Lajmidites.com

Tag: operacion

  • Palermo/ Mega-operacion kundër klaneve mafioze dhe trafikut të drogës: 50 masa sigurie

    Palermo/ Mega-operacion kundër klaneve mafioze dhe trafikut të drogës: 50 masa sigurie

    Një mega-operacion kundër klaneve mafioze dhe trafikut të drogës në Palermo.

    Policia po ekzekuton masa sigurie ndaj 50 personave të akuzuar, në forma të ndryshme, për pjesëmarrje në organizatë mafioze, zhvatje, regjistrim fiktiv të pasurive, organizim për trafik të lëndëve narkotike dhe shpërndarje droge.

    Për 19 të dyshuar, gjyqtari për hetimet paraprake ka urdhëruar arrest me burg; për 6 të tjerë, arrest shtëpie; ndërsa për 25 është lëshuar një urdhër ndalimi.

    Hetimi ka hedhur dritë mbi një trafik të gjerë droge dhe ka zbuluar organizimin e ri të një prej klaneve kryesore mafioze të qytetit.

    Hetimi është koordinuar nga Drejtoria e Antimafias së Prokurorisë së Palermos, e drejtuar nga prokurori Maurizio de Lucia, dhe ka përfshirë mbi 350 agjentë të Policisë së Shtetit.

    Detajet e operacionit do të bëhen të ditura gjatë një konference për shtyp në ambientet e Skuadrës Mobile të Palermos.

  • Operacion izraelit në Sirinë jugore, 13 viktima

    Operacion izraelit në Sirinë jugore, 13 viktima

    Trembëdhjetë njerëz janë vrarë në një operacion izraelit në Sirinë jugore të premten, sipas mediave shtetërore siriane.
    Damasku e ka akuzuar Izraelin se kreu “sulm kriminal” në një fshat ku Izraeli tha se trupat e tij u sulmuan me armë zjarri gjatë një operacioni për arrestimin e militantëve.
    Ushtria izraelite tha se gjashtë ushtarë u plagosën, tre prej tyre rëndë, nga të shtënat e militantëve gjatë operacionit në fshatin Beit Xhin.
    Numri i viktimave sugjeron se operacioni izraelit u shndërrua në një nga më të përgjakshmit që prej rrëzimit të presidentit Bashar al-Assad një vit më parë.
    Izraeli e bombardonte shpesh Sirinë kur ajo drejtohej nga Assadi dhe e rriti intensitetin e operacioneve të tij ushtarake në vend pasi ai u rrëzua, duke përmendur synime që përfshinin mbajtjen e militantëve larg kufirit.

  • Ushtria izraelite njofton operacion ushtarak në Bregun Perëndimor: Nuk do lejojmë që terrorizmi të zërë rrënjë në rajon

    Ushtria izraelite njofton operacion ushtarak në Bregun Perëndimor: Nuk do lejojmë që terrorizmi të zërë rrënjë në rajon

    Ushtria izraelite njoftoi sot se kishte nisur një “operacion të ri në shkallë të gjerë kundër terrorizmit” gjatë natës në pjesën veriore të Bregut Perëndimor.

    “Gjatë natës, forcat tona filluan të vepronin si pjesë e një operacioni në shkallë të gjerë kundër terrorizmit në rajonin verior të Samarisë”, thanë ata, duke përdorur emrin biblik për Bregun Perëndimor verior, i cili përdoret përgjithësisht nga autoritetet izraelite.
    “Ne nuk do të lejojmë që terrorizmi të zërë rrënjë në rajon”, thanë ata.
    Bregu Perëndimor ka qenë nën pushtimin izraelit që nga Lufta 6-ditore e vitit 1967.
    E pyetur nga AFP, ushtria tha se nuk ishte një vendosje forcash si pjesë e një “operacioni të mëparshëm kundër terrorizmit” që filloi në janar 2025 dhe kishte në shënjestër kampet e refugjatëve, por një operacion “i ri”, pa specifikuar objektivat.
    Tashmë në një edhe më nivel të lartë, dhuna në Bregun Perëndimor nisi pas shpërthimit të luftës në Rripin e Gazës, e shkaktuar nga bastisja e përgjakshme e Hamasit në territorin jugor izraelit më 7 tetor 2023. Ajo nuk është pakësuar, pavarësisht një armëpushimi të brishtë që hyri në fuqi në enklavën bregdetare palestineze më 10 tetor.
    Që atëherë, më shumë se një mijë palestinezë, anëtarë të grupeve të armatosura dhe civilë, janë vrarë në bastisje nga ushtarë ose kolonë, sipas një llogaritjeje të AFP bazuar në të dhënat e Autoritetit Palestinez.
    Në të njëjtën kohë, sipas të dhënave zyrtare izraelite, të paktën 43 izraelitë, civilë dhe ushtarë, janë vrarë në sulme palestineze ose gjatë operacioneve ushtarake.
    Zyra e OKB-së për Koordinimin e Çështjeve Humanitare (OCHA) regjistroi në tetor një kulm në “sulmet e kolonëve që shkaktuan viktima, dëme materiale ose të dyja” në pothuajse dy dekadat që ka mbajtur të dhëna për këtë territor.
    Më 10 nëntor, një izraelit u vra dhe tre të tjerë u plagosën në një sulm me thikë të kryer nga dy palestinezë, të cilët u vranë menjëherë nga ushtarët pranë Betlehemit, në jug të Bregut Perëndimor.

    Top Channel

  • Operacion ndërkombëtar kundër trafikimit të artefakteve me vlerë 870 mln euro. Kontroll edhe në Shqipëri, SPAK pjesë e aksionit ku arrestuan 35 persona

    Operacion ndërkombëtar kundër trafikimit të artefakteve me vlerë 870 mln euro. Kontroll edhe në Shqipëri, SPAK pjesë e aksionit ku arrestuan 35 persona

    Një grup kriminal në Bullgari, i dyshuar për vjedhjen dhe trafikimin e mijëra objekteve kulturore nga muze dhe koleksione private në të gjithë Evropën, u godit dje nga autoritetet e gjashtë vendeve me mbështetjen e Eurojust dhe Europol.

    Gjatë aksionit u arrestuan 35 të dyshuar dhe u kontrolluan mbi 125 vende, përfshirë edhe Shqipërinë, duke rikuperuar më shumë se 3,000 objekte me vlerë mbi 100 milionë euro.
    Objektet e sekuestruara përfshijnë monedha antike, bizhuteri, vazo dhe kupa nga qytetërimet trake dhe greko-romake, disa prej të cilave datojnë që nga viti 2000 para Krishtit. Vlera totale e 7,000 mallrave të vjedhura dyshohet të jetë rreth 870 milionë euro.
    Mes vendeve që morën pjesë në operacion ishte edhe Shqipëria, ku Zyra e Prokurorisë së Posaçme kundër Korrupsionit dhe Krimit të Organizuar (SPAK) kontribuoi në kontrollet dhe hetimet lidhur me artefaktet e trafikuara.
    Autoritetet në Bullgari, Francë, Gjermani, Greqi dhe Itali gjithashtu morën pjesë në aksion, duke siguruar koordinim dhe mbështetje për rikuperimin e objekteve dhe arrestimin e të dyshuarve. Hetimet pritet të vazhdojnë për të zbuluar rrjetet ndërkombëtare të trafikimit dhe për të rikuperuar artefakte të tjera të humbura.
    Ky aksion tregon bashkëpunimin e fuqishëm ndërkombëtar kundër krimit të organizuar dhe përpjekjet e Shqipërisë për të mbrojtur trashëgiminë kulturore.

    Top Channel

  • Nga Spanja për ta shitur në Fresk/ Operacion antidrogë në Tiranë, arrestohen dy kushërinj

    Nga Spanja për ta shitur në Fresk/ Operacion antidrogë në Tiranë, arrestohen dy kushërinj

    Foto ilustruese

    TIRANË- Një operacion i befasishëm antidrogë është zhvilluar mbrëmjen e sotme në kryeqyetet. Mësohet se policia e Tiranës ka sekuestruar 2.2 kilogramë kokainë në zonën e Institutit, ndërsa në pranga kanë rënë dy persona, kushërinj me njëri-tjetrin. Këta të fundit, kanë tentuar të arratisen gjatë ndërhyrjes së policisë, por janë kapur në afërsi të shinave të trenit në Institut.
    Burime bëjnë me dije se dy të arrestuarit kishin planifikuar që lëndën narkotike ta ndanin në doza të vogla dhe ta shisnin në zonën e Freskut. Dyshohet se kokaina ka ardhur nga Spanja, ndërsa policia po punon për të zbuluar të tjerë persona të përfshirë në këtë rrjet trafiku dhe shpërndarjeje./ZËRI

  • Bosi shqiptar i drogës u vodhi disa ton hashash, ish-komandot e Ushtrisë Franceze e marrin peng, Europol i arreston

    Bosi shqiptar i drogës u vodhi disa ton hashash, ish-komandot e Ushtrisë Franceze e marrin peng, Europol i arreston

    Agjencia Evropiane e Policisë [EUROPOL] ka bërë të ditur se më 12 nëntor ka ofruar ndihmë në një hetim të kryer nga gjermanët, lidhur me një grup mercenarësh, të angazhuar nga një rrjet kriminal, me qëllim rrëmbimin e kreut të një bande rivale shqiptare për trafikim droge.
    Kreu i kësaj bande shqiptare, emri i të cilit nuk është bërë i ditur, dyshohet se ka orkestruar vjedhjen e disa tonëve të kanabisit, me vlerë miliona eurove.
    Aksioni i koordinuar është fokusuar në shtetas të Letonisë, disa prej të cilëve ishin me prapavijë në Legjionin e Huaj Francez.

    EUROPOL-i ka thënë se në operacion janë përfshirë autoritetet për zbatim të ligjit prej Danimarkës, Francës, Letonisë dhe Mbretërisë së Bashkuar.
    “Këta individë shumë të trajnuar kanë qenë të pajisur me pajisje profesionale dhe kanë qenë aktivë në emër të grupit të krimit të organizuar”.
    Në ditën e operacionit policor janë arrestuar katër individë në Danimarkë, Francë, Letoni dhe Mbretëri të Bashkuar, ndërsa dy të tjerë, që janë arrestuar në tetor të vitit 2014 në Gjermani, tashmë janë dënuar nga gjykatat.
    Mercenarë me pagesë
    EURPOL-i ka thënë në njoftim se ky operacion është i lidhur me fenomenin e ashtuquajtur “Dhuna si shërbim”, që do të thotë se kryesit e krimit ofrohen për t’i kryer aktet e dhunshme në emër të rrjeteve tjera kriminale.

    Për organizatën evropiane, ky është një trend shqetësues, i cili është edhe rezultat i luftës në Ukrainë.
    “Ukrainasit e trajnuar nga forcat amerikane, legjionarët dhe mercenarët rusë, të gjithë ish-ushtarë të zonave të luftës, po kthehen nga fronti dhe po i shfrytëzojnë aftësitë e tyre për krim të organizuar. Teksa lufta në Ukrainë vazhdon dhe potencialisht intensifikohet, Evropa mund të përballet me numër në rritje të këtyre individëve të përfshirë në aktivitete kriminale”.
    Prandaj, EUROPOL-i ka bërë thirrje që të vëzhgohen këto veprimtari dhe të bëhen përgatitje për sfidat që mund t’i sjellin.
    Lufta në Ukrainë ka nisur më 24 shkurt të vitit 2022. Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.
    Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

  • Organizoi vjedhjen e tonelata drogë,kush është grupi që fshihet pas tentativës për rrëmbim të kreut të bandës shqiptare

    Organizoi vjedhjen e tonelata drogë,kush është grupi që fshihet pas tentativës për rrëmbim të kreut të bandës shqiptare

    Agjencia Evropiane e Policisë [EUROPOL] ka bërë të ditur se më 12 nëntor ka ofruar ndihmë në një hetim të kryer nga gjermanët, lidhur me një grup mercenarësh, të angazhuar nga një rrjet kriminal, me qëllim të kidnapimit të kreut të një bande rivale shqiptare për trafikim droge. Kreu i kësaj bande shqiptare – emri i të cilit nuk është bërë i ditur – dyshohet se e ka orkestruar vjedhjen e disa tonëve të kanabisit, në vlerë të miliona eurove.
    Aksioni i koordinuar është fokusuar në shtetas të Letonisë, disa prej të cilëve ishin me prapavijë në Legjionin e Huaj Francez. EUROPOL-i ka thënë se në operacion janë përfshirë autoritetet për zbatim të ligjit prej Danimarkës, Francës, Letonisë dhe Mbretërisë së Bashkuar.
    “Këta individë shumë të trajnuar kanë qenë të pajisur me pajisje profesionale dhe kanë qenë aktivë në emër të grupit të krimit të organizuar”.
    Në ditën e operacionit policor janë arrestuar katër individë në Danimarkë, Francë, Letoni dhe Mbretëri të Bashkuar, ndërsa dy të tjerë, që janë arrestuar në tetor të vitit 2014 në Gjermani, tashmë janë dënuar nga gjykatat.
    Mercenarë me pagesë
    EURPOL-i ka thënë në njoftim se ky operacion është i lidhur me fenomenin e ashtuquajtur “Dhuna si shërbim”, që do të thotë se kryesit e krimit ofrohen për t’i kryer aktet e dhunshme në emër të rrjeteve tjera kriminale.
    Për organizatën evropiane, ky është një trend shqetësues, i cili është edhe rezultat i luftës në Ukrainë.
    “Ukrainasit e trajnuar nga forcat amerikane, legjionarët dhe mercenarët rusë, të gjithë ish-ushtarë të zonave të luftës, po kthehen nga fronti dhe po i shfrytëzojnë aftësitë e tyre për krim të organizuar. Teksa lufta në Ukrainë vazhdon dhe potencialisht intensifikohet, Evropa mund të përballet me numër në rritje të këtyre individëve të përfshirë në aktivitete kriminale”.
    Prandaj, EUROPOL-i ka bërë thirrje që të vëzhgohen këto veprimtari dhe të bëhen përgatitje për sfidat që mund t’i sjellin.
    Lufta në Ukrainë ka nisur më 24 shkurt të vitit 2022.
    Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.
    Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
    Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

  • Tragjedi në brigjet greke/ Mbytet varka me emigrantë, raportohet për disa të vdekur

    Tragjedi në brigjet greke/ Mbytet varka me emigrantë, raportohet për disa të vdekur

    Një operacion kërkim-shpëtimi ka filluar që nga pasditja e së hënës në brigjet greke, nën koordinimin e Qendrës së Unifikuar të Koordinimit të Kërkimit dhe Shpëtimit, pas përmbysjes së një varke që transportonte të huaj, afërsisht 15 milje detare në jug të Gavdos. 
    Sipas Rojës Bregdetare Greke, janë gjetur tre trupa dhe janë shpëtuar 56 persona. 
    Dy anije kalimtare dhe dy anije të Rojës Bregdetare po operojnë në zonë, ndërsa një helikopter i Forcave Ajrore është angazhuar po ashtu në kërkim. 
    Deri më tani, 56 persona janë shpëtuar nga një anije e Frontex që merr pjesë në operacion. Kërkimet po vazhdojnë me të gjitha mjetet e disponueshme. 

  • Tragjedi në brigjet greke/ Mbytet varka me emigrantë, disa të vdekur

    Tragjedi në brigjet greke/ Mbytet varka me emigrantë, disa të vdekur

    Një operacion kërkim-shpëtimi ka filluar që nga pasditja e së hënës në brigjet greke, nën koordinimin e Qendrës së Unifikuar të Koordinimit të Kërkimit dhe Shpëtimit, pas përmbysjes së një varke që transportonte të huaj, afërsisht 15 milje detare në jug të Gavdos.

    Sipas Rojës Bregdetare Greke, janë gjetur tre trupa dhe janë shpëtuar 56 persona.
    Dy anije kalimtare dhe dy anije të Rojës Bregdetare po operojnë në zonë, ndërsa një helikopter i Forcave Ajrore është angazhuar po ashtu në kërkim.
    Deri më tani, 56 persona janë shpëtuar nga një anije e Frontex që merr pjesë në operacion. Kërkimet po vazhdojnë me të gjitha mjetet e disponueshme.

    Top Channel

  • Operacion i madh në Greqi, goditet një grup kriminal. Mes të arrestuarve edhe 3 priftërinj, të implikuar edhe shqiptarë

    Operacion i madh në Greqi, goditet një grup kriminal. Mes të arrestuarve edhe 3 priftërinj, të implikuar edhe shqiptarë

    Një operacion i madh policor në Greqi ka çuar në shkatërrimin e një rrjeti kriminal që merrej me trafik droge dhe emigrantësh të paligjshëm, ku mes të arrestuarve janë edhe tre priftërinj.
    Njëri prej tyre, 46 vjeç, dikur prift, model, këngëtar dhe kuzhinier, është akuzuar se ruante dhe shpërndante drogë brenda një kishe në Rrugën Liosion në Athinë. Sipas hetimeve të Agjencisë Kundër Drogës, ai dilte shpesh nga kisha me rrobat e priftit për t’u shitur klientëve kokainë dhe marijuanë.
    Në rrjet ishin të përfshirë edhe një grua 52-vjeçare, e cila sipas policisë ishte kreu i bandës, dhe një burrë 42-vjeçar, të dy me origjinë shqiptare. Priftërinjtë kishin rolin e “transportuesve”, por gjithashtu merreshin me ruajtjen dhe trafikimin e lëndëve narkotike.
    Një prift 40-vjeçar u arrestua në Rodos, pasi mori një valixhe që përmbante 2 kilogramë e 188 gramë kokainë, të cilën ia dorëzoi një shqiptari 38-vjeçar.
    Ndërkohë, prifti i tretë, 52 vjeç, ndodhet aktualisht në burgun e Komotinit, pasi u arrestua më 6 shtator për transportimin e emigrantëve të paligjshëm. Ai u kap në kilometrin e parë të rrugës kombëtare Kalcha–Siderades në Rodope, duke transportuar gjashtë emigrantë që kishin hyrë ilegalisht nga kufiri greko-turk.
    Gjatë operacionit policia sekuestroi 2.2 kilogramë kokainë, 9 kilogramë marijuanë, 4 automjete, si dhe 4,380 euro dhe 24,500 lekë shqiptare.
    Autoritetet greke po vijojnë hetimet për të zbuluar lidhje të mundshme të bandës me grupe të tjera kriminale që operojnë në rajon.