Lajmidites.com

Tag: muzikore

  • Kompozitori dhe dirigjenti, Rafet Rudi vlerësohet me dekoratën “Nderi i Akademisë”

    Kompozitori dhe dirigjenti, Rafet Rudi vlerësohet me dekoratën “Nderi i Akademisë”

    Në kuadër të Javës Kombëtare të Kulturës, në Akademinë e Shkencave të Shqipërisë, u promovua libri i kompozitorit e dirigjentit Rafet Rudi, “Libri im i kujtimeve”.

    Promovimi u moderua nga muzikologia Rreze Kryeziu Breznica e cila tha se prof. Rudi ka ndërtuar narrativën e një kompozitori, dirigjenti dhe mendimtari në fushën e historisë dhe filozofisë së muzikës.

    Ajo theksoi se libri vjen si një vepër për të ndriçuar një periudhë historike, profesionale dhe shpirtërore, që bart në vete kujtesën e një kohe dhe kontributin e një personaliteti të rëndësishëm, siç është profesori Rafet Rudi.

    Skënder Gjinushi, kryetari i Akademisë së Shkencave të Shqipërisë e vlerësoi, kompozitorin dhe dirigjentin Rudi si një ndër personalitetet më të shquar të artit dhe muzikës.

    Në kuadër të kësaj veprimtarie, Gjinushi i dorëzoi prof. Rafet Rudit dekoratën e mirënjohjes “Nderi i Akademisë”, me motivacionin: “Kompozitor, dirigjent dhe muzikolog i shquar i muzikës mbarëshqiptare, veçanërisht asaj në Kosovë; protagonist i ngjarjeve më të rëndësishme muzikore, artistike e kulturore nga vitet 1970 e deri më sot; promovues aktiv i bashkëpunimeve muzikore mes Kosovës dhe Shqipërisë; pedagog dhe personalitet publik me peshë të veçantë në jetën tonë muzikore; interpretues i krijimtarisë muzikore të kompozitorëve shqiptarë në skena të rëndësishme të botës, përmes formacioneve muzikore vokale e instrumentale; mbështetës dhe inkurajues i brezave të rinj të krijuesve e interpretuesve; vlerësuar me disa çmime kombëtare e ndërkombëtare; themelues i festivalit të rëndësishëm muzikor REMUSICA”.

    Më pas, studiuesja e muzikës prof. dr. Zana Shuteriqi e vlerësoi kompozitorin Rafet Rudi si një prej figurave më unikale dhe përfaqësuese të kulturës muzikore shqiptare bashkëkohore. Me këtë rast, ajo e vlerësoi veprën e tij “Libri im i kujtimeve” për dëshmitë kohore dhe pasqyrimin e ndikimeve që kanë formuar autorin, duke i kapërcyer karakteristikat e një autobiografie.

    Akademiku Vasil Tole tha se ky është libri i parë i plotë autobiografik i një kompozitori shqiptar, që e barabit me kompozitorë të shquar botërorë.

    “Libri im i kujtimeve” paraqet një “kronikë të jetës muzikore” nga vitet ‘70 deri në 1999, parë nga perspektiva e autorit si kompozitor, dirigjent dhe publicist.

    Dardan Selimaj, drejtues i Filarmonisë së Kosovës e vlerësoi librin e prof. Rauf Rudit si një dokument të gjallë, të argumentuar të fakteve historike të shekullit të kaluar dhe shekullit tonë, në lëmin e muzikës në Kosovë dhe më tej.

    Autori i librit, prof. Rafet Rudi tha se libri ka karakteristika biografike, por më shumë është një kronikë e kohës në mungesë të dokumentacionit për shkak të ngjarjeve që ka kaluar Kosova dhe për shkak të institucioneve të pakta kulturore.

    Në këtë libër nëpërmjet kujtimeve jam munduar të lë informacione të vlefshme për periudha të rëndësishme të jetës muzikore, të cilat janë të vështira për t’u gjetur në arkiva zyrtare.

    ObserverKult

    Lexo edhe:

    INTELEKSHTAJNI APO PROFETI I RREMË MODERN

  • “Libri im i kujtimeve” nga kompozitori Rafet Rudi paraqet një “kronikë të jetës muzikore” nga vitet ‘70 deri në 1999

    “Libri im i kujtimeve” nga kompozitori Rafet Rudi paraqet një “kronikë të jetës muzikore” nga vitet ‘70 deri në 1999

    Ngjarje dhe kujtime personale, duke përfshirë shkrime, ku përshkruhen zhvillimet në jetën muzikore në kontekstin e kushteve politike, sociale dhe kulturore  në “Libri im i kujtimeve”nga kompozitori i njohur Rafet Rudi. Kompozitor, dirigjent dhe mendimtar në fushën e publicistikës dhe të filozofisë së muzikës dhe anëtar i Akademisë Evropiane të Shkencës dhe të Arteve, Rafet Rudi përbën personalitetin më të spikatur dhe më aktiv në 2-3 dekadat e fundit në botën muzikore të Kosovës.
    Libri i tij “Libri im i kujtimeve” u promovua dhe në Akademinë e Shkencave të Shqipërisë në sallën “Aleks Buda”, veprimtari që u mbajt edhe në kuadër të Javës Kombëtare të Kulturës. Të pranishëm ishin akademikë, studiues të ndryshëm apo dhe profesorë të Universitetit të Arteve në Tiranë. “Libri im i kujtimeve” paraqet një “kronikë të jetës muzikore” nga vitet ‘70 deri në 1999, parë nga perspektiva e autorit Rafet Rudi si kompozitor, dirigjent dhe publicist. Ai tregon ngjarje dhe kujtime personale, duke përfshirë shkrimet e tij që datojnë që nga viti 1975, ku përshkruan zhvillimet në jetën muzikore në kontekstin e kushteve politike, sociale dhe kulturore.  Ky botim ofron informacione të vlefshme për periudha të rëndësishme të jetës muzikore, të cilat janë të vështira për t’u gjetur në arkiva zyrtarë.
    Kompozitori Rafet Rudi ka shkruar veprat: kantatën “Flijimi” (1983), “Fantasia in Si” (1985) për violinë e piano, Koncerti për kitarë e orkestër (1986), e shumë të tjera. Rafet Rudi ka punuar si profesor në Fakultetin e Arteve në Prishtinë,  ndërsa dhe si shef-dirigjent i Korit të Filharmonisë së Kosovës ka realizuar një sërë koncertesh në Maqedoninë e Veriut, Kroaci, Shqipëri, Itali, Angli, etj.

  • Koncert i ansamblit “Tirana -Tirona All Stars” në festivalin “Ditët e Nëntorit”

    Koncert i ansamblit “Tirana -Tirona All Stars” në festivalin “Ditët e Nëntorit”

    Nga Blerim Valla

    “Tirana — Tirona All Stars” është një grup këngëtarësh dhe instrumentistësh virtuozë, të jashtëzakonshëm, të njohur për performancat e tyre emocionale që sjellin trashëgiminë e pasur muzikore të Tiranës. Ky ansambël me pikat muzikore të tyre solli shpirtin e Tiranës dhe krejt Shqipërisë së Mesme në Gjakovë!Ansambli “Tirana-Tirona All Stars” përfaqëson muzikën më të mirë tiranase dhe atë popullore të Shqipërisë së Mesme, me një grup artistëshvirtuoz, si veteranë ashtu edhe të rinj që mbajně gjallë këtë traditë muzikore. Duke interpretuar këngë e valle të Shqipërisë së Mesme grupi krijoi një tingull unik që magjepsi publikun me ritmin e tyre dhe energjinë dinamike. Ky koncert me rastin e festivalit “Ditët e Nëntorit” erdhi për publikun e Gjakovës si një aheng i madh tironsë nga ansambli i krijuar para pak vitesh i përbërë nga këngëtarë e instrumentistë të njohur veteranë e të rinj, por që në Gjakovë mungonin të njohurit tashmë – të ndjerët si i madhi Rik Buneci (këngëtar) e Ilir Tafaj (këngëtar). Dhe i gjithë ansambli me një mysafirë violinistin e ri dhe të talentuar nga Gjakova Olsi Gjoshi, i ofruan publikut një koncert të paharruar me muzikën më të mirë të Shqipërisë së Mesme si nga Tirana, Elbasani e Kavajë duke i kënduar të gjitha pika muzikore së bashku me publikun gjakovar njëzëri në kor pasi këto këngë me vite janë të njohura dhe këndohen në qytetin e Gjakovës.“Fajtore” për këtë koncert që do të mbahet gjatë në mend ishte ideatorja dhe producentja e ansamblit “Tirana- Tirona All Stars” Edit Pula.Duhet cekur se albumi i këtij ansambli është punuar me rastin e 100-vjetorit të Tiranës. Albumi “Tirana 100” u zgjodh si Albumi më i mirë i vitit 2021 dhe nē vitin 2022 ishte fitues i Çmimit Songlines BBC World Music Awards në kategorinë BEST GROUP. Në të njëjtën listë me artistë si Dua Lipa & Adele – por në zhanrin e World Music!

    Producentja e ansamblit Edit Pula, me origjinë gjakovare, shumë e emocionuar pas koncertit, pasi falenderoi organizatorët e festivalit – “Fondacionin për Gjakovën” dhe publikun e Gjakovës për mikpritjen e ngrohtë, theksoi se çmimi Best Group në botë në zhanrin e muzikës popullore për dy vite radhazi është një nder i jashtëzakonshëm për grupin, Tiranën dhe Shqipërinë pse jo edhe për Kosovën!

    ObserverKult

    Lexo edhe:

  • Ish-partnerja Afërdita Dreshaj shpreh ngushëllimet për këngëtarin: Pusho në paqe Shpati!

    Ish-partnerja Afërdita Dreshaj shpreh ngushëllimet për këngëtarin: Pusho në paqe Shpati!

    Për vdekjen e papritur të këngëtarit Shpat Kasapi, ka reaguar edhe ish-partnerja e tij, modelja Afërdita Dreshaj.
    Ata kanë qenë bashkë për shumë vite dhe lidhja e tyre mbetet një nga historitë më të njohura e më të komentuara të showbizit.
    Në një postim në rrjete sociale, Afërdita i ka shprehur ngushëllime familjes së artistit.
    “Pusho në paqe Shpati. Ngushëllime familjarëve, miqve dhe komunitetit të artit shqiptar”, tha ajo.
    Kujtojmë se Shpat Kasapi raportohet se ka ndërruar jetë në moshën 40-vjeçare, si pasojë e një arresti kardiak.
    Shpat Kasapi ka lënë pas djalin e tij, Roel, me ish-bashkëshorten Selvije Jao, me të cilën u nda pas disa vitesh lidhje.
    I lindur më 1 maj të vitit 1985 në Tetovë të Maqedonisë së Veriut, në një familje me traditë muzikore, Shpat Kasapi nisi karrierën muzikore e filloi që në moshë të re, ku pati prezantime në festivalet për fëmijë, dhe në moshën 13 vjeçare u shpall fitues i festivalit “Bletëzat 98”.
    Rreth viteve 2000 ai u bë një prej idhujve të rinisë me stilin e tij modern. Në 2002 mori çmimin e parë në festivalin “Këngët e Stinës” në Tiranë, dhe një vit më vonë do të merrte çmimin e publikut në festivalin “Nota Fest” dhe në “Albafest”, në Shkup.
    Ndër hitet më të famshme të tijat janë “A më do?”, “Valle Kosovare”, “Dashni pa limit”, “Aroma e saj”, ″Ti je ajo″, ″Depresive″ e shumë të tjera. Ai bashkëpunoi me emra të njohur të industrisë muzikore dhe publikoi një sër albumesh prej të cilave mund të përmendim Do te vije nje dite (2004), Pa ty s’jetoj (2005), Kush të ndau prej meje (2006), Medikament(2010) e të tjera.

  • Ndërron jetë Shpat Kasapi

    Ndërron jetë Shpat Kasapi

    Shpat Kasapi ka qenë një nga emrat më të njohur dhe më të dashur të skenës muzikore shqiptare. I lindur më 1 maj 1985 në Tetovë, ai u rrit në një familje me traditë muzikore, që i dha shtysën e parë drejt skenës.
    Karriera e tij nisi në fillim të viteve 2000, ku shumë shpejt u bë një prej idhujve të rinisë me stilin e tij modern, meloditë e lehta dhe performancat energjike.
    Shpati u afirmua përmes tregut muzikor kosovar dhe atij shqiptar, duke sjellë këngë që u shndërruan në hite si “A më do?”, “Valle Kosovare”, “Dashni pa limit”, “Aroma e saj”, e shumë të tjera.
    Ka marrë pjesë në festivale të rëndësishme dhe ka bashkëpunuar me emra të njohur të industrisë muzikore.
    Prej vitesh ka qenë një figurë e pandashme e muzikës pop shqiptare, duke ruajtur popullaritetin falë stilit të tij karakteristik dhe këngëve që vazhdojnë të dëgjohen gjerësisht.
    I ndjeri ka qenë i martuar dhe ka lënë pas një fëmijë.

  • E trishtë! Ndërron jetë këngëtari Shpat Kasapi

    E trishtë! Ndërron jetë këngëtari Shpat Kasapi

    Ndërron jetë në moshën 40-vjeçare këngëtari Shpat Kasapi.
    Sipas mediave maqedonase artisti ka ndërruar jetë si pasojë e një arresti kardiak.
    Shpat Kasapi ka qenë një nga emrat më të njohur dhe më të dashur të skenës muzikore shqiptare. I lindur më 1 maj 1985 në Tetovë, ai u rrit në një familje me traditë muzikore, që i dha shtysën e parë drejt skenës.

    Karriera e tij nisi në fillim të viteve 2000, ku shumë shpejt u bë një prej idhujve të rinisë me stilin e tij modern, meloditë e lehta dhe performancat energjike.
    Shpati u afirmua përmes tregut muzikor kosovar dhe atij shqiptar, duke sjellë këngë që u shndërruan në hite si “A më do?”, “Valle Kosovare”, “Dashni pa limit”, “Aroma e saj”, e shumë të tjera.
    Ka marrë pjesë në festivale të rëndësishme dhe ka bashkëpunuar me emra të njohur të industrisë muzikore.
    Prej vitesh ka qenë një figurë e pandashme e muzikës pop shqiptare, duke ruajtur popullaritetin falë stilit të tij karakteristik dhe këngëve që vazhdojnë të dëgjohen gjerësisht.
    I ndjeri ka qenë i martuar dhe ka lënë pas një fëmijë.
    /vizionplus.tv

  • Incident i rëndë në skenën muzikore: Don Xhoni dhe shokët sulmojnë producentin e njohur

    Incident i rëndë në skenën muzikore: Don Xhoni dhe shokët sulmojnë producentin e njohur

    Një ngjarje e rëndë ka tronditur skenën muzikore në Kosovë, ku reperi i njohur Don Xhoni, së bashku me vëllain e tij dhe disa shokë, dyshohet se kanë sulmuar producentin Shkumbin Nebihu, i njohur me emrin artistik Bini Diez.
    Sipas raportimeve të Paparacit, incidenti ka ndodhur në rrethana ende të pasqaruara, ndërsa gjatë ngjarjes është përdorur edhe arma e zjarrit. Burimet raportojnë se grupi i reperit ka goditur Nebihun dhe ka shkaktuar dëme në automjetin e tij. Detajet e plota mbi motivet dhe rrethanat që çuan në konflikt ende nuk janë bërë publike.
    Paparaci shton se është në pritje të një përgjigjeje zyrtare nga Policia e Kosovës, e cila ende nuk ka dhënë informacione të plota mbi ngjarjen. Autoritetet pritet të sqarojnë nëse ka arrestime, dëme materiale të tjera apo lëndime më serioze.
    Ngjarja ka ngjallur reagime të shumta në rrjetet sociale, ku fansat e reperit dhe komuniteti muzikor po ndajnë shqetësimet dhe komentet e tyre. Disa burime të afërta me të përfshirët kanë konfirmuar se tensioni mes palëve ka qenë i gjatë, por ende nuk dihet nëse ka pasur mosmarrëveshje paraprake që çuan në dhunë.
    Rastet e dhunës mes figurave publike janë gjithmonë të ndjeshme, dhe opinioni publik presin informacionin zyrtar nga Policia për të kuptuar se çfarë ka ndodhur saktësisht dhe cilat do të jenë veprimet e mëtejshme ligjore.

  • Arti italian në zi, ndahet nga jeta dirigjenti Peppe Vessicchio

    Arti italian në zi, ndahet nga jeta dirigjenti Peppe Vessicchio

    Është ndarë nga jeta në moshën 69-vjeçare, dirigjenti i njohur italian, Maestro Peppe Vessicchio. Ai ndërroi jetë në spitalin San Camillo në Romë, ku ishte shtruar për shkak të një komplikacioni të papritur.
    Si dirigjent orkestre, kompozitor, arranzhues dhe figurë e dashur televizive për publikun italian, Vessicchio ishte një legjendë e vërtetë e Festivalit të Sanremos dhe e muzikës italiane.
    Ikonë e dallueshme, ai arriti të fitojë zemrat e brezave të ndryshëm falë një kombinimi të aftësive profesionale dhe karizmës që shtrihej përtej notave muzikore.

    “Maestro Giuseppe Vessicchio ndërroi jetë sot në reanimacionin e A.O. San Camillo Forlanini për shkak të një pneumonie intersticiale që u përkeqësua shpejt. Familja kërkon privatësi. Funerali do të zhvillohen në formë strikt private,” njofton buletini zyrtar i spitalit.
    I lindur në Napoli më 17 mars 1956, Vessicchio nisi udhëtimin e tij muzikor duke bashkëpunuar me disa nga emrat më të mëdhenj të skenës italiane. Gino Paoli, Edoardo Bennato dhe Peppino di Capri janë vetëm disa nga artistët që pasuruan përvojën e tij artistike. Me Gino Paoli, veçanërisht, ai firmosi këngë të paharrueshme si “Ti lascio una canzone” dhe “Cosa farò da grande”.
    Emri i tij lidhet ngushtë me Festivalin e Sanremos, ku ishte prezencë pothuajse e pandarë që nga viti 1990. Në këtë festival historik, Vessicchio fitoi katër herë si dirigjent orkestre, duke udhëhequr këngë që kanë bërë histori në muzikën italiane: “Sentimento” nga Avion Travel (2000), “Per dire di no” e Alexia (2003), “Per tutte le volte che” e Valerio Scanu (2010) dhe “Chiamami ancora amore” e Roberto Vecchioni (2011). Përveç këtyre triumfeve, ai mori edhe shumë çmime si arranzhues më i mirë, duke dëshmuar talentin e tij të lindur dhe ndjeshmërinë muzikore që e karakterizonte.
    Vessicchio ishte shumë më tepër se një maestro i orkestrës së Sanremos. Gjatë karrierës së tij të shquar, ai ka bashkëpunuar me protagonistët kryesorë të skenës muzikore italiane dhe ndërkombëtare: Andrea Bocelli, Zucchero, Roberto Vecchioni, Elio e le Storie Tese, Ornella Vanoni, Ron dhe Biagio Antonacci janë vetëm disa nga emrat e mëdhenj me të cilët ka ndarë skenën dhe studio regjistrimi.
    Versatiliteti i tij i dha mundësinë të eksploronte skena të rangut botëror, duke drejtuar orkestrat në vende prestigjioze si Kremlini, ku realizoi një tribut për John Lennon. Ai gjithashtu drejtoi me entuziazëm projektin Rockin’1000, një nismë e jashtëzakonshme që bashkon grupin më të madh rock në botë.
    Në vitet e fundit, Vessicchio vazhdoi të sfidojë veten dhe të inovonte, duke qëndruar besnik pasionit të tij për muzikën. Për vitin e ardhshëm ishte planifikuar një turne teatral me titull “Ecco che incontro l’anima” pranë Ron, një projekt që premtonte emocione dhe introspeksion.
    Në televizion, një nga përvojat më të rëndësishme të Peppe Vessicchio ishte në programin “Amici” të Maria De Filippi, ku solli një prekje klase dhe kulturë muzikore. Ai mbajti role të ndryshme: dirigjent orkestre për performancat e këngëtarëve në sezonet e para, pastaj gjykatës i jashtëm, i aftë të vlerësonte me ekuilibër dhe ndjeshmëri artistike, dhe mysafir special, gjithmonë gati të ndante eksperiencën e tij me nxënësit e rinj. Pikërisht në “Amici”, Vessicchio bëri një nga shfaqjet e tij të fundit televizive, kur pak javë më parë mbajti një leksion të veçantë këndimi për të rinjtë.

  • Orkestra e Harqeve e TKOB koncert në drejtimin e dirigjentit James Ross, performancë që bashkon elegancën britanike…

    Orkestra e Harqeve e TKOB koncert në drejtimin e dirigjentit James Ross, performancë që bashkon elegancën britanike…

    Nga Julia Vrapi
    Vepra të kompozitorëve britanikë dhe shqiptarë do të jenë pjesë e një koncertit, që sjell në Tiranë dhe dirigjentin  e njohur James Ross. Dirigjenti britanik dr. James Ross dhe Orkestra e Harqeve Teatrit Kombëtar të Operës dhe Baletit do të sjellin një mbrëmje të veçantë me tingujt e muzikës klasike, ku do të luhen vepra të autorëve  Henry Purcell, Peter Warlock, Gerald Finzi, Edward Elgar, si dhe Gjon Simoni dhe Endri Sina. Java e Kulturës Britanike në vendin tonë hap siparin në Teatrin Kombëtar të Operës dhe Baletit me një mbrëmje, që premton të zgjojë shpirtin përmes muzikës. “Nën drejtimin e dirigjentit të njohur britanik Dr. James Ross, Orkestra e Harqeve e TKOBAP-së sjell një performancë që bashkon elegancën britanike me emocionin shqiptar. Një udhëtim i thellë muzikor që vjen në kuadër të Javëve Kulturore Ndërkombëtare, ku çdo tingull shndërrohet në ndjenjë dhe frymëzim”, thuhet ndër të tjera nga Teatri Kombëtar i Operës dhe Baletit për këtë koncert, që do të jetë më datë 10 nëntor në mbrëmje, ku në violonçel është Dorina Laro dhe klarinetë Erenik Behlula.
    Këtë mbrëmje muzikore në koncert vjen vepra e Henry Purcell, që ishte një kompozitor anglez i muzikës barok. Ai kompozoi më shumë se 100 këngë, një opera tragjike Dido dhe Enea dhe shkroi muzikë rastësore për një version të “Ëndrrës së një nate vere” të Shekspirit të quajtur Mbretëresha e Zanave. Vepra e Philip Arnold Heseltine gjithashtu në këtë koncert, i njohur me pseudonimin Peter Warlock, ishte një kompozitor dhe kritik muzikor britanik.  Gerald Raphael Finzi një kompozitor anglez, i cili njihet më së shumti si kompozitor koral, por ka shkruar edhe në zhanre të tjera. Kompozimet në shkallë të gjerë nga Finzi përfshijnë kantatën Dies natalis për zërin solo dhe orkestër harqesh, dhe koncertet e tij për violonçel dhe klarinetë.
    Edward William Elgar gjithashtu një kompozitor anglez, ku vepra e tij është pjesë e këtij koncerti. Shumë prej veprave të tij kanë hyrë në repertorin e koncerteve klasike britanike dhe ndërkombëtare. Pjesë e këtij koncerti është dhe krijimtaria muzikore e  Gjon Simonit. Krijimtaria muzikore e tij është e pasur dhe e larmishme dhe ajo është luajtur në të gjitha aktivitetet e rëndësishme muzikore të Shqipërisë dhe jashtë saj. Vepra e Endri Sinës gjithashtu vjen mbrëmjen e 10 nëntorit në TKOB . Endri Sina është një kompozitor shqiptar i njohur për kontributin e tij në muzikën shqiptare, veçanërisht në fushën e muzikës për teatër dhe festivale muzikore.
    Aktivitete në vijim
    Java Kulturore e Mbretërisë së Bashkuar  në Shqipëri nis më datë 10 këtë muaj dhe vijon me aktivitete të ndryshme deri më 16 nëntor në vendin tonë. Koncerti që do të zhvillohet në skenën e Teatrit Kombëtar të Operës dhe Baletit hap këtë javë kulturore, që sjell një sërë aktivitetesh në ditët në vijim, ku pjesë janë edhe filma të shkurtër britanikë dhe shqiptarë. Aktivitetet sjellin dhe një ekspozitë nga Richard Deacon. Ekspozita solo e skulptorit të njohur britanik sjell një vështrim të thellë në krijimtarinë dhe filozofinë e tij artistike. “Kolonel Aubrey Herbert & Shqipëria” një seminar përkujtimor mbi jetën dhe trashëgiminë e mikut të madh të shqiptarëve vijon gjatë kësaj jave kulturore. Një performancë që bashkon muzikantë britanikë dhe shqiptarë në një udhëtim përmes jazz-it, R&B-së dhe rock-ut është gjithashtu pjesë e kësaj jave, ndërsa do të zhvillohen dhe të tjera aktivitete.

  • Konferencë shkencore për muzikën/ Edukimi dhe e drejta e autorit në fokus të diskutimit në Akademinë e Shkencave

    Konferencë shkencore për muzikën/ Edukimi dhe e drejta e autorit në fokus të diskutimit në Akademinë e Shkencave

    Roli i muzikës shqiptare si krijimtari, interpretim dhe edukim ishte në fokus në një konference shkencore mbarëkombëtare që u mbajt në Akademinë e Shkencave, me pjesëmarrjen e përfaqësuesve të institucioneve artistike e muzikore nga Shqipëria, Kosova dhe Maqedonia e Veriut.

    Në përfundim të punimeve, pjesëmarrësit dolën me disa rekomandime ndaj institucioneve publike të ngarkuara me ligj, përfshirë mbështetjen e mëtejshme e krijimeve dhe interpretimeve muzikore kombëtare.
    “Krijuesit shqiptarë, kompozitorët, nuk kanë një mundësi reale ku të aplikojnë për të gjetur mbështetje për të shkruar një vepër, qofshin opera, balete apo simfoni. Çështja e një fondi të krijimtarisë së re, është një nga çështjet që ka shqetësuar gjithë këto vitet artistëtë. Sepse kjo ndikon jo thjesht në numrin e veprave, por ndikon në shkëputjen e marrëdhënieve të publikut me krijimtarinë muzikore shqiptare, është gjuha e kohës që jetojmë”, shprehet Vaso Tole.
    Zëvendës/kryetari i Akademisë së Shkencave vuri theksin te ligji për pagesën e cilësisë artistike.
    “Prej 15 vitesh, ka disa detyrime të paplotësuara nga ligji për artin, është një detyrim që duhet të plotësohet nga Këshilli i Ministrave, që lidhet me ‘pagesën e cilësisë artistike’. Pra, duhet të ketë një dysheme të shpërblimit të cilësisë artistike për të gjitha nivelet e atyre që merren me art. Nuk janë më shumë se 300 krijues, interpretues janë më shumë”, shton ai.
    Akademikët kërkuan rishikimin e modeleve pedagogjike të mësimdhënies dhe modernizimin e kurrikulave muzikore përmes integrimit të teknologjisë digjitale dhe zhvillimit të kompetencave bashkëkohore për interpretuesit dhe mësuesit.
    “Në 2013, nga dy orë mësim në javë që bënin të gjitha shkollat, u bë një orë në javë. Që këtu ka filluar një ngërç, sepse një mësues nuk mund të rrijë në një shkollë me 5 orë, duhet të ketë 20 orë në javë, ku do t’i plotësojë këto orë. Dhe ka ndodhur që mësim muzike ka dhënë edhe mësuesi i gjeografisë”, thotë Arben Llozi.
    “Në shkollat tonë, të ketë një repertor të përzgjedhur të krijimtarisë sonë, tradita e fuqishme duhet të reflektohet”, shton Vaso Tole.
    Konferenca solli në vëmendje edhe nevojën për hartimin e një strategjie kombëtare me fokus të veçantë te muzika
    “Në Shqipëri, 1 në 5900 banorë studion muzikë, vendi më i dobët në Europë është 1 me 150. Por, nëse shkojmë që te Platoni, Ciceroni e me radhë, muzikën e cilësojnë thelbësore. Tani, në të gjithë botën, është bërë pjesë e programeve të studimit muzikoterapia, është vënë re ndikimi i madh që ka muzika te terapia”, thekson Arben Llozi.
    Ruajtja dhe digjitalizimi i trashëgimisë muzikore kombëtare mbetet sfidë për të institucionet përgjegjëse, ashtu sikurse garantimi i të drejtës së autorit.
     

    Top Channel