Lajmidites.com

Tag: mundësia

  • Mundësia e dhjetë për Partizanin, a do e thyejë Kërnaja “tersin” në derbin me Tiranën?

    Mundësia e dhjetë për Partizanin, a do e thyejë Kërnaja “tersin” në derbin me Tiranën?

    Partizani nuk fiton dy ndeshje radhazi në kampionat, që nga nëntori i vitit 2024. Më 9 dhe 24 nëntor, të kuqtë fitonin respektivisht kundër Dinamos dhe Laçit.
    Më pas janë luajtur 22 ndeshje për të mbyllur kampionatin e kaluar dhe 14 aktualet, por asnjëherë nuk janë parë dy fitore radhazi. Bëhet fjalë për një edicion të plotë me 36 javë, nëse bashkohen ndeshjet. Çuditërisht pa gëzuar asnjëherë dy herë radhazi. Mundësia është parë çdo herë pas nëntë fitoreve.

    E njëjta gjë mund të thuhet sërish pas triumfit me Bylisin sepse është hera e dhjetë, që Partizani do kërkojë të kombinojë 6 pikë bashkë në kampionat.
    FORMA- Kërnaja shkon në derbi me formën e duhur, për të qenë pjesë e historisë si një ndër trajnerët që e fiton këtë takim. Në fazën e dytë të Superiores, askush nuk ka bërë më mirë se Partizani. Bashkë me Elbasanin janë grumbulluar nga 9 pikë.
    Të dyja skuadrat nuk e kanë provuar shijen e humbjes në fazën e dytë. Me pesë gola të shënuar dhe tre të pësuar, konfirmohet fakti se të kuqtë po bëjnë më mirë se rivalët. Kërnaja do mbushë nëntë ndeshje, ndryshe një fazë në krye të Partizanit, pas sfidës me bardheblutë. Gjatë kësaj kohe është humbur vetëm përballja në derbin me Dinamon.

  • Kremlini: Një telefonatë Putin-Trump, e mundur në çdo moment

    Kremlini: Një telefonatë Putin-Trump, e mundur në çdo moment

    Zëdhënësi i presidentit rus, Dmitry Peskov, deklaroi këtë të mërkurë se një telefonatë midis presidentëve rusë dhe amerikanë mund të ndodhë. 

    “Një telefonatë është e mundur në çdo kohë dhe ekziston mundësia për ta organizuar atë menjëherë”, tha Peskov në një konferencë për shtyp dhe iu referua deklaratave të bëra më parë nga ndihmësi presidencial rus Yury Ushakov në lidhje me punën që ishte duke u zhvilluar në nivel ekspertësh.

    “Është në nivelin e ekspertëve që duhet të arrihen rezultate të caktuara, të cilat më pas do të formojnë bazën për kontakte në nivelin më të lartë”, shtoi ai.

    Ushakov tha në një konferencë për shtyp pas takimit të Putinit me të dërguarin special presidencial të SHBA-së, Steve Witkoff, në Moskë se mundësia e një samiti midis Rusisë dhe Shteteve të Bashkuara do të varet nga progresi i arritur nëpërmjet punës së ndihmësve, përfaqësuesve të ministrive të jashtme të të dy vendeve, etj.

  • Partia Mundësia proteston jashtë kryeministrisë/ Kërkon dorëheqjen e Ballukut

    Partia Mundësia proteston jashtë kryeministrisë/ Kërkon dorëheqjen e Ballukut

    Ndërkohë që Belinda Balluku ndodhet prej 4 orësh në kryeministri në një takim me kryeministrin Edi Rama, Partia Mundësia ka organizuar një protestë rreth godinës, ku kërkon dorëheqjen e zëvendëskryeministres, pas masës së Gjykatës së Posaçme për pezullimin nga detyra.

  • Balluku rreth 5 orë në Kryeministri, Shehaj shpërthen ashpër: Po thur plane për të shpëtuar, do përfundojë në burg

    Balluku rreth 5 orë në Kryeministri, Shehaj shpërthen ashpër: Po thur plane për të shpëtuar, do përfundojë në burg

    Partia Mundësia ka organizuar sot një protestë para ambienteve të Kryeministrisë, pikërisht në momentin kur ish-ministrja Belinda Balluku ndodhet brenda godinës prej më shumë se 4 orësh, e dyshuar për një takim kokë më kokë me kryeministrin Edi Rama.
    Në protestë morën pjesë deputetët Agron Shehaj dhe Erald Kapri, së bashku me dhjetëra qytetarë që mbanin pankarta me mbishkrim ku kërkonin largimin e Ballukut.
    Kreu i Partisë Mundësia, Agron Shehaj, deklaroi para protestuesve:
    “Shqipëria është në një moment historik. Të korruptuarit janë mbyllur në zyrë dhe po bëjnë plane si t’i shpëtojnë drejtësisë. Pas Veliajt dhe Ahmetajt, tani e kanë radhën Ballukun. Ajo është zv/kryeministrja në detyrë dhe nuk e lëshojnë dot, sepse pas saj shkojnë direkt te Edi Rama. Janë rrethuar nga drejtësia! Mendonin se do ta përdornin drejtësinë si mjet, por ja që edhe në Shqipërinë e vuajtur erdhi dita e saj. Falë SPAK-ut dhe reformës në drejtësi, këta do të shkojnë në burg. Ka ardhur koha që shqiptarët të shohin drejt së ardhmes dhe të ndërtojmë një Shqipëri të re – ku të gjithë jetojnë ndershmërisht dhe askush të mos ketë në kurriz kryeministra e deputetë të korruptuar.”

  • Gjykata pezulloi Ballukun nga detyra/ Shehaj: Edi Ramën e shpëton vetëm arratisja

    Gjykata pezulloi Ballukun nga detyra/ Shehaj: Edi Ramën e shpëton vetëm arratisja

    Kryetari i Partisë Mundësia Agron Shehaj e ka quajtur moment historik vendimin e Gjykatës së Posaçme kundër Korrupsionit dhe Krimit të Organizuar për pezullimin nga detyra të zv.kryeministres Belinda Balluku.
    Sipas Shehajt, po shkërmoqet një autokraci e korruptuar që ka sunduar për 35 vite ne Shqipëri.
    Nga Kryesia e Kuvendit, kryetari i Mundësia deklaroi se Rama po takohet tani me Ballukun në kryeministri, teksa përpiqen t’i shpëtojnë drejtësisë.
    Kreu i Mundësia e quan këtë një moment historik dhe teksa nënvizon se pas Ballukut, radhën për të dalë para drejtësisë e ka kryeministri për aferat korruptive që po heton SPAK, Shehaj thekson se “Edi Ramën e shpëton vetëm arratisja nga Shqipëria!”.
    DEKLARATA“Tani që po flasim, zv.kryeministrja e pandehur dhe me dy masa sigurie, dhe e pezulluar nga gjykata, është në zyrën e kryeministrit. Po bëjnë plane se si ti shpëtojnë drejtësisë.Por, Nuk kanë nga t’ia mbajnë.Të dashur qytetarë, ky është një proces i pandalshëm. Më në fund, edhe në Shqipëri, vendi i të korrputuarve është para drejtësisë.Edi Ramës dhe Belinda Ballukut i ka ardhur fundi.Tani ka ardhur momenti që Edi Rama të japë dorëheqjen!Edi Ramën e shpëton vetëm arratisja nga Shqipëria!”, u shpreh Shehaj.
    Kryetari i Partisë Mundësia deklaroi se ky është momenti për t’u shkëputur përfundimisht nga e kaluara.
    “Është momenti për të lufutar së bashku, për t’i dhënë më në fund Shqipërisë një qeveri të pakorruptuar”.Deklarata e plotë e Agron Shehaj:Shqipëria po përjeton momentin më të rëndësishëm të historisë së saj, që pas rrëzimit të regjimit komunist. Po shkërmoqet një autokraci e korruptuar që ka sunduar mbi Shqipërinën këto 35 vjet.Të korruptuarit që kanë marrë peng këtë vend për mbi 3 dekada po dalin para drejtësisë.Po dalin para drejtësisë ata që kanë vjedhur popullin më të varfër në Europë.Po dalin para drejtësisë ata që kanë larguar nga Shqipëria miliona shqiptarë në gjithë botën.Po dalin para drejtësisë ata që u kanë mohuar shqiptarëve ccdo të drejtë.Tani që po flasim, zv.kryeministrja e pandehur dhe e pezulluar nga gjykata është në zyrën e kryeministrit. Po bëjnë plane se si ti shpëtojnë drejtësisë.Por, Nuk kanë nga t’ia mbajnë.Të dashur qytetarë, ky është një proces i pandalshëm. Më në fund, edhe në Shqipëri, vendi i të korrputuarve është para drejtësisë.Edi Ramës dhe Belinda Ballukut i ka ardhur fundi.Tani ka ardhur momenti që Edi Rama të japë dorëheqjen!Edi Ramën e shpëton vetëm arratisja nga Shqipëria!Nëse ky është një moment tmerri për pushtetarët e korruptuar, nga ana tjetër ky është një moment shprese për Shqipërinë.
    Shqiptarët nga sot mund të fillojnë të shikojnë dritën në fund të tunelit.Mund të fillojnë të shikojnë nga e ardhmja.Mund të fillojnë procesin e ndërtimit të një shoqërie perëndimore, demokratike, ku qytetarët kanë të drejta.Ku pushtetarët varen nga votuesit dhe jo votuesit nga pushtetarët. Këtë duhet të bëjmë të gjithë bashkë.Ky është momenti që të shikojmë nga e ardhmja.Do të duhet kohë, do të duhet punë, do të duhet këmbëngulje dhe mbi të gjitha do të duhet besim.Të dashur qytetarë, ky është momenti për tu shkëputur përfundimisht nga e kaluara. Për të luftuar së bashku për ti dhënë më në fund Shqipërisë një qeveri të pakorruptuar.Ky është qëllimi i Partisë Mundësia, dhe ftojmë çdo shqiptar që endërron një vend ku mund t’ia dalësh me punë të ndershme, të na bashkoheni.

  • “Ramës dhe Ballukut i ka ardhur fundi”/ Pezullimi i zv.kryeministres, Shehaj: E shpëton vetëm arratisja nga Shqipëria

    “Ramës dhe Ballukut i ka ardhur fundi”/ Pezullimi i zv.kryeministres, Shehaj: E shpëton vetëm arratisja nga Shqipëria

    Kryetari i Partisë Mundësia Agron Shehaj e ka quajtur moment historik vendimin e Gjykatës së Posaçme kundër Korrupsionit dhe Krimit të Organizuar për pezullimin nga detyra të zv.kryeministres Belinda Balluku. Sipas Shehajt, po shkërmoqet një autokraci e korruptuar që ka sunduar për 35 vite ne Shqipëri.
    Nga Kryesia e Kuvendit, kryetari i Mundësia deklaroi se Rama po takohet tani me Ballukun në kryeministri, teksa përpiqen t’i shpëtojnë drejtësisë. Kreu i Mundësia e quan këtë një moment historik dhe teksa nënvizon se pas Ballukut, radhën për të dalë para drejtësisë e ka kryeministri për aferat korruptive që po heton SPAK, Shehaj thekson se “Edi Ramën e shpëton vetëm arratisja nga Shqipëria!”
    “Tani që po flasim, zv.kryeministrja e pandehur dhe me dy masa sigurie, dhe e pezulluar nga gjykata, është në zyrën e kryeministrit. Po bëjnë plane se si ti shpëtojnë drejtësisë. Por, Nuk kanë nga t’ia mbajnë. Të dashur qytetarë, ky është një proces i pandalshëm. Më në fund, edhe në Shqipëri, vendi i të korrputuarve është para drejtësisë. Edi Ramës dhe Belinda Ballukut i ka ardhur fundi. Tani ka ardhur momenti që Edi Rama të japë dorëheqjen! Edi Ramën e shpëton vetëm arratisja nga Shqipëria!”, u shpreh Shehaj.
    Kryetari i Partisë Mundësia deklaroi se ky është momenti për t’u shkëputur përfundimisht nga e kaluara. “Është momenti për të lufutar së bashku, për t’i dhënë më në fund Shqipërisë një qeveri të pakorruptuar”.
    Deklarata e plotë:
    Shqipëria po përjeton momentin më të rëndësishëm të historisë së saj, që pas rrëzimit të regjimit komunist. Po shkërmoqet një autokraci e korruptuar që ka sunduar mbi Shqipërinën këto 35 vjet. Të korruptuarit që kanë marrë peng këtë vend për mbi 3 dekada po dalin para drejtësisë. Po dalin para drejtësisë ata që kanë vjedhur popullin më të varfër në Europë.
    Po dalin para drejtësisë ata që kanë larguar nga Shqipëria miliona shqiptarë në gjithë botën. Po dalin para drejtësisë ata që u kanë mohuar shqiptarëve cdo të drejtë. Tani që po flasim, zv.kryeministrja e pandehur dhe e pezulluar nga gjykata është në zyrën e kryeministrit. Po bëjnë plane se si ti shpëtojnë drejtësisë. Por, Nuk kanë nga t’ia mbajnë.
    Të dashur qytetarë, ky është një proces i pandalshëm. Më në fund, edhe në Shqipëri, vendi i të korrputuarve është para drejtësisë. Edi Ramës dhe Belinda Ballukut i ka ardhur fundi. Tani ka ardhur momenti që Edi Rama të japë dorëheqjen!
    Edi Ramën e shpëton vetëm arratisja nga Shqipëria!Nëse ky është një moment tmerri për pushtetarët e korruptuar, nga ana tjetër ky është një moment shprese për Shqipërinë.
    Shqiptarët nga sot mund të fillojnë të shikojnë dritën në fund të tunelit. Mund të fillojnë të shikojnë nga e ardhmja. Mund të fillojnë procesin e ndërtimit të një shoqërie perëndimore, demokratike, ku qytetarët kanë të drejta. Ku pushtetarët varen nga votuesit dhe jo votuesit nga pushtetarët. Këtë duhet të bëjmë të gjithë bashkë.Ky është momenti që të shikojmë nga e ardhmja. Do të duhet kohë, do të duhet punë, do të duhet këmbëngulje dhe mbi të gjitha do të duhet besim.
    Të dashur qytetarë, ky është momenti për tu shkëputur përfundimisht nga e kaluara. Për të luftuar së bashku për ti dhënë më në fund Shqipërisë një qeveri të pakorruptuar. Ky është qëllimi i Partisë Mundësia, dhe ftojmë çdo shqiptar që endërron një vend ku mund t’ia dalësh me punë të ndershme, të na bashkoheni.

  • Rritja e Shqipërisë dhe meritat për Play Off, Jupi: Ju them çfarë ka ndryshuar

    Rritja e Shqipërisë dhe meritat për Play Off, Jupi: Ju them çfarë ka ndryshuar

    Kush e ka meritën për arritjen në Play Off të Shqipërisë? Ish-lojtari i Kombëtares, Redi Jupi në emisionin “Log”, në News 24, nuk hezitoi të bënte arsyetimin e tij.
    Sipas tij tani gama e përzgjedhjes së lojtarëve është me e zgjeruar. Ai shton gjithashtu se mundësia për pjesëmarrjen në kompeticione të mëdha, është rritur.

    “Ne në 2010-tën, kur unë u futa në ekipin kombëtar, ne kishim të drejtë të merrnim vetëm lojtarë nga Shqipëria. Nga Kosova kishim Hasin dhe Canën. Filluam të bënim pasaportat e shqiptarëve të Kosovës, pra para 15 vjetësh.
    Tani kanë ndryshuar kushtet, baza e përgjedhjes është më e gjerë. Tani Shqipëria ka marrë të gjitha ato përfitime nga këto. Kjo është arsyeja më e madhe më kryesore.
     

     
    Tani është rritur edhe mundësia që të kualifikohesh në kompeticione të mëdha.
    A di kush duhet të jetë objektvi i një institucioni? Kemi 15 mijë lojtarë që luajnë në Shqipëri, i shtojmë dot?

  • Kapri: Prokurorët e SPAK-ut po kërcënohen

    Kapri: Prokurorët e SPAK-ut po kërcënohen

    Deputeti i Partisë Mundësia, Erald Kapri thotë se Prokuroria e Posaçme kundër Korrupsionit dhe Krimit të Organizuar, po kërcënohet nga politika. Kapri theksoi se Partia Mundësia qëndron në mbështetje të SPAK-ut, teksa i bëri thirrje edhe partnerëve ndërkombëtarë që të reagojnë.
    “Janë kërcënuar prokurorët e SPAK-ut. Altin Dumani vetë tha para dy ditësh se presioni është i përditshëm, kërcënimet ndaj prokurorëve kanë shkuar deri në rrezik për atentate. “E gjithë kjo është shoqëruar me censurë dhe heshtje të orkestruar. Ne dënojmë me forcë sulmet ndaj SPAK-ut dhe i bëjmë thirrje komunitetit ndërkombëtar të ngrejë zërin pa vonesa”, tha Kapri.

    Sipas Kaprit, ka nisur hapur lufta e të korruptuarve kundër SPAK-ut. “Këta janë njerëzit që duan të mbysin drejtësinë, që duan t’i shpëtojnë dënimit dhe të vazhdojnë të vjedhin shqiptarët. Ne, Partia Mundësia, jemi dhe do të jemi në krah të drejtësisë. Nuk do të dorëzohemi. Kjo është beteja më e rëndësishme e Shqipërisë sot: beteja mes të ndershmëve dhe të korruptuarve”, u shpreh ai.

    “Unë besoj se shqiptarët e ndershëm nuk do të heshtin, e në fund, fiton e drejta. I bëjmë thirrje partnerëve tanë ndërkombëtarë: mos mbyllni sytë. Shikoni çfarë po ndodh në Shqipëri, një pushtet që po përpiqet të shkatërrojë drejtësinë për të shpëtuar veten”, përfundoi deputeti Kapri.

  • “Do të luftojmë deri në fund”/ “Mundësia” denoncon Belinda Ballukun: E pandehur nga SPAK, por vijon të jetë në detyrë

    “Do të luftojmë deri në fund”/ “Mundësia” denoncon Belinda Ballukun: E pandehur nga SPAK, por vijon të jetë në detyrë

    Partia “Mundësia” ka denoncuar zëvendëskryeministren dhe ministren e Infrastrukturës, Belinda Balluku, e cila vijon të mbajë detyrën edhe pse është nën hetim nga SPAK për abuzime me tenderat.
    Në një deklaratë, deputeti Erald Kapri, akuzon Qeverinë dhe kryeministrin Edi Rama për mbrojtje të hapur të zyrtarëve të përfshirë në skandale dhe thekson se “beteja kundër korrupsionit është sot beteja më e rëndësishme e Shqipërisë”.
    Kapri shtoi se “Mundësia” do të luftojë deri në fund kundër çdo hajduti, pavarësisht pushtetit apo funksionit që ai mban. Sipas Kaprit, SPAK ka vënë në shënjestër Edi Ramën, ndërsa kreu i SPAK ka ngritur zërin duke thënë se prokurorët janë kërcënuar deri në sulme fizike.
    Deklarata e plotë
    Të nderuar qytetarë,
    Nuk ka më dyshime. SPAK ka vënë në shënjestër Edi Ramën. Janë kërcënuar prokurorët e SPAK-ut. Altin Dumani vetë tha para dy ditesh se presioni është i përditshëm, kërcënimet ndaj prokurorëve kanë shkuar deri në rrezik për atentate.
    E gjithë kjo është shoqëruar me censurë dhe heshtje të orkestruar. Ne denojmë me forcë sulmet ndaj SPAK-ut dhe i bëjmë thirrje komunitetit ndërkombëtar të ngrejë zërin pa vonesa.
    Dhe çfarë bën Edi Rama? Kërkon haptas lirimin e Erion Veliajt dhe mban në krah Belinda Ballukun.
    Maskat ranë. Të gjitha ato, dekretet e Presidentit, zgjedhjet, rrëzimet, vendimet e Gjykatës Kushtetuese, ishin vetëm një lojë për të shpëtuar njerëzit e tij, që Rama të shpëtojë veten e tij.
    Edi Rama nuk po lëshon hajdutët e vet; ai po i mbron ata me çdo mjet, deri te përdorimi i Gjykatës Kushtetuese si një armë për t’i nxjerrë të lirë. Ka nisur hapur lufta e të korruptuarve kundër SPAK-ut. Këta janë njerëzit që duan të mbysin drejtësinë, që duan t’i shpëtojnë dënimit dhe të vazhdojnë të vjedhin shqiptarët.
    Ne, Partia “Mundësia”, jemi dhe do të jemi në krah të drejtësisë. Nuk do të dorëzohemi. Do të luftojmë deri në fund kundër çdo hajduti, çdo pushtetari dhe Edi Rames që ka vjedhur dhe mendon se mund të blejë drejtësinë.
    Kjo është beteja më e rëndësishme e Shqipërisë sot: beteja mes të ndershmëve dhe të korruptuarve. Unë besoj se shqiptarët e ndershëm nuk do të heshtin, e në fund, fiton e drejta.
    I bëjmë thirrje partnerëve tanë ndërkombëtarë: mos mbyllni sytë. Shikoni çfarë po ndodh në Shqipëri, një pushtet që po përpiqet të shkatërrojë drejtësinë për të shpëtuar veten.

  • Shehaj takim me përfaqësuesit e OSBE-së: Do luftojmë paktin Rama-Berisha për reformën zgjedhor

    Shehaj takim me përfaqësuesit e OSBE-së: Do luftojmë paktin Rama-Berisha për reformën zgjedhor

    Kryetari i Partisë Mundësia, Agron Shehaj njoftoi se sot i ka paraqitur OSBE-së shqetësimin për paktin Rama-Berisha për reformën zgjedhore.
    Sipas Agron Shehajt, marrëveshja për reformën zgjedhore synon eliminimin e alternativave të reja. Kreu i Mundësia deklaroi se do të luftojë që të ndalojë marrëveshjen Rama-Berisha, të cilën e quajti një atentat ndaj demokracisë dhe drejtësisë shqiptare.
    “Shqetësimin tonë për paktin Rama-Berisha për reformën zgjedhore, për eliminimin e alternativave të reja, ia përcollëm sot z.Rishi Datta, ekspert i zgjedhjeve pranë OSBE-së dhe ekipit të tij.
    Partia Mundësia do të luftojë që të ndalojmë këtë atentat ndaj demokracisë dhe drejtësisë shqiptare” – shkruan Agron Shehaj në një postim në rrjetin social Facebook.