Një vit pas kalimit të presidencës së Bashkimit Evropian, që lidershipi kosovar kishte shpresuar se do të përshpejtonte integrimin e Kosovës dhe do të rikthente balancën në dialogun me Serbinë, duket se nuk ka pasur ndonjë ndryshim të dukshëm.
Sanksionet ndaj Kosovës, të vendosura në vitin 2023, vazhdojnë të mbeten në fuqi, ndërkohë që aplikimi i Kosovës për anëtarësim në BE, i bërë në vitin 2022, ende nuk ka marrë asnjë përgjigje. Takimet e nivelit të lartë mes zyrtarëve kosovarë dhe atyre të BE-së janë bërë gjithnjë e më të rralla, përveç takimeve të përvitshme mes liderëve të Bashkimit Evropian dhe atyre të Ballkanit Perëndimor. Vendi kishte shprehur shpresa të mëdha për Përfaqësuesen e Lartë për Politikë të Jashtme dhe Siguri, Kaja Kallas, duke besuar se ajo do të ndihmonte për ndryshimin e qasjes së BE-së ndaj Kosovës, veçanërisht në lidhje me dialogun me Serbinë. Por, pas një viti, nuk ka pasur asnjë përpjekje të dukshme për të organizuar takime të nivelit të lartë mes liderëve të të dyja vendeve. Në të vërtetë, dialogu mes Kosovës dhe Serbisë ka ngecur për më shumë se dy vjet, për shkak të krizave politike si në Prishtinë, ashtu edhe në Beograd. Kosova ka shkuar drejt një cikli të ri zgjedhor, ndërsa protesta anti-qeveritare në Beograd vazhdojnë të thellojnë ndarjen politike në Serbi.
Po ashtu, nuk ka pasur lëvizje konkrete për të hapur negociatat e anëtarësimit me Kosovën. Edhe pse disa shtete të BE-së e kanë pranuar aplikimin e Kosovës, asnjë prej tyre nuk ka filluar shqyrtimin e dosjes për anëtarësim. Një faktor kyç në vendimin për heqjen e sanksioneve mund të jetë procesi i transferimit të pushtetit në veri të Kosovës.
Tag: sanksionet
-
Një vit me udhëheqjen e re të BE-së, ja pse sanksionet ndaj Kosovës nuk janë hequr ende
-
“Nuk e kuptoj logjikën dhe taktikën e SHBA-së”, Vuçiç konfirmon mbylljen e rafinerisë së naftës në Pançevë
Presidenti i Serbisë, Aleksandar Vuçiç, njoftoi se nga e marta rafineria e Industrisë së Naftës së Serbisë (NIS) në Pançevë nuk do të funksionojë më dhe se Serbia do të duhet të “gjejë mënyra të ndryshme për të menaxhuar” situatën.
Vuçiç u tha qytetarëve se duhet të jenë të qetë, sepse shteti do të ketë “mjaft zgjidhje dhe mjaft para”.
Ai paralajmëroi se sot do të përpiqet të zhvillojë bisedime shtesë me amerikanët, por se nuk beson që ata do ta ndryshojnë vendimin. Vuçiç tha tashmë nuk pret që do të marrë licencë nga SHBA-ja dhe se rafineria duhet të mbyllet të martën.
Gjithashtu, ai tha se nesër ka një takim të rëndësishëm në të cilin duhet të adresohen këto probleme dhe se Serbinë e pret “një betejë e vështirë”.
Vuçiç tha se “nuk e kupton logjikën dhe taktikën” e SHBA-së lidhur me NIS-in, as pse kësaj kompanie nuk i zgjatet leja e punës, megjithëse shteti serb ka dhënë garanci se deri në afatin e vendosur nga SHBA-ja do të ndryshohet pronësia në atë kompani, e cila është nën sanksionet amerikane për shkak të pronësisë ruse.
Serbia më herët kishte kërkuar nga Shtetet e Bashkuara që të miratojnë licencën e punës për NIS-in, ndërkohë që po zhvillohen negociatat për ndryshimin e pronësisë në këtë ndërmarrje që është nën sanksionet e SHBA-së.
Ai theksoi se i kanë transmetuar SHBA-së se i respektojnë sanksionet e tyre dhe se kanë kuptuar se është e nevojshme të ndryshohet pronësia në NIS, si dhe se kjo do të ndodhë brenda 50 ditësh, dhe se shteti serb jep garanci që kjo do të ndodhë pas skadimit të atij afati.
Vuçiç u shpreh se nga SHBA-ja u ka thënë që sanksionet i kanë paralajmëruar që para tetë-nëntë muajsh.
Sanksionet amerikane ndaj NIS-it hynë në fuqi më 9 tetor dhe janë pjesë e një përpjekjeje të administratës amerikane për të penguar Rusinë që të përdorë të ardhurat nga energjia për luftën në Ukrainë. Këto sanksione ishin shtyrë më parë tetë herë.
Vuçiç përsëriti se Serbia nuk është pronarja kryesore e kompanisë dhe se ajo nuk mund të vendosë në emër të rusëve se çfarë do të bëjë me të.
Ai kujtoi se Serbia kishte vetëm të drejtën e përparësisë për blerje si aksionere minoritare e NIS-it dhe se e ka hequr dorë nga kjo e drejtë për t’u lënë rusëve mundësinë që ta bëjnë “sipas dëshirës së tyre”, sepse kjo është “e drejtë” kur dikush duhet të shesë nën presion, dhe sanksionet janë vendosur nga jashtë.
NIS është kryesisht në pronësinë e kompanive ruse, ndërsa Serbia ka 29.87 për qind të aksioneve, dhe pjesa tjetër është në duart e hisedarëve më të vegjël.
Vuçiç tha se është pothuajse i sigurt se presidenti amerikan, Donald Trump, nuk i di detajet, por se ato i dinë shumë zyrtarë të lartë në Departamentin e Shtetit dhe se kjo dukshëm është politika që ata mbështesin.
Udhëheqësi serb tha se kishte përpjekur dhe ishte i sigurt se amerikanët do të merrnin një vendim pozitiv pas Ditës së Falënderimeve, e cila ishte të enjten, por kjo nuk ndodhi, dhe tani nuk e pret më këtë.
“Tani duhet të përgatitemi dhe të bëjmë punën tonë, për të siguruar vendin. Këtu do të na tërheqin të gjithë dhe do të kërkojnë që të jemi në kampin e tyre, askush nuk do të na lejojë të jemi neutralë dhe të merremi me punët tona”, tha Vuçiç.
Ai shtoi se te rusët “nuk ka shumë nxitim – për ta më e rëndësishme është që pronësia e tyre të qëndrojë sa më gjatë të jetë e mundur” dhe shtoi se Serbia është në “një situatë shumë të vështirë”, por se do ta “zgjidhë problemin”.
Ai përmendi gjithashtu se Serbia ka një marrëveshje për gaz me Rusinë deri më 1 janar dhe se do të përpiqet të diskutojë edhe një herë për zgjatjen e saj me rusët, “dhe nëse kjo nuk bëhet, do të shkojmë te të tjerët”.
“Ne do të luftojmë dhe do të përpiqemi të ruajmë aty ku mund marrëdhënie miqësore, dhe aty ku mundet, marrëdhënie partneriteti”, theksoi ai.
Prej dekadash, Serbia varet nga gazi rus nga i cili siguron më shumë se 80 për qind të nevojave të saj energjetike, por shteti nuk ka një kontratë afatgjatë me Rusinë për furnizim me gaz
për këtë energjent, dhe nuk ka një kontratë afatgjatë me Rusinë për furnizimin me gaz./ RELTop Channel
-
Vuçiq: Nga e marta, rafineria e NIS-it nuk do të funksionojë më
Presidenti i Serbisë, Aleksandar Vuçiq, njoftoi më 30 nëntor se nga e marta rafineria e Industrisë së Naftës së Serbisë (NIS) në Pançevë nuk do të funksionojë më dhe se Serbia do të duhet të “gjejë mënyra të ndryshme për të menaxhuar” situatën, raporton Beta.
Vuçiq u tha qytetarëve se duhet të jenë të qetë, sepse shteti do të ketë “mjaft zgjidhje dhe mjaft para”.
Ai paralajmëroi se sot do të përpiqet të zhvillojë bisedime shtesë me amerikanët, por se nuk beson që ata do ta ndryshojnë vendimin. Vuçiq tha tashmë nuk pret që do të marrë licencë nga SHBA-ja dhe se rafineria duhet të mbyllet të martën.
Gjithashtu, ai tha se nesër ka një takim të rëndësishëm në të cilin duhet të adresohen këto probleme dhe se Serbinë e pret “një betejë e vështirë”.
Vuçiq tha për TV Informer se “nuk e kupton logjikën dhe taktikën” e SHBA-së lidhur me NIS-in, as pse kësaj kompanie nuk i zgjatet leja e punës, megjithëse shteti serb ka dhënë garanci se deri në afatin e vendosur nga SHBA-ja do të ndryshohet pronësia në atë kompani, e cila është nën sanksionet amerikane për shkak të pronësisë ruse.
Serbia më herët kishte kërkuar nga Shtetet e Bashkuara që të miratojnë licencën e punës për NIS-in, ndërkohë që po zhvillohen negociatat për ndryshimin e pronësisë në këtë ndërmarrje që është nën sanksionet e SHBA-së.
Ai theksoi se i kanë transmetuar SHBA-së se i respektojnë sanksionet e tyre dhe se kanë kuptuar se është e nevojshme të ndryshohet pronësia në NIS, si dhe se kjo do të ndodhë brenda 50 ditësh, dhe se shteti serb jep garanci që kjo do të ndodhë pas skadimit të atij afati.
Vuçiq u shpreh se nga SHBA-ja u ka thënë që sanksionet i kanë paralajmëruar që para tetë-nëntë muajsh.
Sanksionet amerikane ndaj NIS-it hynë në fuqi më 9 tetor dhe janë pjesë e një përpjekjeje të administratës amerikane për të penguar Rusinë që të përdorë të ardhurat nga energjia për luftën në Ukrainë. Këto sanksione ishin shtyrë më parë tetë herë.
Vuçiq përsëriti se Serbia nuk është pronarja kryesore e kompanisë dhe se ajo nuk mund të vendosë në emër të rusëve se çfarë do të bëjë me të.
Ai kujtoi se Serbia kishte vetëm të drejtën e përparësisë për blerje si aksionere minoritare e NIS-it dhe se e ka hequr dorë nga kjo e drejtë për t’u lënë rusëve mundësinë që ta bëjnë “sipas dëshirës së tyre”, sepse kjo është “e drejtë” kur dikush duhet të shesë nën presion, dhe sanksionet janë vendosur nga jashtë.
NIS është kryesisht në pronësinë e kompanive ruse, ndërsa Serbia ka 29.87 për qind të aksioneve, dhe pjesa tjetër është në duart e hisedarëve më të vegjël.
Vuçiq tha se është pothuajse i sigurt se presidenti amerikan, Donald Trump, nuk i di detajet, por se ato i dinë shumë zyrtarë të lartë në Departamentin e Shtetit dhe se kjo dukshëm është politika që ata mbështesin.
Udhëheqësi serb tha se kishte përpjekur dhe ishte i sigurt se amerikanët do të merrnin një vendim pozitiv pas Ditës së Falënderimeve, e cila ishte të enjten, por kjo nuk ndodhi, dhe tani nuk e pret më këtë.
“Tani duhet të përgatitemi dhe të bëjmë punën tonë, për të siguruar vendin. Këtu do të na tërheqin të gjithë dhe do të kërkojnë që të jemi në kampin e tyre, askush nuk do të na lejojë të jemi neutralë dhe të merremi me punët tona”, tha Vuçiq.
Ai shtoi se te rusët “nuk ka shumë nxitim – për ta më e rëndësishme është që pronësia e tyre të qëndrojë sa më gjatë të jetë e mundur” dhe shtoi se Serbia është në “një situatë shumë të vështirë”, por se do ta “zgjidhë problemin”.
Ai përmendi gjithashtu se Serbia ka një marrëveshje për gaz me Rusinë deri më 1 janar dhe se do të përpiqet të diskutojë edhe një herë për zgjatjen e saj me rusët, “dhe nëse kjo nuk bëhet, do të shkojmë te të tjerët”.
“Ne do të luftojmë dhe do të përpiqemi të ruajmë aty ku mund marrëdhënie miqësore, dhe aty ku mundet, marrëdhënie partneriteti”, theksoi ai.
Prej dekadash, Serbia varet nga gazi rus nga i cili siguron më shumë se 80 për qind të nevojave të saj energjetike, por shteti nuk ka një kontratë afatgjatë me Rusinë për furnizim me gaz për këtë energjent, dhe nuk ka një kontratë afatgjatë me Rusinë për furnizimin me gaz. /REL/
-
Putin: Sanksionet po shkatërrojnë marrëdhëniet e Rusisë me SHBA
Vladimir Putin është pyetur në lidhje me sanksionet e SHBA-së kundër kompanive ruse të naftës.
Presidenti rus thotë se ishte “i befasuar” nga lëvizja e Uashingtonit dhe paralajmëron se kjo po shkatërron marrëdhëniet e Rusisë me SHBA-në.
Ai shtoi se qeveria ruse po zhvillon një paketë masash hakmarrëse në rast të “konfiskimit të aseteve ruse në Evropë”.Kufizimet u zbuluan muajin e kaluar për shkak të asaj që sekretari i thesarit amerikan, Scott Bessent, e quajti “mungesë të angazhimit serioz të Rusisë ndaj një procesi paqeje për t’i dhënë fund luftës në Ukrainë”.
Masat iu imponuan Rosneft dhe Lukoil, dy kompanitë më të mëdha të naftës në Rusi si dhe dhjetëra filialeve të tyre.
Të dy kompanitë eksportojnë 3.1 milionë fuçi naftë në ditë, me Rosneftin që është përgjegjës për pothuajse gjysmën e prodhimit të naftës në Rusi. -
Raport OKB: Sanksionet amerikane dëmtojnë ushqimin, shëndetin dhe jetën në Kubë
Bota E Shtunë, 22 Nëntor 2025 18:25
Shtetet e Bashkuara duhet të heqin sanksionet e vendosura ndaj Kubës, pasi ato po ndikojnë rëndë në të gjitha aspektet e jetës në ishull, sipas një raportuese speciale të Organizatës së Kombeve të Bashkuara.
Alena Douhan, raportuese speciale e OKB-së për masat e njëanshme kufizuese, i cilësoi sanksionet amerikane si regjimin më të gjatë të këtij lloji në historinë e Shteteve të Bashkuara. Ajo theksoi se vetëm Kongresi amerikan mund të shfuqizojë bllokadën tregtare, e cila daton që nga periudha e hershme e Fidel Castro-s.Qeveria kubane ka bërë të ditur se nuk do të dorëzohet përballë asaj që e quan “politikë ndëshkuese kolektive”. Sipas Douhan, breza të tërë kubanësh janë rritur nën këto masa, duke formësuar një realitet të vështirë ekonomik dhe social në vend.
Raportuesja e OKB-së shtoi se sanksionet janë ashpërsuar që nga viti 2018 dhe janë intensifikuar ndjeshëm në vitin 2021. Rivendosja e Kubës në listën amerikane të “sponsorëve të terrorizmit” ka shtuar më tej kufizimet financiare. OKB thekson se vende dhe kompani të tjera shpesh i zbatojnë këto sanksione për të shmangur penalizimet sekondare, gjë që pengon planifikimin afatgjatë ekonomik dhe godet kohezionin social.
Në Kubë vazhdojnë mungesat e ushqimeve, ilaçeve, energjisë dhe ujit, ndërsa emigracioni i profesionistëve po rritet. Pasojat kumulative të sanksioneve po cenojnë seriozisht të drejtat bazë të qytetarëve, përfshirë të drejtën për jetë, ushqim dhe shëndet.
Douhan pritet të paraqesë një raport të plotë për efektet e sanksioneve para Këshillit të OKB-së për të Drejtat e Njeriut në shtator 2026. -
“Politika ndëshkuese kolektive”/ OKB: Sanksionet e SHBA-së ndaj Kubës po dëmtojnë rëndë jetën në ishull
Shtetet e Bashkuara duhet të heqin sanksionet e vendosura ndaj Kubës, pasi ato po ndikojnë rëndë në të gjitha aspektet e jetës në vend, sipas një raportuese të OKB-së.
Alena Douhan, raportuese speciale e OKB-së për masat e njëanshme kufizuese, i cilësoi ato si regjimin më të gjatë të sanksioneve në historinë amerikane.
Ajo theksoi se vetëm Kongresi amerikan mund të shfuqizojë bllokadën tregtare, që daton nga periudha e hershme e Fidel Castro-s.
Qeveria kubane ka insistuar se nuk do të dorëzohet përballë asaj që e quan “politikë ndëshkuese kolektive”. Douhan tha se breza të tërë kubanësh janë rritur nën këto masa, duke formësuar realitetin ekonomik e social të vendit.
Sipas saj, sanksionet janë ashpërsuar që prej vitit 2018 dhe janë intensifikuar ndjeshëm në vitin 2021. Rivendosja e Kubës në listën amerikane të “sponsorëve të terrorizmit” ka ndikuar më tej në kufizimet financiare.
OKB shtoi se vende dhe kompani të tjera shpesh i binden sanksioneve për të shmangur penalizimet sekondare. Kjo, gjithmonë sipas OKB-së, e pengon vendin të planifikojë afatgjatë dhe godet rëndë kohezionin social.
Në Kubë ka mungesa të ushqimeve, ilaçeve, energjisë dhe ujit, ndërsa emigracioni i profesionistëve po rritet. Pasojat kumulative po cenojnë seriozisht të drejtat bazë, përfshirë të drejtën për jetë, ushqim dhe shëndet.
Douhan pritet të paraqesë një raport të plotë për efektet e sanksioneve para Këshillit të OKB-së për të Drejtat e Njeriut në shtator 2026.Top Channel
-
Gjermania, rikthim tek gazi rus? Lëkundet CDU: Të rishqyrtojmë sanksionet ndaj Moskës
Një debat i fortë është ndezur në Gjermani lidhur me vazhdimësinë e kursit ndaj Rusisë. Dhe duket nuk është vetëm Afd-ja që kërkon rishikim qëndrimi.
Lëkundje tani edhe brenda vetë CDU-së, veçanërisht sa i takon rikthimit tek produktet ruse të energjisë. Debati u nxit nga Kryeministri i Saksonisë Michael Kretschmer, i cili deklaroi në një intervistë për Funke Media Group se: “Ne duhet të shqyrtojmë edhe sanksionet kundër Moskës nga perspektiva jonë ekonomike.”
Prandaj, shtoi ai, duhet të jetë në interes të Gjermanisë “të vazhdojë furnizimet me energji nga Rusia pas armëpushimit”. Europa thjesht ka nevojë për energji me çmime të përballueshme, tha Kretschmer. Prandaj, Rusia duhet “të rivendoset si një partner tregtar në planin afatgjatë – pa krijuar një varësi të re”, beson kreu i qeverisë së shtetit lindor gjerman të Saksonisë. Kjo nuk është hera e parë që Kretschmer ka mbështetur marrëdhënie më të ngushta me Rusinë kur bëhet fjalë për politikën energjetike.
Që në vitin 2022, pas pushtimit të plotë rus të Ukrainës, politikani i CDU-së shprehu publikisht një mendim të ngjashëm. Ky qëndrim është kundërshtuar nga vetë kolegu i tij i partisë, Roderich Kiesewetter që thotë se interesi i Gjermanisë duhet të jetë “që Ukraina të fitojë luftën, të kthehet në kufijtë e saj të vitit 1991 dhe të largojë plotësisht Rusinë”. Para sulmit rus ndaj Ukrainës në vitin 2022, Rusia ishte një nga furnizuesit më të rëndësishëm të energjisë për Gjermaninë, por që prej agresionit rus, Gjermania më nuk furnizohet me gaz dhe naftë nga Rusia. Europa ka kaluar tre vite të dhimbshme duke u shkëputur nga gazi lindor dhe pasojat më të mëdha i vuajti ekkonomia gjermane, që është dhe më e madhja e bllokut.
Industria gjermane u ndërtua mbi gazin e lirë rus dhe çmimet në rritje të energjisë tashmë kanë penguar rritjen dhe kanë detyruar disa prodhues të zhvendosin prodhimin jashtë vendit.
Top Channel
-
Takimi në Shtëpinë e Bardhë, Hungaria konfirmon se SHBA e ka përjashtuar nga sanksionet për naftën ruse
Përjashtimi i Budapestit nga sanksionet e SHBA-së mbi furnizimet ruse me naftë dhe gaz nuk është i kufizuar në kohë, tha Ministri hungarez i Punëve të Jashtme dhe Marrëdhënieve Ekonomike me Jashtë, Peter Szijjarto, duke mohuar raportet e mediave perëndimore se përjashtimi është bërë për një vit.
“Hungaria ka marrë përjashtim të pacaktuar nga sanksionet”, tha ai, duke shtuar se kryeministri Viktor Orban dhe presidenti amerikan Donald Trump ranë dakord për këtë në një takim në Shtëpinë e Bardhë më 7 nëntor.
“Ata që pretendojnë të kundërtën nuk ishin të pranishëm në negociata. Është shumë më e lehtë të pyesësh ata që ishin atje”, u tha Szijjarto gazetarëve hungarezë në bordin e një aeroplani që udhëtonte nga Uashingtoni për në Budapest, siç transmetohej nga kanali televiziv M1 .
Të premten në mbrëmje, Orban tha pas bisedimeve me Trump se Shtetet e Bashkuara do t’i jepnin Hungarisë një përjashtim të pacaktuar nga sanksionet, të cilat mund të kishin penguar furnizimin me naftë përmes tubacionit Druzhba dhe gaz përmes tubacionit Turkish Stream. Kryeministri e bindi udhëheqësin amerikan për nevojën e këtij vendimi, pasi Hungaria ende nuk mund të bëjë pa burimet energjetike ruse.
Szijjarto, i cili shoqëroi Orbanin gjatë vizitës së tij në Uashington, tha atëherë se në vitin 2024, tubacioni Turkish Stream furnizoi 8.5 miliardë metra kub gaz, ndërsa 5 milionë ton naftë mbërritën në Hungari përmes tubacionit Druzhba. Sipas tij, “pritet afërsisht i njëjti vëllim furnizimesh këtë vit”. -
Përplasje diplomatike Budapest-Uashington/ Hungaria pretendon përjashtim “pa afat” nga sanksionet amerikane, Shtëpia e Bardhë kundërshton
Një përplasje diplomatike po zhvillohet mes Hungarisë dhe Shteteve të Bashkuara, pasi Budapesti pretendon se është përjashtuar për një periudhë të pacaktuar nga sanksionet amerikane që ndalojnë importet e naftës dhe gazit rus.
Ministri i Jashtëm hungarez, Peter Szijjarto, deklaroi sot se kryeministri Viktor Orban është “pajtuar me Presidentin e SHBA-së” për një përjashtim të pacaktuar nga sanksionet energjetike. Ai tha se “nuk ka sanksione për dërgesat e naftës dhe gazit në Hungari për një periudhë të pacaktuar”.
Deklarata e Szijjartos vjen pas takimit që Orban zhvilloi dje në Shtëpinë e Bardhë me Donald Trump, ku është raportuar se palët kanë diskutuar marrëveshje për blerjen e gazit natyror amerikan.
Megjithatë, burime nga Shtëpia e Bardhë kanë dhënë një version tjetër të marrëveshjes, duke thënë se përjashtimi është vetëm njëvjeçar dhe lidhet me kalimin gradual të Hungarisë drejt burimeve alternative të energjisë.
Kjo mospërputhje ka ngritur pikëpyetje mbi interpretimin e marrëveshjes mes dy vendeve dhe ndikimin e saj në politikën energjetike të BE-së.
Sipas Fondit Monetar Ndërkombëtar, ndërprerja e furnizimit me gaz rus do t’i kushtonte Hungarisë më shumë se 4% të PBB-së, ndërsa të dhënat zyrtare tregojnë se 74% e gazit dhe 86% e naftës së përdorur nga Hungaria në vitin 2024 kanë ardhur nga Rusia, pavarësisht thirrjeve të aleatëve për t’i reduktuar këto varësi për shkak të luftës së Moskës në Ukrainë.Top Channel