Përhapja e fesë IslameFisnikëria shqiptare, ishte e para që provoi dukurinë e kalimit në Islam. Pasi e pranonin vasalitetin osman, bijtë e tyre islamizoheshin, pasiqë të njëjtit edukoheshin pranë oborrit të sulltanit në Stamboll. Sipas regjistrimit të viteve 1431-1432, Sanxhaku Shqiptar kishte 335 timare, nga të cilat 279 udhëhiqeshin nga myslimanë. Depërtimi në shkallë të gjerë i fesë islame në radhët e popullit shqiptar gjeti shprehje pikësëpari në qytete. Por, që nga vitet 80 të shek. XV, feja e re ka nisur të “zbresë” nga parësia e islamizuar në masën e popullsisë qytetare të krishterë, për të vazhduar më pas edhe në fshatëra. Me 1468, tetova kishte 41 shtëpi myslimane (15 %). Në vitin 1485, Peja kishte 23 shtëpi myslimane. Me 1487, Vuçiterna kishte 33 shtëpi myslimane (31 %), Prishtina 51 shtëpi myslimane (17 %).Procesi i islamizimit gjatë shek. XVI ishte në ngjitje të pandërprerë. Feja e re kishte shënuar sukses të madh në qytete të rëndësishme: Peja (90%), Vuçiterna (80%), Tetova (71%), Kërçova (65,5%), Prishtina (me nga 60%), Prizreni (55,9%), Novobërda (37%), Trepça (me nga 21%), Janieva (14%). Nga shqyrtimi i ritmeve të procesit të islamizimit të popullsisë qytetare shqiptare gjatë shek. XV-XVI, del se dinamika e këtij procesi paraqitej veçanërisht e shpejtë në qytetet e Kosovës. Një gjë e tillë shpjegohet, midis të tjerash, me rrethanat politike të veçanta që ekzistonin në Kosovë në momentet e vendosjes së sundimit osman. Popullsia shqiptare e Kosovës ndodhej kësaj kohe nën sundimin politik të shtetit serb, ndërsa pushtetin fetar këtu e ushtronte kryesisht Patrikana Serbe e Pejës. Për rrjedhojë, likuidimi i sundimit serb dhe dobësimi i pozitave të kishës serbe me vendosjen e sundimit osman, u dha rast banorëve të krahinës që t’i shpëtonin ndikimit të kishës së lartpërmendur, duke përqafuar fenë islame si një nga mjetet e shprehjes së dallimit të tyre etnik nga serbët.Në trojet shqiptare në fundin e shek. XVI përqindja e islamizimit të qyteteve kapte shifrën 49%, ndërsa ajo e fshatërave arrinte vetëm në rreth 17%.Duke filluar nga shek. XVII, burimet historike flasin për braktisje masive të fesë së krishterë dhe përqafimit të Islamit edhe nga popullsia fshatare. Gjatë kësaj kohe fshatra të tëra kaluan në fenë islame. Në mjaft fshatra të tjera vërehet rënie e dukshme në numrin e shtëpive të krishtera nga njëra anë, dhe shtim i shtëpive myslimane, nga ana tjetër. Kështu, p.sh., në vilajetin e Prishtinës numri i shtëpive të krishtera në vitin 1688 ishte pakësuar 49% në krahasim me vitet 1551-1555, ndërsa në vilajetin e Novobërdës kjo shifër shkonte deri në 73%. Vetëm brenda viteve 1620-1624 në 200 fshatra të rrethit të Prizrenit ishin islamizuar 3 000 banorë.
Tag: myslimanë
-
Hoxha i Rrugës së Kavajës i përgjigjet Blushit: Mos i bjer në një vend, kur përmend myslimanët bën pare (lekë) shumë
ahmed kalaja dhe ben blushi
TIRANË- Hoxha i Xhamisë së Rrugës së Kavajës, Ahmed Kalaja, i është përgjigjur publicistit Ben Blushi, për polemikat që shkaktoi së fundi libri i tij “Jam mysliman”. Kalaja u shpreh se herëpashere, Ben Blushi godet komunitetin myslimane në Shqipëri, me qëllimin e vetëm për të fituar vëmendje, dhe rrjedhimisht për të shitur më shumë kopje të librave të tij. Sipas hoxhës, Ben Blushi ngatërron konceptet, dhe se në fenë islame besimtarët nuk quhen islamik por mysliman. Kalaja vijon më tej duke komentuar një pasazh në librin e Blushit, ku thuhej se atë që i ka bërë islami Rrugës së Kavajës, nuk ia ka bërë as komunizmi. Për Hoxhën një gjë e tillë është e papranueshme, dhe se myslimanët jetojnë në harmoni të plotë me komunitetet e tjera fetare, që ndodhen në të njëjtën rrugë.
Pjesë nga ligjërata e Kalasë gjatë faljes së të premtes:
Kjo fe e bukur e ka emrin islam, dhe kushdo që është anëtar quhet mysliman, dhe nuk ekziston në terminologjinë islame termi islamik, mund të jetë i shpikur nga njerëzit. Dhe këtu do të ndalem pak se Beni nuk është hera e parë që godet, mundohet të bëjë ndonjë gol nga këndi, dhe e ka kuptuar mirë, e ka kapur thelbin që duke goditur islamin bën pare shumë, dhe do të ketë disa që do të merren me ty, dhe pastaj kjo do të sjellë fitim. Shumë njerëz më shkruan dhe më pyetën, a e ke dëgjuar librin, dhe iu thashë mos se do i rritet vlera, kush ia dinte emrin librit dhe kush e ka shkruar. Beni tani kishte filluar me mbajt leksione, kush është myslimane dhe kush është islamik, nuk është hera e parë që ia fut kot, por mua më pëlqen se ti e di që me këtë tërheq vëmendjen. Pse more Ben i bie me një vend, se Beni shkon nga shkon, dhe ose poston foto me myslimane, ose poston vajzat myslimane duke u falur në shesh.
Më bëri përshtypje një pasazh i librit, kur thotë që sa e ka dëmtuar islami rrugën e Kavajës, nuk e ka dëmtuar komunizmi, po pse? A nuk i sheh Beni dy kisha e xhamija në rrugën e Kavajës që jetojnë në harmoni, vëllezërit tanë në shqiptari, takohen e bëjnë muhabet, qajnë hallet me njëri tjetrin. O Ben dikur ambasada amerikane lëshoi një alarm se do të ketë një sulm mbi kishat, Ben unë kam thënë që mbi trupit tanë do të kalojnë ata që duan të futen në kisha, e di ti Ben që në këtë xhami në vitin 2009 kemi bërë peticion për të njohur Kosovën, kanë qenë 52 mijë firma, dhe e kemi dërguar shkresën në organizatën e Bashkisë Islame.
Kemi bërë afërsisht 50 shtëpija për të varfërit, por më detyron, ti, a mos vallë këto që kemi bërë ne janë rrezik për Benin? Varet, se varet me çfarë kandaresh i peshon Beni, ose i ka humbur peshorja. Ti beson se e ke prejardhjen nga majmuni, dhe është e drejta jote ta besosh këtë, jo çdokush që bën të ndaluarat në islam ka dalë nga islami. Ne njihemi bashkë shumë, dhe jemi ulur në tavolina të përbashkëta, Ben se jemi dhe komshinj, ne jo ty, po askujt nuk ia urojmë të keqen, ne nuk themi e gjetsh prej Zotit, se Zoti ka dashur që të jesh i tillë.
Ne i lutemi Zotit, Zoti të udhëzotë. O Ben kjo fe është si puna e topit, po e gjujte vetëm ngrihet, prandaj merru me ato që të takojnë, shpresoj që ky mesazh ti shkojë Benit, dhe Beni të reflektojë për të mirën e tij, se ne nuk na bën asgjë. Më vjen keq kur dikush do të bëjë protagonizmin me myslimanët dhe islamin, na tregon ne ai Arabinë apo vendet arabe. O Ben nuk ka si islami jonë, nuk e di çfarë të ka tërhequr te arabvët?!Në një sqarim gjatë promovimit të librit të tij, Blushi u shpreh se romani i tij përshkruan historinë e një shkrimtari i cili pas shumë peripecive vendos të bëhet mysliman. Pikëpamjet e tij për Islamin ndryshojnë gradualisht për shkak të disa luhatjeve në jetën e tij private dhe sidomos gjatë një vizite në Mekë ku ai mrekullohet. Në fund, pas një incidenti me një grup fanatikësh, shkrimtari shpall në facebook vendimin e tij me shënimin: Jam Mysliman./ZËRI
-
Trump planifikon ta shpallë Vëllazërinë Myslimane organizatë terroriste
Shtëpia e Bardhë ka konfirmuar se presidenti amerikan, Donald Trump, planifikon ta fusë grupin Vëllazëria Myslimane në listën e organizatave terroriste.
Në llogarinë zyrtare të Shtëpisë së Bardhë në rrjetin X është publikuar mesazhi me shkronja të mëdha: “Trumpi zotohet për ta cilësuar organizatë terroriste Vëllazërinë Myslimane”, i shoqëruar me një artikull të “New York Post” me të njëjtin titull.
Të dielën, mediumi konservator “Just the News” citoi Trumpin të ketë thënë se kjo masë “do të zbatohet në mënyrën më të fuqishme” dhe se “dokumentet përfundimtare janë duke u hartuar”, transmeton “The Times of Israel”.
Ky zhvillim u përshëndet menjëherë nga kryeministri izraelit, Benjamin Netanyahu, i cili dha të kuptojë se mund të ndërmarrë një vendim të ngjashëm. Deklarata e tij u interpretua si një sinjal se ai mund të synojë ndalimin e partisë islamiste Ra’am në Izrael. Kjo parti ka mohuar çdo lidhje me Vëllazërinë Myslimane dhe ka kritikuar deklaratat e Netanyahut.
Para disa vitesh, Netanyahu kishte tentuar ta përfshinte partinë Ra’am në koalicionin e tij, por bisedimet dështuan. Më pas, kjo parti, e udhëhequr nga Mansour Abbas, vendosi t’i bashkohej qeverisë Bennett-Lapid në vitin 2021.
-
Senatorja e ekstremit të djathtë në Australi shfaqet në parlament e veshur me burka, shkakton zemërim dhe akuza për racizëm
Senatorja australiane e ekstremit të djathtë, Pauline Hanson, u shfaq në parlament e veshur me burka, në një përpjekje për të nxitur ndalimin e mbulesës myslimane në publik, duke marrë kritika nga senatorët myslimanë të cilët e akuzuan atë për racizëm.
Hanson e veshi burkën menjëherë pasi iu mohua leja për të prezantuar legjislacionin që do të ndalonte burkën dhe mbulesat e tjera që mbulojnë të gjithë fytyrën në publik në Australi. Ishte hera e dytë që Hanson mbulonte plotësisht fytyrën, me veshjen e përdorur nga gratë myslimane, në parlament, në përpjekjen e saj për ta ndaluar atë në publik.
Senati reagoi me zemërim kur Hanson hyri në sallë e veshur me burkë, dhe seanca u pezullua kur ajo refuzoi ta hiqte atë.
“Kjo senatore është raciste e hapur”, tha Mehreen Farooqui, një senatore myslimane e të Gjelbërve nga shteti i Uellsit të Ri Jugor. Nga ana e saj, Fatima Paiman, një deputete e pavarur myslimane nga shteti i Australisë Perëndimore, e quajti veprimin e Hanson “të turpshëm”. Si Penny Wong, udhëheqësja e partisë së majtë të qendrës në pushtet në Senat, ashtu edhe Anne Ruston, zëvendëskryetarja e opozitës, e dënuan veprimin.Breaking: The Senate has been suspended after One Nation Senator Pauline Hanson entered the chamber wearing a burqa and refused to remove it despite objections from multiple senators and the President of the Senate.
Pauline Hanson remained defiant, refusing to comply with the… pic.twitter.com/sQvOsCCVaE
— Rukshan Fernando (@therealrukshan) November 24, 2025Wong e quajti sjelljen e Hanson “të papërshtatshme për një senatore” dhe paraqiti një mocion për ta larguar atë nga dhoma për shkak se nuk e hoqi burkën kur iu kërkua. Pasi Hanson refuzoi të largohej, seanca u ndërpre.
Hanson, një senatore e Queensland, u bë e famshme në vitet 1990 për kundërshtimin e saj të ashpër ndaj imigracionit aziatik dhe azilkërkuesve. Ajo ka qenë prej kohësh kundërshtare e veshjes myslimane dhe veshi përsëri një burkë në parlament në vitin 2017, duke bërë thirrje për një ndalim kombëtar.
Partia ‘Një Komb’ tani mban katër vende në Senat, duke rritur pjesëmarrjen e saj në zgjedhjet e majit, mes një rritjeje të politikave të ekstremit të djathtë dhe anti-imigracion në Australi.
Në një postim në Facebook pas incidentit, Hanson tha se veprimi i saj ishte një akt proteste sepse Senati e hodhi poshtë projektligjin e saj. “Nëse parlamenti nuk e ndalon, atëherë unë do ta vesh këtë veshje radikale, shtypëse dhe jo-fetare, e cila rrezikon sigurinë kombëtare dhe të drejtat e grave, brenda vetë parlamentit, në mënyrë që çdo australian të kuptojë se çfarë ‘luhet’. Nëse nuk duan që unë ta vesh – ndaloni burkën”.Top Channel
-
Guvernatori i Teksasit shpall dy grupe myslimane si ‘terroriste’
Autoritetet në shtetin amerikan të Teksasit njoftuan të martën se kishin shpallur dy organizata myslimane , njëra prej të cilave është Vëllazëria Myslimane, si ” terroriste “.
Përveç Vëllazërisë Myslimane, guvernatori republikan i Teksasit, Greg Abbott , vendosi gjithashtu Këshillin për Marrëdhëniet Amerikano-Islamike (CAIR), një nga organizatat kryesore amerikane për të drejtat e myslimanëve, në listën e zezë të shtetit të organizatave terroriste.
Ky vendim “i ndalon ata të blejnë ose të përvetësojnë tokë në Teksas” dhe u lejon prokurorëve të “ngrenë akuza për t’i mbyllur ato”, shpjegoi Guvernatori i Teksasit Abbott nëpërmjet X.
CAIR, e cila ka rreth tridhjetë degë në të gjithë vendin, përfshirë tre në Teksas, denoncoi veprimin “shpifës” përmes X, i cili “nuk ka lidhje me faktet apo ligjin”.Organizata, e cila kundërshton politikën amerikane ndaj luftës në Rripin e Gazës, akuzoi Guvernatorin Abbott për mbrojtjen e politikës izraelite dhe për nxitjen e “histerisë anti-muslimane për të diskredituar muslimanët amerikanë që kritikojnë qeverinë izraelite” për muaj të tërë.
Guvernatori i Teksasit ka shprehur publikisht mbështetjen e tij të palëkundur për Izraelin dhe i ka quajtur protestat studentore pro-palestineze në Teksas që nga fillimi i luftës në Gaza më 7 tetor 2023, antisemite.
Përcaktimi i subjekteve si terroriste zakonisht i lihet autoriteteve federale, jo shtetërore.
Megjithatë, Greg Abbott e përcaktoi bandën Tren de Aragua me bazë në Venezuelë si një “organizatë terroriste të huaj” në shtator 2024, muaj para se aleati i tij, Presidenti Donald Trump, të bënte të njëjtën gjë në nivel federal në shkurt 2025, pasi u kthye në Shtëpinë e Bardhë.
Duke reaguar ndaj një plani për të blerë tokë nga myslimanët, të caktuar posaçërisht për ndërtimin e një xhamie islamike, guvernatori gjithashtu promovoi një ligj në shtator që ndalon krijimin e vendeve në Teksas ku zbatohet sheriati, ligji islamik.
-
A do të arrihet stabiliteti në Gaza? Turqia nis takimet zyrtare, mbledh vendet myslimane për diskutime
Ministri i Jashtëm i Turqisë, Hakan Fidan, pritet të zhvillojë një takim me ministrat e jashtëm këtë të hënë në Stamboll.
Takimi ka për qëllim arritjen e një marrëveshjeje sa më të shpejtë për sigurimin e administrimit palestinez dhe stabilitetit në Gaza.
Në takim do të marrin pjesë ministrat e jashtëm të Katarit, Arabisë Saudite, Emirateve të Bashkuara Arabe, Jordanisë, Pakistanit dhe Indonezisë.
Sipas një burimi të Ministrisë së Jashtme turke, Fidan pritet ta vërë fokusin në koordinimin e vendeve myslimane për ta kthyer armëpushimin aktual në një paqe të qëndrueshme.
Të gjitha vendet që do të marrin pjesë në takimin e Stambollit kanë qenë më parë pjesëmarrëse në një takim me presidentin amerikan Donald Trump në Nju Jork.
Armëpushimi në Gaza, i ndërmjetësuar nga Shtetet e Bashkuara, ka lënë ende të pazgjidhura çështje kyçe, përfshirë çarmatimin e grupit militant palestinez Hamas dhe afatin e tërheqjes izraelite nga territori.Top Channel
-
Pakistani: Plani i Trump për Gazën nuk përputhet me propozimin e vendeve myslimane
Plani 20-pikësh që presidenti i Shteteve të Bashkuara, Donald Trump, e shpalosi këtë javë për t’i dhënë fund luftës në Rripin e Gazës, nuk përputhet me një draft që një grup vendesh me shumicë myslimane ia paraqitën atij, theksoi të premten ministri i Jashtëm i Pakistanit, Ishaq Dar.
Vendet myslimane kishin propozuar tërheqjen e plotë të Izraelit nga Gaza gjatë një takimi me Trumpin më 22 shtator, ndërsa plani i Trumpit parashikon tërheqjen e pjesshme të Izraelit për t’u përgatitur për lirimin e pengjeve të mbajtura nga Hamasi – grupi palestinez i shpallur terrorist nga SHBA-ja dhe BE-ja.
“E kam bërë të qartë se këto 20 pika që Trumpi i ka publikuar… nuk janë të njëjtat me tonat. Theksoj se në draftin tonë janë bërë disa ndryshime”, tha Dar para ligjvënësve pakistanezë.Plani për t’i dhënë fund luftës mes Izraelit dhe Hamasit
Të hënën, Trump e publikoi një plan me 20 pika për përfundimin e luftës mes Izraelit dhe Hamasit, sipas të cilit të gjitha pengjet, të gjalla dhe të vdekura, do të ktheheshin brenda 72 orëve pas armëpushimit. Plani përmend gjithashtu një “Gazë të Re” në të ardhmen.
Ky plan lë shumë hollësi për t’u negociuar dhe varet nga vendimi i Hamasit, i cili vrau mbi 1.200 njerëz gjatë sulmit të 7 tetorit 2023 ndaj Izraelit dhe mori 251 pengje, sipas të dhënave izraelite. Lufta pasuese e Izraelit në Gazë ka vrarë mbi 66.000 palestinezë dhe ka shkatërruar gjerësisht enklavën e vogël, sipas autoriteteve shëndetësore të Gazës.
Kryeministri i Pakistanit, Shehbaz Sharif, e kishte përshëndetur më herët planin e Trumpit.
Dar tha se Sharifi, gjatë një udhëtimi, kishte dhënë përgjigje të përgjithshme ndaj një postimi më të gjerë të Trumpit në rrjetet sociale.
Trumpi e publikoi planin një javë pasi u takua me udhëheqësit e tetë vendeve myslimane – Arabisë Saudite, Emirateve të Bashkuara Arabe, Katarit, Egjiptit, Jordanisë, Turqisë, Indonezisë dhe Pakistanit – për të folur për gjendjen në Gazë.
Sipas raportimeve të Axios, administrata e Trumpit dëshiron që vendet arabe dhe myslimane të pajtohen për të dërguar forca ushtarake në Gazë, për ta mundësuar tërheqjen e Izraelit dhe për të siguruar fonde për periudhën e tranzicionit dhe programet e rindërtimit.
Vendet myslimane propozuan tërheqjen e plotë të Izraelit
Dar tha se tetë vendet morën një zotim nga Trumpi se ai nuk do ta lejonte Izraelin ta aneksojë Bregun Perëndimor, gjë për të cilën kanë bërë thirrje aleatët e ekstremit të djathtë të kryeministrit izraelit, Benjamin Netanyahu, në koalicionin e tij qeverisës.
Një draft konsensual i përgatitur nga vendet myslimane kërkonte “tërheqjen e plotë të Izraelit” dhe “një rrugë për një paqe të drejtë mbi bazën e zgjidhjes me dy shtete” për konfliktin izraelito-palestinez, tha Dar, duke lexuar nga një kopje e propozimit të tyre.
Krijimi i një shteti palestinez që bashkëjeton me Izraelin është politikë e Pakistanit, shtoi ai. Netanyahu ka përsëritur se është kundër shtetësisë palestineze, duke thënë se kjo do të rrezikonte Izraelin.
Plani i Trumpit parashikon që të gjitha operacionet ushtarake të pezullohen dhe vijat e frontit në Gazë të ngrihen deri sa të krijohen kushtet për “tërheqjen e plotë në faza” të forcave izraelite.
Sipas planit, Hamasi duhet të çarmatoset dhe të martën Trump i dha grupit islamik tri deri në katër ditë kohë për ta pranuar atë.
Plani përfshin krijimin e një “Bordi të Paqes” me mbikëqyrës ndërkombëtarë të udhëhequr nga vetë Trumpi dhe me pjesëmarrjen e ish-kryeministrit britanik, Tony Blair, në një rol të papërcaktuar.
Gaza do të ketë një qeveri të përkohshme kalimtare, e përbërë nga një komitet “teknokratësh, jopolitikë” që do të përfshinte palestinezë dhe ekspertë ndërkombëtarë./REL -
Bota myslimane dhe Europa e mbështet planin e Presidentit të SHBA për Paqe në Gaza. Trump drejt çmimit NOBEL
Presidenti Amerikan Donald Trump që prej ardhjes në pushtet po punon për paqe botërore, duke mbyllur disa luftëra. Së fundmi ai vendosi që Izraeli e Hamasi të zbatojnë një marrëveshje të përgatitur direkt nga Trump e ku bota myslimane e ka mirëpritur. Por edhe Europa e duartrokiti këtë propozim të Trump.
Çmimi NOBEL për Paqen jepet zakonisht një personi që kontribuon për paqe, mirëkuptim dhe solidaritet boteror, por në këtë rast Trump po mbyll një epokë luftërash, vrasjesh dhe mërirash prej dekade.Me shumë se Donald Trump nuk i shkon tjetër njeriu ky çmim i madh NOBEL!
Kombet kryesore myslimane e kanë mbështetur planin e presidentit të Shteteve të Bashkuara, Donald Trump, për t’i dhënë fund luftës në Rripin e Gazës, edhe pse disa palestinezë e quajtën propozimin “farsë”.
Aleatët evropianë të Uashingtonit i bënë thirrje Hamasit – grupit palestinez të shpallur organizatë terroriste nga Shtetet e Bashkuara dhe Bashkimi evropian – ta pranojë propozimin amerikan.
Pas bisedimeve mes Trumpit dhe kryeministrit të Izraelit, Benjamin Netanyahu në Uashington të hënën, Shtëpia e Bardhë e publikoi një plan me 20 pika për Gazën.
Plani parashikon armëpushim të menjëhershëm, shkëmbim të pengjeve që mbahen nga Hamasi me të burgosur palestinezë të mbajtur nga Izraeli, tërheqjen e Izraelit nga Gaza në faza, çarmatimin e Hamasit dhe krijimin e një qeverie tranzitore të udhëhequr nga një trup ndërkombëtar.
Tetë shtete arabe ose me shumicë myslimane thanë në një deklaratë të përbashkët se e “përshëndesin rolin e presidentit amerikan dhe përpjekjet e tij të sinqerta që synojnë t’i japin fund luftës në Gazë”.
Ata thanë se “konfirmojnë gatishmërinë e tyre për t’u angazhuar pozitivisht dhe në mënyrë konstruktive me Shtetet e Bashkuara dhe palët e tjera drejt finalizimit të marrëveshjes dhe sigurimit të zbatimit të saj”.
Vendet përfshijnë Egjiptin, Jordaninë, Emiratet e Bashkuara Arabe dhe Turqinë. Të gjitha këto vende e njohin Izraelin, megjithëse disa kanë marrëdhënie të trazuara.
Deklaratën e nënshkruan gjithashtu Katari, i cili ka luajtur rol të rëndësishëm ndërmjetësues, dhe Arabia Saudite.
Indonezia dhe Pakistani, dy vendet më të populluara me shumicë myslimane në botë, iu bashkuan gjithashtu deklaratës.
Indonezia ka ofruar trupa si pjesë e një force të ardhshme në Gazë, ndërsa Pakistani është përpjekur të afrohet me Trumpin dhe të përmirësojë marrëdhëniet me Uashingtonin.
Autoriteti Palestinez, të cilin Netanyahu është përpjekur ta lërë mënjanë, gjithashtu nxitoi të ofrojë mbështetje, duke përshëndetur “përpjekjet e sinqerta dhe të vendosura” të Trumpit.
Hamasi ka thënë se do ta vlerësojë planin e Trumpit, para se të japë përgjigje.
Por, Xhihadi Islamik, një grup i armatosur palestinez që lufton krah Hamasit në Gazë, e quajti planin “një recetë për agresion të vazhdueshëm kundër popullit palestinez”.
Banorët e Gazës së shkatërruar nga lufta shprehën skepticizëm për planin, duke e hedhur poshtë si mashtrim për lirimin e pengjeve që nuk do t’i japë fund luftës.
“Ne si popull nuk do ta pranojmë këtë maskaradë”, tha Abu Mazen Nassar, 52 vjeç.
Fuqitë evropiane mbështesin planin
Presidenti francez, Emmanuel Macron, u takua javën e kaluar me Trumpin dhe tha se Shtetet e Bashkuara po adoptonin elementë të një plani francez, pavarësisht mosmarrëveshjeve mbi njohjen e një shteti palestinez nga Franca.
Macron vlerësoi “angazhimin e Trumpit për t’i dhënë fund luftës në Gazë”.
“Hamas nuk ka zgjidhje tjetër përveçse t’i lirojë menjëherë të gjithë pengjet dhe të ndjekë këtë plan”, shkroi Macron në X.
Ai gjithashtu i bëri thirrje Izraelit të angazhohet “me vendosmëri” ndaj tij.
Zyra e kryeministrit britanik Keir Starmer tha se Mbretëria e Bashkuar “i mbështet fuqishëm përpjekjet e Trumpit për t’i dhënë fund luftimeve, për lirimin e pengjeve dhe sigurimin e ndihmës humanitare urgjente për popullin e Gazës”.
Plani përfshin një thirrje për një qeveri tranzitore në Gazë të drejtuar nga Trump dhe me pjesëmarrjen e ish-kryeministrit britanik, Tony Blair.
“Presidenti Trump ka paraqitur një plan të guximshëm dhe inteligjent, i cili, nëse pranohet, mund t’i japë fund luftës, të sjellë lehtësim të menjëhershëm në Gazë, shansin për një të ardhme më të ndritur dhe më të mirë për popullin e saj, duke siguruar njëkohësisht sigurinë absolute dhe të qëndrueshme të Izraelit dhe lirimin e të gjithë pengjeve”, tha Blair në një deklaratë.
Presidenti i Këshillit të BE-së, Antonio Costa, u bëri thirrje të gjitha palëve që “ta shfrytëzojnë këtë moment për t’i dhënë paqes një shans të vërtetë”, duke shtuar se “situata në Gazë është e papërballueshme”.
Qeveria e djathtë e kryeministres italiane Giorgia Meloni, e cila është përballur me presion në rritje për qëndrimin e saj të kujdesshëm, gjithashtu vlerësoi diplomacinë e Trumpit.
Në një deklaratë, ajo u bëri thirrje “të gjitha palëve ta shfrytëzojnë këtë mundësi dhe të pranojnë planin”.
Ministri i Jashtëm gjerman Johann Wadephul tha se plani i Trumpit “ofron një mundësi unike për t’i dhënë fund luftës së tmerrshme në Gazë.
“Më në fund, ka shpresë për izraelitët dhe palestinezët që kjo luftë të përfundojë së shpejti”, tha ai.
Kryeministri spanjoll Pedro Sanchez – i cili e ka akuzuar Izraelin për kryerjen e “gjenocidit” në Gazë – tha se Madridi “e mirëpret propozimin për paqe”.
“Ne duhet t’i japim fund kaq shumë vuajtjesh,” tha ai, duke shtuar se një zgjidhje me dy shtete ishte “e vetmja e mundshme” shkruan radio Europa e Lirë”.
Pas kësaj që po bën Presidenti Amerikan, Trumpi e meriton çmimin e madh NOBEL PER PAQE. -
Konferenca me Netanyahun, Trump: Vendet myslimane janë zotuar të demilitarizojnë Gazën, trupat e pengjeve do të kthehen menjëherë
Vendet myslimane janë zotuar të demilitarizojnë Gazen, tha Trump në konferencë për shtyp me Netanyahun.
Trump dhe Netanyahu po mbajnë konferencë për shtyp në Shtëpinë e Bardhë.
Kreu i Shtëpisë së Bardhë ka deklaruar se trupat e pengjeve që kanë vdekur do të kthehen menjëherë, nëse miratohet plani i paqes. Presidenti shtoi se kjo do të thotë gjithashtu “fundi i menjëhershëm i vetë luftës”.
Vendet arabe dhe myslimane janë zotuar ta “demilitarizojnë Gazën” shpejt, si pjesë e planit.Top Channel
-
Nga Makina Fluturuese tek Furça e Dhëmbëve/ Shpikjet myslimane që i dhanë formë botës moderne
Ka një vrimë në njohuritë tona: ne kërcejmë si bretkosa nga Rilindja tek ndaj grekët e lashtë, thotë për CNN, profesori Salim al-Hassani, kryetar i Fondacionit për Shkencë, Teknologji dhe Civilizim dhe redaktor i librit “1001 Shpikjet”. Hassani cek për CNN 10 shpikjet më të jashtëzakonshme të botës myslimane
KirurgjiaRreth vitit 1000, mjeku i njohur El Zahrawi botoi një enciklopedi me 1.500 faqe të ilustruar të kirurgjisë, e cila është përdorur në Evropë si një referencë mjekësore për 500 vitet e ardhshme. Ndër shpikjet e tij të shumta, Zahrawi zbuloi dhe përdorimin e zorrëve të shpërbërshme të maces për të qepur plagët. Përpara kësaj bëhej një operacion i dytë për të hequr penjtë. Ai gjithashtu thuhet se ka kryer operacionin e parë cezarian dhe se krijoi picetat operatore.
KafejaAjo u prodhua në Jemen për herë të parë, rreth shekullit të IX. Në ditët e tij të hershme, kafeja ndihmoi sufitë të qëndrojnë pa gjumë netëve vonë gjatë përkushtimit. Më vonë ajo u soll në Kajro nga një grup studentësh, por lëvizja e kafesë kaploi shpejt gjithë Perandorinë. Deri në shekullin e XIII- ajo ka arritur në Turqi, por në Evropë nuk erdhi më herët se në shekullin e XVI ku u soll nga një tregtar prej Venediku.
Makina fluturuese“Abbas ibn Firnas ishte personi i parë i cili bëri një përpjekje të vërtetë për të ndërtuar një makinë fluturuese. Në shekullin e IX ai projektoi një aparat me krahë, të ngjashëm me puplat e një zogu. Në gjyqin e tij më të famshëm pranë Kordobës në Spanjë, Firnas fluturoi lart për disa çaste, para se të bjerë në tokë ku theu pjesërisht shpinën. Planet e tij padyshim kanë qenë një frymëzim për artistin famshëm italian dhe shpikësin Leonardo da Vinçi.
UniversitetiNë vitin 859 një princeshë e re me emrin Fatima al-Firhi themeloi të parën diplomë universitare që u dha në Fez-Marok. Motra e saj, Miriam, ndërtoi një xhami të bukur dhe ngjitur me të u ndërtua kompleksi Qarawiyyin. Këto janë ende në funksion sot pas 1.200 vjetësh. Hassani thotë se shpreson se përkujtimi i veprës së motrave al-Firhi do të frymëzojë gratë e reja myslimane në mbarë botën sot.
AlgjebraFjala vjen nga titulli i famshëm i traktatit të një matematikani persian që jetoi në shekullin e IX-të: “Kitab el-Xhabr Wa l-Mugabala” e cila përkthehet përafërsisht si “Libri i arsyetimit dhe i hesapeve”. E ndërtuar mbi rrënjët e sistemeve greke dhe hindu, rendi i ri algjebrik ishte një sistem unifikues për numrat racionalë, numrat irracionalë dhe madhësitë gjeometrike. I njëjti matematikan, Al-Khwarizmi, ishte gjithashtu i pari që futi konceptin e ngritjes së një numri në fuqi.
Optika“Shumë nga përparimet më të rëndësishme në studimin e optikës vijnë nga bota myslimane”, vijon rrëfimin e tij profesor Hassani. Rreth vitit 1000, Ibn el-Haitham ka vërtetuar se njerëzit shohin objektet nga drita e reflektuar jashtë tyre, e cila hyn në sy, duke hedhur kështu poshtë teoritë e Euklidit dhe Ptolemeut që thoshin se drita emetohet nga vetë syri. Ky fizikan i madh mysliman gjithashtu zbuloi fenomenin e dhomës së errët, e cila shpjegon se si syri sheh imazhe vertikale për shkak të lidhjes midis nervit të shikimit dhe trurit.
MuzikaSiç shpjegon Hassani, muzikantët myslimanë kanë pasur një ndikim të thellë në Evropë, që datojnë nga epoka e Karlit të Madh, i cili synonte për të konkurruar me muzikën e Bagdadit dhe Kordobës. Në mesin e shumë instrumenteve që mbërritën në Evropë përmes Lindjes së Mesme janë harpa dhe rahab, një paraardhës i violinës. Shkalla moderne muzikore është nxjerrë si derivat i alfabetit arab.
Furça e dhëmbëveProfeti Muhamed popullarizoi përdorimin në masë të furçës së parë të dhëmbëve, rreth vitit 600. Duke përdorur një degëz nga pema Meswak, Ai pastronte dhëmbët dhe freskonte frymën. Substanca të ngjashme me Meswak janë përdorur në furçat e dhëmbëve moderne.
ManiveliShumë nga bazat e automatikë modernë janë vënë për herë të parë në përdorim në botën myslimane, duke përfshirë sistemin revolucionar manivelë. Nga konvertimi i lëvizjes rrotulluese në lëvizje lineare, shumë objekte të rënda lëvizeshin lehtësisht. Kjo teknologji e zbuluar nga Al-Jazari në shekullin XII, shpërtheu në të gjithë globin duke çuar në prodhimin e çdo gjëje: nga biçikleta tek motori me djegie të brendshme.
SpitaletSpitalet siç i njohim sot, me reparte dhe katedrat universitare, vijnë nga shekulli IX në Egjipt. E para qendër e tillë mjekësore ishte spitali Ahmed Ibn Tulun, i themeluar në vitin 872 në Kajro. Spital ka ofruar kujdes shëndetësor pa pagesë për të gjithë ata që kishin nevojë, një politikë e bazuar në traditën myslimane të kujdesit për të gjithë ata që janë të sëmurë. Nga Kajro, spitale të tilla u përhapën në mbarë botën myslimane. /HEJZA