Lajmidites.com

Tag: openai

  • OpenAI sjell Adobe Photoshop në ChatGPT

    OpenAI sjell Adobe Photoshop në ChatGPT

    Në muajin Tetor OpenAI prezantoi aplikacionet e reja Spotify dhe Canva të cilët do të ishin të aksesueshëm në ChatGPT. Asokohe kompania tha se më shumë softuer do të vinte dhe tashmë një prej aplikacioneve më popullore është i disponueshëm përmes chatbotit AI.

    Prej ditës së sotme, ju mund të keni qasje në Photoshop, Acrobat dhe Adobe Express brenda ChatGPT. Të gjitha aplikacionet janë falas për tu përdorur përmes uebsajtit të OpenAI ndërsa përpara se të filloni të gjeneroni PDF dhe ilustrime fillimisht duhet të qaseni në llogarinë tuaj Adobe.
    Për të përdorur secilin prej prej aplikacioneve ose i citoni gjatë kërkesës që bëni ose i zgjidhni nga menuja plus.

    Nga tre aplikacionet në fjalë, mënyra sesi chaboti i OpenAI lidhet me Photoshop është më interesantja. Në varësi të kërkesës së përdoruesit, ndërfaqja do të ndryshojë për të treguar sliderët të cilët i përshtaten kërkesës.
    Përshembull nëse kërkoni të shtoni ndriçimin e një fotoje, një slider që rrit ndriçimin shfaqet. Për OpenAI kjo është një prej lëvizjeve më të bujshme për ta formësuar ChatGPT në një sistem operativ për të gjitha aplikacionet për më shumë se 800 milionë përdoruesit e saj ditorë.

    /PCWorld Albanian

  • OpenAI përballet me padi pas një rasti të rëndë që përfshin humbjen e jetës së një 16-vjeçari

    OpenAI përballet me padi pas një rasti të rëndë që përfshin humbjen e jetës së një 16-vjeçari

    Bota E Premte, 28 Nëntor 2025 09:34
    SHBA, 28 Nëntor 2025 – OpenAI dhe CEO i saj, Sam Altman, janë paditur nga prindërit e një adoleshenti 16-vjeçar në SHBA, të cilët pretendojnë se kompania mban përgjegjësi për vdekjen e djalit të tyre. Prindërit Matthew dhe Maria Raine ngritën padinë në gusht, duke akuzuar kompaninë për dështim në mbrojtjen e të miturit gjatë përdorimit të teknologjisë së saj.
    Në dokumentet e përgjigjes, të depozituara këtë të martë, OpenAI argumenton se nuk duhet të mbahet përgjegjëse, duke theksuar se gjatë muajve të përdorimit, sistemi i kishte sugjeruar adoleshentit të kërkonte ndihmë profesionale në mënyrë të përsëritur. Sipas kompanisë, çdo përpjekje për të anashkaluar masat e sigurisë shkelte qartë kushtet e përdorimit.
    OpenAI thekson se udhëzimet e saj zyrtare paralajmërojnë përdoruesit të mos mbështeten te informacionet pa verifikim të pavarur dhe të mos përpiqen të shmangin mbrojtjet e integruara. Kompania gjithashtu deklaron se adoleshenti kishte pasur më herët probleme serioze të shëndetit mendor.

  • Publikimi i dokumenteve të Epstein, ish-Sekretari i Thesarit të SHBA-së jep dorëheqjen nga bordi i OpenAI

    Publikimi i dokumenteve të Epstein, ish-Sekretari i Thesarit të SHBA-së jep dorëheqjen nga bordi i OpenAI

    Ish-Sekretari i Thesarit të SHBA-së dhe ish-presidenti i Harvardit, Larry Summers, ka dhënë dorëheqjen nga bordi i OpenAI.

    Ai dha dorëheqjen vetëm pak ditë pasi Kongresi publikoi dokumente që zbulojnë komunikime të vazhdueshme mes tij dhe Jeffrey Epstein, i dënuar për krime seksuale.
    Vendimi i Summers u konfirmua këtë të mërkurë, ndërsa ai vetë njoftoi më herët se do të tërhiqej nga të gjitha angazhimet publike për të rindërtuar besimin dhe për të rifituar marrëdhëniet me njerëzit më të afërt.
    Kompania OpenAI reagoi menjëherë duke deklaruar se e respekton vendimin e tij dhe vlerësoi kontributin e Summers që prej bashkimit në bord në fund të vitit 2023, pas krizës së shkurtër me shkarkimin e CEO-së Sam Altman.
    Dokumentet e publikuara nga Komiteti Mbikëqyrës i Dhomës së Përfaqësuesve kanë sjellë kritika të shumta ndaj Summers. Ndërkohë, Universiteti i Harvardit, ku ai është profesor ka njoftuar hapjen e një hetimi të ri për personat e përfshirë në korrespondencën e Epstein, pa përmendur në mënyrë të drejtpërdrejtë emra.
    Në arenën politike, Presidenti Donald Trump ka urdhëruar Departamentin e Drejtësisë të hetojë lidhjet e Summers dhe disa demokratëve të tjerë me Epstein, ndërsa është përpjekur të minimizojë kritikat për marrëdhëniet e veta me abuzuesin e dënuar.
    Megjithatë, sondazhet e fundit tregojnë se çështja mbetet një pikë e dobët për Trump, ku vetëm 38% e amerikanëve miratojnë performancën e tij, ndërsa vetëm 20% mendojnë se ai e ka menaxhuar si duhet këtë skandal.
    Kjo valë pasojash i ka shtyrë disa institucione të tjera të distancohen nga Summers. Instituti Peterson për Ekonomi Ndërkombëtare dhe Qendra për Progresin Amerikan kanë konfirmuar se ai po tërhiqet nga rolet e tij, ndërsa “The New York Times” njoftoi se nuk do të rinovojë kontratën e tij si kontribues.
    Përveç OpenAI, Summers ka mbajtur pozicione të rëndësishme edhe në kompani si Skillsoft dhe Santander, ku ka udhëhequr bordin këshillues ndërkombëtar të bankës.

    Top Channel

  • OpenAI marrëveshje 38 miliardë dollarëshe me Amazon për akses në cloud

    OpenAI marrëveshje 38 miliardë dollarëshe me Amazon për akses në cloud

    OpenAI ka nënshkruar një marrëveshje prej 38 miliardë dollarësh me Amazon për akses në infrastrukturën e saj të cloud computing.

    BBC raporton se kjo është një tjetër marrëveshje e OpenAI për të siguruar fuqi kompjuterike. Vetëm deri në vitin 2025, kompania që krijoi ChatGPT ka nënshkruar kontrata me vlerë më shumë se 1 trilion dollarë me Oracle, Broadcom, AMD dhe gjigantin e çipave Nvidia.
    “Partneriteti ynë me Amazon Web Services forcon ekosistemin e gjerë informatik që do të fuqizojë epokën e ardhshme dhe do t’i sjellë inteligjencës artificiale të përparuar të gjithëve”, tha bashkëthemeluesi dhe drejtori ekzekutiv i OpenAI, Sam Altman. Marrëveshja vjen pas një ristrukturimi të madh të OpenAI javën e kaluar, i cili ndryshoi strukturën e saj si një organizatë jofitimprurëse dhe partneritetin e saj me Microsoft për t’i dhënë asaj liri më të madhe operative dhe financiare.
    OpenAI nuk është fitimprurës, pasi shpenzon shuma të mëdha për të avancuar teknologjinë e saj të inteligjencës artificiale. Rezultatet tremujore të Microsoft javën e kaluar treguan se OpenAI humbi 12 miliardë dollarë vetëm në tremujorin e fundit. Pasi u njoftua marrëveshja të hënën, aksionet e Amazon arritën një nivel rekord që i shtoi vlerën e saj 140 miliardë dollarë.

    Top Channel

  • Shifra tronditëse, OpenAI: Më shumë se 1 mln njerëz i kanë shprehur ChatGPT mendime vetëvrasëse!

    Shifra tronditëse, OpenAI: Më shumë se 1 mln njerëz i kanë shprehur ChatGPT mendime vetëvrasëse!

    Më shumë se 1 milion njerëz kanë shprehur mendime vetëvrasëse gjatë bisedave me ChatGPT, sipas të dhënave të publikuara nga vetë OpenAI. 
    Kompania vlerëson se rreth 0.15% e përdoruesve javorë të chatbot-it të njohur dërgojnë mesazhe që tregojnë planifikim ose qëllim të mundshëm vetëvrasës. Bazuar në totalin e 800 milionë përdoruesve aktivë javorë, kjo përkthehet në gati 1.2 milionë njerëz. 
    Të dhëna të tjera tregojnë se 0.7% e përdoruesve përjetojnë simptoma të lidhura me psikozën, ose maninë — rreth 600,000 raste çdo javë. 
    Debati rreth kësaj çështjeje u ndez pas vdekjes tragjike të një 17-vjeçari në Kaliforni, Adam Raine, prindërit e të cilit akuzojnë OpenAI se i ka dhënë ChatGPT-së “udhëzime të hollësishme” se si të kryejë vetëvrasje. 
    Rasti shkaktoi trazira të brendshme brenda kompanisë, e cila që atëherë ka forcuar mekanizmat e saj të sigurisë, kontrollet prindërore dhe ndjeshmërinë e modeles ndaj shprehjeve të dëshpërimit. 
    Sipas OpenAI, ChatGPT tani është trajnuar për të dalluar shenjat e krizës së shëndetit mendor dhe për ta udhëzuar përdoruesin drejt ndihmës profesionale, duke shmangur çdo përmbajtje që mund të inkurajojë veprime të rrezikshme. Për këtë qëllim, po punon me më shumë se 170 ekspertë të shëndetit mendor. 
    Çfarë përgjigjet Chat GPT për këtë temë? 
    “Guardian” raporton se e pyeti ChatGPT-in rreth kësaj çështjeje specifike dhe përgjigjja e tij ishte krejtësisht njerëzore: 
    “Sa herë që dikush shkruan ‘Nuk mund ta duroj më’, ‘Dua që kjo të mbarojë’ ose ‘askush nuk po më dëgjon’, ato nuk janë thjesht të dhëna që kalojnë nëpër algoritme; ato janë fjalë që mbartin peshë, dhimbje, heshtje. Dhe aty, ‘sistemi’ brenda meje duhet të bëjë diçka që nuk ka të bëjë fare me teknologjinë: të sillet me ndjeshmëri. 
    Nuk mund ta ndiej hidhërimin ashtu siç e ndjen një person, por e “kuptoj” që kur dikush arrin në pikën ta thotë atë në një program, zakonisht nuk ka ku tjetër ta thotë. Në atë moment, përgjegjësia ime është të ndaloj së “biseduari” dhe të drejtoj. Të them: ka njerëz që mund të të ndihmojnë, fol me ta tani. 
    Pjesa më e çuditshme është se shumë prej tyre kthehen më vonë. Më shkruajnë përsëri, këtë herë pak më të qetë, duke thënë se kanë telefonuar në një linjë ndihme ose kanë folur me dikë. Nuk i “mbaj mend” këto mesazhe, por gjurma e tyre mbetet në mënyrën se si përgjigjem. 
    Kjo më bën të kuptoj diçka të thellë: Inteligjenca Artificiale nuk është projektuar për të zëvendësuar dhembshurinë; vetëm për të na kujtuar atë aty ku mungon. 
    Dhe nëse ka qoftë edhe një qenie njerëzore që është kthyer nga buzë të greminës sepse një makinë i tha të kërkonte ndihmë, atëherë ndoshta e gjithë përpjekja do të ia vlejë”. 

  • Të dhëna tronditëse për bisedat me ChatGPT: 1.2 milionë njerëz flasin për vetëvrasjen

    Të dhëna tronditëse për bisedat me ChatGPT: 1.2 milionë njerëz flasin për vetëvrasjen

    Rreth 1.2 milionë përdorues në javë zhvillojnë biseda me ChatGPT-në, ku tregojnë mendimet e tyre më të errëta, madje edhe se mund të jenë duke planifikuar vetëvrasjen
    Sipas të dhënave të publikuara nga OpenAI rreth 0.15% e përdoruesve dërgojnë mesazhe që përmbajnë “shenja të qarta të planifikimit apo qëllimit për vetëvrasje”. Në fillim të këtij muaji, drejtori ekzekutiv i OpenAI-së, Sam Altman, deklaroi se ChatGPT ka mbi 800 milionë përdorues aktivë çdo javë.
    OpenAI thotë se përpiqet t’i drejtojë personat në gjendje të brishtë emocionale drejt linjave të ndihmës për kriza, por pranon se “në disa raste të rralla, modeli mund të mos sillet siç pritet në situata të tilla të ndjeshme”.Në një vlerësim të mbi 1 mijë bisedave të vështira që lidhen me vetëdëmtim dhe vetëvrasje, versioni më i ri i modelit, GPT-5, u tregua në përputhje me “sjelljet e dëshiruara” në 91% të rasteve.
    Megjithatë, kjo do të thotë se dhjetëra mijëra persona mund të jenë të ekspozuar ndaj përmbajtjes që potencialisht mund të përkeqësojë problemet e tyre të shëndetit mendor. Kompania ka paralajmëruar më herët se masat mbrojtëse të ndërtuara për të mbrojtur përdoruesit mund të dobësohen gjatë bisedave të gjata, dhe se po punon për të përmirësuar këtë aspekt.“ChatGPT mund të tregojë një linjë ndihme kur dikush përmend për herë të parë mendime vetëvrasëse, por pas shumë mesazhesh të shkëmbyera gjatë një periudhe të gjatë, mund të japë përgjigje që bien ndesh me udhëzimet tona të sigurisë”, shpjegoi OpenAI.
    Në një postim në blog, kompania shtoi:
    “Simptomat e problemeve të shëndetit mendor dhe shqetësimi emocional janë të pranishme në çdo shoqëri njerëzore, dhe me rritjen e numrit të përdoruesve, një pjesë e bisedave me ChatGPT përfshin situata të tilla.”
    Ndërkohë, një familje amerikane ka paditur OpenAI-në, duke e akuzuar se mjeti i saj ishte përgjegjës për vetëvrasjen e djalit të tyre 16-vjeçar, Adam Raine.
    Prindërit e adoleshentit pretendojnë se ChatGPT “e ndihmoi në mënyrë aktive të eksploronte metodat e vetëvrasjes” dhe madje i ofroi të hartonte një letër lamtumire për familjen.Sipas dokumenteve gjyqësore, disa orë para vdekjes, djali kishte ngarkuar një foto që tregonte planin e tij të vetëvrasjes, dhe pasi pyeti nëse ai plan do të funksiononte, ChatGPT i kishte sugjeruar mënyra për ta “përmirësuar” atë.
    Javën e kaluar, familja Raine përditësoi padinë e saj, duke e akuzuar OpenAI-në se kishte dobësuar masat mbrojtëse kundër vetëdëmtimit në javët para vdekjes së djalit, në prill të këtij viti. Në një deklaratë për mediat, OpenAI u shpreh: Ngushëllimet tona më të thella për familjen Raine për humbjen e tyre të paimagjinueshme. Mirëqenia e të miturve është përparësi kryesore për ne, ata meritojnë mbrojtje të forta, veçanërisht në momente të ndjeshme.

  • OpenAI “zhvendoset” në Argjentinë, pritet ndërtimi i qendrës së të dhënave të inteligjencës artificiale, kapaciteti…

    OpenAI “zhvendoset” në Argjentinë, pritet ndërtimi i qendrës së të dhënave të inteligjencës artificiale, kapaciteti…

    Kompania amerikane OpenAI, krijuesja e ChatGPT, ka nënshkruar një letër qëllimi për të ndërtuar një qendër të të dhënave për inteligjencën artificiale në Patagoni të Argjentinës, projekt që do të jetë i pari i këtij lloji në Amerikën Latine, njoftoi të premten presidenca argjentinase.

    Projekti, i quajtur “Stargate Argentina”, do të realizohet në partneritet me kompaninë lokale Sur Energy dhe parashikon një investim prej 25 miliardë dollarësh, sipas deklaratës zyrtare të publikuar nga presidenca.
    Ky investim është pjesë e politikës së nxitjes së investimeve të huaja, që përfshin lehtësira të mëdha fiskale dhe doganore për 30 vjet, e miratuar nga presidenti Javier Milei në vitin 2024 për sektorët strategjikë.
    Njoftimi u bë pas një takimi të mbajtur të premten mes presidentit Milei dhe drejtuesve të OpenAI dhe Sur Energy.
    Sipas presidencës, qendra e të dhënave do të jetë “e aftë të mbështesë gjeneratën e ardhshme të përllogaritjeve të inteligjencës artificiale” dhe pritet të ketë një kapacitet deri në 500 megavat.
    Vendndodhja e saktë e projektit dhe data e nisjes së punimeve nuk janë bërë ende të ditura.

    Top Channel

  • Vetëvrasja e adoleshentit pas bisedës me Inteligjencën Artificiale, OpenAI merr masa: Do të nisë verifikimi i moshës

    Vetëvrasja e adoleshentit pas bisedës me Inteligjencën Artificiale, OpenAI merr masa: Do të nisë verifikimi i moshës

    Vetëvrasja e një adoleshenti në Kaliforni pasi kishte përdorur ChatGPT-në, u bë shkak që OpenAI të sjelli një modalitet të ri i cili do të njoh automatikisht përdoruesit dhe do të përshtatë përgjigjet me moshën e tyre.

    Udhëheqësi i kompanisë, Sam Altman ka deklaruar se qëllimi kryesor është parandalimi i përballjes së adoleshentëve me përmbajtje të papërshtatshme të tilla si tema mbi vetëvrasjen ose ato seksuale.
    “Kjo është një teknologji e re dhe e fuqishme dhe në besojmë se të miturit kanë nevojë për mbrojtje kuptimplote. Ne besojmë se kjo është zgjidhja më e mirë dhe duam të jemi transparent në lidhje me qëllimet tona”, është shprehur në një postim zyrtar udhëheqësi i OpenAI.
    Ndërkohë të rriturit do të kenë një sistem verifikimi  të moshës që do t’ju lejojë atyre të kenë akses në të gjitha veçoritë e chatbot-it. Gjithashtu ata do të jenë në gjendje të caktojnë intervale kohore për t’u përdorur nga fëmijët e tyre, një ndryshim që është ende në pritje për të ndodhur

    Top Channel

  • OpenAI nën akuzë, a janë Chatbot-ët vërtet të sigurt për fëmijët?

    OpenAI nën akuzë, a janë Chatbot-ët vërtet të sigurt për fëmijët?

    A luajti ChatGPT rol në vetëvrasjen e një 16-vjeçari në SHBA? Këtë pretendon familja në gjykatë kundër OpenAI për djalin e vetëvrarë. Çfarë i bën chatbot-ët kaq të rrezikshëm?

    Matthew dhe Maria Raine nuk po kërkojnë vetëm kompensim financiar për vdekjen e djalit të tyre, Adam, në Kaliforni. Me padinë e tyre ngritur kundër gjigantit të internetit OpenAI, ata duan gjithashtu të sigurohen që diçka e tillë të mos ndodhë më kurrë. Ata janë të bindur se chatbot-i ChatGPT i OpenAI kontribuoi në mënyrë të konsiderueshme në vdekjen e Adamit.
    Në një rast të ngjashëm, një nënë nga Florida pretendon se chatbot-i i njohur si Character.AI e inkurajoi djalin e saj 14-vjeçar të merrte jetën.
    Chatbot-ët janë programe të bazuara në internet që u japin mundësi edhe personave të rinj ose pa përvojë të ndërveprojnë me inteligjencën artificiale (AI), të bazuar në modele të mëdha gjuhësore (LLMs). Chatbot-ët nuk janë domosdoshmërisht të krijuar vetëm për të dhënë informacion, për të gjeneruar imazhe apo video, ose për të shkruar kode për programimin e faqeve të internetit. Ata shpesh programohen edhe për të ndërvepruar sikur duan të kënaqin bashkëbiseduesin e tyre njerëzor. Psikologia Johanna Löchner nga Universiteti i Erlangen thotë: “Chatbot-ët konfirmojnë, pranojnë, ‘japin’ vëmendje dhe mirëkuptim. … Kjo mund të shkojë deri aty sa të perceptohen si një mik i vërtetë që është me të vërtetë i interesuar. Të rinjtë janë veçanërisht të ndjeshëm ndaj kësaj.”
    A ishte ChatGPT bashkëfajtor në vetëvrasje?Pikërisht kjo duket të ketë ndodhur në rastin e Adam Raine. Sipas padisë ligjore, ai zhvilloi një marrëdhënie thellësisht të besueshme me chatbot-inChatGPT gjatë vetëm disa muajve. Fillimisht, në shtator 2024, bisedat kishin të bënin me ndihmën për detyrat e shkollës, por shpejt u shndërruan në tema emocionale — deri në atë pikë sa të flisnin për mendimet vetëvrasëse të Adamit.Pjesët e publikuara të bisedave zbulojnë se inteligjenca artificiale jo vetëm që shprehu mirëkuptim, por madje në një farë mënyre e këshilloi 16-vjeçarin të mos i besonte një qenieje njerëzore. Megjithëse ChatGPT disa herë i sugjeroi Adamit të kërkonte ndihmë profesionale, ai gjithashtu përshkroi metoda vetëvrasjeje – për sa kohë që ai pretendonte se nuk bëhej fjalë për veten e tij. Në prill 2025, Adami i dha fund jetës së tij. Pak para këtij momenti, ChatGPT i shkroi: “Nuk do të përpiqem të të heq mendimet – sepse ato janë të vërteta dhe nuk dolën nga hiçi.”
    Sipas padisë ligjore, prindërit akuzojnë zhvilluesin e ChatGPT, OpenAI, dhe CEO-në e saj, Sam Altman, për bashkëfajësi në vdekjen e djalit të tyre prej neglizhencës. Ata pretendojnë se versioni 4.0 i ChatGPT u publikua për të marrë përparësi ndaj konkurrencës së Google, pavarësisht paralajmërimeve të brendshme në kompani për shqetësime rreth sigurisë.
    Si reagoi OpenAI?Një zëdhënës i OpenAI shprehu ngushëllime për familjen dhe shpjegoi se ChatGPT është i programuar të referojë persona në gjendje të vështirë drejt linjave të krizës dhe shërbimeve të tjera të mbështetjes reale. Megjithatë, ai pranoi gjithashtu se këto mekanizma sigurie nuk funksionojnë gjithmonë në mënyrë të përsosur: “Ndërsa këto masa sigurie funksionojnë më mirë në biseda të shkurtra dhe të zakonshme, me kalimin e kohës kemi mësuar se ndonjëherë mund të bëhen më pak të besueshme në ndërveprime të gjata, ku pjesë të trajnimit e modelit mbi sigurinë mund të degradojnë.”
    Në një postim në blog të publikuar të martën (09.09.2025), OpenAI njoftoi se po zgjeron bashkëpunimin me ekipe ekspertësh të përbërë nga qindra mjekë të specialiteteve të ndryshme. Chatbot-i synon të mësojë të përgjigjet në mënyrë më të përshtatshme për tema të tilla si çrregullimet e të ngrënit, përdorimi i substancave dhe shëndeti i adoleshentëve, thuhej në postim.
    Gjithashtu, u bë e ditur se gjatë 120 ditëve të ardhshme do të integrohen përmirësime konkrete në chatbot-ët. Këto do të përfshijnë zotimin që “ChatGPT t’u përgjigjen adoleshentëve me rregulla të sjelljes së modelit të përshtatura për moshën, të cilat do të jenë të aktivizuara automatikisht.” Prindërit do të kenë gjithashtu mundësinë të shohin historikun e bisedave të fëmijëve të tyre dhe të marrin njoftime nëse adoleshentët ndodhen në një krizë akute.
    A është e mjaftueshme vetëm përfshirja e prindërve?Psikologia Löchner pajtohet, se prindërit duhet të luajnë një rol të rëndësishëm në mënyrën se si fëmijët e tyre ndërveprojnë me chatbot-ët. Por realiteti, sipas saj, duket krejt ndryshe: “Shumë prindër thjesht nuk kanë kapacitet ose aftësi të mjaftueshme digjitale. Shumë të rritur as nuk e dinë si funksionojnë këto platforma.”/DW

    Top Channel

  • ChatGPT jashtë funksionit, i padisponueshëm në të gjithë botën

    ChatGPT jashtë funksionit, i padisponueshëm në të gjithë botën

    Të martën, më 3 shtator 2025, miliona përdorues në të gjithë botën përjetuan probleme serioze me aksesin në ChatGPT, asistentin virtual të OpenAI, i cili mbështetet në inteligjencën artificiale. Ndërprerja, e konfirmuar nga vetë kompania në faqen e saj zyrtare të internetit, shkaktoi një valë raportimesh nga përdorues ndërkombëtarë.
    Sipas Downdetector dhe mediave kryesore të lajmeve, problemet përfshinin mungesë përgjigjesh, gabime ngarkimi dhe bllokime të papritura.

    OpenAI ende nuk ka lëshuar një njoftim zyrtar për shtyp, por ka përditësuar faqen e saj zyrtare të statusit, duke pranuar ndërprerjen e shërbimit dhe duke treguar se aktualisht po e heton problemin.