Lajmidites.com

Tag: përdoruesit

  • Facebook ridizajnon aplikacionin duke u fokusuar tek Marketplace

    Facebook ridizajnon aplikacionin duke u fokusuar tek Marketplace

    A i përket Metaverse të kaluarës dhe Facebook është rikthyer tek rrënjët? Kjo është një mënyrë sesi mund ta shohim njoftimin e Meta ditën e Marte ndërsa ka vendosur të ridizajnojë produktin e saj flagship me disa veçori të cilat risjellin fokusin tek ndërlidhja e miqve së bashku me ndryshime në dizajn.

    Ato vinë disa ditë pasi u raportua se Meta po konsideron shkurtime të mëdha të stafeve të angazhuara në metaverse të cilat përpara boom-it të AI, ishin ngarkuar nga Meta për krijimin e botëve virtuale si gjëja e re e madhe përpara e kompanisë.
    Megjithatë ajo që joshi më shumë moshat e reja është Facebook Marketplace dhe jo metaverse. Dyqani online i kompanisë përdoret më shumë se gjysma e përdoruesve Gen Z në SHBA.

    Përditësimi i ri e vendos pikërisht këtë hapësirë të aplikacionit në fokus përdoruesve së bashku me veçoritë si Reels dhe Friends. Reels dhe komunikimi kanë qenë veçoritë më popullore të Instagram dhe rikrijimi i aplikacionit Facebook me të njëjtin fokus është hapi i radhës më i logjikshëm i kompanisë.

    Njësoj si në Instagram, në kohështrirje tashmë përdoruesit mund të shtypin dyherë shpejtë për të pëlqyer një foto. Kur janë 2 apo më shumë foto apo shfaqen në dizajn uniform prej katër dhe përdoruesit do të mund ti shohin fotot të plota duke klikuar mbi to.

    Kërkimi është ridizajnuar gjithashtu për të ofruar mbështetje për lloje të ndryshme përmbajtjesh. Facebook po e bën më të lehtë edhe për të krijuar Stories dhe postime të zakonshme duke ofruar mjete si muzika apo etiketimi i miqve të dukshme gjatë procesit.
    Edhe komentet në kohëshrirje, grupe dhe Reels janë përmirësuar ndërsa përdoruesit kanë qasje në opsione për ngjitjen e tyre. Ndryshime janë aplikuar edhe në profile.
    Kompania po nxjerr profile të përditësuara të përdoruesve, duke u lejuar njerëzve të shtojnë më shumë informacion rreth interesave, hobive dhe udhëtimeve të tyre. Këtu, përdoruesit mund të përfshijnë më shumë informacion rreth vetes, si p.sh. cilat programe televizive u pëlqejnë, çfarë muzike po transmetojnë, vendet e preferuara të udhëtimit dhe më shumë.
    Meta thotë se veçoritë e reja do të bëhen të disponueshme globalisht në javët në vijim. /PCWorld Albanian

  • Pas gjobës 120 milionë euroshe, Musk s’e lë Komisionin Evropian të bëjë reklama

    Pas gjobës 120 milionë euroshe, Musk s’e lë Komisionin Evropian të bëjë reklama

    Platforma sociale X ka ndaluar Komisionin Evropian të përdorë llogarinë e saj të reklamave, vetëm pak ditë pasi faqja e Elon Musk u gjobit me 120 milionë euro nga BE për sistemin e verifikimit me shenjën blu.
    Siç shkruan BBC, Komisioni Evropian publikoi në rrjet një postim mbi gjobën, duke përdorur mjetet e reklamimit të X. Drejtuesi i lartë i platformës, Nikita Bier, akuzoi BE-në se po “përfitonte nga një dobësi” e sistemit të reklamimit për të promovuar postimin mbi gjobën të premten.
    “Duket se ju besoni se rregullat nuk duhen zbatuar për llogarinë tuaj,” tha ai. “Llogaria juaj e reklamave është mbyllur.”
    Komisioni reagoi duke thënë se “gjithmonë përdor platformat sociale me mirëbesim” dhe se priste që mjetet e ofruara nga vetë platformat të ishin në përputhje me rregullat.
    Gjobë sipas Aktit të Shërbimeve Digjitale
    Gjobën e së premtes, X e mori si të parën sipas Aktit të Shërbimeve Digjitale të BE-së.Rregullatori i BE-së tha se sistemi i shenjës blu ishte “mashtrues” sepse kompania nuk po i verifikonte përdoruesit në mënyrë domethënëse.
    “Ky mashtrim i ekspozon përdoruesit ndaj skemave mashtruese, përfshirë mashtrime me imitues, si dhe forma të tjera manipulimi nga aktorë keqdashës,” tha rregullatori. Po ashtu X se nuk po ofronte transparencë mbi reklamat dhe nuk po u jepte studiuesve akses në të dhënat publike.
    Platformës së mediave sociale i janë dhënë 60 ditë për t’iu përgjigjur Komisionit mbi shqetësimet për shenjat blu, ose do të përballet me gjoba shtesë.
    Pas gjobës, Elon Musk postoi në platformën e tij duke thënë se BE “duhet të shfuqizohet”, dhe shpërndau një reagim nga një përdorues tjetër të X që e krahasonte me fashizmin.
    Sekretari amerikan i Shtetit Marco Rubio dhe Komisioni Federal i Komunikimeve (FCC) akuzuan rregullatorin e BE-së për sulm dhe censurë ndaj kompanive amerikane, duke shtuar: “ditët e censurimit të amerikanëve online kanë mbaruar.”
    Mosmarrëveshja nisi me Bier-in, i cili akuzoi Komisionin se kishte aktivizuar një llogari të përdorur rrallë “për të përfituar nga një dobësi”. Ai pretendoi se ishte postuar një link që mashtronte përdoruesit, duke i bërë të besonin se ishte video “për të rritur artificialisht shpërndarjen”.
    Ai tha se “dobësia”, e cila “nuk ishte abuzuar kurrë në këtë mënyrë”, tani është hequr.
    Llogaritë e reklamave në X përdoren nga bizneset për të krijuar dhe analizuar fushata të paguara dhe për të postuar mesazhe të “promovuara”, të ndara nga profili i zakonshëm i përdoruesit.
    Në përgjigje, një zëdhënës i Komisionit Evropian i tha BBC News se po “përdorte thjesht mjetet që vetë platformat i vënë në dispozicion për llogaritë tona zyrtare”.“Ne presim që këto mjete të jenë plotësisht në përputhje me kushtet e vetë platformës, si dhe me kuadrin tonë ligjor,” tha ai.
    Kjo nuk është hera e parë që X përplaset me rregullatorët globalë. Në vitin 2024, Gjykata e Lartë e Brazilit hoqi ndalimin ndaj X pasi kompania pranoi të paguante 28 milionë reais (5.1 milionë $) dhe bllokoi llogari të akuzuara për përhapje dezinformimi.
    Një vit më parë, autoriteti australian i sigurisë në internet e gjobiti me 610,000 A$ (386,000 $) për mosbashkëpunim në një hetim mbi praktikat kundër abuzimit të fëmijëve.

  • X i Elon Musk gjobitet me 120 milionë euro për shenjat blu “mashtruese”

    X i Elon Musk gjobitet me 120 milionë euro për shenjat blu “mashtruese”

    Platforma e mediave sociale X, në pronësi të Elon Musk, është gjobitur me 120 milionë euro (105 milionë paund) nga Bashkimi Evropian për shkak të sistemit të saj të shenjave verifikuese blu. Komisioni Evropian argumentoi se duke lejuar përdoruesit të paguajnë për një shenjë verifikimi, platforma “mashtron përdoruesit” sepse nuk kryen një “verifikim domethënës” të identitetit të tyre. Sipas komisionit, “ky mashtrim i ekspozon përdoruesit ndaj skemave mashtruese, përfshirë imitimin e identitetit dhe forma të tjera manipulimi nga aktorë keqdashës”.
    Përveç çështjes së shenjave blu, rregullatorët e BE-së theksuan se X po dështonte gjithashtu të ofronte transparencë rreth reklamave dhe nuk po u jepte studiuesve akses në të dhënat publike. Henna Virkkunen, zëvendëspresidente ekzekutive e komisionit, deklaroi se BE-ja po e “mbante X-in përgjegjës për minimin e të drejtave të përdoruesve dhe shmangien e llogaridhënies”. Ajo shtoi se praktika të tilla nuk kanë vend në BE. Gjoba u llogarit duke marrë parasysh natyrën, gravitetin dhe kohëzgjatjen e shkeljeve.

    Ky vendim është i pari i Komisionit për “mospërputhje” me Aktin e Shërbimeve Digjitale (DSA), një rregullore kyçe për platformat online në BE. Tani, X duhet të informojë Komisionin mbi masat që do të marrë për t’u përshtatur me ligjet, përndryshe rrezikon gjoba të mëtejshme periodike. Ky vendim vjen në një kohë kur rregullat e BE-së për teknologjinë janë kritikuar nga udhëheqësit amerikanë, të cilët kanë paralajmëruar kundër rregullimit të ashpër.

    Reagimi nga SHBA ishte i menjëhershëm. Zëvendëspresidenti JD Vance e kritikoi ashpër BE-në, duke pretenduar se X po ndëshkohej “për mosangazhim në censurë”. “BE-ja duhet të mbështesë fjalën e lirë, jo të sulmojë kompanitë amerikane për gjëra të kota,” deklaroi ai.

    Sistemi i verifikimit me pagesë u prezantua nga Musk pas blerjes së Twitter në fund të vitit 2022. Ai zëvendësoi sistemin e vjetër, ku verifikimi bazohej në prova identiteti, me një model të lidhur me abonimin Premium. Qëllimi i Musk ishte të rriste të ardhurat dhe të luftonte llogaritë robotike, por sistemi u bë i diskutueshëm. Kritikët paralajmëruan se ai mund të hapte rrugën për mashtrime përmes imitimit dhe të rriste profilin e përmbajtjes çorientuese.

  • Përdoruesit nën 16 vjeç në Australi humbasin aksesin në Meta Al

    Përdoruesit nën 16 vjeç në Australi humbasin aksesin në Meta Al

    Bota E Diel, 30 Nëntor 2025 17:33
    Kompania Meta ka nisur një fushatë paralajmërimi për qindra mijëra adoleshentë australianë në ditët në vijim, llogaritë në Instagram, Facebook dhe Threads që u përkasin përdoruesve nën 16 vjeç do të hiqen përpara hyrjes në fuqi të ndalimit zyrtar, të planifikuar më 10 dhjetor.
    Që prej 4 dhjetorit, platforma ka filluar të çaktivizojë profilin e të miturve dhe të bllokojë regjistrimet e reja për përdoruesit nën 16 vjeç. Ky proces prek një numër të madh përdoruesish, me të paktën 350 milionë llogari në Instagram dhe 150 milionë në Facebook.

    Paralajmërimet po shpërndahen përmes email-it, SMS-ve dhe njoftimeve brenda aplikacionit, me një mesazh të qartë: “Për shkak të rregulloreve australiane, përdoruesit kanë dy javë kohë për të ruajtur ose fshirë të dhënat e tyre.”

    Meta u kërkon të miturve të shkarkojnë postimet, bisedat dhe të dhënat e tyre personale, si dhe të lënë një informacion kontakti për mundësinë e riaktivizimit të llogarisë pasi të mbushin 16 vjeç.

    Ky vendim vjen pas rregullave më të rrepta të Australisë për mbrojtjen e të miturve në internet, duke synuar sigurinë e adoleshentëve dhe kontrollin mbi përmbajtjen që ata përdorin.

  • Australia vendos masën e rreptë, nis heqja e përdoruesve nën 16 vjeç nga rrjetet sociale. Si do të veprojë Meta

    Australia vendos masën e rreptë, nis heqja e përdoruesve nën 16 vjeç nga rrjetet sociale. Si do të veprojë Meta

    Përdoruesit australianë të Facebook dhe Instagram nën moshën 16 vjeç do të njoftohen duke filluar nga e enjtja se llogaritë e tyre do të çaktivizohen deri më 10 dhjetor, pasi Meta fillon të zbatojë ndalimin e mediave sociale të vendosur nga qeveria e Albaneses.
    Përdoruesit e prekur nga ndalimi do të marrin një njoftim 14-ditor për çaktivizimin e ardhshëm të llogarisë së tyre përmes mesazheve brenda aplikacionit, email-it dhe SMS-ve, përpara se qasja t’u ndërpritet.
    Ndalimi do të prekë përdoruesit në Facebook dhe Instagram, si dhe Threads, pasi për përdorimin e Threads kërkohet një llogari Instagram. Messenger përjashtohet nga ndalimi, por Meta është detyruar të zhvillojë një mënyrë që përdoruesit të kenë ende akses në Messenger pa një llogari Facebook.
    Meta do të fillojë të bllokojë aksesin në llogaritë ekzistuese dhe t’u ndalojë nën16-vjeçarëve të regjistrojnë llogari të reja nga data 4 dhjetor, dhe qasja do të hiqet për të gjitha llogaritë deri më 10 dhjetor, tha kompania.
    Adoleshentët të cilëve do t’u çaktivizohet llogaria mund të shkarkojnë dhe ruajnë postimet, mesazhet dhe videot e shkurtra (Reels). Ata do të mund të rikthehen në llogarinë e tyre sapo të mbushin 16 vjeç, ose mund të zgjedhin ta fshijnë plotësisht llogarinë.
    “Kur të mbushni 16 vjeç dhe të mund të përdorni sërish aplikacionet tona, e gjithë përmbajtja juaj do të jetë e disponueshme saktësisht ashtu si e keni lënë,” tha Mia Garlick, drejtoreshë rajonale e politikave në Meta.
    “Ne gjithashtu u kërkojmë prindërve të punojnë me fëmijët e tyre për të siguruar që data e saktë e lindjes të jetë e regjistruar në llogaritë e tyre të rrjeteve sociale.”
    Meta tha se do t’i dërgojë mesazhet të gjitha llogarive që “kupton” se janë nën 16 vjeç, por nuk do të sqarojë se si po i përcakton llogaritë që mund të jenë nën 16 vjeç, për të mos zbuluar mënyra të mundshme për shmangien e ndalimit.
    Nëse Meta gabimisht e shënon një përdorues 16 vjeç ose më të madh si nën 16, ai mund të përdorë verifikimin e moshës përmes fytyrës, pra duke bërë një video selfie ose mund të japë një dokument identifikimi të qeverisë duke përdorur teknologjinë e verifikimit të moshës të Yoti-t. Llogaritë që përpiqen të ndryshojnë moshën nga nën 16 në mbi 16 duhet ta verifikojnë moshën e tyre.
    Meta tha se pret të ketë gabime në vlerësimin e moshës, siç ishte e dukshme në provën e teknologjisë së verifikimit të moshës, por kompania beson se kjo është mënyra më pak ndërhyrëse për privatësinë për vlerësimin e moshës.
    Meta të mërkurën tha se po hetonte një problem ku përdoruesit në Australi që vendosnin moshën nën 16 nuk ishin në gjendje të regjistronin një llogari të re në Instagram, dhe theksoi se kjo s’kishte lidhje me ndryshimet e njoftuara të enjten.
    Gjiganti i teknologjisë po zbaton ndalimin, por vazhdon të argumentojë se cilësimet aktuale për llogaritë e adoleshentëve, të cilat kufizojnë se kush mund t’i kontaktojë ata, kufizojnë reklamimin dhe u japin kontroll prindërve do të ishin një alternativë më e mirë se një ndalim i plotë.
    Meta ka thënë gjithashtu se beson që verifikimi i moshës duhet të bëhet përmes dyqaneve të aplikacioneve.
    “Ndërsa po punojmë shumë për të hequr të gjithë përdoruesit që kuptojmë se janë nën moshën 16 vjeç deri më 10 dhjetor, zbatimi i ligjit do të jetë një proces i vazhdueshëm dhe me shumë shtresa”, tha Antigone Davis, drejtore globale e sigurisë në Meta.
    Meta është kompania e parë e teknologjisë që njofton se si do të zbatojë ndalimin përpara 10 dhjetorit. Facebook, Instagram, TikTok, X, YouTube, Snapchat, Reddit dhe Kick përfshihen në ndalim ndërsa ai pritet të hyjë në fuqi muajin e ardhshëm.
    Kompani të tjera pritet të sqarojnë pozicionet e tyre në javët në vijim. TikTok dhe Snapchat kanë thënë se do të zbatojnë ndalimin.
    YouTube këmbëngul se nuk duhet të përfshihet në ndalim, por ende nuk ka deklaruar nëse do të pajtohet. Kompania më parë ka treguar se mund të nisë veprime ligjore, por ende nuk e ka bërë këtë hap.
    Politikani libertarian i Uellsit të Ri Jugor, John Ruddick, ka thënë se planifikon të kërkojë një seancë në gjykatën e lartë për të sfiduar ligjin në bazë të lirive të komunikimit politik.
    Platforma X e Elon Musk-ut ka shprehur gjithashtu kundërshtimin e saj ndaj ndalimit dhe ende nuk ka thënë nëse do ta zbatojë ligjin.

  • Caktohet data për largimin e të miturve nga rrjetet sociale në Australi, “Meta” nis mbylljen e llogarive

    Caktohet data për largimin e të miturve nga rrjetet sociale në Australi, “Meta” nis mbylljen e llogarive

    foto ilustruese

    AUSTRALI- Përdoruesit australianë të Facebook dhe Instagram nën moshën 16 vjeç do të njoftohen duke filluar nga e enjtja se llogaritë e tyre do të çaktivizohen deri më 10 dhjetor, ndërsa Meta fillon të zbatojë ndalimin e mediave sociale. Përdoruesit e prekur nga ndalimi do të marrin njoftim 14 ditë përpara për çaktivizimin e llogarisë së tyre në pritje përmes një kombinimi mesazhesh brenda aplikacionit, email-it dhe SMS-ve përpara se t’u ndërpritet qasja.
    Ndalimi do të prekë përdoruesit në Facebook dhe Instagram, si dhe Threads, pasi një llogari Instagram është e nevojshme për të përdorur atë platformë. Messenger përjashtohet nga ndalimi – por Meta është dashur të zhvillojë një mënyrë që përdoruesit të mbajnë qasje në Messenger pa një llogari Facebook si rezultat i ndalimit.
    Meta do të fillojë të ndalojë aksesin në llogaritë ekzistuese dhe të bllokojë regjistrimin e llogarive të reja për personat nën 16 vjeç nga 4 dhjetori, ndërsa aksesi do të hiqet për të gjitha llogaritë e prekura deri më 10 dhjetor, tha kompania.
    Adoleshentët, llogaritë e të cilëve do të çaktivizohen, mund të shkarkojnë dhe ruajnë postimet, mesazhet dhe videot e shkurtra ose videot e tyre. Ata do të jenë në gjendje të kthehen në llogarinë e tyre pasi të mbushin 16 vjeç ose të zgjedhin ta fshijnë plotësisht llogarinë e tyre.
    “Kur të mbushni 16 vjeç dhe të keni mundësi të hyni përsëri në aplikacionet tona, i gjithë përmbajtja juaj do të jetë e disponueshme pikërisht ashtu siç e keni lënë”, tha Mia Garlick, drejtoresha e politikave rajonale të Metës. “Gjithashtu u kërkojmë prindërve të punojnë me fëmijët e tyre për të siguruar që data e saktë e lindjes të regjistrohet në llogaritë e tyre të mediave sociale.”
    Meta tha se do t’ua dërgonte mesazhet të gjitha llogarive që “i kupton” të jenë nën 16 vjeç, por nuk tha se si po përcaktonte se cilat llogari mund të jenë nën 16 vjeç, për të shmangur shpjegimin e personave nën 16 vjeç se si mund të anashkalohet ndalimi.
    Nëse Meta gabimisht shënon një përdorues 16 vjeç ose më të vjetër si nën 16 vjeç, ai mund të përdorë verifikimin e moshës përmes fytyrës – që do të thotë të bëjë një selfie me video – ose të ofrojë një dokument identifikimi qeveritar duke përdorur teknologjinë e verifikimit të moshës së Yoti-t . Llogaritë që kërkojnë të ndryshojnë moshën e tyre nga nën 16 vjeç në mbi duhet të verifikojnë moshën e tyre.
    Meta tha se priste që të kishte gabime në vlerësimin e moshës, siç ishte e dukshme në provën e teknologjisë së sigurimit të moshës, por kompania besonte se kjo ishte mënyra më pak ndërhyrëse në privatësi për të vlerësuar moshën. Meta tha të mërkurën se po hetonte një problem ku përdoruesit në Australi që deklaruan moshën e tyre nën 16 vjeç nuk ishin në gjendje të regjistronin një llogari të re në Instagram dhe tha se kjo nuk kishte lidhje me ndryshimet e njoftuara të enjten.
    Gjigandi i teknologjisë po i përmbahet ndalimit, por vazhdon të argumentojë se cilësimi i llogarive të adoleshentëve – i cili kufizon se kë mund të kontaktojnë adoleshentët, kufizon reklamat dhe u jep kontroll prindëror – do të ishte një alternativë më e mirë ndaj një ndalimi. Meta ka thënë gjithashtu se beson që duhet të bëhet verifikimi i moshës përmes dyqaneve të aplikacioneve./ZËRI

  • Paralajmëron Google: Mos përdorni Wi-Fi publik, rrezikoni llogaritë bankare

    Paralajmëron Google: Mos përdorni Wi-Fi publik, rrezikoni llogaritë bankare

    Google ka paralajmëruar miliarda përdorues të telefonave inteligjentë për rrezikun që llogaritë e tyre bankare të boshatisen nëse lidhen me rrjete publike Wi-Fi.
    Kompania thekson se këto rrjete, që gjenden në kafene, aeroporte apo vende publike, shpesh janë “të paenkriptuara dhe lehtësisht të shfrytëzueshme nga sulmuesit kibernetikë”, shkruajnë mediat e huaja.
    Ekspertët kanë paralajmëruar prej kohësh se rrjetet falas të Wi-Fi mund të përdoren nga kriminelët për të vjedhur të dhëna personale dhe financiare.
    Google rekomandon që përdoruesit të shmangin lidhjen me këto rrjete sa herë që është e mundur.
    Po ashtu, këshillon që përdoruesit të monitorojnë rregullisht llogaritë bankare dhe raportet e kredive.
    Siç është thënë më tej, pajisjet Android mund të zbulojnë e të paralajmërojnë për mashtrime të mundshme, ndaj përdoruesit duhet t’u kushtojnë vëmendje këtyre njoftimeve.

  • E pabesueshme dhe sllovake, qeveria vendos një limit shpejtësie për ecjen në trotuar

    E pabesueshme dhe sllovake, qeveria vendos një limit shpejtësie për ecjen në trotuar

    Një ligj i ri në Sllovaki që synon përmirësimin e sigurisë në trotuare, duke vendosur një kufi maksimal shpejtësie për të gjithë përdoruesit e tyre – përfshirë këmbësorët – ka shkaktuar tallje dhe zemërim në publik.

    Qeveria akuzohet se po kufizon liritë individuale me masa të tilla të ashpra.Sipas ligjit, që pritet të hyjë në fuqi më 1 janar 2026, të gjithë përdoruesit e trotuareve – nga këmbësorët te çiklistët dhe drejtuesit e skuterëve – nuk duhet të kalojnë shpejtësinë 6 km/orë. Shkelësit do të gjobiten me 100 euro.“Me një limit maksimal prej 6 km/orë, është pothuajse e pamundur të mbash ekuilibrin. Edhe fëmijët 3 ose 4 vjeç e tejkalojnë këtë shpejtësi me biçikletat e tyre”, tha për AFP Dan Kolar, president i organizatës Cyklokoalicia, e cila mbështet lëvizshmërinë e qëndrueshme. Ai e quajti legjislacionin “absurd” dhe paralajmëroi se “fëmijët do ta shkelin ligjin çdo ditë, duke mësuar se kjo është e pranueshme”.Vendimi ka ngjallur reagime të forta edhe në rrjetet sociale, ku përdoruesit kanë shpërndarë imazhe satirike, si p.sh. radarë që sinjalizojnë një këmbësor që ecën me 6.2 km/orë dhe e paralajmërojnë të “ngadalësojë”, apo “leje të rreme për të ecur”. Një grup qytetarësh me emrin “Nënat ne ankth” i ka bërë thirrje Presidentit Robert Fico që të mos e nënshkruajë dhe ratifikojë ligjin.Sipas të dhënave të policisë, vitin e kaluar në Sllovaki humbën jetën 67 këmbësorë dhe 22 çiklistë ose drejtues skuterësh në aksidente, ndonëse nuk dihet nëse këto ngjarje ndodhën në trotuare apo në rrugë.Që prej rikthimit të Kryeministrit Fico në pushtet në vitin 2023, qeveria e tij ka miratuar disa masa të diskutueshme që kufizojnë të drejtat individuale. Ndërkohë, Sllovakia mbetet një nga vendet me numrin më të lartë të makinave për frymë në botë.

    Top Channel

  • “I trajtuat si kriminel, pse nuk merreni me makinat e të fortëve”, Kapri pyet Koçiun për monopatinat, ministrja: Po punojmë me intesitet për ligjin

    “I trajtuat si kriminel, pse nuk merreni me makinat e të fortëve”, Kapri pyet Koçiun për monopatinat, ministrja: Po punojmë me intesitet për ligjin

    erald kapri dhe albana kociu

    TIRANË- Ministrja e Brendshme Albana Koçiu është duke raportuar përpara deputetëve në Komisionin për Çështjet e Brendshme, ku u pyet nga deputeti Erald Kapri, mbi vendimin drastik për ndalimin e qarkullimit për motomjetet elektrike. Kapri u shpreh se sekuestrimi i mjeteve të qytetarëve u bë pa asnjë bazë ligjore, duke shkelur të drejtën e pronës, ndërsa ministrja tha se prevalon e drejta për mbrotjen e jetës, për shkak të numrit të aksidenteve, në të cilat këto mjete ishin përfshirë. Edhe pse nuk dha një afat, se kur ligji do të jetë gati, Koçiu u shpreh se për draftin po punohet me shpejtësi, dhe sapo të jetë gati ai do të kalojë për votim në Kuvend.
    Erald Kapri: Në lidhje me monopatinat, në udhëzimin që ju keni nxjerrë nuk keni asnjë bazë ligjore. Këtu keni shkelur një parim kushtetues, një i ri që shmang trafikun në Tiranë, që ble një produkt me taksa, madje merr dhe kredi për atë, shkoni dhe jua konfiskoni, i lini në një ambient që po shkatërrohen atje, dhe ju thoni ne po bëjmë ligjin. Ky nuk është standard europian zonja ministre, si mund ti ndaloni përdoruesit e monopatinave, pa ligj, ndërkohë që nuk ndaloni makinat e të fortëve, kur keni një ligj antimafia në fuqi. Ju nuk merreni me të fortët por me të dobtët, merreni me një shtresë të shoqërisë që punojnë nga mëngjesi në darkë, dhe ju i trajtuat si kriminel. Unë hapa përdorimin në Vjenë, ku përdoruesit e monopatinave trajtohen si përdoruesit e biçikletave. Nuk i ndalon njeri përdoruesit.
    Albana Koçiu: Sa i përket monopatinave, arsyeja kryesore që ne shkuam në një masë drastike është fakti i aksidenteve të shpeshta, të këtyre mjeteve që janë të parregulluara në legjislacion, që duhet të kenë një shpejtësi të normuar. Ka monopatina që ecin me shpejtësi deri në 80 km në orë, kjo ishte arsyeja e një mase esktreme dhe të menjëhershme, është masë që e kanë ndërmarrë edhe shtete të tjera më herët. Unë besoj që është shumë e rëndësishme që është mbrojtja e jetës së fëmijëve tanë, në raport me një investim që është patjetër i rëndësishëm, për këdo. Patjetër që përdorimi i tyre përmirëson ndotjen në mjedis, por ka prioritet mbrojtja e jetës. Ne po punojmë me intesitet, shumë shpejt do të paraqiten rregullimet e reja, të cilat do ta kthejnë përdorimin e këtyre mjeteve ashtu siç duhet për të garantuar sigurinë.
    Me vendim të ministres Koçiu, motomjetet elektrike janë ndaluar që prej datës 13 Tetor, ndërkohë që një numër i madh mjetesh janë sekuestruar, dhe po mbahen në mjedis të hapur, duke u bërë rrezik edhe për funksionimin e tyre. Mjete të tilla janë të ndjeshme ndaj lagështirës, dhe ekspozimi në shi mund të sjellë dëmtimin e pariparueshëm të tyre. /ZËRI 

  • Alarm në rrjet! AKEP paralajmëron kompanitë e internetit: Mbroni përdoruesit ose do gjobiteni

    Alarm në rrjet! AKEP paralajmëron kompanitë e internetit: Mbroni përdoruesit ose do gjobiteni

    AKEP kërkon që të gjitha kompanitë që ofrojnë shërbime telefonike dhe interneti për publikun të marrin masa të detajuara për të mbrojtur rrjetet e tyre dhe të dhënat e përdoruesve nga sulmet kibernetike dhe problemet teknike.
    Autoriteti i Komunikimeve Elektronike dhe Postare, ka publikuar për këshillim publik një rregullore të re që synon të rrisë sigurinë e rrjeteve telefonike dhe të internetit në Shqipëri.
    Rregullorja vendos rregulla të reja për kompanitë që ofrojnë shërbime komunikimi për publikun. Qëllimi është të parandalohet ndërprerja e shërbimeve dhe të mbrohen të dhënat personale të përdoruesve.
    Kompanitë janë të detyruara të marrin masa teknike dhe organizative për të parandaluar sulmet kibernetike, defektet teknike dhe çdo incident që mund të ndikojë te përdoruesit. Ato duhet të kenë plane sigurie, të trajnojnë stafin dhe të kontrollojnë sistemet e tyre rregullisht.
    Në rast incidenti, kompanitë duhet të njoftojnë AKEP-in brenda 24 orëve dhe të informojnë përdoruesit nëse ka rrezik për të dhënat e tyre. Rregullorja përcakton edhe formatin e raportimit dhe mënyrën e vlerësimit të impaktit të incidenteve, duke përdorur një tabelë të veçantë që klasifikon ndikimin si të ulët, mesatar apo të lartë.
    Kompanitë me të ardhura mbi 100 milionë lekë në vit mund të detyrohen të kryejnë auditime të pavarura për sigurinë. Nëse AKEP konstaton mangësi, mund të vendosë masa të detyrueshme për përmirësim, duke përcaktuar afate konkrete për zbatimin e tyre.
    Rregullorja përfshin edhe masa për mbrojtjen e të dhënave personale, si dhe detyrimin për të informuar përdoruesit në rast cenimi të privatësisë. Kompanitë duhet të publikojnë udhëzime për përdoruesit në faqet e tyre zyrtare, të kenë një person përgjegjës për sigurinë dhe të mbajnë regjistër për çdo incident.
    Nëse kompanitë nuk zbatojnë rregullat, ato mund të përballen me gjoba dhe masa të tjera administrative, sipas ligjit për komunikimet elektronike.