Lajmidites.com

Tag: qyteti

  • Nëse keni pyetur ndonjëherë/ Këto janë 10 qytetet më të vjetra të botës

    Nëse keni pyetur ndonjëherë/ Këto janë 10 qytetet më të vjetra të botës

    Shkencëtarët kanë qenë vazhdimisht duke debatuar dhe duke kërkuar për një përgjigje të vetme, mbi pyetjen se cili qytet është më i vjetri në botë.

    Një zgjidhje unike është e vështirë për t’u gjetur, ndër të tjera, për shkak të humbjes së dëshmive arkeologjike dhe kalimit të kohës.

    Edhe pse nuk është vendosur se cili qytet është më i vjetri, janë disa që po shqyrtohen dhe më shumë triumfon Jericho në Palestinë.

    Suza, Iran

    Qyteti antik i Suzës filloi si një vendbanim i vogël në 7000 p.e.s dhe u shndërrua në një zonë urbane në 4200 p.e.s.

    Në vitin 324 para Krishtit, ishte vendi ku Aleksandri i Madh organizoi martesën e më shumë se 10,000 maqedonasve dhe persëve në një përpjekje për të bashkuar kulturat.

    Argos, Greqi

    Argos mendohet se ka qenë i banuar vazhdimisht që nga viti 5000 para Krishtit.

    Thuhet se Argos ishte një qendër kulturore në Greqinë e lashtë dhe gërmimet moderne kanë çuar në zbulimin e tempujve, teatrove dhe qeramikës antike.

    Fayum, Egjipt

    Në kohët e lashta, Fayum ishte një oaz i madh në Egjipt, i njohur për tokat pjellore dhe afërsinë me lumin Nil.

    Njerëzit ishin të pranishëm në rajon diku para vitit 7200 para Krishtit, dhe komuniteti i parë bujqësor u krijua rreth vitit 5200 para Krishtit.

    Sidon, Liban

    Sidon, është një qytet port rreth 40 kilometra larg Bejrutit. Ai ishte i banuar rreth vitit 4000 para Krishtit.

    Thuhet se Sidoni ishte një nga vendet e para që prodhoi ngjyrën vjollcë, e cila ishte aq e shtrenjtë dhe unike sa u bë një simbol i familjes mbretërore.

    Plovdiv, Bullgari

    Mbetjet e vendbanimeve njerëzore në Plovdiv datojnë në vitet 7000 para Krishtit. Romakët aneksuan Plovdivin në vitin 46 pas Krishtit dhe ndërtuan rrugë, kulla dhe ujësjellës në qytet.

    Shumë nga rrënojat e lashta që qëndrojnë ende në qytet datojnë në atë periudhë.

    Athinë, Greqi

    Dëshmitë e banimit njerëzor në Athinë datojnë deri në 5000 vjet para Krishtit.

    Gjatë Epokës së Artë të Athinës, qyteti ishte shtëpia e mendimtarëve dhe shkrimtarëve të mëdhenj, duke përfshirë Sokratin dhe Hipokratin.

    Byblos, Liban

    Byblos, një qytet port në bregdetin e Detit Mesdhe, ka qenë i banuar vazhdimisht që të paktën 5000 para Krishtit.

    Papirusi ishte një nga artikujt kryesorë të tregtisë së qytetit në kohët e lashta, kështu që grekët e morën emrin e qytetit si fjalë për libër.

    Jericho, Bregu Perëndimor

    Jericho, një qytet në Territorin Palestinez, është një pretendent i fortë për vendbanimin më të vjetër në botë.

    Ai daton afërsisht në vitin 9000 para Krishtit. Është gjithashtu shtëpia e murit mbrojtës më të vjetër të njohur në botë – Muri i Jerikos – i cili ishte rreth 3.6 metra i lartë.

    Bejrut, Liban

    Gërmimet në vitet 1990 zbuluan prova të qytetërimit 5000 vjeçar, që datojnë qytetin, tani kryeqyteti i Libanit, rreth vitit 3000 para Krishtit.

    Bejruti ishte shtëpia e shkollës juridike më të shquar në Perandorinë Romake përpara se të shkatërrohej nga një tërmet në vitin 551 pas Krishtit.

    Aleppo, Siri

    Megjithëse mosha e saktë e Alepos nuk dihet, një tempull antik i zbuluar në qytet daton rreth vitit 3000 para Krishtit.

    Sipas vlerësimeve, Alepo daton në vitet 5000 para Krishtit. Sot, qyteti është shkatërruar nga një luftë e zgjatur. Të paktën 30 përqind e qendrës historike është shkatërruar.

    Po në Shqipëri?

    Qytetet më të vjetra të Shqipërisë janë Butrinti, Apolonia, Dyrrahu (Durrësi) dhe Orikumi. Këto qytetet janë themeluar që në shekujt VII-VI p.e.s. në tokat ilire.

    Durrësi është mbi 3 mijë vjet qytet, kurse Berati afro 2 500 vjeçar.

    ObserverKult

    Lexo edhe:

    KY ËSHTË QYTETI MË I VJETËR I BANUAR NË BOTË

    Qyteti më i vjetër i banuar në botë është Damasku, kryeqyteti i Sirisë. Ai është një qytet me një histori të gjatë. Daton në epokën aramaike. Rreth 5000 vjet më parë.

    Damasku ishte një nga qendrat më të rëndësishme të botës antike. Ishte si kryeqyteti i Mbretërisë së Aramaias. Dhe më pas i shtetit romak.

    Pavarësisht historisë së tij të lashtë, Damasku është ende një qytet i gjallë. Me një kulturë dhe traditë të pasur.

    Tekstin e plotë mund ta lexoni KËTU:

    ObserverKult

  • VIDEO – “Shkodra n’Fest”, qyteti më i madh verior kampion i Shqipërisë me eventin e krijuar…

    VIDEO – “Shkodra n’Fest”, qyteti më i madh verior kampion i Shqipërisë me eventin e krijuar…

    Këtë të shtunë të 6 dhjetorit, siç tradita e krijuar vitet e fundit e do, janë ndezur dritat e festave dhe pemët e Krishtlindjes ndriçojnë në të gjitha qytetet e e vendit tonë.
    Krijohet kështu një atmosferë festive që përfshin të vegjël e të mëdhenj, e shoqëruar me drita, muzikë e lojëra.

  • Ky është qyteti ku njerëzit jetojnë nëntokë (Foto)

    Ky është qyteti ku njerëzit jetojnë nëntokë (Foto)

    Një qytet i jashtëzakonshëm, ku gjithçka ndodhet nëntokë, nga kishat te kampingjet. Ndërsa bota gjithnjë e më shumë po vuan pasojat e ngrohjes globale, a mund të jetë ky qytet një shembull se e ardhmja jonë mund të jetë nëntokë?     

    Në rrugën e gjatë drejt Australisë Qendrore, të shoqëron një peizazh krejtësisht i shkretë që ngjason me një hapësirë të pafundme.

    Por, papritur, shfaqen disa ndërtime misterioze që ngjasojnë me piramida rëre. Këto janë shenjat e para të Coober Pedy, një qytet i minierave të opalit, me një popullsi prej rreth 2500 banorësh që jetojnë nëntokë.

    Në këtë cep të botës, 60% e popullsisë jeton në shtëpi të ndërtuara në shkëmbinj ranor. Në disa lagje, shenjat e vetme se aty ka jetë janë boshtet e ventilimit që ngjiten nga nëntoka lart.

    Në dimër, kjo mënyrë jetese mund të duket e çuditshme. Por në një ditë vere, Coober Pedy merr kuptim. Temperaturat janë aq ekstreme saqë zogjtë bien nga qielli dhe pajisjet elektronike duhet të ruhen në frigoriferë.

    Coober Pedy nuk është vendbanimi i parë në botë, madje as më i madhi, nëntokësor. Njerëzit janë tërhequr nga nëntoka për të përballuar klimat sfiduese për mijëra vjet. Shembulli më i famshëm është Kapadokia në Turqi.

    Rajoni ndodhet në një pllajë të thatë dhe është i famshëm për gjeologjinë mahnitëse, me një peizazh majash të skalitura shkëmbore.

    Ashtu si në Coober Pedy, jeta nëntokësore i ndihmoi banorët e rajonit të përballen me klimën kontinentale, e cila luhatet midis verës së nxehtë, të thatë dhe dimrit të ftohtë e me dëborë.

    Një zgjidhje efektive

    Rruga për në Coober Pedy është krejt normale, plot restorante, bare, supermarkete e pika karburanti. Coober Pedy është komplet e kundërta… çdo gjë mbi sipërfaqe është e shkretë. Mirëpo sa më shumë të hysh nëpër tunelet nëntokësore aq më shumë ndihet jeta e vrullshme e banorëve të këtij vendbanimi.

    Ndërtesat nëntokësore duhet të jenë të paktën katër metra të thella, për të parandaluar shembjen e çative të tyre dhe nën këtë sasi shkëmbinjsh, është gjithmonë një temperaturë e butë 23 gradë celsius. Ndërsa banorët mbi tokë duhet të durojnë verën e nxehtë, shtëpitë nëntokësore ruajnë një temperaturë perfekte gjatë gjithë dimrit.

    Përveç rehatisë, një avantazh tjetër i jetesës nëntokësore janë paratë. Coober Pedy gjeneron të gjithë energjinë e tij elektrike – 70% e së cilës mundësohet nga era dhe dielli.

    Gjatë një ankandi të fundit, një shtëpi mesatare me tri dhoma gjumi u shit për rreth 26.000 dollarë.

    Megjithëse shumë nga këto prona janë jashtëzakonisht bazike ose kanë nevojë për rinovim, ka një hendek të madh midis çmimit të këtyre shtëpive dhe atyre në qytetin më të afërt, Adelaide, ku çmimi mesatar i shtëpisë është 457.000 dollarë.

    Çuditërisht, stili i jetesës nëntokësore mund të sigurojë gjithashtu njëfarë mbrojtjeje kundër tërmeteve. “Ne kemi përjetuar dy tërmete që kur unë kam jetuar këtu dhe asgjë nuk ndodhi”, thotë një nga banorët.

    Gjithashtu, një avantazh tjetër i këtij qyteti është se në të mund të kryesh punime shumë thjesht.

    Shkëmbinjtë janë të butë dhe mund të gërvishten madje edhe me thonj. Ju mund të ndërtoni dhoma dhe hapësira të tjera në çdo formë që ju pëlqen, pa materiale shtesë.

    Shumë vendas jetojnë në banesa luksoze me pishina nëntokësore, dhoma lojërash dhe banja të gjera. Një vendas e ka përshkruar madje shtëpinë e tij nëntokësore si “si një kështjellë”. 

    ObserverKult

    Lexo edhe:

    DIKUR STREHIM PËR 20 MIJË NJERËZ, KY ËSHTË QYTETI MË I MADH NËNTOKËSOR NË BOTË

    I harruar dhe i rizbuluar rastësisht, një qytet i lashtë nëntokësor në Turqi me 18 nivele të pabesueshme nën tokë dhe me një sistem të mahnitshëm ajrimi dhe furnizimi me ujë, ka mundësuar strehim dhe jetë për rreth 20.000 njerëz.

    Misteri mbetet tek fakti se kush e ka ndërtuar dhe kur e ka ndërtuar me saktësi. Në zonën turke Kapadokia, ka më shumë se 30 qytete nëntokësore. Ndërsa më i thelli ndër ta është Derinkuyu.

    Kjo strukturë e mrekullueshme shtrihet 85 metra nën nivelin e tokës. Përbëhet nga 18 nivele me tunele të cilat formojnë një rrjet të lidhur.

    Tekstin e plotë mund ta lexoni KËTU:

    ObserverKult

  • ‘Qyteti 15-minutësh’/ Janina, vendi më i lumtur në Greqi! Peizazhe magjepsës, kuzhina e veçantë dhe lagje të vjetra

    ‘Qyteti 15-minutësh’/ Janina, vendi më i lumtur në Greqi! Peizazhe magjepsës, kuzhina e veçantë dhe lagje të vjetra

    Janina konsiderohet qyteti më i lumtur në Greqi dhe kjo sigurisht nuk është rastësi. Qyteti ju mirëpret me një peizazh të dominuar nga liqeni , dhe sapo të shkelni këmbën në të, e dini se nuk keni pse të përpiqeni të ndiheni si në shtëpi.

    Qyteti duket se ka ritmin e vet të qetë, një ritëm që të vendos shpejt në humor: njerëz miqësorë, lagje që ende ruajnë karakterin e tyre të vjetër dhe një atmosferë që kombinon jetën, artin dhe historinë në një mënyrë unike.

    Kohët e fundit, bashkia e Janinës organizoi një mision gazetaresk, duke dashur të nxjerrë në pah bukuritë e zonës, por edhe ambicien e qytetit për t’u bërë një lojtar i madh në turizmin e konferencave, i cili është tashmë në nivele shumë të larta.

    Qyteti 15-minutësh

    Janina, siç pohon bashkia e qytetit, duke cituar kërkime, është përkufizimi i një qyteti 15-minutësh. Dhe kjo për shkak se gjithçka është afër jush, mund të jeni nga njëri skaj në tjetrin vetëm në pak minuta: nga liqeni në qendër, nga kalaja në Nea Zoi ose në mjediset e universitetit , gjithçka është “pranë derës”.

    Qyteti të lejon ta jetosh pa stres, pa presion trafiku, pa ndjesinë e nxitimit. Është një qytet njerëzor, i bërë për t’u shijuar.

    Nuk është rastësi që u shpall qyteti më i lumtur në Greqi për vitin 2025, sipas Indeksit global të Qyteteve të Lumtura.

    Liqeni “diamanti i qytetit” dhe udhëtimi me varkë në ishullin Pamvotida

    Xhevahiri më i madh i Janinës nuk është askush tjetër përveç Liqenit Pamvotida.  Me ishullin e tij të vogël që qëndron krenar në mes dhe ujërat që pasqyrojnë qiellin dhe Kalanë, liqeni duket se i jep qytetit frymëmarrjen e vet.

  • Kina, porta drejt së ardhmes? Një udhëtim në qytetet që funksionojnë 20 vite përpara botës sonë

    Kina, porta drejt së ardhmes? Një udhëtim në qytetet që funksionojnë 20 vite përpara botës sonë

    Kina, dikur një vend i mbështjellë me legjenda dhe i izoluar nga pjesa tjetër e botës, po paraqitet sot si një laborator i së ardhmes. Qytet pas qyteti, teknologjitë e reja, dronët, aplikacionet e avancuara dhe trenat me shpejtësi ultra të lartë po e kthejnë vendin në një realitet futurist që sfidon perceptimet tradicionale për jetën urbane.

    Guangzhou — ndërthurje e historisë dhe futurizmit

    Guangzhou, i njohur dikur si Kantoni dhe i lidhur ngushtë me Rrugën e lashtë të Mëndafshit, sot paraqitet si një megapolis modern. Rrokaqiejt futuristë bashkëjetojnë me tempuj shekullorë, tregje tradicionale dhe parqe Zen, duke krijuar një kontrast të jashtëzakonshëm vizual e kulturor.

    Qyteti njihet për pastërtinë e jashtëzakonshme, infrastrukturën e rregullt, transportin tepër të saktë dhe hapësirat publike të mirëmbajtura. Ushqimet lokale dallohen ndjeshëm nga versionet e tyre në diasporë, duke paraqitur sfidë dhe aventurë për turistët, ndërsa markat perëndimore ofrojnë alternativë të njohur për vizitorët më konservatorë.

    Përkundër madhësisë dhe dendësisë së popullsisë, qyteti funksionon në mënyrë të përsosur, duke lënë përshtypjen e një sistemi urban të harmonizuar dhe efikas, ku teknologjia dhe qetësia janë pjesë e përditshmërisë.

    Trenat me shpejtësi të lartë — heshtja e së ardhmes

    Nga Guangzhou në Shenzhen, udhëtimi me trenat e shpejtësisë së lartë, që arrijnë mbi 350 km/h, ofron një përvojë futuriste. Brenda kabinave mbizotëron qetësi absolute, ndërsa jashtë peizazhi rrëshqet me shpejtësi filmike. Këta trena konsiderohen simbol i efikasitetit teknologjik të Kinës — jo si spektakël turistik, por si standard i jetës së përditshme.

    Saktësia, mungesa e zhurmës dhe stabiliteti teknik tregojnë se konceptet e së ardhmes tashmë janë realitet për miliona banorë.

    Një vend, ritme të ndryshme: sistemi i qyteteve sipas niveleve

    Kina operon me një klasifikim të qartë urban: qytetet e Nivelit 1 si Guangzhou dhe Shenzhen janë qendra ekonomike ku grumbullohen të rinjtë dhe profesionistët. Këtu ritmi i jetës është i lartë dhe popullsia e moshuar thuajse mungon.

    Në qytetet e niveleve më të ulëta, ritmi ngadalësohet. Guilin, një qytet i Nivelit 3, ruan një atmosferë të qetë, me të moshuar që praktikojnë tai chi dhe aktivitete sociale në parqe. Megjithëse më i qetë, Guilin ofron infrastrukturë moderne, përfshirë lidhjet me trena të shpejtë dhe makineri elektrike.

    Shenzhen — kryeqyteti i teknologjisë kineze

    Shenzhen, dikur një fshat peshkimi, sot është një nga qendrat më të mëdha teknologjike të botës, me afro 30 milionë banorë. Qyteti është ndërtuar pothuajse nga zeroja në tre dekadat e fundit, duke ofruar një arkitekturë futuriste me rrokaqiej prej çeliku e qelqi, ura novatore dhe rrugë të mbushura me automjete elektrike.

    I njohur si “Silicon Valley” e Kinës, Shenzhen është shtëpia e startup-eve më të mëdha dhe e inovacioneve robotike, ku teknologjia është integruar thellë në jetën e përditshme.

    Guilin — natyrë, qetësi dhe harmoni

    Në kontrast të plotë me metropolet, Guilin ofron peizazhe impresionuese natyrore, kodra karstike, lumenj të qetë dhe parqe Zen. Edhe këtu infrastruktura funksionon pa të meta, duke treguar se ekuilibri mes modernitetit dhe natyrës është i arritshëm në Kinë.

    Hong Kongu — global dhe unik

    Hong Kongu, një nyje mes Lindjes dhe Perëndimit, mbetet një entitet i veçantë brenda konceptit “një vend, dy sisteme”. Me një ritëm më të ngjashëm me metropolet perëndimore, qyteti ofron transport efikas, qendra tregtare luksoze dhe teknologji të integruar në çdo hap.

    Ndryshe nga pjesa tjetër e Kinës, këtu përdoret dollari i Hong Kongut dhe hyrja kërkon pasaportë.

    Pengesa e vetme: ndalimi i dronëve për ngjarje sportive

    Gjatë rikthimit në Guangzhou, në prag të Lojërave Olimpike Kombëtare Kineze, autoritetet ndaluan hyrjen e mjeteve fluturuese, përfshirë dronët, në stacionet e trenit për arsye sigurie. Pas sqarimit dhe ndërhyrjes së stafit, udhëtarët u ridrejtuan me qetësi drejt një rruge alternative, duke treguar nivel profesionalizmi dhe bashkëpunimi.

    E ardhmja si realitet i tanishëm

    Pavarësisht përsosmërisë së dukshme, edhe në Kinë hasen sfida të vogla, por ritmi, organizimi, teknologjia dhe harmonia urbane e këtij vendi japin përshtypjen e një bote që funksionon më shpejt dhe më rregullt se pjesa tjetër e globit.

    Nga metropolet futuriste deri te qytetet e qeta natyrore, Kina tregon se e ardhmja nuk është më koncept — është tashmë e pranishme. Dhe ky realitet është i prekshëm në çdo stacion, çdo aplikacion dhe çdo kilometër të udhëtuar me trenat e shpejtësisë së lartë./ kulturazam

  • 113-Vjetori i Pavarësisë, Vlora vishet kuqezi! Kthehet në “kryeqytetin” e shqiptarisë

    113-Vjetori i Pavarësisë, Vlora vishet kuqezi! Kthehet në “kryeqytetin” e shqiptarisë

    Qyteti i Vlorës është mbushur me atmosferën e Festës së Pavarësisë, ku çdo cep i qytetit rrezaton muzikë, gjallëri dhe energji.

    Vlora, qyteti ku u ngrit flamuri për herë të parë, sot është epiqendra e krenarisë shqiptare.

    Ngjyrat e flamurit kuq e zi kanë pushtuar bulevardin “Ismail Qemali” dhe sheshet kryesore, duke e veshur qytetin me simbolet kombëtare.

    Me gjallëri, dashuri për traditën dhe respekt për historinë, qyteti i Pavarësisë po dëshmon se kujtesa kombëtare nuk shuhet, por përcillet brez pas brezi, duke e bërë festën një përjetim të përbashkët për të gjithë shqiptarët.

    Flamuj të mëdhenj valëviten në ndërtesa, rrugët janë stolisur me dekorime kuq e zi, ndërsa dy flamuj gjigand janë vendosur në godinën shumëkatëshe të qendrës së re multifunksionale, duke i dhënë qytetit një pamje madhështore.

    Atmosfera është tepër festive ku valltarë me kostume popullore, këngë folklorike dhe gëzimi i qytetarëve e kanë kthyer Vlorën në një skenë të hapur të festës së Pavarësisë.

    Kostumet popullore shumëngjyrëshe, hapat e valleve dhe këngët folklorike u ndërthurën me gëzimin e qytetarëve dhe vizitorëve nga e gjithë Shqipëria, duke krijuar një atmosferë të gjallë përgjatë bulevardit ku të rinj e të moshuar festuan së bashku, dhe Vlora sot u shndërrua në epiqendrën e krenarisë kombëtare.

    Me këngë, valle dhe recitime që bashkojnë breza të ndryshëm, Qyteti i Pavarësisë është gati të festojë 113-vjetorin e Pavarësisë.

    Gazetarët e RTSH-së, raportojnë se në çdo hap ndihen tingujt e muzikës folklorike dhe recitimet patriotike, duke e kthyer këtë përvjetor në një rikthim tek rrënjët e identitetit kombëtar.

    Sheshi i Flamurit është gati për ceremoninë zyrtare që do të zhvillohet nesër, ku pritet të mblidhen mijëra qytetarë dhe vizitorë nga të gjitha trevat shqiptare.

    Atmosfera e festës do të kulmojë me aktivitetin kryesor, ku krahas qytetarëve do të jenë të pranishëm edhe krerët e shtetit dhe përfaqësues të institucioneve më të larta, duke i dhënë ceremonisë një rëndësi të veçantë dhe solemne në nderim të 113-vjetorit të Pavarësisë.

    Fieri ndez atmosferën e 28 Nëntorit, spektakël emocionues në nderim të Ismail Qemalit

    Festimet për Ditën e Flamurit kanë nisur më herët edhe në qytetin e Fierit, duke sjellë një atmosferë të zjarrtë patriotike dhe kulturore për qytetarët. Sheshi qendror i qytetit u shndërrua në një skenë gjigante ku ngjyrat kuqezi dhe motivet tradicionale dominuan mbrëmjen.

    Nën titullin domethënës “Shqipëri o Nëna ime”, spektakli bëri bashkë në një performancë të jashtëzakonshme Ansamblin e Këngëve dhe Valleve Popullore dhe Ansamblin vendas “Myzeqeja”. Të dy trupat artistike dhuruan emocione të forta për publikun e shumtë, duke sjellë përmes valles dhe këngës jehonën e historisë dhe traditës shqiptare.

    Festa në Fier nuk është thjesht një celebrim kalendarik, por një akt mirënjohjeje dhe kujtese historike. Ky qytet ka zgjedhur t’i nisë festimet më herët për të evokuar rrugëtimin historik të atit të pavarësisë, Ismail Qemalit.

    Ishte pikërisht treva e Myzeqesë ajo që shërbeu si korridor i sigurt për Ismail Qemalin dhe delegatët që e shoqëronin nga të gjitha trevat shqiptare në nëntorin e vitit 1912. Ky rrugëtim, që kulmoi me ngritjen e flamurit në Vlorë më 28 Nëntor, nderohet çdo vit nga fierakët, të cilët përmes artit dhe kulturës mbajnë gjallë momentet vendimtare të shtetformimit shqiptar.

    Tingujt e muzikës popullore dhe vallet e Myzeqesë u gërshetuan me repertorin e pasur kombëtar, duke krijuar një atmosferë festive që paralajmëron ditën e madhe të Pavarësisë.

    “Sofra e Pavarësisë”, Shkodra shtron banketin gjigant, Beci: Një mbrëmje e jashtëzakonshme

    Qyteti i Shkodrës është veshur kuqezi dhe ka hapur dyert e mikpritjes si rrallëherë më parë. Në prag të 28 Nëntorit, kryeqendra e veriut ka organizuar “Sofrën e Pavarësisë”, një ngjarje që Kryebashkiaku Benet Beci e ka cilësuar si organizimin më të madh të këtij lloji të realizuar ndonjëherë.

    Sipas gazetarit të RTSH 24, aktiviteti “Sofra Shqiptare në zemër të Shkodrës” nuk është thjesht një festë, por një rikthim tek tradita e hershme e mikpritjes që bashkon shqiptarët.

    Përgjatë gjithë javës, kjo sofër ka shërbyer si një vitrinë promovimi për produktet bio nga të gjitha trevat shqiptare, duke krijuar një mozaik shijesh autentike dhe duke evidentuar vlerat e trashëgimisë kulturore.

    Mbrëmja e sotme kulmoi me një darkë solemne ku morën pjesë mbi 200 të ftuar nga mbarë hapësira shqiptare. Mikpritësi i shtëpisë, Kryebashkiaku Benet Beci, kishte në krah dy figura të larta politike: Presidenten e Kosovës, Vjosa Osmani dhe Ministren e Jashtme të Shqipërisë, Elisa Spiropali.

    Mesazhi i Benet Becit

    Përmes një postimi në rrjetet sociale, Beci ndau emocionet e kësaj mbrëmjeje të veçantë, duke theksuar përmasat dhe rëndësinë e këtij bashkimi.

    “Një mbrëmje e jashtëzakonshme në Shkodër! Sonte shtruam Sofrën e Pavarësisë, sofrën më të madhe të realizuar ndonjëherë, në zemër të Shkodrës. Një traditë e mikpritjes siç na ka hije, që na bashkoi në prag të 28 Nëntorit,” shkruan Beci.

    Ai shprehu mirënjohjen për praninë e personaliteteve të larta: “Pata kënaqësinë të jem me dy mike të veçanta të Shkodrës: Presidenten e Republikës së Kosovës, Vjosa Osmani, dhe Ministren për Evropën dhe Punët e Jashtme, Elisa Spiropali, si edhe me mbi 200 të ftuar nga mbarë trevat shqiptare.”

  • FOTOT/ Qyteti i Vlorës “vishet” kuq e zi në prag të festës së Pavarësisë

    FOTOT/ Qyteti i Vlorës “vishet” kuq e zi në prag të festës së Pavarësisë

    Vlora është veshur këtë të enjte me ngjyrat kuqezi, teksa qyteti përgatitet për 28 Nëntorin, Ditën e Pavarësisë. 

    Kudo në rrugët e qytetit shihen flamuj kombëtarë të vendosur në bulevardin “Ismail Qemali”, në Sheshin e Flamurit dhe përgjatë akseve kryesore hyrëse në qytet. 

    Atmosfera festive ndihet në çdo cep të Vlorës, ndërsa dekorimet po i japin qytetit një pamje simbolike dhe historike.

    Një flamur gjigant është vendosur pranë godinave në Sheshin e Flamurit, duke tërhequr vëmendjen e banorëve dhe vizitorëve.

    Nesër pritet mbërritja e autoriteteve më të larta të vendit, ndërsa edhe mijëra qytetarë nga e gjithë Shqipëria pritet t’i bashkohen festimeve në kryeqytetin e Pavarësisë. 

    Vlora duket plotësisht gati për të përjetuar një tjetër 28 Nëntor madhështor. 

     

  • Tokio bie nga ‘froni’, ky është qyteti më i populluar i botës

    Tokio bie nga ‘froni’, ky është qyteti më i populluar i botës

    Xhakarta është tashmë qyteti më i populluar në botë. Lista kryesohet nga vendet aziatike, por kryeqyteti i Indonezisë ka lënë pas Dhaka në Bangladesh dhe Tokion në Japoni.

    Me 42 milionë banorë, Xhakarta ka kaluar vendin e 33-të ku renditej në vitin 2018 dhe Tokio gjendej në krye.

    Dhaka pason me 36 milionë banorë ku sipas raportit të Kombeve të Bashkuara, pritet të bëhet “qyteti më i madh në botë rreth mesit të shekullit.”

    Renditja e re tregon ndryshimin e shpejtë që po përfshin botën me shfaqjen e megaqyteteve të mbipopulluar.

    Gjysma e 8.2 miliardë njerëzve që përbëjnë popullsinë e botës tashmë jetojnë në qytete. 9 nga 10 qytetet më të populluara të globit gjenden në Azi.

    Përjashtimi i vetëm është Kajro në Egjipt që u rendit i shtati me 25 milionë banorë, dyfish më shumë sesa banorët e Nju-Jorkut.

    Qytetet e tjera në 10 vendet kryesuese janë Nju-Delhi (30.2 milionë), Shanghai (29.6 milionë), Guangzhou (27.6 milionë), Manila (24.7 milionë), Kalkuta (22.5 milionë) dhe Seuli (22.5 milionë).

    Sipas vlerësimeve, pritet që në vitin 2050 të ketë mbi 15 mijë qytete në botë dhe pjesa më e madhe do të kenë popullsi me jo më pak se 250 mijë banorë.

  • Qyteti fantazmë/ U shpenzuan 100 miliardë dollarë për ndërtimin, por mbeti thuajse bosh

    Qyteti fantazmë/ U shpenzuan 100 miliardë dollarë për ndërtimin, por mbeti thuajse bosh

    Nga Alesia Fiddler, DAILY MAIL

    Ka një qytet në Malajzi që fillimisht u projektua për të strehuar një popullsi prej 700.000 banorësh.

    ‘Forest City’ u ndërtua nga kompania kineze ‘Country Garden’, si pjesë e projektit të tyre ‘Belt and Road’ që nisi në vitin 2016. Janë shpenzuar plot 80 miliardë paund (100 milionë dollarë) për ndërtimin e komunitetit, me qëllim krijimin e një peizazhi modern dhe miqësor me mjedisin.

    Me gjithë planet e mëdha, vetëm rreth 9.000 persona janë zhvendosur në ‘Forest City’ që nga fillimi i punimeve disa vite më parë.

    Qyteti madje ka edhe një park ujor, restorante dhe bare, si dhe një fushë golfi, por mbetet kryesisht i pabanuar.

    Ndryshimet në kontrollin e kapitalit të Kinës në vitin 2017, vetëm një vit pas fillimit të punimeve, çuan në ulje të investimeve dhe probleme në përfundimin e punimeve.

    Vetëm rreth 15 për qind e projektit ishte përfunduar deri vitin e kaluar.

    Nazmi Hanafiah u zhvendos në qytet për gjashtë muaj dhe jetoi në një apartament me një dhomë gjumi në një kullë banimi. Megjithatë, ai nuk qëndroi për shumë dhe i tha BBC-së: “Nuk më interesonte depozita, nuk më interesonin paratë. Thjesht duhej të largohesha”.

    Inxhinieri i IT-së e përshkroi ‘Forest City’ si një “qytet fantazmë” dhe tha: “Dridhem vetëm duke u kthyer këtu.”

    Një tjetër banore, Joanne Kaur, i tha medias: “Ky vend është i çuditshëm. Edhe gjatë ditës, kur del nga dera e përparme, korridori është i errët”.

    Qyteti përbëhet nga katër ishuj që shtrihen në një sipërfaqe prej 30 km², sipas faqes zyrtare të ‘Forest City’.

    Faqja vazhdon: “Forest City, i ndërtuar së fundmi, do të jetë një qytet inteligjent dhe i gjelbër futuristik që kombinon mjedisin, teknologjinë dhe teknologjinë më të avancuar për të krijuar një ekosistem ideal, idilik dhe të bazuar në teknologji për të jetuar dhe punuar”.

    ‘Country Garden’ i tha BBC-së se ishte “optimiste” se qyteti do të përfundojë pavarësisht çdo problemi.

    Ka vende po aq “të çuditshme” shumë më afër, përfshirë edhe ishullin e braktisur ‘Pleasure Island’, në Cleethorpes.

    ‘Pleasure Island’ ishte ndarë në gjashtë zona – Afrika, Maroku, Anglia e Vjetër, Spanja, Kiddies Kingdom dhe Ëhite Knuckle Valley – dhe kishte shumë atraksione për adrenalinë, përfshirë Alakazam, Terror Rack dhe Gravitron. Parku u mbyll në vitin 2016 pas 23 vitesh, dhe parku tematik që dikur ishte i popullarizuar, është lënë të shkatërrohet.

    Atraksionet u shitën në tetor 2018, por shumica e ndërtesave mbeten të paprekura edhe sot.

    Nga karuselët që janë lënë plotësisht të vendosura me gjithë dekorin e tyre, deri tek sallat e lojërave me makinat akoma brenda, parku tematik ka një gamë strukturash që ende qëndrojnë në këmbë.

  • VIDEO/ Qyteti më verior i Amerikës i thotë lamtumirë diellit për 65 ditë, si është të jetosh në errësirë për tre muaj

    VIDEO/ Qyteti më verior i Amerikës i thotë lamtumirë diellit për 65 ditë, si është të jetosh në errësirë për tre muaj

    Qyteti më verior i kontinentit amerikan, Utqiagvik në Alaskë, i dha lamtumirën dritës së diellit më 18 nëntor. Që nga ajo ditë dhe për rreth 64–65 ditë, banorët nuk do ta shohin më diellin.

    Lindja e ardhshme e diellit pritet më 22 janar 2026, sipas shumicës së mediave ndërkombëtare. Aktualisht, Utqiagvik ndodhet në ditët e para të natës polare.

    Deri në fund të janarit, qyteti do të jetojë në errësirë të gjatë, ku burime të vetme të dritës natyrore do të jenë agimi i dobët në horizontin jugor dhe Shkëlqimi i Veriut, që shpesh ndriçon qiellin.

    Sipas mediave lokale, perëndimi i fundit i diellit ndodhi më 18 nëntor në orën 13:56, ndërsa lindja e ardhshme është më 22 janar në 13:23, që do të thotë 64 ditë pa diell.

    AccuWeather flet për rreth 65 ditë errësire, duke cituar të njëjtën datë për kthimin e diellit.

    Fox Weather thekson se nuk bëhet fjalë për errësirë absolute, pasi çdo ditë ka pak dritë të agimit polar dhe shfaqje mahnitëse të Shkëlqimit të Veriut. Daily Mail përmend 66 ditë dhe datën 23 janar, duke treguar një ndryshim të vogël në llogaritje.