Prej më shumë se 10 ditësh, banorët e fshatrave Vllahat, Kostar dhe Pralat në bashkinë e Delvinës janë të izoluar, për shkak të rrëshqitjeve të dherave që kanë shembur rrugën që lidh këto tre fshatra me qendrën urbane. Që nga ai moment, jeta e këtyre banorëve është vështirësuar së tepërmi, pasi detyrohen të transportojnë në krahë jo vetëm prodhimet e tyre, të cilat përbëjnë bazën kryesore të të ardhurave ekonomike, por edhe të sëmurët në rastet e urgjencave shëndetësore.
“Pothuajse vajtën 10 15 ditë që kur ranë ato shirat e mëdha na është shembur rruga. Jemi të bllokuar, kemi pleq të sëmurë, na duhet rruga, na duhet me patjetër”, thotë një banor.
“Kalojmë gjërat me krah këtej, janë dy tre fshatra që janë të izoluara nga kjo punë e kësaj rruge”, thotë një tjetër për A2 CNN. “Kanë ardhur edhe këta të bashkisë edhe këtu akoma s’kanë ndërhyrë akoma dhe kërkojmë ndihmë që të na rregullohet rruga”, thotë një banore.
Në lidhje me këtë situatë, jashtë kamerave, zyrtarë të bashkisë së Delvinës janë shprehur se kanë lajmëruar prefekturën e Vlorës për ndihmë, pasi me kapacitetet dhe mundësitë financiare të bashkisë nuk kanë mundësi të riparojnë rrugën e shembur.
Tag: ndihmë
-
Bashkia Delvinë kërkon ndihmë, banorë të tre fshatrave të bllokuar nga shembja e rrugës
-
Dy fëmijë i ndërruan jetë nga varfëria/ 66-vjeçarja përballet me probleme të rënda ekonomike, merr vetëm tre mijë lek ndihmë sociale
Në Tropojë, mes qindra sfidave të përditshme, ka histori që shqetësojnë dhe prekin thellë zemrën e çdo qytetari.
Luçe Sadik Memaj, 66 vjeçe, ka sjellë në jetë dhjetë fëmijë, dy prej të cilëve, fatkeqësisht, humbën jetën nga varfëria. Tetë të tjerët ajo i rriti me shumë mundim, duke u mbështetur në ndihmën e organizatave humanitare dhe fetare.
Pas ndarjes nga bashkëshorti, drama e Luçes u shtua. Të rritur, fëmijët e saj, të gjithë mbi 25 vjeç, e kanë braktisur. Prej më shumë se një viti, asnjë prej tyre nuk e kontakton më.
Luçe ka punuar vetëm pesë vite në kooperativë dhe nuk përfiton pension pleqërie.
Ajo jeton në një dhomë 2×2, e dhënë nga bashkia në godinën e të pastrehëve, dhe merr vetëm 3 mijë lekë ndihmë sociale në muaj – një shumë që nuk mjafton as për bukën e gojës.
Për të siguruar ushqim, shpesh del e lyp në dyqanet e qytetit, duke ruajtur bukën për ditët që nuk ka çfarë të hajë.
Një histori dhimbjeje dhe braktisjeje që kërkon reagim dhe ndihmë nga shoqëria. Por ne nuk duhet ta harrojmë Luçen.Top Channel
-
Kina do të japë 100 milionë dollarë ndihmë për Gazën
Kina do të ofrojë 100 milionë dollarë ndihmë për palestinezët për të ndihmuar në zbutjen e krizës humanitare në Gazë dhe për të mbështetur përpjekjet e rindërtimit, ka thënë të enjten presidenti, Xi Jinping.
Xi ka bërë të ditur lajmin gjatë një konferencë të përbashkët për shtyp me presidentin francez, Emmanuel Macron pas takimit të tyre në Pekin të enjten.
Armëpushimi në Gazë ka hyrë në fuqi më 10 tetor, teksa njerëzit atje vazhdojnë të përballen me kushte të rënda jetes, si pasojë e shkatërrimit nga lufta që ka zgjatur plot 3 vjet.
Teksa faza e parë e armëpushimit të arritur sipas planit 20-pikësh të presidentit amerikan, Donald Trump është gati në fund, nuk është ende shumë e qartë se si do të zhvillohet faza tjetët, e cila parasheh ndër të tjera çështjen më problematike, çarmatosjen e Hamasit. -
Shira një herë në 300 vite/ “Zhduket” nën ujë Tajlanda, përmbytje shkatërruese në gjithë Azinë Juglindore (Video)
Pjesë të mëdha të Tajlandës janë goditur nga përmbytje rekord që kanë vrarë të paktën 33 persona, ndërsa qyteti Hat Yai regjistroi reshjet më të mëdha të shiut në 300 vjet, 335 mm brenda një dite.
Përmbytjet kanë përfshirë 10 provinca në jug, duke detyruar autoritetet të përdorin anije, helikopterë dhe mjete të tjera të shpëtimit për të ofruar ndihmë.
Shirat e rrëmbyeshëm kanë prekur rëndë edhe vendet fqinje:
-Vietnam: të paktën 98 të vdekur brenda një jave.
-Malajzi: mbi 19,000 persona të evakuuar dhe 126 qendra evakuimi të hapura.
-Indonezi: 19 të vdekur dhe të paktën 7 persona të zhdukur pas rrëshqitjeve të dheut në Sumatrën Veriore.
Më shumë se 2 milionë njerëz janë prekur, por vetëm 13,000 janë zhvendosur në strehimore, ndërsa pjesa tjetër mbetet e izoluar. Fotot nga Hat Yai tregojnë makina dhe shtëpi të zhytura nën ujë, me banorë që presin shpëtim në çati.Ushtria tajlandeze tha se po përgatitet të dislokojë një aeroplanmbajtëse, 14 anije me furnizime humanitare dhe kuzhina fushore që mund të përgatisin 3,000 vakte në ditë. Aeroplanmbajtësja mund të shndërrohet në një “spital lundrues” nëse kërkohet.
Guvernatori i Songkhlas deklaroi se janë vendosur varka, kamionë të mëdhenj dhe motorë uji për evakuime. Kabineti shpalli provincën zonë katastrofe, duke liruar fonde të posaçme ndihme.
Qendra e Shpëtimit Matchima raportoi mijëra telefonata urgjente në vetëm tre ditë. Banorët postuan në rrjetet sociale apel për ndihmë:
“Uji ka arritur në katin e dytë, ka fëmijë dhe të moshuar! Ju lutem, ndihmë!”
“Presim prej tre ditësh… çdo sekondë është thelbësore.”
Disa familje raportuan mungesë totale të ushqimit dhe ujit për ditë të tëra.Top Channel
-
Polonia akuzon një ukrainas të tretë për ndihmë ndaj Rusisë në sabotimin hekurudhor
Prokurorët polakë kanë arrestuar një ukrainas të dyshuar për bashkëpunim me Rusinë për të sabotuar një hekurudhë , thanë ata të hënën.
Polonia, një aleat i rëndësishëm në luftën e Kievit kundër pushtimit rus, ka ngritur tashmë akuza në mungesë ndaj dy ukrainasve të tjerë për shpërthimin në linjën Varshavë-Lublin që lidh Varshavën me kufirin ukrainas, shkruan Reuters.
Polonia thotë se dy burrat – të identifikuar si Oleksandr K. dhe Yevhenii I. – ikën në Bjellorusi dhe dëshiron që ata të ekstradohen.
-
Irani kërkon ndihmë urgjente për luftimin e zjarrit në pyjet e veta antike
Irani ka kërkuar ndihmë të menjëhershme ndërkombëtare për të shuar një zjarr të madh që nisi të përhapet para tri javësh në pyjet e lashta Hirkaniane, të cilat janë në listën e Trashëgimisë Botërore të UNESCO-s që nga viti 2019.
Zjarri, i cili nisi pranë fshatit Elit në provincën Mazandaran më 31 tetor, u ka shpëtuar përpjekjeve për ta vënë nën kontroll dhe vazhdon të kërcënojë një nga ekosistemet më të vjetra dhe më të pasura në botë.
Mohammad Jafar Qaempanah, zëvendës i presidentit iranian Masud Pezeshkian, njoftoi më 21 nëntor në X se janë bërë përgatitjet për të “kërkuar me shpejtësi ndihmë nga vendet mike”.Derisa Qaempanah nuk tregoi se cilat vende, Shina Ansari, kreu i Departamentit të Mjedisit të Iranit, më vonë konfirmoi se Turqia do të dërgojë dy avionë specialë për shuarjen e zjarreve, një helikopter dhe një ekip prej tetë personash për të ndihmuar në fikjen e flakëve.
Ansari shtoi se Irani mund të kërkojë ndihmë edhe nga Rusia, “nëse është e nevojshme”.تصاویر منتشرشده در شبکههای اجتماعی گسترۀ آتشسوزی در جنگلهای الیت چالوس در شامگاه ۲۹ آبان را نشان میدهد.
رسانهها در ایران گزارش دادهاند که از صبح جمعه ۳۰ آبان، پس از شش روز حریق مداوم، سرانجام یک فروند هواپیمای ایلوشین برای مهار آتشسوزی به منطقه اعزام شده است.
به گفتۀ… pic.twitter.com/MrfMLhjsDb
— RadioFarda|راديو فردا (@RadioFarda_) November 21, 2025Autoritetet pretendojnë se zjarri fillimisht u vu nën kontroll pas disa ditësh, por një “fazë e dytë” u riaktivizua fundjavën e kaluar.
Megjithatë, aktivistët mjedisorë dhe banorët vendës këmbëngulin se zjarri ka vazhduar të digjet pandërprerë në tri javët e fundit dhe nuk është vënë kurrë plotësisht nën kontroll.
Tereni i ashpër, moti jashtëzakonisht i ngrohtë dhe grumbullimi i gjetheve të thata dhe pemëve të rrëzuara kanë kontribuar në qëndrueshmërinë dhe përhapjen e zjarrit.
Pamjet gjatë natës që po qarkullojnë në internet tregojnë shkallën e dëmtimit dhe përpjekjet rraskapitëse të ekipeve të emergjencës dhe vullnetarëve që luftojnë me flakët.
Mehrdad Khazaei-Poul, kreu i Departamentit të Burimeve Natyrore të Mazandaranit, ia la fajin për zjarrin kryesisht neglizhencës njerëzore.
“Për fat të keq, disa individë kanë vepruar me pakujdesi, duke shkaktuar zjarrin”, tha ai, duke theksuar se “faktorët natyrorë nuk kanë qenë shkaku kryesor”.
Pyjet Hirkaniane – rreth 660.000 hektarë prej të cilëve ndodhen në Provincën Mazandaran – janë ndër ekosistemet më të vjetra në botë dhe pjesë e Trashëgimisë Botërore të UNESCO-s.
Të shtrira përgjatë brigjeve jugore të Detit Kaspik, këto pyje datojnë më shumë se 40 milionë vjet dhe përmbajnë pemë deri në 500 vjet të vjetra, sipas UNESCO-s. -
Irani “lutet” për ndihmë/ Zjarret shkatërrojnë pyjet e lashta, situata jashtë kontrollit
I paaftë për ta menaxhuar vetë situatën, Irani ka kërkuar ndihmë të menjëhershme ndërkombëtare për shuarjen e zjarrit gjigant që nisi re javë më parë në pyjet e lashta Hirkaniane, të cilat janë në listën i Trashëgimisë Botërore të UNESCO-s e që deri tani, u ka shpëtuar përpjekjeve të autoriteteve për vënien e tij nën kontroll.
Zjarri, që nisi në provincën Mazandaran më 31 tetor, po kërcënon rëndë njërin prej ekosistemeve më të vjetra dhe më të pasura në botë.
Mohammad Jafar Qaempanah, zëvendës i presidentit iranian Masud Pezeshkian, njoftoi më 21 nëntor në X se janë bërë përgatitjet për të “kërkuar me shpejtësi ndihmë nga vendet mike”. Edhe pse në deklaratë nuk tregohet se cilat janë vendet në fjalë, Turqia mësohet se do të dërgojë dy avionë cisternë, një helikopter dhe një ekip prej tetë personash për të ndihmuar në shuarjen e flakëve.
Irani po kështu mund të kërkojë ndihmë edhe nga Rusia, “nëse është e nevojshme”. Autoritetet pretendojnë se zjarri fillimisht u arrit të kontrollohej pas disa ditësh, por një “fazë e dytë” e tij u riaktivizua fundjavën e kaluar.
Aktivistët mjedisorë dhe banorët vendas këmbëngulin megjithatë, se qeveria nuk po thotë të vërtetën dhe se zjarri ka vazhduar të digjet pandërprerë në tri javët e fundit dhe nuk është vënë kurrë plotësisht nën kontroll. Ekspertët thonë se me shumë gjasë, flakët ishin pasojë e një pakujdesie njerëzore dhe “faktorët natyrorë nuk kanë qenë shkaku kryesor i tyre”.Top Channel
-
Moti i keq, policia shpëton 100-vjeçaren e bllokuar nga uji, evakuohen 5 persona
Policia e Shtetit ka qenë në gatishmëri të plotë në shërbim të qytetarëve ditët e fundit, ku u ka shkuar në ndihmë banorëve që kanë pasur nevojë për evakuim për shkak të prurjeve të ujit që kanë ardhur si pasojë e reshjeve të dendura.
Forcat e policisë kanë evakuuar 5 shtetas në Bashkinë Dimal, mes tyre edhe një 100-vjeçare që kishte mbetur e bllokuar nga uji.
Po ashtu, forcat e policisë po kërkojnë një 75-vjeçare, e cila dyshohet se është marrë nga rrjedha e ujit në fshatin Progër në Devoll.Njoftimi:
Policia e Shtetit vijon të jetë në gatishmëri të përforcuar për shkak të motit të keq. Shërbimet e Policive Vendore, Patrullat e Përgjithshme dhe Shqiponjat shkuan në ndihmë të banorëve, ku u kërkua ndihmë. Në zonat më problematike u angazhuan edhe Forcat Kombëtare të Sigurisë dhe të Delta Forcës.
Edhe gjatë ditës së sotme, shërbimet e Komisariatit të Policisë Berat, në bashkëpunim me strukturat e emergjencave civile të Bashkisë Dimal, ndërhynë menjëherë në fshatrat Çiflik dhe Arrëz, duke evakuuar 5 shtetas, ndërmjet tyre një të moshuar 100-vjeçe nga fshati Çiflik.
Shërbimet e Policisë në Devoll iu shkuan në ndihmë banorëve të fshatit Progër, Bashkia Devoll, pasi si pasojë e reshjeve të dendura ka pasur përmbytje. Prej mëngjesit, shërbimet policore të Devollit vazhdojnë kërkimet për gjetjen e një 75-vjeçareje nga fshati Progër, që është larguar nga banesa dhe vuan nga probleme të shëndetit mendor, e cila dyshohet se mund të jetë marrë nga rrjedha e ujit.
Ndërkohë, në të gjitha akset rrugore, Policia Rrugore ka shtuar prezencën për të parandaluar aksidentet rrugore dhe për t’ju ardhur në ndihmë përdoruesve të rrugës në nevojë.
Gjithashtu, specialistët e Policisë në zona janë në kontakt të vazhdueshëm me kryetarët e fshatrave dhe administratorët e njësive administrative, për t’ju ardhur në ndihmë banorëve në rast nevoje.
Në të gjitha Sallat Operative të Policisë është përforcuar shërbimi, duke iu përgjigjur në kohë reale çdo telefonate të ardhur nga banorët në zona të ndryshme.
Policia e Shtetit është në gatishmëri të plotë, duke bashkëpunuar dhe koordinuar veprimet me Emergjencat Civile, dhe për çdo nevojë e ndihmë nga forcat e policisë, qytetarët të kontaktojnë në numrin e telefonit pa pagesë 112.
-
Policia evakuon 5 shtetas në Berat, mes tyre një 100-vjeçare
Shërbimet e Komisariatit të Policisë Berat, në bashkëpunim me strukturat e emergjencave civile të Bashkisë Dimal, ndërhynë menjëherë në fshatrat Çiflik dhe Arrëz, duke evakuuar 5 shtetas, ndërmjet tyre një të moshuar 100-vjeçe nga fshati Çiflik.
Shërbimet iu shkuan në ndihmë banorëve të fshatit Progër, Bashkia Devoll, pasi si pasojë e reshjeve të dendura ka pasur përmbytje. Prej mëngjesit, shërbimet policore të Devollit vazhdojnë kërkimet për gjetjen e një 75-vjeçareje nga fshati Progër, që është larguar nga banesa dhe vuan nga probleme të shëndetit mendor, e cila dyshohet se mund të jetë marrë nga rrjedha e ujit. Ndërkohë, në të gjitha akset rrugore, Policia Rrugore ka shtuar prezencën për të parandaluar aksidentet rrugore dhe për t’ju ardhur në ndihmë përdoruesve të rrugës në nevojë.
Specialistët e Policisë në zona janë në kontakt të vazhdueshëm me kryetarët e fshatrave dhe administratorët e njësive administrative, për t’ju ardhur në ndihmë banorëve në rast nevoje. Në të gjitha Sallat Operative të Policisë është përforcuar shërbimi, duke iu përgjigjur në kohë reale çdo telefonate të ardhur nga banorët në zona të ndryshme. -
(VIDEO) “Po më përmbytet shtëpia, merre fëmijën! Ndihmë!”, situatë e rëndë në Rëmenj të Pogradecit
Reshjet e dendura dhe stuhia e fortë që goditi zonën e Pogradecit kanë sjellë situata alarmante për banorët, duke shkaktuar përmbytje të menjëhershme në disa shtëpi. Një ngjarje dramatike është regjistruar në fshatin Rëmenj, ku një baba i ri është detyruar t’i dorëzojë fëmijën e tij të mitur një fqinji, në përpjekje për ta shpëtuar nga uji që po përfshinte banesën.
Sipas banorëve të zonës, burri është parë duke dalë në rrugë me fëmijën në krah, mes reshjeve të forta dhe erës së tejskajshme, duke thirrur për ndihmë. I frikësuar se shtëpia po përmbytej dhe se nuk kishte asnjë mundësi të siguronte fëmijën brenda, ai iu drejtua fqinjëve:
“Po më përmbytet shtëpia, merre fëmijën! Ndihmë!”
Fqinji ka ndërhyrë menjëherë duke marrë të miturin në duar për ta çuar në një ambient të sigurt, ndërsa babai është kthyer drejt banesës në përpjekje për të shpëtuar çfarë të mundte.
Banorët e Rëmenjit raportojnë se situata është përkeqësuar orët e fundit, ndërsa ekipet e emergjencave lokale ende nuk kanë mbërritur në të gjitha zonat e prekura. Disa familje kanë nisur evakuimin e pavarur, teksa uji ka depërtuar brenda oborreve dhe ambienteve të brendshme të shtëpive.
Autoritetet lokale bëjnë apel për kujdes maksimal dhe raportim të menjëhershëm të çdo rreziku. Ndërkohë, banorët kërkojnë ndërhyrje urgjente, pasi reshjet pritet të vijojnë edhe gjatë mbrëmjes.