Lajmidites.com

Tag: rregulli

  • Rregulli 3×3 që premton të mposhtë lodhjen e pasdites

    Rregulli 3×3 që premton të mposhtë lodhjen e pasdites

    A të ka ndodhur të nisësh ditën me gjithë dëshirën për të qenë produktiv, por pa e kuptuar, pasdite ndihesh i rraskapitur dhe pa energji? Nuk ke pirë ujë mjaftueshëm, s’ke lëvizur shumë, e ndoshta as nuk ke ngrënë siç duhet?

    TikTok ka shpikur një zgjidhje të thjeshtë por efektive për këtë, “Rregulli 3×3”, një rutinë që po ndryshon mënyrën se si njerëzit kujdesen për trupin dhe mendjen e tyre që në mëngjes.

    Çfarë është “Rregulli 3×3”?

    Krijuesja @fit.abbie e bëri këtë metodë virale duke ndarë një recetë të thjeshtë për mirëqenien e përditshme:

    “Para orës 12:00 bëj 3,000 hapa, pi 1/3 e sasisë ditore të ujit dhe konsumoj 30 gram proteina. Nëse e bën çdo ditë, do të jesh më energjik, më i shëndetshëm dhe më i lumtur.”

    Videoja e saj ka marrë miliona shikime, me përdorues që e përshkruajnë metodën si “të lehtë për t’u zbatuar dhe tepër efektive”. Shumë prej tyre e kanë përshtatur sipas rutinës personale, duke e bërë trendin edhe më popullor.

    Pse funksionon kjo metodë?

    Sipas trajneres personale dhe nutricionistes Kristina Turnure, ideja pas “Rregullit 3×3” është të korrigjojë tre gabimet më të zakonshme të mëngjesit:

    mungesa e proteinave,
    dehidratimi, dhe
    mungesa e lëvizjes.

    “Është e thjeshtë, fleksibile dhe ndërton vrull për pjesën tjetër të ditës. Kushdo mund ta provojë dhe ta përshtatë,”- thekson Turnure për today.com.

    Si ta zbatosh “Rregullin 3×3” në praktikë

    Bëj 3,000 hapa para mesditës

    Një shëtitje e lehtë në mëngjes ndihmon në uljen e stresit, rrit energjinë dhe përmirëson cilësinë e gjumit. Ekspozimi ndaj dritës natyrale ndihmon trupin të rregullojë orën biologjike.

    Konsumo 30 gram proteina

    Mund të jetë mëngjes me vezë, kos grek, smoothie me proteina apo një tost me gjalpë kikiriku. Proteina stabilizon nivelin e sheqerit në gjak dhe parandalon ndjenjën e lodhjes.

    Pi 1/3 e sasisë ditore të ujit

    Pijet e para të ditës janë vendimtare. Pirja e ujit para mesditës ndihmon në përqendrim, përmirëson tretjen dhe mban trupin të hidratuar gjatë gjithë ditës.

    Rregulli 3×3 nuk është plan strikt, por një kujtesë e butë për të kujdesur për veten çdo ditë.

  • Dëshironi të bëni një jetë të mirë? Atëherë kini parasysh këshillat e Albert Ajnshtajnit

    Dëshironi të bëni një jetë të mirë? Atëherë kini parasysh këshillat e Albert Ajnshtajnit

    Me zbulimet shkencore të tilla si qëndrueshmëria e shpejtësisë së dritës, efekti fotoelektrik, formula E=mc² dhe relativiteti, Albert Ajnshtajni njihet me të drejtë si një nga gjenitë më të mëdhenj të njerëzimit.

    Megjithatë, fama e tij shtrihej shumë përtej sferës së shkencës, pasi nga letrat, shënimet dhe korrespondenca e tij ai na la një sërë rregullash magjepsëse për të jetuar.

    Një pacifist, aktivist politik aktiv dhe një nga figurat më ikonike dhe më të famshme në histori, ai ishte gjithashtu i njohur për sjelljen e tij jokonvencionale në kundërshtimin e normave shoqërore, duke përfshirë flokët të çrregullt, humorin e mprehtë dhe urrejtjen e tij të paepur ndaj…çorapeve.

    Benyamin Cohen shkroi librin “Efekti i Ajnshtajnit”, rregullat për një jetë më të mirë që shkojnë shumë përtej fizikës së Ajnshtajnit dhe teorive të tij shkencore.

    Rregulli 1: Shpenzoni energjinë tuaj për gjëra që kanë rëndësi

    Ajnshtajni, në vitet e fundit të jetës veshi atë që pothuajse mund të konsiderohej një uniformë: një kostum gri të veçantë me një xhaketë lëkure dhe, natyrisht, këpucë pa çorape. Mungesa e përpjekjeve të Ajnshtajnit në lidhje me imazhin e tij ndoshta e lejoi atë të përqendrohej në atë që ishte vërtet e rëndësishme për të, siç janë zbulimet e tij.

    Rregulli 2: Bëni gjërat që ju pëlqejnë, edhe nëse nuk jeni të mirë në to

    Dihet se Ajnshtajnit i pëlqente të piqte bukë dhe të luante violinë, por mbi të gjitha i pëlqente lundrimi. Siç shkruante ai: “Një lundrim në det është një mundësi e shkëlqyer për qetësi dhe reflektim për të menduar nga një këndvështrim tjetër”. Megjithatë, ai vetë shpesh e humbiste drejtimin ose e përplaste varkën.

    Thuhet se ai shpesh ka paraqitur një rrezik për veten dhe të tjerët, ka refuzuar të veshë jelek shpëtimi, pavarësisht se nuk ishte në gjendje të notojë dhe shpesh është ndihmuar nga të tjerët, madje edhe fëmijët, për të tërhequr varkën e tij.

    Mirëpo paqja që gëzonte Ajnshtajni gjatë lundrimit ishte e pashembullt, duke i dhënë atij një liri mendore që të gjithë duhet të përpiqemi për veten tonë.

    Rregulli 3: Përvetësoni mentalitetin e enigmës

    Këtu përshtatet thënia e tij e keqkuptuar shpesh, por më e famshme: “Imagjinata është më e rëndësishme se dija”. Ndërsa shumë njerëz kishin studiuar shpejtësinë e dritës – duke përfshirë gjenitë e tjerë si FitzGerald, Maxwell, Lorentz dhe Poincaré – perspektiva unike e Ajnshtajnit e lejoi atë t’i qaset problemit në një mënyrë që çoi në revolucionin e relativitetit special. Ishte botëkuptimi i tij fleksibël dhe jo i ngurtë që e lejoi të konceptonte ide që të tjerët do t’i hidhnin poshtë menjëherë. Ai duhej ta zgjidhte problemin duke e parë pikërisht ashtu siç është: si një problem që duhet zgjidhur thjesht duke shtuar imagjinatën.

    Rregulli 4: Mendoni thellësisht dhe në mënyrë thelbësore për gjithçka që ju magjeps me të vërtetë

    Edhe pse Ajnshtajni ishte më i famshëm për problemet që zgjidhte, kishte shumë probleme që nuk u zhdukën: nga gjetja e një shpjegimi determinist për sjelljen kuantike të vëzhguar deri tek përpjekja për të unifikuar të gjithë fizikën ( duke përfshirë gravitetin dhe forcat e tjera).

    Gjatë gjithë jetës, ai mori shumë letra, dhe një nga përgjigjet e tij është bërë e njohur për mendjemprehtësinë dhe dhembshurinë e saj.

    “Nëse keni një problem që ju intereson thellësisht, qëndroni me të për vite dhe mos u përpiqni kurrë të kënaqeni me zgjidhjen sipërfaqësore të problemeve që premton sukses relativisht të lehtë.” Dhe nëse nuk mund të arrini te zgjidhja që keni kërkuar, mos u dëshpëroni. Siç i shkruante Ajnshtajni mikut të tij David Bohm: “Nuk duhet të mbytesh nga përmasat e problemit. Nëse Zoti e ka krijuar botën, sigurisht që shqetësimi i tij kryesor ishte të mos na e bënte të lehtë për ta kuptuar”.

    Rregulli 5: Shkenca, e vërteta dhe edukimi janë për të gjithë, jo vetëm për ata pak të privilegjuar

    Ai shpesh ishte shumë kritik ndaj qeverisë së Shteteve të Bashkuara. Për veprimet e tij antiraciste, në vitin 1932 FBI kishte hapur një dosje për të. Në vitin 1937, Ajnshtajni ftoi yllin me ngjyrë të operës Marion Anderson të qëndronte në shtëpinë e tij kur asaj iu refuzua akomodimi në Hotelin Princeton.

    Në vitin 1946, ai vizitoi Universitetin Lincoln – kolegjin e parë në Shtetet e Bashkuara që u dha diploma njerëzve me ngjyrë – dhe mbajti leksione, duke folur me studentët dhe duke iu përgjigjur pyetjeve.

    Në një nga këto vizita, Ajnshtajni kishte thënë në një nga fjalimet e tij tashmë të famshme: “Ka një ndarje të njerëzve me ngjyrë nga të bardhët në Shtetet e Bashkuara. Kjo ndarje nuk është një sëmundje e njerëzve me ngjyrë. Është një sëmundje e të bardhëve”.

    ObserverKult

    Lexo edhe:

    MIMOZA ÇOBO: TË THINJEMI BASHKË…

    Poezi nga Mimoza Çobo

    Kur mëngjesi vjen ëmbël, ti buzëqesh,e unë, si pikë vese njomë gishtat e tua.E ndjen burrë i dashur, jetën si rrëshqet,ngjyrave agimore e perëndimeve purpuruar!…

    Mos numëro orët dhe minutat çdo çast!Se krahëve derdhem unë porsi diell i kuq,gjirit dal si hëna llamburit natën e gjatë,nën dritëzën e saj, shpirti yt përhumb…

    Syri yt burrërorë të ardhmen projekton,se e tashmja buzëqeshur shkon kaluar,t’ia vjelim kënaqësitë jetës që gurgullon,ujvarë kristalore në shpirtin e dashuruar.

    Poezinë e plotë mund ta lexoni KËTU:

    EDGAR ALBERT GUEST: DËSHMIA SA TI VLEN

    Poezi nga Edgar Albert Guest

    Sado fitorja është dëshmi e zotësisë që mund t’kesh,Disfata është dëshmi e trimërisë;I dobëti suksesit kollaj i buzëqesh,Por heq dorë në shenjën e parë të bezdisë.Dhe prova e zemrës, prova e kurajës tënde,S’janë qiejtë me diell pa re,Por si i qëndron goditjeve në vend e,Si e lufton dëshpërimin që ke?

    Dhe kur rrugëdalja shihet kollaj,I trashi mund t’duket i mençur n’udhë të pazënë,Por veç përballë frikave dëshmohet gjykimi i njeriut pastaj,dhe kur është i mbytur në dyshime çfarë bën?Dhe dëshmia e besimit është guximi që shpreh,Kur hidhërimi i ndryhet në gjoksin thellë;Eshtë mënyra se si i vuan helmet që i njeh,Që nga brendia më të mirën o me të keqen i sjell.

    Poezinë e plotë mund ta lexoni KËTU:

    ObserverKult

  • Trend i ri i mirëqenies 3×3: A funksionon vërtet?

    Trend i ri i mirëqenies 3×3: A funksionon vërtet?

    Një tjetër rregull shëndeti dhe mirëqenieje po qarkullon në rrjetet sociale: rregulli 3×3.I krijuar nga fit.abbie, ky hack premton energji, rutinë dhe shëndet më të mirë nëse çdo ditë, përpara mesditës, arrini të bëni 3,000 hapa, të pini një të tretën e ujit që ju nevojitet dhe të konsumoni 30 gramë proteina.Çfarë përfitimesh sjell?Ekspertët theksojnë se secili prej këtyre zakoneve është i dobishëm.Ecja: Një formë e thjeshtë aktiviteti aerobik që përmirëson shëndetin kardiovaskular dhe ul rrezikun e dëmtimeve. Edhe një shtesë prej 2,000–4,000 hapash në ditë sjell përfitime të ndjeshme.Hidratimi: Pirja e ujit që herët në ditë është thelbësore, pasi organizmi kalon disa orë pa ujë gjatë gjumit. Kjo ndihmon trurin, zemrën, lëkurën dhe veshkat.Proteina: E domosdoshme për masën muskulore, sistemin imunitar, hormonet dhe metabolizmin. Udhëzimet sugjerojnë që 10–35% e kalorive ditore të vijnë nga proteina, që përkthehet në rreth 50–75 gramë në ditë.Ky kombinim mund të ndihmojë për të ngritur një bazë të fortë për shëndetin dhe për të nisur ditën me më shumë energji.Megjithatë, sipas ekspertes Maria Laura Haddad-Garcia, ky rregull ka kufizimet e veta.“Është e rëndësishme të pini ujë, të lëvizni dhe të merrni proteina, por nuk ka pse të ndodhin patjetër para mesditës. Çdo individ ka nevoja të ndryshme, ndaj thelbësore është që këto zakone të bëhen pjesë e ditës, jo domosdoshmërisht sipas një ore të caktuar.”Rregulli 3×3 mund të shërbejë si një shtysë praktike për të ndërtuar dhe ndjekur një rutinë, por nuk është një formulë magjike për të gjithë.Pavarësisht numrave të saktë, ajo që ka më shumë rëndësi është të lëvizni, të hidratoheni dhe të merrni proteina mjaftueshëm, në kohën që i përshtatet jetës dhe trupit tuaj.Ndërkohë, dietologët paralajmërojnë se trendet e thjeshtuara si rregulli 3×3 nuk duhet të zëvendësojnë një plan ushqimor dhe jetese të balancuar.Nëse nuk përshtaten me nevojat individuale, ato mund të krijojnë ndjesi presioni ose dështimi te njerëzit që nuk arrijnë t’i zbatojnë çdo ditë.Prandaj, më e rëndësishme se respektimi i një ore fikse është krijimi i zakoneve të qëndrueshme që mund të ndiqen në afatgjatë./ Eating Well, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Masa të rrepta për ndalimin e celularëve në shkolla, thirrje për bashkëpunim mes mësuesve, prindërve dhe nxënësve

    Masa të rrepta për ndalimin e celularëve në shkolla, thirrje për bashkëpunim mes mësuesve, prindërve dhe nxënësve

    Ministria e Arsimit dhe Sportit, me një udhëzim të veçantë ka përcaktuar rregullat dhe masat për ndalimin e përdorimit të telefonit celular dhe pajisjeve të ndërlidhura me të, në institucionet arsimore parauniversitare.
    Ministrja e Arsimit dhe Sportit, Ogerta Manastirliu, në mesazhin drejtuar nxënësve, mësuesve, prindërve dhe gjithë komunitetit, tha se shkolla duhet të jetë një hapësirë e sigurt dhe e përqendruar tek mësimi.
    “Shkolla është vendi ku ndërtojmë të ardhmen e fëmijëve tanë, është hapësira ku duhet të mbizotërojë kujdesi, përqendrimi dhe respekti për njëri-tjetrin dhe mësimin që kryhet në klasë. Prej disa vitesh ne kemi pasur si rregull që telefonat celularë nuk lejohet të përdoren gjatë orës së mësimit.
    Por këtë vit shkollor, duke parë përvojën e vendeve të tjera dhe studimet e fundit, po e forcojmë zbatimin e këtij rregulli, që të jetë realisht efektiv. Nuk jemi të vetëm në forcimin e masave të ndalimit të përdorimit të telefonave celularë në shkolla dhe vendet europiane i kanë aplikuar këto masa dhe e kanë përforcuar këtë vit këtë rregull. Ne po ecim në të njëjtin drejtim, sepse rezultatet janë të qarta: më pak shpërqendrim, më shumë sukses në mësim, më shumë mirëqenie për nxënësit”, tha ajo.
    Ministrja sqaroi se vendimi nuk synon të përjashtojë teknologjinë, por ta orientojë atë drejt përdorimit të duhur.
    “Ky vendim nuk është aspak kundër teknologjisë. Përkundrazi, është për të mësuar ta përdorim në mënyrën dhe kohën e duhur. Ora e mësimit është për të mësuar, për të diskutuar, për të bashkëpunuar me njëri-tjetrin. Studimet e OECD-së dhe OBSH-së tregojnë se përdorimi i shpeshtë i telefonave tek fëmijët ul përqendrimin, ul aktivizimin mes nxënësve në klasë, dhe gjithashtu, në disa raste, mund të rrisë edhe rrezikun e bullizmit”, tha Manastirliu.
    Ministrja Manastirliu bëri të ditur se rregulli i ri është i qartë dhe i zbatueshëm për të gjithë dhe se përcakton qartë përgjegjësitë e mësuesve dhe prindërve.
    “Në këtë vit shkollor rregulli është i thjeshtë për të gjithë: Telefonat nuk duhet të merren në shkollë. Në rast të nevojës të argumentuar nga prindi, në drejtorinë e shkollës, që fëmijën ta pajisë me telefon, atëherë telefoni fiket, nxënësi e dorëzon sipas rregullit të shkollës në sirtarin apo kutinë e përcaktuar në klasë, nga momenti i nisjes së mësimit deri në përfundim të orarit mësimor. Mësuesi kujdestar dhe drejtoria janë përgjegjës për zbatimin e këtij rregulli.
    Për raste urgjente, komunikimi me prindin bëhet vetëm me leje ose përmes mësuesit apo drejtorit të shkollës. Roli i mësuesit është të jetë shembull në zbatimin e këtij rregulli. Roli i prindërve është të bashkëpunojnë me shkollën duke e përforcuar mesazhin edhe në shtëpi, që fëmija të kuptojë se ky rregull është për të mirën e tij. Nëse ky rregull nuk respektohet në mënyrë të përsëritur edhe pas masave këshilluese dhe rekomanduese, drejtoria e shkollës vendos për ecurinë e masave të tjera sipas rregullave të përcaktuara në rregulloren e shkollës, si një sinjal i qartë që respektimi i rregullave, veç të tjerash, është pjesë e rëndësishme edhe e formimit edukativ personal”, tha ajo.
    Në përmbyllje të mesazhit, Manastirliu bëri thirrje për bashkëpunim të plotë mes mësuesve, prindërve dhe nxënësve.
    “Zbatimi i këtij rregulli është angazhim dhe detyrë e përbashkët, mësues, prindër dhe nxënës, që ora e mësimit të jetë orë mësimi, dhe për këtë na duhen librat, na duhet ta përdorim në mënyrë të përgjegjshme teknologjinë, sipas protokolleve të shkollës, duke i shërbyer arsimimit dhe edukimit të nxënësve, dhe mbi të gjitha na duhet shumë përkujdes, respekt dhe bashkëpunim me njëri-tjetrin. Përgatitje të mbarë për fillim vitin shkollor të gjithë nxënësve dhe prindërve”, perfundoi Manastirliu.

  • Jo më nxënës me celularë! Ministria paralajmëron masa të rrepta për shkollat në të gjithë vendin

    Jo më nxënës me celularë! Ministria paralajmëron masa të rrepta për shkollat në të gjithë vendin

    Ministria e Arsimit dhe Sportit me një udhëzim të veçantë ka përcaktuar rregullat dhe masat për ndalimin e përdorimit të telefonit celular dhe pajisjeve të ndërlidhura me të në institucionet arsimore parauniversitare.

    Ministrja e Arsimit dhe Sportit, Ogerta Manastirliu, në mesazhin drejtuar nxënësve, mësuesve, prindërve dhe gjithë komunitetit, tha se shkolla duhet të jetë një hapësirë e sigurt dhe e përqendruar tek mësimi.

    “Shkolla është vendi ku ndërtojmë të ardhmen e fëmijëve tanë, është hapësira ku duhet të mbizotërojë kujdesi, përqendrimi dhe respekti për njëri-tjetrin dhe mësimin që kryhet në klasë. Prej disa vitesh ne kemi pasur si rregull që telefonat celularë nuk lejohet të përdoren gjatë orës së mësimit. Por këtë vit shkollor, duke parë përvojën e vendeve të tjera dhe studimet e fundit, po e forcojmë zbatimin e këtij rregulli, që të jetë realisht efektiv. Nuk jemi të vetëm në forcimin e masave të ndalimit të përdorimit të telefonave celularë në shkolla dhe vendet europiane i kanë aplikuar këto masa dhe e kanë përforcuar këtë vit këtë rregull. Ne po ecim në të njëjtin drejtim, sepse rezultatet janë të qarta: më pak shpërqendrim, më shumë sukses në mësim, më shumë mirëqenie për nxënësit.”

    Ministrja sqaroi se vendimi nuk synon të përjashtojë teknologjinë, por ta orientojë atë drejt përdorimit të duhur.

    “Ky vendim nuk është aspak kundër teknologjisë. Përkundrazi, është për të mësuar ta përdorim në mënyrën dhe kohën e duhur. Ora e mësimit është për të mësuar, për të diskutuar, për të bashkëpunuar me njëri-tjetrin. Studimet e OECD-së dhe OBSH-së tregojnë se përdorimi i shpeshtë i telefonave tek fëmijët ul përqendrimin, ul aktivizimin mes nxënësve në klasë, dhe gjithashtu, në disa raste, mund të rrisë edhe rrezikun e bullizmit.”

    Ministrja e Arsimit dhe Sportit, Ogerta Manastirliu, bëri të ditur se rregulli i ri është i qartë dhe i zbatueshëm për të gjithë dhe se përcakton qartë përgjegjësitë e mësuesve dhe prindërve.

    “Në këtë vit shkollor rregulli është i thjeshtë për të gjithë: Telefonat nuk duhet të merren në shkollë. Në rast të nevojës të argumentuar nga prindi, në drejtorinë e shkollës, që fëmijën ta pajisë me telefon, atëherë telefoni fiket, nxënësi e dorëzon sipas rregullit të shkollës në sirtarin apo kutinë e përcaktuar në klasë, nga momenti i nisjes së mësimit deri në përfundim të orarit mësimor. Mësuesi kujdestar dhe drejtoria janë përgjegjës për zbatimin e këtij rregulli. Për raste urgjente, komunikimi me prindin bëhet vetëm me leje ose përmes mësuesit apo drejtorit të shkollës. Roli i mësuesit është të jetë shembull në zbatimin e këtij rregulli”.

    “Roli i prindërve është të bashkëpunojnë me shkollën duke e përforcuar mesazhin edhe në shtëpi, që fëmija të kuptojë se ky rregull është për të mirën e tij. Nëse ky rregull nuk respektohet në mënyrë të përsëritur edhe pas masave këshilluese dhe rekomanduese, drejtoria e shkollës vendos për ecurinë e masave të tjera sipas rregullave të përcaktuara në rregulloren e shkollës, si një sinjal i qartë që respektimi i rregullave, veç të tjerash, është pjesë e rëndësishme edhe e formimit edukativ personal.”

    Në përmbyllje të mesazhit, Ministrja Manastirliu bëri thirrje për bashkëpunim të plotë mes mësuesve, prindërve dhe nxënësve.

    “Zbatimi i këtij rregulli është angazhim dhe detyrë e përbashkët, mësues, prindër dhe nxënës, që ora e mësimit të jetë orë mësimi, dhe për këtë na duhen librat, na duhet ta përdorim në mënyrë të përgjegjshme teknologjinë, sipas protokolleve të shkollës, duke i shërbyer arsimimit dhe edukimit të nxënësve, dhe mbi të gjitha na duhet shumë përkujdes, respekt dhe bashkëpunim me njëri-tjetrin. Përgatitje të mbarë për fillim vitin shkollor të gjithë nxënësve dhe prindërve!”

  • Ndryshimi i madh në fluturime brenda zonës Schengen, mjafton vetëm bileta e avionit

    Ndryshimi i madh në fluturime brenda zonës Schengen, mjafton vetëm bileta e avionit

    Pas një prove në disa fluturime të veçanta, tani rregulli i ri pritet të vlejë për të gjitha fluturimet kombëtare në Itali dhe ato drejt vendeve të zonës Schengen: për të hipur në avion nuk do të jetë më e detyrueshme të tregosh një dokument identiteti, por do të mjaftojë karta e imbarkimit.

    Lajmi është publikuar nga Corriere della Sera dhe bazohet në një dokument të ENAC (Enti Kombëtar për Aviacionin Civil), i miratuar edhe nga Ministria e Brendshme italiane. Sipas këtij rregulli të ri, përgjegjësia e kontrollit të identitetit kalon te linja ajrore, e cila duhet të sigurojë që emri në biletë përputhet me atë të udhëtarit, përmes një kontrolli vizual.

    Sipas autoriteteve, siguria mbetet e garantuar nga kontrollet standarde në aeroporte, si kalimi nëpër metaldetektor dhe skaneri i bagazheve.

    Gjithsesi, dokumentet e identitetit nuk duhen lënë në shtëpi, sepse mund të kërkohen në kontrolle të rastësishme ose në kthim, pasi jo të gjitha vendet e zonës Schengen e zbatojnë këtë rregull. Për më tepër, për udhëtimet jashtë zonës Schengen dokumentet mbeten të domosdoshme.

    Vetëm në Itali, pritet që deri në fund të vitit rreth 51 milionë pasagjerë të fluturojnë duke përdorur vetëm kartën e imbarkimit, ndërsa deri në vitin 2026 parashikohen rreth 92 milionë pasagjerë.

    Megjithatë, kjo lehtësi nuk vlen për shtetasit shqiptarë, të cilët do të duhet të vijojnë të paraqiten bashkë me pasaportën.

  • Rregulla të reja/ Mjafton vetëm bileta për udhëtimet ajrore drejt Italisë dhe BE

    Rregulla të reja/ Mjafton vetëm bileta për udhëtimet ajrore drejt Italisë dhe BE

    Pas një prove në disa fluturime të veçanta, tani rregulli i ri pritet të vlejë për të gjitha fluturimet kombëtare në Itali dhe ato drejt vendeve të zonës Schengen: për të hipur në avion nuk do të jetë më e detyrueshme të tregosh një dokument identiteti, por do të mjaftojë karta e imbarkimit.Lajmi është publikuar nga Corriere della Sera dhe bazohet në një dokument të ENAC (Enti Kombëtar për Aviacionin Civil), i miratuar edhe nga Ministria e Brendshme italiane. Sipas këtij rregulli të ri, përgjegjësia e kontrollit të identitetit kalon te linja ajrore, e cila duhet të sigurojë që emri në biletë përputhet me atë të udhëtarit, përmes një kontrolli vizual.Sipas autoriteteve, siguria mbetet e garantuar nga kontrollet standarde në aeroporte, si kalimi nëpër metaldetektor dhe skaneri i bagazheve.Gjithsesi, dokumentet e identitetit nuk duhen lënë në shtëpi, sepse mund të kërkohen në kontrolle të rastësishme ose në kthim, pasi jo të gjitha vendet e zonës Schengen e zbatojnë këtë rregull. Për më tepër, për udhëtimet jashtë zonës Schengen dokumentet mbeten të domosdoshme.Vetëm në Itali, pritet që deri në fund të vitit rreth 51 milionë pasagjerë të fluturojnë duke përdorur vetëm kartën e imbarkimit, ndërsa deri në vitin 2026 parashikohen rreth 92 milionë pasagjerë.Megjithatë, kjo lehtësi nuk vlen për shtetasit shqiptarë, të cilët do të duhet të vijojnë të paraqiten bashkë me pasaportën.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Pas një prove në disa fluturime të veçanta, tani rregulli i ri pritet të vlejë për të gjitha fluturimet kombëtare në Itali dhe ato drejt vendeve të zonës Schengen: për të hipur në avion nuk do të jetë më e detyrueshme të tregosh një dokument identiteti, por do të mjaftojë karta e imbarkimit.Lajmi është publikuar nga Corriere della Sera dhe bazohet në një dokument të ENAC (Enti Kombëtar për Aviacionin Civil), i miratuar edhe nga Ministria e Brendshme italiane. Sipas këtij rregulli të ri, përgjegjësia e kontrollit të identitetit kalon te linja ajrore, e cila duhet të sigurojë që emri në biletë përputhet me atë të udhëtarit, përmes një kontrolli vizual.Sipas autoriteteve, siguria mbetet e garantuar nga kontrollet standarde në aeroporte, si kalimi nëpër metaldetektor dhe skaneri i bagazheve.Gjithsesi, dokumentet e identitetit nuk duhen lënë në shtëpi, sepse mund të kërkohen në kontrolle të rastësishme ose në kthim, pasi jo të gjitha vendet e zonës Schengen e zbatojnë këtë rregull. Për më tepër, për udhëtimet jashtë zonës Schengen dokumentet mbeten të domosdoshme.Vetëm në Itali, pritet që deri në fund të vitit rreth 51 milionë pasagjerë të fluturojnë duke përdorur vetëm kartën e imbarkimit, ndërsa deri në vitin 2026 parashikohen rreth 92 milionë pasagjerë.Megjithatë, kjo lehtësi nuk vlen për shtetasit shqiptarë, të cilët do të duhet të vijojnë të paraqiten bashkë me pasaportën.

  • “Paraburgimi, i stërmbushur prej vitesh”, Avokati i Popullit: Heqja e lirisë nuk duhet të jetë rregulli, por përjashtimi

    “Paraburgimi, i stërmbushur prej vitesh”, Avokati i Popullit: Heqja e lirisë nuk duhet të jetë rregulli, por përjashtimi

    Avokatja e Popullit, Erinda Ballanca, u shpreh se paraburgimet në Shqipëri janë mbushur plot dhe kjo është një shkelje e rëndë e ligjit.
    Ajo theksoi në “Real Story” se që prej kohës kur ka marrë drejtimin e institucionit, sistemi i paraburgimit në Shqipëri është tejmbushur me qytetarë, të cilëve iu është privuar liria në rrethana të diskutueshme.
    “Pozicioni i Avokatit të Popullit në lidhje me të tëra paraburgimet, po jo vetëm në rastin konkret është se duhen përdorur si mjet i fundit. Ketë e thotë ligji, këtë e thotë konventa, këtë e thotë standardi. Heqja e lirisë së peronit nuk duhet të jetë rregulli, por përjashtimi. Liria e personit cenohet vetë atëherë kur ai është i dënuar me një vendim penal të formës së prerë dhe atëherë duhet të vuajë dënimin.
    Ky duhet të jetë rregulli, përjashtimisht thotë ligji mund të që persona të caktuar të mbahen për arsye specifike, një arsye prishja e provave dhe një tjetër po aq e rëndësishme është rreziku i ikjes nga Shqipëria dhe ikja nga dhënia e drejtësisë apo procesi.
    Kështu që, Shqipëri fatkeqësisht vjen nga një kulturë, unë besoj e ka nga pjesa e kulturës diktatoriale, ne nuk ndryshuam mendësinë e sistemit. Kemi pasur për vite me radhë një paraburgim të stërmbushur dhe e kemi përkeqësuar. Është thelluar vit pas viti, që kur kam marrë unë detyrën dhe deri tani, numri i paraburgosurve ka ardhur duke u shtuar në sistemi tonë penitenciar.
    Ajo theksoi se arsyet tejmbushjes së paraburgimeve janë të ndryshme, ndërsa shtoi se edhe procesi i vettingut ndikoi që prokurorët dhe gjyqtarët të kërkonin masa më të ashpra ndaj personave të dyshuar.
    “Arsyet janë të ndryshme. Reforma në drejtësi zgjati afatin dhe kohën e zhvillimit të proceseve gjyqësore. Po ashtu një numër i madh prokurorësh dhe gjyqtarësh, gjatë kësaj periudhe, që fatmirësisht po përfundon tani…të rivlerësimit të tyre, përpiqeshin të ishin më të zellshëm ose të mos të kishin asnjë lloj dyshimi të çfarëdolloj se ato mund të ishin përfshirë në korrupsion, por nga ana tjetër ata po cenonin po aq shumë ligjin, sepse po shkelnin lirinë e personave dhe ishin duke i futur personat në burg kot apo shkonin me masa shumë të ashpra duke u përpjekur për të treguar se po zbatonin ligjin”, tha ai.

  • ‘Rregulli i 30 sekondave’/ Ja si te krijosh një përshtypje pozitive për të tjerët

    ‘Rregulli i 30 sekondave’/ Ja si te krijosh një përshtypje pozitive për të tjerët

    Të jesh i preferuar është një përparësi për shumë njerëz. Qoftë në jetën personale apo atë profesionale, pëlqyeshmëria ndikon në mënyrën se si të tjerët të trajtojnë dhe bashkëpunojnë me ty.

    Një person që nuk pëlqehet shpesh mbyll dyer, ndërsa ai që lë përshtypje të mirë, ka më shumë gjasa të fitojë besim dhe mundësi. Prandaj, është thelbësore të dish si të krijosh një përshtypje të parë pozitive.

    Sipas autorit të njohur të lidershipit, John Maxëell, ekziston një rregull i thjeshtë që mund ta bëjë këtë të mundur, emërtohet rregulli i 30

    Çfarë është rregulli i 30 sekondave?

    Në librin e tij ‘25 mënyra për të fituar njerëz’, Maxëell shkruan:

    “Njerëzit ndihen më mirë dhe sillen më mirë kur u kushtoni vëmendje, i pohoni dhe i vlerësoni.”

    Pra, ideja është kjo, brenda 30 sekondave të para të një takimi ose bisede, thuaji personit përballë një fjalë të mirë – një kompliment sinqertë ose një koment inkurajues. Kaq mjafton për të vendosur një ton pozitiv dhe për të ndërtuar një marrëdhënie të shëndetshme.

    Mos u përqendro te vetja, por përqendrohu te tjetri

    Siç thekson Medium.com, shumica e njerëzve, kur takojnë dikë të ri, përpiqen të duken sa më mirë vetë. Rregulli i 30 sekondave sugjeron që ta përmbysim këtë mënyrë të të menduarit: në vend që të kërkosh të impresionosh, fokusohu te tjetri, vë në pah cilësitë e tij/saj, dhe ndihmoje të ndihet i/e vlerësuar.

    Ky qëndrim pozitiv jo vetëm që i bën njerëzit të ndihen mirë në praninë tënde, por edhe ndryshon mënyrën se si ata të perceptojnë dhe ndërveprojnë me ty.

    Përfitimet e rregullit të 30 sekondave

    Ndihmon në bindje
    Një kompliment i sinqertë tregon vetëbesim dhe krijon një ambient të relaksuar. Të tjerët ndihen më të hapur, pa nevojën për të “provuar” veten përballë teje.
    Forcon lidhjet
    Kur lavdëron dikë në mënyrë autentike, ti ndikon edhe në mënyrën se si ai person e sheh veten. Me kalimin e kohës, ata fillojnë të identifikohen me imazhin pozitiv që u ke ndihmuar të formojnë, dhe kjo forcon marrëdhënien mes jush.
    Tregon aftësi udhëheqëse
    Një udhëheqës i vërtetë di të frymëzojë dhe motivojë të tjerët. Fjalët inkurajuese janë një mjet i fuqishëm për të ngritur moralin dhe për të ndërtuar besnikëri në ekip.
    Kthimi pozitiv
    Inkurajimi që jep nuk shkon dëm. Edhe nëse nuk merr menjëherë një përgjigje, fjalët e tua të mira do të mbahen mend, dhe ndoshta do të kthehen në një formë tjetër, në një moment tjetër. Syri.net-iefimerida

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

  • Rregulli i ri që do të ndryshojë futbollin zbatohet në Botërorin e klubeve, 8 sekonda për portierin të gjuaj topin ose jepet goditje nga këndi 

    Rregulli i ri që do të ndryshojë futbollin zbatohet në Botërorin e klubeve, 8 sekonda për portierin të gjuaj topin ose jepet goditje nga këndi 

    Në futboll përfshihen shumë para, prandaj drejtuesit e futbollit po provojnë në çdo mënyrë që ta bëjë sa më të drejtë dhe emocionuese të jetë e mundur, në mënyrë që të mos humbasë popullaritetin dhe interesin. Një nga problemet më urgjente në lojën e futbollit është vonesa dhe vjedhja e kohës. Megjithatë, me rregullin e ri, kjo nuk do të jetë më kështu.
    Në fakt, nga kjo verë, rregulli i tetë sekondave do të zbatohet në të gjitha garat. Portieri do të ketë aq kohë për të gjuajtur topin, nëse kjo nuk ndodh, një goditje nga këndi do t’i jepet ekipit kundërshtar. Gjatë viteve, kemi qenë dëshmitarë se vetëm dërgimi i topit nga portieri në mesufushë mund të vjedhë për rreth 30 sekonda, që është kohë e mjaftueshme për të organizuar një sulm serioz.
    Tani FIFA ka vendosur t’i japë fund kësaj, gjë që u konfirmua nga Collina, duke e përshkruar të gjithën si një lajm të mirë për futbollin. “Ky është inovacioni më i rëndësishëm, një që synon vërtet eliminimin e humbjes së kohës. Do të zbatohet në të gjitha garat e futbollit duke filluar nga kjo verë”, tha italiani për AS, duke shtuar:
    “Është përdorur tashmë në Copa Libertadores dhe Sudamericana dhe funksionoi shumë mirë. Nëse portierët e dinë se do të akordohet një goditje nga këndi, atëherë ata nuk do të rrezikojnë.
    Në fakt, në 160 ndeshjet e para të Libertadores dhe Sudamericana, rregulli është zbatuar vetëm dy herë. Ai siguron që portierët nuk do të kenë nevojë për 15, 20 ose 25 sekonda për të goditur topin. Ky është një lajm i mirë për futbollin”, tha ai. /Elio Hajdari-Sport Ekspres/