Analisti Artur Nura i ftuar në një studio televizive, u shpreh se realiteti në PD është i qartë dhe se me Berishën nuk do të ketë asnjë përmirësim, gjë e cila është nxjerrë në pah edhe nga sondazhi i “Zëri i Shqiptarëve”.
Nura komentoi edhe lëvizjet e Ervin Salianjit, duke thënë se mund të jetë i mbështetur nga një faktor ndërkombëtar.
“Sondazhi fotografon realitetin që ne e themi. Së fundmi po e thonë edhe individë të caktuar në PD që kanë kurajën t’ja thonë Berishës në sy. Sondazhi po thotë atë që ne po e themi prej kohësh dhe e reja është se brenda PD nisën zërat e parë për të thënë të vërtetën. Me Berishën PD jo që nuk vjen në pushtet, por do të dimensionohet edhe më pak”, u shpreh ai.
Gjithashtu gjatë intervistës, Nura nënvizoi se Partia Demokratike nuk përmbushi aspiratat e dhjetorit. Analisti nënvizoi se demokratët nuk e duam Berishën dhe kjo sipas tij u tregua qartë nga pjesëmarrja e dobët në Foltore.
“Zoti Salianji mund të jetë i mbështetur nga një faktor ndërkombëtar, aleatët janë të interesuar për të patur një PD dinjitoze. Dhe kanë filluar të komunikojnë me personazhe që nuk janë non-grata dhe mesa duket janë në kërkim të një alternative të re në PD”, tha Nura, duke shtuar: “PS është e vetmja alternativë më e mira. 13 vite në pushtet sigurisht të konsumon. Por kur nuk ka alternativë, sepse edhe partitë e reja që frymëzon, por mënyra se si përfundoi duke u grindur me njëri-tjetrin kjo alternativë vdiq”.
Tag: pushtet
-
“Salianji, po i del “kundër” Berishës”/ Reagon ashpër analisti: Me Berishën PD jo që nuk vjen në pushtet, por…
-
‘Shqetësohem për opozitën, jo për …’/ Lesi: Me Doktorin, PD-ja nuk vjen kurrë në pushtet
Botuesi Nikoll Lesi komentoi sot lidhur me situatën brenda Partisë Demokratike.
I ftuar në një studio televizive, Lesi shprehu kritika të ashpra ndaj PD-së, që nuk e konsideroi si parti të fortë opozitare.
Lesi tha se është i shqetësuar për të ardhmen e PD-së, pasi sipas tij, me lidershipin aktual nuk mund të vijë kurrë në pushtet.
“PD me Doktor Berishën ka mbaruar. Nuk vjen kurrë me të në pushtet. Aq më tepër më përforcohet ideja nga takimi i djeshëm i dy demokratëve. Pashë takimin e Mirditës sonte dhe pashë reagime nga më të ndryshme, kishte edhe fjalë fyese (nga të pranishmit). Kur një vend nuk ka opozitë të fortë, edhe demokracia është e cunguar. Edhe unë jam i shqetësuar për opozitën, jo për Doktorin, por për opozitën. Se kur ka një opozitë të fortë, atëherë edhe qeveria është më e kujdesshme”,-tha Lesi. -
Nis turin në Shqipëri “Foltorja”/ Berisha: Vendi po shpopullohet! Brenda disa dekadash do katandisemi 500 mijë banorë
Partia Demokratike ka nisur sot foltoren e turit që do të mbahet në të gjithë Shqipërinë.
Kreu i PD Sali Berisha, në një bashkëbisedim me qytetarët e njësisë 9 në kryeqytet, ka evidentuar problemin e shpopullimit, që sipas tij vjen nga mazhoranca në pushtet, politikat e ndjekura prej saj dhe lidhja me krimin.
“Nga një komb ndër më të rinjtë në Europë, sot jemi kombi me lindshmërinë që kishim 100 vite më parë kur ishin 700 mijë banorë. Jemi kombi me lindshmërinë më të ulët në Europë për shkak të largimit të t rinjve. Nga 2018 vdekjet dominojnë shumë mbi lindjet. Në këtë trend rrokullisës, brenda disa dekadash do të shkojmë edhe më pak se 500 mijë banorë.
Jetojmë në një sistem diktatorial që ka pranuar pluralizmin, por shtyp dhe ngushton hapësirën për të qendruar në pushtet”, tha ai. -
Lesi: Doktori me 200 vetë, nuk është i besueshëm! Ne me dy gazeta mbushëm sheshin plot
Botuesi i gazetës Koha Jonë, Nikoll Lesi deklaroi se opozita nuk ngjall shpresë se mund të rrëzojë Edi Ramën dhe tha se Berisha po luan me nervat e demokratëve duke dalë me 200 vetë në shesh, në takimet që i quan “Foltore”.
Nikoll Lesi: Opozitë që nuk ngjall besim, luajnë me nervat e demokratëve. Thonë se qeveria është e korruptuar dhe mafioze, kjo përballohet me turmë të madhe. Populli nuk del, me 200 vetë… Çfarë opozite është kjo? Si ta rrëzojë Ramën kjo? Është opozitë e mbaruar. Nuk ka lidership. Kjo foltore i shërben doktorit për zgjedhjet e partisë, që mbyll çdo zë. Në vend të thoshte do të gjejmë figurë të re që të kandidojë…Një vend që nuk ka opozitë serioze dhe të besueshme ka probleme. Në 2004-2005, ishte PD opozitë por kishte frymëzim. Ne mbajmë mend në 1999 që ishte lufta e Kosovës, bënë thirrje gazeta Albania dhe Koha Jonë, doli plotë sheshi Skënderbej. Doktori me 200 veta? Si do të vijë në pushtet?
Andi Tela: Një pjesë e njerëzve që duhet të mbushin sheshin, kanë ikur.
Nikoll Lesi: Këto 500 mijë qe votuan për PD, ku janë? Nuk kanë besim te doktori që i sjell në pushtet. Me këtë gjendje që është PD, po të ikë doktori, shkërmoqet, por me doktorin nuk vjen në pushtet. Doktori duhet ta hapë vetë rrugën.
Enton Abilekaj: Nuk është se nuk kanë besim te doktori, por nuk kanë besim që me këto mënyra vihet në pushtet. Ata thonë po dolëm në shesh për parakalimin e rradhës… Kjo nuk ka asnjë vlerë. Duhet të ketë ide lidershipi i PD. Me këto protesta, as drejtoresha e COD nuk dorëhiqet. -
“Opozitë e mbaruar…”/ Nikoll Lesi: Berisha po luan me nervat e demokratëve duke nxjerrë 200 vetë në shesh!
Botuesi i gazetës Koha Jonë, Nikoll Lesi, deklaroi se opozita nuk ngjall shpresë se mund të rrëzojë Edi Ramën dhe tha se Berisha po luan me nervat e demokratëve duke dalë me 200 vetë në shesh, në takimet që i quan “Foltore”.
Biseda në studio:
Nikoll Lesi: Opozitë që nuk ngjall besim, luajnë me nervat e demokratëve. Thonë se qeveria është e korruptuar dhe mafioze, kjo përballohet me turmë të madhe. Populli nuk del, me 200 vetë… Çfarë opozite është kjo? Si ta rrëzojë Ramën kjo? Është opozitë e mbaruar. Nuk ka lidership. Kjo foltore i shërben doktorit për zgjedhjet e partisë, që mbyll çdo zë. Në vend të thoshte do të gjejmë figurë të re që të kandidojë…Një vend që nuk ka opozitë serioze dhe të besueshme ka probleme. Në 2004-2005, ishte PD opozitë por kishte frymëzim. Ne mbajmë mend në 1999 që ishte lufta e Kosovës, bënë thirrje gazeta Albania dhe Koha Jonë, doli plotë sheshi Skënderbej. Doktori me 200 veta? Si do të vijë në pushtet?
Andi Tela: Një pjesë e njerëzve që duhet të mbushin sheshin, kanë ikur.
Nikoll Lesi: Këto 500 mijë qe votuan për PD, ku janë? Nuk kanë besim te doktori që i sjell në pushtet. Me këtë gjendje që është PD, po të ikë doktori, shkërmoqet, por me doktorin nuk vjen në pushtet. Doktori duhet ta hapë vetë rrugën.
Enton Abilekaj: Nuk është se nuk kanë besim te doktori, por nuk kanë besim që me këto mënyra vihet në pushtet. Ata thonë po dolëm në shesh për parakalimin e rradhës… Kjo nuk ka asnjë vlerë. Duhet të ketë ide lidershipi i PD. Me këto protesta, as drejtoresha e COD nuk dorëhiqet. -
Alesia Balliu: Berisha është arsyeja pse Rama është në pushtet! Sa herë proteston opozita, aq më shumë…
Ish-anëtarja e Këshillit Kombëtar të PD, Alesia Balliu, në një intervistë në Dritare TV u shpreh se Sali Berisha është arsyeja se pse Rama qëndron ende në pushtet.
“Sa herë që opozita proteston me Sali Berishën në krye, aq më stabël është Rama. Sa më qesharak bëhen ata me protestat, aq më shumë pushtet i japin Ramës”, u shpreh Balliu, mes të tjerash. -
‘Provat kanë dalë sheshit! Ku shkuan 50 mln euro?’, Lubonja: Parimi i qeverisë, vidh që të marrësh pushtet
Analisti Fatos Lubonja, foli sot në një studio televizive për çështjen e zv.kryeministres, Belinda Balluku, e cila është marrë e pandehur nga SPAK për shkelje të barazisë në tendera. Ndaj Ballukut GJKKO ka caktuar dy masa; pezullim nga detyra dhe bllokim të pasaportës.
Lidhur me rastin analisti tha se provat lidhur me këtë aferë janë të qarta, dhe se ajo që e shqetëson atë është se ku kanë shkuar 50 mln euro të humbura nga tenderi për Tunelin e Llogarasë.
Më tej ngriti shqetësim për mënyrën e qeverisjes në vendin tonë.
Ai tha se parimi i qeveritarëve në Shqipëri është “Parimi i tyre është; ne do mbajmë klientelën tonë, do e shtojmë, sepse me këtë klientelën tonë bëjmë parimin tone vidh që të marrësh pushtet dhe mbaj pushtet që të vjedhësh. Provat janë sheshit. Rama e di shumë mirë”.
Lubonja: A thua se bëhet fjalë për ca qeveritarë që nganjëherë u qëllon që të bëjnë shkelje në barazi në tendera. Për mua kjo që a ka prova a s’ka prova është debat kot.
Këtu bëhet fjalë për mënyrë qeverisje. Pashë mesazhet Balluku-Berberi, sepse diku bëhej fjalë për një biznesmen të lidhur me PD dhe kjo i thoshte atij nuk dua ta shoh më fare në listën e tenderave.
Parimi i tyre është; ne do mbajmë klientelën tonë, do e shtojmë, sepse me këtë klientelën tonë bëjmë parimin tone vidh që të marrësh pushtet dhe mbaj pushtet që të vjedhësh. Provat janë sheshit. Rama e di shumë mirë.
Kur ka ardhur puna që është vënë në veprim SPAK. Mirë që i paskan humbur 50 mln euro, po ku kanë shkuar 50 mln euro? -
Vuçiç mund të bëhet kryeministër në 2027, mediat serbe ngrenë aludime, pse presidenti nuk do të heqë dorë nga pushteti
Marsela SHYTIA
Lëvizja Kryengritja Ekologjike në Serbi ka ngritur një pyetje të rëndësishme lidhur me të ardhmen politike të Aleksandër Vuçiçit pas përfundimit të mandatit të tij presidencial në vitin 2027. Pas një periudhe të gjatë në pushtet dhe një kontrolli të fortë të politikës serbe, është e natyrshme që shumë qytetarë dhe analistë të kenë pyetje dhe dyshime mbi atë se çfarë do të bëjë Vuçiç pas mbarimit të mandatit të tij si president. Do të tërhiqet ai nga politika, apo do të kërkojë një post tjetër të fuqishëm, si ai i kryeministrit? E gjithë kjo ka ngritur diskutime, pasi Vuçiç ka lënë të kuptohet se do të largohet nga presidenca, por ka lënë shumë hapësirë për interpretim në lidhje me mundësinë e një rikthimi të tij në politikë me një rol tjetër.
“Pasardhësit”
Në vitin 2022, pas betimit të tij për një mandat të dytë pesëvjeçar si president, Vuçiç kishte thënë se nuk do të ndryshonte Kushtetutën për të qëndruar më shumë në pushtet. Ai theksoi se nuk kishte ndërmend të kandidohej përsëri për një mandat të tretë presidencial, duke sugjeruar se do të tërhiqej nga politika pas përfundimit të mandatit të tij në vitin 2027. Sidoqoftë, ai gjithashtu ka shpallur se do t’u ofronte “pasardhësve” të tij mundësi të mira dhe burime të forta njerëzore, duke përmendur figura si Ana Brnabiç dhe Sinisha Mali, por pa zbuluar kush mund të jetë pasardhësi i tij i drejtpërdrejtë. Kjo ka lënë të kuptohet se, ndonëse ai planifikon të largohet nga posti i presidentit, ai mund të jetë ende i përfshirë në politikë, duke ofruar mbështetje dhe orientim për ata që mund të pasojnë.
Përgjigjja e Vuçiçit
Në një intervistë të fundit, Vuçiç theksoi se “kam punë të tjera” dhe se është i lodhur nga politika, duke përmendur se do të shfrytëzojë popullaritetin e tij të madh për të kontribuar në marrëdhëniet e Serbisë me vende të tilla si Kina dhe Emiratet e Bashkuara Arabe. Ai e shpjegoi se, megjithëse mund të largohet nga politika aktive, do të jetë i gatshëm të udhëtojë dhe të kontribuojë në mënyrë të drejtpërdrejtë në zhvillimet ndërkombëtare. Kjo ka bërë që shumë të mendojnë se Vuçiç mund të përqendrohet në një rol më të pasiv, ndoshta si një figurë influente që mbështet politikat e jashtme të Serbisë, pa u angazhuar drejtpërdrejt në qeverisjen e përditshme të vendit. Por pyetja mbetet: a është ky fundi i karrierës së tij politike apo një kalim në një tjetër post kyç, si ai i kryeministrit?
Trashëgimia politike
Një nga temat që Vuçiç ka theksuar shpesh është trashëgimia e tij politike. Ai ka shprehur shqetësimin se pas përfundimit të mandatit të tij, ai dëshiron të sigurojë që Serbia të ketë një trashëgimi të qëndrueshme dhe të fortë. Ai ka theksuar se, gjatë periudhës së tij në pushtet, ka qenë në qendër të ndryshimeve politike më të mëdha në Serbi që nga periudha e Millosheviçit dhe periudha kalimtare që pasoi. Vuçiç ka theksuar se është i vetmi president që ka qëndruar në pushtet për kaq shumë kohë dhe se kjo i ka dhënë mundësinë të lërë një shenjë të thellë në histori. Por, ndërkohë që ai nuk ka dhënë një përgjigje të qartë për të ardhmen e tij pas mandatit presidencial, ai ka shpallur se do të presë deri në fund të mandatit dhe ndoshta edhe më tej për të investuar në zhvillimin e pasurive të tij, duke përmendur mundësinë e blerjes së një trualli në jug të Serbisë.
Jeta pas politikës
Ky qëndrim lë të hapur mundësinë që Vuçiç të qëndrojë në politikë për një kohë të gjatë, ndoshta duke përfituar nga ndikimi i tij dhe popullariteti në nivele të tjera të administratës shtetërore. Kështu, ndërkohë që Vuçiç ka njoftuar planet e tij për t’u tërhequr nga presidenca, ekzistojnë dyshime të mëdha se ai mund të synojë një post tjetër të fuqishëm pas mbarimit të mandatit të tij. Megjithatë, deri më tani, ai ka shmangur të bëjë një deklaratë të qartë se çfarë do të bëjë pas vitit 2027, duke lënë hapësirë për spekulime dhe diskutime mbi atë që mund të jetë e ardhmja e tij në politikën serbe. Pas shumë vitesh dominimi në Serbi, do të jetë interesante të shohim se si do të zhvillohet skena politike dhe nëse Vuçiç do të mbajë ende një ndikim të madh pas largimit nga posti i presidentit. -
Deklarata e Komisioneres Kos, Bylykbashi: Po shtrembëron raportin e ODIHR
Deklarata e Komisioneres Kos, Bylykbashi: Po shtrembëron raportin e ODIHR
Deklarata e Nënkryetari i Partisë Demokratike, Oerd Bylykbashi, ka reaguar ashpër pas deklaratës së Komisioneres për Zgjerim, Marta Kos, e cila sot u shpreh se zgjedhjet e 11 majit 2025 kanë qenë “të lira dhe të ndershme”.
Bylykbashi e cilëson këtë deklaratë të pavërtetë dhe thotë se ajo përbën një interpretim të gabuar të Raportit Përfundimtar të ODIHR. Sipas tij, kjo lloj qasjeje rrezikon të dëmtojë besueshmërinë e institucioneve europiane në sytë e qytetarëve shqiptarë.
Ai theksoi se ODIHR ka qenë i qartë që në fillim të raportit, duke nënvizuar se “konkurentët nuk patën fushë loje të barabartë” dhe se partia në pushtet ka përfituar nga përdorimi i burimeve administrative gjatë fushatës, duke krijuar avantazh të padrejtë.
Reagimi i deputetit te PD, Oerd Bhlykbashi:
Komisionerja e Zgjerimit zj. Marta Kos deklaroi se zgjedhjet e 11 majit 2025 “kanë qenë të lira e të ndershme”. Çfarë është më e rëndë është që ajo e dha si konkluzion të saj në emër të BE, jo si citim të ODIHR.
ODIHR në Raportin Përfundimtar ka deklaruar që në fjalinë e parë që “konkurentët nuk patën fushë loje të barabartë”.
Brenda paragrafit të parë, ODIHR thotë se “Partia në pushtet përfitoi nga përdorimi gjerësisht i burimeve administrative gjatë fushatës , duke krijuar avantazh të padrejtë për shkak të qenies në pushtet”.
Në asnjë rresht të raportit final, për asnjë moment, ODIHR nuk thotë që zgjedhjet ishin të lira e të ndershme, siç thotë zj, Kos.
Ajo që ODIHR tha prerazi ësjtë se është prishur ndarja mes shtetit dhe partisë në pushtet. Kjo është shkelje e një parimi themelor, që sjell një fushë loje të pabarabarta, pra zgjedhje janë të pandershme. -
Puthja e zjarrtë/ Gazetari grek: Rama ka blerë shumë figura publike në SHBA dhe Europë për të mbajtur në pushtet regjimin e tij të drogës!
Puthja e zjarrtë/ Gazetari grek: Rama ka blerë shumë figura publike në SHBA dhe Europë për të mbajtur në pushtet regjimin e tij të drogës!
Një postim i gazetarit grek Aleksandros Zioulis ka vënë në qendër të kritikave kryeministrin shqiptar Edi Rama, këtë herë për sjelljen e tij gjatë një takimi në Bruksel.
Zioulis publikoi një foto ku Rama shfaqet duke puthur me pasion zëvendësministren e Punëve të Jashtme të Greqisë, Alexandra Papadopoulou, një imazh që gazetari e interpreton si të papërshtatshëm dhe të turpshëm për diplomacinë greke.
Zioulis e shoqëroi foton me një reagim të ashpër, duke e cilësuar sjelljen e Ramës si të ekzagjeruar dhe të pavend për një forum diplomatik.
Gazetari e përdori këtë rast edhe për të kritikuar marrëdhëniet ndërkombëtare të Ramës, duke përmendur figura të huaja që ai shprehet se kryeministri shqiptar i ka afruar për të mbajtur në pushtet regjimin e tij të drogës.
‘Rama ka blerë dhe më pas ka emëruar si të ashtuquajturit “këshilltarë” të korruptuar dhe tani të dënuar shefin e Auditit të Brendshëm të FBI-së New York McGonigal, eurodeputetin e korruptuar gjerman Anthellenik Knut Fleckenstein, i cili pasi nuk u rizgjodh eurodeputet e emëroi si “këshilltar” të qeverisë së tij, ai ka bashkëpunëtor fshiu ish deputeti i Merkel Mark Haupman, britaniku i “famshem” Tony Blair, i korruptuari dhe i krimit te organizuar ish shefi i sherbimit sekret te Rumanise Florian Coldea, e shume te tjere!’ – u shptreh më tej gazetari.
Në komentin e tij, Zioulis shkon deri aty sa paralajmëron se nuk do të befasohej nëse Papadopoulou do të shfaqej një ditë në listën e këshilltarëve të Ramës, duke e cilësuar këtë si rrezik për imazhin e qeverisë Mitsotakis. Sipas tij, Greqia duhet të jetë më e kujdesshme për të mos u asociuar me sjellje që kanë karakter joprofesional dhe përplasës.
Postimi i gazetarit:
Turp, pa turp!
Zv/ministrja e punëve të jashtme Alexandra Papadopoulou, në puthje dhe dashuri me Anthellenicin Edi Rama dje në Bruksel!
Turpi dhe rënia e politikës greke!
P.S. Edi Rama dihet se ka blerë shumë figura publike në SHBA dhe Europë për të mbajtur në pushtet regjimin e tij të drogës!
Rama ka blerë dhe më pas ka emëruar si të ashtuquajturit “këshilltarë” të korruptuar dhe tani të dënuar shefin e Auditit të Brendshëm të FBI-së New York McGonigal, eurodeputetin e korruptuar gjerman Anthellenik Knut Fleckenstein, i cili pasi nuk u rizgjodh eurodeputet e emëroi si “këshilltar” të qeverisë së tij, ai ka bashkëpunëtor fshiu ish deputeti i Merkel Mark Haupman, britaniku i “famshem” Tony Blair, i korruptuari dhe i krimit te organizuar ish shefi i sherbimit sekret te Rumanise Florian Coldea, e shume te tjere!
Personalisht, NUK habitem nëse një ditë e shoh Alexandra Papadopoulou në ndonjë listë të “këshilltarëve” të Ramës…
Deri atëherë ND dhe qeveria e kryeministrit Kyriakos Mitsotakis, le të marrin masat e nevojshme për të mos u ekspozuar!Aleksandër Zoulis