Lajmidites.com

Tag: nevojë

  • Fjolla jep detaje, zbulon arsyen e largimit nga muzika

    Fjolla jep detaje, zbulon arsyen e largimit nga muzika

    Showbiz E Mërkurë, 10 Dhjetor 2025 16:59
    Fjolla Morina, pjesë e ”Big Brother Kosova Vip 4” ka vendosur më në fund të flasë për një nga pyetjet që ka ndjekur prej vitesh karrierën e saj: pse u largua nga muzika. Në një deklaratë të sinqertë, ajo zbulon se pas shkëlqimit skenik fshihen beteja personale, lodhje emocionale dhe një presion që shpesh nuk shihet nga publiku.
    “I kam pas do sene të miat. Kaniher duhet me marr kohë për vete. Nuk e dijne njerëz çka ka kalojmë. Sidomos gjenerata jem e ka pas më të vështirë. Atëherë para 20 vjete nuk ke mujt as me dal nëpër televizione”, shprehet ajo, duke iu referuar kapitujve të heshtur të jetës së saj.

    Deklarata hedh dritë mbi vështirësitë që artistët e brezit të saj kanë përjetuar një kohë kur ekspozimi publik ishte i kufizuar dhe rritja profesionale vinte me barriera të shumta. Për të, marrja e distancës nuk ishte zgjedhje e thjeshtë, por nevojë e domosdoshme për të ruajtur mirëqenien e saj.

    Me këtë rrëfim, këngëtarja lë të kuptohet se rikthimi në muzikë mund të mos ketë qenë kurrë problemi, por gjetja e paqes me veten. Në një industri që s’pushon asnjë minutë, Fjolla rikujton se para çdo karriere qëndron një njeri që shpesh ka nevojë të ndalojë dhe të marrë frymë.

  • Këlliçi: Ka një gjumë letargjik në PD, partia ka nevojë për t’u hapur më shumë

    Këlliçi: Ka një gjumë letargjik në PD, partia ka nevojë për t’u hapur më shumë

    Deputeti i Partisë Demokratike, Belind Këlliçi, duke  folur për situatën në PD,  tha se vende vende në Partinë Demokratike ka një gjumë letargjik dhe një mpirje nervi.
    Demokrati tha se partia ka nevojë për energji të reja dhe për t’u hapur më shumë.
    Gjithashtu Këlliçi tha se është nevoja që të ketë një reagim më të fortë nga ana e Partisë Demokratike dhe për t’u përqendruar te mesazhi politik.
    “Nuk mund të vësh një shenjë barazie midids PD dhe PS. Nga ana tjetër a është PD në lartësinë e duhur? A ka një gjumë letargjik vende vende në PD dhe një mpirje nervi? Patjetër që po. Kemi nevojë për energji të reja, kemi nevojë për profesionistë. Kemi nevojë për të hapur dhe më shumë PD-në. Patjetër kemi nevojë për të reaguar shumë herë më fort. Nga ana tjetër kemi nevojë të jemi të përqendruar në mesazhin tonë politik”, tha Këlliçi.
     

  • Miratohet tek “Ekonomia”, buxheti 2026 “rrëshqet” pa pengesa drejt Kuvendit

    Miratohet tek “Ekonomia”, buxheti 2026 “rrëshqet” pa pengesa drejt Kuvendit

    Me shtatë vota pro e asnjë kundër, është miratuar sot, 9 dhjetor, buxheti i shtetit për vitin 2026, nen për nen në Komisionin e Ekonomisë, Punësimin dhe Financat.
    “Kemi nevojë që në një mënyrë mbase informale të bëjmë ca diskutime për këto ide që kemi. Kemi nevojë të ulemi me ju për këto gjëra, urime dhe suksese që të zbatojmë projektbuxhetin me atë rritje ekonomike që kemi parashikuar”, tha drejtuesja e këtij komisioni, Milva Ekonomi, në mbyllje të mbledhjes.
    Gjatë mbledhjes, pati diskutime të thelluara pasi deputeti socialist Erion Braçe propozoi që “çdo e ardhur shtesë nga politikat për sigurimet shoqërore të përdoret për politikë pensionesh”.
    Tanimë pritet që buxheti të miratohet nen për nen në sallën e Kuvendit, në seancën plenare të 11 dhjetorit.

    Këtë të martë u miratua edhe projektligji “Për koncesionet dhe partneritetin publik privat”.
    Kujtojmë se në parim, pas një seance maratonë, buxheti 8.8 miliardë euro dhe paketa fiskale u miratuan në orët e para të mëngjesit të datës 20 nëntor 2025.
    Ky projektbuxhet, parashikon rritje të të ardhurave dhe shpenzimeve. Të ardhurat buxhetore për vitin 2026 llogariten në rreth 823 miliardë lekë, 6.8% më shumë në krahasim me 2025-ën, ose me rreth 52.9 miliardë lekë më shumë.
    Po ashtu, parashikohet rritje e fondeve për sektorët socialë, investimet publike dhe rritjen e kapaciteteve institucionale. Në fushën e pensioneve dhe mbrojtjes sociale, parashikohen fonde shtesë, përfshirë bonusin për pensionistët dhe indeksimin, duke synuar mbështetjen e grupeve në nevojë dhe përballimin e efekteve të inflacionit.

  • “Kemi nevojë të pastrohemi doktor”/ Ish-studenti i dhjetorit-Berishës: Duhet t’a nisim nga vetja

    “Kemi nevojë të pastrohemi doktor”/ Ish-studenti i dhjetorit-Berishës: Duhet t’a nisim nga vetja

    Partia Demokratike, po kremton këtë të hënë, figurën e liderit të Dhjetorit, Azem Hajdari, të vendosur në Qytet Studenti.
    Të pranishëm janë qytetarë e mbështetës demokratë të cilët kanë mbajtur edhe fjalën e tyre.
    Një nga qytetarët, ish-student i dhjetorit, Osman Stafa, i drejtohet Berishës duke i thënë ndër të tjera, se vendi ynë dhe shoqëria jonë ka nevojë të pastrohet.
    “Ne disa faza i kemi kaluar, por jo çdo fazë e tij ka treguar që e pjek burrin. Ne kemi nevojë për më shumë mirëkuptim me njëri tjetrin për tolerancë dhe për të qenë më të vendosur. E fundit që do të sugjeroja, ka një parim, nëse një pjesëtar familjeje në darkë lëviz dhe kthehet në mëngjes, ai nuk është më pjesë e familjes. Unë atë pjesëtar të familjes e pastroj, ne kemi nevojë të pastrohemi doktor Berisha, ne duhet të jemi vetvetja, shqiptarët shpresojnë dhe besojnë tek ne. Doktor Berisha në një fjalë para disa kohësh tha që duhet të pastrojmë shtëpinë tonë. Shtëpia jonë, është e vërtetë që ka nevojë për t’u ndryshuar, doktor Berisha, dhe për t’u pastruar., u shpreh ai.

  • “Duhet t’a nisim nga vetja”/ Ish-studenti i Dhjetorit ‘nuk ia përton’ Berishës: Ne kemi nevojë të pastrohemi doktor

    “Duhet t’a nisim nga vetja”/ Ish-studenti i Dhjetorit ‘nuk ia përton’ Berishës: Ne kemi nevojë të pastrohemi doktor

    Në fjalën e tij në takimin e mbajtur në Qytetin Studenti, aktivisti Osman Stafa përkujtoi kontributin e qytetarëve dhe studentëve në 8 dhjetorin e vitit 1990, duke theksuar se ky moment historik shënoi lindjen e pluralizmit dhe krijimin e Partisë Demokratike.
    Ai nënvizoi rëndësinë e ruajtjes së kujtesës historike dhe krenarisë për arritjet 35-vjeçare të demokracisë në Shqipëri, duke kritikuar goditjet që, sipas tij, kanë pësuar familja dhe shoqëria shqiptare në dekadat e fundit. Stafa theksoi gjithashtu nevojën për përkushtim kolektiv në përmirësimin dhe pastrimin e “shtëpisë së përbashkët” të Partisë Demokratike dhe vendit.
    “Ne disa faza i kemi kaluar, por jo çdo fazë e tij ka treguar që e pjek burrin. Ne kemi nevojë për më shumë mirëkuptim me njëri tjetrin për tolerancë dhe për të qenë më të vendosur. E fundit që do të sugjeroja, ka një parim, nëse një pjesëtar familjeje në darkë lëviz dhe kthehet në mëngjes, ai nuk është më pjesë e familjes. Unë atë pjesëtar të familjes e pastroj, ne kemi nevojë të pastrohemi doktor Berisha, ne duhet të jemi vetvetja, shqiptarët shpresojnë dhe besojnë tek ne”, tha Osman Stafa.

  • Buxheti 2026, Rama: Dëgjesat publike shërbyen për të prezantuar detajet për rritjen e pagave dhe pensioneve

    Buxheti 2026, Rama: Dëgjesat publike shërbyen për të prezantuar detajet për rritjen e pagave dhe pensioneve

    Edi Rama

    TIRANË- Kryeministri Edi Rama ka folur për buxhetin 2026 në podcastin e tij “Flasim”. Në fjalën e tij ai ka theksuar se pensionet, pagat dhe investimet publike do të njohin një rritje historike gjatë vitit të ardhshëm. Rama tha se dëgjesat publike të kësaj jave kanë shërbyer për t’i prezantuar qytetarëve në detaje projektbuxhetin e ri.
    Kryeministri vendosi theksin tek të ardhurat, të cilat sipas tij përfshin jo vetëm pagat dhe pensionet, por edhe investimet publike, të cilat vitin e ardhshëm pritet të shënojnë një tjetër rekord. Ai u ndal edhe te mbështetja sociale, duke theksuar se ndihma për pensionistët dhe kategoritë më në nevojë do të vijojë të rritet.
    “Edhe gjatë kësaj jave, kemi qenë në dispozicion të qytetarëve, me parashtresat në detaje, përmes dëgjesave publike, të buxhetit të vitit që është në prag, një vit, që hyn me këmbë të mbarë për shqiptarët sa i përket të ardhurave në radhë të parë, në paga e pensione, por edhe sa i përket investimeve publike, që do të shënojnë përsëri, të gjitha këto së bashku, një rritje historike. Tanimë, Shqipëria është në një nivel tjetër. Ky është një fakt që do të bëhet çdo vit dhe më i prekshëm në jetën e përditshme të njerëzve tanë, të atyre që jetojnë me punë, qoftë në sektorin publik, qoftë në atë privat, në jetën e përditshme të pensionistëve, gjyshërve dhe gjysheve tona, në jetën e përditshme të atyre më në nevojë, për të cilët mbështetja, mbrojtja sociale, vjen duke u rritur.”- tha Rama.
    Prej disa javësh Rama ka nisur takime në njësitë e Tiranës së bashku me Ogerta Manastrilun e cila aktualisht është drejtuesja politike e qarkut Tiranë. Në takimet e zhvilluara me qytetarët fokusi ka qenë tek buxheti, kryesisht tek pagat, pensionet dhe ndihmat sociale për familjet në nevojë./ZËRI

  • Buxheti 2026, Rama: Dëgjesta publike shërbyen për të prezantuar detajet për rritjen e pagave dhe pensioneve

    Buxheti 2026, Rama: Dëgjesta publike shërbyen për të prezantuar detajet për rritjen e pagave dhe pensioneve

    Edi Rama

    TIRANË- Kryeministri Edi Rama ka folur për buxhetin 2026 në podcastin e tij “Flasim”. Në fjalën e tij ai ka theksuar se pensionet, pagat dhe investimet publike do të njohin një rritje historike gjatë vitit të ardhshëm. Rama tha se dëgjesat publike të kësaj jave kanë shërbyer për t’i prezantuar qytetarëve në detaje projektbuxhetin e ri.
    Kryeministri vendosi theksin tek të ardhurat, të cilat sipas tij përfshin jo vetëm pagat dhe pensionet, por edhe investimet publike, të cilat vitin e ardhshëm pritet të shënojnë një tjetër rekord. Ai u ndal edhe te mbështetja sociale, duke theksuar se ndihma për pensionistët dhe kategoritë më në nevojë do të vijojë të rritet.
    “Edhe gjatë kësaj jave, kemi qenë në dispozicion të qytetarëve, me parashtresat në detaje, përmes dëgjesave publike, të buxhetit të vitit që është në prag, një vit, që hyn me këmbë të mbarë për shqiptarët sa i përket të ardhurave në radhë të parë, në paga e pensione, por edhe sa i përket investimeve publike, që do të shënojnë përsëri, të gjitha këto së bashku, një rritje historike. Tanimë, Shqipëria është në një nivel tjetër. Ky është një fakt që do të bëhet çdo vit dhe më i prekshëm në jetën e përditshme të njerëzve tanë, të atyre që jetojnë me punë, qoftë në sektorin publik, qoftë në atë privat, në jetën e përditshme të pensionistëve, gjyshërve dhe gjysheve tona, në jetën e përditshme të atyre më në nevojë, për të cilët mbështetja, mbrojtja sociale, vjen duke u rritur.”- tha Rama.
    Prej disa javësh Rama ka nisur takime në njësitë e Tiranës së bashku me Ogerta Manastrilun e cila aktualisht është drejtuesja politike e qarkut Tiranë. Në takimet e zhvilluara me qytetarët fokusi ka qenë tek buxheti, kryesisht tek pagat, pensionet dhe ndihmat sociale për familjet në nevojë./ZËRI

  • Ervin Salianji kërkon të marrë drejtimin e PD?! Ilir Alimehmeti zbulon prapaskenat: Sali Berisha më ftoi në zyrë…

    Ervin Salianji kërkon të marrë drejtimin e PD?! Ilir Alimehmeti zbulon prapaskenat: Sali Berisha më ftoi në zyrë…

    Mjeku Ilir Alimehmeti, ish-kandidat për deputet i Partisë Demokratike, ka rrëfyer se është takuar me kryedemokratin Sali Berisha, pas kafes që konsumoi me Ervin Salianjin dhe eksponentë të tjerë të kësaj force politike.
    I ftuar në A2 CNN me gazetaren Merita Haklaj, kandidati më i votuar i Tiranës në zgjedhjet e fundit parlamentare, tregoi se e ka përgazuar  Sali Berishën që më në fund kishte vendosur të dilte në terren për të takuar demokratët, nëpërmjet Foltoreve.

    “Nuk ka asnjë nga këto lloj takimesh që nuk ia do të mirën PD-së. Doktor Berisha është kryetar i PD-së. Unë mendoj se është një moment shumë i mirë edhe për të për ta integruar këtë lloj energjie brenda partisë, sepse e kemi të nevojshme, ndryshe do kemi më pak mbështetje.

    E kam takuar Berishës edhe së fundmi. Ne e kemi emëruesin e përbashkët të njëjtë. Sepse s’do thoja që është kryetari im dhe unë e mbështes, nëse ne i kemi mendimet ndryshe. Nuk do isha në atë forcë politike përndryshe, nuk do shkoja aty në ditën e tij më të keqe.

    Në takim Berishës i shpreha vlerësimin për faktin që po del në terren. Akoma nuk kishte filluar. Shumë mirë që del në terren, do i dëgjosh vetë njerëzit. Takimi me Berishën ishte pas kafes”, është shprehur mes të tjerash Ilir Alimehmeti.
    Ai ripërsëriti gjithashtu se lëvizja e organizuar nga Ervin Salianji dhe kolegë të tjerë demokratë nuk ka për qëllim pozicionin e kryetarit të PD-së. Sipas tij, forca politike ku ata aderojnë është përgjumur dhe ka nevojë të riorganizohet dhe të përfaqësojë më së miri votuesit.
    “Duhet të kuptojmë diçka të rëndësishme. Këtu ne nuk jemi duke folur për një diskutim politik, për një lidership politik apo për mendime politike të ndryshme. Pra nuk është një lëvizje e këtij tipi. Është një lëvizje që kërkon organizim.
    Pra ne po çojmë nevojën, pra kemi nevojë të riorganizohemi, kemi nevojë të ripërfaqësohemi. Sepse kështu siç jemi nuk po bëjmë dot maksimumin tonë.
    Atëherë në këtë aspekt ne kemi nevojë për një organizim më të mirë. Sepse po dukej sikur ishte përgjumur situata dhe nuk shkon kjo. Është mandati i katërt që po qeveris Rama dhe nuk na lejohet kjo. Se nuk është as lëvizje anti-kryetar, sepse kanë dashur ta spostojnë vëmendjen këtu”, tha Ilir Alimehmeti.

  • Salianji kërkon karrigen e Berishës? E zbulon Alimehmeti: Nuk është lëvizje anti-kryetar!

    Salianji kërkon karrigen e Berishës? E zbulon Alimehmeti: Nuk është lëvizje anti-kryetar!

    Ish-kandidati për deputet, Ilir Alimehmeti, është shprehur se lëvizja e organizuar nga Ervin Salianji, pjesë e të cilës është edhe vetë ai, nuk është një lëvizje anti-kryetar.
    Komentet Alimehmeti i bëri në studion e emisionit ‘ÇdoKënd’ me gazetaren Merita Haklaj në A2 CNN, ku tha se qëllimi i kësaj lëvizjeje është të kërkojë organizim të PD-së.
    Ai tha gjithashtu se në situatën aktuale dukej sikur PD ishte përgjumur dhe ka nevojë të riorganizohet dhe të përfaqësojë më së miri votuesit.
    “Duhet të kuptojmë diçka të rëndësishme. Këtu ne nuk jemi duke folur për një diskutim politik, për një lidership politik apo për mendime politike të ndryshme. Pra nuk është një lëvizje e këtij tipi. Është një lëvizje që kërkon organizim.
    Pra ne po çojmë nevojën, pra kemi nevojë të riorganizohemi, kemi nevojë të ripërfaqësohemi. Sepse kështu siç jemi nuk po bëjmë dot maksimumin tonë.
    Atëherë në këtë aspekt ne kemi nevojë për një organizim më të mirë. Sepse po dukej sikur ishte përgjumur situata dhe nuk shkon kjo. Është mandati i katërt që po qeveris Rama dhe nuk na lejohet kjo. Se nuk është as lëvizje anti-kryetar, sepse kanë dashur ta spostojnë vëmendjen këtu”, tha mes të tjerash Alimehmeti.

  • ‘Ka nevojë të fuqizohet’, Alimehmeti: Partia Demokratike duhet të pranojë ndryshimet

    ‘Ka nevojë të fuqizohet’, Alimehmeti: Partia Demokratike duhet të pranojë ndryshimet

    Ilir Alimeheti ka treguar thelbin e lëvizjes së nisur prej tij dhe ish-deputetit Ervin Salianji. Ai nënvizon se takimet me bazën nuk janë agjendë personale apo të sponsorizuara nga pushteti por ka një synim të vetën, atë të hapjes së Partisë Demokratike dhe shndërrimit të saj në alternativë fituese.
    “Partia Demokratike ka nevojë të fuqizohet, ka nevojë të rritet, ka nevojë të bashkohet që çdo rrymë brenda saj ta thërrasë brenda, në mënyrë që si lidere e opozitës që është, të kthehet në alternativë qeverisëse një orë e më parë. Kjo është ajo çka ne po mundohemi të bëjmë”, deklaroi Alimehmeti.
    Për Ilir Alimehmetin, Partia Demokratike duhet të shfrytëzojë për një qasje të re të saj, zgjedhjet e brendshme që pritet të mbahen pranverën e vitit të ardhshëm. Për të, nuk duhet të konsiderohet tabu zëvendësimi i emrave të caktuar në poste të larta drejtuese të PD-së.
    Duket se, mesazhin e ka për ata që konsiderohen besnikë të kryetarit, teksa thotë se rëndësi ka dhe pranimi i tyre nga baza.
    “Me të drejtë, disa njerëz kërkojnë të përfaqësohen. Por në fund të ditës do ketë procese të vetat, një anëtar një votë. Kushdo në politikë ka ambiciet e veta dhe nëse ka mbështetjen e duhur në një parim vlerash të përbashkëta të marrë mbështetjen e duhur nëse votohet dhe të japë atë mendimin, platformën, vizionin dhe po mori mbështetjen edhe të udhëheqë patjetër sipas nivelit ku përzgjidhet”, shtoi ai.
    Alimehmeti bën me dije se takimet e shpeshta nuk i kanë munguar me kryetarin e Partisë Demokratike, Sali Berisha, ndërsa votëbesimi për të edhe në 2026-ën në pozicionin e kryetarit është vullnet i dukshëm i tij.