    Vetëm pak javë më parë Banka e Shqipërisë vendosi që të ulë normën bazë të interesit  në 2.5 % si një masë kjo për të stabilizuar nivelin e çmimeve në vend ndërsa në mbledhjen e fundit të Këshillit Mbikëqyrës ky nivel u la i pandryshuar.
    Ndërkohë që pritshmëritë janë që niveli i inflacionit do të kthehet në objektivin prej 3% në fillim të vitit të ardhshëm. Banka Qendrore ka paralajmëruar se vendimmarrja për politikën monetare do të varet nga ecuria e treguesve në muajt në vijim.