Lajmidites.com

Tag: portieri

  • Zbulohet nofka e panjohur, që Messi kishte në akademinë e Newell’s

    Zbulohet nofka e panjohur, që Messi kishte në akademinë e Newell’s

    11 Dhjetor 2025

    13:05

    Alfred Lleshi

    Portieri i Huracán, Hernán Galíndez, kujtoi përballjet e tij me Lionel Messin kur të dy ishin fëmijë dhe Messi luante për Newell’s. “U takuam shumë herë”, – tha Galíndez, i cili lunate për Rosario Central, ndërsa “Pulga” për Newell’s. Ai zbuloi edhe nofkën e Messit si fëmijë: “I thoshin gjithmonë ‘lojtari i Colorado që mban numrin 10’. Me të në fushë e filloje ndeshjen 3-0 në disavantazh”.
    Galíndez, 38 vjeç, ish-lojtar i Universidad Católica (Kili) dhe Rangers (Skoci), shtoi: “Ishte një gjeni. Videot e tregojnë qartë talentin e tij qysh në atë kohë; të tërhiqte vëmendjen në atë moshë se si e kontrollonte topin”. Ai kujtoi edhe golin e parë që pësoi si portier nga Messi, duke kaluar 5 lojtarë, përfshirë edhe atë vetë.
    Portieri i Ekuadorit përmendi se të përballej me Messin si profesionist ishte krenari dhe se shkëmbyen fanellat pas fitores 1-0 të Argjentinës ndaj Ekuadorit në “Monumental”, për të realizuar dëshirën e djalit të tij 8-vjeçar për fanellën e Messit.

  • Portieri i njohur thotë mjaft, lë futbollin e luajtur

    Portieri i njohur thotë mjaft, lë futbollin e luajtur

    Rui Patrício thotë mjaft në moshën 37-vjeçare. Portieri i njohur, i cili ka luajtur për ekipe si Sporting e Roma dhe ka kontribuar edhe për kombëtarem portugeze, është larguar nga futbolli i luajtur.
    Ky njoftim u bë publik së fundmi, nga Federata Portugeze e Futbollit.

    “Sezonin e kaluar, Rui Patricio, i cili fitoi Kampionati Europian dhe një Ligë të Kombeve me Portugalinë (respektivisht në 2016 dhe 2019), luajti për Atalantën. Përpara kësaj, ai veshi fanellat e Romës, Ëolves dhe Sporting Lisbon. Ai gjithashtu fitoi një Ligë të Konferencës me Romën, dhe me Sporting, dy Superkupa, dy Kupa Portugeze dhe një Kupë të Ligës”- shkruhet aty.

  • Neuer: Ai është një nga sulmuesit më të mirë që kam luajtur ndonjëherë, i jashtëzakonshëm

    Neuer: Ai është një nga sulmuesit më të mirë që kam luajtur ndonjëherë, i jashtëzakonshëm

    5 Dhjetor 2025

    12:13

    Telesport

    Portieri i Bayern Munich, Manuel Neuer, ka folur me superlativa për sulmuesin anglez Harry Kane, shokun e tij të skuadrës. Ai po shkëlqen në Mynih dhe në dy sezone ka qenë vendimtar me golat e tij.
    “Ai është një nga lojtarët më të mirë sulmues me të cilët kam luajtur ndonjëherë. Kane është një vrasës i vërtetë para portës. Ai mund të shënojë me çdo pjesë të trupit të tij. Ai gjithmonë e di se ku është portieri“, tha Neuer.
    “Harry është një lojtar i gjithanshëm. Ai gjithashtu ka një kohë të shkëlqyer kur përfundon dhe hapin e duhur mbi mbrojtësin kur mund të gjuajë midis këmbëve të tij. Ai është i mirë edhe kur gjuan me kokë”, shtoi më tej portieri veteran.
    Më tej, Neuer tha: “Ai ka inteligjencë të jashtëzakonshme loje si brenda ashtu edhe jashtë zonës. Ai mbrohet mirë dhe është një nga ata lojtarë që kthehet. Kane ka gjithçka që i duhet një sulmuesi. Gjithmonë dëshiron të konkurrosh me më të mirët dhe është e qartë se jemi të lumtur që kemi Harry Kane në radhët tona”.

  • Portieri shqiptar ndan rrugët me klubin turk, “zyrtarizohet” divorci

    Portieri shqiptar ndan rrugët me klubin turk, “zyrtarizohet” divorci

    Visar Bekaj nuk është më pjesë e Hatyaspor. Portieri ka bërë të ditur se ka ndarë rrugët me klubin turk, pas dy vitesh e gjysmë bashkëpunimi.
    “Faleminderit Hatayspor për dy vitet e gjysmë të kaluara! Ka qenë një nder të luaj për këtë stemë dhe të ndaj fushën me shokë skuadre të shkëlqyer.

    Falënderime të veçanta për tifozët dhe stafin e trajnerëve për mbështetjen e tyre gjatë gjithë kohës sime këtu. I uroj klubit gjithë të mirat në të ardhmen”- Shkruan klubi.
     

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Portieri i Tottenham kërkon të kopjojë Neuer, por e pëson shumë keq (video)

    Portieri i Tottenham kërkon të kopjojë Neuer, por e pëson shumë keq (video)

    29 Nëntor 2025

    21:31

    Telesport

    Tottenham është zënë në befasi nga Fulham, në derbin londinez, ku mysafirët shënuan dy gola të shpejtë brenda 6 minutave të para. Në minutën e 4-të pas asistit fantastik të Samuel Chukwueze, Kenny Tete gjen rrjetën me një goditje të bukur në kufijte e zonës së rreptësisë, i ndihmiuar edhe nga devijimi i Destiny Udogie.
    Ndërkohë që në minutën e 6-të, pas një dalje të gabuar të Guglielmo Vicario dhe topit të humbur prej tij, Harry Wilson tregohet i saktë dhe dërgon topin në rrjetë. Portieri italian kërkon të “imitojë” Manuel Neuer, i cili bën shpesh dalje të tilla, por në fund e pëson keq.
    Fulham vazhdon të kryesojë 0-2, por ka ende minuta lojë dhe në një derbi të tillë, asgjë nuk ka mbaruar dhe rezultati do të vendoset në vërshëllimën e fundit të arbitrit.
    SHIKOGOLAT

  • (VIDEO) Diamanti i Serie A ishte duke realizuar golin e vitit, portieri i Kosovës kreu superpritjen për duartrokitje!

    (VIDEO) Diamanti i Serie A ishte duke realizuar golin e vitit, portieri i Kosovës kreu superpritjen për duartrokitje!

    28 Nëntor 2025

    23:10

    Telesport

    Sezoni i Nico Paz me Comon po vjen duke u përmirësuar gjithnjë e më shumë. Pas fitores së sotme kundër Sassuolos, numri dhjetë argjentinas është tani një nga dy lojtarët me më shumë se pesë gola dhe pesë asiste në pesë ligat më të mira europiane këtë sezon.
    Me mire se talenti argjentinas eshte vetem Michael Olise, me gjashtë gola dhe gjashtë asiste te Bayern Munich. Sonte, Paz ishte serish arkitekti i mesfushes se Comos teksa fitorja 2-0 ndaj Sassuolos mban firmat e Anastasios Douvikas dhe Alberto Moreno. Kjo ishte fitorja e gjashte ne kete kampionat per djemte e Fabregas qe jane duke ecur me ritme te rendesishme dhe duan qe sivjet zonen top 4 ne Serie A, teksa kane edhe 6 barazime dhe nje humbje te vetme.
    Nderkohe po sonte Nico Paz pa t’i prishej supermagjia e roveshate nga portieri i Kosovës, Arijanet Muric, i cili fluturoi per te pritur topin. Ai u vlersua nder me te miret ne fushe me noten 8.2 nga Sofascore.
     

  • Szczesny rrëfehet në 360 gradë: Nuk jam më i zellshmi në stërvitje, sezonin e parë luajta falas te Barça

    Szczesny rrëfehet në 360 gradë: Nuk jam më i zellshmi në stërvitje, sezonin e parë luajta falas te Barça

    Wojciech Szczesny, portieri karizmatik i Barcelonës, në një intervistë për edicionin polak të GQ, zbulon sekretet e tij më intime, rrëfen mëkatet dhe kujton episode të trishta nga e kaluara: “Kur isha fëmijë, thjesht kisha frikë nga babai im (ish-portieri Maciej Szczesny). Nuk ishte frikë nga dhimbja apo ndëshkimi fizik, por më turpëronte qëllimisht para të tjerëve. Më linte duke menduar: Babi, pse po më bën këtë?”
    Polaku mohon se karriera e tij ishte një duel simbolik me babanë: “Asnjëherë nuk e pashë kështu. Shkoja në stërvitje i bindur se do të isha sulmues, jo portier. Trajnerët vendosën për portën”. Szczesny tregon për zakonet e tij: “Futbollistët nuk lejohen të shtojnë peshë, kontratat kanë sanksione ekonomike për këtë. Më pëlqen të ha dhe, edhe pse e ruaj peshën, theva rekordin e yndyrës trupore te Barcelona”.

    Ai kujton batutat e shokëve: “Njëherë Leandowski , duke më tallur në dhomën e zhveshjes së përfaqësueses polake, tha: Si mundi Szczesny të ketë një karrierë të tillë me atë trup?” Portieri thekson se nuk ka qenë më i zellshmi në stërvitje, por ka ruajtur një nivel të lartë për 18 vite karrierë: “Ndoshta nuk arrita kurrë 10 perfekte, por kurrë nuk dola nën notën 8. Kjo më lejoi të ndërtoja një karrierë të gjatë”.
    Ai rrëfen vendimin e papritur për të mos luajtur më, përveç Barcelonës: “Tri ditë para se të njoftoja tërheqjen, i thashë Lewandowskit se nuk do të luaja më në asnjë klub…, përveç Barcelonës. Kur më thirrën, ndoshta e dinin se mund të më bindnin”. Szczesny luajti sezonin e tij të parë te Barça pa pagesë, kompensimi ishte i barabartë me atë që duhej t’i kthente Juventusit për ndërprerjen e kontratës para kohe.

    Kështu e ngushëlloi polaku Gerard Martín pas eliminimit në Champions, nga Interi: “E pyeta ‘pse qan’ dhe më tha se kishte humbur gjysmëfinalen. Atëherë i kujtova historinë e tij. Ku ishe dy vite më parë? Luaje një futboll mesatar në çdo stadium. Dhe sot, shoku, ke luajtur gjysmëfinalen e Champions League. Do të humbasësh 100 ndeshje të rëndësishme, do të fitosh 100 të tjera, por shiko ku je sot. Shoku, ky është ‘San Siro’ dhe sot po luaje gjysmëfinalen e Champions League. Thua që humbëm… Po, humbëm, por shiko sa larg ke arritur”.

  • Portieri spanjoll i Chelsea, shumë i ashpër me Yamal: “Cucurella e futi në xhep…”

    Portieri spanjoll i Chelsea, shumë i ashpër me Yamal: “Cucurella e futi në xhep…”

    26 Nëntor 2025

    13:01

    Alfred Lleshi

    Portieri spanjoll i Chelsea, Robert Sánchez, foli me ton triumfues pas fitores 3-0 ndaj Barcelonës në “Stamford Bridge”. Pasi e mbajti portën të paprekur, ai u ndal në zonën mikse dhe lëshoi një deklaratë të fortë kur u pyet për duelin Lamine Yamal–Cucurella. “E futi në xhep”, – u shpreh ai për shokun e skuadrës.
    Mesazhi i dytë dukej po ashtu i drejtuar ndaj talentit të Barçës, me të cilin ka ndarë dhomën e zhveshjes në kombëtaren spanjolle. “Të gjithë janë shumë të mirë derisa vijnë të maten në Premier League”, – tha portieri i Chelsea pas fitores së thellë ndaj skuadrës së Hansi Flick.
    I pyetur nëse Barcelona ishte favorite, Sánchez buzëqeshi: “Favoritë rezultuam ne”. Portieri spanjoll përgëzoi edhe Cucurella, kur ky i fundit mori çmimin MVP të ndeshjes.

  • Zyrtare, portieri i kombëtares rinovon me Interin, vjen firma

    Zyrtare, portieri i kombëtares rinovon me Interin, vjen firma

    Portieri shqiptar Alain Taho ka rinovuar me Interin. Klubi zikaltër ka bërë të ditur lajmin, nëpërmjet një postimi në rrjetet sociale.
    “FC Internacionale Milano komunikon se ka arritur një akord shumëvjeçar për zgjatjen e kontratave të Matia Zanketa, Xhamal Idrisu dhe Alain Taho”, shkruhej aty. 18 vjeçari është pjesë e Shqipërisë U19, ku u aktivizua së fundmi ndaj Malit të Zi dhe Sllovakisë.

  • Fajtori kryesor për humbjen në derbi, Inter ka dy alternativa për të zëvendësuar Sommer

    Fajtori kryesor për humbjen në derbi, Inter ka dy alternativa për të zëvendësuar Sommer

    24 Nëntor 2025

    16:55

    Telesport

    Pas humbjes në derbi ndaj Milanit mbrëmë, ku Yann Sommer bëri një paraqitje tejet të dobët dhe fajtor në golin e pësuar, klubi zikaltër duket se është lodhur me portierin zviceran dhe po shqyrton dy alternativa të tjera për portën, për merkaton e janarit.
    Emri i parë në listë është Emiliano Martinez, portieri argjentinas i Aston Villa-s, i cili edhe më parë është lidhur me një transferim të mundshëm tek zikaltrit. Duke ditur moshën e tij jo shumë premtuese, 33 vjeç, marrëveshja me Aston Villa-n mund të arrihet për shifrën 15-20 milionë euro.
    Emri i dytë, i cili shihet edhe si një përforcim afatgjatë, është portieri i Parmës, Zion Suzuki. Japonezi vlerësohet rreth 25 milionë euro në treg dhe momentalisht konsiderohet si një nga portierët e rinj më premtues në Serie A.