Sot bëhen pesë vjet nga arrestimi i ish-presidentit Hashim Thaçi dhe ish krerëve të tjerë të UÇK-së, Kadri Veseli dhe Rexhep Selimi.
OVL-UÇK e cilësoi këtë si padrejtësi pesëvjeçare për luftëtarët e lirisë.
“Sot bëhen 5 vite nga arrestimi i krerëve të Ushtrisë Çlirimtare të Kosovës. Pesë vite padrejtësi, pesë vite që heronjtë e lirisë mbahen larg familjeve dhe vendit për të cilin luftuan. Ne nuk harrojmë dhe nuk dorëzohemi përballë kësaj padrejtësie historike”, thuhet në postimin e OVL-UÇK.
OVL-UÇK ka mbajtur protesta në disa qytete shqiptare dhe evropiane në përkrahje të ish-krerëve të Ushtrisë Çlirimtare të Kosovës që po mbahen në Hagë. /KosovaPress/
Tag: padrejtësi
-
Luftuan për liri, tash e pesë vite në qeli
-
U pezullua për shkak të dyshimeve për gjininë, reagon volejbollistja e Dinamos Ferreira: Do të pendohen…
Ditët e fundit në median sportive në vend u fol shumë për volejbollisten e Dinamos, nayada Ferreira ndaj së cilës janë ngritur dyshime për gjininë dhe si pasojë ajo është pezulluar nga aktivitetet, ndërkohë që i është kërkuar edhe kryerja e testit të gjinisë.
Vetë sportistja braziliane ka reaguar dhe ka dërguar një mesazh në programin ‘Shqipëria Live’ në Top Channel duke shprehur se i është bërë një padrejtësi.
‘Ka qenë e tmerrshme dhe e vështirë, por njerëzit do të pendohen që kanë bërë këtë padrejtësi, sepse unë jam thjesht një vajzë që është e lirë dhe që ka të drejtën të ekzistojë, për t’u veshur dhe për të vepruar ashtu si ndjehem mirë dhe e vërtetë. Unë nuk jam një grua e rreme; jam një grua e fortë, me shumë luftë pas vetes. Gjithmonë kam luftuar për të arritur qëllimet e mia dhe nuk do ta pranoj që këta njerëz të më rrëzojnë dhe të më përbaltin pa asnjë arsye. Unë jam unë, Nayara, dhe jam e lirë të jem ajo që dua të jem, ashtu si të gjitha gratë në këtë botë.-ishte reagimi i volejbollistes së Dinamos -
“Më është bërë padrejtësi!”, zbardhet dëshmia e autorit të vrasjes së gjyqtarit
Gazetari i A2 CNN, Igli Çelmeta, ka mësuar se Elvis Shkëmbi, para policisë, ka pranuar vrasjen e gjyqtarit Astrit Kalaja dhe ka deklaruar se e vrau gjyqtarin sepse po humbte një çështje për pronat që po e shqyrtonte gjyqtari Astrit Kalaja.
Ai pretendonte se i kishte dokumentet e rregullta për pronën dhe se po i bëhej padrejtësi.
Ndërkohë, gazetari i A2 CNN, Senad Nikshiqi, raporton se Elvis Shkëmbi ka pasur pretendime për një pronë. “Ai ka pretendime rreth një prone, për të cilën ka paraqitur edhe disa dokumente. Ndërsa familjarët që janë futur aty pas fiteve 90 kanë pretenduar të kundërtën. Është një konflikt që vijon prej vitesh”.
Në këtë ngjarje të rëndë mbetën të plagosur edhe dy qytetarë të tjetër, babë e bir. Njëri nga të cilët ka marrë një plumb në krah, tjetri një plumb poshtë brinjës.
Kalaja ishte prej 12 vitesh gjyqtar në Gjykatën e Apelit. Në dhjetor 2019 ai u konfirmua në detyrë nga Komisioni i Vlerësimit, pas procesit të vetingut, shkruan A2 CNN.
Policia tha se ngjarja ka ndodhur rreth orës 15:40, brenda ambienteve të gjykatës. Autori i dyshuar është Elvis Shkëmbi, 30 vjeç. Sipas policisë, ky i fundit ka qëlluar në drejtim të gjykatësit dhe palës tjetër në proces, Rakip dhe Ervis Kurtajt, babë e bir, përkatësisht 65 dhe 45 vjeç.
“Shërbimet e Policisë me marrjen e njoftimit kanë shkuar menjëherë në vendngjarje dhe kanë bërë të mundur kapjen dhe shoqërimin në ambientet e DVP Tiranë, të autorit të dyshuar, shtetasin E. Sh., si dhe kanë sekuestruar armën e krimit”, tha policia.
Gjithashtu janë sekuestruar kamerat e sigurisë në gjykatë për të parë si është futur me armë autori, ndërsa po merren në pyetje edhe punonjësit e sigurisë të gjykatës. -
“Vuajta në kurriz diçka të padrejtë”/ Salianji: Do të punoj fort për interesat e qytetarëve
Ish-deputeti i Partisë Demokratike, Ervin Salianji ka reaguar pasi u paraqit për herë të fundit tek Shërbimi i Provës, duke e cilësuar të gjithë atë që i ndodhi duke u burgosur për 1 vit, me akuzën e kallëzimit të rremë publik – si një padrejtësi që e vuajti në kurriz.
Ai shtoi se përvoja e tij personale e ka bërë të kuptojë padrejtësitë që përjetojnë qytetarët çdo ditë nga institucionet e drejtësisë, të cilat sipas tij “janë kthyer në institucione dhunuese e gjobash të përditshme”.
Ervin Salianji tha se angazhimi i tij politik do të fokusohet në mbrojtjen e të drejtave të qytetarëve.
“Unë jam izoluar dhe burgosur për shkak të bindjeve politike dhe për shkak të denoncimit të një personi të inkriminuar. Histori që nisi shumë vite përpara dhe nga dita në ditë të gjithë denoncimet që kam bërë në emër të PD dhe dhe të gjitha denoncimet nga PD, po faktohen duke faktuar së pari lidhjet e forta të krimit me qeverinë dhe kontrollet e grupeve të krimit dhe përfshirjen e personave në funksione më të larta qeveritare apo policore të drejtësisë. Pas këtij momenti, përfundimi i këtij turpi për drejtësinë, njolle turpi për drejtësinë e kapur politikisht nga Rama do ta vazhdoj këtë çështje deri në Strasburg.
Dua të theksoj, se duke qenë se e kam provuar vetë edhe në kurriz që dmth të prodhohen padrejtësi nga institucionet. Do të punoj fort për interesat e qytetarëve që përballen me padrejtësi të përditshme nga institucionet e drejtësisë dhe që janë kthyer në institucione dhunuese e gjobash të përditshme. Beteja ime me drejtësinë është në rrugë e sipër, sapo ka filluar. Për pak ditë do të depozitoj në Kushtetuese dhe nëse do të ketë kontroll nga Rama, do të depozitoj në Strasburg. Jam i bindur në fitore”, tha Salianji. -
U dënua me 5 vite burg, ish-presidenti francez Sarkozy: Do të fle në burg, por me kokën lart
I dënuar me pesë vjet burg, ish-presidenti francez Nicolas Sarkozy deklaroi para kamerave se ajo që ndodhi në gjykatë “është jashtëzakonisht serioze për sundimin e ligjit” dhe “besimin që mund të kemi te drejtësia”.
Ish-presidenti theksoi se u lirua nga tre nga katër akuzat.
“Unë jam dënuar për dyshimin se kam lejuar dy kolegë të mi të dalin me idenë e financimit të paligjshëm të fushatës sime. Do të marr përsipër përgjegjësitë e mia. Do t’u bindem thirrjeve të gjykatave. Dhe nëse ata duan absolutisht që unë të fle në burg, do të fle në burg. Por me kokën lart. Jam i pafajshëm”, deklaroi Nicolas Sarkozy.
Më tej ai shtoi se kjo është një padrejtësi dhe ky vendim i ka prishur imazhin Francës.
“Kjo padrejtësi është një skandal. Nuk do të kërkoj falje për atë që nuk kam bërë “, shtoi ai përpara se të njoftonte se do të apelonte. Ndoshta do të më duhet të paraqitem me pranga para Gjykatës së Apelit. Ata që më urrejnë kaq shumë mendojnë se po më poshtërojnë. Ajo që kanë poshtëruar sot është Franca, është imazhi i Francës. Dhe nëse dikush i ka tradhtuar francezët, nuk jam unë, është kjo padrejtësi e pabesueshme që sapo keni parë. Nuk kam frymë hakmarrjeje, as urrejtjeje, por le ta kuptojnë dhe ta dëgjojnë të gjithë: Do të luftoj deri në frymën time të fundit për të vërtetuar pafajësinë time të plotë”, përfundoi ai. -
Gjesti zbulon arsyen e mungesës nga muzika: Po përballem me një padrejtësi
Gjesti ka folur për herë të parë rreth mungesës së tij në skenën muzikore, duke ndarë me ndjekësit një mesazh të ndjerë dhe plot emocione. Në një postim në rrjetet sociale, ai shpjegoi se arsyeja e largimit të përkohshëm nga projektet lidhet me një problem personal. “
Edi jom zhduk këto ditë për arsye personale. Nuk jam aktiv as me projekte as sen, po shumë shpejt besoj që kryhet ky problem edhe kom me kon pranë juve, si gjith me dek sistemin,” – shkroi ai, duke shprehur mirënjohje për mbështetjen e fansave.
Gjesti theksoi se po përballet me një padrejtësi që po e pengon të ecë përpara, duke preferuar të mos zbulojë detaje:
“Jon do sene që unë s’po du mi nda në media se nuk ja vlen… Po për juve ni sqarim t’vogël: deri sa të përfundojë ni padrejtësi që mu ka bo, nuk muj me kon aktiv.” -
“Ndoshta ke harruar kush është babai yt” – Fero prek me dedikimin për vajzën
Reperi i njohur shqiptar, Fero, ka prekur ndjekësit me një mesazh emocional drejtuar vajzës së tij, Ninës, të cilën thotë se nuk e ka parë prej gati një viti.
Në një postim në InstaStory, ai shkruan:
“Gati një vit pa të parë. Ndoshta ke harruar se kush është babai yt, ose ndoshta po të mungoj. Mendoj shumë për ty, na kanë bërë padrejtësi.”#shtetikorruptuar
Kjo s’është hera e parë që Fero ngre akuza për padrejtësi në çështjen e kujdestarisë, duke aluduar se ish-bashkëshortja e tij, modelja Arbenita Ismajli, ka shkelur marrëveshjen për takimet me të bijën. -
Sekuestrimi i mallrave pa faturë/Panariti: Ultimatumi, padrejtësi! Mbajnë familjen
Edmond Panariti, sekretari për Bujqësinë në Partinë e Lirisë deklaroi sot se ultimatumi i qeverisë për pajisje me faturë tatimore të prodhuesve shqiptarë është padrejtësi.
Ai në një deklaratë për mediat u shpreh se 90% e prodhuesve shqiptarë janë të vegjël dhe të mesëm dhe në pjesën dërrmuese të tyre janë të pafiskalizuar.
“T’u imponosh atyre një afat 24-orësh që o fiskalizohu, o pajisu me faturë tatimore ose dil jashtë tregut, kjo është një padrejtësi” u shpreh Panariti.
Ai shtoi se një pjesë e tyre mbajnë familjet edhe kontribojnë në ekonomi, duke shtuar se është një dëm i madh që i bëhet prodhimit bujqësor shqiptar.
Deklarata e Edmond Panaritit:
Deklaratat ultimative të përjashtimit nga tregu po qe se nuk pajisen me fature tatimore, është 90% e prodhuesve shqiptarë. Kjo është fizionomia e bujqësisë në Shqipëri, të themi 90% e prodhuesve shqiptarë janë të vegjël dhe të mesëm dhe në pjesën dërrmuese të tyre ata janë të paidentifikuar dhe për rrjedhojë të pafiskalizuar dhe t’u imponosh atyre një afat 24-orësh që o fiskalizohu, o pajisu me faturë tatimore ose dil jashtë tregut, kjo është një padrejtësi.
Në rradhë të parë, i nxjerr ata në mënyrë të dhunshme nga tregu, një pjesë e tyre mbajnë familjet, por edhe kontribojnë në ekonominë familjare pikërisht me atë biznes të vogël dhe të mesëm, të cilët me këtë deklaratë ultimative synon ta nxjerrësh përfundimisht nga tregu.
Ky është një dëm i madh që i bëhet prodhimit bujqësor shqiptar, prandaj dhe arsyeja e rrudhjes së sektorëve të bujqësisë është pikërisht përjashtimi dhe mospërkrahja e biznesit të vogël dhe të mesëm, qoftë me fonde të buxhetit të shtetit.
Janë tashmë të përjashtuar edhe nga fondet e Bashkimit Europian dhe ajo që është më e dhimbshme, është që ngarkohen dhe me taksa e tatime sic është TVSH-ja me 20%, e cila e bën këtë prodhim të pakonkurueshëm.
Nuk është dëshira e fermerit të vogël apo e atij të mesëm që të harxhojë ngjysmën e ditës dhe të dalë buzë rrugës apo në një qoshe të pazarit për të tregëtuar prodhimet e tij.
Ai nuk dëshiron ta bëjë këtë, por nuk ka prespektivë prodhimi i tij në qoftë se nuk e merr përsipër të bëjë edhe prodhuesin edhe tregëtuesin, sepse nuk ka njeri që t’ja marrë prodhimin, nuk ka një organizatë e cila, sikundër edhe në vendet fqinje dhe ato të Bashkimit Europian, ka rolin për të shkuar fermë më fermë, stallë më stallë, stan më stan për të grumbulluar prodhimin dhe kështu prodhuesi do të prodhojë dhe tregëtari bën tregëtimin e mallit.
Për rrjedhojë kështu zhvillohet dhe procesi i fiskalizimit, por i imponuar kështu, në mënyrë taksative, me afate 24-orëshe është një dëm dhe një goditje jashtëzakonisht e rëndë për atë prodhuesin e vogël, i cili tashmë, duke filluar që nga dita e nesërme, përndiqet, për arsye sepse ai nuk ka as kasë fiskale, as mundësi ku të autofaturohet.
Prandaj, të rishikohet ky vendim abuziv, është një vendim i pa menduar mirë dhe ajo që është më kryesorja, do ta cojnë bujqësinë shqiptare drejt pikjatave të reja.
Ju e dini që ne kemi 226 mijë krerë lopë nga 490 mijë krerë që lamë në vitin 2017, ky numër do të shkojë drejt tkurrjes së mëtejshme. Prandaj duhet patjetër të ndalet ky formalizim i sforcuar.
Ne nuk jemi kundër formalizimit, përkundrazi është në interesin e të gjithë prodhuesve, por formalizimi duhet të jetë gjithëpërfshirës, nuk duhet të jetë përjashtues.
Prandaj duhet punuar që ato fonde të Bashkimit Europian, fondet e buxhetit të shtetit të bëhet e mundur që të investohet edhe te prodhuesi i vogël dhe i mesëm për ta mbajtur atë në këmbë, për ta bërë të mundur që të plotësojë dhe ato kriteret dhe standardet e cilësisë së sigurisë dhe për të dalë në treg në mënyrë dinjitoze,krahas prodhuesve të mëdhenj dhe njëkohësisht për të dekurajuar importet asfiksuese, të cilët po e rrudhin bujqësinë përditë e më shumë.
-
Zgjedhjet, Milo: Një parti që merr 70 mijë vota dhe ka vetëm një deputet, padrejtësi e madhe
Ish-ministri i Jashtëm, Paskal Milo, ka ngritur shqetësimin për moszbatimin e rekomandimeve të OSBE/ODIHR dhe ka kërkuar urgjentisht ndryshimin e sistemit elektoral në vend.
Sipas Milos, rekomandimet e vëzhguesve ndërkombëtarë nuk janë respektuar, duke çuar në ripërsëritje të fenomeneve negative nga një palë zgjedhje në tjetrën.
“Po qe se në Shqipëri nuk ndryshon sistemi elektoral, ne nuk do garantojmë asnjëherë zgjedhje të lira dhe të ndershme”, u shpreh ai.
Ai vuri në dukje ndërhyrjen që ndodhi në vitin 2008 në Kushtetutë dhe në Kodin Zgjedhor, të cilën e cilësoi si “brutale” dhe burim të padrejtësive të sotme në përfaqësimin parlamentar.
“Një parti që merr 60 apo 70 mijë vota dhe ka vetëm një përfaqësues në Kuvend është një padrejtësi e madhe për votuesit”, shtoi Milo.
Ai theksoi se ky sistem favorizon dy partitë kryesore, PS dhe PD, të cilat sipas tij nuk kanë vullnet politik për ta ndryshuar, pasi janë përfituesit kryesorë të këtij modeli përjashtues.
Paskal Milo: Rekomandimet e OSBE-ODIHR në Shqipëri për fat të keq, nuk janë respektuar dhe nuk janë zbatuar. Është një nga arsyet pse edhe kemi ripërsëritje të fenomeneve negative nga një palë zgjedhje në zgjedhje tjetër.
Po qe se në Shqipëri nuk ndryshon sistemi elektoral, ne nuk do garantojmë asnjëherë zgjedhje të lira dhe të ndershme. Edhe këtë herë u vu re një fenomen i çuditshëm që nga 2008 kur u bë ajo ndërhyrje brutale në Kushtetutë dhe Kodin Zgjedhor dhe ka krijuar këto hapësira për keqinterpretim dhe keqzbatim të kodit zgjedhor. Sepse një Parti politike që merr 60 mijë ose 70 mijë vota dhe ka një përfaqësues në Kuvendin e Shqipërisë është një padrejtësi e madhe që i bëhet këtyre votuesve që kanë shprehur vullnetin e tyre në një sistem që quhet demokratik dhe duhet të pasqyrohet në Kuvendin e Shqipërisë.
Vetëm kaq mjafton për të nënvizuar urgjencën me të cilën duhet të bëhet një riadaptim i sistemit, por që për fat të keq, PS dhe PD që janë dhe autorët që e kanë bërë këtë ndryshim në 2008 në favor të tyre nuk do të kenë vullnet për ta bërë ndryshimin, sepse janë përfituesit më të mëdhenj që vijnë nga zbatimi i një sistemi të tillë elektoral që ne kemi aktualisht. -
Stresi për Gjestin: I kanë bërë padrejtësi në Kosovë, e fiton në mes të Tiranës
Arkimed Lushaj – Stresi që nga fillimi i Big Brother ka qenë në mbështetje të Gjestit. Ai e ka theksuar disa herë se fitoren e meriton dhe se ka luajtur që nga fillimi, ndonëse i çoi edhe disa drone brenda shtëpisë së famshme.
Në një postim të ri në rrjete sociale, reperi ka analizuar situatën mes tij dhe Rozana Radit.
Tani që kanë ngelur edhe pak ditë deri në finale, i njëjti thekson se Rozana paska qajtur kot, kur ai bëri një ‘prank’ kinse do të largohet.
Më poshtë lexoni të plotë fjalët e Stresit:
“Tani që është afër finalja kush do bast që ziliqarët dhe njerëzit që kanë frikë se mos jau merr fitoren fillojnë e të ngacmojnë kot të thonë ti s’ke shkollë? Po ç’lidhje ka shkolla në lojë. Ti s’ke bërë asgjë i thotë Gjestit. Hahahhah. Çdo gjë ndodh për një arsye. I bon padrejtësi në Kosovë e fiton në mes Tiranës.Nëse Big Brother është lojë? Atëherë këtë vit më shumë se Gjesti s’ka luajtur askush. Unë nuk e di se kush mund të fitojë por kryefjala ishte Çezari nga Peja.
Rozana po tregohet zemër ligë tani në fund. Hahahahahah tani këto javë të fundit dalin nga vetja këta që t’i thonë gjitha të zezat e të marrin me të mirë.
Rozana qajti për Gjestin gjasmë kur bëri prank se do dilke por në realitet ajo paska qajtur për halle të veta.
Prandaj po ju them tani janë javët ku e nxjerrin fytyrën ata që janë fake në lojë dhe duan çmimin e parë doemos po se din që publiku mban mend çdo gjë dhe publiku vendos”.