Kanë përfunduar dy ndeshjet e para për sot në Champions League. Në “Estadio de la Ceramica”, Villareal u mund 2-3 nga Copenhagen. Danezët gjetën avantazhin që në minutën e 2-të, me Mohamed Elyounoussi, i cili shënoi pas asistit perfekt të Marcos Lopez. Pjesa e parë mbyllet me këtë rezultat, 0-1.
Pjesa e dytë nis vrullshëm, ku shënohen 3 gola në 9 minuta. Në minutën e 46-të, Villarreal barazon shifrat me Comesana. Një minutë më pas, Copenhagen kalon sërish në avantazh me Achouri, i cili shënoi pas asistit të Zague. Në minutën e 55-të, Oluëasey barazoi sërish shifrat për “Nëndetësen e Verdhë”. Goli i fitores së madhe për danezët do të vinte në minutën e 90′ me Andreas Cornelius.
Në Baku, Qarabag edhe pse kaloi dy herë e para në avantazh, në fund humbi 2-4 ndaj Ajax-it, fitorja e parë ëpr holandezët në këtë sezon. Camilo Duran shënoi ëpr vendasit në minutën e 9-të, duke përfituar nga një dalje e gabuar e portierit të holandezëve dhe moskuptimit me mbrojtësin. Kasper Dolberg barazoi shifrat për Ajax-in në minutën e 39-të, me një gol të bukur me goditje nga distanca. Pjesa e parë mbyllet 1-1.
Me fillimin e pjesës së dytë, Matheus Silva kaloi sërish në avantazh Qarabag, me një goditje të bukur brenda zonës, pas një aksioni perfekt. Në minutën e 79-të, Oscar Gloukh barazoi shifrat me një gol të bukur në kufijtë e zonës së rreptësisë. Goli i përmbysjes së madhe për holandezët do të vinte në minuten e 83′ me Anton Gaaei. Oscar Gloukh shënoi golin e dytë personal dhe të katërtin për Ajax në minutën e 90′, duke vulosur përfundimisht fitoren 2-4 për holandezët.
SHIHGOLAT
Tag: shënoi
-
Ajax e bën “sefte”, “Nëndetësja e Verdhë” përmbytet në shtëpi (video)
-
Bilbao fiton në frymën e fundit ndaj Atl. Madridit, PSG me “manita”. Verona “leksione” Atalantës (video)
Athletic Bilbao ka fituar 1-0 ndaj Atletico Madridit në “San Mames” për javën e 15-të në La Liga. Golin vendimtar të takimit e shënoi Alex Berenguer me një goditje fantastike në kufijtë e zonës së rreptësisë, pas asistit të marrë nga Nico Williams.
Pas kësaj fitoreje, Bilbao ngjitet në vendin e shtatë me 23 pikë, Atletico Madrid që merr humbjen e dytë rresht brenda pak ditësh, pasi në mesjavë u mund nga Barcelona, renditet në vendin e katërt me 31 pikë.
SHIKOGOLAT
Në Serie A, Verona ka rigjetur fitoren pas shumë javësh, pasi sot mundi në Bentegodi 3-1 Atalantën. Golat për vendasit u shënuan nga Belghali 28′, Giovane 36′ dhe Bernede 71′. Për bergamaskët golin e vetëm e shënoi Gianluca Scamacca në minutën e 80′ nga pika e bardhë e penalltisë.
Atalanta është shumë larg asaj që kemi parë në sezonet e fundit, duke u renditur në vendin e 12-te me 16 pikë, shumë larg zonës së Europës, ndërsa Verona e parafundit me vetëm 9 pikë.
SHIKOGOLAT
Në Ligue 1, pas humbjes së kaluar 1-0 ndaj Monaco, PSG është rikthyer sot te fitorja. Parizienët fituan 5-0 ndaj Rennes në “Parc des Princes”, për javën e 15-të në Ligue 1. Serinë e golave e hapi Kvaratskhelia në minutën e 28-të, gjeorgjiani shënoi një gol shumë të bukur, pas asistit të marrë nga Lucas Hernandez.
Mayulu dyfishoi shifrat në minutën e 38-të, pas një kombinimi të bukur me Bradley Barcola dhe Joao Neves. Në minutën e 67-të, Kvaratskhelia shënoi golin e dytë personal dhe të tretin për PSG-në, pasi një topi të humbur brenda në zonën e tyre nga lojtarët e Rennes.
Në minutat e fundit, PSG shënoi edhe dy gola të tjerë me Ibrahim Mbaye 88′ dhe Goncalo Ramos 90+2. Pas kësaj fitoreje, PSG renditet e dyta me 33 pikë, një pikë më pak se Lens i vendit të parë.
SHIKOGOLAT -
Inter bind ndaj Como-s, Lautaro vendos rekordin historik. Calhanoglu supergol (video)
6 Dhjetor 2025
19:58
Telesport
Inter ka fituar 4-0 ndaj Como në “San Siro”, ndeshje e vlefshme për javën e 14-të në Serie A.
Goli që do të vuloste fitoren e zikaltërve do të vinte në minutën e 58-të, ku Marcus Thuram shënoi pas një topi të ardhur nga goditja e këndit nga Federico Dimarco. Francezi duke ëprfituar nga një mungesë vëmendjeje e mbrojtes së Como-s, dërgoi topin në rrjetë.
Në minutën e 80-të ishte radha e Hakan Calhanoglu për të gjetur rrjetën. Mesfushori turk shënoi me një goditje fantastike nga distanca.
Në minutën e 85-të, ishte Carlos Agusto që gjeti golin pas krosimit perfekt të marrë nga Federico Dimarco. Braziliani shënoi me një goditje të bukur brenda zonës.
Rezultati final 4-0. Inter i shkakton Como-s humbjen e parë pas shumë javësh. Pas kësaj fitoreje, Inter kreun momentalisht me 30 pikë, ndërsa Como mbetet në vendin e 6-të me 24 pikë.
SHIHGOLAT -
Basketboll/ LeBron Xhejmsit i ndërpritet rekordi 18-vjeçar
Ecuria e jashtëzakonshme e LeBron Xhejms, ku në 1297 ndeshje të stinorit të rregullt në NBA shënoi 10 e më shumë pikë, është ndalur të enjten pas mesnate. Superylli i basketbollit u ndal në vetëm tetë pikë të realizuara në fitoren 123:120 të Los Anxheles Lakersit ndaj Toronto Raptorsit. Basketbollisti i Lejkërsit, i cili po luan në sezonin e 23-të në NBA, ndaj Raptorsit i shtoi edhe 11 asistime.
Për herë të fundit kur Xhejmsi nuk realizoi pikë dyshifrore ishte janari i vitit 2007. Xhejms dështoi në gjuajtje nga loja e hapur duke realizuar vetëm katër herë në 17 tentime, ndërsa dështoi në pesë tentimet për tri pikë. Në muajin mars, Xhejms u bë basketbollisti i parë që shënoi 50 mijë pikë në sezonin e rregullt në NBA dhe në ndeshjet e plejofit. Austin Reaves shkëlqeu në këtë ballafaqim me dyshifrorë të dyfishtë prej 44 pikëve e 10 kërcimeve. -
9 gola të shënuar, spektakël në Fulham-Man. City. Fitore me zemër të ngrirë për “Qytetarët”, rritet presioni ndaj Arsenal
Fulham dhe Manchester City dhuruan një ndeshje spektakolare që do të mbahet mend gjatë. E vlefshme për javën e 14-të në Premier League, ku u shënuan plot 9 gola, rezultati final 4-5 për Man. City.
Serinë e golave për “Qytetarët” e hapi i zakonshmi Erling Haaland, i cili shënoi në minutën e 17-të, pas asistit të marrë nga Jeremy Doku. Norvegjezi shkruan historinë në Premier League, duke u bërë lojtari që arrin shifrën e 100 golave më shpejt se kushdo tjetër. Ky ishte goli i 15-të për Haaland në këtë sezon në kampionat.
Në minutën e 37-të, Haaland kthehet në asistues dhe Tijjani Reijnders dyfishon shifrat për Man. City. Në fund të pjesës së parë, Phil Foden shënoi golin e tretë për City-n, me një super goditje të fuqishme në kufijtë e zonës së rreptësisë. Në minutat shtesë të pjesës së parë, vendasit ngushtuan shifrat me golin e Smith Roëe. Pjesa e parë mbyllet 1-3 për City-n.
Pjesa e dytë në “Craven Cottage” ishte spektakolare. “Qytetarët” e nisën vrullshëm duke shënuar edhe dy gola të tjerë. Phil Foden shënoi golin e dytë personal në minutën e 48′, sërish pas asistit të Haaland dhe në minutën e 54-të ishte autogoli i Sander Berge, duke i çuar shifrat në 1-5 për City-n.
Pikërisht atëherë kur u mendua që fati i ndeshjes ishte vulosur, vjen reagimi i vendasve. Alex Iwobi shënon në minutën e 57-të një gol tejet të bukur me një goditje perfekte nga distanca. Samuel Chukwueze, i ardhur nga Milan në merkaton e verës, shënoi dy gola të bukur në minutat 72′ dhe 78′, duke ngushtuar shifrat në 4-5. Minutat e fundit ishin vërtet drithëruese për të dy ekipet, rezultati mbeti i pandryshuar deri në fund.
Man. City fiton 4-5 dhe rrit presionin ndaj Arsenal. “Qytetarët” kanë 28 pikë, dy pikë më pak se “Topçinjtë”, të cilët luajnë nesër ndaj Brentford. -
Alex Baena zë në befasi katalanasit, Raphinha rikthen barazpeshën (video)
2 Dhjetor 2025
21:32
Telesport
Ashtu siç dhe pritej, Barcelona dhe Atletico Madrid po dhurojnë spektakël në përballjen e tyre në “Camp Nou”, e vlefshme për La Ligën. “Colchoneros” kanë kaluar në avantazh falë golit të Alex Baena, një nga blerjet e tyre të bujshme gjatë verës së fundit.
Spanjolli shënoi pasi mori një top të gjatë nga Nahuel Molina dhe duke zënë në befasi mbrojtjen e Barcelonës, nuk e kishte të vështirë të dërgonte topin në portën e Joan Garcia, në minutën e 19-të.
Mbrojtja e katalanasve lë shumë ëp të dëshiruar këtë sezon dhe kapet mjaft lehtë në befasi nga kundërshtarët, njësoj siç ndodhi edhe pak më parë me golin e Alex Baena.
Ndërkohë nuk vonoi shumë dhe erdhi kundërpërgjigjja e katalanasve, të cilët barazuan shifrat me Raphinha-n, në minutën e 26-të. Braziliani shënoi pas asistit të marrë nga Pedri dhe pas një veprimi të bukur në zonë, duke dribluar edhe portierin Jan Oblak në fund.
SHIKOGOLIN -
Lewandowski godet penalltinë më të keqe në karrierë, “paqe” në “Camp Nou” për pjesën e parë (video)
2 Dhjetor 2025
21:57
Telesport
Pjesa e parë në “Camp Nou” mes Barcelonës dhe Atletico Madridit është mbyllur në barazim 1-1. “Colchoneros” kanë kaluar të parët në avantazh falë golit të Alex Baena, një nga blerjet e tyre të bujshme gjatë verës së fundit.
Spanjolli shënoi pasi mori një top të gjatë nga Nahuel Molina dhe duke zënë në befasi mbrojtjen e Barcelonës, nuk e kishte të vështirë të dërgonte topin në portën e Joan Garcia, në minutën e 19-të.
Ndërkohë nuk vonoi shumë dhe erdhi kundërpërgjigjja e katalanasve, të cilët barazuan shifrat me Raphinha-n, në minutën e 26-të. Braziliani shënoi pas asistit të marrë nga Pedri dhe pas një veprimi të bukur në zonë, duke dribluar edhe portierin Jan Oblak në fund.
Në minutën e 36-të, penallti për Barcelonën, pas një faulli brenda në zonë nga Jose Maria Gimenez. Topin e merr Robert Lewandowski, polaku ekzekuton penalltine më të keqe në karrierën e tij, ku topi përfundon shumë larg kuadratit.
SHIHPENALLTINELEWANDOWSKI -
Ballkani triumfon në derbi dhe bëhet lider, fitojnë si mysafirë edhe Malisheva e Dukagjini
Ballkani ka shënuar fitore të madhe në udhëtim ndaj kampiones në fuqi, Dritës, duke e mposhtur me rezultatin 3:2, në njërë nga ndeshjet më të mira të këtij edicioni dhe jo vetëm.
Kjo sfidë shënoi debutimin me fitore të trajnerit të ri të portokallezinjve, Mislav Karoglan. Skuadra suharekase e nisi ndeshjen fuqishëm, me Bleart Tolajn që shënoi një supergol në minutën e 12-të. Drita reagoi shpejt dhe barazoi në minutën e 23-të përmes Kristal Abazajt.Por Ballkani u përgjigj me dy gola brenda dy minutave: Giovanni Ribeiro në minutën e 32-të dhe Walid Hamidi në të 34-tën përfunduan një pjesë të parë të shkëlqyer për mysafirët.
Në pjesën e dytë, Drita dominoi dhe shënoi edhe një gol tjetër me Abazajn në minutën e 58-të, por pavarësisht rasteve të shumta, nuk arriti të shmangë humbjen. Në minutën e 88-të, Geralb Smajli i Ballkanit u përjashtua me karton të kuq.
Me këtë fitore, Ballkani merr kreun e tabelës me 26 pikë, sa ka edhe Prishtina, por suharekasit kanë një ndeshje më shumë të zhvilluar. Drita ndërkohë renditet në pozitën e katërt me 23 pikë.
Dukagjini ka regjistruar fitoren e tretë rresht në kampionat, duke mposhtur Llapin, në stadiumin “Zahir Pajaziti” në Podujevë, me rezultat minimal 1:0.
Në një takim të luftuar deri në minutën e fundit, vendosi goli i Dardan Morinës në minutën e 90-të, pas një kundërsulmi të shpejtë.
Fitore si mysafire ka realizuar edhe Malisheva, e cila ka regjistuar fitoren e dytë rresht dhe të shtatën këtë edicion, teksa mposhti Ferizajn, me rezultat 2:0.
Të besuarit e trajnerit Elon Berisha zhvilluan një pjesë të dytë perfekte. Etnik Brruti shënoi i pari në minutën e 54-t pas asistimit të Laurent Xhylanit, ndërsa Elom Nya-Vedji vulosi rezultatin në minutën e 79-të.
Me këtë triumf, Malisheva ngjitet në vendin e pestë me 22 pikë, ndërsa Ferizaj mbetet në zonën e ftohtë, duke zënë pozitën e parafundit me 15 pikë dhe pa fitore në katër ndeshjet e fundit. -
Isak e bën “sefte” më në fund, Liverpool rikthehet te fitorja (video)
Pas dy humbjeve rresht në Premier League, e sidomos pas turpërimit në mesjavë ndaj PSV 1-4 në Champions League, Liverpool është rikthyer te fitorja në kampionat. Të kuqtë morën një fitore tejet të vështirë 0-1 në transfertën ndaj West Ham, e vlefshme për javën e 13-të të Premier League.
Pjesa e parë e takimit u mbyll pa gola. Rezultati do të zhbllokohej në minutën e 60-të, ku blerja rekord e verës, Alexander Isak, shënoi më në fund golin e parë me fanellën e Liverpool në Premier League. Suedezi shënoi me një goditje të lehtë me të djathtën brenda zonës, pas asistit që mori nga Cody Gapko.
Minutat e fundit, vendasit mbetën me 10 lojtarë, pasi Lucas Paqueta la fushën e lojës për shkak kartoni të kuq. Fillimisht u ndëshkua me karton të verdhë, për shkak të protestave të zgjatura ndaj arbitrit, u ndëshkua me të kuq.
Në minutat shtesë do të ishte Cody Gapko që do të vuloste fitoren 0-2, holandezi shënoi me një goditje të fuqishme brenda zonës, pas asistit që mori nga Joe Gomez. Pas kësaj fitoreje, Liverpool ngjitet në vendin e 8-të me 21 pikë, West Ham mbetet në vendin e 17-të më 11 pikë.
Në dy ndeshjet e tjera, Aston Villa fitoi 1-0 ndaj Wolves në shtëpi, falë golit të Boubacar Kamara në minutën e 67-të. Ndërkohë, Brighton fitoi 0-2 në transfertë ndaj Nottingham.
SHIKOGOLAT -
Po presin ftesën, dy kuqezinjtë “përshëndesin” Sylvinho-n me golat e radhës (video)
29 Nëntor 2025
21:07
Telesport
Stiven Shpendi ka shënuar golin e gjashtë me fanellën e Empolit këtë sezon, duke qenë vetëm një gol larg golashënuesit më të mirë në Serie B. Sulmuesi kuqezi shënoi golin e dytë në fitoren e Empolit 5-0 ndaj Barit. Me këtë fitore, Empoli renditet në vendin e 7-të. SHIKOGOLIN
Ndërkohë vëllai tjetër, Cristian Shpendi luajti si titullar për Cesena-n, në fitoren 1-0 ndaj Modena. Ai ka shënuar 5 gola këtë sezon, një më pak se vëllai i tij.
Anis Mehmeti shënoi golin e vetëm në fitoren 0-1 në transfertë ndaj Portsmouth. 24-vjeçari shënoi një gol të bukur me kokë, pas krosimit po aq të bukur që mori nga shoku i skuadrës. Ky është goli i gjashtë për Mehmetin këtë sezon në Championship, pa harruar këtu edhe kontributin me 6 asiste. Bristol City renditet në vendin e gjashtë dhe është pretendon të sigurojë biletën për në Premier League në fund të sezonit. SHIKOGOLIN
Si vëllezërit Shpendi ashtu edhe Ansi Mehmeti, presin ftesën e Sylvinho-s për ndeshjet e radhës të Shqipërisë.