Kreu i “Shqipëria Bëhet”, Adriatik Lapaj, vijon të protestojë përpara godinës së Kryeministrisë ndërsa sonte nuk i ka kursyer akuzat ndaj ish-aleatit të tij, Endrit Shabani.
Ai e ka quajtur Shabanin shërbëtor të Edi Ramës ndërsa theksoi se në Parlament po luhet një akt i turpshëm pasi po garantohet që të shpërblehet tradhtari i kauzës.
“Personalisht për mua është një ditë krenarie e madhe, pse do të thoni ju? Sepse tërë këto muaj, më është dashur që të mbaj mbi supe tradhtinë e një njeriu 5 lekësh, që sot po dëshmohet në Parlament se ishte shërbëtor i Edi Ramës. Sot në Parlament po luhet një akt i turpshëm, po garantohet që të shpërblehet tradhtari i kauzës, i cili ka qenë në në fillim me atë qëllim”, tha Lapaj.
Tag: parlament
-
Lapaj akuza Endrit Shabanit: Shërbëtor i Ramës, prej kohësh mbajta në supe tradhtinë e një njeriu 5 lekësh
-
Berisha: ” Qeshte Lubia një vit më parë kur i thoja do kesh fatin e Lal Vjedhësit”, sot nuk futet dot në parlament
Kreu i PD-së Sali Berisha mbajti fjalën e tij sot në aktivitetin për 35-vjetorin e krijimit të Partisë Demokratike, organizuar në oborrin e selisë blu.
Berisha në fjalën e tij përmendi edhe korrupsionin e mazhorancës pa harruar zv.kryeministren Belinda Balluku.
Kryedemokrati kujtoi një vit më parë kur i thoshte Ballukut se do ketë fatin e Erion Veliajt, por ajo qeshte.
Sot, shton Berisha, ajo nuk futet dot në parlament.
Berisha: Por ky përvjetor i themelimit të PD është më i veçanti, sepse atë që kemi arritur është shumë. PD është e demokratëve, deri para një viti asnjë mbështetje ndaj padrejtësive që na u bënë, sot 7 rezoluta ndërkombtarë që denocojnë farsën e Ramës. Rama, Soros dhe mafia e tij shpallën non grata Sali Berishën. Por sot ai që mori vendimin është shpallur non grata në vendin e tij. Na treguan barin, por sot hetohen për korrupsion. Qeshte Lubia një vit më parë kur i thoja do kesh fatin e Lal Vjedhësit, ndërsa tani nuk fute dot në parlament. Sot i them Edi Rama pas lubisë e ke radhën ti. -
“Lubia s’guxon të vijë në Parlament”/ Berisha-socialistëve: Keni rënë, morët fund! Ç’paralajmëroi kreu i PD-së
Kreu i PD-së, Sali Berisha komentoi mungesën e Belinda Ballukut, e marrë e pandehur nga SPAK dhe e pezulluar nga detyra me vendim të GJKKO-së, duke u shprehur se “Lubia s’guxon të vijë në Parlament”.
Berisha paralajmëroi se “po zhvillohet një betejë”, teksa shtoi se do ta deshifrojë më vonë se për çfarë bëhet fjalë.
Ai shtoi se “frika e Ramës ka kufij vetëm qiellin”, ndërsa theksoi se “po gjë në botë që të mbyllë dosjen e tij s’ka”.
“Ku e keni Ramën? Pas Lubisë? Ku e keni? A e kuptoni se është bërë gaz. E kuptoni ku jeni katandisur, ai dhe Lubia nuk guxojnë të vijnë në parlament, nuk guxojnë të dalin para shqiptarëve. Ju keni rënë, keni marrë fund.
Frika e tij ka kufij vetëm qiellin, po zhvillohet një betejë, do ua deshifroj më vonë. Po gjë në botë që të mbyllë dosjen e tij s’ka , ndaj nuk guxon të vijë e përgjigjet në interpelanca”, tha Berisha. -
Mblidhet grupi parlamentar i PD, Berisha: Platformë për ripopullimin e vendit
Partia Demokratike ka mbledhur sot, 8 dhjetor, grupin parlamentar. Ajo u drejtua nga kreu i partisë, Sali Berisha, i cili paralajmëroi paraqitjen e një platforme për ripopullimin e vendit.
“Ne do paraqesim në parlament elementët bazë të platformës sonë për ripopullimin e vendit. Në qoftë se nuk bëhen hapat e parë të mbështetura financiarisht ne po ecim drejt një humnere kombëtare. Në qoftë se fillojmë këtë vit do duhen 30 gjer në 50 vjet për të arritur aty ku ishim në vitin 2013”, tha Berisha.
Para deputetëve demokratë u ndal ndër të tjera edhe te situata ekonomike në vend. Ai bëri me dije se në parlament do të paraqitet edhe një amendament për minimumin jetik 200 euro.
“Me këtë rritje çmimesh është e domosdoshme që minimumi jetik të jetë mbi 200 euro. Minimumin jetik nuk e kompenson asnjë lloj rritjeje tjetër. Ndaj dhe vendosja e minimumit jetik do të jetë e vetmja betejë në parlament”, tha Berisha.
Më tej ai shtoi se, “në këtë rritje ekonomike për herë të parë pas 32 vitesh, ekonomia shqiptare në rritje është minorancë, ka kontribut minorance. Për herë të parë në 32 vite shteti është kontributor kryesor, jo se janë sipërmarrjet publike të shtetit. Se ka shtete që menaxhojnë sektorë publikë prodhimi që predominon mbi sektorin privat”.
-
Reforma Zgjedhore, Bylykbashi: S’mund të funksionoje ky komision nëse s’ka Parlament normal
Në mbledhjen e Komisionit të Posaçëm për realizimin e Reformës Zgjedhore, Oerd Bylykbashi, i cili është bashkëkryetar, u shpreh se ky komision nuk mund të funksionojë nëse nuk ka Parlament normal.
Sipas demokratit, kalendari ka qasje të ftohtë dhe temat duhet të trajtohen të shkëputura.
Ndërkohë Damian Gjiknuri i bëri thirrje dhe partive të tjerë, të vogla, të marrin pjesë e këtyre punimeve.
Pjesë nga mbledhja:
Bylykbashi: Klima e funksionimit të parlamentit duhet të jetë normale. Një parlament që mbyllet brenda gjysmë një orë apo nuk lejohet debati. Nuk mund të jetë ishull normaliteti. Do thoja diçka të parë, ky kalendar ka një qasje të ftohtë, tematikat janë të të gjalla dhe të nxehta. Temat nuk duhet të trajtohen të shkëputura. E dyta nuk mund të kufizohemi vetëm te rekomandimet e fundit të ODIHR. Ka rekomandime shumë serioze për problematikat e shkuara. Ne do i trajtojmë të gjitha.
Gjiknuri: Po kanë pretendime për sistemin zgjedhor kjo është tavolina ku duhet të zgjidhet, bëj thirrje që të sjellin anëtarin, dhe partitë që s’kanë anëtar të japin pjesë e këtyre punimeve dhe debateve. -
“Jam mësuar të flas përpara hajdutëve në Parlament”/ Korreshi në protestë: Ka ardhur dita t’i varen prangat…
Protesta e Partisë Demokratike para Kryeministrisë vijoi me fjalimin e deputetit Saimir Korreshi, i cili u ngjit në foltoren e improvizuar përballë godinës së qeverisë, duke artikuluar akuza të forta ndaj kryeministrit Rama dhe kabinetit të tij.
Korreshi tha se ndjente një emocion të veçantë teksa fliste para qytetarëve, ndërsa theksoi se ishte “mësuar të fliste para hajdutëve në Parlament”. Ai u bëri thirrje qytetarëve për bashkim kundër, siç u shpreh, “korrupsionit që ka mbërthyer vendin”.
“Ka ardhur dita që prangat t’u varen në mes të këtij sheshi nga ju,” deklaroi ai, duke iu drejtuar protestuesve. Korreshi solli në vëmendje kategoritë e ndryshme të shoqërisë që, sipas tij, po vuajnë pasojat e qeverisjes aktuale: nënat që u mungojnë fëmijët e larguar nga vendi, bujqit që punojnë në kushte të vështira, minatorët në greva, studentët që gjejnë universitetet të mbyllura dhe qytetarët që përballen me mungesë shërbimi në spitale.
Deputeti demokrat përsëriti thirrjen “Rama ik”, duke e akuzuar kryeministrin dhe ministrat për “vjedhje të përditshme” të buxhetit të shtetit. “Rama me 40 hajdutë e kemi thënë, por po bëhen 500. Nuk ka mbetur gjë pa vjedhur,” u shpreh ai.
Korreshi kritikoi gjithashtu trajtimin e buxhetit dhe ndihmës ekonomike, duke e cilësuar si nënçmues për qytetarët që jetojnë me vështirësi. “Është dita jonë që t’i japim fund kësaj makutërie,” u tha ai protestuesve, duke i ftuar të vijojnë presionin ndaj qeverisë. -
Senatorja e ekstremit të djathtë në Australi shfaqet në parlament e veshur me burka, shkakton zemërim dhe akuza për racizëm
Senatorja australiane e ekstremit të djathtë, Pauline Hanson, u shfaq në parlament e veshur me burka, në një përpjekje për të nxitur ndalimin e mbulesës myslimane në publik, duke marrë kritika nga senatorët myslimanë të cilët e akuzuan atë për racizëm.
Hanson e veshi burkën menjëherë pasi iu mohua leja për të prezantuar legjislacionin që do të ndalonte burkën dhe mbulesat e tjera që mbulojnë të gjithë fytyrën në publik në Australi. Ishte hera e dytë që Hanson mbulonte plotësisht fytyrën, me veshjen e përdorur nga gratë myslimane, në parlament, në përpjekjen e saj për ta ndaluar atë në publik.
Senati reagoi me zemërim kur Hanson hyri në sallë e veshur me burkë, dhe seanca u pezullua kur ajo refuzoi ta hiqte atë.
“Kjo senatore është raciste e hapur”, tha Mehreen Farooqui, një senatore myslimane e të Gjelbërve nga shteti i Uellsit të Ri Jugor. Nga ana e saj, Fatima Paiman, një deputete e pavarur myslimane nga shteti i Australisë Perëndimore, e quajti veprimin e Hanson “të turpshëm”. Si Penny Wong, udhëheqësja e partisë së majtë të qendrës në pushtet në Senat, ashtu edhe Anne Ruston, zëvendëskryetarja e opozitës, e dënuan veprimin.Breaking: The Senate has been suspended after One Nation Senator Pauline Hanson entered the chamber wearing a burqa and refused to remove it despite objections from multiple senators and the President of the Senate.
Pauline Hanson remained defiant, refusing to comply with the… pic.twitter.com/sQvOsCCVaE
— Rukshan Fernando (@therealrukshan) November 24, 2025Wong e quajti sjelljen e Hanson “të papërshtatshme për një senatore” dhe paraqiti një mocion për ta larguar atë nga dhoma për shkak se nuk e hoqi burkën kur iu kërkua. Pasi Hanson refuzoi të largohej, seanca u ndërpre.
Hanson, një senatore e Queensland, u bë e famshme në vitet 1990 për kundërshtimin e saj të ashpër ndaj imigracionit aziatik dhe azilkërkuesve. Ajo ka qenë prej kohësh kundërshtare e veshjes myslimane dhe veshi përsëri një burkë në parlament në vitin 2017, duke bërë thirrje për një ndalim kombëtar.
Partia ‘Një Komb’ tani mban katër vende në Senat, duke rritur pjesëmarrjen e saj në zgjedhjet e majit, mes një rritjeje të politikave të ekstremit të djathtë dhe anti-imigracion në Australi.
Në një postim në Facebook pas incidentit, Hanson tha se veprimi i saj ishte një akt proteste sepse Senati e hodhi poshtë projektligjin e saj. “Nëse parlamenti nuk e ndalon, atëherë unë do ta vesh këtë veshje radikale, shtypëse dhe jo-fetare, e cila rrezikon sigurinë kombëtare dhe të drejtat e grave, brenda vetë parlamentit, në mënyrë që çdo australian të kuptojë se çfarë ‘luhet’. Nëse nuk duan që unë ta vesh – ndaloni burkën”.Top Channel
-
Deputeti i PD akuza mazhorancës: Na gjeni një Parlament në botë ku zv/kryeministrja është e pandehur
Deputeti i Partisë Demokratike, Klevis Balliu akuzoi mazhorancën dhe kryeparlamentarin Niko Peleshi për dënime të padrejta ndaj opozitës në Parlament, duke iu referuar vërejtjeve që iu dhanë dhe përjashtimit të ligjvënësit Agron Shehaj gjatë fjalës së zv/kryeministres Belinda Balluku.
Deputeti nënvizoi se Kuvendi nuk mund të ketë normalitet kur anomalinë e sjell vetë mazhoranca duke sjellë në sallë zv/kryeministren e marrë të pandehur nga SPAK, Belinda Balluku.
Ai vuri në dukje gjithashtu se vetëm opozita ndëshkohet për thyerje rregulloreje, kurse deputetët e mazhorancës nuk penalizohen edhe kur etiketojnë opozitën si “Lej Fen” apo fyerje të tjera.
“Në asnjë Parlament të botës zv/kryeministrja e pandehur nuk shkon atje. Çdo anomali që ndodh këtu vjen si pasojë e anomalitetit që krijoni ju në Parlament. Nuk mund të talleni me ne këtu. Zoti Manja hoqi xhaketën para zotit Berisha dhe nuk ndodhi asgjë. Këtu po u tha një fjalë për Ramën dhe Ballukun bëhet nami, kurse për opozitën ça nuk thuhet, edhe Lej Fen, e nuk ndodhet asgjë (referuar fjalës së kryeministrit Edi Rama)”, u shpreh Balliu
Në fund për procedurë ai kujtoi se kur Peleshi të jepte një shembull se një zv/kryeministër në botë ishte i pandehur, atëherë do kishte seanca normale.
“Kur të na jepni një shembull në botë ku zv/kryeministrja është e pandehur atëherë mund të ketë një parlament normal”, tha ai.
Peleshi theksoi se masat ishin marrë në bazë të rregullores.
U kthyet me kurriz nga foltorja dhe thjesht ju dhashë një vërejtje, mos e ekzagjeroni”, tha ai. -
“Këto skena do shohim nëse…”/ Analisti Leka komenton seancën plenare: Gjestet e opozitës, qesharake dhe neveritëse
Analisti Martin leka thotë se gjestet e opozitë në parlament, ku deputetët i kthyen shpinën kryeministrit Edi Rama gjatë fjalës së tij, ishin qesharake dhe neveritëse. Në një intervistë televizive, Leka u shpreh se nëse Sali Berisha e lë PD në duart e Gazment Bardhit, të tilla skena do të shohim.
“Kjo tregon në çfarë gjendje është politika shqiptare. E pamë sot në parlament, gjestet e deputetëve ishin kaq qesharake, nuk mund të komentohen. Në parlament po diskutohej buxheti, do të duhej që opozita të bënte opozitën e buxhetit. Bëri material për meme, për kocka debati për militantët e partive. Nuk kanë lidhje me ide dhe programe partish. Skenat në parlament, janë për t’u neveritur. Do e prish etikën, ju kërkoj ndjesë edhe juve si femër. Rama e përkthyer në shqip, u tha ju keni më të mirë b*thën se fytyrën. Kur lën partinë në duart e Gazit, kështu skena do të kesh.”, theksoi ai. -
“Foltore 2” “hapi dyert” para Kryeministrisë, Berisha mbledh me urgjencë Kryesinë në seli
TIRANË- Partia Demokratike ka ngritur një ‘parlament’ paralel në Bulevardin ‘Dëshmorët e Kombit’. Ky është tubimi i parë i opozitës 6 muaj pas zgjedhjeve të 11 majit. Sipas opozitës, kjo do të jetë ‘foltorja’ e saj të përjavshme për të diskutuar çështjet që sipas tyre refuzohen në Kuvend.
Ndërkohë, pas protestës, kryedemokrati Sali Berisha ka thirrur mbledhjen e kryesisë në orën 14:00 për të diskutuar mbi vijimin e aksionit opozitar. Berisha ka paralajmëruar më herët se pas aksioni opozitar do të jetë i përjavshëm, në formën e një platforme parlamente me podium dhe foltore në Bulevardin e kryeqytetit, për t’i lënë radhën më pas skenarit për protesta kombëtare.Sipas opozitës ky tubim vjen për aferën e Tunelit të Llogarasë, për të cilën është marrë e pandehur zv/kryeministrja Belinda Balluku, dhe për ngushtimin e hapësirave në Kuvend për opozitën. Sipas kryedemokratit, kjo është alternativa e vetme që mbetet, në kushtet kur opozita nuk lejohet të flasë në Parlament./ZËRI