Lajmidites.com

Tag: sezonet

  • Saka: Mentaliteti ynë është të fitojmë, këtë sezon po marrim mjaft pikë jashtë fushe

    Saka: Mentaliteti ynë është të fitojmë, këtë sezon po marrim mjaft pikë jashtë fushe

    20 Tetor 2025

    12:00

    Telesport

    Ylli i Arsenal, Bukayo Saka, theksoi rëndësinë e fitores 1-0 kundër Fulham në një fushë ku “topçinjtë” kanë pasur vështirësi në sezonet e fundit. “Ne besojmë. Mentaliteti është i thjeshtë, fitore në çdo kontekst. E treguam edhe në ndeshjen e fundit”, tha Saka.
    “Fitorja është e rëndësishme për ne. Për të tjerët mund të mos jetë, por për disa vite kemi ardhur këtu dhe nuk kemi marrë rezultatet që dëshironim. Kemi pasur vështirësi jashtë fushe, por këtë sezon po marrim pikë që nuk i kemi pasur në sezonet e tjera”, shtoi sulmuesi anglez.
    Për performancën e tij si “lojtari i ndeshjes”, Saka tha: “Doja ta merrja topin dhe t’i bëja gjërat të ndodhnin. U rrita në lojë dhe pata një performancë të mirë. Në fillim të ndeshjes bëra disa goditje nga këndi të dobëta, por vazhdova dhe ia dolëm në fund”.
    “Njerëzit gjithmonë do të kenë mendimet e tyre, por në fund ne duhet ta tregojmë vlerën tonë. Numrat e mi dhe të sulmuesve kanë qenë të shkëlqyer në sezonet e fundit. Njerëzit mund të thonë çfarë të duan, por në fund ne duam të fitojmë”, tha Saka.

  • Real-i nuk e do më, ylli gati të largohet për një shifër qesharake

    Real-i nuk e do më, ylli gati të largohet për një shifër qesharake

    Mbrojtja e krahut të majtë të Real Madridit duket se do të ndryshojë pronësi.
    Për gjashtë vjet, Merengues janë mbështetur te Ferland Mendy për krahun e majtë, edhe pse në sezonet e fundit ai është zhdukur gradualisht nga radhët e protagonistëve të vërtetë.
    Shkaku i kësaj rënieje nuk ishin paraqitjet e francezit, por dëmtimet e shumta që kanë kushtëzuar të kaluarën e tij të afërt.
    Të mendosh se vetëm në tre sezonet e fundit, Mendy ka humbur 51 ndeshje, shumë për të qenë titullar për ekipin më të madh në planet.
    Tani Real Madrid duket i gatshëm të heqë dorë nga lojtari i datëlindjes 1995.
    Përveç historisë mjekësore të lartpërmendur, rritja e Fran Garcias dhe blerja e afërt e Alvaro Carreras duket se janë gjithashtu dalluesit për fillimin e një epoke të re në krahun e majtë.
    Megjithatë, ajo që është e habitshme në lidhje me lamtumirën e francezit është çmimi i mundshëm i shitjes.
    Sipas Defensa Central, çmimi fillestar në fakt duhet të jetë 10 milionë euro, një shumë e vogël për futbollin e sotëm, veçanërisht nëse merret parasysh se kontrata e lojtarit skadon në vitin 2028.
    Një shenjë e qartë se si klubi dëshiron ta “heqë qafe” atë dhe pagën e tij.

  • Zyrtare, Real Madrid emëron Xabi Alonson si trajner për 3 sezonet e ardhshme

    Zyrtare, Real Madrid emëron Xabi Alonson si trajner për 3 sezonet e ardhshme

    Real Madrid ka emëruar zyrtarisht Xabi Alonson si trajnerin e tyre të ri.
    “Real Madrid CF njofton se Xabi Alonso do të jetë trajneri i Real Madridit për tre sezonet e ardhshme, nga 1 qershori 2025 deri më 30 qershor 2028,” shkroi Real Madrid në një deklaratë zyrtare.
    “Xabi Alonso është një nga legjendat më të mëdha të Real Madridit dhe futbollit botëror. Ai veshi fanellën tonë në 236 ndeshje zyrtare midis viteve 2009 dhe 2014. Gjatë asaj kohe, ai fitoi gjashtë tituj: Kupën e dhjetë të Evropës në Lisbonë, një Superkupë Evrope, një titull të La Ligas, dy Kupa të Mbretit dhe një Superkupë të Spanjës.”

  • 40 goditjet drejt portës së Mallorca, rekord për 10 sezonet e fundit të La Liga-s

    40 goditjet drejt portës së Mallorca, rekord për 10 sezonet e fundit të La Liga-s

    Ishte një festë e vërtetë e futbollit sulmues. Barça rikuperoi shkëlqimin e saj, versionin më të freskët dhe të gjallë në momentin më të përshtatshëm, pikërisht para finales së madhe të Kupës së Mbretit, që do të zhvillohet të shtunën në “Estadio de la Cartuja” të Seville, kundër Real Madridit.
    40 goditjet në portën kundërshtare, që skuadra e Hansi Flick realizoi të martën në fitoren minimale ndaj Mallorca (1-0), përbëjnë rekordin e një ndeshjeje në La Liga në 10 sezonet e fundit, sipas të dhënave të “BeSoccer Pro”.
    40 goditje, një çmenduri që nuk u pasqyrua në rezultatin përfundimtar. Prej tyre, 13 ishin në kuadratin e portës së Mallorca. “Heroi” për mysafirët ishte portieri Leo Román, lojtari më i mirë i ndeshjes për skuadrën balearike, që shkëlqeu me 11 pritje vendimtare, duke tejkaluar rekordin e dy ndeshjeve të mëparshme me nga 10 pritje, të mbajtura këtë sezon nga portieri i Espanyol, Joan Garcia. Në kontrast, Mallorca realizoi vetëm 4 goditje, por asnjë në portën katalanase.
    Nga pothuajse 40 goditje të provuara nga Barcelona, vetëm Dani Olmo, në minutën e parë të pjesës së dytë, arriti të gjejë rrugën e rrjetës. Në total, Barça regjistroi kundër Mallorca 4.64 “expected goals” (xG) – një metrikë e avancuar që i jep vlerë çdo goditjeje nga 0.00 deri në 1.00 për të pasqyruar probabilitetin që ajo goditje të përfundonte në gol.
    Asnjë skuadër që nga sezoni 2015-16, kur “BeSoccer Pro” nisi të mbledhë këto të dhëna, nuk kishte realizuar kaq shumë goditje në një ndeshje të La Liga-s. Statistikë mbresëlënëse që vjen në një fazë kyçe të sezonit, me një Barçë që është e etur për t’i fituar të gjitha trofetë në lojë.