Johanesburgu në Afrikën e Jugut është vendi mikpritës i Samitit të G20 -ës , planifikuar për tu zhvilluar të shtunën dhe të dielën. Kjo është hera e parë që një Samit i tillë mbahet në kontinentin afrikan.
Në këtë samit Kina do të përfaqësohet nga kryeministri Li Qiang. Përpara vizitës së Kryeministrit të Kinës, zëdhënësi i Ministrisë së Jashtme Lin Jian tha se Kina mbështet presidencën e Afrikës së Jugut për G20. Vendi është i gatshëm të punojë me palë të ndryshme nën temën “Solidaritet, Barazi, Vazhdueshmëri”, për të ndërtuar konsensus në këtë samit, për të zbatuar multilaterizmin, për të promovuar një ekonomi të hapur botërore dhe për të nxitur bashkëpunimin për zhvillim.
Tag: samit
-
Afrika pret për herë të parë Samitin e G20-ës
-
Ukraina arrin marrëveshje me Francën për aeroplanë luftarakë, Zelensky: Një nga mbrojtjet më të mëdha ajrore në botë
Ukraina ka arritur një marrëveshje 10-vjeçare me Francën për furnizimin me 100 aeroplanë luftarakë Rafale për të forcuar mbrojtjen e saj, ndërsa Kremlini tha se shpreson për një samit të ri me Shtetet e Bashkuara për të diskutuar një zgjidhje të mundshme për t’i dhënë fund luftës në Ukrainë.
Presidenti ukrainas, Volodymyr Zelensky, u takua me homologun e tij francez, Emmanuel Macron, në Paris më 17 nëntor, ku udhëheqësit u pajtuan për marrëveshjen, teksa forcat ruse po intensifikojnë sulmet ajrore në mbarë Ukrainën dhe po bëjnë përparime në lindje.
“Do të jetë mbrojtja më e madhe ajrore, një nga më të mëdhatë në botë”, tha Zelensky pas arritjes së marrëveshjes për aeroplanët me dy motorë.
Pallati Elize njoftoi se marrëveshja përfshin gjithashtu sisteme të mbrojtjes ajrore, bomba dhe dronë, pajisje të reja që nuk vijnë nga rezervat aktuale të Forcave të Armatosura franceze.
Marrëveshja vjen pas një njoftimi më herët këtë muaj se Suedia dhe Ukraina janë afër finalizimit të financimit për një marrëveshjeje që mund t’i mundësojë Kievit të blejë deri në 150 aeroplanë luftarakë Gripen të gjeneratës së katërt.
Ukraina prej kohësh ka kërkuar që të forcojë sistemet e saj të mbrojtjes ajrore për të ulur superioritetin e Rusisë në konfliktin më të madh dhe më vdekjeprurës në Evropë që nga fundi i Luftës së Dytë Botërore.
Ndërsa Zelensky ishte në Paris për të nënshkruar marrëveshjen – ai do të udhëtojë drejt Spanjës më 18 nëntor – Kremlini përsëri tha se shpreson të organizojë një samit të dytë mes presidentit Vladimir Putin dhe liderit amerikan, Donald Trump.
Të dy u takuan në Alaska në gusht në përpjekje për të ringjallur negociatat e paqes, që kanë ngecur, për t’i dhënë fund luftës. Por, bisedimet nuk arritën të sillnin ndonjë përparim.
Sanksionet e SHBA-së ndaj gjigantëve energjetikë të Rusisë erdhën pas disa rundeve të pasuksesshme negociatash mes SHBA-së dhe Rusisë, të cilat në një moment pritej të diskutoheshin në një samit të propozuar në Budapest.
Pak pas një bisede midis sekretarit amerikan të Shtetit, Marco Rubio, dhe ministrit të Jashtëm rus, Sergei Lavrov, Trump tha se ai nuk do të “humbiste kohë” duke u takuar me Putinin nëse udhëheqësi i Kremlinit nuk ishte i gatshëm të arrinte një marrëveshje për t’i dhënë fund luftës së tij në Ukrainë.
Zëdhënësi i Kremlinit, Dmitry Peskov, u tha gazetarëve në Moskë më 17 nëntor se një samit mund të mbahej sapo të përfundonin përgatitjet e nevojshme, një qëndrim që ai e ka përsëritur disa herë së voni.
“Vështirë se mund të parashikojmë tani se kur do të krijohen këto kushte. Edhe pse, sigurisht, të gjithë jemi të interesuar që ato të krijohen sa më shpejt”, tha ai.
“Prandaj, sapo të përfundojë kjo përgatitje dhe të ekzistojnë kushtet për mbajtjen e samitit, shpresojmë që ai të zhvillohet”.
Mediat perëndimore kanë raportuar se ka pasur pak ndryshime në qëndrimin e Rusisë për t’i dhënë fund konfliktit që nga takimi i Trumpit me Putinin në Alaska në gusht, i cili nuk rezultoi me një marrëveshje armëpushimi.
Më 8 nëntor, Trump tha se ende nuk e sheh Rusinë të gatshme të ndalë luftimet, megjithatë ai u shpreh se vazhdon ta preferojë Budapestin si vend ku do të mbahej një samit paqeje, sapo të plotësoheshin kushtet për një takim të tillë.
Trump tha më 16 nëntor se është i hapur ndaj sanksioneve të reja nga Kongresi, të cilat do të shënjestronin “çdo vend që bën biznes me Rusinë”.
Ai nuk dha detaje të tjera./RELTop Channel
-
Ukraina arrin marrëveshje me Francën për aeroplanë luftarakë
Ukraina ka arritur një marrëveshje 10-vjeçare me Francën për furnizimin me 100 aeroplanë luftarakë Rafale për të forcuar mbrojtjen e saj, ndërsa Kremlini tha se shpreson për një samit të ri me Shtetet e Bashkuara për të diskutuar një zgjidhje të mundshme për t’i dhënë fund luftës në Ukrainë.
Presidenti ukrainas, Volodymyr Zelensky, u takua me homologun e tij francez, Emmanuel Macron, në Paris më 17 nëntor, ku udhëheqësit u pajtuan për marrëveshjen, teksa forcat ruse po intensifikojnë sulmet ajrore në mbarë Ukrainën dhe po bëjnë përparime në lindje.
“Do të jetë mbrojtja më e madhe ajrore, një nga më të mëdhatë në botë”, tha Zelensky pas arritjes së marrëveshjes për aeroplanët me dy motorë.
Pallati Elize njoftoi se marrëveshja përfshin gjithashtu sisteme të mbrojtjes ajrore, bomba dhe dronë, pajisje të reja që nuk vijnë nga rezervat aktuale të Forcave të Armatosura franceze.
Marrëveshja vjen pas një njoftimi më herët këtë muaj se Suedia dhe Ukraina janë afër finalizimit të financimit për një marrëveshjeje që mund t’i mundësojë Kievit të blejë deri në 150 aeroplanë luftarakë Gripen të gjeneratës së katërt.
Ukraina prej kohësh ka kërkuar që të forcojë sistemet e saj të mbrojtjes ajrore për të ulur superioritetin e Rusisë në konfliktin më të madh dhe më vdekjeprurës në Evropë që nga fundi i Luftës së Dytë Botërore.
Ndërsa Zelensky ishte në Paris për të nënshkruar marrëveshjen – ai do të udhëtojë drejt Spanjës më 18 nëntor – Kremlini përsëri tha se shpreson të organizojë një samit të dytë mes presidentit Vladimir Putin dhe liderit amerikan, Donald Trump.
Të dy u takuan në Alaska në gusht në përpjekje për të ringjallur negociatat e paqes, që kanë ngecur, për t’i dhënë fund luftës. Por, bisedimet nuk arritën të sillnin ndonjë përparim.
Sanksionet e SHBA-së ndaj gjigantëve energjetikë të Rusisë erdhën pas disa rundeve të pasuksesshme negociatash mes SHBA-së dhe Rusisë, të cilat në një moment pritej të diskutoheshin në një samit të propozuar në Budapest.
Pak pas një bisede midis sekretarit amerikan të Shtetit, Marco Rubio, dhe ministrit të Jashtëm rus, Sergei Lavrov, Trump tha se ai nuk do të “humbiste kohë” duke u takuar me Putinin nëse udhëheqësi i Kremlinit nuk ishte i gatshëm të arrinte një marrëveshje për t’i dhënë fund luftës së tij në Ukrainë.
Zëdhënësi i Kremlinit, Dmitry Peskov, u tha gazetarëve në Moskë më 17 nëntor se një samit mund të mbahej sapo të përfundonin përgatitjet e nevojshme, një qëndrim që ai e ka përsëritur disa herë së voni.
“Vështirë se mund të parashikojmë tani se kur do të krijohen këto kushte. Edhe pse, sigurisht, të gjithë jemi të interesuar që ato të krijohen sa më shpejt”, tha ai.
“Prandaj, sapo të përfundojë kjo përgatitje dhe të ekzistojnë kushtet për mbajtjen e samitit, shpresojmë që ai të zhvillohet”.
Mediat perëndimore kanë raportuar se ka pasur pak ndryshime në qëndrimin e Rusisë për t’i dhënë fund konfliktit që nga takimi i Trumpit me Putinin në Alaska në gusht, i cili nuk rezultoi me një marrëveshje armëpushimi.
Më 8 nëntor, Trump tha se ende nuk e sheh Rusinë të gatshme të ndalë luftimet, megjithatë ai u shpreh se vazhdon ta preferojë Budapestin si vend ku do të mbahej një samit paqeje, sapo të plotësoheshin kushtet për një takim të tillë.
Trump tha më 16 nëntor se është i hapur ndaj sanksioneve të reja nga Kongresi, të cilat do të shënjestronin “çdo vend që bën biznes me Rusinë”.
Ai nuk dha detaje të tjera./ REL/
-
Samiti i parë ndërqeveritar Itali–Shqipëri mbahet nesër në Romë
Kronikë E Mërkurë, 12 Nëntor 2025 10:22
Të enjten, më 13 nëntor 2025, në Villa Pamphili në Romë, Shqipëria dhe Italia do të zhvillojnë Samitin e parë ndërqeveritar, një moment historik në marrëdhëniet dypalëshe. Takimi do të drejtohet nga Kryeministrja italiane Giorgia Meloni dhe Kryeministri shqiptar Edi Rama, duke nisur në orën 11:30.
Temat mbi te cilat do te diskutohet ne kete samit nderqeveritare jane rreth sistemit te mbrojtjes, prodhimeve industrial dhe Migracioni. Dhe jo vetem .Partneriteti politik synon te sjelle zhvillim strategjik ne vend.
Ky samit synon të thellojë partneritetin strategjik mes dy vendeve, duke adresuar sektorë kyç si siguria, energjia, mbrojtja civile, shëndetësia, mjedisi, zhvillimi ekonomik dhe trajnimi profesional. -
Roma pret Ramën: Samit historik, por çfarë fiton Shqipëria?
Nga Alba Kepi
Më 13 nëntor, në Villa Pamphilj në Romë, zhvillohet samiti i parë ndërqeveritar mes Shqipërisë dhe Italisë. Ngjarja cilësohet historike, pasi dy vendet kanë marrëdhënie të ngushta kulturore, ekonomike dhe politike, por kurrë më parë nuk kanë organizuar një takim të këtij niveli.
Italia ka qenë porta kryesore e shqiptarëve drejt Perëndimit dhe një partner i pazëvendësueshëm për zhvillimin tonë ekonomik e politik. Shqipëria, ndërkohë, ndodhet në një moment kyç të rrugëtimit drejt Bashkimit Europian, ndërsa Italia kërkon të rrisë ndikimin e saj në Ballkan dhe Mesdhe, veçanërisht në çështjen e migracionit.
Ky samit vjen në një kohë kur Roma po rikthen ambicien e saj për të luajtur rol udhëheqës në rajon, ndërsa Tirana kërkon mbështetje konkrete për integrimin europian dhe zhvillimin ekonomik. Pyetja kryesore është nëse Shqipëria hyn në këtë takim thjesht si partner simbolik i Italisë, apo si palë me vizion dhe interes të artikuluar kombëtar.
Në fushën e mbrojtjes pritet që Italia të ofrojë teknologji dhe kapacitete të reja për forcat detare shqiptare, përfshirë investime në infrastrukturën detare dhe trajnime profesionale. Kjo është një mundësi për modernizim, por kërkon transparencë, planifikim afatgjatë dhe shmangie të varësisë teknike.
Në sektorin energjetik, marrëveshjet fokusohen tek prodhimi i energjisë së rinovueshme në Shqipëri dhe lidhja energjetike nënujore drejt Italisë. Projekti paraqitet si investim strategjik, megjithatë lind një pyetje e domosdoshme: a do të përfitojë realisht konsumatori shqiptar, apo Shqipëria do të vazhdojë të jetë eksportuese energjie, ndërsa qytetarët paguajnë çmime të larta?
Migracioni është pjesa më e ndjeshme e agjendës. Planifikohen struktura të përbashkëta, trajnime dhe rritje e bashkëpunimit për kontrollin e kufijve. E kjo pikë duhet trajtuar me kujdes të veçantë për të mos e kthyer Shqipërinë në barrierë të Europës apo vend magazinimi për refugjatët, çka do të cenonte dinjitetin dhe sovranitetin kombëtar.
Në shëndetësi, Italia mbështet ngritjen e një reparti neonatologjie në Tiranë, një hap pozitiv, por krejtësisht i pamjaftueshëm përballë nevojave të sistemit tonë shëndetësor.
Në ekonomi dhe zhvillim, parashikohet krijimi i një platforme të re financiare për projekte infrastrukturore, si dhe ndërtimi i qendrës ExpoAlbania në Tiranë. Ky potencial zhvillimi kërkon institucione të forta, konkurencë të ndershme dhe politika që favorizojnë bizneset serioze, jo klientelizmin dhe projektet fasadë.
Italia rikonfirmon mbështetjen për anëtarësimin e Shqipërisë në BE, por integrimi nuk është çështje deklaratash. Ai kërkon reforma konkrete, drejtësi funksionale, ekonomi të qëndrueshme dhe respekt të vërtetë të standardeve europiane.
Ky samit nuk është thjesht protokoll. Është test për të dyja palët: Italia synon të tregojë se mund të udhëheqë në rajon, ndërsa Shqipëria duhet të demonstrojë se është gati të ulet në tavolinë si partnere e barabartë. Për Shqipërinë, vlen të mbahet parasysh se marrëdhënia me Italinë është një pasuri strategjike. Por vlera e saj matet nëse dimë të negociojmë për interesin tonë kombëtar, të kërkojmë investime që krijojnë vende pune këtu, të mbrojmë burimet tona natyrore dhe sovranitetin ekonomik dhe të përfshijmë diasporën si aktor aktiv e jo vetëm statistikë.
Samiti i Romës mund të shënojë një kapitull të ri në marrëdhëniet mes dy vendeve. Por ai do të ketë vlerë vetëm nëse Shqipëria hyn në të me qartësi, e jo për propagandë egoiste lidershipi.
Ky samit i pari i këtij lloji zhvillohet pas dy eventeve pilastër në marrëdhënien mes dy vendeve. Nënshkrimin e Traktatit të Miqësisë e Bashkëpunimit më 13 tetor 1995 e nënshkrimit të Partneritetit strategjik më 12 shkurt 2010. E pa harruar Paktin mbi emigracionin i 6 nëntorit 2023.
Samiti i Romës Melon-Rama do të zhvillohet në vilën qeveritare Pamphili.
-
“Kemi disa ditë serioze”, Europa kundër planit të Putinit për Ukrainën
Refuzimi i Moskës për një armëpushim të menjëhershëm në Ukrainë duket se e ka vënë në rrezik një samit midis Donald Trump dhe Vladimir Putin, thanë diplomatët të martën, pasi një takim përgatitor midis diplomatëve më të lartë amerikanë dhe rusë u shty.
Udhëheqësit evropianë i bënë thirrje Uashingtonit të martën të qëndrojë i vendosur në kërkesën e një armëpushimi të menjëhershëm në Ukrainë, me vijat aktuale të betejës që do të shërbejnë si bazë për çdo bisedime të ardhshme.
Moska ka kërkuar prej kohësh që Ukraina të bjerë dakord të lëshojë më shumë territor para çdo armëpushimi. Trump, i cili javën e kaluar foli në telefon me Putinin dhe u takua me Presidentin ukrainas Volodymyr Zelenskiy, ka thënë se synon të mbajë një samit me udhëheqësin rus në kryeqytetin hungarez Budapest brenda dy javësh në një përpjekje për t’i dhënë fund luftës.
Asnjëra palë nuk i ka braktisur publikisht planet që Trump të takohet me Putinin dhe përpjekjet për të organizuar një samit në Hungari duket se janë ende në proces.
Ministri i jashtëm i Hungarisë, Peter Szijjarto, ishte në Uashington të martën, ku postoi në Facebook: “Kemi disa ditë serioze përpara”. Por dy diplomatë të lartë evropianë thanë se shtyrja e takimit Rubio-Lavrov ishte një shenjë se amerikanët mund të ngurrojnë të vazhdojnë me një samit Trump-Putin nëse Moska nuk heq dorë nga kërkesat e saj.
“Mendoj se rusët donin shumë dhe u bë e qartë për amerikanët se nuk do të ketë marrëveshje për Trumpin në Budapest”, tha një tjetër citon Reuters. Rusët “nuk e kanë ndryshuar aspak qëndrimin e tyre dhe nuk po bien dakord të ‘ndalojnë aty ku janë’”, tha diplomati i dytë. “Dhe supozoj se Lavrov dha të njëjtën gjë dhe Rubio tha: ‘Shihemi më vonë’.”
Aleatët evropianë të Ukrainës kanë qenë të shqetësuar se Trump mund të takohet me Putinin për herë të dytë pa marrë ndonjë lëshim serioz nga udhëheqësi rus, pasi Putini kundërshtoi thirrjen e Trump për armëpushim në një samit në Alaska në gusht.
Në një deklaratë të martën, udhëheqësit e fuqive evropiane, përfshirë Britaninë, Francën, Gjermaninë dhe BE-në, thanë se “mbështesin fuqimisht qëndrimin e Presidentit Trump që luftimet duhet të ndalen menjëherë dhe se linja aktuale e kontaktit duhet të jetë pika fillestare e negociatave”. -
Trump mban samit për Gazën në Shtëpinë e Bardhë, lidhje direkte me Egjiptin
Presidenti amerikan Donald Trump, zhvilloi një samit me zyrtarë të lartë të administratës së tij më herët sot në Shtëpinë e Bardhë, për t’u informuar mbi zhvillimet e fundit në negociatat që po zhvillohen në Egjipt midis Izraelit dhe Hamasit.
Në takim morën pjesë si Witkoff ashtu edhe Jared Kushner, të cilët pritet të nisen sot për në Kajro, në mënyrë që të marrin pjesë nga afër në negociata.
Bazuar në atë që është publikuar nga mjedisi i Donald Trump, ka lëvizje “në drejtimin e duhur” dhe “Egjipti, Katari dhe Turqia po bëjnë gjithçka që është e mundur për të kapërcyer çdo mosmarrëveshje të mbetur”.Njëkohësisht, pas letrës së djeshme nga familjet e të rrëmbyerve drejtuar Akademisë Nobel, në të cilën kërkojnë që Presidenti Amerikan të marrë nderimin më të lartë për përpjekjet që ka bërë për t’i dhënë fund luftës dhe për të kthyer pengjet, të vdekur dhe të gjallë, nga enklava palestineze, vetë Donald Trump u dërgoi një letër familjeve.
Në të, ai thekson se do të bëjë gjithçka që fëmijët e tyre të kthehen sa më shpejt të jetë e mundur dhe e mbyll duke vënë në dukje se “lutet që lufta të përfundojë sa më shpejt të jetë e mundur”, duke e lënë të hapur mundësinë për të ashpërsuar qëndrimin e tij, duke arritur në ekstreme, nëse rezultati i negociatave nuk është ai i dëshiruar për të dhe SHBA-në. -
Trump mban samit në Shtëpinë e Bardhë për negociatat Izrael-Hamas, familjet e pengjeve kërkojnë Nobel për të
Presidenti amerikan Donald Trump zhvilloi sot një samit në Shtëpinë e Bardhë me zyrtarë të lartë të administratës së tij, për t’u informuar mbi zhvillimet e fundit të negociatave që po mbahen në Egjipt mes Izraelit dhe Hamasit. Në takim morën pjesë edhe Steve Witkoff dhe Jared Kushner, të cilët pritet të nisen drejt Kajros për t’u përfshirë nga afër në bisedime.
Sipas burimeve pranë Trump, negociatat po ecin “në drejtimin e duhur”, ndërsa Egjipti, Katari dhe Turqia po luajnë një rol aktiv për të kapërcyer çdo mosmarrëveshje të mbetur.
Në të njëjtën kohë, një grup familjesh të pengjeve i janë drejtuar Akademisë Nobel me një letër ku kërkojnë që Presidenti amerikan të vlerësohet me çmimin Nobel për Paqe, për përpjekjet e tij në drejtim të përfundimit të luftës dhe kthimit të pengjeve, të gjallë e të vdekur, nga Gaza.
Trump iu përgjigj personalisht familjeve me një letër, ku u zotua se do të bëjë gjithçka për rikthimin e fëmijëve të rrëmbyer dhe theksoi se “lutet që lufta të përfundojë sa më shpejt të jetë e mundur”. Ai la gjithashtu të hapur mundësinë e një qëndrimi më të ashpër, deri në ekstreme, nëse rezultati i negociatave nuk përmbush pritshmëritë e tij dhe të Shteteve të Bashkuara.
-
Botërori 2030 me 64 ekipe? Mbahet samit në selinë amerikane të FIFA-s, kundërshtojnë fort UEFA dhe CONCACAF
24 Shtator 2025
14:28
Alfred Lleshi
FIFA po diskuton mundësinë që Botërori i vitit 2030, edicioni i 100-vjetorit, të zgjerohet në 64 ekipe. Sipas “The Athletic”, të martën u zhvillua samit në New York me pjesëmarrjen e presidentit Infantino dhe sekretarit Grafstrom. Delegacionin e Amerikës së Jugut e kryesonte presidenti i Conmebol, Alejandro Domínguez, së bashku me presidentët e Paraguajit e Uruguajit, si dhe drejtues të federatave të Argjentinës, Paraguajit e Uruguajit.
Ideja u hodh fillimisht në mars nga kreu i federatës uruguajane, Ignacio Alonso, por ky ishte diskutimi i parë konkret. Sipas federatave të Amerikës së Jugut, zgjerimi do të ishte një rast i vetëm për të nderuar 100-vjetorin e Botërorit të parë në Uruguaj më 1930, dhe për të përfshirë më shumë Argjentinën, Paraguajin dhe Uruguajin, që aktualisht pritet të kenë vetëm një ndeshje inauguruese secili, para se turneu të zhvendoset në Spanjë, Portugali dhe Marok.
UEFA dhe CONCACAF kanë shprehur kundërshti. Aleksander Ceferin e quajti idenë “të tmerrshme”, ndërsa Victor Montagliani theksoi: “Nuk është ide e mirë, ende nuk kemi luajtur as Botërorin me 48 skuadra”. -
Samit sigurie në Kinë! Takimi i 20 udhëheqës euroaziatikë për t’i dhënë mesazhe Perëndimit, çfarë pritet të ndodhë
Një Samit sigurie në Kinë bën bashkë për dy ditë radhazi, rreth 20 udhëheqës botërorë, përfshirë ata nga Kina, Rusia, India dhe vende të tjera, në atë që po shihen si përpjekje për të kundërshtuar ndikimin Perëndimor në çështjet globale.
I pranishëm në samit është edhe presidenti rus, Vladimir Putin. Për vizitën e rrallë katër-ditore në fqinjin dhe partnerin më të madh tregtar të Rusisë, Putin u prit nga zyrtarë të lartë, teksa iu shtrua edhe tapeti i kuq. Gjatë takimit me liderin kinez, Putin diskutoi dhe rezultatet e samitit në Alaskë, me Presidentin amerikan, Donald Trump. “Presidenti ka pasur një bisedë shumë të gjatë me liderin kinez. Ata u ulën së bashku për një bisedë aktive dhe shumë frytdhënëse. Ndër temat e tjera, më tha presidenti, ata diskutuan për kontaktet e fundit me amerikanët, për kontaktet tona me amerikanët”, njoftoi këshilltari i Putin.
Presidenti i Kinës, Xi Jinping, takoi dhe kryeministrin e Indisë, Narendra Modi, me të cilin u zotuan të zgjidhin mosmarrëveshjet kufitare dhe të forcojnë bashkëpunimin.
“Zgjedhja e duhur” është që Kina dhe India të bëhen miq, jo rivalë. Kështu i tha Presidenti kinez Xi Jinping homologut të tij indian Narendra Modi – takimi i tyre i parë në shtatë vjet.
Blloku i fokusuar në siguri është zgjeruar në 10 anëtarë të përhershëm dhe 16 vende dialogu dhe vëzhguese në vitet e fundit. Fusha e tij e veprimit është zgjeruar nga siguria dhe lufta kundër terrorizmit në bashkëpunimin ekonomik dhe ushtarak.
Vetëm pak para vizitës së tij, Putin kritikoi ashpër sanksionet perëndimore në një intervistë me agjencinë zyrtare të lajmeve në Kinë, duke thënë se Moska dhe Pekini kundërshtuan së bashku sanksionet “diskriminuese” në tregtinë globale. Ekonomia e Rusisë është në prag të recesionit, e rënduar nga kufizimet tregtare dhe kostoja e luftës. Samiti në Kinë takimi më i madh që nga themelimi i grupit në vitin 2001 midis gjashtë vendeve euroaziatike.Top Channel