Lajmidites.com

Tag: raste

  • Aksioni kundër ndërtimeve pa leje, Rama publikon pamjet: Vijojmë pa pushim

    Aksioni kundër ndërtimeve pa leje, Rama publikon pamjet: Vijojmë pa pushim

    Në të gjithë territorin e vendit, po vijon puna për lirimin e hapësirave publike nga ndërtimet e paligjshme, një nismë që i paraprin zbatimit të programit “Rilindja Urbane 2.0”.

    Kryeministri Edi Rama publikoi sot në rrjetet sociale, pamje nga një tjetër ndërhyrje e forcave të Inspektoratit Kombëtar të Mbrojtjes së Territorit.

    “Vijojmë kudo, pa pushim”, tha Rama ndërsa ndau pamje nga prishja e një godine dykatëshe e ndërtuar pa leje.

    Nisma për lirimin e hapësirave publike nga ndërtimet pa leje synon të kthejë ligjshmërinë në territor duke sjellë zhvillim për komunitetet.

    E nisur në muajin korrik, ajo është konceptuar si ndërhyrje e përhershme dhe mbetet prioritet i pushtetit vendor dhe qendror.

    Shumë raste shkeljesh raportohen nga vetë qytetarët në portalin e dedikuar për këtë qëllim “Hapësira ime publike”, ku deri tani rezultojnë 16 638 raste të denoncuara, nga të cilat janë zgjidhur 12 686 raste, ndërsa 3 952 të tjera janë në proces shqyrtimi.

     

  • Publikohen të dhënat/ Raportohet numri i nxënësve të kapur me armë, sa u konfliktuan. Nën presion oficerët e sigurisë

    Publikohen të dhënat/ Raportohet numri i nxënësve të kapur me armë, sa u konfliktuan. Nën presion oficerët e sigurisë

    Shkolla të pasigurta është ky konkluzioni që arrin Kontrolli i Lartë i Shtetit pas një auditimi të kryer nga shtatori 2021 deri në 2024. 

    Monitorimi në gati 4 vite për rolin e oficerëve të sigurisë edhe punën e bërë  në institucionet arsimore ka rezultuar një proces jo efektiv, për shkak të mungesës së koordinimit institucional, teksa nga buxheti i Ministrisë së Arsimit vetëm  nga 0.4% deri në 0.6% të totalit të buxhetit shkon për sigurinë. 

    “Problematika më e shpeshtë, është ajo e dhunës fizike, me 892 raste të referuara në periudhën në fokus auditimi. Dhuna psikologjike/verbale radhitet e dyta, me 333 raste në këto vite. E treta, ndër problematikat më shqetësuese, me të cilat ballafaqohet siguria në shkolla, është bullizmi, e cila është raportuar 186 herë, në të njëjtën periudhë. Po ashtu shqetësim përbëjnë: kërcënimet/shantazhet/përndjekjet, me 178 raste dhe përdorimi i i drogës/cigares /alkoolit, me 133 raste”, thotë raporti i KLSH. 

    Raporti zbulon se indikatorët e sigurisë në shkolla, kanë pësuar përkeqësim të ndjeshëm në të gjithë sistemin arsimor parauniversitar në periudhën e parë të vitit 2024-2025, ku vetëm për 4 muaj janë shënuar 528 incidente, të kryesuara nga dhuna fizike, si dhe janë kapur 8 nxënës me armë. Mosmbulimi i të gjitha shkollave me oficerë sigurie ka cenuar gjithashtu sigurinë në ambjentet arsimore. Por edhe aty ku ka oficerë sigurie, del në pah se aktiviteti i ushtruar prej tyre, nuk u përgjigjet nevojave të shkollës, pasi mungon kontrolli fizik i nxënësve dhe i mjediseve shkollore. 

    “Ka qarqe si ai i Kukësit dhe ai i Gjirokastrës ku ka një oficer sigurie për çdo 25 shkolla, ndërkohë në qarkun e Tiranës ka një oficer sigurie për çdo 4-3 shkolla”, shkruan Raporti. 

    Raportimi i konflikteve apo incidenteve nëpër shkolla nuk përbën një detyrim ligjor për oficerët e sigurisë, është një tjetër gjetje e KLSH-së, ku ndonëse mund të ndodh raportimi, ato të dhëna nuk përpunohen apo analizohen më tej nga Agjencia Kombëtare e Arsimit Parauniversitar. 

    Gjatë auditimit u konstatua edhe trysnia në të cilën punojnë oficerët e sigurisë, kur duhet të raportojnë në databazën e krijuar nga ASCAP, pa specifikuar shkollën ku ka ndodhur incidenti. 

    “Nga të dhënat rezulton se parandalimet e rasteve nga shtatori 2021, deri në dhjetor 2024, janë në total 182, shifër kjo që provon, se rastet referohen vetëm pjesërisht. Oficerët e sigurisë janë shprehur, se janë ndjerë nën presionin e drejtuesve për të raportuar, pasi shkolla e tyre mund të cilësohej një shkollë jo e mirë, nëse kishte raportime të rasteve apo të incidenteve”. 

    Kjo sjell një panoramë të pasaktë dhe jo të plotë të realitetit në shkolla, si dhe ndikon në mangësi të theksuar në marrjen e masave konkrete për të garantuar ofrimin e një shërbimi cilësor të oficerëve të sigurisë. Ndaj KLSH rekomandon që brenda vitit 2026 të ketë një strukturë të dedikuar për raportimin e problematikave duke udhëzuar Ministrinë e Arsimit që të ngrejë një mekanizëm ligjor dhe funksional për mbledhjen e informacionit dhe pasqyrimit të incidenteve për të rritur besueshmërinë në shkolla. 

  • Policia e Shtetit bën bilancin për nëntorin: 115 operacione, 602 të arrestuar dhe miliona euro pasuri të sekuestruara

    Policia e Shtetit bën bilancin për nëntorin: 115 operacione, 602 të arrestuar dhe miliona euro pasuri të sekuestruara

    Policia e Shtetit ka bërë bilancin për muajin që lamë pas, duke evidentuar një sërë operacionesh, arrestimesh dhe goditjesh të rëndësishme ndaj veprimtarive kriminale në të gjithë vendin. Sipas njoftimit zyrtar, puna operacionale, hetimore dhe bashkëpunimi i ngushtë me qytetarët dhe partnerët ndërkombëtarë kanë qenë kyçe në rezultatet e arritura.
    Gjatë muajit nëntor, forcat e rendit finalizuan 115 operacione policore, mes tyre 13 operacione ndërkombëtare për lokalizimin, kapjen dhe ekstradimin e personave të shpallur në kërkim, kryesisht për përfshirje në organizata kriminale. Në total, 602 shtetas u arrestuan për vepra të ndryshme penale.
    Operacionet e Policisë çuan në sekuestrimin e sasive të konsiderueshme armësh, lëndësh plasëse dhe drogash: 5.6 kg lëndë shpërthyese, 29 granata, mijëra kapsolla detonatore, 41 armë zjarri, rreth 7000 fishekë, si dhe rreth 7 kg kokainë, 85 kg kanabis, 1516 bimë narkotike dhe 300 fara kanabisi. Gjithashtu, u bllokuan 12 milionë euro pasuri, 120 000 euro cash me burim kriminal, si dhe mjete, pajisje e dokumente të falsifikuara.
    Një nga aksionet më të rëndësishme ishte operacioni i koduar “Oroshi”, i zhvilluar nga RENEA, Antiterrori dhe Policia e Shkodrës e Pukës, ku pas 12 orësh rrethim u arrestuan dy shtetas që kishin kërcënuar me armë efektivët e Policisë. Po ashtu, në Vlorë u zbardh brenda pak orësh vrasja e 36-vjeçarit në Gjorm, me arrestimin e autorit të shumëkërkuar 32-vjeçar.
    Tre megaoperacionet “Labirinti”, “Cleaning 3” dhe “Andromeda” çuan në prangosjen e 53 anëtarëve të grupeve kriminale të trafikut të narkotikëve në Tiranë, Durrës e Gjirokastër. Ndërkohë, në Tiranë dhe Tropojë u goditën tentativa për trafik droge dhe lëndësh plasëse drejt Kosovës, si edhe raste të trafikimit të automjeteve të vjedhura nga vendet e BE-së.
    Si rezultat i kontrolleve të terrenit dhe bashkëpunimit me qytetarët, Policia zbuloi 8 ambiente të mbyllura të përdorura për kultivimin e kanabisit me llamba, 5 banesa ku ushtrohej prostitucion, si dhe 9 lokale të përshtatura për kumar të paligjshëm. Në fushën e krimeve ekonomike u goditën 42 raste, ndërsa strukturat e krimit kibernetik finalizuan 12 procedime për pornografi me të mitur, mashtrime financiare dhe vjedhje llogarish.
    Po gjatë nëntorit, u zbardhën 8 ngjarje kriminale të rënda dhe u finalizuan 17 operacione kundër vjedhjeve në banesa e biznese. Policia dokumentoi dhe ndaloi gjithashtu 5 raste të trafikimit të emigrantëve drejt BE-së dhe 4 raste të gjuetisë së paligjshme, në kundërshtim me moratoriumin në fuqi.
    Operacioni kombëtar “Hapësira publike” solli goditjen e 164 rasteve të aktiviteteve informale në ambiente publike dhe procedimin e 98 drejtuesve të mjeteve për parkime të gabuara që pengonin qarkullimin.
    Në aspektin e sigurisë rrugore, u arrestuan 220 drejtues mjetesh, u pezulluan 316 leje drejtimi dhe u vendosën mbi 113 000 masa administrative. Pikat kufitare evidentuan 47 raste të kalimit të paligjshëm, 11 tentativa me dokumente false, 10 raste kontrabande dhe 5 raste trafiku narkotikësh.

  • Bilanci mujor i policisë/ 115 operacione, 602 të arrestuar dhe miliona euro pasuri të sekuestruara

    Bilanci mujor i policisë/ 115 operacione, 602 të arrestuar dhe miliona euro pasuri të sekuestruara

    Policia e Shtetit ka bërë bilancin për muajin që lamë pas, duke evidentuar një sërë operacionesh, arrestimesh dhe goditjesh të rëndësishme ndaj veprimtarive kriminale në të gjithë vendin. Sipas njoftimit zyrtar, puna operacionale, hetimore dhe bashkëpunimi i ngushtë me qytetarët dhe partnerët ndërkombëtarë kanë qenë kyçe në rezultatet e arritura.
    Gjatë muajit nëntor, forcat e rendit finalizuan 115 operacione policore, mes tyre 13 operacione ndërkombëtare për lokalizimin, kapjen dhe ekstradimin e personave të shpallur në kërkim, kryesisht për përfshirje në organizata kriminale. Në total, 602 shtetas u arrestuan për vepra të ndryshme penale.
    Operacionet e Policisë çuan në sekuestrimin e sasive të konsiderueshme armësh, lëndësh plasëse dhe drogash: 5.6 kg lëndë shpërthyese, 29 granata, mijëra kapsolla detonatore, 41 armë zjarri, rreth 7000 fishekë, si dhe rreth 7 kg kokainë, 85 kg kanabis, 1516 bimë narkotike dhe 300 fara kanabisi. Gjithashtu, u bllokuan 12 milionë euro pasuri, 120 000 euro cash me burim kriminal, si dhe mjete, pajisje e dokumente të falsifikuara.
    Një nga aksionet më të rëndësishme ishte operacioni i koduar “Oroshi”, i zhvilluar nga RENEA, Antiterrori dhe Policia e Shkodrës e Pukës, ku pas 12 orësh rrethim u arrestuan dy shtetas që kishin kërcënuar me armë efektivët e Policisë. Po ashtu, në Vlorë u zbardh brenda pak orësh vrasja e 36-vjeçarit në Gjorm, me arrestimin e autorit të shumëkërkuar 32-vjeçar.
    Tre megaoperacionet “Labirinti”, “Cleaning 3” dhe “Andromeda” çuan në prangosjen e 53 anëtarëve të grupeve kriminale të trafikut të narkotikëve në Tiranë, Durrës e Gjirokastër. Ndërkohë, në Tiranë dhe Tropojë u goditën tentativa për trafik droge dhe lëndësh plasëse drejt Kosovës, si edhe raste të trafikimit të automjeteve të vjedhura nga vendet e BE-së.
    Si rezultat i kontrolleve të terrenit dhe bashkëpunimit me qytetarët, Policia zbuloi 8 ambiente të mbyllura të përdorura për kultivimin e kanabisit me llamba, 5 banesa ku ushtrohej prostitucion, si dhe 9 lokale të përshtatura për kumar të paligjshëm. Në fushën e krimeve ekonomike u goditën 42 raste, ndërsa strukturat e krimit kibernetik finalizuan 12 procedime për pornografi me të mitur, mashtrime financiare dhe vjedhje llogarish.
    Po gjatë nëntorit, u zbardhën 8 ngjarje kriminale të rënda dhe u finalizuan 17 operacione kundër vjedhjeve në banesa e biznese. Policia dokumentoi dhe ndaloi gjithashtu 5 raste të trafikimit të emigrantëve drejt BE-së dhe 4 raste të gjuetisë së paligjshme, në kundërshtim me moratoriumin në fuqi.
    Operacioni kombëtar “Hapësira publike” solli goditjen e 164 rasteve të aktiviteteve informale në ambiente publike dhe procedimin e 98 drejtuesve të mjeteve për parkime të gabuara që pengonin qarkullimin.
    Në aspektin e sigurisë rrugore, u arrestuan 220 drejtues mjetesh, u pezulluan 316 leje drejtimi dhe u vendosën mbi 113 000 masa administrative. Pikat kufitare evidentuan 47 raste të kalimit të paligjshëm, 11 tentativa me dokumente false, 10 raste kontrabande dhe 5 raste trafiku narkotikësh.

  • Policia e Shtetit bën bilancin e muajit nëntor 2025: U finalizuan 115 operacione, vihen në pranga 602 shtetas

    Policia e Shtetit bën bilancin e muajit nëntor 2025: U finalizuan 115 operacione, vihen në pranga 602 shtetas

    Bashkëpunim i ngushtë me qytetarët për të garantuar rendin dhe sigurinë, punë operative dhe hetimore në funksion të goditjes së veprimtarive kriminale në fusha të ndryshme, bashkëpunim të ngushtë me partnerët ndërkombëtarë për lokalizimin, kapjen dhe ekstradimin e shtetasve të shpallur në kërkim, për hetime dhe operacione të përbashkëta në luftë kundër krimit të organizuar.

    Gjatë muajit nëntor:✅ U finalizuan 115 operacione policore, 13 prej të cilave me objektiv lokalizimin, kapjen dhe/ose ekstradimin e shtetasve të kërkuar ndërkombëtarisht (kryesisht për pjesëmarrje në grupe/organizata kriminale ndërkombëtare).✅ Në total, për veprimtari të ndryshme kriminale, u vunë në pranga 602 shtetas.✅ U sekuestruan 5.6 kg lëndë shpërthyese, sasi lëndësh plasëse të gatshme për shpërthim, 29 granata, qindra kapsolla detonatore dhe fitil zjarrpërcjellës;— 41 armë zjarri, pjesë armësh dhe rreth 7000 fishekë luftarak të kalibrave të ndryshëm;— rreth 7 kilogramë lëndë narkotike kokainë, rreth 85 kilogramë lëndë narkotike kanabis (38 kg në trajta çokollate dhe vaji), 1516 bimë narkotike kanabis dhe 300 fara të kësaj lënde;— 12 milionë euro pasuri dhe rreth 120 000 euro cash, me burime kriminale; 118 900 euro të vjedhura në bankë; 11 pako me kartëmonedha të falsifikuara dhe rreth 300 celularë;— pajisje për bllokim të valëve, jelek antiplumb, uniforma/pajisje si të Policisë, 2 targa të huaja të falsifikuara, 10 mjete të trafikuara, dokumente të falsifikuara dhe karta SIM të paregjistruara.

    ✅ Shërbimet e Repartit Elitë “RENEA”, Drejtorisë së Antiterrorit, Drejtorisë Vendore të Policisë Shkodër dhe Policisë lokale të Pukës, finalizuan me profesionalizëm operacionin me rrezikshmëri të lartë, të koduar “Oroshi”. 2 shtetas që, me një arsenal armësh zjarri dhe shpërthyese, u vetizoluan në një banesë dhe me armë zjarri kanosën për jetën punonjësit e Policisë, pas 12 orësh në rrethim u vunë në pranga!✅ Policia e Vlorës zbardhi dhe dokumentoi vrasjen e 36-vjeçarit në Gjorm, ku pas 5 orësh kërkimesh intensive me dron, në terren të vështirë dhe me rrezik për jetën e punonjësve të Policisë, lokalizoi, kapi dhe arrestoi autorin 32-vjeçar me rrezikshmëri të lartë shoqërore, i dënuar më herët me 35 vite burg për “Vrasje në rrethana cilësuese, kryer në bashkëpunim” dhe “Armëmbajtje pa leje”. Gjatë veprimeve u sekuestruan arma e zjarrit pistoletë dhe prova të tjera materiale.

    ✅ 53 pjesëtarë grupesh kriminale në fushën e narkotikëve, në Tiranë, Durrës dhe Gjirokastër, u arrestuan gjatë megaoperacioneve “Labirinti”, “Cleaning 3” dhe “Andromeda”.✅ Policitë e Tiranës dhe Tropojës goditën 2 raste të tentativës për trafikim të lëndëve narkotike dhe lëndëve plasëse drejt Kosovës, si dhe 4 raste të trafikimit të automjeteve luksoze nga Italia, Gjermania dhe Bullgaria.✅ Si rezultat i kontrollit të territorit dhe sigurimit të informacionit falë bashkëpunimit me qytetarët, u zbuluan 8 ambiente të mbyllura (7 në Shkodër, 1 në Tiranë), të pajisura me 992 pajisje për kultivimin/tharje të bimëve narkotike me anë të llambave;— 5 ambiente (banesa me qira) ku ushtrohej prostitucion dhe 9 lokale të përshtatura për organizim të kundërligjshëm të lojërave të fatit.✅ Seksionet e posaçme në drejtoritë vendore të Policisë, për hetimin e krimeve ekonomiko-financiare, goditën 42 raste në këto fusha, të cilat përfshinë: mashtrime nëpërmjet call center-ave, mashtrime me produkte ose për sigurim dokumentesh, si dhe ndërtime të paligjshme, kontrabandë mallrash, përdorim të dokumenteve false dhe ushtrim informal të aktiviteteve ekonomike.
    ✅ Strukturat e specializuara për hetimin e krimeve kibernetike goditën 12 raste në këtë fushë, të cilat përfshinë: pornografi me të mitur, mashtrime në llogari financiare/kriptofinanciare, vjedhje llogarish në rrjete sociale, si dhe keqpërdorim të këtyre llogarive.✅ U zbardhën 8 ngjarje kriminale që përfshinë: tentativë për vrasje, plagosje me armë zjarri/mjet prerës dhe shkatërrim të pasurisë me lëndë plasëse dhe me zjarr.✅ U finalizuan 17 operacione policore kundër vjedhjeve në banesa/subjekte.✅ U finalizuan 5 operacione policore për goditjen e rasteve të transportimit kundrejt fitimit të emigrantëve që synojnë të kalojnë ilegalisht në shtetet e BE-së.✅ U parandaluan/goditën 4 raste të gjuetisë në kundërshtim me kufizimet e moratoriumit aktualisht në fuqi për këtë aktivitet.✅ Nga strukturat e Policisë, në qendër dhe në qarqe, u zhvillua operacioni “Hapësira publike”, që rezultoi me goditjen e 164 rasteve të shfrytëzimit të hapësirave publike/private për aktivitete ekonomike informale, si dhe me procedimin e 98 drejtuesve të automjeteve për parkime të gabuara që u bënë shkak për bllokim të lëvizjes së automjeteve, atyre të urgjencës por edhe të këmbësorëve në zona të ndryshme të vendit;Strukturat e Policisë garantuan rendin e sigurinë para, gjatë dhe pas përfundimit të procesit zgjedhor të zhvilluar në 5 bashki dhe të ndeshjes së futbollit “Shqipëri–Angli”, të zhvilluar në stadiumin “Air Albania”;Për shkak të motit të keq, shërbimet e Policisë kaluan në gatishmëri në të gjithë vendin, duke u ardhur në ndihmë qytetarëve, për orientimin dhe në disa raste edhe për evakuimin e tyre.
    ✅ Shërbimet e Policisë Rrugore, krahas shërbimit të përforcuar gjatë ditëve me mot të keq dhe të pajisura me mjete bashkëkohore, vijuan kontrollet në të gjitha akset e vendit, me qëllim konstatimin e shkeljeve rrugore.Gjatë muajit nëntor u vunë në pranga 220 drejtues mjetesh, nga të cilët 166 për drejtim mjeti në gjendje të dehur dhe 54 për drejtim mjeti pa leje drejtimi;— u pezulluan 316 leje drejtimi, për tejkalim të normave të shpejtësisë, drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;— u vunë 113 811 masa administrative për shkelje të ndryshme të Kodit Rrugor dhe 1659 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e masës administrative maksimale dhe janë penalizuar me zbritje nga 6 deri në 12 pikë nga leja e drejtimit.
    ✅ Në pikat e kalimit kufitar, si rezultat i kontrolleve të imtësishme dhe analizave të riskut, shërbimet e Policisë Kufitare evidentuan dhe goditën:— 47 raste të kalimit të paligjshëm të kufijve, 11 raste të tentativës për të kaluar kufijtë me dokumente false, 5 raste të mosdeklarimit të shumave të parave, 10 raste të kontrabandës së mallrave, 5 raste të trafikimit të lëndëve narkotike.Strukturat e Policisë së Shtetit, në qendër dhe në qarqe, do të vijojnë kontrollet dhe hetimet intensive, me objektiva zbardhjen e ngjarjeve kriminale, si dhe goditjen e krimit në tërësi dhe atij të organizuar në veçanti.Gjithashtu, do të vijojë bashkëpunimi i ngushtë me agjencitë ligjzbatuese brenda vendit, si dhe me partnerët ndërkombëtarë, për finalizimin e operacioneve policore me shtrirje dhe me impakt të gjerë.Në funksion të përmbushjes së këtyre objektivave, ftojmë qytetarët që të denoncojnë menjëherë, në njësitë fizike të Policisë ose në numrin 112, çdo paligjshmëri që hasin.

  • Eskorta VIP në burgje? Lala: Ndodh prej vitesh, lidhen me njerëz nga bota e krimit

    Eskorta VIP në burgje? Lala: Ndodh prej vitesh, lidhen me njerëz nga bota e krimit

    Gazetarja Klodiana Lala ka zbuluar se në disa nga institucionet e vuajtjes së dënimit, disa nga emrat e njohur të botës së krimit kanë si shoqëruese disa emra të njohur të shoëbizit.
    E ftuar në një podcast, Lala u shpreh se ka dijeni për disa raste vajzash të implikuara.
    Sipas Lalës, kjo nuk është një gjë e re, por një fenomen i njohur për botën e krimit dhe jo vetëm.
    “Është e vërtetë. Po kjo nuk është një gjë që ndodh sot, pra një fenomen që ndodh sot. Njerëzit e botës së krimit kanë synuar gjithmonë vajza të shoëbizit kryesisht. Ka emra që mund të jenë implikuar. Unë kam pasur dyshime në disa raste që kjo ka ndodhur, por kam pasur dyshime realisht në disa raste”,- u shpreh Lala.

  • SHBA jep alarmin: Virus misterioz te fëmijët, vështirësi në frymëmarrje dhe dëmtim i mëlçisë

    Qëndra për Kontrollin dhe Parandalimin e Sëmundjeve (CDC) në SHBA ka njoftuar për një shpërthim të pazakontë të rasteve pediatrike të hepatitit në shtetin e Alabamas. Deri më tani, të paktën nëntë raste të tilla janë raportuar zyrtarisht në shtetin amerikan, sipas CDC-së dhe mund të ketë më shumë në të gjithë vendin.

    Ai shton se inflamacioni i mëlçisë tek fëmijët ishte shkaktuar nga Adenovirusi, jo nga infeksioni i coronavirusit.

    Departamenti i Shëndetësisë në Alabama njoftoi se të gjithë fëmijët e infektuar ishin nën moshën 10 vjeçare, raportoi businessinsider.

    Mediat e huaja bejne me dije se raste të ngjashme u raportuan në Mbretërinë e Bashkuar në muajin prill ndërsa Organizata Botërore e Shëndetësisë (OBSH) njoftoi javën e kaluar se ato ishin raportuar edhe në Spanjë dhe Irlandë. Agjencia Britanike e Sigurisë Shëndetësore ka konfirmuar 49 raste të tilla në Angli, 13 në Skoci dhe disa në Uells dhe Irlandën e Veriut. Qendra Evropiane për Parandalimin dhe Kontrollin e Sëmundjeve (ECDC) tha se shumica e rasteve përfshinin fëmijë të moshës 2 deri në 5 vjeç. Raportohet se disa fëmijë vuajnë nga dështimi akut i mëlçisë dhe se “një numër i vogël kishte nevojë për transplant”.

    Ekspertët besojnë se Adenovirusi 41, një virus që përhapet përmes kontaktit të ngushtë, është përgjegjës për këtë sëmundje të mëlçisë. Adenoviruset mund të përhapen edhe përmes jashtëqitjes, ndaj larja e duarve ka rëndësi të madhe edhe në këtë rast, veçanërisht tek fëmijët e vegjël.

    Ata shtojnë se deri më tani nuk dihej se ky virus shkakton hepatit tek fëmijët e shëndetshëm. Adenovirusi 41 shpesh shkakton gastroenterit akut tek fëmijët me simptoma që përfshijnë diarre, të vjella, ethe dhe vështirësi në frymëmarrje.

    Vlen të theksohet se deri më nuk ka asnjë trajtim për këtë sëmundje.

  • Shkenda Lili: Tradhtitë brenda familjes më prekin! Të dyshosh për motrën, vëllain/kunatin është fundi i botës!

    Shkenda Lili: Tradhtitë brenda familjes më prekin! Të dyshosh për motrën, vëllain/kunatin është fundi i botës!

    Dedektivja Shkenda Lili tregoi në “Opinion” rastet skandaloze të tradhtisë edhe brenda familjes, ku pjesëtarë të ndryshëm i drejtohen asaj për gjetjen e provave.
    Sipas Lilit, në tradhtitë në çift, në të shumtën e rasteve meshkujt që sigurojnë prova shkojnë drejt divorcit, ndryshe nga gratë që edhe pas sigurimit të provave, nuk e ndërmarrin një hap të tillë.
     Ajo theksoi se këto janë situata tejet të ndërlikuara dhe të dhimbshme, pasi jo vetëm që prekin marrëdhëniet mes individëve, por edhe krijojnë pasoja afatgjata në psikologjinë e pjesëmarrësve. Në rastet kur hetimet e saj zbulojnë tradhti të tilla, Lili shprehu shqetësimin se shpesh ndodhin edhe ngjarje fatkeqe, pasi ndjeshmëria që krijohet në këto situata shpesh mund të shkaktojë tensione të mëdha. 
    “Më duken më të rënda rastet kur ka tradhti brenda familjes. Vjen njëra palë dhe thotë mund të më tradhtojë me kunatin apo me motrën…
    Këto janë raste që mua më prekin dhe jam habitur! Mund të kem zbuluar dhe të mos e kem transmetuar këtë gjë
    Mund të ndodhë dhe ndonjë fatkeqësi në të tilla raste; nëse ne hetojmë, zbulojmë dhe ja transmetojmë
    Dhe po ka raste, dhe mendoj që është fundi i botës në të tilla raste, të dyshojë për motrën, vëllain apo kunatin, janë gjëra shumë të rënda!“
     

  • 1 Dhjetori/ 125 raste të reja me HIV në 2025, më të prekur meshkujt dhe grupmosha 35-44 vjeç

    1 Dhjetori/ 125 raste të reja me HIV në 2025, më të prekur meshkujt dhe grupmosha 35-44 vjeç

    FOTO ILUSTRUESE

    TIRANË-1 dhjetori është Dita Botërore e SIDA-s, e krijuar nga Organizata Botërore e Shëndetësisë në vitin 1988 për të rritur ndërgjegjësimin për sëmundjen dhe virusin që e shkakton atë, HIV.
    Sipas ISHP-së, në vitin 2025 janë diagnostikuar 125 raste të reja të HIV-it në Shqipëri. Numri total i rasteve të raportuara që nga viti 1993 deri në tetor 2025 ka arritur në 1973 raste, me një prevalencë kombëtare prej 0.08% dhe incidencë 5.3 raste për 100,000 banorë.
    Shpërndarja sipas grupmoshave tregon se grupmosha më e prekur është 35–44 vjeç (27.8%) ose mosha më aktive dhe 25–34 vjeç (26.9%), ndërsa më pak të prekur janë fëmijët 0–15 vjeç (2.9%) dhe personat mbi 65 vjeç (2.8%).
    Sa i përket gjinisë, meshkujt përbëjnë 73% të të gjitha rasteve të raportuara deri më sot, ndërsa femrat përbëjnë 27% të rasteve. Vetëm gjatë vitit 2025, nga 125 rastet e reja, 98 janë meshkuj dhe 27 femra, duke e bërë raportin meshkuj–femra 3.5 : 1.
    Rrugët kryesore të transmetimit mbeten ato seksuale, me 72.6% të rasteve heteroseksuale. Transmetimi nga nëna te fëmija përbën 2.4% të rasteve, ndërsa transmetimi përmes gjakut dhe përdorimit të drogave me injektim është minimal (0.6% secili).

  • DITA BOTËRORE E HIV/AIDS – Kanë humbur jetën 44 mln njerëz, në Shqipëri 125 raste të reja në 2025…

    DITA BOTËRORE E HIV/AIDS – Kanë humbur jetën 44 mln njerëz, në Shqipëri 125 raste të reja në 2025…

    Dita Botërore e AIDS-it synon të rrisë ndërgjegjësimin në lidhje me HIV/AIDS, si dhe të demonstrojë solidaritetin ndërkombëtar në përballimin e kësaj pandemie.
    Kjo ditë është një mundësi për të reflektuar mbi progresin e bërë deri më sot dhe për sfidat që mbeten në vazhdimësi, për të mobilizuar të gjithë aktorët që së bashku të dyfishojnë përpjekjet për të siguruar suksesin në përmbushje të qëllimit të përfundimit të HIV/AIDS-it deri në vitin 2030.
    HIV-i mbetet një problem i madh global i shëndetit publik, duke marrë rreth 44.1 milionë jetë deri më sot. Në fund të vitit 2024, vlerësimet globale tregojnë se 40.8 milionë persona jetonin me HIV, 65% e të cilëve i përkasin kontinentit Afrikan. Në vitin 2024, rreth 630 000 njerëz humbën jetën nga shkaqe të lidhura me AIDS-in dhe rreth 1.3 milion të tjerë u infektuan me HIV.
    Raporti i Qendrës Europiane për Parandalimin dhe Kontrollin e Sëmundjeve (ECDC) dhe i Organizatës Botërore të Shëndetësisë (OBSH) në 2025, me të dhënat e vitit 2024, paraqet të dhënat e survejancës së HIV/AIDS për vitin 2024, të cilat tregojnë variacione të dukshme në modelet dhe trendet e epidemisë në Rajonin Europian të OBSH-së.
    Në vitin 2024 u raportuan 105 922 diagnoza të reja me HIV, që i korrespondon një niveli prej 11.8 diagnoza për 100 000 banorë, një ulje e lehtë krahasuar me vitin 2023 (12.8 për 100 000 banorë). Megjithatë, 11 nga 49 vendet raportuan një rritje të diagnozave në vitin 2024 krahasuar me 2023.
    Të dhëna në Shqipëri
    Numri i rasteve të reja të diagnostikuara me HIV në vitin 2025 është 125, ndërkohë që numri total i rasteve të raportuara për periudhën 1993–tetor 2025 ka arritur në 1973 raste.
    Prevalenca e infeksionit me HIV në nivel kombëtar: 0.08%
    Incidenca (rastet e reja të vitit 2025): 5.3 për 100 000 banorë
    Rrugët e transmetimit
    Transmetimi seksual mbetet rruga kryesore e përhapjes (72.6% heteroseksual).
    Meshkujt që kryejnë seks me meshkuj: 23.4%
    Transmetimi nga nëna te fëmija: 2.4% (1 rast në vitin 2025)
    Transmetimi nëpërmjet gjakut: 0.6%
    Përdorimi i drogave me injektim: 0.6%
    Shpërndarja sipas grupmoshave
    35–44 vjeç: 27.8%
    25–34 vjeç: 26.9%
    45–54 vjeç: 17.8%
    16–24 vjeç: 9.7%
    55–64 vjeç: 11.3%
    0–15 vjeç: 2.9%
    65+ vjeç: 2.8%
    Shpërndarja sipas gjinisë
    Në totalin e rasteve 1993–2025:
    73% meshkuj
    27% femra (531 raste)
    Në vitin 2025:
    98 meshkuj
    27 femra
    Raporti meshkuj–femra: 3.5 : 1
    Transmetimi i HIV-it
    HIV-i transmetohet përmes shkëmbimit të lëngjeve trupore nga persona të infektuar, si:
    gjaku
    qumështi i gjirit
    sperma
    sekrecionet vaginale
    Gjithashtu mund të transmetohet gjatë shtatzënisë dhe lindjes tek fëmija.
    Nuk transmetohet përmes puthjes, përqafimit, shtrëngimit të duarve, ushqimit, ujit apo sendeve personale.
    Faktorët e rrezikut
    Marrëdhënie seksuale pa prezervativ
    Prania e një infeksioni tjetër seksualisht të transmetueshëm (IST)
    Përdorimi i dëmshëm i alkoolit dhe drogës
    Shkëmbimi i gjilpërave/shiringave
    Tatuazhe me mjete jo të sigurta
    Shpime aksidentale me gjilpërë (edhe në personelin shëndetësor)
    Mesazhe parandalimi
    Përdor prezervativ në çdo kontakt seksual me partner të panjohur!
    Testohu pas çdo kontakti të pambrojtur!
    Përdor shërbime të zvogëlimit të dëmit nëse përdor drogë me injektim.
    Çdo grua shtatzënë duhet të testohet për HIV!
    Testimi për HIV është falas, konfidencial dhe i aksesueshëm.
    Nëse je diagnostikuar me HIV, fillo menjëherë trajtimin!
    Trajtimi ofrohet falas pranë Shërbimit Infektiv dhe Pediatrisë infektive në QSUT.
    OBSH rekomandon rrethprerjen mjekësore vullnetare të meshkujve për uljen e rrezikut.
    Stigma pengon testimin dhe trajtimin — informacioni i saktë dhe respekti janë kyçe.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!