Bashkimi Europian po shqyrton nëse do ta klasifikojë etanolin, një dezinfektant që përdoret gjerësisht në spitale, si një produkt të rrezikshëm.
Marrja në shqyrtim vjen në një kohë kur ky vendimi aktualisht është pezulluar, për shkak të mungesës së konsensusit midis grupeve shkencore në agjencinë kimike të BE-së.
Vendimi u diskutua sot midis ligjvënësve europianë dhe Komisionit Europian, por debati është lënë në hije nga implikimet e mundshme të vendimit për institucionet e kujdesit shëndetësor.
Ligjvënësit europianë Christine Singer dhe Andreas Gluck u kanë kërkuar kolegëve të tyre në Parlamentin Europian të sigurohen që dosja të debatohet në nivelin e duhur politik.
Etanoli është një lëng i kthjellët që mund të digjet si lëndë djegëse ose të përdoret si dezinfektant. BE-ja po shqyrton vetëm përdorimin e tij si pjesë e produkteve biocide, siç janë dezinfektantët dhe produktet e kontrollit të dëmtuesve.
Sipas ligjit të produkteve biocide të BE-së 27, të gjitha substancat aktive të përdorura në produkte të tilla duhet të miratohen përpara se të autorizohen.
Tag: përdoret
-
Komisioni Europian merr në analizë etanolin në dezinfektuesit spitalorë, ja sa i sigurtë është
-
Shkencëtarët ngrenë alarmin: “Armët” që kontrollojnë mendjen po bëhen realitet
Armët për kontrollin e mendjes mund të tingëllojnë si pjesë e filmave fantastiko-shkencorë, por ekspertët paralajmërojnë se ato po afrohen me shpejtësi drejt realitetit. Dy studiues të Universitetit të Bradfordit, Dr. Michael Crowley dhe profesori Malcolm Dando, në librin e tyre të ri theksojnë se avancimet e fundit në neuroshkencë duhet të shërbejnë si alarm për botën.
Sipas profesor Dandos, e njëjta njohuri që përdoret për trajtimin e çrregullimeve neurologjike mund të përdoret edhe për të ndikuar perceptimin, kujtesën apo sjelljen e individëve. Ai paralajmëron se po hyjmë në një epokë të re, ku truri i njeriut mund të shndërrohet në fushëbetejë.
SHBA, Kina, Rusia dhe Britania kanë studiuar armë të tilla që nga vitet ’50. Një prej shembujve më të njohur është substanca amerikane “BZ”, e cila shkakton halucinacione dhe çrregullime të thella mendore, ndërsa Kina ka zhvilluar një “armë narkoze” që qëllon shiringa me kimikate paralizuese.
Rasti i vetëm i përdorimit të një arme që synon sistemin nervor në konflikt mbetet ai i Moskës në vitin 2002, kur forcat ruse përdorën një derivat të fentanilit për të çaktivizuar militantët çeçenë, duke shkaktuar vdekjen e 120 pengjeve.
Shkencëtarët paralajmërojnë se rreziqet po rriten, pasi kërkimet moderne mbi “qarqet e mbijetesës”, zonat e trurit që kontrollojnë frikën, gjumin dhe vendimmarrjen, mund të keqpërdoren për krijimin e armëve që manipulojnë funksionet mendore. -
Bashkia e Kolonjës: Uji i pijshëm të mos përdoret për konsum, është ndotur nga reshjet
Kronikë E Shtunë, 22 Nëntor 2025 11:27
Bashkia e Kolonjës njofton se, si pasojë e reshjeve intensive të ditëve të fundit, analizat e kryera mbi ujin e rrjetit të qytetit kanë treguar prezencë të ndotjes mikrobike dhe fiziko–kimike.
Autoritetet bëjnë thirrje që uji i rrjetit të mos përdoret për konsum deri në një njoftim të dytë.“NJVKSH Kolonjë bën me dije se, si pasojë e reshjeve intensive të ditëve të fundit, analizat e kryera mbi ujin e rrjetit të qytetit kanë treguar prezencë ndotjeje mikrobike dhe fiziko–kimike.
Uji i rrjetit nuk duhet të përdoret për konsum deri në një njoftim të dytë.Po punohet për normalizimin e situatës dhe çdo informacion i ri do të bëhet menjëherë i ditur për publikun”, shprehet bashkia.
-
Pasojat e reshjeve, bashkia e Kolonjës: Uji i pijshëm të mos përdoret për konsum, është ndotur
Bashkia e Kolonjës njofton se, si pasojë e reshjeve intensive të ditëve të fundit, analizat e kryera mbi ujin e rrjetit të qytetit kanë treguar prezencë të ndotjes mikrobike dhe fiziko–kimike.
Autoritetet bëjnë thirrje që uji i rrjetit të mos përdoret për konsum deri në një njoftim të dytë.
Po punohet intensivisht për normalizimin e situatës dhe çdo informacion i ri do të bëhet menjëherë i ditur për publikun.
“NJVKSH Kolonjë bën me dije se, si pasojë e reshjeve intensive të ditëve të fundit, analizat e kryera mbi ujin e rrjetit të qytetit kanë treguar prezencë ndotjeje mikrobike dhe fiziko–kimike.
Uji i rrjetit nuk duhet të përdoret për konsum deri në një njoftim të dytë.Po punohet për normalizimin e situatës dhe çdo informacion i ri do të bëhet menjëherë i ditur për publikun.”, shprehet bashkia.Top Channel
-
Papa paralajmëron se inteligjenca artificiale mund të dëmtojë cilësinë e kujdesit shëndetësor
Papa Leo XIV, gjatë Kongresit Ndërkombëtar “IA dhe Mjekësia: Sfida e Dinjitetit Njerëzor” të mbajtur në Romë, ka ngritur shqetësime mbi ndikimin e inteligjencës artificiale në mjekësi dhe kujdesin shëndetësor.
Ai paralajmëroi se teknologjia, nëse përdoret gabimisht, mund të shndërrohet në një mjet shkatërrues për jetën e individëve dhe shoqërive.
“Asnjë teknologji nuk mund të zëvendësojë kontaktin njerëzor,” tha Papa Leo, duke theksuar se IA duhet të shërbejë për të përmirësuar marrëdhëniet mes pacientëve dhe mjekëve, jo për t’i gërryer ato. Ai ngriti gjithashtu çështjen e etikës dhe besimit, duke kujtuar se teknologjia nuk duhet të përdoret për ideologji anti-njerëzore.
Ekspertët e shëndetësisë pranojnë se IA nuk mund të zëvendësojë marrëdhëniet ndërpersonale, por nënvizojnë se ajo ndihmon mjekët në diagnostikimin e hershëm, personalizimin e trajtimeve dhe uljen e ngarkesës rutinë. Studime tregojnë se mjetet digjitale, si njohja e të folurit, u kursejnë mjekëve deri në një orë në ditë – kohë që mund të përdoret për pacientët.
Megjithatë, disa paralajmërojnë për efektet negative. Stefan Eichwalder nga Ministria e Shëndetësisë së Austrisë tha se përdorimi i të dhënave elektronike shpesh lidhet me stres dhe lodhje më të lartë tek mjekët, duke e cilësuar teknologjinë si një “pilulë të hidhur”.
Shoqata COCIR ka theksuar se industria është e angazhuar për një IA etike dhe transparente, ndërsa studiuesi Grigori Rogge nga Universiteti i Witten nënvizoi se “skenari më i mirë është që IA të mbështesë, jo të zëvendësojë, marrëdhëniet mes mjekëve dhe pacientëve”.
Papa Leo pranoi se inteligjenca artificiale sjell përfitime të rëndësishme në mjekësi, por paralajmëroi se pa respektimin e dinjitetit njerëzor dhe të mirës së përbashkët, nuk mund të quhet progres i vërtetë. Ai shtoi se përdorimi i IA ngre pyetje shqetësuese mbi aftësinë e njerëzimit për të kuptuar dhe përpunuar realitetin, duke kërkuar që teknologjia të mbetet gjithmonë në shërbim të njeriut. -
“35 zonja shkojnë në një tualet”/ Kreu i Autoritetit të Konkurrencës ankohet për kushtet: Si sardele, nuk mban më
Në komisionin për Nismat Qytetare, kreu i Autoritetit të Konkurrencës Denar Biba, është ankuar për kushtet në të cilat punon ky institucion.
Në fjalën e tij, ai u shpreh se mbledhjet mbahen në një ambient që përdoret edhe si arkivë, ndërsa ka vetëm një tualet që përdoret për 35 zonja.
“Ky institucion është krijuar në 2004, në momentin e krijimit ka pasur 13 punonjës dhe është zhvendosur në ambientet aktuale ku ka edhe sot pas 21 vitesh. E ka nisur punën me 13 punonjës sot jemi 49, jemi në po të njëjtat ambiente.
Ne jemi në kushtet edhe të problematikave të higjienës. 35 zonja që shkojnë në një tualet, është banale që po e them, por ka ardhur momenti për ta thënë se nuk mban më. Nuk ka arkiva, në ambientet ku bëjmë mbledhje përdoret për arkivë. Muret janë plot me dosje, që nuk duhen mbajtur ashtu, por nuk kemi ku ti mbajmë. Si sardele në një ambient të vogël 10 metra katrorë”, tha ndër të tjera Biba.Top Channel
-
“Kryebashkiakët e zgjedhur janë legjitimë”, Celibashi: Mund ta përdorim Inteligjencën Artificiale gjerësisht në proceset zgjedhore
Kryekomisioneri Ilirjan Celibashi në një konferencë për mediat pas përfundimit të numërimit të fletëve të votimit në pesë bashkitë ku u mbajtën zgjedhje, u ndal te përdorimi i AI në numërimin e votave në Tepelenë, ku tha se rezultoi me sukses.
Celibashi: Në Tepelenë testuam përdorimin e AI në numërimin dhe vlerësimin e votave. Kjo mënyrë e numërimit asesi nuk kishte për qëllim të zëvendësonte mënyrën manuale që përcakton Kodi Zgjedhor. Përdorimi i AI ishte test teknik, nëpërmjet të cilit ne si KQZ donim të shihnim sesa e dobishme mund të jetë në të ardhmen përdorimi i kësaj risie. Së paku përdorimin e AI në numërim e kemi parë si mjet të përshtatshëm për kntrollin e profesionalizmit dhe ndershmërisë të numëruesve dhe komisonerëve, testi i kryer dje ishte i suksesshëm, dhe përmbushi të gjitha pritshmëritë e KQZ.
Kryekomisioneri shoti se në të ardhmen përdorimi i Inteligjencës Artificiale mund të përdoret gjerësisht në proceset zgjedhore.Celibashi: Inteligjenca Artificiale në rastin e zgjedhjeve mund të përdoret në shumë aspekte të procesit zgjedhor. Ne e pamë të dobishme ta përdornim gjatë procesit të numërimit. Në këtë rast përdorimi i AI nuk shmang komisionerët apo numëruesit sepse duhet të jetë dikush që shfaq fletët e fotimit para një kamere. Pamjet analizohen përmes një programi kompjuterik që përdor inteligjencën artificiale. Sa kohë që Inteligjenca Artificiale mund të përdoret në shumë aspekte të jetës globale nuk ka asnjë arsye pse mos të përdoret edhe në proceset zgjedhore. E bëmë këtë test as të nxitur dhe as të frymëzuar nga praktika të të tretëve të tjerë, por është momenti e ka sjellë zhvillimi global si mundësi për ta përdorur këtë risi dhe s’ka asnjë arsye pse ne të kishim drojë për ta testuar. Ne besojmë që ia vlente dhe besojmë se do t’ia vlejë në të ardhmen.
Sa i përket pjesëmarrjes së ulët në zgjedhje, Celibashi tha kjo nuk e bën procesin zgjedhor jo legjitim.
Celibashi: Ata që janë zgjedhur kryetarë bashkie kanë legjitimitet të plotë. Rezultati është legjitim. Për gjykimin tim, unë i përkas grupit të atyre personave që angazhohen me procesin zgjedhore që nuk është domosdoshmëri që të ketë një kufi të pjesëmarrjes për t’i konsideruar zgjedhjet të vlefshme. -
Inteligjenca Artificiale në numërimin e votave kalon testin e parë, Celibashi: Mund të përdoret në të ardhmen
Kreu i Komisionit Qëndror të Zgjedhjeve, Ilirjan Celibashi, gjatë konferencës foli për përdorimin e Inteligjencës Artificiale në procesin e zgjedhjeve vendore në 2027.
Ai e la të hapur mundësinë e përdorimit të AI, por shtoi se komisionerët janë të nevojshëm gjatë procesit, pra Inteligjenca Artificiale nuk mund të funksionojë e vetme.
Pyetje: Përdorimi i AI në zgjedhjet në Tepelenë, s e shihni të mundshme që AI (Inteligjenca Artificiale) të aplikohet në zgjedhjet e 2027?
Ilirjan Celibashi: Ndoshta për të gjithë duhet të sqarojmë që AI në zgjedhje mund të përdoret për shumë aspekte, e përdorëm për numërimin. Përdorimi i AI nuk shmang komisionerë ose anëtarë të tjera, duhet dikush që t’i shfaqë tek kamera, më pas analizohen në një program të bërë me AI. Për vlerësimin tonë do të ishte e udhës të përdorej në të ardhmen, gjithmonë nëse ne përdorim këtë mënyrë numërimi.
Nëse përdorim pajisje, ajo e kryen vetë procesin. Për sa kohë AI po përdoret në shumë aspekte të jetës, nuk ka arsye pse në procese zgjedhore të përdoret në tërësi, por se në çfarë fushe mbetet për t’u diskutuar. E bëmë jo duke parë të tjerët, por e ka sjellë zhvillimi global dhe teknologjik për ta përdorur këtë risi. Nuk ka asnjë arsye pse ta kishim droje.Top Channel
-
Lëshon rrezatim?/ A është i rrezikshëm skaneri CT që përdoret për tomografi?
Shumë pacientë ndihen të shqetësuar kur mjeku i tyre u rekomandon të kryejnë një skanim CT, për shkak të idesë se këto pajisje lëshojnë rrezatim të dëmshëm për shëndetin. Megjithatë, ekspertët mjekësorë theksojnë se, kur përdoret me kujdes dhe për arsye të justifikuara mjekësore, skaneri CT mbetet një nga mjetet diagnostikuese më të vlefshme dhe më të sigurta të mjekësisë moderne.
Një skaner CT, i njohur ndryshe si tomografi e kompjuterizuar, kombinon rrezet X me teknologjinë e përparuar kompjuterike për të krijuar imazhe të detajuara tre-dimensionale të organeve, kockave dhe indeve të trupit. Kjo u mundëson mjekëve të identifikojnë saktësisht probleme që shpesh nuk mund të zbulohen me një rreze X të zakonshme.
Specialistët shpjegojnë se edhe pse një skanim CT përfshin ekspozim ndaj rrezatimit, doza që merret është shumë e ulët dhe e kontrolluar. Për shembull, një skanim i barkut përfshin një nivel rrezatimi të ngjashëm me ekspozimin natyral ndaj rrezatimit që një person merr përmes diellit dhe mjedisit gjatë një apo dy vjetëve. Përfitimet diagnostikuese, në shumë raste, i tejkalojnë dukshëm rreziqet e mundshme.
Mjekët theksojnë se rreziku më i madh afatgjatë është një rritje minimale e mundësisë për zhvillimin e kancerit, por vetëm në raste të ekspozimeve të shumta ose të pajisjeve të pa mirëmbajtura. Pikërisht për këtë arsye, në çdo institucion shëndetësor të akredituar, pajisjet kalojnë kontrolle dhe kalibrime të rregullta për të garantuar që dozat e rrezatimit të jenë brenda kufijve të sigurisë.
Fëmijët dhe gratë shtatzëna janë grupet që kërkojnë kujdes të veçantë, pasi janë më të ndjeshëm ndaj rrezatimit. Në këto raste, mjekët zakonisht rekomandojnë metoda alternative diagnostikuese si ultratingulli ose rezonanca magnetike, që nuk përdorin rrezatim jonizues.
Në vitet e fundit, përparimet teknologjike kanë bërë që skanerët CT të jenë shumë më efikasë dhe të përdorin doza dukshëm më të ulëta rrezatimi. Pajisjet moderne janë të afta të përshtasin automatikisht dozën sipas madhësisë dhe formës së trupit të pacientit, duke siguruar ekuilibrin ideal midis cilësisë së imazhit dhe sigurisë.
Ekspertët e shëndetësisë theksojnë se çdo vendim për të kryer një skanim CT duhet të merret në bashkëpunim me mjekun, duke vlerësuar përfitimet dhe rreziqet. Në shumicën e rasteve, thonë ata, moskryerja e një skanimi të nevojshëm është shumë më e rrezikshme sesa vetë ekspozimi ndaj rrezatimit.
Në përfundim, edhe pse fjala “rrezatim” mund të tingëllojë e frikshme, kur përdoret në mënyrë të kontrolluar dhe profesionale, ajo mbetet një nga aleatët më të fuqishëm të mjekësisë moderne, duke ndihmuar në diagnostikimin e saktë dhe shpëtimin e jetëve.
-
Eurodeputeti rumun: SPAK-u në Shqipëri po përdoret për spastrim politik
Eurodeputeti rumun: SPAK-u në Shqipëri po përdoret për spastrim politik
Eurodeputeti rumun Cristian Terheș ka dhënë një deklaratë të fortë në lidhje me situatën e drejtësisë në Shqipëri.
Në një intervistë për SYRI TV, Terhes u shpreh se struktura e antikorrupsionit në Shqipëri (SPAK) po rrezikon të përdoret si instrument për eliminimin e kundërshtarëve politikë dhe për goditjen e bizneseve të caktuara.
Sipas eurodeputetit, Rumania ka kaluar një periudhë të ngjashme, kur fushata antikorrupsion, megjithëse nisi me synime të drejta, u përdor nga segmente politike dhe të shërbimeve të inteligjencës për qëllime selektive.
“Nëse nuk do të isha njoftuar shpejt për atë që po ndodhte në Shqipëri, do të ishte shumë e vështirë për ata që nuk janë pjesë e delegacionit ndërparlamentar shqiptar të dinë të gjitha detajet që po ndodhin atje. Shikoni, Rumania ka qenë në një situatë të ngjashme me vendin tuaj 10-15 vjet më parë, ku patëm një fushatë shumë të fuqishme kundër korrupsionit. Por kur e morëm vesh se kjo fushatë kundër korrupsionit po përdorej nga disa njerëz në fushën politike dhe në atë të inteligjencës për të larguar politikanë të caktuar apo për të shkatërruar disa kompani, ne reaguan publikisht. Kështu që, sepse ne e nxorrëm situatën në dritë, burokratët evropianë nuk kishin mundësi tjetër përveçse të pranonin problemet.
Pra, tani në Rumani, për shembull, gjithnjë e më shumë njerëz janë shpallur të pafajshëm, sepse gjyqtarët kanë zbuluar se mënyra se si janë kryer hetimet penale 10-15 vjet më parë ishte bërë duke shkelur procesin e duhur ligjor. Kjo është pikërisht ajo që kam zbuluar edhe unë gjatë kohës që kam qenë në Shqipëri. Mirë, ajo që kam pasur fokus kur kam qenë atje ka qenë kryesisht situata e sistemit gjyqësor. Kam pasur disa kolegë të tjerë që kanë pasur fokus në procesin zgjedhor. Ata ishin gjithashtu vëzhgues në Shqipëri gjatë zgjedhjeve të fundit. Gjatë asaj kohe unë kam dashur të vij, por ne kishim zgjedhje edhe në Rumani.
Por në fund të ditës, të gjitha, le të themi, edhe akuzat për keqbërje gjatë zgjedhjeve, mund të zgjidhen shumë lehtë nëse keni një sistem gjyqësor të fortë, të lirë dhe të pavarur. Sepse ky është themeli dhe baza e çdo qeverie demokratike dhe të dobishme për popullin. Në bazë të asaj që tha Komisioneri Costa dje në Komitetin për Marrëdhëniet me Jashtë në Parlamentin Evropian, ju jeni shumë pranë arritjes së atij qëllimi. Mendoj se, nëse nuk gaboj, është 2027. Mendoj se ky është objektivi që ju të bashkoheni me Bashkimin Evropian deri në vitin 2027, nëse nuk gaboj.
Dua të theksoj këtë: Objektivi është shumë i rëndësishëm për t’u bashkuar me Bashkimin Evropian, por në fund të fundit, disa reforma që po bëni në vendin tuaj, duhet t’i bëni ato jo për të kënaqur politikanë të caktuar apo burokratë në Bruksel, por për të kënaqur popullin shqiptar. Kjo është arsyeja pse theksoj përsëri rëndësinë e respektimit të shtetit të së drejtës, procesit të duhur ligjor dhe pavarësisë së sistemit gjyqësor gjatë këtij procesi reformues”,- është shprehur eurodeputeti.