Lajmidites.com

Tag: realin

  • FOTO/ City përmbys Realin në “Bernabeu”, rendohet pozita e Alonsos, mediat në Spanjë: Goditje për Xabi-n

    FOTO/ City përmbys Realin në “Bernabeu”, rendohet pozita e Alonsos, mediat në Spanjë: Goditje për Xabi-n

    Pa Mbappe, me francezin të dëmtuar, dhe me Alonson në dyshim të fortë, Real Madrid bie sërish, këtë herë në “Bernabeu” përballë Man.City. Kjo ishte një sfidë që mund të vendos shumë mbi të ardhmen e Alonsos, por tekniku spanjoll dhe djemtë e tij zhgënjejnë sërish, në një kohë kur pësuan një humbje me përmbysje.
    Në fakt, Vinicius dhe pjesa tjetër e Realit e nisi sfidën në sulm, ku pas vetëm 2 minutash, sulmuesi brazilian reklamoi një penallti, por pasi rishkoi pamjet në VAR, gjyqtari i takimit akordoi faull në limitet e zonës. Goli ishte në ajër dhe në minutën e 28-të, Rodrygo, i harruari i Alonsos, tundi rrjetën me një goditje të saktë brenda në zonë duke sjell festë në “Bernabeu”.

    Ndryshe nga se pritej, goli jo vetëm që nuk solli qetësi, por futi Realin në panik, me Man.City që fillimisht barazoi shifrat në minutën e 35-të ku O’Reilly përfitoi nga një top i ngecur në zonë duke mposhtur Courtois. “Qytetarët” nuk u mjaftuan me kaq, por në minutën e 43-të, Erling Haaland fitoi një 11-metërsh. Nga pika e bardhë, “bomberi” norvegjez u tregu perfekt duke përmbysur shifrat në 1-2. Situata nuk ndryshoi në fraksionin e dytë, me dy ekipet që zhvilluan një futboll të hapur, me raste për shënim, por rezultati mbeti i pandryshuar deri në fund, me Realin që pëson një tjetër humbje, por qëndron në pozita komode, në vendin e 7-të në kuotën e 12 pikë, një më pak se Man.City.
    Në Spanjë, ashtu si pritej, kjo humbje rendon pozitën e Alonso-s: “Goditje për Xabi”, shkruan Mundo Deportivo. “Përmirësim pa shpërblim”, ishte titulli i përzgjedhur nga AS. “Pa kredi”, shkruan Sport.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Reali i Madridit e pëson nga VAR-i, Guardiola bën gati valixhet e Çabi Alonsos

    Reali i Madridit e pëson nga VAR-i, Guardiola bën gati valixhet e Çabi Alonsos

    Një tjetër rezultat zhgënjyes për Realin e Madridit. “Los blancos” janë mposhtur sot me shifrat 1-2 nga Mançester Siti. Rodrigo zhbllokoi rezultatin në minutën e 28, por festa në “Santiago Bernabeu” nuk do të zgjaste shumë. Në minutën e 35 O’rajli riktheu baraspeshën, ndërsa 2 minuta nga fundi i pjesës së parë Halandi vulosi shifrat në 1-2. Sulmuesi norvegjez u rrëzua në zonën e madrilenëve dhe pas rishikimit të pamjeve në monitorin e VAR-it, arbitri vendosi të sinjalizonte për penallti.
    Më pas Erling Halandi nuk e pati të vështirë të dërgonte topin në rrjetë nga pika e bardhë e 11 metrave. Një goditje e rëndë për Realin e Madridit, që vazhdon të mos dalë dot nga kriza e rezultateve. Me këtë humbje, Guardiola ka bërë gati valixhet për Çabi Alonson, pasi u përfol se përballja ndaj Sitit do të ishte vendimtare për të ardhmen e tij në krye të stolit të Realit të Madridit./Sport Ekspres/

  • Liverpul kalon Realin, Bajern tri pikë ndaj PSG-së

    Liverpul kalon Realin, Bajern tri pikë ndaj PSG-së

    Nëntë ndeshjet e para të Ligës së Kampionëve në turin e 4 të saj. Duele të ashpra dhe disa surpriza të cilat nisën që orën 18:45 teksa Napoli u ndal në “Maradona” 0-0 nga Frankfurt. Në mbëmje, dy supersfidat; Liverpul- Real e PSG- Bajern dolën jashtë parashikimit. Në Anfield Liverpul fitoi 1-0 ndërsa në Paris bavarezët shënuan dy herë në pjesën e parë dhe më pas mbrojtën me fanatizëm fitoren.

    Rezultatet e 9-të ndeshjeve të sotme në Champions League:

    Sllavia Pragë- Arsenal 0-3

    Napoli- Eintraht 0-0

    Liverpul- Real 1-0

    PSG- Bajern 1-2

    Atletiko Madrid- Union Saint Zhilozë 3-1

    Bodo/Glimt- Monako 0-1

    Olimpiakos -PSV 1-1

    Juventus- Sporting Lisbonë 1-1

    Totenhem- Kopenhagë 4-0/Sportiim.al

    Vazhdo leximin

  • “Nuk do të luaja për Realin, edhe nëse më jepnin gjithë pasurinë e kësaj bote”, Arshavini: Humbjet e Realit janë si…

    “Nuk do të luaja për Realin, edhe nëse më jepnin gjithë pasurinë e kësaj bote”, Arshavini: Humbjet e Realit janë si…

    Andrei Arshavini ka shprehur hapur mospëlqimin e tij për Realin e Madridit. Ish-lojtari rus ka thënë së fundmi se si një tifoz i Barcelonës humbjet e “los blancos”-ve i japin kënaqësi. Ai ka deklaruar se nuk do ta kishte veshur fanellën e Realit.
    “Gjitmonë i kam adhuruar yjet e Barcelonës që kanë veshur numrin 10. Jam një tifoz i Barcelonës… Nuk do të luaja kurrë për Realin e Madridit, edhe nëse do të më ofronin gjithë pasaurinë e kësaj bote. Shpresoj që të fitojë Kairati. Çdo humbje e Realit të Madridit është si balsam për zemrën time”, ka deklaruar Andrei Arshavini./Sport Ekspres/

  • Mbappe nderon Realin ndaj Marsielle, “gjeli” bën “dopietë”, Alonso: Shfrytëzuam shpirtin e Bernabeut

    Mbappe nderon Realin ndaj Marsielle, “gjeli” bën “dopietë”, Alonso: Shfrytëzuam shpirtin e Bernabeut

    2 penallti, 2 gola të Mbappe mjaftojnë për t’i dhuruar Realit fitoren në takimin e parë të Champions League. Në Madrid, ndaj Marsielle, sfida nis ters për ekipin e Alonos ku pas vetëm 5 minutash Alexander-Arnold doli nga fusha i dëmtuar. Francezët vendosën jo pak në siklet Realin, madje në minutën e 22-të Weah finalizoi me gol një kundërsulm të shpejtë. Festa nuk zgjati shumë pasi Rodrygo fitoi një 11-metërsh për faull në zonë. Nga pika e bardhë, Kylian Mbappe u tregua i saktë duke barazuar shifrat në 1-1.
    Fraksioni i dytë u ndërlikua akoma më shumë pasi Carvajal në minutën e 72-të u ndëshkua drejtpërdrejt me karton të kuq pasi një faulli antisportiv. Pavarësisht se me një lojtar më pak, Reali gjeti forcat duke përmbysur rezultatin me Kylian Mbappe, sërish nga pika e bardhë e penalltisë.

    Ashtu si në La Liga edhe në Champions, gjeli francez konfirmohet lideri i ri i Real Madrid: “Mbappe nuk fal” ishte titulli kryesor i AS. Xabi Alonso, trajneri i Real Madrid i gëzohet fitores në këtë debutim në Champions: “Ndodhën shumë gjëra në këtë ndeshje. Ishim fantastik për afro gjysmë ore. Vendosëm në vështirësi kundërshtarin, krijuam shumë raste për gol, por e pësuam. Për fat të mirë shfrytëzuam shpirtin e Champions League që e gjen vetëm në Bernabeu. Kjo ishte me të vërtetë një fitore shumë e rëndësishme”, u shpreh Alonso pas ndeshjes.
    ()
    © BalkanWeb

  • PSG-ja turpëroi Realin e Madridit, Luis Enrique: Po më shpërthen telefoni nga tifozët e Barcelonës

    PSG-ja turpëroi Realin e Madridit, Luis Enrique: Po më shpërthen telefoni nga tifozët e Barcelonës

    PSG-ja ka dëshmuar sërish se momentalisht është ekipi më i mirë në glob. Parisienët kanë shkatërruar Realin e Madridit me shifrat e thella 4-0, duke u kualifikuar në finale të Botërorit për kkube. Luis Enrique ka thënë për mediat se ka marrë një numër të madh mesazhesh urimi nga tifozët e Barcelonës. Sa i përket homologut të tij te Reai, trajneri spanjoll ka kërkuar që Xabi Alonsos t’i jepet kohë për të ndëruar projektin e tij. Luis Enrike ka kujtuar faktin se ka punuar dy vite me grupin për të arritur suksesin e sotëm.
    “Po më shpërthen telefoni nga mesazhet e tifozëve të Barcelonës, të cilët më përgëzojnë. Xabi Alonso? Xabi Alonso nuk ka nevojë të vërtetojë asgjë. Ai ka nevojë për një fazë përgatitore. Projekti i tij sapo ka filluar. Unë kam dy vite që punoj për këtë, nuk mund të bëhen krahasime”, ka deklaruar Luis Enrique./Sport Ekspres/

  • Finalja e ëndrrave/ PSG përballet me Realin në duel spektakolar për Kupën e Botës

    Finalja e ëndrrave/ PSG përballet me Realin në duel spektakolar për Kupën e Botës

    Chelsea ka arritur tashmë në finalen e Kupës së Botës për Klube, duke mposhtur Fluminense falë golave të Joao Pedro dhe tani pret rivalin e saj.

    Favoriti për të fituar do të vijë nga ana tjetër e shortit, sonte në orën 21:00 drejtpërdrejt në Digitalb do të jetë një përballje e madhe e një finaleje të parakohshme nga njëra anë, PSG dhe nga ana tjetër, Reali i Madridit.
    Donnarumma dhe shokët e tij të ekipit ëndërrojnë katër trofe, ndërsa Xabi Alonso dëshiron finalen dhe fitoren e tij të parë me Merengues.
    Kampionët e Europës të PSG-së në këtë përballje me Realin e Madridit do ta kenë takim të një rëndësie të veçantë, për shumë arsye. Ky është takimi i parë konkurrues midis klubit francez dhe Kylian Mbappé, pas largimit të tij si transferim i lirë.
    Ylli i Merengues mund ta fillojë nga stoli pavarësisht atij goli spektakolarë kundër Borussias së Dortmundit, sepse ai ende nuk është plotësisht në formë pas gastroenteritit të rëndë që i bëri të humbiste 5 kg dhe i dobësoi tonusin muskulor.
    PSG gjithashtu përballet me mungesa të konsiderueshme, pasi përfundoi me nëntë lojtarë në ndeshjen kundër Bayernit, e cila u prish nga dëmtimi i Jamal Musiala: Lucas Hernandez dhe Pacho dolën jashtë me kartona në atë ndeshje. Kjo do të thotë se një mini-revolucion në mbrojtje është duke u zhvilluar, me Beraldon një kandidat për t’u bashkuar me Marquinhos; Hakimi dhe Nuno Mendes do të jenë mbrojtësit e krahut.
    Pjesa tjetër e njëmbëdhjetëshes titullare është rikthyer, ndërsa Dembelén mbetet ende një temë e nxehtë: a do të jetë ky momenti i duhur që ai ta fillojë takimin nga minuta parë?
    Beteja e trajnerëve është gjithashtu emocionuese, me Luis Enrique dhe Xabi Alonso që nuk janë përballur kurrë me njëri-tjetrin në stol. Ish-trajneri i Bayer Leverkusen ëndërron të fitojë trofeun e tij të parë si trajner i Blancos, ndërsa ish-trajneri i Barçës dëshiron një trofe historik me katër tituj dhe Kupën e Botës për Klube në kabinetin e trofeve të PSG-së.

  • Kurtua shpëton Realin në sekondat e fundit, madrilenët sfidojnë PSG-në në gjysmëfinale

    Kurtua shpëton Realin në sekondat e fundit, madrilenët sfidojnë PSG-në në gjysmëfinale

    Reali i Madridit është gjysmëfinalisti i 4-t i Botërorit të Klubeve SHBA 2025. “Los blancos” kanë eleminuar sot Borusian e Dortmundit me rezultatin 3-2. Ekipi spanjoll gjeti shumë shpejt rrugën e rrjetës. Fillimisht në minutën e 10 dhe më pas në minutën e 20, Garsia i dha një epërsi të hershme skuadrës së tij.
    Kundërpërgjigja e Dortmundit erdhi shumë vonë. Bajeri tundi rrjetën në minutën e 92-të, por Mbapeja reagoi me gol vetëm 2 minuta më vonë. Megjithatë gjermanët treguan mentalitetin e tyre, teksa në minutën e 98 Girasi shënoi nga pika e bardhë e penalltisë. Verdhezinjtë i shkuan shumë pranë barazimit, por Kurtuaja shpëtoi Realin me pritjen e tij fantastike në sekondat e fundit. Një pritje që në fund i dha Realit biletën për në gjysmëfinale, ku do të sfidojë PSG-në./Sport Ekspres/

  • Nuk e përballoi dot Realin as me një lojtar më shumë që nga minuta e 7, Paçuka turpërohet nga madrilenët

    Nuk e përballoi dot Realin as me një lojtar më shumë që nga minuta e 7, Paçuka turpërohet nga madrilenët

    Reali i Madridit ka marrë sot fitoren e parë nën drejtimin e Çabi Alonsos. Gjiganti spanjoll ka mposhtur me shifrat 3-1 Paçukën në ndeshjen e dytë të fazës së grupeve në Botërorin e Klubeve. Skuadra meksikane nuk e ka përballuar dot Realin as me një lojtar më tepër në fushën e lojës.
    Asensio u ndëshkua me karton të kuq që në minutën e 7, duke i lënë madrilenët me një lojtar mangët. Por ky episod nuk ndikoi negativisht për “los blancos”. Bellinghemi (35′), Arda Gyleri (43′) dhe Valverdja (70′) tundën rrjetën për Realin e Madridit. Montieli ngushtoi shifrat në minutën e 80, por pa mundur të shmangë dot turpin e skuadrës së tij./Sport Ekspres/

  • Raul braktis Realin, Shalke obsioni i parë për trajnim

    Legjenda e futbolit të luajtur me Real Madrid në të shkuarën Raul Gonzalez Blanko ka vendosur të mbyllë një kapitull të rëndësishëm në karrierën e tij si trajner. Ai ka njoftuar largimin nga skuadra rezervë e Merengues, ku shërbeu si trajner për disa sezone, duke fituar përvojë në ligën spanjolle dhe duke u përgatitur për një sfidë më të madhe. Raul beson se ka ardhur koha për të bërë një hap përpara në karrierën e tij, larg mjedisit të Real Madridit, për të kërkuar një mundësi profesionale që do t’i lejonte të stërviste një skuadër të parë.

    Mundësitë:Duke pasur parasysh këtë situatë, disa klube tashmë janë shfaqur të interesuara për të siguruar shërbimet e tij. Njëri prej tyre është Shalke 04, klubi ku Raul la një gjurmë të pashlyeshme si lojtar. Do të ishte një veprim me ndjenjë, por edhe sportiv, pasi drejtuesit e klubit të njohur gjerman besojnë se statura e tij mund të motivojë dhomën e zhveshjes dhe tifozët në përpjekjen e tyre për t’u rikthyer në Bundesligë.

    Ndërkaq edhe Al Hilal, një nga gjigantët e futbollit të Arabisë Saudite, e ka trajnerin spanjoll në listën e ngushtë për të zëvendësuar Horge Zhezus. Edhe ekipi madrilen i Getafes e ka si obsion 47 vjeçarin nëse trajneri aktual Hoze Bordalas do të largohet.

    Vazhdo leximin