Lajmidites.com

Tag: peter

  • Sllovaki- Kosovë në stadiumin e Slovan Bratislavë

    Sllovaki- Kosovë në stadiumin e Slovan Bratislavë

    Sekterati i Përgjithëshëm i Federatës së Sllovakisë Peter Palençik njoftoi në faqen e Federatës Sllovake të Futbollit se ndeshja e Play Off e vlefshme për Botërorin 2026 më 26 mars 2026, do të zhvillohet në stadiumin e Sllovan Bratislavë (22 mijë vende) “Tehelne Pole”.

    Palençik:

    “Ne morëm në konsideratë stadiumet në Bratislavë, Trnavë dhe Kosice. U analizuan të gjitha rrethanat, kushtet, kapaciteti, logjistika për të dy ekipet dhe mundësia për ndërhyrje në raste të paparashikuara. Në fund, vendosëm që ndeshja me Kosovën të zhvillohet në Bratislavë dhe këtë informacion ia përcollëm edhe UEFA-s”-deklaroi Peter Palençik për faqen zyrtare të Federatës Sllovake./Sportiim.al/

    Vazhdo leximin

  • Gonxhja nderon maestron Peter Michael Garst: Kontributi i tij humanitar ka prekur mijëra njerëz

    Gonxhja nderon maestron Peter Michael Garst: Kontributi i tij humanitar ka prekur mijëra njerëz

    Ministri i Turizmit, Kulturës dhe Sportit ka nderuar mbrëmjen e djeshme maestro Peter Michael Garst , një artist dhe humanist të veçantë lidhur me Shqipërinë.
    Në një postim në rrjete sociale, ministri vlerësoi lidhjen e veçantë të tij me Shqipërinë, duke përmendur kontributin e tij për shkollat rurale në kohët e tranzicionit, për furnizimin me ujë të pijshëm dhe për ndihmën gjatë eksodit të Kosovës.
    Ministri vlerësoi se këto vepra të mëdha u realizuan falë përkushtimit të Garstit, mbështetjes së fondacionit dhe kontributit të donatorëve, por mbi të gjitha falë mbështetjes së bashkëshortes së tij, Martha, e cila ka qenë pjesë kyçe e këtij misioni humanitar.
    “Me një lidhje të veçantë me vendin tonë, për 16 vjet ai ka mbështetur shkollat rurale në kohët më sfiduese të tranzicionit, duke u bërë për shumë komunitete një dorë e sigurt shprese dhe zhvillimi. Kontributi i tij humanitar ka prekur mijëra jetë. Ai ka ngritur shkolla në zonat më të izoluara, duke u dhënë fëmijëve mundësinë të arsimohen pranë shtëpisë dhe ka sjellë infrastrukturën për ujin e pijshëm atje ku kjo nevojë bazë mungonte prej brezash. Në ditët e vështira të eksodit kosovar, ai ngriti çadra humanitare për familjet që gjetën strehë në Shqipëri”, shkruan Gonxhja.
    Koncerti simfonik i mbrëmjes së djeshme në TKOB shënoi një kurorëzim të rrugëtimit të tij artistik, një përshëndetje të ndjerë për Tiranën dhe Shqipërinë që ai e ka dashur dhe mbështetur për dekada.
    Postimi i plotë i ministrit Gonxhja:
    Danke – Faleminderit Peter Michael Garst! Në hapje të koncertit simfonik, ndamë një histori të jashtëzakonshme, një biografi humanizmi, arti e miqësie të sinqertë, që prej dekadash e ka lidhur Zvicrën me Shqipërinë. Është historia e Maestro Peter Michael Garst dhe e Fondacionit “Zvicra Ndihmon Shqipërinë”.
    Me një lidhje të veçantë me vendin tonë, për 16 vjet ai ka mbështetur shkollat rurale në kohët më sfiduese të tranzicionit, duke u bërë për shumë komunitete një dorë e sigurt shprese dhe zhvillimi. Kontributi i tij humanitar ka prekur mijëra jetë. Ai ka ngritur shkolla në zonat më të izoluara, duke u dhënë fëmijëve mundësinë të arsimohen pranë shtëpisë dhe ka sjellë infrastrukturën për ujin e pijshëm atje ku kjo nevojë bazë mungonte prej brezash. Në ditët e vështira të eksodit kosovar, ai ngriti çadra humanitare për familjet që gjetën strehë në Shqipëri.
    Këto vepra të mëdha u bënë realitet falë humanizmit të tij, falë përkushtimit të palodhur të fondacionit, falë miqve e donatorëve që besuan. Por mbi të gjitha, falë mbështetjes së një familjeje të jashtëzakonshme, veçanërisht bashkëshortes së tij, Martha, e cila ka qenë gjithmonë pjesë e këtij misioni njerëzor.
    Maestro Garst ka lënë një gjurmë po aq të thellë edhe në botën e muzikës. I formuar nga mjeshtër si Rafael Kubelik dhe Igor Markevich, karriera e tij është shtrirë në skena të Zvicrës, Gjermanisë, Austrisë, Italisë e Spanjës, me një repertor që përfshin nga klasikët e deri te Verdi, Mahler e Schönberg.Dhe me këtë koncert, ai kurorëzon rrugëtimin e tij të gjatë artistik, duke përshëndetur Tiranën dhe Shqipërinë që e do kaq shumë e duke korrur një falënderim të thellë për gjithë atë që ai ka dhënë mes artit e solidaritetit.
    Le të mbetet kjo mbrëmje një kujtim i paharruar, një mirënjohje e përbashkët dhe një urim i sinqertë për udhëtimin e nderimin që vazhdon përtej skenës.

  • Koncert simfonik nga maestro Peter Michael Garst në TKOB/ Dirigjenti nderohet nga ministri i Kulturës: Ndihmoi Shqipërinë në kohët më sfiduese të tranzicionit

    Koncert simfonik nga maestro Peter Michael Garst në TKOB/ Dirigjenti nderohet nga ministri i Kulturës: Ndihmoi Shqipërinë në kohët më sfiduese të tranzicionit

    Orkestra Simfonike e Teatrit Kombëtar të Operas dhe Baletit dhuroi një natë emocionuese për publikun mbrëmjen e kaluar, me interpretimin e krijimeve të dy gjenive të muzikës, Mozart dhe Beethoven.

    Nën dirigjimin e maestro Peter Michael Garst, skena u shndërrua në një hapësirë ku u bashkuan dy epoka, dy stile dhe dy vizione të mëdha muzikore.
    Në këtë koncert simfonik ishte i pranishëm edhe ministri i Turizmit, Kulturës dhe Sportit, Blendi Gonxhe, që nderoi ka nderoi dirigjentin Peter Michael Garst, si një artist dhe humanist të veçantë lidhur me Shqipërinë.
    Gonxhe kujtoi se për 16 vite, Peter Michael Garst ka mbështetur shkollat rurale në kohët më sfiduese të tranzicionit, duke u bërë për shumë komunitete një dorë e sigurt shprese dhe zhvillimi.
    “Kontributi i tij humanitar ka prekur mijëra jetë. Ai ka ngritur shkolla në zonat më të izoluara, duke u dhënë fëmijëve mundësinë të arsimohen pranë shtëpisë dhe ka sjellë infrastrukturën për ujin e pijshëm atje ku kjo nevojë bazë mungonte prej brezash. Në ditët e vështira të eksodit kosovar, ai ngriti çadra humanitare për familjet që gjetën strehë në Shqipëri. Këto vepra të mëdha u bënë realitet falë humanizmit të tij, falë përkushtimit të palodhur të fondacionit, falë miqve e donatorëve që besuan. Por mbi të gjitha, falë mbështetjes së një familjeje të jashtëzakonshme, veçanërisht bashkëshortes së tij, Martha, e cila ka qenë gjithmonë pjesë e këtij misioni njerëzor”, u shpreh ministri.
    Maestro Garst ka lënë një gjurmë po aq të thellë edhe në botën e muzikës. I formuar nga mjeshtër si Rafael Kubelik dhe Igor Markevich, karriera e tij është shtrirë në skena të Zvicrës, Gjermanisë, Austrisë, Italisë e Spanjës, me një repertor që përfshin nga klasikët e deri te Verdi, Mahler e Schönberg.

    Top Channel

  • Momenti prekës/ Pas 8 muajsh në burgun e talibanëve, çifti britanik ribashkohet me vajzën në Doha (VIDEO)

    Momenti prekës/ Pas 8 muajsh në burgun e talibanëve, çifti britanik ribashkohet me vajzën në Doha (VIDEO)

    Peter Reynolds, 80 vjeç, dhe bashkëshortja e tij Barbie, 76 vjeçe  të cilët kishin jetuar për afro dy dekada në Afganistan janë liruar pas pothuajse 8 muajsh burgosjeje nga talibanët dhe janë ribashkuar me vajzën e tyre, Sarah Entwistle.
    Çifti u la i lirë pas ndërmjetësimit të Katarit dhe mbërriti në Doha, ku u prit nga vajza e tyre në një skenë tejet emocionale, me përqafime dhe lot gëzimi. Pas disa kontrolleve mjekësore, ata pritet të udhëtojnë drejt Mbretërisë së Bashkuar, megjithëse për vite të tëra kishin jetuar në provincën Bamiyan të Afganistanit.
    Talibanët thanë se çifti kishte shkelur ligjet vendase dhe u lirua pas përfundimit të një procesi gjyqësor, por nuk dhanë detaje të tjera mbi akuzat apo rrethanat e mbajtjes së tyre.

    Kryeministri britanik Keir Starmer e përshkroi lirimin si një “çlirim të pritur me padurim”, ndërsa falënderoi Katarin dhe udhëheqësin e tij, Amir Sheikh Tamim bin Hamad al Thani, për ndërhyrjen vendimtare. Edhe ministri britanik për Lindjen e Mesme, Hamish Falconer, theksoi përpjekjet intensive të qeverisë dhe rolit kyç të Katarit në arritjen e këtij rezultati.
    Familjarët thanë se shëndeti i çiftit ishte përkeqësuar ndjeshëm gjatë muajve të burgimit – Peter pësoi kriza të forta konvulsive, ndërsa Barbie vuante nga anemia dhe kequshqyerja. Gjatë negociatave, zyrtarët katarezë siguronin trajtim mjekësor dhe komunikim me familjen.
    Peter dhe Barbie Reynolds u martuan në Kabul në vitin 1970 dhe për 18 vitet e fundit kishin drejtuar një program trajnimi humanitar të miratuar nga autoritetet lokale. Megjithëse shumë të huaj u larguan pas rikthimit të talibanëve në pushtet në vitin 2021, çifti kishte zgjedhur të qëndronte në vend.
    /vizionplus.tv

  • Çift britanik lirohet pas afro tetë muajsh burgim nga Talebanët në Afganistan

    Çift britanik lirohet pas afro tetë muajsh burgim nga Talebanët në Afganistan

    Një çift britanik, të cilët ishin mbajtur të ndaluar për gati tetë muaj nga Talebanët në Afganistan, janë liruar.

    Peter Reynolds, 80 vjeç, dhe bashkëshortja e tij Barbie, 76 vjeçe, që kanë jetuar në vend për gati dy dekada, u ndaluan më 1 shkurt teksa ishin në rrugë për në shtëpi.

    Çifti u lirua falë ndërmjetësimit të Katarit. Një zyrtar katarez tha se ata do të udhëtojnë fillimisht drejt Katarit për kontrolle mjekësore, përpara se të vazhdojnë drejt Mbretërisë së Bashkuar, ndonëse ata kishin një shtëpi afatgjatë në provincën Bamiyan të Afganistanit.

    Talebanët thanë se çifti kishte shkelur ligjet afgane dhe u lirua pas procedurave gjyqësore – por nuk kanë dhënë kurrë detaje mbi arsyen e ndalimit të tyre.

    Peter dhe Barbie Reynolds u martuan në Kabul në vitin 1970 dhe gjatë 18 viteve të fundit kanë drejtuar një program bamirës për trajnim, i cili ishte miratuar nga zyrtarë lokalë të Talebanëve pasi grupi mori pushtetin në vitin 2021.

    Familjarët i kanë përshkruar ata si njerëz me dashuri të thellë për Afganistanin, gjë që u pasqyrua edhe në vendimin e tyre për të qëndruar atje edhe pasi regjimi autoritar mori pushtetin në gusht 2021, kur shumë të huaj të tjerë u larguan.

    Lirimi i tyre erdhi pas muajsh të tërë përpjekjesh dhe apelesh publike nga familjarët, të cilët përshkruan kushtet e tmerrshme të ndalimit të tyre.

    Djali i çiftit, Jonathan Reynolds, i tha BBC-së në korrik se babai i tij kishte pësuar konvulsione serioze dhe se nëna ishte “e mpirë” nga anemia dhe kequshqyerja.

    “Babai im ishte i lidhur me zinxhirë bashkë me vrasës e kriminelë,” tha ai në atë kohë, duke shtuar se në një moment ishin mbajtur për gjashtë javë në një bodrum pa dritë dielli.

    Sarah Entwistle, vajza e tyre, kishte thënë më herët se babai kishte pësuar një mini-iktus, ndërsa OKB paralajmëroi se pa kujdes mjekësor, çifti rrezikonte dëme të pariparueshme.

    Vetëm gjashtë ditë më parë, një grua amerikane që ishte ndaluar me ta dhe më pas ishte liruar, i tha BBC-së se ata ishin “praktikisht duke vdekur” në burg dhe se “koha po mbaronte”.

    Faye Hall, e cila u lirua pas dy muajsh burgim, theksoi se shëndeti i çiftit të moshuar ishte përkeqësuar ndjeshëm gjatë qëndrimit në paraburgim.

    Një zyrtar katarez i tha BBC-së se në fazën përfundimtare të negociatave, çifti u transferua nga burgu qendror i Kabulit në një institucion më të madh me kushte më të mira.

    Po ashtu, ambasada e Katarit në Kabul u siguroi atyre ilaçe, akses te një mjek dhe mundësi për të komunikuar me familjen gjatë kohës që ishin në burg.

    Zyrtarët talebanë pretenduan se çifti kishte marrë kujdes të përshtatshëm mjekësor dhe se të drejtat e tyre njerëzore ishin respektuar.

    Mbretëria e Bashkuar nuk e njeh qeverinë e Talebanëve dhe e mbylli ambasadën e saj në Kabul kur grupi mori sërish pushtetin.

    Ministria e Jashtme britanike ka deklaruar se ndihma për shtetasit britanikë në Afganistan është “jashtëzakonisht e kufizuar” dhe këshillon kundër çdo udhëtimi në vend.

    Një zyrtar i Talebanëve tha se Peter dhe Barbie Reynolds iu dorëzuan të Dërguarit të Posaçëm të Mbretërisë së Bashkuar për Afganistanin, Peter Reynolds, i cili u fotografua me çiftin në bord të avionit drejt Katarit.

    Ministri britanik për Lindjen e Mesme, Hamish Falconer, tha se ishte i lehtësuar që çifti ishte liruar dhe shtoi: “Pres me padurim që ata të ribashkohen me familjen e tyre së shpejti.”

    Ai tha se Mbretëria e Bashkuar kishte “punuar intensivisht” për të siguruar lirimin e tyre, ndërsa Katari kishte “luajtur një rol thelbësor në këtë rast, për çka jam jashtëzakonisht mirënjohës”./BBC – Syri.net

  • Peter Mladinic: Schaeffer mahnitet me poetët

    Peter Mladinic: Schaeffer mahnitet me poetët

    që shkruan me aq zelldhe qartësipër vdekjen.Pastaj të gjithë mblidhen së bashkupër të lexuar me zë të lartëatë që kanëshkruar për vdekjen.Ata jetojnëpër gostitë e djathitdhe verëspas leximit.

    Përktheu: Fadil Bajraj

    ObserverKult

    Lexo edhe:

    PETER MLADINIC: BLETËT

  • ‘Loja e Luftës’, filmi që fitoi Oscar pavarësisht ndalimit nga BBC

    ‘Loja e Luftës’, filmi që fitoi Oscar pavarësisht ndalimit nga BBC

    Në vitin 1965, regjisori britanik Peter Watkins realizoi një film tronditës me titull “The War Game”, i cili përshkruan pasojat e një sulmi bërthamor mbi Britaninë. Filmi paraqet një skenar hipotetik ku një raketë bërthamore shpërthen mbi Kent, duke shkatërruar spitalet, duke krijuar mungesa të rënda ushqimore dhe duke zhytur vendin në një gjendje kaosi të plotë. Megjithëse ishte porositur nga BBC si pjesë e serisë së dokumentarëve të saj, filmi u ndalua nga transmetimi për dekada me radhë me arsyetimin se ishte “tepër tronditës për mediumin televiziv”.

    Pavarësisht kësaj, “The War Game” u nderua me çmimin Oscar për Dokumentarin më të Mirë në vitin 1967 dhe u transmetua më në fund në BBC më 31 korrik 1985.

    Filmi u xhirua me rreth 350 aktorë amatorë nga Kent, shumica prej tyre banorë vendas, dhe shumë skena u realizuan në Grand Shaft Barracks në Dover, një bazë ushtarake në rrënim e sipër. Pjesëmarrësit tregojnë se për t’i dhënë realizëm skenave të djegieve, atyre u ngjiteshin në fytyrë kokrra Rice Krispies dhe më pas spërkateshin me bojë të errët për të simuluar plagët nga zjarri. Skenat përfshijnë njerëz që vdesin në rrugë, spitalet e tejmbushura dhe madje edhe policë që kryejnë “vrasje nga mëshira”.

    Michael Banks, një nga figurantët në film dhe më vonë regjisor teatri, e kujton përvojën si transformuese: “Shpejtë e kuptova që isha në praninë e një gjeniu. Peter Watkins ishte një inovator. Fillimisht, si çdo 17-vjeçar, e pashë si një mundësi për të luajtur me armë, por që në ditën e dytë, qëndrimi ynë ndryshoi kur kuptuam natyrën e asaj që po xhironim.”

    Glynis Greenland, një tjetër pjesëmarrëse, kujton se ishte pjesë e një grupi grash që duhej të bërtisnin në prapaskenë për të shtuar ndjesinë e panikut. Ajo kujton një moment të sikletshëm gjatë xhirimeve: “Mendova se kishin përfunduar xhirimin, kështu që hapa sytë, por kamera ishte ende mbi mua.”

    Ndërhyrja politike në ndalimin e filmit është zbuluar përmes dokumenteve të deklasifikuara nga Zyra e Kabinetit. Qeveria e kryeministrit Harold Wilson ushtroi presion mbi BBC për të mos e transmetuar filmin, duke frikësuar se ai mund të ndikonte në opinionin publik ndaj politikës së mbrojtjes bërthamore. Lord Norman Brook, kryetar i BBC-së në atë kohë dhe ish-sekretar i kabinetit, në një letër drejtuar kabinetit, shkroi: “Kam parë filmin, dhe mund të them se është prodhuar me përmbajtje të konsiderueshme. Por subjekti është në mënyrë të pashmangshme alarmues dhe transmetimi i tij mund të ketë një efekt të ndjeshëm në qëndrimet e publikut ndaj politikës së parandalimit bërthamor.”

    Huw Wheldon, atëherë drejtues i dokumentarëve në BBC, kishte kundërshtime ndaj disa pjesëve të filmit, si një deklaratë nga një peshkop që thotë “duhet të mësojmë ta duam bombën”, si dhe një skenë ku një polic kryen një vrasje nga mëshira. “Thjesht nuk besoja se ndokush do t’u kërkonte policëve ta bënin këtë. E pashë si një deklaratë anti-policore,” tha ai. Kur e ndau këtë shqetësim me regjisorin Watkins, ky i fundit “shkoi përtej vetes nga zemërimi”.

    Ish-Drejtori i Përgjithshëm i BBC-së në vitin 1965, Hugh Carleton Greene, deklaroi vite më vonë: “Vendimi për të mos e transmetuar nuk ishte politik. Unë isha më i tronditur nga programi sesa vetë Lord Brook. Nuk mund të përballoja përgjegjësinë e transmetimit të një programi kaq tronditës.”

    Profesori John Cook nga Universiteti Glasgow Caledonian ka studiuar gjerësisht veprën e Peter Watkins dhe vëren se ndikimi i filmit nuk qëndron vetëm në përshkrimet grafike, por në mesazhin e tij të thellë shoqëror: “Nuk ishte aq për shkak të skenave, por sepse ngrinte çështje të pakëndshme për përgatitjen civile të Britanisë. E tregoj ende sot para nxënësve dhe ata mbeten të tronditur.”

    “The War Game” mbetet një nga veprat më të fuqishme kinematografike që ka sfiduar pushtetin, politikën dhe vetë mediumin që e porositi. Ai është një kujtesë e fuqishme për realitetin e luftës bërthamore dhe ndikimin e saj mbi njerëzit e zakonshëm, një film që edhe pse u ndalua, i mbijetoi kohës dhe la një gjurmë të pashlyeshme në historinë e kinemasë dhe ndërgjegjes publike./BBC/KultPlus.com

  • Të vizitosh Shqipërinë me një çantë shpine! Shtohet turizmi individual, ekspertët: Është rritur me 20%, praktikë e evropianëve

    Të vizitosh Shqipërinë me një çantë shpine! Shtohet turizmi individual, ekspertët: Është rritur me 20%, praktikë e evropianëve

    Me pak çanta dhe bagazhe, turizmi individual po kthehet në një praktikë te përhapur jo vetëm në Europë po tashmë edhe në Shqipëri.

    Peter Mclugen, një profesor Australian ka zgjedhur të vizitojë Shqipërinë në këtë fillim qershori pas një sugjerimi të miqve të tij. Jo me grupe të organizuara apo dhe miq, Peter bukuritë e natyrës shqiptare ka zgjedhur t’i vizitojë i vetëm dhe me pak bagazhe.
    “10 ditë më parë kam qenë në Tiranë në Himarë dhe mësova për Shqipërinë nga miqtë. Ka njerëz shumë të sjellshëm, mikpritës siç edhe kisha dëgjuar. Shqipëria është shumë e bukur dhe e plot vende për të vizituar.”, shprehet Peter Mclugen.
    Turizmi “Solo” dikur një sipërmarrje e veçantë për udhëtarët e vetmuar me çanta shpine, është shndërruar në një fenomen global. Ekspertët e turizmit tregojnë se Shqipëria e ka përqafuar këtë lloj turizmi I cili ka shënuar rritje me 20%.
    “Më së shumti kjo është një formë e ndjekur nga gratë, por dhe burrat pranojnë se e ndjekin si praktikë. Turizmi “solo” po tërheq një sërë profesionesh nga udhëtarët që punojnë në distancë, të rinj por edhe pensionistë, të cilët e kanë kthyer në një mënyrë jetese”, shprehet Zak Topuzi, ekspert turizmi.
    “Nuk udhëtojë në grup kam më shumë eksperiencë personale, s’është e nevojshme të vraposh pas grupeve, apo të kthehesh në një autobus apo karrocierë. Këta njerëz të grupeve ska problem shpenzojnë shumë para por ka dhe mënyra të tjera.”
    Për Peterin udhëtimi i vetëm në Shqipëri me çantën e tij të shpinës do të vijojë edhe për disa ditë. Ndërsa premton se do të kthehet përsëri për të vizituar veriun e vendit.
    “Nëse ndihesh rehat të udhëtosh vetëm ke më shumë opsione për të zbuluar.”, shprehet ai.

    Top Channel

  • Hungaria kërkon përsëri t’i heqë imunitetin eurodeputetit kryesor të opozitës, Péter Magyar

    Hungaria kërkon përsëri t’i heqë imunitetin eurodeputetit kryesor të opozitës, Péter Magyar

    Një përplasje e re politike po përshkallëzohet në Hungari, ndërsa Péter Magyar, një nga kundërshtarët më të fortë të kryeministrit Viktor Orbán, akuzon hapur qeverinë për ndërhyrje të qëllimshme me synim ta përjashtojë atë nga zgjedhjet e ardhshme parlamentare. Gjatë një interviste për Euronews, Magyar deklaroi se “me këto procedura, Orbán po përpiqet të më pengojë të kandidoj.”

    Kjo deklaratë vjen menjëherë pasi presidentja e Parlamentit Evropian, Roberta Metsola, njoftoi të hënën në mbrëmje se autoritetet hungareze kanë kërkuar heqjen e imunitetit të Magyar, i cili është eurodeputet dhe lider i partisë opozitare Tisza. Kjo është kërkesa e tretë me radhë nga Budapesti kundër tij, ndërkohë që akuzat që rëndojnë mbi të konsiderohen nga opozita si të motivuara politikisht.

    Nuk dihet ende saktësisht se për cilat akuza penale bëhet fjalë, ndërsa hetime të mëparshme kanë përfshirë dyshime për tregti të brendshme dhe incidente në jetën e tij private, të cilat Magyar i ka mohuar kategorikisht. Ai theksoi se do të ishte i gatshëm të heqë dorë nga imuniteti i tij sapo Hungaria t’i bashkohet Zyrës së Prokurorit Publik Evropian.

    Procesi për heqjen e imunitetit do të kalojë përmes komisionit parlamentar JURI në Strasburg, dhe më pas do t’i nënshtrohet një votimi në seancën plenare. Parlamenti Evropian, sipas praktikës, shmang pranimin e kërkesave që kanë natyrë të theksuar politike.

    Ndërkohë, zgjedhjet parlamentare në Hungari pritet të mbahen në vitin 2026, dhe sondazhet e fundit tregojnë se partia Tisza e Péter Magyarit është përpara me katër pikë ndaj koalicionit në pushtet Fidesz-KDNP. Kjo përplasje ligjore duket se do të jetë pjesë kyçe e betejës së ardhshme për pushtet në Hungari.

  • Peter Sorensen, nuk do të duhet të harrojë Preshevën, Medvegjën e Bujanocin

    Peter Sorensen, nuk do të duhet të harrojë Preshevën, Medvegjën e Bujanocin

    Emisari për dialogun mes Kosovës dhe Serbisë, Peter Sorensen dje realizoi duke filluar misionin me vizitën e parë njohëse në Republikën e Kosovës, për dialogun mes Kosovës dhe Serbisë.Emisari Peter Sorensen, kështu nuk do ti përsëritë gabimet e rënda e paraardhësit, duke praktikuar dy standarde për dy pakica. Duke praktikuar atë që kërkon Serbia për pakicën Serbe në Kosovë ua mohon shqiptarëve në Serbi.Duke mos u takuar, apo duke e harruar Krahinën shqiptare në Serbi. Duke mos patur kontak, duke mos e trajtuar e patur asnjë tretman dhe duke mos realizur bisedime me përfaqësuesit e Preshevës, Medvegjës e Bujanocit. Kështu paraardhësit e emisarit për dialogun mes Kosovës dhe Serbisë, Peter Sorensen, mbështetën me dy standarde në këtë rast mbështetën pakicën Serbe në Kosovë, por plotësisht harruan, duke lën pas dore shqiptarët në Preshevë, Medvegjë e Bujanoc,ku që në vitin 1992 kan mbajtur dhe organizuar REFERENDUM.Emisari Peter Sorensen, nuk do të përsërit gabimet e paraardhësve dhe do të gjejë kohë të takohet me Kryetar të Komunave, Kryesues të Kuvendeve, Këshilltarë Komunal të Preshevës, Medvegjës e Bujanocit, por edhe me Kryetarë të gjithë subjekteve politike në pozitë dhe në opozit edhe Shoqatat e ish-UÇPMB-ës.Emisari Peter Sorensen, nuk do të përsërit gabime e paraardhësve dhe do të kërkojë me ngulm, që nga Serbia, të kërkohet:-Ndal spastrimin etnik-diskriminim përmes pasivizimit të adresave, në Krahinën shqiptare në Serbi,-Kthej Lapidarin e UÇPMB-ës në Preshevë dhe vendoset Shtatorja e Skënderbeut në qendër të Bujanocit,-Hap Universitetin në gjuhën Shqipe, të rregullohet me Ligj përdorimin i Simbolit tonë Kombëtar shqiptarë, Flamurit dhe përfaqësimi në instanca dhe mekanizma të nivelit lokal dhe Qendror,-Në respektimin e vullnetit plebishitar të kësaj Krahine, Referendumi i datës 1 e 2 Mars 1992,-Në Parlamentin e Serbisë, Krahina shqiptare në Serbi, të përfaqësohen me ulëse të rezervuara,-Serbia, nuk është duke zbatuar amnistin e ish-ushtarëve të UÇPMB-ës,nuk është duke respektuar, sepse pas Marrëveshjes së Konçulit shumë Ushtarë pas dorëzimit të armëve nënë mbykqyrje, monitorimi e garantimin e ndërkombëtarë jan ballafaqur e përballur me ftesa të pranura në biseda të shpeshta informative, jan keqëtrajtuar, maltretuar dhe u jan ngritur e kurdisur skenare për burgojes e arrestime.-Serbia, jo nuk është duke e zbatuar Marrëveshjen e Konsulit, ku ka të bëjë me Policin Multietnike, sepse nuk është instaluar në përpjestim të popullatës, e as në hierarkinë komanduese në Policin Multietnike.Emisari Peter SORENSEN, nuk do të përsërit gabime e paraardhësve dhe do të kërkon se Marrëveshja e Konçulit, do të duhej të rishikohet për plotësimin, e nxjerrjen e një konstatimi nga palët që është ndërmjetësuar, monitoruar e njëkohësisht ishin dhe mbesin garanatues të zbatimit të Marrëveshjes së Konçulit, si për:Të gjitha forcat Serbe që janë të përqëndruara nëpër vendbanime e lokalitete të Preshevës, Medvegjës e Bujanocit, të tërheqin nëpër kazerma, duke përfshi edhe heqjen e 48 minibazave në Zonën Tokësore të Sigurisë, pasi kemi militarizim të lartë në këtë Rajon, kjo është mos zbatim i Marrëveshjes së Konçulit,Amnistia e ish-ushtarëve të UÇPMB-së nuk është respektuar, kjo është shkelje e Marrëveshjes së Konçulit,III. Policia Multietnike, do të duhej instaluar në përpjestim të popullatës, edhe në hierarkinë komanduese e zingjirin Komandues në Policin Multietnike, kjo është mos respektim i Marrëveshjes së Konçulit.Statusi politik i Krahinës shqiptare, nuk është zgjidhur ende, përkundër vullnetit të shprehur plebishitar të kësaj Krahine, Referendumit të datës 1 e 2 Mars 1992,dhe kryengritjes së armatosur UÇPMB-ës, që mbrojti pragun dhe idenetitin e kësaj Krahine, por edhe arritjes së Marrëveshjes së Konçulit Emisari Peter SORENSEN, nuk do të duhej harruar Krahinën shqiptare në Serbi. *Autor i vështrimit Refik HASANI25 prill 2025