Ish-kryeministri Sali Berisha ka lëshuar alarmin lidhur me krizën demografike në vend, duke e cilësuar shpopullimin masiv si “goditjen më të rëndë ekzistenciale” që kombi shqiptar ka përjetuar ndonjëherë.
Sipas Berishës, në 10 vitet e fundit Shqipëria ka hyrë në një fazë dramatike rënieje demografike, të paprecedentë në historinë moderne të vendit. Ai theksoi se lindshmëria aktuale është e barabartë me atë të 100 viteve më parë, kur vendi kishte rreth 700 mijë banorë.
Berisha akuzoi qeverinë për atë që e quajti “gjenocid të heshtur”, duke iu referuar nenit 3 të Konventës së OKB-së, që përfshin krijimin e kushteve që detyrojnë largimin e popullsisë nga vendi i tyre.
“Kurrë nuk është regjistruar një katastrofë e tillë demografike si ajo e viteve 2014–2024. Largimet masive dhe rënia e lindjeve po e boshatisin vendin,” tha ai.
Berisha theksoi se që prej vitit 2018, numri i vdekjeve ka qenë vazhdimisht më i lartë se ai i lindjeve, një situatë që sipas tij po e çon vendin drejt pikut alarmant të humbjes së popullsisë.
Në përfundim, ai kërkoi vendosjen urgjente të një platforme kombëtare për të ndalur shpopullimin, duke paralajmëruar se pa masa të menjëhershme, Shqipëria rrezikon një “zhdukje të pashmangshme” demografike.
Tag: rrezikon
-
“Shqipëria rrezikon të zhduket!” Berisha: Shpopullimi, një goditje ekzistenciale
-
Taremi rrezikon të mungojë në Botërorin 2026, arsyeja është politike amerikane
9 Dhjetor 2025
14:43
Alfred Lleshi
Një “goditje” me prapavijë politike rrezikon Iranin dhe një nga yjet e tij në prag të Botërorit 2026. Mehdi Taremi, sulmuesi 33-vjeçar ish-lojtar i Interit dhe Portos, aktualisht tek Olympiacos, mund të detyrohet ta ndjekë turneun nga televizioni për shkak të tensioneve mes Iranit dhe SHBA, vendi kryesor pritës i Botërorit të radhës.
Nyja lidhet me vizën. Një urdhër ekzekutiv i vitit 2025 kufizon hyrjen në SHBA për qytetarët e 19 vendeve, përfshirë Iranin. Për Taremin ekziston edhe një pengesë shtesë; ai ka kryer shërbimin ushtarak të detyrueshëm 2-vjeçar në Marinën e IRGC (Gardianët e Revolucionit), çka mund t’i sjellë refuzimin e vizës nga autoritetet amerikane.
Federata iraniane mbetet e kujdesshme. Edhe pse FIFA ka dhënë garanci, presidenti Mehdi Taj paralajmëron: “Duhet të kemi një plan B, në rast se vendosin të mos lejojnë hyrjen e një lojtari”. -
“Air Albania” anulon fluturimin, Kombëtarja e vajzave rrezikon miqësoret me Turqinë!
Kombëtarja e Femrave të Shqipërisë rrezikon të mos luajë miqësoren ndaj Turqisë, pas fluturimi i linjës “Air Albania” nga Tirana drejt Stambollit, i parashikuar të nisej sot në orën 18:20, është anuluar në mënyrë të papritur dhe pa asnjë arsye zyrtare, duke shkaktuar kaos dhe pakënaqësi të madhe te të gjithë pasagjerët.
Ndër udhëtarët që kishin prerë bileta ishte edhe Kombëtarja shqiptare e futbollit për vajza, e cila ishte nisur drejt Turqisë për të zhvilluar dy ndeshje miqësore të planifikuara prej kohësh, në datat 28 nëntor dhe 1 dhjetor.Ky anulim i pashpjeguar ka prishur tërësisht programin e ekipit përfaqësues, teksa futbollistet dhe stafi teknik u detyruan të kthehen mbrapsht, pasi u lanë në pritje pa asnjë njoftim dhe pa asnjë zgjidhje alternative nga kompania ajrore.
Sakaq, zyra e “Air Albania”-s në aeroport ishte e mbyllur dhe numrat e telefonit të kompanisë ishin të fikur, me qytetarët që nuk kishin asnjë mundësi ku të kërkonin ndihmë apo asistencë.
Me miqësoret e programuara prej muajsh, situata e krijuar rrezikon seriozisht zhvillimin e këtyre ndeshjeve, duke vendosur në pozitë të vështirë jo vetëm Kombëtaren, por edhe Federatën Turke të Futbollit, e cila ka pritur ekipin shqiptar sipas planit.
Mbi të gjitha, ky rast përbën një situatë tejet të pakëndshme dhe të papranueshme, duke cenuar profesionalizmin dhe imazhin e një ekipi kombëtar që përfaqëson Shqipërinë në arenën ndërkombëtare.
Përveç futbollisteve të Kombëtares shqiptare, dhjetëra pasagjerë të tjerë që kishin rezervuar bileta për të udhëtuar drejt Stambollit mbetën të bllokuar në aeroport, pa marrë qartësi dhe pa një zgjidhje të menjëhershme.
Anulimi i fluturimit, pa shpjegim dhe pa ofrim alternativash të menaxhuara siç kërkojnë standardet ndërkombëtare të transportit ajror, ngre shqetësime serioze mbi funksionimin dhe përgjegjësinë e kompanisë “Air Albania” ndaj pasagjerëve të saj.
Rasti i sotëm tregon se mungesa e komunikimit dhe improvizimi në situata të tilla dëmtojnë drejtpërdrejt sportin, institucionet dhe qytetarët që mbështeten te udhëtimet ajrore për detyrime zyrtare ose personale. -
Kombëtarja rrezikon ndeshjet, “Air Albania” anullon papritur fluturimin drejt Turqisë
Kombëtarja shqiptare e vajzave rrezikon ndeshjet miqësore të planifikuara më 28 nëntor dhe më 1 dhjetor. Ndeshjet do të luhen në Turqi, por një vendim i papritur i kompanisë ajrore “Air Albania” ka vënë në pikëpyetje zhvillimin e tyre. Kompania në fjalë ka anulluar fluturimin drejt Stambollit pa dhënë një lajmërim paraprak dhe asnjë arsye për marrjen e këtij vendimi.
Pasagjere në këtë udhëtim ishin edhe vajzat e Kombëtares, së bashku me stafin teknik, të cilët pas pritjes së gjatë në aeroport janë detyruar të kthehen mbrapsht. Kompania “Air Albania” ka ndërprerë çdo mënyrë komunikimi me pasagjerët, duke u hequr mundësinë e ankimit apo të sqarimit të situatës. Një përvojë e pakëndshme për të gjithë qytetarët që kishin blerë një biletë për të qenë pjesë e këtij fluturimi. Një papërgjegjshmëri e këtillë dëmton seriozisht edhe imazhin e profesionalizmin e Kombëtares shqiptare të vajzave, që tashmë rrezikon të mos luajë dy miqësoret e planifikura prej muajsh./Sport Ekspres/ -
‘Kur një opozitë mban qëndrim të përgjegjshëm, rrezikon të quhet romantike’, Boçi: Nuk themi se do e marrim Ramën…
Nënkryetari i Partisë Demokratike dhe deputeti, Luçiano Boçi deklaroi sot se protestat që po organizohen nga opozita, janë tregues i mbajtjes së një qëndrimi të përgjegjshëm si alternativë politike.
I ftuar në një studio televizive, Boçi tha se edhe pse PD-ja i ka forcat për të radikalizuar situatën, zgjedh të mos veprojë në mënyrë të tillë.
Sipas Boçit, nuk mjafton që në protesta të marrin pjesë vetëm anëtarët e PD-së, por të jenë edhe qytetarët.
“Kur një opozitë mban qëndrim të përgjegjshëm, rrezikon të quhet ‘romantike’. Kur ballafaqohesh me një qëndrim të papërgjegjshëm, duket më e padukura. Dëshira dhe qëllimi i Partisë Demokratike për t ëqenë në drejtimin evendit, nuk kalon mbi kufoma. Nëse kemi sot një qëndrim të përgjegjshëm, mos mendohet se nuk kemi forca për të radikalizuar situatën dhe për të bërë thirrje që nxisin emocionet e njerëzve. Nuk themi se do e marrim zvarrë Edi Ramës. Se kështu, njerëzit e revolutuar vijnë dhe e realizojnë. Qëllimi është bindja hapa pas hapi dhe pjesëmarrja e qytetarëve në proteste. Nuk mjaftojnë vetëm anëtarët e PD-së, por duhen edhe qytetarët. Edhe qasja e publikut ka ndryshuar në mënyrën sesi e percepton atë që do marrë dënimin, nëse do vijë nga drejtësia juridike apo politike. Në çdo rast, opozita do bëjë aksionin e saj dhe është alternativë e publikut”,-tha Boçi. -
Masa e GJKKO: Balluku të largohet menjëherë nga zyra, nëse nuk bindet rrezikon…
Të tjera detaje dalin në dritë nga dy masat e dhëna sot për zëvendëskryeministren Belinda Balluku, e cila u pezullua sot nga detyra dhe iu bllokua pasaporta, duke i ndaluar asaj daljen jashtë vendit. Raportohet se masa ndaj Ballukut i kërkon kësaj të fundit që të largohet menjëherë nga zyra e saj, në të dy postet e rëndësishme, si zëvendëskryeministre dhe si ministre e Infrastrukturës.
Ky urdhër është dhënë me pretendimin se Balluku mund të rrezikojë prishjen e provave, duke qenë afër detyrave të tyre. Lala tha se nëse Balluku nuk zbaton menjëherë këtë urdhër, ajo rrezikon masë më të rëndë nga Gjykata e Posaçme. Balluku është nën hetim për tunelin e Llogarasë, por prokurorët kanë marrë nën kontroll dhe dosje të të praktikave të tenderave të tjerë. Ballukut i ndalohen dalja jashtë vendit për arsye politike, ndërsa mund t’i jepet leje vetëm për arsye të forta familjare, shëndetësore.
“Zonja Balluku akuzohet për tenderin për ndërtimin e tunelit të Llogarasë. Dëmi i shkaktuar ndaj shtetit është rreth 50 mln euro, ndërsa tenderi është paracaktuar.”, tha Lala.
Kujtojmë se GJKKO ka dhënë masë ‘arrest shtëpie’ dhe për dy bashkëpunëtorë të saj të ngushtë, Erald Elezin, drejtor i KESH-it, dhe kreun e ARRSH-së, Gentian Gjyli. -
Uji rrezikon banesat/ Moti i keq, çahet argjinatura e kënetës në Tale, përmbyten disa rrugë
Banorët e zonës se Mylte në Tale raportojnë se niveli i ujit është rritur ndjeshëm gjatë orëve të fundit, duke dalë nga këneta dhe duke përmbytur disa rrugë, oborre dhe sipërfaqe bujqësore.
Sipas banorëve, problemi ka nisur pas çarjes së argjinaturës së kanalit kryesor, e cila shërben si mbrojtje për zonën e banuar. Çarja dyshohet të ketë lejuar depërtimin e menjëhershëm të prurjeve të mëdha të ujit, duke e vënë komunitetin në rrezik.
Banorët thonë se uji po shtohet me shpejtësi dhe kanë kërkuar ndërhyrje urgjente nga autoritetet lokale dhe strukturat e emergjencave civile, ndërsa shprehen të shqetësuar për mundësinë e përkeqësimit të mëtejshëm të situatës. -
Video/ Pamje me dron, Lumi Vjosa në pikë kritike pasi rrezikon të dalë nga shtrati
Për shkak të reshjeve të dendura të shiut, prurjet në lumin Vjosë janë rritur. Ministria e Mbrojtjes ka deklaruar se lumi Vjosë po mbahet nën monitorim pasi rrezikon të dalë nga shtrati.
Ministri i Mbrojtjes, Piro Vengu, ka mbërritur pasditen e sotme në urën e Mifolit, ku po monitoron nga afër situatën e prurjeve të lumit Vjosa. Reshjet e shiut nuk kanë pushuar ende dhe situata vijon të jetë kritike, pasi edhe në orët në vijim pritet të ketë reshje në gjirin e Vlorës si edhe në jug të vendit.
Autoritetet kanë njoftuar të gjithë banorët dhe bizneset përgjatë vijës se lumit të tregohen të kujdesshëm dhe të qëndrojnë në gatishmëri për çdo zhvillim të mundshëm.
Deri tani niveli ka arritur 6 metër, ndërkohe qe pika kritike është 6.8 metër.Top Channel
-
Përfshihet nga përmbytjet, Gramshi/ Situatë e rëndë nga moti, lumi i fshatit Kërpicë rrezikon banesat
Situata e motit në Gramsh ka sjellë shqetësime në fshatin Kërpicë, ku lumi që përshkon zonën rrezikon të dalë nga shtrati, duke vënë në rrezik disa banesa.
Sinjali SOS është dhënë nga administratori i njësisë Kushovë dhe kryetari i fshatit të cilët kanë informuar autoritetet .
Në vendngjarje është dërguar një fadromë e bashkisë Gramsh dhe një zjarrfikës ndërsa strukturat vendore të emergjencave civile janë vënë në gatishmëri dhe po monitorojnë situatën nga afër. -
Vjosa rrezikon të dalë nga shtrati në Novoselë, banorët në gatishmëri për t’u evakuuar
Pavarësisht se reshjet e shiut në qytetin e Vlorës kanë qenë me një intensitet të ulët deri mesatar, situata në lumin Vjosë nuk paraqitet aspak e qetë. Në njësinë administrative Novoselë lumi ka tendencë të prurjeve në rritje e sipër. Kjo për shkak të prurjeve që vijnë nga Përmeti dhe Memaliaj të cilat janë edhe aty në rritje.
Situata në Vjosë po mbahet në monitorim pasi rrezikon daljen nga shtrati. Nëse prurjet do të jenë në kuota të larta përgjatë orëve në vijim situata do të jetë kritike.
Momentalisht Vjosa po shkon në kuotën e 4.2 metrave teksa kur arrin kuotën 7.5 metra nis përmbytjen e zonave përreth.
Banorëve të zonës ju është bërë thirrje të jenë në gatishmëri pasi në nivelin mbi 6-6.5 metra do të nisë evakuimi i banesave të para që gjenden afër lumit.