Nga minimumi jetik, te pensionistët, përndjekurit politikë, arsimin e shëndetësinë, rritjen e buxhetit për bashkitë e pagat… Partia Demokratike propozon 46 ndërhyrje në projektbuxhetin e vitit të ardhshëm. Kërkesat që kanë marrë “bekimin” e Sali Berishës synojnë 5-fishimin e buxhetit për indeksimin e pensioneve dhe 3-fishimin e fondit për të përndjekurit politikë.
Gjithashtu PD propozon që buxheti për arsimin dhe shëndetësinë të rritet në 5 për qind të prodhimit të brendshëm bruto, ndërsa subvencioneve në bujqësi dhe prodhimit vendas t’i shtohen 170 milionë euro.
Demokratët kërkojnë ndërkohë që nga buxheti i vitit të ardhshëm, barnave të ri t’i shtohen 60 milionë euro, ndërsa pagat e administratës të rriten me 10 për qind. Të djathtët propozojnë që pagat në arsim e shëndetësi të rriten me 20 për qind, ndërsa kërkimit shkencor dhe bashkive t’u shtohen respektivisht 20 dhe 130 milionë euro.
Partia E Lirisë ka propozuar 12 amendime ligjore. Në fokus të amendamenteve janë rritja reale e pensioneve, mbështetja për bujqësinë, sektorin e shëndetësisë, arsimin, shkencën, sportin dhe sigurinë ushqimore. Konkretisht,
Partia e Lirisë propozon, së pari, “alokimin e një fondi prej 16,2 miliardë lekë për rritjen e pensioneve, në mënyrë që pensionistët vitin e ardhshëm të mos përfitojnë vetëm 60 lekë në ditë në qytet apo 20 lekë në ditë në fshat, por një rritje reale dhe të ndjeshme të pensioneve”.
Nga socialistët, i vetmi që ka propozuar ndryshime ligjore është Erion Braçe, me dy amendamente.
Tag: pagat
-
Buxheti 2026 / 46 amendamente nga PD, dy nga Erion Braçe
-
“Brenda gjykatës tre nivele pagash”, Karamuço: Reagimi i Shoqatës së Gjyqtarëve, jo etik
Në emisionin “Real Story” në ABC News, eksperti i kriminalistikës Ervin Karamuço lidhur me situatën e pagave në sistemin e drejtësisë, tha se një vendim i Gjykatës Kushtetuese ka zbuluar mospërputhje në mënyrën se si janë trajtuar pagat e gjyqtarëve.
Sipas tij, ndërsa pagat e administratës janë rritur, ato të strukturave pranë Presidencës, ku referohen edhe gjyqtarët, kanë mbetur të pandryshuara. Karamuço tha se gjyqtarët janë ndarë në dy kampe: një grup që e ndjek çështjen në rrugë ligjore dhe një tjetër që kërkon takim me kryeministrin, një veprim që ai e konsideroi joetik si nga Shoqata e Gjyqtarëve, ashtu edhe nga ana e ekzekutivit.
Sipas ekspertit, ky është një problem i trashëguar nga reforma në drejtësi, e cila ka prodhuar tre nivele pagash brenda të njëjtës gjykatë dhe situata ka degraduar deri aty sa anëtarë të Gjykatës së Lartë t’i drejtohen gjykatës për njohjen e vjetërsisë në punë.
“Ka pasur një vendim të Gjykatës Kushtetuese në lidhje me pagat e gjyqtarëve. Sipas tyre këta nuk janë referuar te drejtoria e ministrive, por tek Presidenca. Ndërkohë që pagat e administratës janë rritur, të Presicdencës jo. Gjyqtarët janë ndarë në dy grupe, një po e kërkon në rrugë gjyqësore, kurse një tjetër kërkon që të takohet me kryeministrin, gjë që nuk është etike nga ana e Shoqatës së Gjyqtarëve.
Por, edhe nga ana e Ramës, sepse pagat nuk nxirren dhe nuk është reale. Në thelb ky është një problem i sistemit të drejtësisë që ka lënë shumë bishta. Kemi tre nivele pagash brenda një gjykate dhe këtë duhet që ta rregullonte reforma në drejtësi. Dhe katandiset anëtari i Gjykatës së Lartë që të hedhë në gjyq shtetin, që t’i njihet vjetërsia në punë. Këtu gjërat nisin nga koka”, tha Karamuço. -
Nuk ndalet/ Rama vijon presionin ndaj drejtësisë: Mos e prekni Belindën se nuk ua rris më pagat!
Nuk ndalet/ Rama vijon presionin ndaj drejtësisë: Mos e prekni Belindën se nuk ua rris më pagat!
Edi Rama ka reaguar për herë të dytë brenda ditës së sotme (9 dhjetor 2025) duke rritur trysninë ndaj Gjykatës Kushtetuese që të matet mirë kur të marrë vendimin për zëvendësen e tij, Belinda Ballukun, pasi nuk do t’u miratojë më asnjë rritje page, qoftë anëtarëve të Kushtetuese, qoftë të tjerëve në sistemin e drejtësisë përfshirë SPAK dhe GJKKO.
Në një postimin e radhës, Rama deklaron se nuk do të pranojë kërkesën e gjyqtarëve për rritjen e pagave, të cilën e cilëson “të pajustifikueshme”.
Kujtojmë se presioni i kryeministrit ndaj Gjykatës Kushtetuese vjen në rritje vetëm dy ditë para shqyrtimit që kjo gjykatë do t’i bëjë çështjes së ortakes së tij në pushtet e tendera, Belinda Balluku.
Postimi i Ramës:
“S’ka mundësi”, më shkruajnë disa, lidhur me kërkesën e gjyqtarëve për ta rritur pagën me 1600 Euro mbi aktualen! Jo vetëm që ka mundësi, po 1600 Euro është rritja që kërkojnë magjistratët e këshilltarët e zakonshëm, se mes rritjekërkuesve janë edhe specialët, pra ata të GJKKO dhe SPAK-ut, të cilët kanë pagat më të larta në republikë, por kërkojnë edhe një rritje prej 3100 Eurosh!
Po, asnjë shaka, detin ku aktualisht marrin 6130 Euro në muaj, tani duan që t’ua kthejë në kos Gjykata Kushtetuese me 3100 Euro plus, e si përfundim të marrin 9230 Euro në muaj. Si ka mundësi?!
Ka mundësi si jo, kur arrin të ndryshosh edhe qeverinë me një vendim gjykate, duke marrë kompetencat e kryeministrit, Presidentit e parlamentit bashkë, pa pasur marrë një kokërr vote të vetme nga populli tërë jetën tënde, si nuk arrike të marrësh nga arka e shtetit me një vendim tjetër gjykate, mijëra euro për të rritur pagën tënde?! Kush ka mbetur pa e kuptuar që s’e kam hallin tek një ministër unë, po tek rreziku real i përmbysjes së balancës demokratike mes pushteteve?! -
Tatim “afrofe” mbi pagat/ Tatimet shtrijnë aksionin në të gjitha bizneset. Punonjësit duhet të plotësojnë deklarimet
“Kjo është një ndër shembujt e deklaratave qe administrata tatimore po përdor për nxitjen e formalizimit në paga si dhe ndërtimin e një liste pagash reference.
Në këtë deklaratë kërkohet gjithashtu të përcaktohet se sa është paga minimale dhe maksimale qe ky individ që po e nënshkruan ka marrë. Në pamje të parë duket e thjeshtë… por që ngre shumë pikëpyetje: A është vullnetare? Dhe a pasqyron realisht pagesën që marrin?”
“Në kuadër të nismave që marrin tatimet se s’ka dalë ndonjë VKM, është menduar që të bëhet ky lloj deklarimi që të kuptohet se pagat shpërndahen një pjesë të pagës ta japin në bankë dhe një pjesë në cash”, shprehet Etleva Treska, eksperte kontabël.
Pas publikimit të listës së referencave në ndërtim, tatimet po e shtrijnë aksionin dhe në sektor të tjerë. Ekspertët këtë deklarim përtej formalizimit e lidhin ndjeshëm me vjeljen e të ardhurave për të mbushur kështu arkën e shtetit duke u drejtuar kështu direkte bizneseve.
“Në momentin që kemi dedikim më të lartë të buxhetit për pjesën e sigurimeve, e vetmja mënyrë e drejtpërdrejtë është rritja e sigurimeve shoqërore dhe mënyra për ta realizuar është shtrëngimi i bizneseve për ta bërë sa më reale të pagës.“, shton ajo.
Këto mënyra të orientimit të biznesit drejt deklarimit real dhe formalizimit të tregut s’duhet të jenë të vetmet sipas analistëve.
“Dhe jam e mendimit që jo vetëm të shikohet rritje pensionesh dhe shtrëngim të pagës duhet parë më gjerë se ku kemi mundësi ti ofrojmë biznesit që të jetë sa më real në deklarimet e tij.”, thekson Treska.
Tatimi mbi të ardhurat personale është një zë i rëndësishëm në të ardhurat tatimore ku në 10 muaj u mblodhën 69.6 mld lekë, 25% se e njëjta periudhë në 2024.
TATIMI MBI TË ARDHURAT PERSONALE
(Burimi: Drejtoria e Tatimeve)
10 mujori
69.6 mld lekë
+25%
Top Channel
-
Rriten pagat në sektorin e ndërtimit, Tatimet: Nuk ka rrogë nën 60 mijë lekë, mbrohet punëmarrësi dhe…
Sektori i ndërtimit nuk do të ketë më paga nën 60 mijë lekë. Sipas Drejtorisë së Tatimeve, lista e pagave indikative synon të mbështesë përpjekjet për reduktimin e informalitetit dhe rritjen e pagesës reale të punonjësve.
Eksperti i tregut të punës, Erion Muça, e sheh udhëzimin e ri si një masë të kushtëzuar, por të dobishme për formalizimin e sektorit.
“E vërteta është që sipërmarrjet në Shqipëri, përgjithësisht e kanë parë punonjësin si kosto të shtuar dhe pagat e ulëta si një mënyrë për të fituar më shumë duke i dhënë më pak. Por kjo filozofi ka krijuar një treg në një hendek të lartë sa i përket informalitetit”, tha eksperti.
Sipas tij, niveli i ri i pagave është më pranë realitetit të tregut të punës dhe ndihmon në korrigjimin e konfliktualiteteve ligjore që kanë lindur në vendet e punës.
“Kanë të bëjë me shpërblimin nga siguracionet apo që kanë të bëjnë me vlerësim real të dëmit mbi bazën e pagës që ti merr nga sistemi i sigurimeve shoqërore apo shëndetësore”, theksoi ai.
Muça thekson se përfituesit kryesorë të kësaj mase do të jenë ndërmarrjet e vogla dhe të mesme, të cilat shpesh operonin nën presionin e kostove të ulëta të deklaruara.
“Kjo kategori është ajo që lëviz më shpesh për çështjen e pagës. Pikërisht kjo kategori që kërkon më pak të drejtat sepse nuk e kanë në radhë të parë kulturën për të ditur dhe njohur dhe kërkuar të drejtat e tyre”nënvizoi eksperti.
Në lidhje me sfidat, eksperti vëren se një problem madhor mbetet fragmentimi i kompanive nëpërmjet nënkontraktimit të tepruar. Sipas tij, praktika e ndarjes së punës në shumë kompani të vogla rrit rrezikun e informalitetit dhe e bën më të vështirë garantimin e një marrëdhënieje të drejtë dhe transparente për punëmarrësit. -
Buxheti 2026, Rama: Dëgjesat publike shërbyen për të prezantuar detajet për rritjen e pagave dhe pensioneve
Edi Rama
TIRANË- Kryeministri Edi Rama ka folur për buxhetin 2026 në podcastin e tij “Flasim”. Në fjalën e tij ai ka theksuar se pensionet, pagat dhe investimet publike do të njohin një rritje historike gjatë vitit të ardhshëm. Rama tha se dëgjesat publike të kësaj jave kanë shërbyer për t’i prezantuar qytetarëve në detaje projektbuxhetin e ri.
Kryeministri vendosi theksin tek të ardhurat, të cilat sipas tij përfshin jo vetëm pagat dhe pensionet, por edhe investimet publike, të cilat vitin e ardhshëm pritet të shënojnë një tjetër rekord. Ai u ndal edhe te mbështetja sociale, duke theksuar se ndihma për pensionistët dhe kategoritë më në nevojë do të vijojë të rritet.
“Edhe gjatë kësaj jave, kemi qenë në dispozicion të qytetarëve, me parashtresat në detaje, përmes dëgjesave publike, të buxhetit të vitit që është në prag, një vit, që hyn me këmbë të mbarë për shqiptarët sa i përket të ardhurave në radhë të parë, në paga e pensione, por edhe sa i përket investimeve publike, që do të shënojnë përsëri, të gjitha këto së bashku, një rritje historike. Tanimë, Shqipëria është në një nivel tjetër. Ky është një fakt që do të bëhet çdo vit dhe më i prekshëm në jetën e përditshme të njerëzve tanë, të atyre që jetojnë me punë, qoftë në sektorin publik, qoftë në atë privat, në jetën e përditshme të pensionistëve, gjyshërve dhe gjysheve tona, në jetën e përditshme të atyre më në nevojë, për të cilët mbështetja, mbrojtja sociale, vjen duke u rritur.”- tha Rama.
Prej disa javësh Rama ka nisur takime në njësitë e Tiranës së bashku me Ogerta Manastrilun e cila aktualisht është drejtuesja politike e qarkut Tiranë. Në takimet e zhvilluara me qytetarët fokusi ka qenë tek buxheti, kryesisht tek pagat, pensionet dhe ndihmat sociale për familjet në nevojë./ZËRI -
Buxheti 2026, Rama: Dëgjesta publike shërbyen për të prezantuar detajet për rritjen e pagave dhe pensioneve
Edi Rama
TIRANË- Kryeministri Edi Rama ka folur për buxhetin 2026 në podcastin e tij “Flasim”. Në fjalën e tij ai ka theksuar se pensionet, pagat dhe investimet publike do të njohin një rritje historike gjatë vitit të ardhshëm. Rama tha se dëgjesat publike të kësaj jave kanë shërbyer për t’i prezantuar qytetarëve në detaje projektbuxhetin e ri.
Kryeministri vendosi theksin tek të ardhurat, të cilat sipas tij përfshin jo vetëm pagat dhe pensionet, por edhe investimet publike, të cilat vitin e ardhshëm pritet të shënojnë një tjetër rekord. Ai u ndal edhe te mbështetja sociale, duke theksuar se ndihma për pensionistët dhe kategoritë më në nevojë do të vijojë të rritet.
“Edhe gjatë kësaj jave, kemi qenë në dispozicion të qytetarëve, me parashtresat në detaje, përmes dëgjesave publike, të buxhetit të vitit që është në prag, një vit, që hyn me këmbë të mbarë për shqiptarët sa i përket të ardhurave në radhë të parë, në paga e pensione, por edhe sa i përket investimeve publike, që do të shënojnë përsëri, të gjitha këto së bashku, një rritje historike. Tanimë, Shqipëria është në një nivel tjetër. Ky është një fakt që do të bëhet çdo vit dhe më i prekshëm në jetën e përditshme të njerëzve tanë, të atyre që jetojnë me punë, qoftë në sektorin publik, qoftë në atë privat, në jetën e përditshme të pensionistëve, gjyshërve dhe gjysheve tona, në jetën e përditshme të atyre më në nevojë, për të cilët mbështetja, mbrojtja sociale, vjen duke u rritur.”- tha Rama.
Prej disa javësh Rama ka nisur takime në njësitë e Tiranës së bashku me Ogerta Manastrilun e cila aktualisht është drejtuesja politike e qarkut Tiranë. Në takimet e zhvilluara me qytetarët fokusi ka qenë tek buxheti, kryesisht tek pagat, pensionet dhe ndihmat sociale për familjet në nevojë./ZËRI -
SYRI TV/ Ekonomia në vend me probleme të rënda, Preçi: Ka probleme strukturore
Ekonomia në vend po mbahet nga pagat e administratës, duke shfaqur një model të ngjashëm me atë të kohës së diktaturës. Për ekspertin e ekonomisë, Zef Preçi, kjo strukturë ekonomike përmban rreziqe që cenojnë seriozisht të ardhmen.
Situata ekonomike në vend po shfaq probleme, sipas statistikave të INSTAT, të cilat evidentojnë se ekonomia po mbahet kryesisht nga pagat e administratës. Sipas ekspertit të ekonomisë, Zef Preçi, problemi nis në strukturën e ekonomisë së vendit.
Sa i përket parashikimeve për buxhetin e vitit 2026, eksperti i ekonomisë shprehet se prioritetet e shpallura për të thithur më shumë investime në fakt nuk përkrahen, dhe pavarësisht rritjeve që bëhen për administratën dhe pensionistët, ata sërish po jetojnë më keq për shkak të rritjes së çmimeve.
Ekonomia shqiptare ka ruajtur një rritje rreth 4%, por në vend që të mbështetet te prodhimi, ndërtimi, tregtia, shërbimet apo industria, ajo është mbajtur kryesisht nga efekti fiskal i taksave neto dhe shpenzimet publike për pagat e administratës. Ironikisht, fakti që shteti po mban mbi shpinë më shumë se gjysmën e rritjes ekonomike na rikthen te kujtimet e ekonomisë së diktaturës, ku rritja mbështetej te shteti dhe jo te prodhimi real.
-
Tatimet vendosin dysheme pagash: Kush deklaron paga më të ulta kalon automatikisht në kontroll
Administrata Tatimore ka vendosur një paketë të re masash për sektorin e ndërtimit, me synim frenimin e nëndeklarimit të pagave — një fenomen i përhapur prej vitesh. Vendimi i ri parashikon një nivel minimal pagash të detyrueshme për profesionet e ndërtimit, duke nisur nga 80 mijë lekë për punonjësit bazë e deri në 160 mijë lekë për profesionet më të specializuara, si vinçierët.
.
Sipas të dhënave të shtatorit, paga mesatare e deklaruar në ndërtim ka qenë vetëm 68,400 lekë të reja, shumë më e ulët se ajo reale që paguhet në këtë sektor, shpesh me pagesa “cash”. Diferencat e theksuara mes pagës së deklaruar dhe asaj të paguar realisht kanë vënë në alarm Administratën Tatimore, e cila tashmë ka hartuar një listë indikative të pagave minimale për çdo profesion në ndërtim.
Firmat që deklarojnë më pak se niveli minimal, automatikisht në kontroll
Çdo kompani që deklaron paga nën kufirin 80 mijë lekë për punonjësit e zakonshëm, ose më pak se 160 mijë lekë për drejtues vinçi apo profesionistë të tjerë të kategorive të larta, do të konsiderohet menjëherë subjekt me risk. Për këto raste do të nisin inspektimet administrative dhe fiskale.
Një tjetër element që do të verifikohet me kujdes është edhe manipulimi i profesionit në formularët e deklarimit — një praktikë që shpesh përdoret për të ulur artificialisht pagën e deklaruar.
Tatimet paralajmërojnë masa ndaj bizneseve që shmangin deklarimin real
Administrata Tatimore i bën thirrje sektorit të ndërtimit të deklarojë pagat reale të punonjësve, duke theksuar se çdo devijim nga pagat indikative do të përfshijë biznesin në listën e kontrolleve.
Në njoftimin zyrtar thuhet se analiza e riskut do të mbështetet mbi listën e pagave indikative të bashkëlidhura, të cilat do të shërbejnë si standard krahasimi për profesionet e ndryshme në sektor.
Pagat indikative të përcaktuara nga Tatimet
– 80,000 lekë: punëtor llaci, punëtor duralumini, riparues;– 85,000 – 95,000 lekë: suvatues, shtrues pllakash, bojaxhi, saldator dhe profile të ngjashme;– 140,000 – 160,000 lekë: administratorë teknikë, inxhinierë, drejtues vinçi dhe pozicione të specializuara.Modeli i kontrollit është i njëjtë me atë të sektorit të turizmit, ku disa muaj më parë u përcaktuan pagat minimale të detyrueshme për punonjësit e shërbimit, duke shtuar presionin ndaj bizneseve për deklarime të sakta.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb -
Jo paga nën 60 mijë lekë në ndërtim/ Publikohet lista indikative, Tatimet: Nën këtë vlerë objekt kontrolli
Administrata Tatimore ka publikuar listën e pagave indikative për sektorin e ndërtimit, një instrument që synon të shërbejë si referencë për pagat reale të profesionistëve në këtë industri dhe të mbështesë përpjekjet për reduktimin e informalitetit.
Në një njoftim në rrjetet sociale Drejtoria e Përgjithshme e Tatimeve bënë të ditur se kjo masë po ndërmerret në kuadër të rritjes së pagesës së sigurimeve shoqërore.
“Në kuadër të zbatimit të planit sektorial të ndërtimit dhe rritjes së pagesave për sigurimet shoqërore në funksion të rritjes së pensioneve, Administrata Tatimore informon të gjithë tatimpaguesit e këtij sektori se do të analizohen pagat e punonjësve të deklaruar në listëpagesat e këtij sektori.
Për vlerësimin e riskut të tatimpaguesve që shmangin pagesën reale të pagave të punonjësve, analiza do të ketë si element krahasues pagat indikative të profesioneve në sektorin e ndërtimit sipas tabelës bashkëlidhur këtij njoftimi.”, thotë Drejtoria e Përgjithshme e Tatimeve.
Në këtë sektor nuk do të ketë paga nën 60 mijë lekë. Konkretisht sipas lsitës së publikuar pagat do të vijojnë nga 60 mijë lekë sanitarët, 80 mijë lekë riparuesit, punëtorët duralumin, punëtor llaci, magazinierët, 95 mijë lekë specialist. Mbi 110 mijë lekë inxhinierët, arkitektët 120 mijë lekë dhe paga me alrtë 140 mijë lekë administratorët.
“Çdo tatimpagues që pagën e punonjësit të tij të deklaruar, për profesionet e sipërpërmendura ose të ngjashme me to, do ta ketë nën nivelin e pagës indikative, dhe që ndryshon profesionin me qëllim kategorizimin në pagën më të vogël do të konsiderohet me risk dhe do të jetë objekt kontrolli nga strukturat e specializuara të Administratës Tatimore.”, thuhet më tej.
Qasja e re synon të forcojë integritetin fiskal dhe social të sektorit, të rrisë mbrojtjen e punonjësve dhe të garantojë kushte më të barabarta konkurruese mes ndërmarrjeve.
Top Channel