Lajmidites.com

Tag: partizani

  • ZYRTARE: Ndryshime te Partizani, trajneri i ri merr drejtimin

    ZYRTARE: Ndryshime te Partizani, trajneri i ri merr drejtimin

    Partizani ka njoftuar ndryshime në stafin teknik. Bëhet fjalë për ekipin B, që luan në Kategorinë e Dytë dhe jo skuadrën e Superiores.
    Oltion Kërnaja do të mbetet në ekipin e parë, ku kaloi pak javë më parë nga skuadra B. Në këtë situatë, drejtuesit kanë zgjedhur Ergys Lugën në stolin e Partizanit B, së bashku me Realf Zhivanajn.
    NJOFTIMI:
    Klubi njofton se dyshja drejtuese Ergys Luga & Realf Zhivanaj do të udhëheqin Partizani B deri në fund të sezonit. Stafi teknik do të vijojë punën me përkushtim dhe disiplinë, me fokus të plotë te arritja e objektivit sezonal.

  • Partizani-Flamurtari dhe Dinamo-Egnatia, njihuni me ndeshjet më të rëndësishme të javës së 16 të Superiores

    Partizani-Flamurtari dhe Dinamo-Egnatia, njihuni me ndeshjet më të rëndësishme të javës së 16 të Superiores

    Java e 16-të e “Abissnet Superiore” do të zhvillohet këtë të shtunë dhe të diel.
    Të shtunën në orën 16:30, Vora do të përballet me Elbasanin në stadiumin “Elbasan Arena”, ndërsa Flamurtari do të luajë në transfertë në stadiumin “Arena e Demave” përballë Partizanit.
    Teuta do të presë në shtëpi Tiranën e vendit të fundit, me takimin që do të luhet në ora 19:30.
    Sakaq, të dielën do të luhen edhe dy ndeshjet e tjera. Vllaznia pret Bylisin në “Loro Boriçi” në ora 16:30, ndërsa në ndeshjen përmbyllëse të javës së 16-të, Dinamo City luan kundër Egnatias në ora 19:00 në “Air Albania”.
    Java 16
    FK Vora – AF Elbasani, 13.12.2025 16:30
    Partizani – Flamurtari, 13.12.2025, ora 16:30
    Teuta – Tirana, 13.12.2025, ora 19:30
    Vllaznia – Bylis, 14.12.2025, ora 16:30
    Dinamo City – Egnatia, 14.12.2025, ora 19:00

  • Nis Liga Unike për femra, ekipet kosovare triumfojnë ndaj Flamurtarit dhe Partizanit

    Nis Liga Unike për femra, ekipet kosovare triumfojnë ndaj Flamurtarit dhe Partizanit

    Ka ngritur siparin edicioni i radhës së Ligës Unike në basketboll për femra. Në turneun mbarëkombëtar të basketbollit marrin pjesë 6 ekipe: Tri nga Shqipëria (Flamurtari, Tirana e Partizani) dhe tri nga Kosova (Bashkimi, Prishtina e Peja).
    Në ndeshjet e para kanë dalë fituese ekipet nga Kosova. Kështu, skuadra e Peja 03 fitoi në Vlorë ndaj Flamurtarit vendës me rezultatin 82-70. Gjithçka u vulos që në pjesën e parë në favor të kosovareve, që u shkëputën 47-24 dhe më pas administruan avantazhin.
    Në Prizren, skuadra vendase e Bashkimit mundi pa probleme 90-53 Partizanin, një ndeshje me dy pamje. Në pjesën e parë Partizani luajti mirë dhe udhëheq rezultatin 38-36. Por, në 20 minutat e dyta skuadra kosovare përmbys gjithçka dhe shkëputet ndjeshëm, duke e merituar fitoren.
    Liga Unike-Femra, Java e parë
    Flamurtari – Peja 03, 70-82
    Bashkimi – Partizani, 90-53
    Prishtina – Tirana, e pacaktuar data
    Renditja: Bashkimi 2 pikë, Peja 2 pikë, Flamurtari 1 pikë, Partizani 1 pikë, Prishtina 0 pikë, Tirana 0 pikë.

  • Liga “Gjergj Kastrioti”/ Skënderbeu “dopio” fitore në kryeqytet, Partizani merr kryesimin me meshkujt

    Liga “Gjergj Kastrioti”/ Skënderbeu “dopio” fitore në kryeqytet, Partizani merr kryesimin me meshkujt

    Janë luajtur takimet e raundit të tretë të Ligës “Gjergj Kastrioti” në volejboll për meshkuj e femra, turneu mbarëkombëtar i rrjetës mes ekipeve nga Shqipëria dhe Kosova.
    Te femrat, Pogradeci qëndron i pamposhtur në Grupin A pas fitores 3-2 ndaj Tiranës (25-20, 25-15, 23-25, 25-27, 15-8). Kjo është fitorja e tretë për pogradecaret në këtë turne me këtë rezultat, duke qëndruar në vendin e dytë, një pikë pas bardhebluve.
    Në Grupin B, ekipi i Skënderbeut korri fitoren e parë, duke mundur 3-0 Dinamon (25-12, 25-20, 25-21). Gjithsesi, korçaret qëndrojnë në vendin e tretë, ndërsa “blutë” mbyllin renditjen ende pa asnjë pikë në këtë turne.
    Te meshkujt, në Grupin A, Partizani merr kreun e renditjes pas fitores 3-0 ndaj Vllaznisë, ndeshje e luajtur në Shkodër (25-21, 25-21, 25-14). Për shkodranët kjo është humbja e parë në këtë turne dhe zbresin në vendin e dytë.
    Në Grupin B, Skënderbeu fitoi 3-2 ndaj Tiranës në “Fahrie Hoti”, në një ndeshje me shumë emocione dhe rivalitet (25-15, 25-20, 23-25, 20-25, 16-14). Fitorja ngjit korçarët në vendin e parë në renditje, ndërsa Tirana ndjek me një pikë më pak.
    Liga Gjergj Kastrioti-Femra, Grupi A (raundi 3)
    Tirana – Pogradeci, 2-3
    Drita – Fushë Kosova, 11 dhjetor
    Renditja: Tirana 7 pikë, Pogradeci 6 pikë, Drita 1 pikë, Fushë Kosova 1 pikë.
    Liga Gjergj Kastrioti-Femra, Grupi B (raundi 3)
    Dinamo – Skënderbeu, 0-3
    Ferizaj – Fer Volej, 1-3
    Renditja: Fer Volej 9 pikë, Ferizaj 5 pikë, Skënderbeu 4 pikë, Dinamo 0 pikë.
    Liga Gjergj Kastrioti-Meshkuj, Grupi A (raundi 3)
    Vllaznia – Partizani, 0-3
    Ferizaj – Skëndebeu Kos, 11 dhjetor
    Renditja: Partizani 7 pikë, Vllaznia 5 pikë, Ferizaj 3 pikë, Skënderbeu Kos 0 pikë.
    Liga Gjergj Kastrioti-Meshkuj, Grupi B (raundi 3)
    Tirana – Skënderbeu, 2-3
    Drita – Peja, 0-3
    Renditja: Skënderbeu 8 pikë, Tirana 7 pikë, Peja 3 pikë, Drita 0 pikë.

  • Shtyhet sërish seanca për dosjen “Partizani”, këtë herë mungonte gjyqtarja

    Shtyhet sërish seanca për dosjen “Partizani”, këtë herë mungonte gjyqtarja

    sali berisha dhe jamaber malltezi

    TIRANË- Gjykata e Posaçme ka shtyrë për në datën 22 dhjetor, në orën 11:00, shqyrtimin e dosjes “Partizani”. Seanca ditën e sotme dështoi për shkak të mosplotësimit të trupit gjykues, për shkak se gjyqtarja Rudina Palloj mungonte për arsye shëndetësore. Në këtë çështje janë të pandehur ish-kryeministri Sali Berisha, dhëndri i tij, Jamarbër Malltezi dhe 6 persona të tjerë. Dosja “Partizani” ndodhet në fazën e parashtrimeve paraprake të palëve. 
    Ish-kryeministri Sali Berisha akuzohet për “korrupsion pasiv të zyrtarëve të lartë”, kryer në bashkëpunim, ndërsa Jamarbër Malltezi për korrupsion aktiv dhe pastrim parash.
    Dosja lidhet me privatizimin e ish-kompleksit sportiv “Partizani” në Tiranë, që dikur ishte pronë e Ministrisë së Mbrojtjes. Hetimet e SPAK pretendojnë se ky proces është zhvilluar në mënyrë të paligjshme dhe ka sjellë përfitime të padrejta për Jamarbër Malltezin, dhëndrin e ish-kryeministrit Sali Berisha./ZËRI 

  • Shtyhet sërish gjyqi për dosjen “Partizani”, ja kur do të mbahet seanca e radhës

    Shtyhet sërish gjyqi për dosjen “Partizani”, ja kur do të mbahet seanca e radhës

    Gjykata e Posaçme ka shtyrë sërish shqyrtimin e dosjes “Partizani”. Mësohet se shkak për shtyrjen e seancës është bërë mosplotësimi i trupit gjykues, për shkak të mungesës së gjyqtares Rudina Palloj.
    Seanca e radhës është caktuar më datë 22 dhjetor, ora 11:00.
    Në këtë çështje janë të pandehur ish-kryeministri Sali Berisha, dhëndri i tij, Jamarbër Malltezi dhe disa persona të tjerë. Sipas SPAK-ut, Berisha në kohën kur ka qenë kryeministër ka vendosur në funksion të interesave të dhëndrit të tij bazën ligjore, si edhe ka ushtruar presion mbi vartësit për të nxitur plotësimin sa më të shpejtë të procedurave të kthimit të pronës dhe privatizimit të godinave të degraduara të ish-klubit sportiv “Partizani”.
    Si Berisha ashtu edhe Malltezi i kanë kundërshtuar akuzat dhe e kanë cilësuar hetimin si të orkestruar nga kryeministri Edi Rama.
    Të pandehurit e dosjes “Partizani”:

    Sali Berisha, ish kryeministër – akuzohet për “Korrupsionit pasiv të funksionarëve të lartë shtetërore ose të zgjedhurve vendorë”, kryer në bashkëpunim.
    Jamarbër Malltezi – dhëndri i ish-kryeministrit – akuzohet për “Korrupsioni pasiv të funksionarëve të lartë shtetërore ose të zgjedhurve vendorë”, kryer në bashkëpunim dhe për “Pastrimit të produkteve të veprës penale ose veprimtarisë kriminale”.
    Fatmir Bektashi – Ndërtuesi akuzohet “Korrupsionit aktiv të funksionarëve të lartë shtetërorë” dhe “Pastrim parash”
    Xhimi Begeja – Trashëgimtar i tokës dhe bashkëpronar i “Homeplan” akuzohet për “Pastrim Parash”
    Andia Pustina – Financierja që kryente të gjitha operacionet financiare dhe ligjore të “Homeplan sh.p.k” – akuzohet për “Pastrim Parash”

  • Afera ‘Partizani’/ Shtyhet sërish seanca gjyqësore, këtë herë mungon…

    Afera ‘Partizani’/ Shtyhet sërish seanca gjyqësore, këtë herë mungon…

    Gjykata e Posaçme shtyu për më 22 dhjetor, ora 11:00, shqyrtimin e dosjes “Partizani”. Seanca dështoi për shkak të mosplotësimit të trupit gjykues, për shkak se gjyqtarja Rudina Palloj mungonte për arsye shëndetësore.
    Në këtë çështje janë të pandehur ish-kryeministri Sali Berisha, dhëndri i tij, Jamarbër Malltezi dhe 6 persona të tjerë.
    Dosja “Partizani” ndodhet në fazën e parashtrimeve paraprake të palëve.

  • Shtyhet sërish seanca për “Partizanin”, këtë herë mungon gjyqtarja Palloj

    Shtyhet sërish seanca për “Partizanin”, këtë herë mungon gjyqtarja Palloj

    Gjykata e Posaçme shtyu për më 22 dhjetor, ora 11:00, shqyrtimin e dosjes “Partizani”. Seanca dështoi për shkak të mosplotësimit të trupit gjykues, për shkak se gjyqtarja Rudina Palloj mungonte për arsye shëndetësore.
    Në këtë çështje janë të pandehur ish-kryeministri Sali Berisha, dhëndri i tij, Jamarbër Malltezi dhe 6 persona të tjerë.
    Dosja “Partizani” ndodhet në fazën e parashtrimeve paraprake të palëve.

  • Afera ‘Partizani’/ GJKKO mban sot seancën e radhës për Berishën, Malltezin dhe të pandehurit e tjerë

    Afera ‘Partizani’/ GJKKO mban sot seancën e radhës për Berishën, Malltezin dhe të pandehurit e tjerë

    Zhvillohet sot në GJKKO seanca e radhës për dosjen “Partizani” me të pandehur Sali Berishën, dhëndrin e tij Jamarbër Malltezi dhe tre të tjerët. Seanca nis në orën 12:30. Seanca e kaluar u shty për shkak të mungesës së avokatit Sokol Hazizaj dhe Vasilika Hysit që mbrojnë biznesmenin Fatmir Bektashi dhe dy kompanitë.
    Më herët, gjykata rrëzoi kërkesën e Berishës dhe të tjerëve për pavlefshmëri të akteve dhe provave që janë gjetur nga SPAK, me argumentin se kërkesa është e pabazuar në ligj dhe prova. Bëhej fjalë për vendimet e marra nga gjyqtarja e hetimeve paraprake Irena Gjoka, e sulmuar nga Berisha.
    Dosja për aferën Partizani kaloi për gjykim më 19 maj. Berisha do të gjykohet për akuzën e korrupsionit pasiv të zyrtarëve të lartë pasi akuzohet se, në cilësinë e kryeministrit, ka ndërmarrë veprime konkrete në miratim ligjesh dhe aktesh nënligjore, ku përfitues ishte edhe dhëndri i tij.
    Edhe Jamarbër Malltezi është nën akuzë për korrupsion por edhe për pastrim parash. Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.
    Ortaku i Malltezit, Fatmir Bektashi akuzohet për korrupsion dhe pastrim parash, ndërsa trashëgimtari i tokës Xhimi Begeja dhe financierja Andia Pustina, që merrej me punët financiare dhe ligjore të kompanisë “Homeplan”, akuzohen për pastrim parash. Po ashtu, në gjyq për pastrim parash janë edhe tre kompanitë “Kontakt”, “Homeplan” dhe “Studio Pustina”.

  • Kërnaja theu “tersin” te Partizani, tashmë synon rekorde për veten

    Kërnaja theu “tersin” te Partizani, tashmë synon rekorde për veten

    Oltijon Kërnaja është i njohur si trajneri i deklaratave të bujshme te Partizani. Trajneri tropojan është treguar i vendosur që në fillim, duke treguar synimet për më tepër.
    Pas barazimit me Elbasanin në transfertë, Kërnaja i befasoi të gjithë duke treguar hapur objektivin: “Nuk na mjafton vetëm të mos mundemi për ‘Final 4’. Por duke mos humbur, bëjmë hapin cilësor për të shkuar te fitorja. Kemi tri ndeshjet e radhës në Tiranë me Bylisin, Tiranën dhe Flamurtarin dhe me 9 pikë mund të kapim ‘Final 4′”, u shpreh Kërnaja.

    Ky i fundit dukshëm rrezikoi duke folur me besim për Partizanin, që ndërkohë i mungonin dy fitore radhazi në kampionat prej nëntorit të kaluar. Fakt është se Partizani fitoi sfidën me Bylisin dhe më pas ndaj Tiranës, për më tepër pa pësuar gol. Tashmë është radha e Flamurtarit, që në rast fitoreje të mbahet edhe fjala e thënë si një premtim.
    FITORJA NË DERBI DHE ECURIA- Nuk do të jetë çudi, nëse Partizani mposht Flamurtarin që po ashtu ka surprizuar me disa rezultate. Kjo pasi Kërnaja ka thyer tashmë një ters. Bëhej fjalë për derbin ku fitorja mungonte prej prillit të kaluar. Ishin luajtur pesë takime dhe asnjë prej tyre nuk e nxori Partizanin me 3 pikë. Po ashtu edhe forma e Partizanit është në rritje. Dy fitore radhazi sërish shikohen si çlirim.
    Për të parë tri fitore radhazi nga të kuqtë ndërkohë duhet të kthehemi në sezonin 2023/24. Bëhet fjalë për Orges Shehin, që në fundin e kampionatit regjistronte gjashtë fitore radhazi, por më pas humbi finalen me Egnatian. Pra nga maji i vitit 2024, Partizani nuk e provon këtë ndjesi në kampionat. Bylisi, Flamurtari dhe Tirana u panë si rivalë për mbijetesën gjatë kohës që Kërnaja dha deklaratën e bujshme. Tashmë gjërat po ndryshojnë. Nëse Partizani fiton edhe ndaj Flamurtarit, atëherë llogaritë e vërteta bëhen me ekipet e renditura më sipër në renditje.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb