Derbi andaluzian Sevilla-Betis ka dhuruar si gjithmonë spektakël në fushë, spektakël në shkallët e stadiumit dhe sigurisht nuk munguan as përplasjet mes dy tifozerive, gjë që solli ndërprerjen e ndeshjes për disa minuta.
Përsa i përket rezultatit, Betis i drejtuar nga Manuell Pellegrini fitoi 0-2, me dy golat e shënuar në pjesën e dytë. Pablo Fornals zhbllokoi shifrat në minutën e 54-të, duke shënuar një gol shumë të bukur, pasi “trullosi” dy-tre herë mbrojtjen vendase. Sergi Altamira dyfishoi për Betis, me një goditje te fuqishme brenda zonës, pas një topi të ardhur nga goditja e dënimit në minutën e 68-të.
Në minutat e fundit, Sevilla mbeti me 10 lojtarë, pasi Isaac Romero u ndëshkua me karton të kuq për ndërhyrje brutale ndaj Valentin Gomez. Më pas arbitri kryesor i takimit ndërpret ndeshjen për disa minuta për shkak të përplasjes mes tifozerive në shkallët e stadiumit, ku tifozët e Sevilla-s u agravuan pas kartonit të kuq të Romero.
Ndeshja rifillon pas disa minutash, por rezultati nuk ndryshon deri në fund. Betis fiton 0-2 dhe ngjitet në vendin e 5-të me 24 pikë, ndërsa Sevilla mbetet në vendin e 13-të me 16 pikë.
SHIKOGOLAT
Ndërkohë, Villarreal vazhdon super formën e mirë, duke fituar sot në transfertë 2-3 në fushën e vështirë ndaj Real Sociedad, falë një goli në minutat shtesë nga Albert Molerio. Kjo ishte fitorja e pestë rresht për Villarreal, që renditet momentalisht në vend të dytë me 32 pikë.
SHIKOGOLAT
Tag: sevilla
-
U ndërpre për disa minuta, Betis fiton derbin andaluzian ndaj Sevilla-s. “Nëndetësja e verdhë” merr fitoren e pestë rresht (video)
-
Sevilla reziston vetëm 65 minuta, Atletico Madrid “zbërthehet” në pjesën e dytë dhe fiton bindshëm
1 Nëntor 2025
18:34
Telesport
Atletico Madrid ka fituar 3-0 ndaj Sevilla në “Metropolitano”, në ndeshjen e vlefshme për javën e 11-të në La Liga. Pjesa e parë u mbyll në barazim pa gola. Spektakli i vërtetë i vendasve erhdi në 25 minutat e fundit të ndeshjes.
Fillimisht, Julian Alvarez zhbllokoi shifrat në minutën e 65-të nga pika e bardhë e penalltisë, pas një faulli brenda zone të Tanguy Nianzou. Thiago Almada dyfishoi shifrat në minutën e 77-të, pas një asistit perfekt të Giuliano Simeone.
Në minutën e fundit të kohës së rregullt, ishte Antoine Griezmann që shënoi golin e tretë dhe vulosi fitoren 3-0 për Atletico Madridin. “Colchoneros” renditen në vendin e katërt me 22 pikë pas kësaj fitoreje, Sevilla mbetet në vendin e 11-të me 13 pikë.
SHIKOGOLINEALVAREZ
SHIKOGOLINEALMADA
SHIKOGOLINEGRIEZMANN -
Taylor për finalen Roma-Sevilla: Nuk bëra ndonjë gabim serioz, Mourinho frymëzoi tërbimin e tifozëve
Roma-Sevilla 2023, finalja e “Europa League”, mbetet një plagë e hapur për tifozët verdhekuq dhe futbollin italian. Ndeshja, e fituar nga Sevilla me penallti, u shoqërua me polemika të forta për gjykimin e arbitrit anglez Anthony Taylor, i cili u kritikua ashpër nga José Mourinho edhe pas ndeshjes në Hungari. Ditën pas finales, Taylor u sulmua në aeroport nga disa tifozë teksa ishte me familjen.
Në një intervistë për “BBC Sport”, Taylor foli për herë të parë publikisht rreth asaj nate, duke thënë se ishte situata më e keqe që kishte përballuar. Ai shtoi se sjellja e Mourinho mund të ketë ndikuar te tifozët: “Po, të jem i sinqertë, po”.
Taylor, arbitër në Premier League për gati 15 vite, pjesëmarrës në Botërorin 2022, dy Europianët e fundit dhe finale të Superkupës Europiane e “Nations League”, theksoi se nuk kishte bërë gabime të rënda në finalen e vitit 2023: 13 kartonë të verdhë dhe 25 minuta shtesë, përfshirë kohën ekstra.
Ai u shpreh për efektin emocional dhe profesional: “Ajo finale ishte burim i madh zhgënjimi, frustrimi dhe zemërimi. Nuk e di pse kjo pranohet… Fëmijët e mi, qysh atëherë nuk shkojnë më të shohin ndeshje futbolli”.
-
Valdano deshifron kaosin e Barcelonës: Humbja 4-1 ndaj Sevilla ishte e frymëzuar nga… Bielsa!!!
6 Tetor 2025
10:49
Alfred Lleshi
Jorge Valdano, ish-trajner i Tenerife (1992-1994), Real Madrid (1994-1996) dhe Valencia (1996-1997), komentoi humbjen e Barcelonës 4-1 ndaj Sevilla në La Liga, duke u referuar më parë te humbja ndaj PSG-së në Champions: “PSG e la Barcelonën pak të pambrojtur. Barcelona përfundoi duke u bërë e vetëdijshme për disa dobësi të saj, veçanërisht në 30 minutat e fundit të ndeshjes”.
Për humbjen ndaj Sevilla, Valdano tha se ndikoi edhe nxehtësia e madhe në qytet, teksa theksoi presionin e ngjeshur të ekipit vendas, që e përshkroi si ‘bielsist’, duke u referuar te Marcelo Bielsa: “Sevilla aplikoi presionin një kundër një, një qasje ‘bielsiste’, që i mbyti mesfushorët e Barcelonës”. -
Frenkie de Jong zbulon arsyen e vërtetë pse Barcelona u poshtërua 4-1 nga Sevilla
5 Tetor 2025
21:29
Telesport
Frenkie de Jong ishte një nga lojtarët më të dobët në fushë për Barcelonën në humbjen poshtëruese 4-1 ndaj Sevilla. Ndryshe nga shumica, mesfushori holandez mendon se shkak kryesor për këtë humbje është lodhja e shumtë te lojtarët e Barcelonës.
“Humbja gjithmonë është zhgënyjese. Pjesa e parë ishte shumë e dobët për ne, nuk luajtëm aspak mirë. Në pjesën e dytë, bëmë më mirë, por për fat të keq humbëm.
Mendoj se shkaku kryesor për këtë humbje është lodhja. Kemi luajtur shtatë ndeshje në 21 ditë dhe lodhja bën të vetën. Ndonjëherë ndjekja e topit të lodh më shumë se çdo gjë tjetër”, tha mesfushori holandez, në një intervistë për mediat vendase. -
VIDEO/ Feston Sevilla, Barcelona bie keq në “Ramón Sánchez Pizjuán”
Barcelona mposhtet 4-1 në “Ramon Sanchez Pizjuan”, në sfidën e La Liga, ndaj Sevillas.
Vendasit “tronditën” katalanasit dy herë me Sanchez (penallti) dhe Romero, brenda 35 minutash lojë.Ekipi i Flick u fut në lojë në fundin e pjesës së parë, pas golit të Rashford. Në pjesën e dytë, Lewandowski gaboi nga pika e bardhë e penalltisë, duke shpërdoruar një rast të artë. Sevilla siguroi fitoren me golat në fund të Carmonas dhe Adams.
© BalkanWeb
-
Sevilla i shkakton humbjen e parë Barcelonës, gola dhe spektakël nga andaluzianët (video)
Sevilla i shkakton humbjen e parë Barcelonës në këtë sezon të ri në La Liga, pas fitores 4-1 në “Ramón Sánchez Pizjuán”, në ndeshjen e javës së tetë. Në minutën e 12-të, Ronald Araujo ndërhyn në mënyrë të gabuar brenda zonës ndaj Isaac Romero, pas ekzekutimit të një goditjeje këndi.
Arbitri jep penallti, katalanasit nuk janë aspak dakord me të. Alexis Sanchez, një ish-i katalanasve tregohet i saktë nga 11-metrat dhe kalon vendasit në avantazh.
Në minutën e 37-të, pas një kundërsulmi të shpejtë, Sevilla shënon golin e dytë. Renato Vargas asiston për Isaac Romero, ky i fundit dërgon topin në rrjetë. Në fund të shtesës së pjesës së parë, Barcelona ngushton shifrat me golin e Marcus Rashford. Pjesa e parë mbyllet 2-1 për Sevilla-n.
Në minutën e 75-të, i sapo futuri Adnan Januzaj shkakton penallti, por Robert Lewandowski në ditën e tij më të keqe sot, gabon gjithçka, duke e nxjerrë topin jashtë.
José Ángel Carmona shënoi golin e tretë për Sevilla-n në minutën e 90-të, pas një kundërsulmi të shpejtë dhe asistit të Lucien Agoume. Në minutat shtesë, Sevilla mbeti me një lojtar më pak, pasi Peque u ndëshkua direkt me karton të kuq për faull të rëndë. Në minutën e gjashtë shtesë, Akor Adam vulos me golin e tij fitoren 4-1 të Sevilla-s.
SHIKOGOLAT -
Sevilla “spektakël” ndaj Barcelonës. Një ish-ndëshkon katalanasit, Ronald Araujo e dreqos ndeshjen që në fillim (video)
5 Tetor 2025
17:07
Telesport
Në “Ramón Sánchez Pizjuán”, Sevilla po përballet me Barcelonën, ndeshje e vlefshme për javën e tetë të La Ligës. Pjesa e parë është mbyllur 2-1 për vendasit. Në minutën e 12-të, Ronald Araujo ndërhyn në mënyrë të gabuar brenda zonës ndaj Isaac Romero, pas ekzekutimit të një goditjeje këndi.
Arbitri jep penallti, katalanasit nuk janë aspak dakord me të. Alexis Sanchez, një ish-i katalanasve tregohet i saktë nga 11-metrat dhe kalon vendasit në avantazh.
Në minutën e 37-të, pas një kundërsulmi të shpejtë, Sevilla shënon golin e dytë. Renato Vargas asiston për Isaac Romero, ky i fundit dërgon topin në rrjetë. Në fund të shtesës së pjesës së parë, Barcelona ngushton shifrat me golin e Marcus Rashford. Anglezi shënon një gol shumë të bukur, pas asistit perfekt të Pedrit.
SHIKOGOLAT -
Arteta kërkon dy yjet e La Ligës për merkaton e janarit, për të fituar titullin këtë sezon
25 Shtator 2025
20:08
Telesport
Edhe pse Liverpool duket i pandalshëm këtë sezon dhe pas pesë javëve të para kryeson me 5 pikë diferencë nga Arsenal, “Topçinjtë” nuk kanë aspak ndërmend të dorëzohen dhe duan të rivalizojhnë të kuqtë për titullin deri në fund.
Për ta bërë të mundur këtë gjë, Mikel Arteta ka kërkuar dy përforcime gjatë merkatos së janarit: Lucien Agoume nga Sevilla dhe Takefusa Kubo nga Real Sociedad. Mesfushori francez ka bërë paraqtije fantastike me Sevilla-n, duke zgjuar interesin e disa klubeve të mëdha, mes tyre edhe Arsenalit.
Sevilla kërkon 35-40 milionë euro për të lënë të lirë 23-vjeçarin. Takefusa Kubo, anësori i djathtë i Real Sociedad është po ashtu një tjetër objektiv i “Topçinjve” për merkaton e janarit. Arsenal është gati të ofrojë deri në 45 milionë euro për japonezin, Real Sociedad kërkon 60 milionë euro.