Lajmidites.com

Tag: pensioneve

  • Debate në Kuvend: “Nga viti 2026, bonusi i pensioneve pjesëtohet”/ Balla-Muçit: Mos je dhe ti nga këta të Lulit? Ku e ke bërë matematikën

    Debate në Kuvend: “Nga viti 2026, bonusi i pensioneve pjesëtohet”/ Balla-Muçit: Mos je dhe ti nga këta të Lulit? Ku e ke bërë matematikën

    Një tjetër debat ka ndodhur në seancën plenare, midis Redi Muçit dhe kreut të Grupit Parlamentar të PS, Taulant Ballës sa i përket bonusit të pensioneve.
    Në fjalën e tij, Muçi u shpreh se bonusi do të pjesëtohet çdo muaj.

    “Kam një thirrje për të gjithë pensionistët. Bonusin e fundit të fundvitit do e merrni në 2025. Nga 2026-a bonusi do pjesëtohet dhe do e merrni pak nga pak në 12 muaj. Këtë marifet, Qeveria e quan rritje pensionesh. Nëse unë po gënjej, pse s’ia nxë goja Qeverisë të thotë se nga 2026-a e në vazhdim do merrni edhe bonusin e fundvitit dhe pensionin, për të thënë që ka rritje pensionesh”, tha ndër të tjera Muçi.
    Nga ana tjetër, Balla u shpreh se Muçi gënjen duke treguar se si do të funksionojë bonusi i pensioneve çdo vit.
    “Bëre shumë gabim që iu referove nënës time që ka punuar 40 vite e kusur infermiere, një punë e ndershme në shërbim të ndershme, me turne e pa turne gjithë jetën e vetë. Nuk jam unë i biri i ndërtuesve që i ka zënë frymën Tiranës. Që të jemi korrekt bashkë. Dhe ngrije kokën kur flas unë. Mos je gjë i nga këta të Lulit ti? Nëna ime do të marrë një rritje 18 mijë lekë në muaj, në çdo muaj të vitit 2026, që bëjnë 226 mijë. Mbaji shënim. Për 2027-ën, rritja do të jetë 37 mijë në muaj, herë 12 do të jetë 432 mijë. Dëgjo tani, dëgjo. Për vitin 2028 rritja do të jetë 54 mijë lekë për çdo muaj…
    Ore je mirë ti? Ore ku e ke bërë matematikën? Për 2029 në 72 në muaj. Të gjitha këto do jenë mbi 2 milionë lekë rritja. Bonusi është tepricë. Kur kemi tepricë, do të çojmë. Ne nuk bëjmë mbledhje kot. Kjemi bërë mbledhje për të parë se si mund të jetë. Kishim tepricë dy herë kët vit, se ti s’ke qenë këtu, bëmë një në dhjetor vjet, një në pranverë dhe një në dhjetor, po e marrin bonusin. Të lutem shumë. Erdhe këtu, gënjeve…”, u shpreh Balla.

  • Buxheti 2026 / 46 amendamente nga PD, dy nga Erion Braçe

    Buxheti 2026 / 46 amendamente nga PD, dy nga Erion Braçe

    Nga minimumi jetik, te pensionistët, përndjekurit politikë, arsimin e shëndetësinë, rritjen e buxhetit për bashkitë e pagat… Partia Demokratike propozon 46 ndërhyrje në projektbuxhetin e vitit të ardhshëm. Kërkesat që kanë marrë “bekimin” e Sali Berishës synojnë 5-fishimin e buxhetit për indeksimin e pensioneve dhe 3-fishimin e fondit për të përndjekurit politikë.
    Gjithashtu PD propozon që buxheti për arsimin dhe shëndetësinë të rritet në 5 për qind të prodhimit të brendshëm bruto, ndërsa subvencioneve në bujqësi dhe prodhimit vendas t’i shtohen 170 milionë euro.
    Demokratët kërkojnë ndërkohë që nga buxheti i vitit të ardhshëm, barnave të ri t’i shtohen 60 milionë euro, ndërsa pagat e administratës të rriten me 10 për qind. Të djathtët propozojnë që pagat në arsim e shëndetësi të rriten me 20 për qind, ndërsa kërkimit shkencor dhe bashkive t’u shtohen respektivisht 20 dhe 130 milionë euro.
    Partia E Lirisë ka propozuar 12 amendime ligjore. Në fokus të amendamenteve janë rritja reale e pensioneve, mbështetja për bujqësinë, sektorin e shëndetësisë, arsimin, shkencën, sportin dhe sigurinë ushqimore. Konkretisht,
    Partia e Lirisë propozon, së pari, “alokimin e një fondi prej 16,2 miliardë lekë për rritjen e pensioneve, në mënyrë që pensionistët vitin e ardhshëm të mos përfitojnë vetëm 60 lekë në ditë në qytet apo 20 lekë në ditë në fshat, por një rritje reale dhe të ndjeshme të pensioneve”.
    Nga socialistët, i vetmi që ka propozuar ndryshime ligjore është Erion Braçe, me dy amendamente.

  • Sigurimi i detyrueshëm nga tërmetet, ministri Malaj jep afatin e miratimit të ligjit

    Sigurimi i detyrueshëm nga tërmetet, ministri Malaj jep afatin e miratimit të ligjit

    Ministri i Financave, Petrit Malaj ka deklaruar se brenda këtij muaji pritet të miratohet në qeveri projektligji për sigurimin e detyrueshëm të banesave nga tërmetet.
    Malaj tha gjatë një interviste për ‘Vizon Plus’ se pr/ligji është hartuar në bashkëpunim me Bankën Botërore dhe në bazë të praktikave më të mira ndërkombëtare.
    Ai shtoi se për këtë nismë ligjore, tashmë janë ezauruar edhe konsultimet publike me grupet e interesit.
    “Është një pr/ligj shumë i mirë i cili siguron të gjitha banesat e qytetarëve ndaj tërmeteve. Fondi i sigurimit nga tërmeti do të menaxhohet nga shteti. Do të jetë një kompani shtetërore që do të menaxhojë këtë fond dhe do të garantojë edhe pagesën e primeve në rast të fatkeqësive natyrore”, deklaron ministri.
    I pyetur nëse do ketë tarifë të unifikuar si për atë që ka apo nuk ka rrezik nga tërmeti, kreu i Financave bëri me dije se akoma nuk është përcaktuar një çmim, por që do të jetë lehtësisht i përballueshëm nga familjet shqiptare.
    Malaj: Synojmë pension mesatar 400 euro deri në fund të mandatit
    Malaj, konfirmoi sot gjatë një interviste televizive se skema e bonusit për pensionistët po i lë vendin një politike të re rritjeje të qëndrueshme.
    Sipas tij, viti 2026 shënon fillimin e reformës së thellë të pensioneve, me objektivin që deri në fund të mandatit pensioni mesatar urban të arrijë në 40 mijë lekë, duke u afruar me nivelin 400 euro.
    Ministri tha se, fondet për rritjen e pensioneve janë të parashikuara deri në vitin 2028.
    “Reforma e pensioneve është një sfidë për qeverinë. Skema e pensioneve dhe reformimi i saj kërkon sforco të madhe buxhetore. Ne jemi në rrugën e duhur. Nëpërmjet politikës që po ndjekim, që nga 2026 e në vijim – që është reflektuar edhe në buxhetin afatmesëm – ne synojmë që deri në fund të mandatit pensioni mesatar urban të shkojë në 40 mijë lekë, pensioni urban i pjesshëm në 22 mijë lekë, pensioni rural në 18 mijë lekë, pensioni familjar po në 18 mijë lekë dhe pensioni për invaliditetin të shkojë në 30 mijë lekë. Fondet për të arritur këtë objektiv janë parashikuar deri në vitin 2028 në projektbuxhetin afatmesëm. Vetëm për vitin që vjen kostoja e rritjes së pensioneve është 105 milionë euro. Ndërsa deri në fund të vitit 2028 kostoja totale e kësaj reforme është 1,7 miliardë euro”, tha Malaj.
    Ai iu përgjigj edhe akuzave të opozitës, duke sqaruar se buxheti afatmesëm garanton mjetet e nevojshme për këtë projekt madhor.
    Për bonusin e fundvitit, Malaj tha se vendimi do të merret në shtator, në varësi të ecurisë ekonomike.
    “Bonusi do të vlerësohet në varësi të ecurisë ekonomike për vitin që vjen. Në shtator qeveria do të vlerësojë në bazë edhe të të dhënave buxhetore nëse do të miratojmë bonusin e fundvitit 2026”, tha Malaj.
    Ndërsa bonuset e pranverës nuk janë më pjesë e politikës buxhetore, pasi skema e re synon rritje të rregullt të pensioneve.
    “Buxheti burimet i ka të limituara, por ne kemi nisur një reformë. Deri sa të reformonim skemën, u planifikua që të operohej me bonuese. Tashmë që kemi nisur reformimin e skemës, nuk do të thotë që do të funksionojmë me bonuse të përvitshme”, tha Malaj.
    Ministri bëri të ditur se viti 2026 sjell për herë të parë indeksimin 2,5% të pagave në administratë, ndërsa disa kategori do të përfitojnë edhe rritje të ndjeshme: shoferët, sanitarët, arkivistët, punonjësit e protokollit, infermierët, mjekët dhe policët, të cilëve për herë të parë do t’u njihet vjetërsia në punë, me rritje deri në 25%.
    “Përfitues të indeksimit janë të gjithë punonjësit, nga shoferi, deri te niveli më i lartë. Ndërsa për disa kategori do të kemi rritje të pagave. Konkretisht, punonjësit e shërbimeve mbështetëse ku përfshihen shoferët, sanitarë, arkivistë, protokoll etj. Por rritje do të përfitojnë dhe infermierët, mjekët dhe policët, që për herë të parë do t’u njihet vjetërsia në punë. Rritja për këta të fundit arrin deri në 25%”, tha Malaj.
    Malaj gjithashtu konfirmoi se institucionet ndërkombëtare kanë dhënë dakordësinë e tyre për projektin.
    “Paqja fiskale nuk është amnisti. Ne nuk ofrojmë siguri juridike për evazorët, nuk amnistojmë ata me ndjekje penale, ata me vendim gjykate, ata që janë në hetim tatimor. Mbi të gjitha, kemi vënë një kufi që tatimfitimi që do të duan të rideklarojnë nuk mund të jetë më shumë se 30% e tatimit të deklaruar. Në frymën e transparencës ky projekt është konsultuar me FMN, e cila është dakord me këtë projekt, nuk e ka kundërshtuar fshirjen dhe legalizimin”, tha Malaj.
    “E vetmja rezervë që ka FMN, ka të bëjë me cenimin e progresit të arritur deri më tani në mbledhjen e taksave. Po ashtu, edhe me Bashkimin Europian jemi konsultuar. Kjo nismë është bazuar në modelin italian. Pra është një praktikë europiane”, deklaroi Malaj.

  • S’ka më bonus fundviti? Ministri Malaj trondit pensionistët me deklaratën e fundit, zbulon planin që ndryshon gjithçka

    S’ka më bonus fundviti? Ministri Malaj trondit pensionistët me deklaratën e fundit, zbulon planin që ndryshon gjithçka

    Ministri i Financave Petrit Malaj, gjatë një interviste televizive, ka sqaruar se politika e ndjekur deri më tani me bonuse për pensionistët po mbaron. Viti 2026 është dëshmi e kësaj politike, pasi objektivi i qeverisë është që deri në fund të mandatit, pensioni mesatar të arritjë në 400 euro. Në përgjigje edhe të akuzave të opozitës, e cila thotë se fondi për bonusin  është ndarë përgjatë gjithë vitit, ministri nga studio e emisionit “E-ZONE” sqaroi se paratë për rritjen e pensioneve janë të parashikuara deri në vitin 2028.
    “Reforma e pensioneve është një sfidë për qeverinë. Skema e pensioneve dhe reformimi saj kërkon sforco të madhe buxhetore. Ne jemi në rrugën e duhur.  Nëpërmjet politikës që po ndjekim, që nga 2026 e në vijim që është reflektuar edhe në buxhetin afatmesëm, ne synojmë që deri në fund të mandatit pensioni mesatar urban të shkojë në 40 mijë lekë, pensioni urban i pjesshëm në 22 mijë lekë, pensioni rural në 18 mijë lekë, pensioni familjar po në 18 mijë lekë dhe pensioni për invaliditetin të shkojë në 30 mijë lekë. Fondet për të arritur këtë objektiv janë parashikuar deri në vitin 2028 në projektbuxhetin afatmesëm. Vetëm për vitin që vjen kostoja e rritjes së pensioneve është 105 milionë euro. Ndërsa deri në fund të vitit 2028 kostoja totale e kësaj reforme është 1.7 miliardë euro”, – tha Malaj në Vizion Plus.
    Por pavarësisht rritjes që parashikon qeveria të pensioneve, drafti ekonomik për vitin e ardhshëm nuk ka parashikuar bonus në fund të vitit. Ministri Malaj ka një përgjigje për këtë fakt.
    “Bonusi do të vlerësohet në varësi të ecurisë ekonomike për vitin që vjen. Në shtator qeveria do të vlerësojë në bazë edhe të të dhënave buxhetore nëse do të miratojmë bonusin e fundvitit 2026”, – tha Malaj.
    Por këtë vit, pensionistët përpara zgjedhjeve të përgjithshme morën një bonus dhe u premtua se do të marrin çdo vit bonus në pranverë. Por pse për bonusin e pranverës nuk flitet më?
    “Buxheti burimet i ka të limituara, por ne kemi nisur një reformë. Deri sa të reformonim skemën, u planifikua që të operohej me bonuese. Tashmë që kemi nisur reformimin e skemës, nuk do të thotë që do të funksionojmë me bonuse të përvitshme”, – tha Malaj.
    Pyetje: Pra mund të themi që po mbaron koha e bonuesve dhe do të kemi rritje çdo vit?
    “Po, kjo është politika jonë”, përfundoi ministri Malaj.

  • “Të rritet mosha dhe të hiqen…”/ Preket formula e llogaritjes së pensionit, ja propozimet për skemën e re

    “Të rritet mosha dhe të hiqen…”/ Preket formula e llogaritjes së pensionit, ja propozimet për skemën e re

    ‘Thembra e Akilit’ për qeverinë mbeten ‘pensionet’, ku mijë qytetarë presin sa do të rritet pagesa mujore, pas rishikimit të skemës së miratuar një dekadë më parë, e cila është premtuar se do të bëhet publike vitin e ardhshëm.
    Ndryshimet duhet ti përgjigjen jo vetëm sfidës së pensioneve të ulta, kërcënimit demografik, nëndeklarimit të pagave por edhe garantimit të një minimumi jetik për këtë kategori. Themelet e skemës së 2014-ës, pritet të rishikohen me reformën e re, e cila do të pasojë mbështetjen me bonuse që nis nga janari 2026.
    Prej gati 2 vite një grup pune është ngritur në qeveri mes disa institucioneve, me mbështetjen edhe të Bankës Botërore, po ‘gatuajnë’ skemën e re.
    Disa nga propozimet e Bankës Botërore për qeverinë shqiptare kanë të bëjnë me rishikimin e formulës si llogaritet pensioni, të rishikohet mosha e daljes në pension, të hiqen përfitimet suplementare, të mos ketë indeksime progresive, të ketë skema me kontribute fikse e deri tek fuqizimi i skemës private.
    Një propozim i bërë nga Banka Botërore për skemën e pensioneve është që pensioni social të mos merret automatikisht pasi mbush moshën 70 vjeç, por kjo kategori të marrë për aq sa kanë kontribuar, dhe jo siç aktualisht ndodh, që pavarësisht nëse kanë kontribuar apo jo marrin pension social prej rreth 100 euro.
    Propozimi tjetër që është bërë për të mbështetur këtë heqje të kufizimit prej 15 vitesh, Banka Botërore thotë se duhet të rishikohet edhe formula e llogaritjes së pensionit. Propozohet që pensioni të përllogaritet kështu: Pension social + (norma e akumulimit × vitet e punës × masa e pagës). Norma e akumulimit = 0.7% për 15 vitet e para të kontributeve. Norma e akumulimit = 1.4% për çdo vit shtesë përtej 15 viteve.
    “Personat me më shumë se 15 vite kontribute, të cilët do të përfitonin nga norma më e lartë e akumulimit dhe personat me 1–14 vite kontribute, të cilët do të merrnin një pension që rritet në varësi të viteve të kontributit”, vlerëson Banka Botërore.
    Por nëse bëhet ky rishikim formule dhe pranohet që edhe për pensionin social të merren në konsideratë kontributet e paguara, Banka Botërore sugjeron që të rritet edhe mosha e daljes në pension social, nga 70 vjeç që është aktualisht në 72 vjeç.
    Madje sipas bankës për të inkurajuar qytetarët që të rrisin interesin për të kontribuar, propozohet shpërblim për ata me më shumë se 15 vite kontribute.
    Propozimi tjetër është heqja e përfitimeve suplementare që prek punonjësit e shtetit, e më së shumti ligjvënësit. Sipas Bankës eliminimi i përfitimeve për këto kategori edhe pse i vështirë politikisht, do të sillte efekte në shëndoshjen e skemës. Paratë që kursehen për të suplementarët mund të ridrejtohen për të rritur përfitimet e pensioneve për të gjithë.
    Veç fuqizimit të skemave private të pensioneve, me paketë me lehtësi, BB sugjeron që të futet një skemë e re me kontribute të përcaktuara si shtyllë e detyrueshme për kontribuuesit e rinj.
    Gjithashtu, sugjerohet që të mos vijohet me bonuse progresive, pasi përveç se i kushtojnë buxhetit mund të dëmtojnë drejtësinë dhe të krijojnë precedent me kosto të lartë.
    Skema e Pensioneve që ka nisur në vitin 2015, po përballet me një sërë sfidash, numri i ulët i kontribuuesve, sigurimet e pamjaftueshme për të paguar pensionet për pasojë është rritur deficiti, emigrimi, sfida demografike e sidomos informalitetiti si në punësimin në të zezë ashtu edhe me nëndeklarim të pagave.
    Aktualisht në Shqipëri janë rreth 750 mijë pensionistë, pjesa dërrmuese janë të pakënaqur me vlerën që marrin në fund të muajit, pasi gati 55% e pensioneve në vend janë të pjesshme, për mungesë të viteve të punës.
    Sipas të dhënave të Institutit të Sigurimeve Shoqërore pensionet e reja të lidhura vjet ishin me mesatarisht 27 vite punë.
    Ndërkohë vitin tjetër rritet përsëri mosha e daljes në pension për gratë. Nga 61 vjeç e 10 muaj këtë vit, në 2026-ën gratë do të dalin në pension pasi të mbushin 62 vjeç, kurse për burrat do të vazhdojë të jetë 65 vjeç. Për të dyja gjinitë rriten edhe vitet e punës për të marrë pension të plotë nga 38 vite e 8 muaj në 39 vite punë.

  • NIS SHPËRNDARJA E BONUSIT/ 750 mijë pensionistë marrin “shpërblimet” e festave të fundvitit

    NIS SHPËRNDARJA E BONUSIT/ 750 mijë pensionistë marrin “shpërblimet” e festave të fundvitit

    Edhe pse sot është ditë pushimi zyrtar, zyrat e postës në të gjithë vendin janë hapur posaçërisht për të pritur pensionistët, të cilët kanë nisur të tërheqin bonusin e fundvitit.
    Që prej orëve të para të mëngjesit, dhjetëra qytetarë janë paraqitur për të përfituar ndihmën financiare të akorduar nga qeveria për festat e fundvitit.
    Sipas Institutit të Sigurimeve Shoqërore, mbi 540 mijë përfitues do të marrin bonusin prej 15 mijë lekësh. Mes tyre janë të moshuarit me pension deri në 20 mijë lekë, përfitues të pensioneve të invaliditetit, pensioneve familjare e sociale, si dhe disa kategori të tjera.
    Ndërkohë, mbi 221 mijë persona të tjerë do të përfitojnë bonusin prej 10 mijë lekësh, që përfshin ata me pension mbi 20 mijë lekë, përfituesit e pensioneve të parakohshme dhe trajtimeve të veçanta financiare.
    Bonusi i fundvitit mund të tërhiqet gjatë gjithë muajit dhjetor, ndërsa për ata që nuk kanë mundësi brenda kësaj periudhe, afati i fundit i tërheqjes është 30 qershor 2026.
    Sipas Ministrisë së Financave, për këtë skemë janë alokuar 7.6 miliardë lekë, prej të cilave 5.9 miliardë lekë janë fonde shtesë të dedikuara posaçërisht për bonusin e fundvitit që mbulon rreth 750 mijë pensionistë.
    Ndërkohë, qeveria ka paralajmëruar se nga muaji janar i vitit të ardhshëm do të nisë një rritje graduale mujore e pensioneve, përtej indeksimit të zakonshëm vjetor, një masë që pensionistët e shohin me optimizëm.

  • Rama: Nis rritja progresive e pensioneve dhe paga minimale 500 euro nga janari 2026

    Rama: Nis rritja progresive e pensioneve dhe paga minimale 500 euro nga janari 2026

    Kryeministri Edi Rama njoftoi sot se nga 1 janari 2026 do të nisë rritja progresive e pensioneve në Shqipëri, një masë që synon përmirësimin gradual të mirëqenies së pensionistëve dhe fuqisë blerëse të qytetarëve.
    Gjatë nisjes së podkastit “Flasim”, Rama theksoi se politika e qeverisë për rritjen e pensioneve do të zbatohet në mënyrë të vazhdueshme gjatë viteve të ardhshme:

    “Me hyrjen e vitit të ri 2026 nis edhe historia e re e rritjes së pensioneve. Pensionet do të dyfishohen në janar 2027, do të trefishohen në janar 2028, do të katërfishohen në janar 2029, dhe do të pesëfishohen në janar 2030.”

    Kryeministri shtoi se ky plan i progresivitetit synon t’u japë pensionistëve një rritje reale dhe të qëndrueshme të të ardhurave, duke përmirësuar jetesën e tyre në mënyrë të konsiderueshme gjatë një dekade.

    Në të njëjtën kohë, Rama njoftoi se do të rritet edhe paga minimale, duke filluar nga 1 janari 2026.
    “Paga minimale do të jetë 500 euro, qoftë në sektorin publik, qoftë në sektorin privat,” – u shpreh ai.
    Kryeministri theksoi se këto masa janë pjesë e përpjekjeve të qeverisë për të përmirësuar standardet e jetesës, për të ulur pabarazitë dhe për të mbështetur qytetarët në të gjitha segmentet e shoqërisë. Ai nënvizoi gjithashtu rëndësinë e një ekuilibri të qëndrueshëm financiar dhe menaxhimit efektiv të burimeve për të siguruar që këto rritje të jenë të realizueshme dhe të vazhdueshme.
    Ky plan progresiv i rritjes së pensioneve dhe pagës minimale synon të ketë një ndikim pozitiv në ekonomi, duke rritur fuqinë blerëse të qytetarëve dhe duke stimuluar konsumimin brenda vendit.

  • “Nga janari nis dhe rritja e pensioneve dhe pagës minimale”, Rama: Shpërblimet për pensionistët janë nisur!

    “Nga janari nis dhe rritja e pensioneve dhe pagës minimale”, Rama: Shpërblimet për pensionistët janë nisur!

    TIRANË- Kryeministri Edi Rama në nisje të edicionit të 8-të të podcastit ‘Flasim” bëri përmbledhjen e çështjeve më të rëndësishme të javës, ku rritja e pensionit dhe e pagave ka marrë vëmendjen më të madhe. Kreu i qeverisë konfirmoi edhe një herë se shpërblimet janë nisur drejt pensionistëve të ndarë sipas kategorive.
    Rama u ndal edhe te premtimi i rritjes së pensioneve nga janari 2026, që nuk do të mbyllet vetëm aty. Sipas kryeministrit, rritja do të dyfishohet në janar 2027, do të trefishohet në janar 2028, do të katërfishohet në janar 2029, e do të pesëfishohet në janar 2030. Jo vetëm pensionet, rritje do të ketë edhe për pagën minimale deri në 500 euro, si në sektorin publik edhe në privat.
    “Miratuam këtë javë shpërblimin e fundvitit për pensionistët, duke i dhënë fund zërave të kënetës së madhe politike e mediatike, që helmuan gjyshër e gjyshe me informacionin e rremë se shpërblimi i këtij fundviti do të ndahej çdo muaj të vitit tjetër dhe këtë vit nuk do të kishte shpërblim. Jo, shpërblimet janë nisur drejt pensionistëve dhe kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro.
    Ndërkohë, me hyrjen e vitit të ri 2026 nis edhe historia e re e rritjes së pensioneve, të cilat do të nisin të rriten nga janari e do të dyfishohen në janar 2027, do të trefishohen në janar 2028, do të katërfishohen në janar 2029, e do të pesëfishohen në janar 2030.
    Më 1 janar 2026 do të rritet edhe paga minimale, tamam ashtu siç jemi zotuar. Ajo do të jetë 500 euro, qoftë në sektorin publik, qoftë në sektorin privat”, tha Rama

  • Rama për bonusin e fundvitit: Shpërblimet janë nisur drejt pensionistëve, nga janari nis edhe rritja e pensioneve

    Rama për bonusin e fundvitit: Shpërblimet janë nisur drejt pensionistëve, nga janari nis edhe rritja e pensioneve

    Kryeministri Edi Rama thotë se shpërblimi për pensionistët ka nisur dhe kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro.
    Në podkastin e tij, Rama po ashtu u shpreh se nga janari do të nisë edhe rritja e pensioneve, për t’u pesëfishuar në vitin 2030.
    Po ashtu nga janari nis edhe rritja e pagës minimale 500 euro për sektorin publik dhe privat.
    “Miratuam këtë javë shpërblimin e fundvitit për pensionistët, duke i dhënë fund zërave të kënetës së madhe politike e mediatike, që helmuan gjyshër e gjyshe me informacionin e rremë se shpërblimi i këtij fundviti do të ndahej çdo muaj të vitit tjetër dhe këtë vit nuk do të kishte shpërblim. Jo, shpërblimet janë nisur drejt pensionistëve dhe kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro.
    Ndërkohë, me hyrjen e vitit të ri 2026 nis edhe historia e re e rritjes së pensioneve, të cilat do të nisin të rriten nga janari e do të dyfishohen në janar 2027, do të trefishohen në janar 2028, do të katërfishohen në janar 2029, e do të pesëfishohen në janar 2030.
    Më 1 janar 2026 do të rritet edhe paga minimale, tamam ashtu siç jemi zotuar. Ajo do të jetë 500 euro, qoftë në sektorin publik, qoftë në sektorin privat”, tha Rama.

  • ‘Situata sot është në nivel mizerje’, Shehi për skemën e pensioneve

    ‘Situata sot është në nivel mizerje’, Shehi për skemën e pensioneve

    Ish-kreu i LZHK, Dashamir Shehi i ftuar në një studio televizive ka folur për rritjen e pensioneve.
    Shehi tha se Rama e ka kuptuar që kjo puna e pensioneve nuk shkon më.
    Më tej, Shehi u shpreh se situata nuk është më në nivel varfërie, por nivel mizerje.
    Sa i përket skemës së pensioneve, Shehi tha se ka një element propagande.
    “Rama e ka kuptuar që kjo puna e pensioneve nuk shkon më. Nuk është më nivel varfërie, sot është nivel mizerje. Gjithë skema që ka menduar ka një element propagande.
    Duhet një pension më dinjitoz. Se për 5 vite skema e pensioneve do 10 miliardë. Mund të përmirësohet dhe eficenca”, tha Shehi.