Mohamed Salah po i afrohet fazës së fundit të karrierës së tij, por paradoksalisht, pikërisht në këto vite të vona pritet të përfitojë më shumë financiarisht. Sulmuesi i Liverpoolit, tashmë 33 vjeç, do t’i bashkohet menjëherë Kombëtares së Egjiptit pas ndeshjes Liverpool–Brighton, në kuadër të Kupës së Kombeve të Afrikës, e cila do të zhvillohet nga 21 dhjetori deri më 18 janar në Marok.
Pas rikthimit nga turneu, e ardhmja e Salah mund të marrë një drejtim të ri. Tre skuadra të Ligës Profesionale Saudite janë futur në garë për nënshkrimin e tij, duke ofruar kontrata marramendëse që mund ta tundin drejt Lindjes së Mesme.
Edhe pa një transferim të mundshëm, Salah renditet ndër futbollistët më të pasur në botë. Sipas Forbes, pasuria e tij vlerësohet rreth 90 milionë dollarë (84 milionë euro), të grumbulluara gjatë karrierës së tij në Europë.
Kjo pasuri i ka mundësuar një koleksion mbresëlënës makinash luksoze, ku përfshihen Bentley, Lamborghini dhe Mercedes. Por vendin kryesor e zë Rolls-Royce Spectre, me vlerë rreth 425 mijë dollarë. Pikërisht me këtë makinë luksoze ai u pa të mbërrinte në qendrën stërvitore të Liverpoolit, një ditë pasi nuk u përfshi në ndeshjen ndaj Interit.
Tag: salah
-
Salah fiton më shumë me kalimin e viteve, ja sa janë të ardhurat e sulmuesit
-
Slot: “Çështja Salah” ka prekur gjithë ekipin, fitorja ndaj Inter duhet të na motivojë për të ardhmen
11 Dhjetor 2025
11:16
Telesport
Fitorja 1-0 në “San Siro” ndaj Inter duket se ka rikthyer disi entuziasmin te Liverpool pas një jave të vështirë, ku çështja Salah kishte acaruar të gjithë. “Sigurisht që thuhen shumë gjëra dhe mendoj se kjo gjithmonë ndikon edhe te ekipi“, tha trajneri i Liverpool, Arne Slot.
“Nëse je në dhomën e zhveshjes së një ekipi dhe sheh se ka diskutime mes një lojtari dhe trajnerit apo me klubin kjo normalisht ndikon pak edhe te lojtarët e tjerë. Sidomos kur ai lojtar është i rëndësishëm dhe kaq me ndikim te skuadra”, shtoi Slot.
Më tej, trajneri holandez komentoi: “Të gjithë bëjnë gabime në jetë, kështu që gjëja e parë duhet të jetë: A mendon lojtari se ka bërë edhe ai një gabim? Nuk është kurrë mirë të shohësh diçka të tillë t’i ndodhë njërit prej shokëve të ekipit”.
“I gjithë fokusi tani duhet të jetë te ndeshja e radhës. Skuadra ka kapacitete për ta kaluar këtë situatë dhe të gjithë duhet të mendojmë për përballjen tjetër. Kjo fitore në Champions duhet të na shërbejë si një trampolinë dhe të lëmë polemikat”, tha slot. -
U konfliktua me Salah, tifozët e Liverpulit i dalin në krah trajnerit Arne Slot
Adriatik BALLA
Liverpuli, kampion në fuqi i Premier League angleze, po kalon një moment të vështirë këtë sezon, pasi ka një krisje të brendshme në marrëdhëniet mes trajnerit Arni Slot dhe lojtarëve kryesorë, përfshi sulmuesin kryesor të ekipit, egjiptianin Mohamad Salah. Situata duket e brishtë. Në fillim media gjykonte se egjiptiani kishte të drejtë, por pak nga pak në Angli po rreshtohen në krah të teknikut. Kështu, tifozët e Liverpulit dëshmuan se në cilën anë janë në përplasjen e trajnerit Arne Slot me lojtarin e rëndësishëm të skuadrës, Mohamed Salah. Rreth 5000 tifozë që kishin udhëtuar në Itali për ndeshjen e së martës me Interin, kanë thirrur zëshëm emrin e Slotit para dhe pas ndeshjes. Liverpuli e fitoi 1:0 ndeshjen e Ligës së Kampionëve.
Dhe thirrjet e tifozëve janë përkrahje e madhe për trajnerin holandez të Liverpulit. Slot nuk e përzgjodhi Salahun për ndeshjen në Itali, duke e dënuar atë për komentet e papërshtatshme të bëra të shtunën. Egjiptiani kishte theksuar se “klubi e kishte shtyrë nën autobus” dhe se raportet me trajnerin i kishte prishur. “Kaq shumë tifozë në rrethana të vështira për klubin dhe kjo dëshmon edhe një herë që nëse gjërat shkojnë kundër nesh apo ka momente të vështira, ne jemi të gjithë aty për njëri-tjetrin. Ne luftojmë së bashku dhe kjo është ajo që tifozët dhe lojtarët dëshmuan sonte”, ka thënë Slot. “Përkrahja e tifozëve do të thotë shumë për mua. Por nuk ka të bëjë me mua, ka të bëj me ekipin. Dhe tifozët ishin aty po ashtu për ekipin”.
Salah është prej emrave më të mëdhenj në histori të Liverpulit. Ka fituar dy trofe të Premier Leagues, Ligën e Kampionëve dhe shumë trofe të tjerë. Vitin e kaluar u shpall lojtari më i mirë për herë të tretë, pasi shënoi 34 gola në të gjitha garat dhe e udhëhoqi Liverpulin drejt titullit të 20-të të Anglisë. Por forma e tij pësoi rënie në fillim të këtij edicioni. Për Salahun është edicioni i dhjetë në Premier League. Dhe pasi të shtunën mbeti në stol, ai dha deklaratën që bëri bujë në Angli. Salah ishte në stërvitjen e së hënës me skuadrën, por nuk u përfshi në delegacionin që udhëtoi për në Milano. Të martën ylli egjiptian publikoi një fotografi duke ushtruar i vetëm në palestrën e kompleksit stërvitor të Liverpulit. 33-vjeçari i ka 420 ndeshje, 250 gola e 116 asistime për Liverpulin. Trashëgimia e tij për skuadrën është e jashtëzakonshme. Salah në prill e vazhdoi edhe për dy vjet kontratën me Liverpulin. Por mbetet të shihet nëse do të luajë më për këtë skuadër. -
Salah sulmoi publikisht trajnerin, Van Basteni i ashpër: Salah ka trurin e një insekti
Situata nuk është aspak e qetë te Liverpuli. Salahu ka sulmuar publikisht trajnerin për mungesën e aktivizimit, ndërsa Sloti vendosi ta ndëshkonte duke e lënë jashtë listës për ndeshjen kundër Interit në Ligën e Kampionëve.
Sulmuesi egjiptian ka marrë kritika të shumta për sjelljen e tij. Një prej atyre që e kritikon është edhe Marko Van Basetni. Legjenda hollandeze ka thënë për “Ziggo Sport” se Salah ka trurin e një insekti, ndërsa Sloti është një person i drejtpërdrejtë dhe i sinqertë.
“Salah ka trurin e një insekti. Vitin e shkuar ai ishte i jashtëzakonshëm, por në muajt e fundit ka performuar dobët. Sloti është një njeri i drejtpërdrejtë dhe i sinqertë, ndërsa Salahu ka filluar ta sulmojë dhe të sillet në mënyrë jo të duhur”, ka deklaruar Marko Van Basten./Sport Ekspres/ -
E ardhmja e Salah në dyshim, në Arabi e mirëpresin?
Përjashtimi surprizë nga lista Champions dhe marrëdhënia e përkeqësuar me klubin, kanë shtuar zërat për një largim të mundshëm të Salah nga Liverpool.
Shefi ekzekutiv i elitës së kampionatit arab, Omar Mugharbel, ka folur së fundmi për sulmuesin.“Mohamed Salah është i mirëpritur në ligën saudite, por klubet janë ato që negociojnë me lojtarët. Pa dyshim, ai është një prej tyre,” u shpreh Mugharbel për Asharq Al-Awsat.
-
Van Basten, shumë i ashpër ndaj Salah: Ka trurin e një insekti… Slot, i drejtpërdrejtë dhe i sinqertë
10 Dhjetor 2025
14:56
Alfred Lleshi
Marco van Basten shkaktoi një stuhi mediatike me deklaratat e tij ndaj Mohamed Salah, tashmë në qendër të kritikave për përplasjen me trajnerin e Liverpool-it, Arne Slot. I ftuar në “Ziggo Sport”, legjenda holandeze e sulmoi drejtpërdrejt kapitenin e Egjiptit, duke e cilësuar sjelljen e tij të gabuar dhe thënë se “ka trurin e një insekti”. Kjo deklaratë bëri menjëherë xhiron e botës.
Sipas Van Basten, Salah po zhvillon një sezon shumë poshtë nivelit të tij: “Sezonin e kaluar ishte i jashtëzakonshëm, por muajt e fundit ka dhënë shumë pak. Slot është një person i drejtpërdrejtë dhe i sinqertë, ndërsa Salah ka filluar ta sulmojë dhe të sillet në mënyrë të papërshtatshme”.
Kriza shpërtheu pas tri pankinave radhazi në Premier League. Pas “përjashtimit” të tretë, kundër Leed, egjiptiani shpërtheu përpara mediave: “Kam dhënë gjithçka për këtë klub dhe tani përfundoj në stol pa shpjegime. Duket sikur dikush do të më bëjë ‘kokë turku’ për krizën që po kalon skuadra”. Reagimi i klubit ishte i forte; përjashtim nga transferta e Champions League kundër Interit, në përputhje me linjën e ashpër të trajnerit Slot. -
Liverpool nuk e do më, Salah iu vetëofrohet tri klubeve të mëdha
9 Dhjetor 2025
19:05
Telesport
Mesa duket marrëdhënies mes Mohamed Salah dhe Liverpool është krisur përfundimisht, pas deklaratave të egjiptianit pas barazimit dramatik 3-3 ndaj Leeds, ku ai nuk u aktivizua për asnjë minutë. Kujtojmë se Salah nuk është grumbulluar fare për ndeshjen e sotme ndaj Interit.
Ndërkohë që largimi i tij nga Liverpool është i pashmangshëm dhe me shumë mundësi do të ndodhë gjatë merkatos së janarit, Salah duket se iu është vetëofruar tri klubeve të mëdha: Bayern Munich, Real Madrid dhe Barcelona.
Deri tani interesi i vetëm konkret për Salah ka qenë nga Arabia Saudite, por ylli egjiptian mendon të qëndrojë ende në Europë dhe të luajë në nivel të lartë dhe për momentin duket se e ka hedhur poshtë mundësinë për t’u transferuar në ligën arabe.
Duke qenë se kontrata e tij skadon në vitin 2027, sigurisht që Liverpool nuk do ta lërë të largohet falas dhe do të kërkojë një shumë për kartonin e tij, e cila ende nuk dihet. Në anën tjetër, problem mbetet paga e lartë e lojtarit dhe kjo mund të kthehet në çështje më vete në klubin e ri ku do të transferohet, pasi mund të prishë balancat. -
Liverpool gjen lojtarin perfekt në vend të Salah në Serie A, gati oferta 100 mln euro
9 Dhjetor 2025
17:09
Telesport
Mohamed Salah po kalon ditët e tij të fundit te Liverpool. Egjiptiani me siguri do të largohet gjatë merkatos së janarit, nëse nuk ndodh tani, atëherë në verë largimi i tij është 100% i sigurt.
Në anën tjetër, drejtuesit e Liverpool nuk po rrinë duarkryq, por po ndjekin disa emra për të gjetur zëvendësuesin ideal të egjiptianit. Mediet angleze zbulojnë se emri i parë në listën e gjatë të kandidatëve në vend të Salah është ylli i Serie A, Kenan Yildiz.
Drejtuesit e klubit bardhezi po punojnë për rinovimin e kontratës së yllit turk dhe janë të bindur se do të arrijnë një marrëveshje, megjithëse lojtari kërkon një pagë vjetore midis pesë dhe gjashtë milionë eurosh.
Megjithatë, në Torino, nuk përjashtohet mundësia për largimin e Yildiz në rast se vjen një ofertë e jashtëzakonshme dhe e tillë duket se është shifra e ofruar nga Liverpool që mendohett ë jetë rreth 100 milionë euro. -
Krisje totale, Salah sinjale lamtumire nga Liverpool, pas Kupës së Afrikës vjen divorci?
Mohamed Salah ka shkaktuar shqetësim te Liverpooli, pasi e ardhmja e tij te klubi mbetet e pasigurt. Pas shpërthimit të tij pas ndeshjes me Leeds, ku shprehu zhgënjimin për trajtimin që po merrte, sulmuesi egjiptian u përjashtua nga skuadra për ndeshjen e Ligës së Kampionëve kundër Interit.
Në vend që të udhëtonte me ekipin, Salah u paraqit për stërvitje në bazën e Liverpoolit, ku postoi një foto në palestër. Pas fjalëve të tij të ashpra, trajneri Arne Slot u shpreh i pasigurt për të ardhmen e tij, duke thënë se nuk e dinte nëse Salah do të luante më për Liverpoolin.Salah, i cili nënshkroi një kontratë të re në prill, ka shprehur zhgënjimin për faktin që është emëruar në stol për tre ndeshje radhazi dhe tha se ka marrë premtime që nuk janë mbajtur. Ai gjithashtu theksoi se ka pasur një marrëdhënie të mirë me trajnerin, por tashmë kjo marrëdhënie duket se është ftohur.
Në çdo rast, Salah do të mungojë nga Liverpooli më vonë këtë muaj për shkak të angazhimit të tij me kombëtaren e Egjiptit në Kupën e Kombeve të Afrikës, që nis më 21 dhjetor. -
Skuadra në Milano për ndeshjen e Champions, Mohamed Salah bën lëvizjen surprizë në Liverpool
9 Dhjetor 2025
12:02
Telesport
Mohamed Salah u paraqit të martën në mëngjes në qendrën stërvitore të Liverpool, por e ardhmja e tij te klubi anglez është ende në dyshim. Sulmuesi egjiptian u la jashtë skuadrës për ndeshjen e Champions League kundër Inter sot në mbrëmje.
Vendim që erdhi pas shpërthimit të tij të jashtëzakonshëm pas ndeshjes së Premier League në Leeds të shtunën. Skuadra aktualisht ndodhet në Milano për ndeshjen e radhës, ndërsa lojtari u paraqit për stërvitje në bazën Kirkby.
Ishte vetë Salah që postoi një foto të tij në palestrën e qendrës së stërvitjes. Një mesazh ky pas deklaratës në fundjavë, kur akuzoi rëndë trajnerin dhe klubin se e “kishin hedhur nën autobus” dhe ishte i zhgënjyer.
Salah nënshkroi një kontratë të re në prill, e cila e bëri atë lojtarin më të paguar të klubit, por e ardhmja e tij nuk dihet. Gjithsesi, Salah do të mungojë në ekip më vonë këtë muaj, me Kupën e Kombeve të Afrikës që fillon më 21 dhjetor.