Lajmidites.com

Tag: propozimi

  • Vjen propozimi për shkëmbimin e bujshëm mes Liverpool dhe Real Madridit, do të hyjë në histori nëse ndodh

    Vjen propozimi për shkëmbimin e bujshëm mes Liverpool dhe Real Madridit, do të hyjë në histori nëse ndodh

    4 Dhjetor 2025

    19:37

    Telesport

    Jude Bellingham është një nga yjet e pakënaqur me trajnerin Xabi Alonso, sipas asaj që raporton “Mundo Deportivo” mes trajnerit bask dhe yllit anglez ka një tension të dukshëm dhe moskuptimi mes tyre tashmë është pranuar të gjithë te “Los Blancos”.
    Duke parë këtë situatë, Liverpool është gati t’i propozojë Real Madridt një shëkmbim të bujshëm, që nëse ndodh, do të jetë historik. Sipas asaj që raporton “Defensa Central”, propozimi i Liverpool-it është i tillë: Alexis Mac Allister në këmbim të Jude Bellingham.
    Deri tani nuk ka ndonjë reagim nga Madridi, por duket e vështirë të pranojnë këtë propozim, edhe pse argjentinasi i të kuqve pëlqehet shumë nga Xabi Alonso dhe është një nga emrat që ai ka kërkuar si përforcim për mesfushën për merkaton e ardhshme.

  • Zvicër: Votuesit rrëzojnë në referendum taksën klimatike

    Zvicër: Votuesit rrëzojnë në referendum taksën klimatike

    Votuesit në Zvicër hodhën poshtë të dielën një taksë të re klimatike mbi trashëgiminë për multimilionerët, duke refuzuar një propozim që synonte të siguronte fonde nga banorët më të pasur të vendit për të luftuar ndryshimet klimatike. Rezultatet përfundimtare nga 26 kantonet e vendit treguan se “iniciativa për një të ardhme” u refuzua nga mbi 78% e votuesve, sipas të dhënave zyrtare.
    Propozimi ishte paraqitur nga Socialistët e Rinj dhe parashikonte një taksë trashëgimie prej 50% mbi pasuritë me vlerë 50 milionë franga zvicerane (ekuivalente me 62 milionë dollarë ose 53.6 milionë euro) ose më shumë. Sipas organizatës rinore, të ardhurat e mbledhura do të përdoreshin për të financuar “masa socialisht të drejta për të luftuar krizën klimatike dhe ristrukturimin e nevojshëm të ekonomisë në tërësi”.

    Në një fletëvotim të veçantë, votuesit refuzuan në mënyrë dërrmuese edhe propozimin për futjen e shërbimit civil për të gjithë të rinjtë. Ky plan, i njohur si propozimi për “Detyrën Qytetare”, u hodh poshtë nga 84.2% e elektoratit. Propozimi do të kërkonte që çdo qytetar zviceran, pavarësisht gjinisë, të ishte i detyruar të kryente shërbim kombëtar, qoftë në ushtri, qoftë në një kapacitet civil.

    Qeveria dhe parlamenti zviceran i kishin kundërshtuar të dyja propozimet, duke argumentuar se ato do të sillnin kosto të mëdha dhe do të kërcënonin stabilitetin ekonomik të kombit të pasur alpin. Zvicra mban referendume kombëtare katër herë në vit, duke u dhënë qytetarëve një zë të drejtpërdrejtë në procesin e politikëbërjes.

  • “Ky nuk është propozimi im i fundit për Ukrainën”, Trump sqaron ‘ultimatumin’ për Zelenskyn mbi planin 28-pikësh

    “Ky nuk është propozimi im i fundit për Ukrainën”, Trump sqaron ‘ultimatumin’ për Zelenskyn mbi planin 28-pikësh

    Donald Trump i ka shtuar dimensione të reja debatit mbi planin e paqes për luftën në Ukrainë, me deklaratat e tij më të fundit që ndryshojnë pamjen që ishte krijuar deri më tani.
    Presidenti amerikan sqaroi se propozimi prej 28 pikash që ai paraqiti nuk është një ultimatum dhe nuk është absolut, siç ishte perceptuar fillimisht. Duke iu përgjigjur një pyetjeje nga gazetarët jashtë Shtëpisë së Bardhë nëse propozimi i tij ishte përfundimtar, Trump sqaroi: “Jo”. Ai madje shtoi se “lufta duhet të përfundojë në një mënyrë ose në një tjetër “, duke theksuar nevojën për përparim të menjëhershëm drejt një marrëveshjeje.
    Kur një gazetar e pyeti se çfarë do të ndodhte nëse Zelensky do ta refuzonte marrëveshjen, Trump u përgjigj: “ Ai mund të vazhdojë të luftojë me gjithë zemër ”. Në fakt, presidenti amerikan nuk harroi të përsëriste se nëse ai do të kishte qenë president , kjo luftë nuk do të kishte filluar kurrë. Ky qëndrim e ndryshon ndjeshëm klimën, pasi në ditët e mëparshme vlerësimi mbizotërues ishte se Trump po i paraqiste një dilemë Volodymyr Zelensky-t – një perceptim i përforcuar nga ultimatumi i së enjtes, i cili nënkuptonte se mbështetja e SHBA-së mund të lidhej me pranimin e planit.
    Presidenti amerikan ka kërkuar një përgjigje nga Kievi deri të enjten, duke përsëritur se dëshiron që memorandumi i paqes të nënshkruhet deri në fund të vitit 2025.
    Çfarë përfshin marrëveshja?
    Marrëveshja e paraqitur në Ukrainë përfshin kushte që konsiderohen jashtëzakonisht të vështira për Kievin, siç është lëshimi i territoreve tashmë të pushtuara nga Rusia dhe zonave shtesë që mbeten nën kontrollin e Ukrainës. Ajo gjithashtu parashikon amnisti për të gjitha krimet e luftës të kryera gjatë konfliktit.
    Në mesazhin e tij televiziv, Zelensky e përshkroi momentin aktual si “një nga më të vështirët në historinë tonë”, duke theksuar se vendi po përballet me dilemën e “humbjes së dinjitetit të tij ose të një aleati kyç”.
    Driscoll, një mik i ngushtë i zëvendëspresidentit të SHBA-së J. D. Vance, shmangu sqarimin nëse propozimi ishte identik me një plan 28-faqësh që ishte botuar në shtyp. “Disa gjëra kanë rëndësi, disa gjëra janë për t’u mbështjellë – dhe ne përqendrohemi në atë që ka rëndësi”, thuhet se tha ai.

  • “Ky nuk është propozimi im i fundit për Ukrainën”, Trump sqaron ‘Ultimatumin’ për Zelensky mbi planin 28-pikësh

    “Ky nuk është propozimi im i fundit për Ukrainën”, Trump sqaron ‘Ultimatumin’ për Zelensky mbi planin 28-pikësh

    Donald Trump i ka shtuar dimensione të reja debatit mbi planin e paqes për luftën në Ukrainë, me deklaratat e tij më të fundit që ndryshojnë pamjen që ishte krijuar deri më tani.

    Presidenti amerikan sqaroi se propozimi prej 28 pikash që ai paraqiti nuk është një ultimatum dhe nuk është absolut, siç ishte perceptuar fillimisht. Duke iu përgjigjur një pyetjeje nga gazetarët jashtë Shtëpisë së Bardhë nëse propozimi i tij ishte përfundimtar, Trump sqaroi: “Jo”. Ai madje shtoi se “lufta duhet të përfundojë në një mënyrë ose në një tjetër “, duke theksuar nevojën për përparim të menjëhershëm drejt një marrëveshjeje.
    Kur një gazetar e pyeti se çfarë do të ndodhte nëse Zelensky do ta refuzonte marrëveshjen, Trump u përgjigj: “ Ai mund të vazhdojë të luftojë me gjithë zemër ”. Në fakt, presidenti amerikan nuk harroi të përsëriste se nëse ai do të kishte qenë president , kjo luftë nuk do të kishte filluar kurrë. Ky qëndrim e ndryshon ndjeshëm klimën, pasi në ditët e mëparshme vlerësimi mbizotërues ishte se Trump po i paraqiste një dilemë Volodymyr Zelensky-t – një perceptim i përforcuar nga ultimatumi i së enjtes, i cili nënkuptonte se mbështetja e SHBA-së mund të lidhej me pranimin e planit.

    Reporter: Co się stanie, jeśli Zełenski nie zgodzi się na wasz plan pokojowy ❓Trump: Wtedy będzie mógł dalej walczyć. pic.twitter.com/vwGS3yCu1g
    — Belarus ⬜️🟥⬜️🤝Ukraine 🇺🇦 (@Propeertys) November 22, 2025

    PRESIDENT TRUMP on latest proposal to Ukraine: “We’d like to get the peace… We’re trying to get it ended.” pic.twitter.com/VmG0GaykLa
    — Fox News (@FoxNews) November 22, 2025

    Presidenti amerikan ka kërkuar një përgjigje nga Kievi deri të enjten, duke përsëritur se dëshiron që memorandumi i paqes të nënshkruhet deri në fund të vitit 2025.
    Çfarë përfshin marrëveshja?
    Marrëveshja e paraqitur në Ukrainë përfshin kushte që konsiderohen jashtëzakonisht të vështira për Kievin, siç është lëshimi i territoreve tashmë të pushtuara nga Rusia dhe zonave shtesë që mbeten nën kontrollin e Ukrainës. Ajo gjithashtu parashikon amnisti për të gjitha krimet e luftës të kryera gjatë konfliktit.
    Në mesazhin e tij televiziv, Zelensky e përshkroi momentin aktual si “një nga më të vështirët në historinë tonë”, duke theksuar se vendi po përballet me dilemën e “humbjes së dinjitetit të tij ose të një aleati kyç”.
    Driscoll, një mik i ngushtë i zëvendëspresidentit të SHBA-së J. D. Vance, shmangu sqarimin nëse propozimi ishte identik me një plan 28-faqësh që ishte botuar në shtyp. “Disa gjëra kanë rëndësi, disa gjëra janë për t’u mbështjellë – dhe ne përqendrohemi në atë që ka rëndësi”, thuhet se tha ai.

    Top Channel

  • Lufta në Ukrainë, Zelensky: Propozimi i Trump për armëpushim është kompromis i mirë, por…

    Lufta në Ukrainë, Zelensky: Propozimi i Trump për armëpushim është kompromis i mirë, por…

    Presidenti ukrainas, Volodymyr Zelensky, deklaroi këtë të mërkurë se propozimi i presidentit amerikan Donald Trump, sipas të cilit Ukraina dhe Rusia duhet të ndalojnë në vijat aktuale të frontit, ishte “një kompromis i mirë”.

    “Trump propozoi të qëndrojmë aty ku jemi dhe të fillojmë bisedimet. Mendoj se ishte një kompromis i mirë, por nuk jam i sigurt nëse Putini do ta pranojë këtë, dhe këtë ia thashë edhe presidentit amerikan”, theksoi Zelensky.
    Deklarata e Zelensky-t vjen në një kohë kur planet për një samit të mundshëm mes Trump dhe Putin në Budapest janë pezulluar, për shkak të presionit të Ukrainës dhe aleatëve të saj europianë që kërkojnë një armëpushim pa lëshime territoriale nga ana e Kievit.
    Nga ana tjetër, Rusia ka deklaruar se përgatitjet për një samit mes presidentëve Putin dhe Trump vazhdojnë ende.

    Top Channel

  • “Nuk ka rëndësi emri”/ Shehaj mbështet Binajn: Jemi me kandidatët jashtë partive politike

    “Nuk ka rëndësi emri”/ Shehaj mbështet Binajn: Jemi me kandidatët jashtë partive politike

    “Në nuk kemi folur por asnjë emër. Ne Kemi folur vetëm për parimin. Kemi bërë një propozim që për fat të mirë është pranuar nga PD. Ne jemi krenar për këtë, se fal propozimit tonë u pa si zgjidhje sepse pati entuziazëm dhe nga propozimi dhe nga emrat. U detyruam të nxjerrim dhe emra dhe përmendëm Ermalin në tavolinë, jemi krenarë për këtë. Fatkeqësisht i gjithë ky proces u mbyll në mënyrë të keqe të mundshme u premë në besë. Është herë e parë që ndodhi ky lloj dialogu. U mbyll në mënyrën më të keqe. PD na preu në besë sepse na tha hajde ulemi se propozimi është i mirë dhe hajde të ulemi e të diskutojmë për emrat.
    Pak rëndësi ata veprojnë si ata veprojnë. Ne do mbështesim kandidatin jo politik dhe do të mbështesim Florian Binajn sikur ta kemi propozuar ne. Ne jemi koherent në çfarë kemi thënë që në ditën e parë duhet një kandidat jashtë partive politike dhe ne nuk kemi kusht emrin. Ka dal Binaj që i plotëson kushtet dhe pavarësisht problemi që kemi me PD qëllimi është që ti japim Tiranës një krybashkiak të pa korruptuar. Do e mbështesim sikur të ishte propozuar nga ne. Mbështetja për Binaj është në të gjitha format që ai e shikon të arsyeshme dhe të nevojshme. Ne do e mbështesim si të ishte propozimi ynë, por e them dhe njëherë. Që nesër jemi të gatshëm të ulemi dhe të diskutojmë se si ai e mendon se të bëj fushatë. Unë mendoj se kjo fshat nuk duhet të jetë tradicionale me kryetarët e partive në krah, por me qytetarët. Jam i bindur që formula që kemi zgjedhur është fituese”, tha Shehaj.

  • Trump autorizon Tony Blair të promovojë planin për qeverisjen e Gazës pas luftës

    Trump autorizon Tony Blair të promovojë planin për qeverisjen e Gazës pas luftës

    Presidenti Donald Trump ka autorizuar Tony Blair të angazhojë aktorët rajonalë dhe ndërkombëtarë rreth një propozimi të tij për krijimin e një autoriteti kalimtar në Rripin e Gazës pas përfundimit të luftës. Sipas katër burimeve të afërta me çështjen, të cituara nga “The Times of Israel”, ky autoritet do të qeverisë Gazën deri në momentin kur kontrolli t’i kalojë Autoritetit Palestinez.
    Përfshirja e ish-kryeministrit britanik në përgatitjet për periudhën pas konfliktit në Gaza ishte bërë publike më herët, përfshirë edhe pjesëmarrjen e tij në një takim strategjik në Shtëpinë e Bardhë më 27 gusht.
    Blair, i cili u përball me kritika të forta për rolin e tij në mbështetjen e SHBA-së gjatë pushtimit të Irakut në fillim të viteve 2000, nisi të punonte mbi këtë plan në muajt e parë të luftës mes Izraelit dhe grupit Hamas. Fillimisht, ai e konceptoi si një skenar për menaxhimin e situatës pas përfundimit të luftimeve.
    Megjithatë, gjatë muajve të fundit, propozimi ka evoluar edhe në një përpjekje për t’i dhënë fund luftës. Sipas një zyrtari amerikan dhe një burimi tjetër të afërt me zhvillimet, administrata Trump ka arritur në përfundimin se një marrëveshje ndërmjet aktorëve kryesorë për strukturën që do të zëvendësojë Hamasin në Gaza është thelbësore për të siguruar një armëpushim të qëndrueshëm dhe një marrëveshje për lirimin e pengjeve.

  • Opozita drejt radikalizimit në Kuvend? Zbulohet propozimi i Gjin Gjonit në grupin e PD: Të mbledhim nga 1 mijë euro për të ngujuar 20 mijë qytetarë para Parlamentit

    Opozita drejt radikalizimit në Kuvend? Zbulohet propozimi i Gjin Gjonit në grupin e PD: Të mbledhim nga 1 mijë euro për të ngujuar 20 mijë qytetarë para Parlamentit

    Grupi parlamentar demokrat i mbledhur me urgjencë në përfundim të seancës së djeshme parlamentare, nuk doli me një vendim se cila do të jetë sjellja e opozitës në raport me qeverinë, por alternativat ishin të shumta.

    Pak minuta pas përplasjes në Parlament ku nuk u arrit do të zhvillohej debati për programin dhe përbërjen e qeverisë, deputetët e PD-së iu drejtuan selisë ku Sali Berisha foli për diktaturë.
    Burimet i thanë Top Channel se një prej propozimeve ishte ai i deputetit të Lezhës, Gjin Gjoni, i cili tha se mobilizimi i qytetarëve mund të bëhet duke u siguruar ushqim që të ngujohen para Parlamentit.
    “Propozimi im është që ne të gjithë si deputetë të mbledhim nga 1 mijë euro dhe të mobilizojmë 20 mijë qytetarë që të ngujohen te Parlamenti. T’u sigurojmë atyre ushqim dhe të rrinë aty pa lëvizur. Ky është propozimi që kam për tani doktor, propozimin për largimin e Ramës mund t’ua them në vijim”, mësohet të ketë thënë Gjoni.
    Nga ana tjetër Berishës i është dukur interesant si propozim, por më shumë duket se i ka interesuar propozimi se si mund të largohet kryeministri.
    “Jam i interesuar për propozimin për largimin e Ramës”, mësohet t’i jetë përgjigjur Berisha.
    Ndërkohë Sajmir Korreshi ka kërkuar të ndiqet procedura për shkarkimin e kryetarit të Kuvendit, Niko Peleshi që sipas tij shkeli rregulloren duke hedhur për votim pa debat programin e qeverisë, ndërsa Gent Strazirimi foli për protestë te Presidenti që ky i fundit të mos vijojnë me betimin e qeverisë.
    Një tjetër propozim ishte ai i Besart Xhaferrit për t’i dhënë ultimatum Ramës për të mos përsëritur më atë që ndodhi në seancën parlamentare.

    Top Channel

  • PD mbledhje urgjente në seli, Bardhi: Propozimi i qeverisë është i njëanshëm

    PD mbledhje urgjente në seli, Bardhi: Propozimi i qeverisë është i njëanshëm

    Kreu i Grupit Parlamentar të Partisë Demokratike, Gazment Bardhi th se opozita e braktisi sallën si dhe procesin e votimit pasi propozimi i PS-së ishte i njëanshëm dhe në shkelje totale me Kushtetutën.
    Ndër të tjera ai bëri me dije se grupi i Partisë Demokratike do të zhvillojë një mbledhje urgjence në seli për të diskutuar dhe për të vendosur se çfarëdo të ndodhë në seancën që pritet të nisë në orën 17:00.
    “Kuvendi institucion kushtetues që ushtrojnë funksionin e tyre deputetët përfaqësojnë të gjitha forcat e politike. Propozimi i njëanshëm dhe pa gjithëpërfshirje, kanë vendosur ta kalojnë brenda 24 orëve në shkelje të procedurës së parashikuar nga rregullorja dhe Kushtetuta.
    Për këtë arse, grupi jonë parlamentar, pasi dha të gjitha argumentat, vendosëm të mos përfshiheshim në këtë procedurë antikushtetuese. Ne nuk do të lejmë asnjë hapësirë bosh që i përket opozitës në Kuvendin e Shqipërisë. Tani do të largohemi në një mbledhje urgjente me grupin parlamentare dhe do të marrim vendime sesi do të sillemi në seancën e orës 17:00”, tha Bardhi.

  • PE refuzon të mbajë një minutë heshtje për Charlie Kirk/ Eurodeputetët godasin tavolinat dhe bërtasin ( Video)

    PE refuzon të mbajë një minutë heshtje për Charlie Kirk/ Eurodeputetët godasin tavolinat dhe bërtasin ( Video)

    Presidentja e Parlamentit Evropian, Roberta Metzola, ka hedhur poshtë një propozim për një minutë heshtje në nder të aktivistit konservator Charlie Kirk, i cili u vra të mërkurën në Universitetin e Utah.
    Propozimi u paraqit nga eurodeputeti i Konservatorëve dhe Reformistëve Evropianë (ECR), Charlie Weimers, si një akt simbolik për të mbrojtur lirinë e fjalës. Sipas Politico, propozimi kishte për qëllim të deklaronte se “e drejta e lirisë së fjalës nuk mund të shfuqizohet”.
    Kirk, 31 vjeç, i cili ishte i njohur për pikëpamjet e tij konservatore dhe mbështetjen për Presidentin e SHBA-së Donald Trump, u vra ndërsa fliste para studentëve në Universitetin e Utah-ut.
    Propozimi për një minutë heshtje u prit me rezistencë, pasi Metsola e hodhi poshtë veprimin, duke cituar rregulloren e procedurës së Parlamentit e cila përcakton që minutat e heshtjeve shpallen nga Presidenti në fillim të seancës plenare, e cila u zhvillua të hënën. Sipas zëdhënësit të Presidencës, që të zbatohet një minutë heshtje, duhet të paraqitet një kërkesë nga një grup politik.
    Në vend të një minute heshtjeje, Weimers mori fjalën për të shprehur qëndrimin e tij mbi incidentin dhe më pas u përpoq t’i jepte pjesën tjetër të kohës së tij një homazh në heshtje. Megjithatë, nënkryetarja e Parlamentit Europian, Katarina Barley, e ndërpreu përpjekjen, duke provokuar një reagim nga eurodeputetët e ekstremit të djathtë dhe të krahut të djathtë, të cilët goditën karriget e tyre dhe bërtitën.
    Deklarata e Barley-t, e cila shpjegoi se propozimi ishte refuzuar nga Presidenti, u prit me duartrokitje nga eurodeputetët e qendrës së majtë dhe liberalët. Ndërsa grupet e qendrës së majtë dhe të krahut të majtë refuzuan të komentonin mbi këtë çështje, ata argumentuan se vendimi ishte përgjegjësi e Presidencës.

    Outrageous. Members of the European Parliament refused to stand with @weimers for a minute’s silence to honour the assassinated Charlie Kirk.
    EP VP tried to dismiss it on a technicality.
    We should be clear in standing against political violence!pic.twitter.com/rf7iIF76ln
    — MCC Brussels (@MCC_Brussels) September 11, 2025